Høgdepunkt Biblioteklandskap i endring 2010-2013, er eit visjonært prosjekt som omfattar 30 kommunar i Hordaland. Prosjektet samlar og systematiserer utviklingsarbeid som står att etter Fylkesdelplan for biblioteka 2007-2010. Det fekk i 2012 kr. 500.000,- i støtte frå Nasjonalbiblioteket for andre år på rad Det er inngått partnarskapsavtaler med alle dei fem regionale biblioteksamarbeida i fylket 21 bibliotektilsette i fylket tek studiet Endringsledelse, innovasjon- og kunnskapsledelse i eit samarbeid mellom fylkesbiblioteket og Høgskolen i Bergen 155 ungdomar har deltatt på kurs i skriving og framføring av litterære tekstar gjennom prosjektet Poesislam Folkebiblioteka fekk tildelt kr 400.000 til innkjøp bøker og anna materiale i ordninga Distribuert mediekjøp Nytt biblioteksystem for dei 46 vidaregåande skulane og fylkesbiblioteket vart sett i drift Ny transportordning som fraktar bøker mellom biblioteka i fylket og ut av fylket hadde sitt første heile driftsår Det blei tilsett skulebibliotekarar på Lønborg og i Fusa Hardangerkommunane lanserte hardangerbiblioteka.no som gir brukarane aktiv litteraturformidling og informasjon om bibliotektenestene Bibliotektilsette i fylket som gjekk på studiet «Endringledelse, innovasjons- og kunnskapsledelse» ved Høgskolen i Bergen. Studiet var skreddarsydd for bibliotektilsette i eit samarbeid mellom HIB og fylkesbiblioteket. Foto: Bjarte Brask Eriksen, HFK. 1
Fylkesbiblioteket sitt oppdrag Fylkesbiblioteket er eit lovfesta fylkeskommunalt organ som har til oppgåve å utvikle og supplere bibliotekdrifta i fylket. I Hordaland skjer dette gjennom ulike verkemiddel som rådgjeving, opplæring, tilskiping av kurs og konferansar, initiering og deltaking i kommunale utviklingstiltak, planarbeid, litteraturformidling og supplering av bøker og andre media via støtte til innkjøp, bokbåt, fjernlån og klassesett til grunnskular. I tillegg til biblioteklova har Hordaland fylkeskommune vedtatt ein bibliotekpolitikk som er nedfelt i Strategisk plan for bibliotek i vidaregåande skule i Hordaland 2011-2015, Strategi for kompetanseutvikling i folkebibliotek og skulebibliotek i Hordaland 2011-2015 og i prosjektet Biblioteklandskap i endring. Fylkesutvalet vedtok 21. november 2012 planprogrammet for Regional kulturplan 2014-2024. Dei tidlegare fylkesdelplanane for bibliotek skal vidareførast i denne planen. Føremålet er å utvikle robuste og omstillingsdyktige bibliotek, som kan tilby alle innbyggjarar i Hordaland betre og framtidsretta bibliotektenester. Fylkesbiblioteket er leia av fylkesbiblioteksjefen og hadde ved årsskiftet sju fagtilsette og tre merkantilt tilsette, totalt 8 årsverk. 80 % av eitt merkantilt årsverk er tilknytt fjernlånsverksemda med arbeidsplass på Bergen Off. Bibliotek. Utviklingsoppgåver Biblioteklandskap i endring 2. prosjektår Prosjektet består av kompetanseheving, utvikling av modellar, infrastruktur og stimulering av kreativitet og nytenking. Det er teke grep om samarbeidet mellom fylkesbiblioteket og dei fem regionale biblioteksamarbeida i fylket. Målet er å systematisere og formalisere eit arbeid som har gått føre seg i fleire år. 2
