Referat Studenttingsmøte 2011/2012 Tid 28. mars 2012, klokka 17.00 Stad Tilstades med stemmerett Tilstades utan stemmerett Rokken, konferanserommet AMF: Siri R. Jerndahl, Julie A. Lie Pau, Runa Røed (f.o.m.a< sak 57) AHL: Eskild V. Lied, Jo Fredrik Øiamo AKF: Linn Sørvig, Simen Lande, Anette A. Øverland ASH: Camilla Jensen, Thomas Kleppe STiV-styret: Tiril Asbøll, Becky Bakr, Arne Christian Ingvaldsen, Haakon Stensrud Andre: Mona Rossetvik (organisasjonskonsulent/referent), Christina Krogstad (KK), Jonas O. Østvik (ordstyrar) Sak: 00 11/12 Val av ordstyrar Innstilling frå styret: Jonas Ohlgren Østvik er ordstyrar ved dagens møte Godkjent! Sak: 01 11/12 Godkjenning av innkalling og referat Innstilling frå styret: Studenttinget godkjenner, i denne rekkefylgja: Innkallinga Referatet Godkjent!
Sak: 02 11/12 Godkjenning av sakliste Studenttinget godkjenner saklista. Kommentarar frå Studenttinget: - Då NOKUT-rapporten er svært omfattande, kunne den med fordel vore sendt ut tidlegare. - Sakspapira kom ein dag for seint. - Til ein annan gong bør alle vedtektssaker komme først, og orienteringssakene til slutt. Saklista vert godkjend! Sak: 03 11/12 Godkjenning av dagsorden Dagsordenen vert godkjend. Godkjent! Sak: 04-11/12 Orienteringar STiV-styret v/ Tiril Asbøll: - Jobbar med å få til ein temadag vedk. psykisk helse. - Har gøymt påskeegg med snop i, som ei merksemd til studentane. - Leiar, fagansvarleg og tidlegare internasjonalt ansvarleg, Christina Krogstad, har vore på internasjonaliseringsseminar i Bergen gjennom UH-Nett vest. - Leiar og internasjonalt ansvarleg har vore i Dublin i lag med internasjonalt utval. Målet var å rekruttere studentar frå Griffith University. - Har starta å planlegge studiestarten. Dette innebærer m.a. studentkalendaren og profileringsartiklar/give-aways. - Faddervekestyret er godt i gang med arbeidet.
- Leiar, internasjonalt ansvarleg og web- og kommunikasjonsansvarleg i styret har bestemt seg for å reise på utveksling til hausten. Det vil derfor verte styreval ved neste studenttingsmøte. SfS-styret v/ Siri R. Jerndahl - Har vore på styreseminar i Loen. Studentsamskipnadane for Romsdal og Nordmøre og Sogn og Fjordane var også tilstade. Forskningsutvalet v/ Jonas Østvik - Vil ha meir fokus på studentaktiv forsking Sak: 53-11/12 Arbeidsprogram 2012/2013 Arne Christian Ingvaldsen orienterar. Styret har foreslått fylgjande endringar: Endre punkt 2 til: - fylgje opp StudiebygdA Endre punkt 4 til: - bruke studentmedia aktivt til å informere om STiV og vårt arbeid Nytt punkt 5 (nåverende punkt 5 blir flytta ned) - sende ut fast nyhetsbrev på epost Endre punkt 6: - dele ut Studentprisen ved studiestart Endre punkt 7: -gå på informasjonsrunder til alle nye klasser og stå på stand ved studiestart Fjerne pkt.11: - jobbe aktivt for å fremme studentpolitiske saker under lokalvalget 2011. Fjerne pkt. 13: -opprette en ny hjemmeside innen høstsemester start/ studiestart 2011. Nye punkt: - fremme at studentorganisasjonane ved HVO skal tilrettelegge for internasjonal aktivitet - jobbe aktivt mot leiinga ved HVO for å forbetre kvalitetssystemet - jobbe for eit betre velferdstilbod for studentar HVO
- informere studentrepresentantane i høgskulestyret om si rolle Studenttinget diskuterer rundt fleire av endringsforslaga, men stiller seg ueinige til to av punkta: - Punkt 4: Innstilling frå styret: - bruke studentmedia aktivt til å informere om STiV og vårt arbeid Nytt forslag frå Studenttinget: - ha en fast spalte i Peikestokken hvor studentene informeres om nyheter fra STiV og vårt arbeid, samt bruke andre studentmedia aktivt Votering: Handsopprekking. Innstillinga frå styret: 5 for, 4 kontra, ingen avhaldne. Studenttinget sitt forslag fell. - Siste punkt: Innstilling frå styret: - informere studentrepresentantane i høgskulestyret om si rolle Nytt forslag frå Studenttinget: - betre samarbeidet med studentrepresentantane i høgskulestyret. Votering: Handsopprekking. Forslag frå Studenttinget: Alle for. Styret si innstilling fell. Vil Studenttinget vedta heile arbeidsprogrammet med endringar? Votering: Handsopprekking. 8 for, 1 avhalden. Vedtak: Arbeidsprogrammet for 2012/2013 er vedtatt med styret og Studenttinget sine endringsforslag.
