Saksbehandlar: Heidi Karin Ekehaug Sak nr.: 12/219-15 Avdeling: Plan- og samfunnsavdelinga Side 1 av 5 Utstyrsentral for ungdom - tildeling av tilskot til kommunar Fylkesdirektøren rår hovudutval for plan og næring til å gjere slikt vedtak: 1. Tilskotsmidlane på kr. 600 000,- vert fordelt slik: a) Flora 90 000,- b) Førde 20 000,- c) Gloppen 80 000,- d) Hyllestad 70 000,- e) Høyanger 80 000,- f) Leikanger 50 000,- g) Naustdal 80 000,- h) Selje 60 000,- i) Vik 70 000,- 2. Som føresetnad for tildelinga må Gloppen, Naustdal, Leikanger og Hyllestad gje opp kven som er ansvarleg instans i kommunen. Flora kommune må komme med utfyllande opplysningar om organisering og administrering av utstyrssentral før utbetaling kan skje. 3 Utstyrssentralane skal etablerast i tråd med Helsedirektoratet sine tilrådingar. Spesielt er det lagt vekt på god kommunal forankring og god tilgang for alle unge uavhengig av sosial status og tilhørigheit vektlagt. Prenta vedlegg: 1 1. Retningslinjer for tilskot til utstyrssentral for ungdom: http://www.sfj.no/cmssff/cmsmm.nsf/lupgraphics/111114retningslinjer%20- %20tilskot%20til%20utsyrssentral%20for%20ungdom%20(2).pdf/$file/111114Retningsl injer%20-%20tilskot%20til%20utsyrssentral%20for%20ungdom%20(2).pdf Uprenta vedlegg: 10 1. Søknad frå Flora kommune 2. Søknad frå Førde kommune 3. Søknad frå Gloppen kommune 4. Søknad frå Hyllestad kommune 5. Søknad frå Høyanger kommune 6. Søknad fr Leikanger kommune 7. Søknad frå Naustdal kommune 8. Søknad frå Selje kommune 9. Søknad frå Stryn Indre Nordfjord Turlag Ungdom 10. Søknad frå Vik kommune
Saksframstilling 1. BAKGRUNN I stortingsmelding nr. 47 Samhandlingsreforma vert det lagt vekt på sosial utjamning og tilbod om aktivitet med låg terskel for deltaking. Med samhandlingsreforma og ny folkehelselov som trådde i kraft 1. januar 2012, er fylkeskommunen og kommunane pålagt å legge til rette for eit langsiktig og systematisk folkehelsearbeid. I følgje Fylkesdelplan for idrett, friluftsliv, fysisk aktivitet og folkehelse 2010-2013, vedteken i fylkestinget 13.10.2009 skal det offentlege ha eit særskilt ansvar for å utvikle tilbod til grupper som av ulike årsaker fell utanfor etablerte ordningar, eller som treng spesiell tilrettelegging. Det er vidare viktig å stimulere og motivere til eit aktivt friluftsliv i kvardag og fritid, samt spreie gode modellar og tiltak for lågterskelaktivitet. Forsking syner at det er samanheng mellom sosioøkonomisk posisjon og overvekt blant unge. Ungdommar frå familiar med dårleg familieøkonomi har høgare førekomst av overvekt og fedme samanlikna med dei som kjem frå familiar med god familieøkonomi (Grøholt, 2008). Vi veit at regelmessig fysisk aktivitet førebygg ei rekke lidingar, mellom anna diabetes, hjarte-kar sjukdomar, kreft og psykiske lidingar. Fysisk aktivitet har også positiv effekt på skader og ulukker, rusproblem, angst og depresjon. Utstyrssentralar Utstyrssentral er ein type lågterkskeltilbod og ein stad der ungdom, skular og frivillige organisasjonar kan låne utstyr til ulike former for friluftsliv eller sportsaktivitet. Målet med å ha utstyr for utlån er at alle unge kan få like muligheiter til å utøve fysisk aktivitet og friluftsliv uavhengig av sosial bakgrunn og status, og få oppleve glede av eit mangfald av ulike aktivitetar. Inaktivitet aukar blant unge, og med dei store helsemessige utfordringane det medfører for samfunnet og den enkelte, er det nødvendig å legge til rette for fysisk aktivitet. Ved å gjere sport- og friluftsutstyr tilgjengeleg i nærmiljøet nærmast gratis, vil dette kunne bidra til at fleire unge kan delta i aktivitet uavhengig av familieøkonomi og sosial status. Helsedirektoratet har utarbeidd ein rapport Sports- og fritidsutstyr til alle basert på erfaringar andre fylker/kommunar har gjort når det gjeld organisering og drift av utstyrssentralar. Her peikar dei på at utstyrssentralar kan jamne ut sosiale helseskilnader og erfaring viser at dei fremjar eit auka aktivitetsnivå. Helsedirektoratet konkluderer med at sentralane bør ha plassering i nærmiljøet og ha godt utstyr som er tilpassa årstidene. Gjennom ein utstyrssentral i nærmiljøet kan frivillige eller skuleklassar låne eller leige alt frå ski, fjelltelt, kano og kajakk til snøbrett. På denne måten kan unge prøve nye aktivitetar og utstyr, og lettare kunne finne aktivitetar dei likar. 2. VURDERING OG KONSEKVENSAR Plan og samfunnsavdelinga disponerte i 2011 kr. 600 000,- til ungdomstiltak, og bestemde at desse midlane skal nyttast til utstyrssentralar. Medio november i 2011 vart midlane lyst ut saman med andre tilskotsordningar fylkeskommunen disponerer over, og kommunane vart her invitert til å søkje tilskot til etablering eller vidareutvikling av utstyrssentral for ungdom. Det kom inn søknader frå 10 kommunar, nokre av dei søkte i samarbeid med frivillige organisasjonar. Totalt er det søkt om kr 1 038 906,-
