REFERAT Styremøte i Bykle og Hovden Vekst A/S Tid: 16.11.2007 Stad: Bykle Hotell Desse møtte: Olav K. Mosdøl 4754 BYKLE Tore Wiese Hansen Jaktoddveien 20 4621 KRISTIANSAND Ole P. Bruun Reidar Fuglestad Alvestien 13 4638 KRISTIANSAND Magne Kvaslerud Regevik 4818 FÆRVIK Anne Ellen Senum Randi Steinsholt Referat frå: Kjell Pedersen-Rise. Der ikkje anna er notert er alle vedtak samrøystes. Dato: 19.11.07 Agenda: 1. Godkjenning av referat frå tidlegare styremøter 2. Referatsaker/orientering 3. Status strategiplan og utfordringar 4. Sluttoppgjer og status for Hovdetun 5. Søknad om støtte til marknadsføring HovdenFerie AS 6. Eventuelle andre saker 1
SAK 01. GODKJENNING AV REFERAT Det hadde ikkje kome forslag til endringar av dei siste utkasta. Vedtak: Styret godkjende referat frå møta 07.09.07 og 02.11.07, og underskreiv desse. SAK 02. REFERATSAKER/ORIENTERING A. HovdenFerie AS Hans Otto Andersen sin gjennomgang av selskapet er noko forsinka, fordi spøreskjemaene kom seint ut, særleg til hytteeigarane. I samband med styremøte 05.12.07 skal han ha ein gjennomgang for styret. Styret ønsker tilsendt rapporten frå Andersen. I samband med neste styremøte i HF, skal også markedsrådet innkallast, for å drøfte samspel og mandat for dette organet. På same vis som dei andre deltakande destinasjonane i Innovativ Fjellturisme, har også HF sagt ja til å delta i eit eige AS for å vidareføre arbeidet som er gjort innanfor dette prosjektet. Det er ikkje bindingar knytta til drift av aksjeselskapet. Aktivitetane skal prosjektfinansierast. Styret stiller seg positive til at BHV dekker utgifter til ei meir detaljert analyse frå Colorline, i samband med rapport som tidlegare er utarbeidd. B. Bykle2020 kommuneplan Kommuneplanen er ferdig trykt og distribuert til alle husstandar i kommunen. BHV sitt engasjement i prosjektet er dermed avslutta. C. Bykle Mat BykleMat hadde lansering av pinnekjøtet på Bykle Hotell 3. november. Det var fullt hus, med mellom anna kokkelauget i Agder som gjester. Kjøtet blei svært godt motteke, og prosjektet hausta mange godord. BykleMat har no fått opp flotte nettsider med nettbutikk (www.byklemat.no). I tillegg er det laga brosjyrer som skal distribuerast i Kristiansand. Dei har delteke på fleire messer i sommar og haust. Salet i Lislestog startar 9. november, og i tillegg er det gjort avtalar med hotell, restaurantar og ICA Hovden. Ca 40 % av produksjonen var seld per 01.11. Styret blei også orientert om status på utbetalingar til BykleMat. D. Prosjekt VA - Hovden Sør Styret blei orientert om at etter handsaming i kommunestyret 15.11, kan ikkje gravearbeidet starte opp 01.12, slik som tidlegare planlagt. Det skal arbeidast vidare med klarlegging av kostnader og konsekvensar av å velge eitt renseanlegg. Vidare skal det arbeidast for å få til minnelege avtalar med grunneigarane. 2
Det blei stilt spørsmål om ei utsetting kan gi konsekvensar for BHV sitt arbeide med prosjektet. Det blei opplyst at utsettinga kan få økonomiske konsekvensar for kommunen. E. Reiseliv/Helse/Idrett Innovativ Fjellturisme har godkjent justert prosjektplan og støttar forprosjektet med kr 200.000. Det blir oppstartseminar med arbeidsgruppa og styringsgruppa 29. november. Til å innleie på seminaret kjem Arvid Flagestad og Rolf Søraker (Direktør HR, Sparebanken Sør). Studietur til Lech i Østerrike blir arrangert tidleg i januar. Av spesiell interesse på studieturen er konseptet Welltain (Wellbeing in the Mountain). Samtlige medlemer av styringsgruppa og arbeidsgruppa deltar på turen. F. Hovden Booking Styret i Hovden Booking har tilsett Petra Zehe i stilling som dagleg leiar. Kaizen er engasjert for å kome med eit notat om konsekvensane av nedgangen i kalde senger i kommunen. G. Kommunedelplan tur- og skiløyper Arbeidet med planen er i gong. Planprogrammet var oppe til 2. gongs handsaming i kommunestyret 15.11.07. Styringsgruppa har hatt møte, og har skissert vidare arbeidsopplegg. H. Frukostmøte BHV arrangerte frukostmøte for næringa 15. oktober, med ti frammøtte. BHV presenterte selskapet og ulike prosjekt me jobbar med. Dei frammøtte meinte det er positivt med denne type møter. Det er nok med ca 4 møter i året, så kan ein heller sette