Sak: 54-11/12 Revidering av strategiplanen 2010-2014 Arne Christian Ingvaldsen orienterar. Då strategiplanen kan opnast for revisjon kvart år, ynskjer styret å endre nokre punkt. Ynskjer Studenttinget å opne strategiplanen for revidering? Votering: Handsopprekking. 4 for, 5 i mot, ingen avhaldne. Vedtak: Strategiplanen vert ikkje opna for revidering. Sak: 55-11/12 Revidering av budsjett 2012 Tiril Asbøll orienterar. Ein skulle gjerne hatt meir midlar på alle postar, men styret meinar at ein har gjort ei god fordeling utifrå dei begrensa midla ein har. Studenttinget ønsker ikkje gjøre endringer i forhold til vedtatt budsjett Votering: Handsopprekking. Alle for. Vedtak: Studenttinget ønsker ikkje gjøre endringer i forhold til vedtatt budsjett Sak: 56-11/12 Klage på karakter Becky Bakr orienterar. Per i dag er det to behandlingsmåtar for klagesensur; etter Forvaltningslova og etter Universitets- og Høgskulelova («Blindsensur»). Ved HVO blir det praktisert etter Forvaltningslova, men NSO vil no innstille på at alle skal bruke Universitets- og Høgskulelova. Forslag 1: Studenttinget synes klagebehandlinga via forvaltningsloven er en god ordning og ønsker ikke å jobbe videre med dette.
Forslag 2: Studenttinget stiller seg bak NSO sin innstilling og ønsker at styret skal jobbe opp mot ledelsen for at HVO skal bruke Universitets- og Høyskoleloven ved klagebehandling. Studenttinget ynskjer å vite meir om kvifor HVO brukar forvaltningslova og korleis praksisen er. Vert det lagt ved personopplysningar eller berre kandidatnummer til sensor? Studenttinget tykkjer også det er vanskeleg å gjere eit vedtak når dei ikkje kjenner lovene skikkeleg. Forslag frå Studenttinget: Studenttinget synes ikkje dei har god nok bakgrunnskunnskap for å ta stilling til saka. Dei ynskjer at styret skal undersøkje nærmare korleis praksisen er ved HVO, og kvifor dei har valt forvaltningslova. Saka skal utsetjast til neste møte, og då ynskjer tinget å få ein uttalelse frå HVO og dei ynskjer å sjå dei konkrete lovtekstane. Votering: Handsopprekking. Alle for. Saka vert utsatt til neste møte. Sak: 57-11/12 Helsetilbod ved HVO Tiril Asbøll orienterar. Styret har fått ein del tilbakemeldingar vedk. helsetilbodet og ynskjer å få innspel også frå Studenttinget. Innspel: - Ventetida på psykolog er 3-6 mnd, dette må reduserast. - Bra med tilbod om helsesyster, men det er upraktisk at ho er til stade kun ein dag i veka. - Venterommet burde vore litt meir diskret. Er i gangen til SfS. - Kan vere vanskeleg å gå tid i skuletida, kva med kveldsope? - Jente- og gutedagar? - Tannhelse burde også vore med.
- Det er håplaust å få time med lege når ein ikkje har fastlege. Det er fleire måneds ventetid. Kunne det vore ein lege i dette helsetilbodet? - Det er generelt lite informasjon om helsetilbodet. - Fadderane bør ha ein mal på kva dei skal informere dei nye studentane om, det bør m.a. vere om helsetilbodet. - Helsesyster bør gå på inforunde og stå på ein liten stand på BK i løpet av fadderveka. - Kva med å bruke dei tillitsvalte til å informere. Styret vil ta med seg innspela. Sak: 58-11/12 Tidspunkt for konteeksamen Arne Christian Ingvaldsen orienterar. Eksamenskontoret ynskjer ei tilbakemelding på kva tid studentane tykkjer det er best å legge kontevekene. Studenttinget ønsker at konteeksamener skal avvikles i god tid før ordinær eksamensperiode. Studenttinget tykkjer det er vanskeleg å svare for alle studentane og dei er delt i synet om kva tid konteeksamen bør vere. Enkelte tykkjer det er veldig bra at den kjem i god tid før vanleg eksamensperiode, medan andre har mykje arbeidskrav og hadde ikkje hatt tid til å tenke på ein konteeksamen før i slutten av året. Dette kjem heilt an på studia. Styret bør også gje beskjed om at fristen for oppmelding kjem for tidleg. Ein rekk ikkje å få tilbakemelding på karakteren før ein må melde seg opp. Ein av representantane i Studenttinget hadde to dagar til å melde seg opp til konte, etter at ho fekk karakteren. Det har også vore svært dårleg informasjon rundt kva mogligheiter ein har vedk. å klage på karakterar. Det bør ligge ved informasjon når ein får karakterar om kva som er fristar og liknande. Dette bør også stå i kvalitetssystemet. Studenttinget ynskjer ikkje å gjere eit vedtak i denne saka og foreslår å gjere saka om frå vedtakssak til diskusjonssak.