Prosjektet omfattar 30 av 33 kommunar i Hordaland, dvs. at Voss, Os og Bergen ikkje var med i den opphavlege søknaden. Under arbeid med prosjektet, har desse kommunane blitt trekt med. Nasjonalbiblioteket ga eit tilskot på kr 500.000 for andre år på rad til prosjektet for 2012. Målområde: 1. Etablere berekraftige og forpliktande biblioteksamarbeid i fem regionar i Hordaland i partnarskap med fylkeskommunen. Partnarskapsavtalar Partnarskapsavtalane definerer prioriteringar og forventingar mellom partnarane og er knytt til eit økonomisk tilskot frå prosjektet. - Det er inngått partnarskapsavtaler mellom fylkesbiblioteket og dei fem biblioteksamarbeida i Hordaland. - Fylkesbiblioteket har drøfta deltaking i Samarbeidsregionane: 1. Nordhordland 2. Biblioteka i vest 3. Fusa, Vaksdal, Samnanger 4. Sunnhordland 5. Hardanger Samnanger, Fusa og Vaksdal-samarbeidet med Os folkebibliotek. - Vi opplever at biblioteka som deltek i samarbeid, etter kvart har fått felles identitet og ser stor nytte av å delta i eit samarbeid. - Hardangerbiblioteka har som dei andre, fått ei politiske vedteken samarbeidsavtale i 2012. Koordinering og oppdatering av felles nettstader. Målet er at brukarane skal få auka tilgjenge til bibliotektilboda gjennom høg kvalitet på den tekniske løysinga og på godt samarbeid om redaksjonsarbeidet. Nettstadene blir utvikla i den frie programvaren Drupal. - Hardangerbiblioteka.no, felles nettstad for dei sju hardangerkommunane, blei lansert 8. juni 2012. Gjennom nettstaden arbeider dei bibliotektilsette saman i redaksjonen om aktiv litteraturformidling og presentasjon av tenesta sine. Dei fysiske og digitale bibliotekromma blir sett i samanheng, og nettstaden har ført til auka samarbeid om fleire tenester. - Sunnbib.no, felles nettstad for dei åtte biblioteka i Sunnhordland, er vidareutvikla og vil bli relansert i 2013 - Biblioteka.ivest.no, felles nettstad for Askøy, Fjell, Sund og Øygarden blei lansert i 2010 (første utgåve i 2004) og vil bli utvikla vidare i 2013 - Nettstad for Fusa, Vaksdal og Os er under planlegging. 3
2. Utarbeide ein strategi for kompetanseutvikling for biblioteka i Hordaland, og utarbeide og gjennomføre ein handlingsplan for kompetanseutvikling for folkebiblioteka i fylket. Kartlegging av kompetanse og kompetansebehov blant alle bibliotektilsette i fylket gav grunnlag for Strategi for kompetanseutvikling i folkebibliotek og skulebibliotek i Hordaland 2011-2015. Strategiske innsatsområde er formidling, marknadsføring, digital kompetanse og endringsleiing/ endringskompetanse. Dei viktigaste tiltaka i 2012 har vore: - Handlingsplan for kompetanseutvikling for 2012 publisert på nettstaden til fylkesbiblioteket under kurs og samlingar. Ein nettbasert handlingsplan er mogleg å endre etter behov og muligheiter som kjem fram i løpet av året: www.hordaland.no/fylkesbibl/kurs - 21 bibliotektilsette i fylket har deltatt på studiet Endringsledelse, innovasjons- og kunnskapsledelse, som er blitt arrangengert i samarbeid med Institutt for økonomisk- og administrative fag ved Høgskolen i Bergen. - Kurs i praktisk kreativitet og innovasjon: «Lær å leia idémøter» v/nora Thorsteinsen Toft og Øyvind Norseth frå Stig og Stein Idelab. Kurset var holdt på bibliotekmøtet i Etne i juni og hadde 40 deltakarar. Kurset var støtta av Nasjonalbiblioteket. 3. Leggje til rette for digital samhandling og kunnskaps og kompetansedeling gjennom å prøve ut digitale kommunikasjons- og samarbeidsverktøy mellom biblioteka - Gjennom nettstadene i Drupal, samarbeider dei bibliotektilsette aktivt om oppdatering og innhaldsproduksjon. - Google+ har vist seg som eit enkelt og tenleg verktøy til møte der deltakarane er godt kjende med kvarandre og problemstillingane. - Videomøte blir brukt i utviklinga av hardangerbiblioteka.no og sunnbib.no 4
