FUSA KOMMUNE Eining Heimetenester INFORMASJON OM HEIMETENESTER I FUSA KOMMUNE Eining heimetenester yter heimetenester etter lov om helsetenester i kommunane, lov om sosial omsorg og etter kommunale retningslinjer, til personar i Fusa som har behov for nødvendig helsehjelp. Det vert fatta enkeltvedtak på dei tenestene brukarane mottar. Tenestene kan vera heimesjukepleie, praktisk bistand, avlastning, dagsenteropphald, brukarstyrt personleg assistanse, tilsyn, hjelp til medisinar osv. Einingsleiar er Helen Koldal, som har kontor på Fusa bu og behandlingssenter i Eikelandsosen. Adr: FBBS, 5640 Eikelandsosen Tlf: 56590215 / 0200 E-post: helen.koldal@fusa.kommune.no Nestleiar: Gro Elisabeth Almås Eininga består av 4 avdelingar/område: Område 1 Baldersheim: Baldersheim Helsetun, heimesjukepleie, praktisk bistand, dagsenter Avdelingsleiar: Anne Kristin Thunestveit Leitet Tlf: 56582040/2049 Mobil: 40415543 Område 2 Eikelandsosen: Heimesjukepleie, praktisk bistand, Fjordblikk dagsenter, dagsenter for demente Avdelingsleiar Gro Elisabeth Almås. Tlf: 56580230/234 Mobil: 48893669 / 48893671
Område 3 Fusa: Eikhovdaheimen, heimesjukepleie, praktisk bistand Avdelingsleiar: Bodil Lunde Hansen Tlf: 56582127 Mobil: 91329711 Fjordblikk dagsenter, Eikelandsosen og dagsenter Baldersheim helsetun: Dagsenter for eldre og dagsenter for demente Dagsenterleiar: Ingunn Tveit Tlf: 56580216/56582040 Tiltak for funksjonshemma: 3 bufellesskap: Hellemyra, Holmefjord, Torsneset, avlastningsbustad Avdelingsleiar: Liv Elin Moen. Tlf: 56581595 Kløvertun dagsenter: Dagsenter for psykisk utviklingshemma Dagsenterleiar: Kathrine Thunold Tlf: 56581592 Fusa kommune har òg kreftomsorgsgruppe, demensteam og rehabiliteringsteam. Ta kontakt med avdelingsleiar i ditt område for nærare informasjon. Heimehjelp /praktisk bistand til daglege gjeremål Heimehjelp og praktisk bistand vert gjeve til personar som er heilt avhengig av hjelp til dei praktiske gjeremåla i kvardagen. Døme på oppgåver ein kan få heimehjelp til er reingjering, klesvask og handling. Vanleg nivå på heimehjelp i Fusa er 1-2 timar kvar 14. dag, men det skal gjerast ei individuell vurdering ved kvar søknad. Søknad om heimehjelp vert å senda skriftleg til pleie- og omsorgsavdelinga i det området der søkjaren bur. Før søknad vert behandla tek vi eit heimebesøk for å vurdera behovet. Eigenandelen følgjer Fusa kommune sine satsar for heimehjelp. Heimehjelp er heimla i Lov om sosiale tenester 4-3, jfr. 4-2 a. Søkjar kan klaga på vedtaket. Klagefrist er tre veker frå vedtaket er motteke. Klage skal sendast til det organet som har fatta vedtaket. Om det er ønskjeleg,
kan ein ta kontakt med Pleie- og omsorgstenestene for å få hjelp til å setja opp klagen. Ved mottak av ein klage vil vedtaket verta vurdert på nytt. Dersom vedtaket ved ny gjennomgang ikkje vert endra, vert det oversendt til Fylkesmannen i Hordaland for endeleg avgjerd. Tenestestandard heimehjelp/praktisk bistand 1. Føremål Praktisk bistand til daglege gjeremål( heimehjelp) er ei behovsprøvd teneste som har til hensikt å hjelpa personar som ikkje greier praktiske gjeremål sjølv. Heimetenesta kan gje hjelp til dei som bur i eigen heim / omsorgsbustad.. 2. Lovgrunnlag: Lov om sosiale tenester 4 3 Hjelp til dei som ikkje kan dra omsorg for seg sjølv, eller som er heilt avhengig av praktisk eller personleg hjelp for å greie daglege gjeremål 4 2a Praktisk bistand og opplæring, herunder brukarstyrt personleg assistanse, til dei som har eit særleg hjelpebehov på grunn av sjukdom, funksjonshemming, alder eller av andre årsaker. 3. Målgruppe - Personar som har særleg hjelpebehov grunna sjukdom, funksjonshemming, alder eller av andre årsaker. 4. Kvalitetsmål Heimehjelpstenesta skal vera forsvarleg og tilpassa individuelle behov. Brukar skal oppleve tryggleik i eigen heim Brukar er sikra hjelp til å få utført eller opplæring i praktiske oppgåver Brukar skal verta møtt på ein respektfull og høfleg måte. Personalet skal komma til avtalt dag, eller gje melding dersom tidspunktet vert endra. 5. Tenesteform Praktisk bistand vert gjeven i eigen heim 6. Tenesteomfang Det vanlege timetal ved tildeling av heimehjelp er 1-1,5 timar pr. oppdrag, omfang etter behov.