Votering: Handsopprekking. Alle for. Forslag til vedtak fell og styret må gje eksamenskontoret tilbakemelding om dei forskjellige syna som har kome fram under møtet. Det må presiserast at det er kun Studenttinget som gir ei tilbakemelding og at dette ikkje representerar studentmassa. Sak: 59-11/12 Støtteerklæring til StudiebygdA Tiril Asbøll orienterar. Styret og Jonas Østvik fekk ved førre studenttingsmøte fullmakt til å skrive ei støtteerklæring. Med hensyn til fristen har denne allereie vorte sendt inn, så styret håpar Studenttinget vil ettergodkjenne. Studenttinget ynskjer generelt ikkje at dokument skal ettergodkjennast, men forstår at det måtte gjerast slik denne gongen. Studenttinget ettergodkjenner støtteerklæringa Votering: Handsopprekking. 8 for, 2 avhaldne. Vedtak: Studenttinget ettergodkjenner støtteerklæringa Sak: 60-11/12 NOKUT-rapporten Arne Christian Ingvaldsen orienterar. Styret ynskjer å ta tak i rapporten frå NOKUT vedk. kvalitetssystemet ved HVO og vil ha innspel frå Studenttinget om kva ein kan ta tak i. Studenttinget diskuterar for det meste rundt fagutvala og har fylgjande innspel: - Det er veldig varierande korleis fagutvala virkar og dei er for uformelle. - PR-studentane som tek emnet journalistikk 1, får ikkje sitje i det fagutvalet. Det er kun journalistane. Det viser at emnefagutval ikkje fungerer. Får kun diffuse svar på kvifor det er slik.
- Studentane skal skrive referata, men kan vere ukomfortable med dette. Viktig at ein får opplæring. Referata skal også sendast ut til alle, men dette vert ikkje gjort. - Det er dårleg oppmøte både frå studentar og tilsette. - Ein føler ikkje at sakene vert tatt vidare. Har tatt opp same sak i kvart møte, men får aldri tilbakemelding. - Saknar eit systemkart der ein får vite kvar saksgangen skal gå. Det er alt for lite tydlege rammer rundt dette. - Referatet skal sendast til partane for godkjenning, så til dekan. Men vert dette gjort? Grunnlaget for fagutvalet er grei, men praksisen er for dårleg. - Det er veldig viktig at dei emneansvarlege er sitt ansvar bevisst i forhold til fagutvala. - Fagutvala må gjere seg sjølv meir synleg. - Bør fagutvala fylje studieløpet eller emna? - Dette varierer veldig frå studie til studie. Ved drama er heile klassa fordelt på tre forskjellige emner. Det hadde vore vanskeleg å for ein person å snakke for alle. - Det er viktig å skilje mellom tillitsvalt og representantar i fagutval. Dei tillitsvalte skal svare for alt som går på klassa og miljøet, medan fagutvalet går kun på det faglege. - Kva forum skal tillitsvalte ta opp sakene sine i? - Dei tillitsvalte har samlingar med STiV-styret. - Ein bør oppfordre til at dei tillitsvalte stiller i fagutvala. - I fylgje NOKUT-rapporten er det negativt at ein ikkje har noko forum som diskuterer heile studieløpet, kun emna. - Har den tillitsvalte vag rolle? Dei bør få tilsendt referat frå fagutvala og vere meir vere meir ansvarleg for å bringe resultata opp mot leiinga. - Det bør ikkje vere kun ein person som skal ha ansvar både for alle emne og for klassa. Det er både mykje arbeid og det er også fare for at personen kan vere for subjektiv. - Det må kome meir informasjon om kva fagutvala er på starten av studieåret! - Lærarane pressar studentane til å sitte der, men studentane må ikkje dersom dei ikkje vil. - Det går også mykje på haldningar. Studentane må engasjere seg meir. Emneevaluering: - Det bør vere ein lik måte å gjere det på for alle. Dei ansvarlege må sende signal om at dette er svært viktig, ikkje berre legge den i eit hjørne i siste timen. Det må også vere betre rutiner på individuell evaluering.
Siri R. Jerndahl kjem med forslag om å setje ned ei arbeidsgruppe/ein komité som arbeidar med forbetringar, i samarbeid med leiinga med høgskulen. Er Studenttinget for ei slik arbeidsgruppe? Votering: Handsopprekking. 7 for, 1 i mot, 1 avhalden. Studenttinget ynskjer å setje ned ein kvalitetsskomitè og ber styret kome med forslag til kven som skal sitje i komiteen til neste studenttingsmøte. Votering: Handsopprekking. 8 for, 1 avhalden. Styret skal til neste møte kome med forslag til kven som skal sitje i ei slik arbeidsgruppe. Dei skal også snakke med leiinga om dette kan vere aktuelt. Sak: 61-11/12 Eventuelt Ingen eventueltsaker. Møteslutt 20.30