4. Stimulere til leik som eit verktøy og ein teknikk for å oppnå kreative innovasjonsprosessar i biblioteka. Dersom ein skal få til innovasjon i folkebiblioteka, må ein prioritere åtferd og oppgåver som kan føre til utvikling. Leik er eit verktøy for dette, men tid, motivasjon og økonomisk armslag til å drive med leik er avgjerande faktorar for å få det til. Hordaland fylkesbibliotek har invitert folkebiblioteka i fylket til leik gjennom to hovudfokus: leik er ein sinnstilstand, og leik i og med arbeid. - Det vart lyst ut midlar til leikprosjekta i 2012 i oktober. 5 prosjekt fekk tilskot på til saman kr 80.000. Prosjekta er småskalaprosjekt, som har ein viss grad av nyskaping og eksperimentering. - Prosjektet Kan Nummerus Curens vere svaret? i Osterøy bibliotek har fått støtte for andre år på rad. Biblioteket ønskjer å gjere det lettare for brukarane å finne fram i biblioteket på eiga hand og frigjere plass for arrangement i opningstida. Ei ny oppstilling av materialet skal frigjere tid for dei tilsette til rettleiing og arrangement. Prosjektet blei presentert på Bibliotekdagane i Etne i juni. Poesislam i UKM Det toårige prosjektet «Poesislam i ungdommens kulturmønstring» ønskjer å kople biblioteket som arena og litteraturformidlar med ungdommen sitt ønskje om å uttrykke seg skriftleg og framføre det for andre. Ungdommen skal bli inspirert til kreativitet gjennom litteraturformidling, lesing og møte med forfattarar på skrivekurs. Prosjektet er støtta av Nasjonalbiblioteket og.- UKM Norge. - Hausten 2012 var det haldne ni skrivekurs med forfattar Erlend O. Nødtvedt som lærar og kurs i framføring med frilansar Taro Vestøl Cooper som lærar. Bibliotek i følgjande kommunar var med i prosjektet: Fusa, Fjell, Bømlo, Kvam, Kvinnherad, Osterøy, Odda, Fjell og Voss. Til saman var det 155 deltakarar på kursa. Tilbakemeldingane frå deltakarane er svært bra. - Promotering vart gjort gjennom ein kort film som m.a. vart vist som forfilm på kinoane på Øystese, Voss og Husnes. Elles vart tiltaket marknadsført via skular, aviser og med plakatar og utdeling av flygeblad. 5
Skolebibliotek for kunnskap og trivsel Fylkesbiblioteket arbeider med gjennomføring av «Strategisk plan for skulebibliotek i vidaregåande skolar i Hordaland, 2010-2015» som vart vedteken på fylkestinget i desember 2010. Visjonen er formulert slik: Med eleven i sentrum skal skolebibliotek i vidaregåande skole i Hordaland bli ein aktiv og integrert medspelar for å nå skolen sine overordna mål. Planen har tre strategiar med mål om betre bemanning, utvikling av tenestene gjennom kunnskaps- og erfaringsdeling, kompetanseheving og satsing på fleire gode modellar. Etter ein anbodsrunde skifta alle dei vidaregåande skolane biblioteksystem frå Mikromarc til Bibliofil hausten 2012. Implementeringa av det nye systemet har gått greitt. Alle skolebibliotekarane har vore på kurs. Bemanning: - Det vart ikkje løyvd ekstra midlar til nye stillingar i 2012. - Lønborg vgs og Fusa vgs finansierte sjølve stillingar på tilsaman 160%. 23 skular har bibliotekarstilling i 2012: 2 med 140%-160% 12 med 100% 3 med 60-80% 4 med 50% 3 med 20-40% Kompetanse - Bibliotekarane i vgs har hatt både formelle og uformelle møte. Fagdagen i haust, for alle tilsette ved skolebibliotek, vart avvikla på fylkeshuset. Vidar Ringstrøm frå Bibliotek-Systemer snakka om Bibliofil. - 9 skular har fått besøk i 2012. Fokus har vore på opplæring i Mikromarc og Bibliofil. Dagleg rettleiing skjer over telefon, e-post og It s Learning. - Fylkesbiblioteket har besøkt og gitt hjelp og rettleiing til fleire skular om innreiing og møblering av nye biblioteklokale og oppussing av gamle. - Alle nytilsette får ei kort innføring i prosjektplan, samarbeid og fylkesbiblioteket si rolle, og tilbod om besøk. Modellar for best practice i Hordaland - Arbeid med nytt byggetrinn på Årstad, som vil gi biblioteket der eit løft. Med det gode samarbeidet mellom bibliotek og studiesenter som er innarbeidd, dei mange gode tiltaka dei har prøvd ut, og med noko styrkt bemanning, vil dette biblioteket kunne bli eit fagleg interessant besøksbibliotek. 6
