Årsmøte 2011. Ænes og Mauranger Bygdalag Søndag 19. februar kl. 14.00 2012. i Samfunnshuset Årsmøte startar kl. 14.00. Under årsmøte vert det vist film for borna. Kl. 15.00 vert det servert kjøttkaker m/dessertbord. Prisen på middag m/ dessertbord vert kr. 50,- pr. person. For born under 12 år er middagen gratis. Etter middagen vert det bingo. Ta sundagsmiddagen i Samfunnshuset denne dagen, vonar vi får ei hyggeleg samkoma. Alle er hjarteleg velkomne!
Sakliste til årsmøte: 1. Opning 2. Registrering av frammøte 3. Godkjenning av innkalling og sakliste 4. Val av møteleiar og skrivar 5. Val av to til å skriva under møteboka 6. Årsmelding 2011 7. Rekneskap 2011 8. Val etter vedtektene A. Leiar for 1 år på val Anfinn Bakke B. 1 styremedlem for 2 år på val Linn Øyre C. 3 personlege varamedlemer til styret for 1 år. D. 2 revisorar for 1 år E. 5 medlemer til valnemnd for 2 år F. Val av leiar for valnemnda for 1 år 9. Fastsetjing av kontingent for 2012 Etter årsmøte vert det høve å koma med innspel til det nye styret. Kom gjerne med forslag.
ÅRSMELDING 2011. Ænes og Mauranger bygdalag. Styret. I styret har vore Anfinn Bakke - leiar, Linn Øyre nestleiar, Andres G. Gjerde skrivar, Trygve Fredheim kasserar. Styret har hatt 4 møter, og 15 saker er handsama. Medlemane. Inntekta frå medlemskontingenten var i fjor var kr 7.550,00. Det er ein auke på kr. 1.800,00. Utdrag frå vedtektene: Bygdalaget skal vera eit samlande organ for bygdene våre, og skal arbeida for generell bygdeutvikling. Tiltak som kan vera med å styrkja busetnad, arbeidsplasser, trivsel, samhald og samarbeid skal prioriterast. Laget skal ha ansvar for tilstellingar og aktivitetar både for unge og gamle. Her er det mange store og viktige arbeidsoppgåver å ta tak i. God og aktiv støtte frå dei som bur i bygdene er eit viktig bidrag i dette arbeidet. Kjenner du nokon som ikkje er medlem så prøv å få dei med på laget. Styret takkar for god oppslutning i 2011. Økonomi. Overskotet for 2011 var kr. 59.226,70. Dei største inntektene var: Revyen om lag kr. 30.000,-, gåver kr. 28.120,-, grasrotandelen kr. 12.190,- og mauranger.no kr. 10132,-. Samla utgifter var kr. 30.308,-. Bankinnskotet ved årsskiftet var kr. 151.674,-. Utanom dette har bygdalaget, - etter søknad,- fått gåve frå Sparebank 1-stiftinga Kvinnherad på kr. 25.000,-. Gåva skal nyttast til kjøp av mikrofonar (myggar). Denne gåva er ikkje teke med i rekneskapen for 2011 då utbetaling har skjedd i 2012. Tilskipingar Aktivitetar. Det var berre ein tilstelling i 2011, og det var revyen 12.november. Det vart selt 163 billettar, - huset var fullt. Det var lagt opp til ein god gamaldags haustfest med revy, middag og dans etterpå. Andre aktivitetar/tiltak: - Leikarring for born. - Kjøp av bålpanne til barnehagen. - Kjøp av mat til julegrantenninga. (Samling/basar i Olaløo.) - Mat og gåver til julefesten på skulen. - Ballnett til vollyball gruppa kr. 5.186,-. - Oppretta ny undergruppe, - Juniorgruppa, - avsett til eigenkapital kr. 5.016,-. - Innsamling av pengar til TV-aksjonen.
Sluttord. Sjølv om det skulle vera ynskjeleg med større aktivitet, har laget hatt eit svært godt økonomisk år. Aktivitet har alltid ein pris. Ei fornuftig styring av eigenkapitalen gjev grunnlag for større aktivitet i året/åra som kjem. Styret vil takka alle som har brukt tid og krefter på å hjelpt til i arbeidet vårt i året som gjekk. Utan så god støtte vil drifta av laget bli vanskeleg. Har du forslag til tilstellingar, - tiltak, - aktivitetar, som vi kan starta opp med i 2012, så ta kontakt med styremedlemene, eller møt opp på årsmøte. Styret Forslag til tilstellingar tiltak aktivitet i 2012. 12. januar Juniorklubb: Quiz m/pølsekiosk 2. Februar Juniorklubb: Spel m/taco 19. fenruar Årsmøte servering av kjøtkakemiddag m/dessertbord bingo 23. februar Juniorklubb: Pysjamasparty m/spel og leik 29. mars Juniorklubb: Påskerebus 23. juni Me vil arbeida for å skipa til felles jonsokfeiring for alle bygdane. Stad? 25. august Me vonar å få til eit motbakkeløp Folgefonna opp frå Sundal og til Fonnabu og Gardshamar. (Eliteklasse til Fonnabu tidtaking. Trimklasse dame/herre over 16 år, dame/herre under 16 år, samt turklasse går til Gardshamar. Tilskiping for dei dei minste, - kanskje på Sandarvollen? Meir detaljert program er ikkje klart enno. Hausten Nytt program for Juniorklubben vil bli utarbeidd.
Ænes og Mauranger Bygdalag Rekneskap 2011. Tap og vinning 31/12 2011. Tilskot/gåver 28.120,00 Medlemspengar 7.550,00 Grasrotandelen 12.190,94 Tilstellingar 30.752,61 Ymse inntekter 212,00 Mauranger.no 10.032,94 Vollyball gruppa 5.186,29 Bank gebyr 12,50 Ymse utgifter 25.110,00 Renteinntekter 677,00 Overskot 2011 59.226,70 -------------------------- ---------------------------- 89.535,49 89.535,49 -------------------------- ---------------------------- Balanse 1/1 2012. Eiga: Kasse 1.376,00 Bank 3460.20.50302 151.674,53 ----------------- Sum eiga 153.050,53 ----------------- Gjeld: (Eigenkapital.) Bygdalaget -122.728,88 Mauranger.no - 24.747,94 Vollyball gruppa - 557,71 Junior gruppa - 5.016,00 ------------------- Sum gjeld -153.050,53 ------------------- Revidert den Hanne Sandvik Harald Solheim