TILSKOT TIL KULTURTILTAK 2012 - FORDELINGSPOLITIKK, FULLMAKTER OG RETNINGSLINER

HORDALAND FYLKESKOMMUNE Kultur- og idrettsavdelinga Arkivsak 201109481-26 Arkivnr. 135.6 Saksh. Haugland, Tone Stedal Saksgang Møtedato Kultur- og ressursutvalet 10.01.2012 TILSKOT TIL KULTURTILTAK 2012 - FORDELINGSPOLITIKK, FULLMAKTER OG RETNINGSLINER SAMANDRAG Slik det har vore vanleg i starten av eit nytt år legg fylkesrådmannen fram ei sak om fordeling av tilskot og avsetjingar til ein del årvisse tiltak. Det vil seia at det vert gjort framlegg om delegasjon av midlar innan ulike felt som bibliotek, internasjonalt arbeid, vaksenopplæring og idrett og friluftsliv. Det vert også lagt fram retningsliner og forslag til fordeling av midlar til handlingsdelen i fylkesdelplan for kulturminne. I tillegg vert det i denne saka handsama føringar for bruken av Kultur- og ressursutvalet sin rådveldekonto. Det vert lagt fram eige sak om fordelingane for Prosjekt Bryggen og fordelinga i det internasjonale prosjektet Coast Alive. Det vert lagt fram melding med oversikt over alle opne søknadsordningar knytt til Kultur- og idrettsavdelinga. FORSLAG TIL VEDTAK 1. Kultur- og ressursutvalet sluttar seg til retningsliner for Ålmenne kulturføremål og Tilskot til tiltak for barn og unge. 2. Kultur- og ressursutvalet sin rådveldekonto skal sjåast i samanheng med andre søknadsordningar og i hovudsak fordelast etter søknadsfristane 1. mars og 15. september. 3. Fylkesrådmannen får fullmakt til å fordele/disponere tilskota i følgjande postar: Post 400.720: - Internasjonalt kultursamarbeid kr 271 000

- Elevutveksling med Orknøyane kr 152 000 - Juleprosjekt Orknøyane, Edinburgh og Cardiff kr 143 000 - Kultursamarbeid Basse-Normandie kr 203 000 - Vitaliseringstiltak kr 102 000 4. Fylkesrådmannen får fullmakt til å fordele 272.000 kr til realisering av prosjektet Biblioteklandskap i endring. 5. Fylkesrådmannen får fullmakt til å fordela midlar til vaksenopplæring etter vedtekne retningsliner og innanfor dei budsjettrammer som fylkestinget har godkjent i fylkeskommunen sitt årsbudsjett 6. Kultur- og ressursutvalet sluttar seg til retningslinene for tildeling av midlar til handlingsdelen i fylkesdelplan for kulturminne og fordeler til følgjande tiltak (400.735): - Forvaltingsplan for automatisk freda kulturminne 100 000 kr - Kulturminne frå nyare tid 200 000 - Musea som faglege støttespelarar i forvaltinga 100 000 7. Fylkesrådmannen får fullmakt til å fordele/disponere tilskota innan Idrett/friluftsliv i følgjande postar 400.410, 400.420, 400.430 og 400.450: Post 400.410: 1. Fylkespremiar Post 400.420: 1. Tilskot til merking og gradering av turstiar 2. Opne idrettsanlegg for barn og ungdom 3. Støtte til regionale arrangement for psykiatri/rus, psykisk utviklingshemma og eldre. Midlar frå partnerskap for folkehelse vert også nytta til dette arbeidet. I tillegg vert kr 100.000, som Hordaland fylkeskommune årleg får tilført etter søknad frå Helse Bergen, nytta til å styrke arbeidet med unge innan psykisk helsevern. 4. Kulturdepartementet tildeler årleg, på basis av søknad og rapportering, kr 50.000 til utviklingsarbeid i fylkeskommunane. Desse midlane vert nytta til kompetansetiltak ovafor kommunane. 