Utval Kommunestyret Møtestad: Digitalt møte via Teams, vart overført direkte. Møtedato: 04.03.2021 MØTEPROTOKOLL Start kl.: 10.00 Slutt kl.: 17.00 Til stades på møtet Medl.: Forfall: Varamedl.: Frå adm. (evt. andre): Ivar Kvalen Marit Aakre Tennø Olav Høyheim Einan Knut Hauge Marianne Bugge Grethe Kristin Leirdal Per Steinar Sviggum Jørgen Lomheim Tang Charlotte Alme Bringe Andreas Wollnick Wiese Elin Hauge Morten Johan Hovland Vigdal Gunn Beate Thorsnes Lefdal Anette Stegegjerdet Norberg Lars Jørgen Kjærvik Kåre Hønsi Ernst Veum Geir Arve Sandvik Bård Flattun Lilleeng Beate Bondevik Lie Jon Ove Lomheim Oddmund Løkensgard Hoel, Anja Irene Hilleren-Fåberg, Ole Martin Bakken, Ingar Norberg, Beate Bondevik Lie Ann Kristin Sperle, Tom Idar Kvam (deltok ikkje på sak 7), Anne Lise Haukadal, Olaug Høyheim, Britt Brugrand. Svein Tore Heltne, sak 6. Rådmann Jarle Skartun, politisk sekretariat Anita B Ruud, IKT Endre Nordeide. Leiar i kontrollutvalet, Anders Bolstad i sak 2. Kommuneoverlege Knut Cotta Schønberg del av sak 7. Temamøtet: Ståle Brandshaug, Visit Sognefjord. Karina Nerland, Sogn Regionråd og Harald Husabø BDO Plansjef Knut Vidar Svanheld og kommuneplanleggar Oliver Bjørndal. Møtet var kunngjort i lokalavisa, på kommunen si heimeside og facebook. Medlemene hadde ikkje merknad til innkalling og sakliste. Side 1 av 7
SAKLISTE Saksnr. Tittel 1/21 21/534-1 Godkjenning av møteprotokoll 2/21 21/439-2 Årsmelding kontrollutvalet 2020 3/21 20/1689-4 Regionalplan for Sogn 2021-2024. Høyring 4/21 21/229-2 Vest Asfaltfresing AS. Søknad om finansiering 5/21 21/161-2 Luster Treningssenter AS. Søknad om Covid-19 støtte for 2020 6/21 19/251-22 Gaupne barnehage - utviding 7/21 21/544-1 Referatsaker, kommunestyret 4.3.21 Underskrifter: Vi stadfester at det som er ført i møteboka er i samsvar med det som vart vedteke på møtet. Møteprotokoll er sendt til: Medlemene, varamedlemer, rådmann, revisor, kontrollutvalet, biblioteket i kommunen, lokalavisa, NRK-Førde og Luster radio.
1/21 Godkjenning av møteprotokoll Det var ikkje merknad til møteprotokollen. Møteprotokoll frå møtet den 17.12.20 vert godkjent. Anette Stegegjerdet Norberg og Marit Aakre Tennø vert valde til å skrive under på møteprotokollen. 2/21 Årsmelding kontrollutvalet 2020 Leiar i kontrollutvalet, Anders Bolstad, orienterte kommunestyret. Kontrollutvalet si tilråding vart samrøystes vedteken. Kommunestyret tek kontrollutvalet si årsmelding for 2020 til orientering. 3/21 Regionalplan for Sogn 2021-2024. Høyring Karina Nerland, Sogn Regionråd og Harald Husabø, BDO, informerte kommunestyret på temamøtet på føremiddagen. Presentasjonen deira ligg ved møtedokumenta. Tilleggsframlegg frå AP v/elin Hauge: Arbeidet til Sogn Regionråd og rolla til Sogn Regionråd må forankrast i dei ulike kommunane, td ved at formannskapa/kommunestyret møtast fast, 1 gong per halvår, og at ein forpliktar seg meir til Sogn Regionråd sitt arbeid. Formannskapet si tilråding med tilleggsframlegg frå AP vart samrøystes vedteken.