- Nordahl Grieg står fram som besøksbibliotek, takka vere god integrering av biblioteket i plan- og byggeprosessen. - Kombinasjonsbibliotek i nye Etne kulturhus opna 28.1.2012. Tenester til skulane - Alle vidaregåande skular har abonnement på avisdatabasen Retriever og nettleksikonet Britannica Online School Edition. - Fylkesbiblioteket har kontinuerleg oppdatert og formidla informasjon om lærebokutlån til bibliotekansvarlege. - I samband med lån av lærebøker får elevane nasjonalt bibliotekkort. Kompetanse Fylkesbiblioteket har eit lovfesta ansvar for å arrangere møter og kurs om bibliotekspørsmål. Gjennomføring av forskjellige typar kurs og konferansar for ulike målgrupper er ei prioritert oppgåve på fylkesbiblioteket. Kompetansestrategien (sjå over) gir mål og retning for satsing på kompetanse i folkebibliotek og skulebibliotek, viser kva kompetanseområde som er prioritert, på kort og lang sikt og kva tiltak som skal iverksetjast innan dei ulike områda. Handlingplan for kompetanseutvikling, knytt til kompetansestrategien, vart sett i gang i 2012. Fylkesbiblioteket arrangerte åleine eller i samarbeid med andre 21 kurs/konferansar med 715 deltakarar. Ein viktig arena for diskusjon og nettverksbygging med biblioteka er Bibliotekdagane om våren. I 2012 var møte i Etne. Tema var endring og utvikling i folkebibliotek. Frå Etne folkebibliotek. 7
Deltakarar på kurs 2012 Dato Namn på kurs Stad Deltakarar 12. januar Skulebibliotekarsamling Fylkesbygget 20 26. januar Nettstadverkstad Norheimsund 9 3. februar Årets bøker for vaksne Fylkesbygget 59 14. februar Skulebibliotek i Nordahl Grieg vgs 121 grunnskular 5.-8. mars Formidling og e-media Leirvik, Bergen og Norheimsund 38 19. april Skulebibliotekarsamling Fylkesbygget 18 10. mai Nettstad - Norheimsund 6 oppdateringsrutinar 14. mai Kurs med Det Fylkesbygget 10 flerspråklige bibliotek 15. mai Kurs med Det Odda 6 flerspråklige bibliotek 6. og 7. juni Bibliotekmøtet 2012 Etne 40 6. Seminar om teikneseriar, Bergen offentlige 38 september i samarbeid med fleire. bibliotek 12. Workshop i Fylkesbygget 12 september søknadsskriving 18.-21. 4 dagskurs i Bibliofil Wigandgården 55 september 18. oktober Skulebibliotekarsamling Fylkesbygget 15 9. Fagdag for Fylkesbygget 23 november skulebibliotekarane i vgs 30. Årets bøker for barn og Bryggens 119 november unge museum 5. Litteratur og Bergen Offentlige 25 desember lesaropplevingar poesi Bibliotek 6. Formidlingskurs med Fylkeshuset 11 desember Hildegun Riise Studiet Endringsledelse, Høgskolen i 25 innovasjon- og kunnskapsledelse Bergen / Fylkesbygget September Poesislam i UKM - 9 folkebibliotek 47 Oktober Skrivekurs November Poesislam i UKM 5 folkebibliotek og 108 Kurs i framføring 2 skular TOTALT 715 8
Litteraturformidling Leseløftet Leseløftet er eit framhald av Leseåret 2010, og det er ei nasjonal satsing på lesing fram til 2014. I samband med dette, har fylkesbiblioteket vore arrangør av fleire litteraturkurs, mellom anna kurs i formidling med Hildegun Riise. Målet var å gje deltakarane meir kunnskap og ny inspirasjon til å formidle litteratur til bibliotekbrukarar. Bok til alle Bok til alle-bibliotek legg vekt på å formidle bøker som er lette å lese til ungdom og vaksne, og å rekruttere leseombod som formidlar tekstar og forteljingar til dei som har vanskar med å lese sjølve. Fylkesbiblioteket gir støtte til lokale kurs og samlingar for leseomboda. I alt er 11 bibliotek i Hordaland med i ordninga. Bømlo folkebibliotek driv aktiv litteraturformidling også utanfor biblioteklokala. Foto: Olav Bjørkum. Den kulturelle skulesekken Fylkesbiblioteket og DKS samarbeider om litteraturproduksjonar, og har drøfta programforslag for skuleåret 2011-12. Uprisen er eit tiltak som fylkesbiblioteket og DKS støtta i 2011. 9