5. For 2012 har Helsedirektoratet løyvd kr 300.000 og Direktoratet for naturforvaltning kr 100.000 til samarbeidsprosjektet Aktiv saman. Post 400.430: 1. Spelemidlar til mindre kostnadskrevjande nærmiljøanlegg. Post 400.450: 1. Lokale tiltak for fysisk aktivitet og friluftsliv 2. Tilskot til tiltak i friluftsområde (Kap. 1427 post 74) 3. Tilskot til tiltak i friluftsområde (Kap. 1427 post 31) 4. Oppdatering av naturbase og utviklingsplan for statleg sikra friluftsområder Direktoratet for naturforvaltning har løyvd kr 121.141 til dette arbeidet i 2011/12. Paul M. Nilsen fylkesrådmann Anna Elisa Tryti fylkeskultursjef 2

FYLKESRÅDMANNEN, 19.12.2011: 1. RETNINGSLINER FOR STØNAD TIL ÅLMENNE KULTURFØREMÅL OG TIL KULTURTILTAK FOR BARN OG UNGE(AKTIVITETSSTØNAD) Her vert det lagt fram forslag til retningsliner for søknadsordningane Stønad til ålmenne kulturføremål og Stønad til Kulturtiltak for barn og unge. Revideringa er i all hovudsak av språkleg art. Retningsliner: 1. Hordaland fylkeskommune har eit regionalt kulturansvar. Løyvingane skal difor gå til tiltak/prosjekt i Hordaland som er av ein slik art at det har regional interesse og/eller nedslagsfelt. Dette kan t.d. vere pilotprosjekt som vil ha overføringsverdi til andre. 2. Stønaden skal gå til prosjekt og tiltak. 3. Det vert ikkje gjeve tilskot til følgjande: a) ordinær drift b) investeringar i bygg og anlegg c) utanlandsreiser Unntak kan vere deltaking i internasjonale tevlingar, m.m. etter kvalifisering eller samarbeidsprosjekt knytt til våre samarbeidsregionar. d) CD-produksjonar og litteratur Unntak kan vere når målet er dokumentasjon med kulturhistorisk verdi. e) tiltak/prosjekt i regi av fylkeskommunale institusjonar - t.d. vidaregåande skular f) humanitære tiltak i regi av interessepolitiske organisasjonar utan kulturfagleg innhald/kulturelt føremål g) aktivitetar i regi barne- og ungdomsorganisasjonar som får driftstilskot frå HFK. Unntak her kan vere fellestiltak mellom fleire organisasjonar I tillegg vert følgjande rettleiing gitt til potensielle søkjarar: Løyvingane skal stø opp under visjonen for Hordaland fylkeskommune sin kulturpolitikk i tråd med gjeldande Fylkesplan, og såleis m.a. vere med på å sikre innbyggjarar rundt om i fylket eit mangfaldig og godt kulturtilbod. Det er høve til å søkje støtte under denne ordninga til både profesjonelle kulturtiltak og frivillige aktivitetar. I vurderinga av søknadane vert det lagt vekt på desse momenta (i uprioritert rekkefølgje): I kva grad tiltaket bidreg til ei utvikling av kulturlivet i fylket I kva grad tiltaket har verdi for kulturlivet i større delar av fylket I kva grad er tiltaket nyskapande og kan ha verdi som pilotprosjekt Om tiltaket kan kopla saman aktørar og stimulere til samarbeid på tvers Dokumentarisk verdi Kvalitativt nivå på prosjekt og søknad Gjennomføringsevne og realisme i prosjektet Fordeling av midlane i høve geografi og sjanger - Det vert vanlegvis innvilga stønad i størrelsesorden 5000 20 000 kroner i denne ordninga. Totalt i denne tilskotordninga (ålmenne kulturføremål) 2012 ligg det kr. 1 million/ Totalt i denne tilskotordninga (Kulturtiltak for barn og unge) 2012 ligg det kr. 500 000 som vert fordelt ved tildeling vår og haust. 3