Luster kommune meiner satsingsområda i planen er gode. Planen skapar eit godt grunnlag for eit styrka regionalt samarbeid, og gjev eit godt kunnskaps- og avgjerdsgrunnlag for vidare arbeid. Planen har god samanheng med viktige område i Luster kommune sitt utviklingsarbeid, og innhaldet i planen er relevant i samband med kommuneplanprosessen som kommunen har starta opp no. Det er vesentleg at satsingsområda i planen vert følgde opp med reell vilje og ressursar til gjennomføring. Arbeidet til Sogn Regionråd og rolla til Sogn Regionråd må forankrast i dei ulike kommunane, td ved at formannskapa/kommunestyret møtast fast, 1 gong per halvår, og at ein forpliktar seg meir til Sogn Regionråd sitt arbeid. 4/21 Vest Asfaltfresing AS. Søknad om finansiering Formannskapet si tilråding vart samrøystes vedteken. Vest Asfaltfresing AS får eit utviklingstilskot stort kr 125.000 kr. Tilskotet vert finansiert av post 32503 14703. Vest Asfaltfresing får eit lån stort kr 2 mill kr i næringsfondet. Lånet vert gjeve med ein rente- og avdragsfri periode på to år og skal deretter betalast ned over 13 år. Lånet er eit pantelån. 5/21 Luster Treningssenter AS. Søknad om Covid-19 støtte for 2020 Det vart reist spørsmål om Anette Stegegjerdet Norberg og Gunn Beate T Lefdal er ugilde som tilsette på treningssenteret. Rådmannen og ordførar tilrådde at dei ikkje var ugilde, pga svært avgrensa private interesser i saka. Kommunestyret hadde ikkje merknad til desse vurderingane. Formannskapet si tilråding vart samrøystes vedteken. For å sikre vidare drift får Luster Treningssenter AS eit korona tilskot på kr 365 000. Tilskotet vert dekka over næringsfondet.
6/21 Gaupne barnehage utviding Elin Hauge gjekk frå som ugild grunna tilsetjingsforhold/leiarfunksjon i Gaupne barnehage. Svein Tore Heltne møtte som vara. Formannskapet si tilråding frå møte den 17.02.21: 1) Kommunestyret vedtek utviding av Gaupne barnehage etter alternativ A, utviding på eksisterande tomt, som skal gi rom for 18 nye barnehageplassar og betra personalfasilitetar. 2) Løysinga vert sett i samanheng med lavvo og sanitæranlegg ved eigna uteområde, Røslebakkane. Påstarta arealreguleringsarbeid skal ha som målsetjing å utvida uteleikeområdet ved eksisterande tomt. 3) Kommunestyret set kostnadsramma for tiltaket til 15 million kroner. Løyvinga vert innarbeidd og finansiert ved budsjettregulering, seinast ved halvårsrapporten for budsjett 2021. 4) Rådmann vert bedd om å leggja fram nærare vurderingar på å utvida plasstalet til 24 nye plassar i alternativ A, før saka vert lagt fram for kommunestyret. Kommunestyret 4.3.21: Rådmannen informerte om at han etter formannskapet si handsaming har lagt fram notat, i tillegg til notat frå arkitektkontoret. Notata vart utlagt på saka tidleg i veka. Vidare informerte rådmannen om uprenta vedlegg i saka, eit skriv frå advokat til grunneigar som ber om at saka vert stilt i bero ei tid, og innspel frå nabo v/friområde som velforeininga disponerar. Framlegg frå AP v/kåre Hønsi: For å møte framtida sitt behov for tal plassar og fleksibilitet i Gaupne barnehage vert barnehagen utvida med ei ny avdeling på 24 plassar, totalt 138 plassar for barnehagen. For å sikre forsvarleg uteområde i samsvar med arealkrav, naudsynt tid til planlegging, forhandlingar, avklaringar og bygging samt forsvarleg drift av barnehagen fram til nytt bygg er ferdig: Det vert etablert ei mellombels løysing med 24 plassar som skal fungere frå dispensasjonen til raud avdeling går ut til nytt bygg er ferdig. Basert på den varsla planendringa tek rådmannen omgåande opp att forhandlingar om nabotomta med mål om å kjøpe eller oreigne arealet. Tilleggsframlegg til formannskapet si tilråding dersom fyrste framlegg frå AP fell. Frå AP v/anette Stegegjerdet Norberg: Rådmannen legg fram ei sak som vurderer behov for eit eventuelt byggjesteg 2 for Gaupne barnehage innan juni 2023.