To 9. klassar i Kinsarvik las eit utval ungdomsbøker og stemde på den boka dei likte best. Lærar og to elevar fekk reisestøtte til Oslo for jurymøte. Klassane fekk også besøk av kritikarfadder. Foreningen!les står bak Uprisen. DKS samarbeider om programmet på bokbåten i Hordaland. Internasjonalt arbeid Fylkesbiblioteksjef Ruth Ørnholt er med i folkebibliotekseksjonen i Section on Public Libraries i IFLA (International Federation of Library Associations and Institutions). Seksjonen var samla til møte i Barcelona i april. I 2012 var verdskongressen i Helsinki. Fylkesbiblioteksjef presenterte prosjektet Biblioteklandskap i endring på konferansen Libraries in Networks: Creating, Participating, Co-operating i Klaipéda i Lithauen 8. 9. August, 2012 Halmstadgruppa Fylkesbiblioteksjefen er med i programkomiteen for Halmstadkonferansen, ein nordisk bibliotekkonferanse med utgangspunkt i Halmstad i Sør-Sverige. Varemerket til konferansen er å sjå framover og diskutere nye trendar i folkebibliotekverksemd i eit politisk perspektiv. Konferansen i 2011 blei arrangert i Halmstad i april. 10
Driftsoppgåver Distribuert mediekjøp Distribuert mediekjøp er ei ordning som skal ivareta folkebiblioteka sine behov for meir spesialisert materiale. Biblioteka i fylket kan melde seg på og kjøpe inn materiale etter retningsliner for distribuert mediekjøp, og etter ei tildeling basert på innbyggjartal i kommunen. I 2012 deltok 30 av 33 folkebibliotek i fylket i ordninga med distribuert mediekjøp. Desse fekk tildelt kr 400.000 til innkjøp bøker og anna materiale. Fjernlån og transport mellom bibliotek Lån mellom bibliotek i Noreg er i endring. Nedgang i biblioteka sine mediebudsjett, fører til auka innlån. Bruken av transportordninga aukar, samstundes som utlånet frå Bergen Off. Bibliotek til bibliotek i Hordaland går ned. Samarbeid mellom biblioteka og restriksjonar på utlån av materiale frå Bergen Off. Bibliotek, gjer at lån blir spreidd på fleire bibliotek. 2012 held bibliotekbrukarane fram med å bestille fjernlån sjølv, såkalla brukarinitiert fjernlån. Desse blir utlånt og returnert frå lånaren sitt næraste bibliotek, og er også ein del av forklåringa på auka bruk av transportordninga. Tabell: Fjernlån frå Bergen Off. Bibliotek År: 2009 2010 2011 2012 2008 Mottekne bestillingar totalt 12913 14295 12740 14090 8189 Brukarinitierte bestillingar 51 453 636 1205 219 Utlån totalt 14088 13918 12754 12878 8062 Utlån til bibliotek i Hordaland frå BOB 11559 10706 9402 8574 5078 Årsaka til differansen mellom bestilte og utlånte bøker kan vere fleire, t.d.: dobbeltbestillingar, at bestillinga blir avviste og at det er grenser på utlån av musikk og film. Fylkeskommunen betaler meir enn halvparten av kostnadene med utsending av materiale frå Bergen og bidrar med ei 80% merkantil stilling på Bergen. Off. Bibliotek. BS Transport har ansvar for frakt av bøker og anna materiale mellom biblioteka i fylket og ut av fylket. Alle dei kommunale folkebiblioteka utanom Austevoll, Eidfjord og Modalen er med. Eit av hovudmåla for transporttenesta er at det skal bli enklare og raskare for biblioteka å låne frå kvarandre, og at ein i samarbeidsregionane i fylket kan planleggje felles 11
