DEN NORSKE KYRKJA Møteprotokoll for Tid: 12.12.2017 kl. 15:15-18:30 Stad: ASKVOLL Frammøtte: Jostein Gryte Leiar Wenche Ness Gabrielsen Nestleiar Ikkje til stades i sakene 49 og 50 Ingvild Loftheim Aud Eldrid Frøholm Terje Mork Leif Jørgen Leknes Arne Fedøy Else Stølen Karen Anny Espedal Varamedlem Sissel Hege Igland Varamedlem Forfall: Anne Grethe Lien Halldis Rørvik Harriett Norstrand Stein Hugo Fykse Møtande frå administrasjonen: Rune Ziener Kyrkjeverje Saker handsama på møtet: Saksnr Uoff Tittel Sakshandsamar SR 2017/43 Godkjenning av innkalling og dagsorden RUNE ZIENER SR 2017/44 Godkjenning av protokoll frå soknerådmøte RUNE ZIENER 25.10.2017 SR 2017/45 Skriv, meldingar og drøftingar RUNE ZIENER SR 2017/46 Høyring. Ny lov om trus- og RUNE ZIENER livssynssamfunn SR 2017/47 Offerliste 1. halvår 2018 RUNE ZIENER FR 2017/48 Budsjettjustering desember RUNE ZIENER FR 2017/49 Holmedal kyrkjegard. Nytt gjerde. RUNE ZIENER FR 2017/50 Leiarlønnsvurdering RUNE ZIENER Askvoll, 12.12.2017 Ref. Rune Ziener
SR 2017/43 Godkjenning av innkalling og dagsorden UTGREIING INNSTILLING 1. godkjenner innkallinga og dagsordenen. MØTEHANDSAMING SAMRØYSTES VEDTAK 1. godkjenner innkallinga og dagsordenen. SR 2017/44 Godkjenning av protokoll frå soknerådmøte 25.10.2017 UTGREIING INNSTILLING 1. godkjenner protokollen frå møtet 25.10.2017. MØTEHANDSAMING SAMRØYSTES VEDTAK 1. godkjenner protokollen frå møtet 25.10.2017.
SR 2017/45 Skriv, meldingar og drøftingar UTGREIING Følgjande skriv og meldingar er lagt fram: M 2017/42 Kyrkjelydsutvalet i Askvoll: Møtereferat 9. november 2017 M 2017/43 Kontaktmøte med kommunen 9. november. Orientering. M 2017/44 Tilstandsanalyse, NB! Holmedal kyrkje (ikkje Kvammen som står i skrivet). INNSTILLING 1. tek skriv, meldingar og drøftingar til orientering. MØTEHANDSAMING SAMRØYSTES VEDTAK 1. tek skriv, meldingar og drøftingar til orientering.
SR 2017/46 Høyring. