GLOPPEN KOMMUNE KULTUR- OG MILJØUTVALET MØTEBOK

GLOPPEN KOMMUNE KULTUR- OG MILJØUTVALET MØTEBOK Møtedato: 16.09.2014 Møtetid: Kl. 09:00 10:05 Møtestad: Heradshuset Saksnr.: 054/14-060/14 Desse medlemmene møtte: Dagfinn Nyhammer Peder Lofnes Hauge Hege Lothe Parti H V SV Forfall/møtte ikkje Parti Følgjande varamedl. møtte Parti Kristin Sandal Sp Kent Øystein Hjelle Sp Olaf Sigurd Gundersen Sp Ole Arild Aa Sp Ugilde Sak i forv.lova Følgjande varamedl. møtte Møteleiar: Dagfinn Nyhammer Frå adm. møtte: Kultursjef Jan-Kjetil Øygard Utlevert i møtet: Orientering: Sjå sak 55/14! Sp.mål/interpell.: Synfaring: Diverse: Underskrifter: Dagfinn Nyhammer Side 1

SAKLISTE Sak nr. Sakstittel 054/14 Godkjenning av møtebøker, innkalling og sakliste 055/14 Referat- og orienteringssaker 056/14 Delegering av mynde til å handsame saker etter lov om motorferdsel i utmark 6 administrativt 057/14 Forvaltningsplan for hjort 2014-2017 - sluttbehandling 058/14 Sandane Turn og Idrettslag - søknad om kommunal lånegaranti i samband med bygging av fotballhall 059/14 Gloppen kulturskule - betalingsstruktur og syskenmoderasjon 060/14 Klatrepark i Gloppen - bruk av løyvde midlar Side 2

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Kultur- og miljøutvalet 16.09.2014 054/14 Avgjerd av: Kultur- og miljøutvalet Saksbehandlar: Jan Kåre Fure Arkiv: 033 Objekt: Arkivsaknr.: 14/1387-1 Godkjenning av møtebøker, innkalling og sakliste Møtebøkene frå kultur- og miljøutvalet sine møte den 3. juni, 22. og 28. juli blir lagde fram til godkjenning. Dei to sistnemnde møta vart gjennomførde etter reglane om skriftleg saksbehandling. Samstundes ber leiaren i kultur- og miljøutvalet om godkjenning av innkallinga og saklista til dette møtet. RÅDMANNEN SI TILRÅDING: 1. Kultur- og miljøutvalet godkjenner møtebøkene frå sine møte den 3. juni, 22. juli og 28. juli 2014 2. Kultur- og miljøutvalet godkjenner innkallinga og saklista til møtet den 16. september 2014. 16.09.2014 KULTUR- OG MILJØUTVALET 054/14 VEDTAK: 1. Kultur- og miljøutvalet godkjenner møtebøkene frå sine møte den 3. juni, 22. juli og 28. juli 2014 2. Kultur- og miljøutvalet godkjenner innkallinga og saklista til møtet den 16. september 2014. Vedtaket var samrøystes. Side 3

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Kultur- og miljøutvalet 16.09.2014 055/14 Avgjerd av: Kultur- og miljøutvalet Saksbehandlar: Jan-Kjetil Øygard Referat- og orienteringssaker Arkiv: 033 Objekt: Arkivsaknr.: 14/1386 Refererte skriv og meldingar: Nr Dok.ID T Dok.dato Avsendar/Mottakar Tittel 1 14/9145 I 07.07.2014 Lucas Elia Rosenstock- Helland 2 14/9600 U 23.07.2014 Lucas Elia Rosenstock- Helland Orienteringssak: «Årets gloppar». Innkomne framlegg og vidare behandling. Framlegg til namneendring på veg i Gloppen kommune Tilbakemelding på framlegget om namneedring Møtet må lukkast under denne orienteringssaka sidan det er naturleg å kome inn på aktuelle namngjevne kandidatar. Heimelen for å lukke møtet er kommunelova 31, nr 5, som lyder slik: Et folkevalgt organ kan vedta å lukke et møte når hensynet til tungtveiende offentlige interesser tilsier det, og det vil komme fram opplysninger i møtet som kunne ha vært unntatt offentlig innsyn etter lov 19. mai 2006 nr. 16 (offentleglova) dersom de hadde stått i et dokument RÅDMANNEN SI TILRÅDING: Kultur- og miljøutvalet har ingen merknader til dei refererte breva. 16.09.2014 KULTUR- OG MILJØUTVALET 055/14 VEDTAK: 1. Kultur- og miljøutvalet har ingen merknader til dei refererte breva 2. Saka om «Årets gloppar» vart drøfta og teken opp att i neste møte. Vedtaket var samrøystes. Side 4