mediesamlingar utan tanke på tungvint transport. Folkebiblioteka har fast pris på ordninga og fylkesbiblioteket betaler halvparten av kostnadene. I 2012 vart det frakta 12661 pakkar via ordninga. Informasjonsarbeid Nettstaden til fylkesbiblioteket og postlista «Folkebiblioteka» har blitt aktivt brukt til å informere om tenestene og prosjekta våre. Det blei publisert tre nyhende i snitt kvar månad i 2012. Flickr-kontoen med bilde frå besøk i biblioteka og andre hendingar, har blitt oppdatert med sju nye bildegrupper. Bloggen som erstatta meldingsbladet Emneord i mars 2011 blei lite brukt og skal leggjast ned. Vi har brukt Facebook i profileringa av prosjektet Poesislam i UKM og bokbåttenesta (i samarbeid med fylkesbiblioteka i Sogn og Fjordane og Møre og Romsdal). Skulebibliotekarane i dei vidaregåande skulane i fylket kommuniserer og utvekslar informasjon med kvarandre og med fylkesbiblioteket i ei lukka gruppe på It s Learning. Bokbåten Bokbåttenesta er eit samarbeidstiltak mellom fylkeskommunane i Hordaland, Møre og Romsdal og Sogn og Fjordane. Bokbåten Epos er eit mykje brukt og høgt verdsett bibliotek- og kulturtilbod som femnar breitt i kyst- og fjordområda i fylket. 12
Bokbåten hadde 42 driftsdagar i 2012, og 50 (51) stoppestader fordelt på 21 kommunar. Stoppa vert vitja to gonger i løpet av året. Det blei lånt ut totalt 18408 (20793) einingar, av desse var 15125 (16469) til barn og 3283 (4324) til vaksne. Det var 89 (85) kulturprogram på bokbåten i 2012, med eit samla publikumstal på 3005 (3013). Kulturprogramma er eit samarbeid med Den Kulturelle skulesekken i Hordaland, og har vore varierte og godt mottekne. Fylkeskommunen og Lindås kommune har vidareført avtalen om at Lindås bibliotek skal utføre praktisk oppgåver i samband med drifta av bokbåten. Lindås bibliotek står m.a. for bokinnkjøp, organisering og halvparten av bemanninga på dei to årlege turneane. Samarbeidet har ført til ei kvalitetsheving av tenesta, fordi tilsette i eit operativt bibliotek har meir litteraturkunnskap og fokus på formidling til barn og unge, enn tilsette på fylkesbiblioteket. Ein del av barne- og ungdomsbøkene er blitt stilte opp etter kategoriar, der ein samlar fag- og skjønnlitterære bøker innanfor utvalde emne, som natur, teknologi og kropp og idrett. Dette tiltaket fungerer svært bra, og det er trong for fleire bøker innan desse emna. Bokbåten har fått nye stoppestader i kommunane Fusa og Sund, samstundes som nokre stopp har blitt nedlagt der skular har blitt vekke. På nye og gamle bokbåtstopp har store flokkar med glade born og vaksne fått gleda av program. På vårturen var det Nina Næsheim som fortalde og song frå «Det magiske skrinet», og Trond Magnum hadde framsyningar med leseglede i «BOKstavelig talt». På haustturen møtte publikum heksa Heksagon, alias Christin Grilstad Prøis, og Teater Fusentast hadde ei absurd og morosam framsyning med «Katta og andre strofer». På haustturen vart også automatisert utlån med skanning av lånekort og strekkodar prøvd ut. Dette vil verte innført på alle stopp i 2013. Dei tre fylkesbiblioteka samarbeider om nettstaden www.bokbaten.no/ Facebookprofilen har 560 likarar. Det har vore notisar og artiklar om turneane i fleire aviser. 13
Klassesett Fylkesbiblioteket låner ut klassesett til grunnskular i fylket utanom Bergen. I 2012 blei det lånt ut 109 (143) sett, i alt 1 699 (1 989) bøker, 20 (32) lydbøker og 4 (2) dvd ar. God presentasjon av tilbodet med bokomtalar og undervisningstips på nett er til god hjelp for lærarane. Råd og rettleiing Dei tilsette på fylkesbiblioteket svarer i løpet av året på mange spørsmål frå kommunane om innreiing, samlingsutvikling, samarbeid og andre bibliotekfaglege problemstillingar. Om bileta i falderen Om ikkje anna er oppgjeve, er bileta teke og eigd av Hordaland fylkesbibliotek. Framsidebilete: Frå Bømlo folkebibliotek. Foto: Olav Bjørkum. Bilete er frå ein serie med bilete frå biblioteka i Sunnhordland i 2012. Fylkesbiblioteket delte ut støtte til fotografbilete i biblioteksamarbeid, til bruk i profilering og marknadsføring i trykte og digitale kanalar. 14