- Sjølv om enkelte som søkjer om stønad til faste årlege arrangement (festivalar, oppsettingar o.l) har fått stønad gjennom fleire år, eller at det har vore praksis å støtte liknande/tilsvarande prosjekt med ein viss sum, vil alle søknadar verte fritt vurdert i kvart enkelt tilfelle opp i mot samla tilskotssum og dei andre søknadene som ligg føre. - Desse midlane skal vere med å løyse ut aktivitet. Hordaland fylkeskommune ser det som ein føremon at prosjekta dei løyver til gjennom denne ordninga også er delfinansiert av andre, t.d. kommunar. - Om det vert søkt om støtte til kunstnarlege produksjonar er det eit føremon at det ligg ved/vert referert til enkel dokumentasjon (lydspor, bilete, link til heimeside el.) - For 2012 vil endeleg avgjersle sannsynleg skje i møte i Kultur- og ressursutvalet 17.april og for hausttildelinga 13.november. Administrasjonen legg fram si innstilling ei veke før utvalsmøtet, og denne vil då verte offentleggjort på www.hordaland.no. Endeleg vedtak etter politisk handsaming vil ligge klart dagen etter det aktuelle møtet på våre nettsider. 2. RELASJON TIL RÅDVELDEPOSTEN (400.760) Post 400.760 "Til rådvelde for Kultur- og ressursutvalet" vert å sjå i samanheng med andre av våre stønadsordningar og såleis vere retta inn mot større kulturutviklingstiltak i fylket, og i hovudsak fordelt etter søknadsfristane 1. mars og 15. september. Dette vil m.a. gjere det mogleg å sjå sakene i perspektiv og samanhang og dermed gje høve til å vurdere søknadane heilskapleg. Det vil likevel vera aktuelt å kunna vedta nokre fordelingar frå denne posten gjennom året, uavhengig av søknadsfristane. For 2012 står kr. 1 235 000 på denne posten. 3. FULLMAKTER TIL Å DISPONERE OG DELEGERE DIV. POSTAR Som tidlegare år legg Fylkesrådmannen fram innstilling om at Kultur- og ressursutvalet gjev fylkesrådmannen fullmakt til å fordele tilskota i følgjande postar: Post 400.720: - Internasjonalt kultursamarbeid (2012 kr 271 000) - Elevutveksling med Orknøyane (2012 kr. 152 000) - Juleprosjekt Orknøyane, Edinburgh og Cardiff (2012 kr. 143 000) - Kultursamarbeid Basse-Normandie (2012 kr 203 000) - Vitaliseringstiltak (2012 kr 102 000) Dei fire første av desse postane vert brukt for å oppfylle dei samarbeids-/venskapavtalane Hordland Fylkeskommune har med regionar i utlandet. Desse avtalane har ulike premiss, ulikt fokus og aktivitetsnivå. Alle desse postane går til aktivitetar og prosjekt initiert av HFK, men i enkelte tilfelle vert det også gjeve tilskot til andre aktørar som har tiltak/prosjekt knytt til våre samarbeids- /venskapsregionar. - Posten Internasjonalt kultursamarbeid vert brukt til kulturtiltak i fleire av regionane vi har samarbeid med, alt etter kva som er aktuelt til ei kvar tid. Her kan det både vere utgifter til tiltak og prosjekt initiert av Hordaland fylkeskommune og tilskot til andre etter søknad. - Elevutveksling med Orknøyane vert brukt til dekking av utgifter i samband med at det vert sendt to elever i 2. året i vidaregåande skule til eit skuleår på Orknøyane. Ein til to elevar frå Orknøyane får også tilbod om eit skuleår på Voss folkehøgskule. - Juleprosjekt Orknøyane går til advents/juleprosjekt med juletretenning på Orknøyane, i Edinburgh og Cardiff. Kulturavdelinga v. Fylkekonsertane legg opp turne på skulane på Orknøyane i tillegg til konsertar, mellom anna i St.Magnuskatedralen i Kirkwall. I Edinburgh og Cardiff arrangerer vi hovudsak adventskonsert i samarbeid med lokale mynde i samband med tenning av juletre som er gåve frå Hordaland. - Kultursamarbeid Basse-Normandie vert brukt til oppfylling av våre forpliktingar i samband 4

