ÅRSMELDING FOR OPPLAND JOURNALISTLAG ARBEIDSÅRET 2006 Frå gågata i Lillehammer som var ankerpunkt for medlemma i NJ og KL i NRK då streiken var eit faktum. på Biletet ser vi Maria Ekerholt, Erik Jakobsen og Mari Taraldsrud. 1.0 Arbeidsåret 2006 - oppsummering På styremøtene (sjå pkt. 1.1) har vi hatt ulike tema til drøfting. Faste postar har vore økonomi, planleggjing av arrangement, årsmøte samt nytt frå klubbane. Oppland og Hedmark er dei to einaste lokallaga i NJ som ikkje har ei felles journalistkonferanse. Dette er etterlyst frå NJ si side og vi i styret meiner så absolutt at vi burde ha fått til eit slikt arrangement som dei har i andre lokallag. Hedmark Journalistlag måtte avlyse sitt arrangement på Rudshøgda 22. april på grunn av lita interesse. Styret meiner årsmøtet bør diskutere kva slags konferansetema dei kan vere interesserte i.
1.1. Møter Journalistikkens kår er under press, sjølv om det kan virke rimeleg trygt i Oppland og Hedmark. Naturleg nok kom arbeidsåret 2006 til å dreie seg om lønstingingane i både aviser og NRK (sjå pkt. 1.3). Tingingane endte med løysing i MBL-oppgjeret, medan NRK gjekk til streik. I ettertid har og P4 kome i hamn med sitt oppgjer. Leiar Torvild Sveen hadde kontakt med dei respektive streikeledeiarane, men det vart mykje fokus mot NRK i og med at dei hamna i konflikt. Difor beklagar leiaren at det ikkje vart så mykje oppmerksomhet om dei andre klubbane. Som ny i rolla som streikeleiar var det mykje å setje seg inn i. Oppland Journalistlag har prøvd å koordinere ulike tiltak, men i ein slik situasjon blir mange seg sjølv nærast. Mellom anna prøvde vi å samle klubbane i NRK, GD og P4 på Lillehammer på ei vake i samband med MBL-oppgjeret der, men få møtte opp. Arrangementet som var planlagd på Gjøvik kolliderte med Hadeland sin sumarfest. Styret i Oppland Journalistlag har berre vore samla to gonger i felles møte. Fyrste møte var på Honne, Biri og det andre møtet var i OAs hus på Gjøvik. Eit tredje styremøte vart planlagd, men måtte avlysast då vi ikkje vart røysteføre. Turnusar og ulik arbeidstid gjer det vanskeleg å få alle saman til å møtast. Spesielt dårleg ut har NRK-folk kome fordi NRK på grunn av ei konflikt ikkje let medarbeidarar ta del i lokallagsarbeidet utan at dei blir trekt i løn ved fråvèr. Utover dette har leiar Torvild Sveen vore med på landsråd i Oslo før tingingane i avisene og NRK. Han har og møtt leiaren i Hedmark Journalistlag for å drøfte ting vi kan gjere saman.
Vidare arrangerte NJ tariffkonferanse på Gjøvik, der leiaren var saman med klubbleiarane for avisene i Oppland og Hedmark. Tillitsråd med klubbleiarane vart avholdt 27. oktober der lokale avtaler og journalistkonferanse for innlandet var tema. Kommunikasjon mellom styremedlemma har elles vore via straumpost og tekstmeldinger. 1.2 Økonomisk oversyn Det blir vist til eigen rekneskapsrapport frå kasserar Mona Strande. Strande har for øvrig gjort ein god jobb med rekneskapen, trass i at ho eigentleg ikkje er medlem i OJ lenger då ho bytta arbeid i arbeidsåret. Rutinane for føringa av rekneskapen blir no endra i NJ. Kasseraren i OJ skal sørgje for at bilag og slik blir betalt, mens NJ skal ta seg av sjølve bokføringa. Dette vil gjere arbeidet for kasseraren lettare. Frå streikevaka mellom NRK på Fagernes og NRK på Gol. Frå venstre Jan Erik Helleren og Gunnar Grimstveit.
1.3 Streiken og førebuingane til streiken 2006 NRK: Streiken i NRK vart avvikla på ein grei måte. Streikevaktene fungerte og det var bra trøkk og godt samhald. Fleire sosiale samlinger vart det og, det var og møte med Hege Holm frå den sentrale streikekomiteen på Lillehammer. Folk som NRKJ-arane møtte i gata hadde forståing for krava og det gjorde det lettare å målbère streiken. Resultatet er det delte meiningar om, noko årsmøtet i NRKJ og bar preg av. Mellom anna savna fleire medlemmer meir informasjon om tingingane. AVISENE: Førebuingane til streik gjekk greit, men det var med blanda kjensler at folk mobiliserte. Vi er særs nøgd med at vi klarte å forhandle saman med dei øvrige tariffpartane, som grafisk og HK. Det same gjaldt og NRK som samarbeida med KL og TF. Avisene var nøgde med med pensjonsordninga, men dei sentrale avtalene ga få kroner. Det er noko NJ må ta meed seg vidare; det er flate tilegg ein ynskjer seg aller mest. Frå streikemøte på verandaen hjå Ruth Barsten på Lillehammer.
1.4 Resultat frå lokale oppgjer GD: OA: 105.000 kroner i utjamningspott, elles 6.500 i tillegg til kvar. I enkelte tilfeller er det over 100.000 kroner i skilnad på lik ansiennitet! Den lokale avtalen står nå for tur. Telefon er eit sentralt tema der, på grunn av nye skatteregler. 10.900 kroner i snitt til alle, men profilen frå sentralt oppgjer vart oppretthaldt, det vil seie ein «eldreprofil». Hadeland: 8.000 til alle, pluss 10.000 til ein person. Store skilnader i redaksjonen gjer dette naudsynt. P4: Årets oppgjer innebèr at alle NJs medlemmer i P4 får eit lønstillegg på 15 000 kroner med virkning frå 1. april. I tillegg blir det 20 kroner meir på morgontillegget (520 på årsbasis per medlem). 2006-lønna vil i snitt bli 17 690 kroner høgare enn i 2005 i P4. Valdres: Lønnstingingane pågår framleis og møtast måndag 30. oktober. 1.5 Prisutdelinger Fotoprisen for 2005 gjekk til Torbjørn Olsen, GD. Journalistprisen for 2005 gjekk til Jan Erik Helleren, NRK Hedmark og Oppland. Årets fotopris og årets journalistpris for 2006 delast ut i samband med årsmøtet 28. oktober 2006. Styret i Oppland Journalistlag, 25. oktober 2006. Torvild Sveen Asbjørn Risbakken Mona Strande Leiar Fagleg sekretær Kasserar June P. Martinsen Tore Åsvestad Helge B. Rønning Styremedlem 1. varamedlem 2. varamedlem Madeleine Cederström 3. varamedlem