Røysting: AP sitt primære framlegg fekk 10 røyster, (AP, H og Krf) og fall. Det vart deretter røysta over formannskapet si tilråding med tilleggsframlegg frå AP. Dette vart samrøystes vedteke. 1) Kommunestyret vedtek utviding av Gaupne barnehage etter alternativ A, utviding på eksisterande tomt, som skal gi rom for 18 nye barnehageplassar og betra personalfasilitetar. 2) Løysinga vert sett i samanheng med lavvo og sanitæranlegg ved eigna uteområde, Røslebakkane. Påstarta arealreguleringsarbeid skal ha som målsetjing å utvida uteleikeområdet ved eksisterande tomt. 3) Kommunestyret set kostnadsramma for tiltaket til 15 million kroner. Løyvinga vert innarbeidd og finansiert ved budsjettregulering, seinast ved halvårsrapporten for budsjett 2021. 4) Rådmannen legg fram ei sak som vurderer behov for eit eventuelt byggjesteg 2 for Gaupne barnehage innan juni 2023. 7/21 Referatsaker, kommunestyret 4.3.21 På føremiddagen var det temamøte med slikt program. 10.00-10.45 Visit Sognefjord Masterplan og reiselivet i Sogn i desse Koronatidene, v/ Ståle Brandshaug, reiselivsdirektør. 10.45-12.00 Regionalplan Sogn Regionråd og Luster i Sogn, v/ Karina Nerland, dagleg leiar og Harald Husabø partner/rådgjeving BDO. 12.30-13.45 Kommuneplanarbeidet. Satsingsområde og hovudmål i kommuneplanen sin samfunnsdel. Presentasjonane ligg ved møtedokumenta. Framlagt: Orienteringssak frå kontrollutvalet, møtebok ktr.utv sak 4/21 referert. Gjeld tiltakssøknad om å bygge ilandstigningsbrygge ved naust i Solvorn. Fsk. sak 6/21. Budsjett 2021 orientering - referert.
Det var ikkje spørsmål til dei framlagde skriva. Orientering i møtet: Status Korona orientering frå kommuneoverlege og rådmann. Presentasjon ligg ved møtedokumenta. Rekneskap 2020 orientering frå rådmann. Presentasjon ligg ved møtedokumenta. Interpellasjon frå Gunn Beate T Lefdal, Handlingsplan i Lustraskulen. Svar med vedlegg frå ordførar. Dokumenta ligg vedlagt møteprotokollen. Gunn Beate T Lefdal takka for svaret. Ho etterspurde meir konkrete tiltakskort ved hendingar og felles planar for alle skular. Ordføraren sa at han synspunkta blir notert og han vil ev gje meir presist svar ved eit seinare høve. Open post: Ernst Veum stilte spørsmål om rapportering på bruken av næringsfondet. Det er uheldig at kommunestyret får vite gjennom media korleis det går med firma som kommunen har gjeve støtte til. Ordføraren sa at næringsutvalet får jamleg informasjon. Rådmannen sa at rapportering er drøfta i næringsutvalet. Rådmannen vil lage eit framlegg til rapportering til politisk nivå på korleis desse sakene utviklar seg. Jon Ove Lomheim viste til at Vestland fylkeskommune har avsett midlar til tiltak som legg til rette for omstilling og utvikling, som m.a skal hjelpe kommunane til å styrke næringsgrunnlag. Er dette midlar som kommunen vil søkje på? Rådmannen svara at Luster ikkje har søkt. I lag med SR kommunane er det søkt på prosjektet; Sogn for alle og på prosjekt Kvalitetsheving av bygningsdata i matrikkelen. Digitaliseringsprosjekt, som og Luster kommune kan bli ein del av, er aktuelle/prioriterte for tildeling. Ordførar avslutta med å informere om at han, etter drøftingar i reglementsutvalet, vil arbeide for å vidareutvikle ein informasjonsbolk i kommunestyret, m.a om regionalt arbeid. Nytt no er at Hilmar Høl er blitt ny leiar i Sogn Regionråd. Det vart ikkje gjort vedtak i saka.