med avtale med regionen Nedre Normandie og ny handlingsplan som vart underskrive i november 2009. Kulturfeltet er svært viktig i denne avtalen, og der er mange samarbeidsprosjekt i gang og fleire potensielle. I 2010 gjekk store delar av denne posten til markeringa av Made in Hordaland under festivalen Les Boreales, 2011 til det felles utstillingsprosjektet som fokuserer på bruk av tre i dei to regionane. Elles legg ein stor vekt på å kople kulturaktørar i dei to regionane/fylka og stimulerer potensielle samarbeid. For 2012 vil m.a. deler av denne posten går til kunstnarutvekslingsprogram. - Posten Vitaliseringstiltak var tidlegare knytt til fylkesplan. Desse midlane går til prosjekt og tiltak som skal stimulere frivillige organisasjonar, samarbeid mellom desse og organisasjonsutvikling. 4. BIBLIOTEK - Post 400.340 Denne posten er knytt til realisering av Fylkesdelplan for bibliotek i Hordaland. I 2012 har Nasjonalbiblioteket som i 2011 gitt tilsegn på kr 500.000 til prosjektet Biblioteklandskap i endring. Dette er eit treårig prosjekt som starta i 2011, og vil få eit statstilskot på 1,5 mill til saman. Eg vil tilrå at Kultur- og ressursutvalet gjev fylkesrådmannen fullmakt til å fordele 272.000 kr til realisering av dette prosjektet. Fylkesrådmannen vil koma attende med rapportering om prosjektet. 5. VAKSENOPPLÆRING Post 400.730 Hordaland fylkeskommune har sidan 1978 gjeve tilskot til studieforbund som organiserer vaksenopplæringstiltak. Fylkesutvalet vedtok i 2005 nye retningsliner for administrasjonstilskot til vaksenopplæringstiltak. Tilskotet vert utrekna etter timetalet for to år sidan ut i frå statistikken til Statistisk Sentralbyrå. Hordaland fylkeskommune vil utbetala stønad til godkjende studieforbund som har dokumentert vaksenopplæringsaktivitet i Hordaland. Stønad til vaksenopplæringstiltak (grunntilskot og administrasjonstilskot) vert etter retningslinene utbetalt til det studieforbundet organisasjonane er med i. Utgangspunktet er Forskrifter gitt i medhold av Lov av 28. mai 1976 nr 35 om voksenopplæring. Fylkesrådmannen tilrår at det som tidlegare vert gitt administrativ fullmakt til å fordela midlane etter vedtekne retningsliner og innanfor dei budsjettrammer som fylkestinget har godkjent i fylkeskommunen sitt årsbudsjett. Eit studieforbund må vera godkjent av Undervisnings og Forskingsdepartementet (UFD) og ha dokumentert vaksenopplæringsaktivitet i Hordaland. SSB-registrerte, godkjende studietimar i Hordaland vert lagt til grunn for utrekning av aktivitetstilskotet. Grunntilskotet er på 4000 kr. Det vert berre gitt grunntilskot til studieforbund som har SSBregistrert minst 500 studietimar i Hordaland. Det vert nytta talmateriale 2 år før utbetalingsåret slik at utbetaling kan finna stad tidleg på året. Administrasjonstilskotet er 2-delt og vert fordelt til dei studieforbunda som kjem inn under vilkåra. a) Grunntilskotet er på kr 4.000 for kvart studieforbund b) Aktivitetstilskotet vert fordelt etter studieforbundet sine SSB-registrerte, godkjende studietimar 2 år før utbetalingsåret. Minstesum for utbetaling av aktivitetstilskot vert sett til kr 500. 6. FYLKESDELPLAN FOR KULTURMINNE Hordaland fylkeskommune er regional kulturminnestyresmakt med mynde etter Kulturminneloven og Plan- og bygningsloven. Økonomiske verkemiddel og forvalting av tilskot er viktig for å gjennomføre den regionale politikken på feltet. Fylkesdelplan for kulturminne, vedteken av Fylkestinget 10.06.99, er retningsgjevande: Overordna mål: Forvalta kulturarven i Hordaland, slik at ein sikrar ei berekraftig utvikling og at kulturminne og kulturmiljø vert verna som dokumentasjon av fortida og ressurs for framtida. 5