Tenesta vert vanlegvis ikkje ytt i helger, på høgtidsdagar eller dagar der brukar er bortreist. Heimehjelpsteneste kan omfatte: Reingjering av rom som er i dagleg bruk; stove, kjøkken, soverom, bad og gang Vask av klede i vaskemaskin, evt oppheng av klede på innvendige stativ Sengereiing og skifte av sengtøy Reingjering av kjøleskap og mikrobølgeovn Vindusvask 1 gang pr år i rom som er i dagleg bruk Innkjøp av matvarer i næraste butikk, der ein ikkje tilbyr utkøyring av varer, og hjelp til bestilling av varer Tilberedning av brødmåltid, samt bestille og varme opp middag Opplæring/ rettleiing i daglege gjeremål Reingjering av reinhaldsutstyr Heimehjelpsteneste omfattar ikkje: Gardinvask eller storvask, kjellar- og loftsrydding, vask av skuffer og kjøkkenskap Pussing av sølv, kopar og messing Stryking/rulling av dukar, eller reparasjon av tøy Middagslaging i heimen Grasklipping Trappe-/gangvask i fellesareal Risting av tunge teppe Flytting av tunge møblar eller blomar Vedbering/snømåking 7. Eige ansvar For å få innvilga praktisk bistand til daglege gjeremål (heimehjelp) må følgjande vera tilgjengeleg i heimen: Støvsugar Moppestativ/mopp Reine klutar Miljøvenlege reinhaldsmiddel Vaskemaskin i god stand
Dersom brukar ikkje skal vera heima til avtalt dag, må det straks meldast frå til områdekontoret, Det vert ikkje ytt hjelp i heimen dersom brukar ikkje er til stades. Brukar må ta omsyn ved røyking og til arbeidsmiljø. Dersom det ikkje er tilfredsstillande reinhald i husværet før oppstart av heimehjelpsteneste, må nedvask av husværet dekkast av brukar. Pris: 1 G (grunnbeløpet i Folketrygda) er pr. 01.05.10: 75.641,-. Som betalingsgrunnlag vert rekna allmenn inntekt før særfrådrag frå siste kjende likning. Til husstanden vert rekna samla inntekt for ektefeller/sambuarar og evt. born under 18 år. For alle brukarar som har inntekt under 2G (151.282,-) gjeld ei abonnementsordning for heimehjelpstenesta på kr. 165,- pr. månad - uavhengig av hjelpeomfanget. Her gjeld likevel ein maksimal timesats på kr. 82,50.- pr. time når ein har mindre enn 2 timar hjelp pr. månad, sjå oppsett. For mottakarar som har over 2G i inntekt og som får under 4 timar hjelp pr. månad, vert det ein gradert timesats å betala, sjå oppsett. For dei som har over 2 G i inntekt og som får 4 timar eller meir hjelp pr. månad, gjeld ei abonnementsordning, noko som inneber ei fast betaling pr. månad uavhengig av hjelpeomfanget, sjå oppsett. Skattbar Kr. Abonnementpri Timesats nettoinntekt: s pr.mnd. inntil 2 G 151.282 165,- 82.50- v/under 2 timar /mnd mellom 2-3 G 151.282 226.923 574,- 153,- ved under 4 t/mnd mellom 3-4 G 226.923 302.564 979,- 248,- ved under 4 t/mnd Over 4 G 302.564 - > 1.405,- 354,- ved under 4t/mnd Heimesjukepleie Personar som er heimebuande og som har behov for pleie og tilsyn, kan få tilbod om heimesjukepleie.behov for heimesjukepleie kan meldast skriftleg eller munnleg til pleie- og omsorgsavdelinga i det området der du bur. Før søknaden eventuelt vert innvilga, vil det verta gjennomført heimebesøk for å vurdera behovet. Tenesta er gratis.
Heimesjukepleie er heimla i Lov om helsetenesta i kommunen 2-1, jfr. 1 3. Søkjar kan klage på vedtaket. Klagefrist er tre veker frå vedtaket er motteke. Klage skal sendast til det organet som har fatta vedtaket. Om det er ønskjeleg, kan ein ta kontakt med Pleie- og omsorgstenestene for å få hjelp til å setja opp klagen. Ved mottak av ein klage vil vedtaket verta vurdert på nytt. Dersom vedtaket ved ny gjennomgang ikkje vert endra, vert det oversendt til Fylkesmannen i Hordaland, Helseavdelinga for endeleg avgjerd Tenestestandard heimesjukepleie: Føremål med tenesta: Førebyggje og behandle sjukdom, skade eller lyte. Sikre forsvarleg og nødvendig helsehjelp, og gje brukarane høve til å bu i eigen heim så lenge dei ønskjer. Lovgrunnlag: Lov om helseteneste i kommunane Forskrift om kvalitet i pleie og omsorgstenesta Forskrift om lovbestemt sjukepleieteneste i kommunane Lov om pasientrettighetar Arbeidsmiljølova Målgruppe: Personar med behov for nødvendig helsehjelp, behandling, pleie- og omsorgstenester Kvalitetsmål: Personar som mottar pleie og omsorgstenester etter kommunehelsetenestelova får ivareteke sine grunnleggjande behov med respekt for det enkelte menneske sin eigenverd og livsførsel. Tenesteform: Heimesjukepleie vert ytt i heimen eller der personen midlertidig oppheld seg, fortrinnsvis av kvalifisert helsepersonell.