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 16.09.2014 056/14 Avgjerd av: Kommunestyret Saksbehandlar: Peter Andresen Objekt: Arkiv: K01 Arkivsaknr.: 14/385-42 Delegering av mynde til å handsame saker etter lov om motorferdsel i utmark 6 administrativt Ingen vedlegg. Bakgrunn for saka: For å lette handsaminga av motorferdselssaker i utmark, legg rådmannen fram forslag om å få delegert mynde til å handsame saker etter 6 i lov om motorferdsel i utmark og vassdrag. Saksutgreiing: Etter lova er all motorferdsel i utmark og vassdrag i utgangspunktet forbode. For å kunne få løyve må dette vere heimla i lova eller ei lokal vedteken forskrift. Gloppen kommune har ei slik forskrift for bruk av elektrisk motor på utvalte vatn. I tillegg kan løyve gjevast etter søknad, jamfør lova si 6 og forskrift for motorkøyretøyer i utmark etc. 5 og 6. Mynde etter 5 i forskrifta ligg i dag til rådmannen, medan mynde etter 6 i lova og 6 i forskrifta ligg til kultur- og miljøutvalet. Forskrifta si 6 gjeld for dispensasjon til bruk av motorkøyrety. Dette myndet kan ikkje delegerast til rådmannen. Lova sin 6 er for bruk av motorfartøy eller luftfartøy, som i dei fleste tilfelle vil vere bruk av helikopter. 6 i lova har fylgjande ordlyd: 6. (tillatelser etter søknad). Når særlige grunner foreligger, kan kommunen gi tillatelse til bruk av motorfartøy eller luftfartøy som ellers ikke kan finne sted etter denne lov eller med hjemmel i loven. Tillatelse etter første ledd kan gis for bestemte høve eller for bestemte tidsrom. Kommunen kan sette vilkår for tillatelsen. Kommunens vedtak kan påklages til fylkesmannen. Etter rundskriv T-1/96 om lov om motorferdsel i utmark og vassdrag av 10. juni 1977 nr. 82 kan dispensasjonssaker etter 6 delegerast til rådmannen: Myndigheten til å avgjøre enkeltsøknader etter 6 er lagt til kommunen. Myndigheten tilligger i utgangspunktet kommunestyret. Kommunestyret kan imidlertid delegere sin myndighet til formannskapet, kommunale nemnder og fast ansatte tjenestemenn, eller eventuelt til en egen nemnd opprettet i medhold av kommunelovens 10 Økonomiske konsekvensar for kommunen: Side 5

Ingen. Rådmannen si vurdering: Som situasjonen er i dag, skal alle saker som vedkjem landingsløyve med helikopter handsamast av kultur- og miljøutvalet. Rådmannen meiner at dette gjer handsaminga meir komplisert enn nødvendig og fører til lang ventetid for søkjarar. Helikopterflyging og landing må ofte skje når vêret er bra og søkjar vil ofte prøve å koordinere med andre helikopteroppdrag for å halde kostnadene nede. Dette fører til at søkjarar ofte ønskjer ei rask handsaming av sakene noko som kan vere vanskeleg å imøtekome i dagens situasjon. I tillegg vil mange av søknadene kome i sommarperioden der det er få politiske møte. Slike søknader vert behandla skriftleg. Rådmannen meiner at dette er unødig ressurskrevjande for saker som oftast er kurante. I forhold til motorferdsel i landskapsvernområde har rådmannen saman med verneområdeforvaltaren forsøkt å forenkle søknadsprosedyren, slik det vert mindre byråkratisk for søkjarar. Regelverket er slik at det krevjast løyve frå både verneområdestyret og kommunen. Verneområdeforvaltaren har delegert mynde til å handsame saker med luftfartøy administrativ og difor vil kommunen sin handsaming ofte føre til lang ventetid for søkjar. Rådmannen ser at slike saker kan handsamast raskare og meir effektiv dersom han får delegert mynde etter 6 i lova. Slik rådmannen ser det, er landing med helikopter ofte lite kontroversielt og fører sjeldan til skader i terreng samanlikna med køyring på barmark og med snøskuter. Sidan flyging med helikopter er relativt dyrt, vil flyginga oftast avgrense seg til eit minimum. Dersom det frå politisk side er ønskje om å påverke flyging og landing med helikopter i Gloppen kommune, meiner rådmannen at dette ikkje treng å skje gjennom enkeltsaker, men kan i staden skje gjennom dei generelle retningslinjene for motorferdsel i utmark, som var lagde fram for kultur- og miljøutvalet i sak 011/14. RÅDMANNEN SI TILRÅDING: Kultur- og miljøutvalet delegerer sitt mynde til å fatte vedtak etter 6 i lov om motorferdsel i utmark og vassdrag til rådmannen. Fullmakta gjeld frå vedtaksdato. 16.09.2014 KULTUR- OG MILJØUTVALET Kultur- og miljøutvalet meiner det skal vere kommunestyret som fattar delegasjonsvedtaket. 056/14 VEDTAK: Tilråding frå kultur- og miljøutvalet: Kommunestyret delegerer til rådmannen å fatte vedtak etter 6 i lov om motorferdsel i utmark og vassdrag. Fullmakta gjeld frå vedtaksdato. Side 6