Mål for tema 1, Vern av kulturminne og kulturmiljø: Sikra kulturminne og kulturmiljø av kulturell, geografisk og tidsmessig breidde med nasjonal, regional og lokal verneverdi. Handlingsplan: Forvaltingsplan for automatisk freda kulturminne Forvaltingsplan for freda bygg og anlegg Forvaltingsplan for fylkeskommunale bygg og anlegg Utvikla Bryggen i Bergen som verdskulturminne Verneplan for kulturminne og kulturmiljø Mål for tema 2, Forvalting: Forvalta kulturminne som ein integrert del av ei heilskapleg miljø- og ressursforvalting. Handlingsplan: Ressursforvaltings-prosjekt for kulturminne og kulturmiljø Distriktsmusea som faglege støttespelarar i forvaltinga Etablera fellesråd for kulturminnevern Etablera fagleg samarbeid med Fylkesmannen si landbruksavdeling i høve til fagleg styring av kulturvernmidlar i landbruket Mål for tema 3, Kunnskap og formidling: Sikra og formidla kunnskap som er knytt til kulturminne og kulturmiljø. Handlingsplan: Etablera kulturdatabase for Hordaland Styrkja musea si rolle som formidlar Etablera fagleg forum Kulturbasert reiseliv Støtta fagmiljø for handverk og prosess Eigen budsjettpost følgjer handlingsplanen, og dei fleste av tiltaka er følgde opp og sett i arbeid. Hordaland fylkeskommune har som første fylke gjort ferdig tilstandsregistrering og innlasting av alle kjende automatisk freda kulturminne i databasen Askeladden. Dette gjer sakshandsaming og forvalting betre og meir forutseieleg for tiltakshavarar og kommunar. I samsvar med mål for tema 2, forvalting, og tema 3. formidling, rår eg til registreringane vert nytta til utarbeiding av forvaltingsplan for desse kulturminna. Elles er det viktig at arbeid med registrering, kartfesting og tilstandsvurdering av kulturminne frå nyare tid held fram som prioriterte tiltak i 2012. Særleg bør det leggjast vekt på å sluttføre arbeid med minne frå okkupasjonstida i Hordaland. Pågåande arbeid med rullering av fylkesdelplan for museum bør nyttast til å gjennomføre tiltak for å styrke musea som faglege støttespelarar. Eg gjer framlegg om slik fordeling: Forvaltingsplan for automatisk freda kulturminne 100.000 Kulturminne frå nyare tid 200.000 Musea som faglege støttespelarar i forvaltinga 100.000 til saman 400.000 7. FULLMAKT TIL Å DELEGERE/DISPONERE POSTAR INNAN IDRETT OG FRILUFTSLIV Post 400.410 Fylkespremiar Arrangement i regi av Norges Idrettsforbund, Det frivillige skyttarvesen og/eller underliggjande organisasjonsledd kan søke Hordaland fylkeskommune om premiering til nasjonale og internasjonale meisterskap på seniornivå og til yngre klassar. Når lageret med sølvpokalar og tinnfat er tomt vert dei erstatta med kunstverk med idrettsmotiv. Det kan søkast om fylkespremiar gjennom heile året. Eg tilrår at Kultur- og ressursutvalet gjev fylkesrådmannen fullmakt til å fordele fylkespremiar. Post 400.420: 1. Tilskot til merking og gradering av turstiar Dette er eit felles prosjekt i 2011 og 2012 med fylkeskommunane i Møre og Romsdal, Sogn og Fjordane, Rogaland og Hordaland, Gjensidigestiftinga, destinasjonsselskapa, Forum for natur og friluftsliv, friluftsråda, turlaga og Norges Jeger- og fiskerforbund. Føremålet er å implementere ein felles skiltmal for turløyper på Vestlandet med utgangspunkt i Innovativ fjellturisme sin mal for 6