av litt god tid dei gongene ein møtast. Møtene bør samordnast med kaffemøtene i HovdenFerie. Tema for møtene kan til dømes vere informasjon om ulike utviklingsprosjekt, at bedriftene orienterer om aktuelle prosjekt, eller anna. I. Heimte - prosjekt Det er nedsett prosjektgruppe for Heimte med sju unge frå Bykle og Hovden. Gruppa skal ha oppstartmøte 16. november, og får då drahjelp frå Eli Janette Fosso. Med tanke på prosjektet er me i gong med å hente inn opplysningar frå folkeregisteret til bruk i spørjeundersøkinga. Me vil ta føre oss alle mellom 18 og 40 år som har flytta inn eller ut av kommunen dei fem siste åra. Fosso vil kvalitetssikre innhaldet i spørjeundersøkinga. Tradisjonen tru blir det romjulstreff 28. desember, i år i Bykle. 3
SAK 03. STATUS STRATEGIPLAN OG UTFORDRINGAR Styret gjekk gjennom utdrag av rapporten frå Telemarksforskning og dei data som BHV hadde henta inn om utviklinga i næringslivet i kommunen. Det er eit positivt trekk at det er mange etableringar i kommunen. Vi har ei utfordring i samband med lønsemd og vekst i eksisterande verksemder. Punkta under blei nærare presentert: Folketalsutvikling Sysselsetting i privat sektor Etableringsfrekvens Lønsemd og næringslivsindeks Prosentvis andel av foretak som har overskudd før skatt Strategiplanen 2007-2009 slår fast at BHV har følgande kjerneaktivitetar: Følge opp eksisternade verksemder Stimulere til entrepenørskap og nyetableringar Tilrettelegge for unge etablerarar/næringsdrivande Støtte opp om kompetansebyggande tiltak Engasjere seg i utviklingsprosjekt Forvalte eigne dotterselskap og bygg Følge opp strategisk eigarskap i andre selskap Gjennomføre prosjektoppdrag for eigar og eksterne oppdragsgjevarar Strategiplanen 2007-2009 har følgande resultatmål: 30 nye arbeidsplassar i privat sektor 5 nye forretningar etablert Etablert SIVA-næringshage med min 20 utleigde kontor 5 arbeidsplassar innanfor IKT-segmentet Etablert eiga heimeside for kontakt med ungdom frå Bykle Bookingselskap har auka belegget i kommersielle senger med 15 prosentpoeng Hovden vidaregåande skule har 2 paralellar og er eit ressurssenter for opplæring 3 kompetanseutviklingsprosjekt for næringslivet er gjennomførte BHV har fakturerbare prosjektoppdrag for min kr 350.000 pr år Styret gjekk gjennom og drøfta statusrapporten. SAK 04. SLUTTOPPGJER OG STATUS FOR HOVDETUN Styret blei orientert om sluttoppgjer og status for Hovdetun. Nokre fakta: Totalt er Hovdetun på 2900 m². Parkeringskjellar i tube og under Hovdetun er på 1440 m². Totalt er parkeringskjellaren inkl. areal under Hovden Vy på 4000 m². Ca 1700 m² er areal for utleige. I dag er om lag 1100 m² utleigd. 4
Årleg leigeinntekt er på 1,3 millionar inkl. parkeringskjellar med ca 45 utleigde parkeringsplassar. Totalt er det om lag 140 parkeringsplassar. SAK 05. SØKNAD OM STØTTE TIL MARKNADSFØRING - HOVDENFERIE AS Bykle og Hovden Vekst AS handsamar HovdenFerie sin søknad om støtte til marknadsføring, medan kommunen handsamar søknad om støtte til vertskapsfunksjonen (turistinformasjon) og løypekøyring. Søknaden frå HovdenFerie omtaler utviklinga på Hovden dei siste åra, og viser til behov for forsterka marknadsføring for å gjere Hovden meir synleg. Dei søker om tilskott på kr 1 950 000,- og viser gjennom eit marknadsbudsjett kva tiltak som er planlagt gjennomførte i 2008. Vedtak Bykle og Hovden Vekst AS gir tilsagn om kr 1.950.000 i støtte til HovdenFerie AS sine markedsføringstiltak for 2008. Tilsagnet er basert på framlagde budsjett. Dersom omfanget av tiltaka blir mindre, blir tilskottet redusert tilsvarande. Det er eit vilkår at kommunen si næringsramme ikkje blir avkorta for 2008, samanlikna med dei siste åra. Det er eit vilkår at markedsrådet har gjort vedtak om markedsbudsjett og samla markedsopplegg for 2008, før utbetaling blir gjennomført. Bykle og Hovden Vekst AS føreset at HovdenFerie AS arbeider aktivt for å få andre aktørar med i spleiselag om markedsføring av destinasjonen. Bykle og Hovden Vekst AS vil ha tilbakemelding om kva midlane har gått til, og orientering om effekten av dei ulike tiltaka. Olav K. Mosdøl Magne Kvaslerud Tore Wiese-Hansen Reidar Fuglestad Ole P. Bruun Anne E. Senum Randi Steinsholt 5