Innstillinga var samrøystes. Side 7

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 16.09.2014 057/14 Avgjerd av: Kommunestyret Saksbehandlar: Peter Andresen Objekt: Arkiv: K40 Arkivsaknr.: 12/539-9 Forvaltningsplan for hjort 2014-2017 - sluttbehandling Vedlegg: Dok.nr Tittel på vedlegg 229802 Forvaltningsplan for hjort 2014-2017 - Sluttversjon Frå tidlegare behandling av saka: Bakgrunn for saka: I fylgje forskrift om forvaltning av hjortevilt skal kommunen vedta målsetjingar for utviklinga av bestandane av hjortevilt. Gloppen kommune har per dags dato ikkje vedteke mål og difor vert det lagt fram forslag til ein forvaltningsplan med målsetjingar for hjorten. Saksutgreiing: Då den nye forskrifta om forvaltning av hjortevilt tredde i kraft i 2012, blei det innført krav om at alle kommunar der det er opna for hjortejakt, skal vedta kommunale mål for bestanden. I forskrifta si 3 står det at: Kommunen skal vedta målsettinger for utviklingen av bestandene av elg, hjort, og rådyr der det er åpnet for jakt på arten(e). Målene skal blant annet ta hensyn til opplysninger om beitegrunnlag, bestandsutvikling, skader på jord- og skogbruk og omfanget av viltulykker på veg og bane. Ut ifrå dei føringane som ligg i rundskrivet til forskrifta har det blitt laga til eit utkast forvaltningsplan med kommunale mål for hjortebestanden. Planen er laga i dialog med kommunen sit hjorteutval som består av representantar frå storvalda i kommunen. Det er lagt opp til at planen skal rullerast kvart fjerde år. Økonomiske konsekvensar for kommunen: Ingen. Rådmannen si vurdering: Forvaltningsplanen gjev ei oversikt over hjortebestanden i Gloppen kommune. Den er oppbygd slik at fyrste delen samlar all tilgjengeleg informasjon om hjorten og omtalar Side 8

utviklinga fram til dagens hjortebestand. Andre halvdel av planen er dei kommunale måla. Måla i den kommunale forvaltningsplanen vil sette rammene for den målretta tildeling av fellingskvotar til vald utan bestandsplanar. Samstundes vil den òg bli styrande for vald med bestandsplanar sidan måla for dei einskilde vald ikkje kan vere i strid med dei kommunale måla. Ved å rullere planen etter 4 år, vil det vere høve til å evaluere om måla er nådd og kome med justeringar i forhold til både bestandsutvikling og måloppnåing. For å sikre at alle grupper og interessentar får høve til å kome med innspel til planen, ynskjer rådmannen å sende denne på høyring før planen vert lagt fram for kommunestyret. RÅDMANNEN SI TILRÅDING: Kultur- og miljøutvalet viser til rådmannen sine vurderingar og vedtek å legge framlegget til forvaltningsplan for hjort for 2014-2017 ut på høyring med 1. juli 2014 som høyringsfrist. 13.05.2014 KULTUR- OG MILJØUTVALET 022/14 VEDTAK: Kultur- og miljøutvalet viser til rådmannen sine vurderingar og vedtek å legge framlegget til forvaltningsplan for hjort for 2014-2017 ut på høyring med 1. juli 2014 som høyringsfrist. Vedtaket var samrøystes. Nye opplysningar i saka: Forvaltningsplan for hjort for 2014-2017 har vore ute på høyring. Før utløp av høyringsfristen 01.07.14 kom det inn fråsegn frå Jurahesten hjortevald og Gloppen Nordside Hjortevald. I tillegg kom det eit munnleg innspel frå Joar Helgheim i fylkeskommunen. Saksutgreiing: Punkta som kom fram i fråsegna, er som fylgjer: 1. I bestandsmålet «3.2.1 Bestandsstorleik» står det: «Tilbakemeldingane frå grunneigarane er, at det noverande omfanget av hjorteskadar i jord- og skogbruk er på eit høveleg nivå.» I begge fråsegnene vert det foreslått å bytte ut ordet høveleg med akseptabel. 2. Under bestandsmål «3.2.6 Slaktevekter» står det at Gloppen kommune oppmodar valda til å innføre skrapdyrordning for å snu nedgangen i slaktevekter. Både Jurahesten og Gloppen Nordside meiner at ein skrapdyrordning må konkretiserast og gjørast lik for heile kommunen. Side 9

