INFORMASJONSBREV FRÅ BYKLE OG HOVDEN VEKST

Transkript

1 INFORMASJONSBREV FRÅ BYKLE OG HOVDEN VEKST Oversikt over verksemdene i det nye Hovdetun HEIMTE Mange distriktskommunar slit med fråflytting, medan me i Bykle er så heldige å ha ei positiv utvikling og auke i folketalet. Me har no passert 920 innbyggarar, Fjellgardane skule har fleire elevar enn nokon gong tidlegare og Bykle er den kommunen med flest nyetableringar per innbyggar. Me ønskjer gjennom aktiv tilrettelegging å bidra til at den gode trenden fortset. Folketalsframskrivingar for Bykle viser at det ikkje er nok å få unge til å flytte heim att, me må i tillegg ha anna tilflytting for å oppretthalde og helst auke folketalet. Som ei utviding av Heimte-prosjektet skal me i gang med eit prosjekt for å kartlegge flyttemønster inn og ut av kommunen, og forsøke å finne årsakar. Neste steg i prosjektet blir å jobbe fram konkrete Bulyst-tiltak. Målgruppe er unge som bur i kommunen, dei som har flytta ut, dei som har budd her midlertidig og potensielle nye tilflyttarar. Når me skriv unge har me ikkje definert dette klart enno, så foreløpig går me breitt ut. Dersom opplegget blir som tenkt vil trulig fleire av dykk bli kontakta i samband med den nevnte kartlegginga. I den samanheng og andre er det nyttig for oss å ha oppdatert kontaktinformasjon. Me blir derfor svært glade om de tar dykk bryet å fylle ut vedlagte skjema og returnere til oss.

2 KOM OG JOBB I BYKLE! På nettsidene våre ligg det ute oppdatert oversikt over ledige jobbar i Bykle. Det er mellom anna ledige stillingar i kommunen som tenesteleiar helse og omsorg, autorisert sjukepleiar og pedagog. Laila Johnsen Kjær fristar med gode lunsjar og anna i kafeen sin Smak og Nyt i Fjellgardstun VALRESULTAT FRÅ BYKLE Kommunevalet i Bykle resulterte ikkje i særlig store endringar med tanke på fordeling av mandat mellom partia. Framstegspartiet stilte liste for første gong, og kom inn med eitt mandat. Bygdelista mista eitt mandat. Valrestultatet blei slik: Høgre Arbeidarpartiet Sosialistisk venstreparti Senterpartiet 27,5 % 22,6 % 10,7 % 8,8 % 4 mandat 3 mandat Framstegspartiet Bygdelista Venstre Kristleg folkeparti 8,4 % 7,8 % 7,3 % 6,9 %

3 LENGE SIDAN DU HAR VORE HEIME? Som eg har skrive til dykk tidlegare var Bykle den kommunen som hadde flest nyetableringar i forhold til innbyggarar første halvdel av Dette er mest synlig på Hovden, som no i større grad enn tidlegare framstår som eit handelssentrum. Av forholdsvis nye etableringar kan eg nevne: Aperitiv Mote klesforretning i Hovdetun Hovden Antikviteter og galleri Hovdetun Høydepunktet kaffibar kaffi, kaker, lunsj, gåver og garn i Hovdetun Smak og Nyt lunsj/ kaffebar i Fjellgardstun Hovden Hud og Velvære hudpleiesalong under etablering i Fjellgardstun Bjåen Fjellstove overnatting, mat og opplevingar på Bjåen BykleMat produksjon av pinnekjøt og fenalår i Bykle Bellos Service hytteservice, matservering og meir Grønn Linje trefelling, linjerydding og meir Hovden Interiørmaling malarfirma Rammesjarmøren utvidar med galleri der Bamse gatekjøkken tidlegare var Elles kan det nevnast at skisenteret er i gong med utvidinga av anlegget mot Breive. Ny heis skal vere klar denne vinteren, og vil doble kapasiteten i anlegget. Dei søker no etter sesongmedarbeidarar, sjå oversikt over ledige stillingar på nettsidene våre. Høydepunktet kaffibar i Hovdetun. Her kan du få godt både å ete og drikke, samt gåver og garn. Innehavar er Gyri Bjåen, men denne dagen var mor Gunn bak disken.

4 YMSE ANNA Som mange av dykk kjenner til some på godt, andre på vondt var det rift om tomtene som vart lagt ut for sal i det nye bustadfeltet i Røyrvikåsen. Det var om lag 50 søkarar til 20 tomter. Det er positivt at mange vil bygge og bu her, så no gjeld det for kommunen å vere raske med å legge til rette for fleire bustadtomter. Eg minner om Byklaren som kjem ut ei gong i månaden, der de kan finne informasjon om ulike ting som rører seg i Bykle. Denne blir lagt ut på nettsidene til kommunen. Septemberutgåva kan de finne her. Kommunestyret har vedteke kommuneplanen for Mange av dykk har delteke på samlingar der kommuneplanen var tema, og samfunnsdelen bygger i stor grad på innspel frå dykk. Takk for alle bidrag! Planen blir lagt ut på nettsidene når den er ferdig utforma, samt distribuert til alle husstander i kommunen. Samfunnsdelen er i stor grad uendra frå høyringsutkastet som ligg på nettsidene, medan det er nokre endringar i arealdelen. Det er sett i gong eit forprosjekt som skal gi grunnlag for vurdering av satsing på helseturisme på Hovden. Prosjektet er eit samarbeid mellom næringslivet, offentleg sektor og akademia. Prosjektet tar utgangspunkt i demografisk utvikling, og har fokus på førebyggande helse og trendar i samband med kobling av helse, idrett og reiseliv. BHV har prosjektleiinga av dette prosjektet. Referat frå styremøter i BHV blir lagt ut på nettsidene våre Her kan du og finne informasjon om prosjekt me jobbar med og anna oktober blir norgescup i terrengsykling arrangert på Hovden. I tillegg til konkurransen blir det familiearrangement. Meir informasjon kan de finne på Mellom mykje anna dei held på med spilte Trym Bjønnes og Lars Rysstad Nordgreen på Protestfestivalen i Kristiansand 8. september. Noko av musikken dei har laga kan de finne her: Musikkvideo Trym og Lars: Trym på myspace:

5 Ellen Robsahm ønskjer velkomen til Aperitiv Mote i Hovdetun Delar av sortementet til Hovden Antikviteter i Hovdetun Kantarellar frå Stavenes Elles kan me minne om at det no er fine haustfargar i Bykle, og ein skogstur i går ga fin fangst med kantarellar! Me ønskjer alle ein fortsatt fin haust! Vennleg helsing Bykle og Hovden Vekst AS v/ Ingvild Hovden