Kommunen si lovbestemte sjukepleieteneste omfattar oppgåver innanfor observasjon, vurdering, tilrettelegging, behandling og pleie, rehabilitering og reine pleiefunksjonar. Tilsette i sykepleietenesta må arbeide i nær kontakt med det øvrige helsepersonell i kommunen. Det må vera nært samarbeid med kommunal sosialteneste, offentleg tannhelseteneste og helseinstitusjonar. Tenesteomfang: Heimesjukepleie vert tildelt etter ei individuell vurdering av den einskilde sitt behov Innhaldet i tenesta vert definert i tiltaksplanar og dersom det er behov for det, i individuell plan Tenesta til den einskilde vil vera avhengig av realistisk hjelp frå eventuelle pårørande og familie Tenesta vert avslutta dersom behovet opphøyrer Eige ansvar: Tenestemottakar skal melde frå ved endring i hjelpebehovet, ved innlegging i institusjon eller er bortreist. Tenestemottakar skal ha høve til å medverke ved utforming eller endring av tenestetilbodet og i den daglege utføringa av tenesta. Tenestemottakar skal medverka til at tenesteytar har eit forsvarleg arbeidsmiljø, til dømes legge til rette for naudsynte tekniske hjelpemidlar, og ta omsyn ved røyking Pris: Heimesjukepleie er gratis Søknad: Søknad eller oppmoding om hjelp kan komme frå personen sjølv, frå pårørande eller lege eller etter ønskje frå den som har behov for tenester. Ein kan vende seg til heimetenestekontoret i det området ein bur i, eller til Fusa kommune. Ein kan sende inn skrifteleg søknad, søknadsskjema kan lastast ned frå Fusa kommune si heimeside. Tildeling av heimesjukepleie er tidsavgrensa. Sjukepleiar kjem på heimebesøk for å kartlegge behovet for hjelp før ein treff vedtak om tildeling av tenester. (Tenestestandardar med atterhald om godkjenning i kommunestyret)
Dagsenter I Fusa er det 3 dagsenter for eldre og fysisk funksjonshemma: I område 1 på Baldersheim helsetun, 1 dagsenter for eldre og 1 dagsenter for demente i område 2 på Fjordblikk (omsorgsbustadene) i Eikelandsosen. I tillegg er Kløvertun dagsenter eit dagtilbod til menneske med nedsett funksjonsevne. Dagsentra kan nyttast av eldre og fysisk funksjonshemma frå alle bygdene i Fusa. Plass vert tildelt etter søknad og vedtak. Søknad kan sendast inntaksnemnda. Dagopphald: kr. 68,- pr. dag Dagopphald eks.mat 1 dag pr. veke kr. 292,- pr. månad + kr. 67,- pr. middag Dagopphald eks. mat 2 dagar pr. veke kr. 584,- pr. månad + kr. 67,- pr.middag Dagopphald eks. mat 3 dagar pr. veke kr. 888,- pr. månad + kr. 67,- pr.middag Dagopphald eks. mat 4 dagar pr. veke kr. 1169,- pr. månad + kr. 67,- pr.middag For anna hjelpeverksemd for eldre og uføre gjeld følgjande betalingssatsar Leige av kommunale tryggleiksalarmar Kjøp av middag stor porsjon med dessert/suppe Kjøp av middag stor porsjon utan dessert/suppe Kjøp av middag liten porsjon utan dessert/suppe Kjøp av middag liten porsjon med dessert / suppe Kjøp av andre måltid (frukost, kvelds) Vaskeritenester dei som ikkje har heimehjelp dei som har heimehjelp kr. 227,- pr. månad kr. 67,- pr. porsjon Kr. 62.- pr. porsjon Kr. 42.- pr. porsjon Kr. 47.- pr. porsjon Kr. 32,- pr. porsjon Kr 40,- pr maskin Kr 21,- pr maskin
Matombringing Middag/matombringing er ei teneste til heimebuande eldre som ikkje greier å ordne seg med varm mat sjølv. Ta kontakt med avdelingsleiar i områda for ytterlegare informasjon. Tryggleiksalarm Fusa kommune har ei ordning med tryggleiksalarm for at eldre og fysisk eller psykisk sjuke kan leva trygt i heimen sin og kunne tilkalla hjelp ved behov. Søknad om tryggleiksalarm skal sendast til Inntaksnemnda.