3. Begge vald uttrykker i deira fråsegn skepsis til punkt «3.2.8 Bestandsplanområde» og er i tvil om større forvaltningseiningar vil gjere dagens forvaltning betre. 4. Gloppen Nordside stiller spørsmål om kvifor felling av kalv er sett til 25 % og om ikkje det er betre å auke felling av fjordyr. Jurahesten skriv i deira fråsegn at dei meiner at med 25 % felling av kalv, bør det vere nok med 25 % felling av fjordyr og ikkje 35 % som det lagt opp til i planen. 5. Gloppen Nordside stiller spørsmål om felling av rådyr. 6. Jurahesten skriv fylgjande til punkt «3.2.5 Fellingsprosent»: «I mål er det sett opp ein fellingsprosent på minimum 75 % i alle vald. Enkelte vald vil kunne greie dette, medan andre vil ha problem. Dette kan også ha ulike utslag frå år til ar, og skal ein greie dette målet kvart år, vil reduksjon av tildelt løyve vere den sikraste måten å innfri målet.» Dei skriv og at justering av tildeling kan vere ein måte å auke fellingsprosenten på og at det må gjerast individuelle vurderingar når det skal fastsetjast minsteareal for tildeling av løyve 7. I forhold til målet om at 50 % av valda skal levere sett hjort elektronisk, nemner Jurahesten at dette er opplevd som vanskeleg å registrere og etterspør meir informasjon eller opplæring. 8. Gloppen Nordside kjem med forslag om å justere jaktida til 1. september 10. desember. 9. Joar Helgheim frå Sogn og Fjordane fylkeskommune kom pr. telefon med forslag om å lage ein kohortanalyse av hjortestammen, der ein ser på fellinga i forhold til tilveksten. Rådmannen si vurdering: Dei innkomne fråsegnene har mange konstruktive punkt, som må takast stilling til. I det fylgjande vil dei bli vurderte punkt for punkt i same rekkefølgje som ovanfor: Til 1: Rådmannen ser at bruken av ordet «høveleg» gjer setninga upresis. Dette er difor retta til «akseptabel». Til 2: Begge valda meiner at ei skrapdyrordning må konkretiserast og gjerast lik for heile kommunen. Slik rådmannen ser det, er det ikkje kommunen si oppgåve å lage ei skrapdyrordning. Det er ei internt sak i valda om ein ynskjer ei slik ordning og korleis den skal utformast. Dessutan har kommunen ikkje heimel til å pålegge valda at innføre ei slik ordning. Skrapdyrordningar er omdiskuterte, då nokon meiner at dei er «jegerforvaltning» og ikkje viltforvaltning, sidan dei gjev jegeren to dyr i staden for eitt. Rådmannen er ikkje einig i dette argument sidan ei skrapdyrordning vil føre til at ikkje berre store dyr vert felt, men også dyr som er så små at dei fell utanfor den naturlege variasjon det er i ein Side 10