merking og gradering. Frivillige organisasjonar, kommunar, destinasjonar og større geografiske områder kan søke. Det er krav om 50% eigeninnsats i form av dugnad og/eller eigne midlar. Gjensidigestiftinga bidreg med kr 10 mill. over to år. Hordaland fylkeskommune sitt bidrag er kr 1.152.276. Søknadsfrist for 2012 er 15. februar, og innan 1. mai skal søkar vert søkar underretta om fordelinga. Ei styringsgruppe i Hordaland vurderer og tildeler tilgjengelege midlar. Såleis tilrår eg at Kultur- og ressursutvalet gjev fylkesrådmannen fullmakt til å forvalte tilgjengelege ressursar til merking og gradering av turstiar i 2012. 2. Opne idrettsanlegg for barn og ungdom Kommunar i samarbeid med idrettsråd kan søke om støtte til oppstart av opne idrettsanlegg for barn og unge. Ein eigen brosjyre med gode modellar er utarbeidd: www.hordaland.no/idrett Det er gitt inntil kr 40.000 til dette lokale arbeidet. Det er krav om 50% eigenfinansiering og at tiltaket har eit langsiktig perspektiv. Støtte til vidareutvikling av eksisterande tilbod kan vurderast. Eg tilrår at Kultur- og ressursutvalet gjev fylkesrådmannen fullmakt til å fordele dette tilskotet. 3. Støtte til regionale arrangement for psykiatri/rus, psykisk utviklingshemma og eldre. Som del av arbeidet med partnarskap for folkehelse har Hordaland fylkeskommune endra si rolle i høve til gjennomføringa av ulike arrangement for personar innan psykisk helsevern, psykisk utviklingshemma og eldre. Vi bidreg med kompetanse og midlar til lokale partnarar som tilrettelegg for regionale arrangement. Midlar frå partnerskap for folkehelse vert også nytta til dette arbeidet. I tillegg vert kr 100.000, som Hordaland fylkeskommune årleg får tilført etter søknad frå Helse Bergen, nytta til å styrke arbeidet med unge innan psykisk helsevern. Eg tilrår at følgjande arrangement får tildelt midlar: - Vinteraktivitetsdag på Sjusete for utviklingshemma, Kvam herad kr 40.000 - Vinterfestival på Golsfjellet for funksjonshemma, Hordaland idrettskrets kr 50.000 - Sommeraktivitetsveka for funksjonshemma innan psykisk helsevern, Eidfjord kommune kr 30.000 - Havsportsdagar for personar innan psykisk helsevern, Austrheim kommune kr 40.000 - Friluftsdagar for personar innan psykisk helsevern, Modalen kommune kr 30.000-3-fjellsturen for personar innan psykisk helsevern, Bergen Turlag kr 50.000 - klatring for personar innan psykisk helsevern, Bergen Turlag kr 30.000 Det er inngått ein samarbeidsavtale med Amalie Skrams hus for perioden 2011-2015 om planlegging og gjennomføring av fire arrangement for personar innan psykisk helsevern, og til informasjonsarbeid til kommunar, DPS og ulike organisasjonar. Samarbeidsavtalen skal årleg evaluerast. Amalie Skrams hus får overført kr 72.000 for dette arbeidet for 2011 og 2012. Det vert arbeidd med å flytte arrangementa som i dag er lagt til Golsfjellet til Voss kommune frå 2012 og 2013. Det vert også arbeidd med å tilretteleggje for nye arrangement i samarbeid med andre kommunar og deira