Presentasjon av søkjarane Kommune Samarbeidspartar Utstyr det vert søkt støtte til Flora Syklar, kanoar, utstyr til ballaktivitet kr. 114 648,- i open hall Førde kr. 20 000,- Gloppen kr 188 000, Hyllestad kr 179 000,- Seksjon for kultur/fritid, seksjon for kvalitet/utvikling, Florahallen, frivillige Slåtten skule, frivillige v/bymarkas venner Nordfjord folkehøgskule Barne- og ungdomsskule Innvandrargrupper Frivilligsentralen Frivillige lag Vidareutvikling av utstyrssentral. Aktivitetsprosjekt for utsett ungdom. Kjelkar, fjellski og sko, kajakk, fiskeutstyr, surfebrett. Innvandrarungdom er målgruppe Turski m/sko, ryggsekkar, syklar, telt, liggeunderlag, fjellsko med meir Administrering Florahallen Lager/administrering i sentrum og ved Bymarka av Slåtten skule/ Bymarkas venner samarbeid med skulane. Folkehøgskulen har hovudansvar, stiller også eige utstyr disponibelt til utlån Hovudbase for utstyr i sentrum, administrering av frivilligsentralen Høyanger kr. 139 600,- Leikanger kr. 96 000,- Naustdal kr 110 000,- Selje kr. 60 000,- Stryn Indre Nordfjord turlag kr. 9658,- Høyanger Røde Kors hjelpekorps Stiftinga Siplo tråkkemaskin Flyktningtenesta Ungdomsklubben Idrettslaget Ungdomsskulen Rampen Frivilligsentralen Skulehelsetenesta Våtedalen tindeklub Grendalag og andre Barne- og ungdomsråd Vernepleietenesta Støttekontakt Lag og org Stryn videregående skule Norwegain Mountains Kanoar, redningsvestar, ryggsekkar og anna friluftsutstyr Ski og friluftsutstyr Syklar, utstyr til ballspel, fiskeutstyr, kanoar, klatresko, skateboard Tandemsykkel, terrengsykkel, utstyr til vassport, kajakk, lavo, lykter Søkjer midlar til utstyr som skal brukast i kurssamanheng sentrum og ved skianlegg i samarbeid med hjelpekorpset og Siplo Lager i idrettshall og ved skianlegg. Administrasjon av tilsette i kommunen. Lager lagt til sentrum/ ungdomsklubb, administrering av tilsette i kommunen Administrering av tilsette i kommunen Fell utanfor retningslinjene for midlane Vik kr. 122 000,- Ungdomsklubben Ungdomsskulen Vik fengsel Kanoar, fjelltelt, anna utstyr til friluftsliv og utstyr til ballspel Vaktmeister ved ungdomsskulen administrerer Kommunane Selje, Høyanger, Vik og Førde sine søknader viser ei god organisering og eit klart opplegg for drifta. Søknadane til kommunane Gloppen, Naustdal, Leikanger og Hyllestad er gode og gjennomtenkte, men manglar opplysningar om kven som er ansvarleg instans i kommunen. Fylkesdirektøren meiner at kommunane må opplyse om dette før utbetaling kan skje.
Flora kommune søkjer i hovudsak om midlar til utstyr som skal nyttast i tiltaket Open Hall, og i mindre grad til utstyrssentral. Fylkesdirektøren meiner at kommunen må gje utfyllande opplysningar om organisering, administrering og mål for etablering av utstyrssentral før tilskotet kan utbetalast. Slik vi kjenner kommunen jobbar dei godt og målretta med førebyggande tiltak overfor ungdom, har fokus på sosial utjamning i sitt arbeid for lågterskel fysisk aktivitet og god planforankring. Stryn sin søknad fell utanfor retningslinjene for midlane. Økonomi-/budsjettkonsekvensar Tilskot til etablering eller utvikling av utstyrsentralar er finansiert av midlar innanfor plan og samfunnsavdelinga sitt budsjett. 3. KONKLUSJON/TILRÅDING Fylkesdirektøren rår til at kr. 600 000,-, som er sett av til etablering eller vidareutvikling av utstyrssentralar for ungdom, vert fordelt til kommunane. Før løyvde midlar kan betalast må Gloppen, Naustdal, Leikanger og Hyllestad opplyse om kven som er ansvarleg instans i kommunen. Flora kommune må gje utfyllande opplysningar om organisering og gjennomføring før utbetaling kan skje.