hjortebestand. Med tanke på den negative utvikling det har vore, og er, i slaktevektene, trur rådmannen at ei skrapdyrordning vil vere gunstig på sikt. Men sidan kommunen ikkje kan pålegge valda at innføre ei slik ordning, kan det frå kommunen si side berre oppmodast om å innføre skrapdyrordning. På neste møte i hjorteutvalet vil temaet bli teke opp med storvaldleiarane, då dette til sist er ei avgjersle som må trefast internt i valda. På den bakgrunnen er dette ikkje endra i forvaltningsplanen med omsyn til formuleringa kring skrapdyrordning. Til 3: I begge fråsegnene uttrykker valda skepsis mot bestandsplansområde. I eit forvaltningsperspektiv meiner rådmannen at det er ein klar fordel med ei forvaltning som baserer seg på bestandsområde slik at ein vil forvalte større delar av ein hjortebestand, og ikkje mindre delbestandar som det er tilfellet med dagens forvaltningseiningar. Uansett om storvalda er skeptiske til den nye omorganisering av forvaltninga, meiner rådmannen fortsatt at det bør vere eit kommunalt mål å «etablere bestandsområde styrt av hjorten sin arealbruk, uavhengig av dagens administrative grenser.» Samstundes har rådmannen full forståing for at vald kan vere skeptiske til den nye forvaltninga og kva denne fører med seg. Dette er eit tema som prosjektet har fokus på og det vert lagt ned mykje arbeid i avklaring av spørsmål. Rådmannen meiner ikkje dette bør endrast i det kommunale målet om å få etablert bestandsplanområde, då det frå eit forvaltningsperspektiv vil vere ei betre løysing. Til 4: Begge valda kjem i sine fråsegner med forslag til endringar vedkommande aldersfordelinga på dei felte dyra. Som så ofte når det vedkjem hjortejakt, er det her ulike meiningar. Eit innspel er å auke uttak av fjorddyr, eit anna å minke. I utkastet til forvaltningplanen står det fylgjande: Maks. 40 % eldre dyr i avskytinga Min. 25 % kalvar i avskytinga Desse prosentsatsane er fastsette ut ifrå anbefalingar frå ekspertane sin side og det som rådmannen vurderer som fornuftig i forhold til bestanden og bestandssamansettinga i Gloppen kommune. For at hjortebestanden over tid skal gje stabilt avkasting, må det skytast gjennom alle aldersklasser i bestanden. Kalvar må difor også skytast. Sidan kalvar er den største aldersgruppa, bør fellinga av kalv optimalt sett syne det. Difor vart det sett opp minimum 25 % kalvar i avskytinga. Den store utfordringa som hjorteforvaltninga i Gloppen står overfor er fallande slaktevekter for eldre dyr og låg gjennomsnittsalder. Fordelinga mellom kalvar og fjorddyr vil ikkje ha avgjerande betyding for disse problema. Som det går fram, er valda ikkje einige om kva som er den beste fordelinga. Forvaltningsplanen er ikkje eit dokument som skal fråta valda sine moglegheiter for å forvalte hjorten, men planen skal sette nokon overordna mål og retningslinjer som valda må handle innanfor. Side 11

Då det tydelegvis er ueinigheit om fordeling på kalv og ungdyr og då fordelinga ikkje har avgjerande betyding for dei store utfordringane i denne planperioden, vurderer rådmannen at den beste løysing er å fjerne kravet om min. 25 % kalv. Dermed vert det opp til storvalda å vurdere kva som er passeleg fordeling mellom kalv og fjordyr i uttaket i deira område. Med tanke på at vi i Gloppen har ein situasjon med låg gjennomsnittsalder og fallande slaktevekter, meiner rådmannen at ein bør holde fast i eit uttak av maksimalt 40 % eldre dyr. Kravet om minimum 25 % kalvar i uttaket vert fjerna, medan kravet om maksimum 40 % eldre dyr vert ståande saman med kravet om kjønnsbalansert uttak av vaksne dyr. Til 5: Med omsyn til felling av rådyr, er det fortsatt uklart om rådyret har etablert seg fast i Gloppen kommune. I løpet av våren og sommaren 2014 har det kome meldingar om at rådyr har blitt observert i Gloppen Nordside sitt område. Også på Bø, Råd og Seime har det blitt observert rådyr. For å få meir oversikt har jegerane blitt oppmoda om å halde auge med rådyr under jakta i 2014 og melde observasjonar inn til utmarksforvaltaren. Dersom det på sikt viser seg at det etablerer seg ein fast bestand av rådyr, er det ein art der ein kan vurdere å opne for jakt. Men så lenge det berre kjem sporadiske meldingar om observasjonar, meiner rådmannen ikkje at rådyr skal med i forvaltningsplanen. Til 6: Jurahesten skriv at justering av tildelinga kan vere ein måte å auke fellingsprosenten. Rådmannen er einig i dette og av sjølvsame grunn står dette som eit tiltak i planen. Som Jurahesten og skriv, kan det vere variasjonar frå år til år. For vald med kvote som varer 3 år, er det difor ikkje den årlege fellingsprosent som skal halde 75 %, men den samla fellingsprosent for alle 3 åra. Samstundes må ein vere oppmerksame på at lovverket pålegg oss å trekke godkjenning av bestandsplan tilbake dersom det førekjem vesentlege avvik i forhold til årleg planlagt avskyting. Med omsyn til at det må gjerast individuelle vurderingar når det skal fastsetjast minsteareal for tildeling av løyve, er rådmannen heilt einig med Jurahesten. Arbeidet med å fastsetje minsteareal er starta opp, men kan først avsluttast når ein forvaltningsplan er godkjent, då det er ein samanheng mellom kommunale mål og minsteareal. Dette er og eit tema som vil bli tatt opp med storvaldleiarane på neste møte i kommunen sitt hjorteutval. Slik rådmannen vurderer dette innspelet, fører det ikkje til endringar i forvaltningsplanen. Til 7: Jurahesten informerer om at dei har opplevd det som vanskeleg å registrere sett hjort elektronisk og etterspør meir informasjon eller opplæring. Rådmannen ser dette som eit nyttig innspel i forhold til å nå målet, men ser ikkje grunn til å gjere endringar i forvaltningsplanen. Som følgje av innspelet har det blitt lagt ut ein rettleiing til registrering av sett hjort på www.settogskutt.no på landbrukskontoret sin heimeside. Side 12