lokale samarbeidspartnarar. Markering av aktivitetar på eldredagen skal implementerast som del av arbeidet i partnarskapskommunane i tett samarbeid med eldrerådet. Dette gjeld også tilbod om motivasjonsseminar om fysisk aktivitetar for eldre. Eg tilrår at Kultur- og ressursutvalet gjev fylkesrådmannen fullmakt til å fordele desse tilskota. Aktiv saman 2012-2017 eit samarbeidsprosjekt mellom Hordaland fylkeskommune, kommunane Bergen, Askøy, Fjell og Samnanger, Hordaland idrettskrets, Bergen Turlag, Bergen og Omland friluftsråd og Way Forward. Samarbeidet omfattar vidare kartlegging, nettverksbygging, kompetanseutvikling, informasjon og aktivisering for å skape ein meir aktiv kvar dag for fleirkulturelle born og unge i Hordaland. Modellen har overføringsverdi til andre områder t.d. kultur. For 2012 har Helsedirektoratet løyvd kr 300.000 og Direktoratet for naturforvaltning kr 100.000 til samarbeidsprosjektet Aktiv saman. Eg tilrår at Kultur- og ressursutvalet gjev fylkesrådmannen fullmakt til å fordele desse tilskota. Kulturdepartementet tildeler årleg, på basis av søknad og rapportering, kr 50.000 til utviklingsarbeid i fylkeskommunane. Desse midlane vert nytta til kompetansetiltak ovafor kommunane som t.d. kurs og opne dagar i idrettsanlegg.no (anleggsregistreringssystemet og elektronisk søknadsskjema for 7

spelemidlar), dialogkonferanse, og nettverkssamlingar for drift og vedlikehald av idrettsanlegg. Eg tilrår at Kultur- og ressursutvalet gjev fylkesrådmannen fullmakt til å disponere desse statlege midlane i samanheng med fylkeskommunale midlar sett av til desse føremåla. Øvrige tilgjengelege midlar på post 400.420 vert nytta til delfinansiering av tiltak for å realisere fylkesdelplan fysisk aktivitet, idrett og friluftsliv 2008-2012, i samarbeid med kommunar og/el frivillige organisasjonar. Eg tilrår at Kultur- og ressursutvalet gjev fylkesrådmannen fullmakt til å fordele desse tilskota. Post 400.430 1. Spelemidlar til mindre kostnadskrevjande nærmiljøanlegg Spelemidlar til mindre kostnadskrevjande nærmiljøanlegg vert fordelt frå Kulturdepartementet til fylkeskommunane basert på tal innbyggjarar. Spelemidlar til mindre kostnadskrevjande nærmiljøanlegg skal medverke til ein infrastruktur som gjev folk høve til å drive eigenorganisert fysisk aktivitet. Anlegget/området skal vere fritt allment tilgjengeleg, primært for born og ungdom (6 19 år), men òg for resten av lokalsamfunnet. Kommunar/fylkeskommunar, idrettslag/organisasjonsledd i Norges idrettsforbund (NIF), samanslutningar organiserte under Norges Jeger- og Fiskerforbund, Den Norske Turistforeining, Noregs Bilsportforbund eller Det Frivillige Skyttarvesen, aksjeselskap/allmennaksjeselskap og kommunale føretak, stiftingar, burettslag og velforeiningar kan søke om midlar. Det kan søkjast om tilskot gjennom heile året, og det skal vere inntil fem veker sakshandsamingstid i fylkeskommunen. jfr. Føresegner om tilskot til anlegg for idrett og fysisk aktivitet 2010 (V-0732). Føresegnene gir klåre føringar for kriteria for tildeling. Eg tilrår at Kultur- og ressursutvalet gjev fylkesrådmannen fullmakt til å fordele dette tilskotet. Post 400.450: 1. Lokale tiltak for fysisk aktivitet og friluftsliv Eg tilrår at Kultur- og ressursutvalet gjev fylkesrådmannen fullmakt til å fordela kr 400.000 til lokale tiltak for fysisk