Rådmannen kjenner ikkje til korleis tidlegare versjonar av elektronisk sett hjort har fungert, men meiner at dagens elektroniske registrering på www.settogskutt.no er ei enkel løysing som er svært brukarvennleg. Dersom det likevel er behov for opplæring, stiller utmarksforvaltaren gjerne på årsmøte i storvalda og gjev det. Til 8: Gloppen Nordside stiller spørsmål ved om ein bør justere jaktida til 1. september 10. desember. Dette er ikkje grunngitt. Gloppen kommune har ikkje mynde til sjølv å fastsetje jakttider og rådmannen meiner at eit slikt spørsmål må diskuterast i hjorteutvalet og med Fylkesmannen. Det har ikkje ført til endringar i forvaltningsplanen. Til 9: Innspelet frå Joar Helgheim var av uoffisiell karakter og meir eit tips om at vi i Gloppen har eit datasett frå overvakingsprogrammet som kan brukast til å lage ei aldersklasseanalyse. Rådmanen ser poenget til Joar Helgheim og har laga ei kohortanalyse av hjortebestanden, der ein får overblikk over tilveksten i bestanden i forhold til felling. Denne er ført inn i forvaltningsplanen. RÅDMANNEN SI TILRÅDING: Kommunestyret vedtek framlegget til forvaltningsplan for hjort 2014-2017, med dei endringar som gjort, slik den ligg føre som vedlegg til denne saka. 16.09.2014 KULTUR- OG MILJØUTVALET 057/14 VEDTAK: Rådmannen si tilråding vart samrøystes innstilt. Side 13

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kommunestyret Kultur- og miljøutvalet 16.09.2014 058/14 Formannskapet 17.09.2014 102/14 Avgjerd av: Kommunestyret Saksbehandlar: Jan-Kjetil Øygard Objekt: Arkiv: D11 Arkivsaknr.: 14/1182-3 Sandane Turn og Idrettslag - søknad om kommunal lånegaranti i samband med bygging av fotballhall Ingen vedlegg. Bakgrunn for saka: Sandane Turn og Idrettslag har søkt om ein lånegaranti frå kommunen på kr 1,5 mill kr. i samband med bygging av fotballhall på Myklebustflata/Sandane Idrettspark. Dette for å få redusert renta på lånet dei må ta opp og som dermed også vil gjere finansieringa rimelegare for laget. Saksutgreiing: Fotballgruppa i STIL meiner at dei manglar høveleg innandørs treningsareal på vinterstid når snø og is gjer treningsforholda vanskelege, og for å bøte på det har dei planar om å bygge ein fotballhall på 20x45m. Ein fotballhall vil kunne redusere behovet for brøyting av kunstgrasbana og såleis også redusere slitasjen på denne. Kommunestyret har gjort vedtak om reguleringsendring som opnar for at dette skal kunne realiserast. Totale kostnader for hallen vil vere 2,7 mill kr. Laget har lagt ved søknaden eit lånetilsagn frå Sparebanken Sogn og Fjordane datert 28. august 2014 der det er knytt vilkår om kommunal garanti i heile lånet si løpetid. Lånet har ei avdragstid på 10 år, og ei nominell rente tilsvarande 3 månaders NIBOR*, pluss 1,5 prosentpoeng. Dette gjev ei rente i dag på 3,21 %. * Enkelt sagt er NIBOR eit uttrykk for pengemarknadsrenta. Økonomiske konsekvensar for kommunen: Sandane Turn og Idrettslag er eit godt og veldrive lag med god økonomistyring og god likviditet, og dette gjer at ein garanti truleg ikkje vil ha økonomiske konsekvensar for kommunen. Rådmannen si vurdering: I kommunedelplan for idrett, friluftsliv og fysisk aktivitet heiter det at kommunen skal jobbe for at anleggsdekninga i kommunen skal vere god ut i frå idrettane sine behov og utbreiing. Kommunestyret har i ei eiga sak (k-sak 024/11) om kommunal deltaking i anleggsbygging Side 14

gjort vedtak om å stille seg positiv til å gje kommunal garanti i samband med låneopptak for bygging, men der dette skal vurderast i kvart einskild høve. Ein kommunal garanti for lån til føremålet som er nemnt, vil føre til at idrettslaget får rentevilkår som gjer dei i stand til å gjennomføre det planlagde tiltaket. Lån og gode rentevilkår vil også vere eit krav frå kommunen, noko Sparebanken Sogn og Fjordane ser ut til å ha akseptert i tilsvarande saker. Kommunelova 51, gjev høve til å stille garanti for andre sine økonomiske plikter når det ligg føre ei særleg kommunal interesse. Vedtak om å stille garanti skal godkjennast av Fylkesmannen. Rådmannen tolkar dette som ei sak der kommunen har høve til å stille slik garanti det er søkt om, og med bakgrunn i den ålmenne interessa for denne hallen og kommunen si eiga interesse med å få redusert slitasjen på kunstgraset, vil rådmannen gå inn for at kommunen stiller omsøkt garanti. Gloppen kommune har til vanleg gjeve garantiar som simpel garanti. Det vil seie at långjevar ved misleghald først skal gå på låntakar, og berre i dei tilfelle det ikkje er noko å hente hos låntakar, blir garantien gjort gjeldande. (Det motsette er sjølvskuldkausjon, som gjev långjevar rett til å velje kven han/ho først vil gå på: garantisten eller låntakar.) Garantibeløpet skal sjølvsagt nedtrappast fortløpande med nedbetalinga av lånet. RÅDMANNEN SI TILRÅDING: 1. Kommunestyret viser til rådmannen si saksutgreiing, og godkjenner at Gloppen kommune stiller ein kommunal garanti for eit nedbetalingslån på kr 1.500.000 i Sparebanken Sogn og Fjordane til Sandane Turn og Idrettslag i samband med bygging av fotballhall. Vilkåra for lånet går fram av lånetilsegn datert 28. august 2014 2. Garantibeløpet skal nedtrappast fortløpande i samsvar med nedbetaling av lånet. Garantien blir gjeven som simpel garanti, og garantitida går ut seinast 31.12.2024 3. Kommunestyret føreset at lånevilkåra for Sandane Turn og Idrettslag blir gjeve på tilnærma same vilkår som om kommunen ville ha vore lånetakar. 16.09.2014 KULTUR- OG MILJØUTVALET Framlegg frå Hege Lothe (SV): Kommunestyret seier nei til å godkjenne kommunal garanti for eit nedbetalingslån til STIL i samband med bygging av fotballhall. Denne vurderinga bør vente nokre år til. Bakgrunnen for avslaget no er at Trivselshagen framleis er ny, og det er framleis avgjerande å sikre forsvarleg drift og økonomi for anlegget. Det vert difor uheldig å bidra til eit nytt konkurrerande idrettsbygg no. Framlegget frå Hege Lothe fekk to røyster og fall. Side 15

058/14 VEDTAK: Kultur- og miljøutvalet er samd i tilrådinga. Vedtaket vart gjort med tre mot to røyster. Side 16

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kommunestyret Kultur- og miljøutvalet 16.09.2014 059/14 Avgjerd av: Kommunestyret Saksbehandlar: Jan-Kjetil Øygard Objekt: Arkiv: 231 Arkivsaknr.: 13/1674-4 Gloppen kulturskule - betalingsstruktur og syskenmoderasjon Ingen vedlegg. Bakgrunn for saka: Søskenmoderasjonen i Gloppen kulturskule vart endra i samband med at kommunestyret vedtok auke i betalingssatsane ved kulturskulen i møte den 16. desember 2013, sak 072/13. I etterkant ser vi at dette vedtaket har fått ein utilsikta verknad og rådmannen legg såleis fram ei sak med framlegg om endring i syskenmoderasjon. Saksutgreiing Kommunestyret gjorde slikt vedtak i sak 072/13: 1. Kommunestyret viser til rådmannen si saksutgreiing og seier seg samd i dei vurderingane som er gjort i forhold til kva nivå betalingssatsane skal ligge på for at flest muleg skal kunne få eit tilbod om å vere elev ved Gloppen kulturskule. 2. Kommunestyret godkjenner rådmannen sitt framlegg til auke i betalingssatsane og desse skal innarbeidast i kommunen sitt regulativ for gebyr og betalingssatsar. Syskenmoderasjonen har i ei årrekkje vore 15 % på plass nr. 2 og 30 % frå plass nr. 3. Hausten 2013 vart det jobba mykje med betalingssatsar og betalingsstruktur, og i vedtaket som vart gjort av kommunestyret førte til at søskenmoderasjonen frå plass nr. 3 vart redusert frå 30 % til 20 %. Dette innsparingstiltaket rammer dei med mange barn. Økonomiske konsekvensar Ved å ha syskenmoderasjonen frå plass nr. 3 på 30 % i staden for på 20 %, vil kulturskulen få ein inntektsreduksjon på 5000 kr pr. semester. Rådmannen si vurdering Kommunestyret har i nemnte vedtak vore opptatt av at betalingssatsane i kulturskulen skal ligge på eit nivå som gjer at flest muleg skal kunne få eit tilbod om undervisning der. Vi har fått erfart at vedtaket om reduksjon i syskenmoderasjonen har fått ein utilsikta verknad som råkar familiar som treng denne søskenmoderasjonen. Etter rådmannen si vurdering vil det få små økonomiske konsekvensar for kulturskulen om vi går tilbake på den moderasjonen som Side 17