aktivitet og friluftsliv. Føremålet er å fremja lokale tiltak som sikrar grunnlaget for allemannsretten og som legg til rette for det enkle friluftslivet. Midlar skal gå til friluftslivstiltak som tek sikte på å fremje sunne levemåtar, styrkje gode levekår og å minske sosiale helseskilnader mellom folk i Hordaland. Tiltak retta mot personar med funksjonshemming vert prioritert. Frivillige lag, organisasjonar, kommunar, grendalag, velforeiningar kan søke. Fristen er 15. februar og søkar skal få svar innan 1. mai. Tildelinga vert samordna med øvrige fylkeskommunale og statlege tilskotsordningar innan folkehelse og friluftsliv. Gode prosjekt vert støtta med tilskot frå kr 5.000 til 40.000. 2. Tilskot til tiltak i friluftsområde (Kap. 1427 post 74) Målet med denne statlege tilskotsordninga er å medverke til stimuleringstiltak og haldningsskapande arbeid for friluftsliv, med vekt på å styrkje allmenta sine interesser. Innsatsen skal i første rekkje rettast inn mot barn, unge, personar med funksjonshemming og etniske minoritetar. Målgruppa for ordninga er lokale lag og organisasjonar, dei regionale nettverka "Forum for natur og friluftsliv", Friluftslivets fellesorganisasjon (FRIFO) og ev. andre samskipnader av landsdekkjande, frivillige organisasjonar med friluftsliv som arbeidsområde. Det vert gjeve støtte i ei tilskotsramme på kr 5.000 til 40.000. Søknadsfrist er 15. februar, og søkjarar skal informerast om utfallet av søknaden innan 1. mai. Hordaland fylkeskommune har fått utsett frist frå Direktoratet for naturforvaltning for å kunne samordne denne tilskotsordinga med øvrige fylkeskommunale og statlege tilskotsordningar. I 2011 fekk vi kr 350.000 til fordeling på denne posten. Førebelse signal tilseier at vi vil få tilsvarande beløp til fordeling i 2011. Eg tilrår at Kultur- og ressursutvalet gjev fylkesrådmannen fullmakt til å fordele dette tilskotet. 3. Tilskot til tiltak i friluftsområde (Kap. 1427 post 31) Desse statlege midlane skal dekke utgifter til ulike praktiske tiltak og tilrettelegging som følgje av statleg sikring av viktige friluftslivsområde. Dei skal hovudsakleg nyttast til tiltak i sikra friluftslivsområde av nasjonal eller regional verdi. Kommunar og interkommunale friluftsråd kan søkje. Ein frivillig organisasjon kan ta hand om den daglege drifta. 8

Søknadsfrist er 15. februar, og søkjarar skal informerast om utfallet av søknaden innan 1. mai. Hordaland fylkeskommune har fått utsett frist frå Direktoratet for naturforvaltning for å kunne samordne denne tilskotsordinga med øvrige fylkeskommunale og statlege tilskotsordningar. I 2011 fekk vi kr 2,1 mill til fordeling på denne posten. Førebelse signal tilseier at vi vil få tilsvarande beløp til fordeling i 2012. Eg tilrår at Kultur- og ressursutvalet gjev fylkesrådmannen fullmakt til å fordele dette tilskotet. 4. Handlingsplan for statleg sikra friluftsområder Miljøverndepartementet har iverksett ei tiårig nærmiljøsatsing (2011-2021). Direktoratet for naturforvaltning har løyvd kr 121.141 til dette arbeidet for 2012. Det er sett ned ei arbeidsgruppe for arbeidet i Hordaland med representantar frå Hordaland fylkeskommune, Fylkesmannen, Statskart, Bergen kommune og friluftsråd og enkeltkommunar etter behov. Eg tilrår at Kultur- og ressursutvalet gjev fylkesrådmannen fullmakt til å fordele dette tilskotet. 9