har vore gjeldande til og med 2013. Det er lett å tenke seg at store familiar ikkje ser seg råd til at alle ungane får gå på kulturskulen og det vil vere svært uheldig. RÅDMANNEN SI TILRÅDING: Kommunestyret viser til rådmannen si saksutgreiing og vedtek at syskenmoderasjonen til barn 3 eller fleire vert endra frå 20 % til 30 %. Endringa skal gjelde frå 01.01.2014. 16.09.2014 KULTUR- OG MILJØUTVALET 059/14 VEDTAK: Rådmannen si tilråding vart samrøystes innstilt. Side 18

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 16.09.2014 060/14 Avgjerd av: Kultur- og miljøutvalet Saksbehandlar: Jan-Kjetil Øygard Objekt: Arkiv: C11 Arkivsaknr.: 13/1739-7 Klatrepark i Gloppen - bruk av løyvde midlar Ingen vedlegg. Bakgrunn for saka: Sparebankstiftinga Sogn og Fjordane har invitert kommunane i fylket til eit samarbeid om å føre opp klatreparkar for dei som ynskjer det. I Gloppen kommune er det kome ynskje om etablering frå både Vereide utviklingslag og Sandane turn og idrettslag. Sparebankstiftinga har gjeve tilbakemelding om at det er løyvd kr. 250.000 til den fyrste parken i kommunen og løyvinga er adressert til Gloppen kommune. Med bakgrunn i dette må kommunen gjere vedtak om kvar det fyrste tilskotet skal nyttast. Saksutgreiing: Ein klatrepark er i praksis ei hinderløype som består av mange element og med mange ulike ruter og kryssforbindelsar som er sett saman i eit system med pålar og tau. Sparebankstiftinga har dette som eit satsingsområde, der føremålet er å skape aktivitet, spesielt for dei som ikkje er så aktive, anten det er av motoriske eller sosiale grunnar. Prisen på ein klatrepark vil kunne ligge på 600-700.000 kr., alt etter kva utfordringar som ligg i tomten. Sparebankstiftinga går inn med kr. 250.000 i tilskot og med tilskot frå spelemidlar (nærmiljøanlegg) og litt dugnad vil klatreparken langt på veg vere fullfinansiert. Sandane turn og idrettslag har fått ei løyving på kr. 275.000 i spelemidlar i 2014 som skal gå til klatrepark. Økonomiske konsekvensar for kommunen: Ingen. Rådmannen si vurdering: Rådmannen oppfattar saka slik at midlane frå Sparebankstiftinga skal gå til ein klatrepark i «gloppensamfunnet» og som ikkje nødvendigvis er i regi av Gloppen kommune som institusjon og eigar. Det er likevel kommunen som må bestemme kvar dei fyrste midlane skal nyttast. Som nemnt er det interesse for å bygge klatrepark både på Vereide og på Sandane. Sparebanken har signalisert at dei i fyrste omgang vil støtte ei etablering i alle kommunane i fylket, men at det også kan vere muleg å få tilskot til ein klatrepark til. Slik saka står no har Vereide utviklingslag fått avslag på sin søknad om spelemidlar dette året og STIL har fått ei løyving og er klar til bygging på Myklebustflata. Side 19

Fylkeskommunen har oppmoda anleggsutbyggar om å etablere klatreparkane på stadar med stor grad av utnytting av området, dvs. at dei bør etablerast i nærleiken til fleire bustadfelt og/eller barnehage og skule i sentrumsområde. Etter rådmannen si vurdering peikar Myklebustflata seg ut til å vere den mest fornuftige plasseringa av den fyrste klatreparken ut i frå det som er nemnt her. RÅDMANNEN SI TILRÅDING: Kultur- og miljøutvalet viser til rådmannen si saksutgreiing og vedtek at løyvinga på kr 250.000 frå Sparebankstiftinga til klaterepark i Gloppen kommune skal nyttast til klatrepark på Myklebustflata, i regi av Sandane Turn og Idrettslag. 16.09.2014 KULTUR- OG MILJØUTVALET 060/14 VEDTAK: Kultur- og miljøutvalet viser til rådmannen si saksutgreiing og vedtek at løyvinga på kr 250.000 frå Sparebankstiftinga til klaterepark i Gloppen kommune skal nyttast til klatrepark på Myklebustflata, i regi av Sandane Turn og Idrettslag. Vedtaket var samrøystes. Side 20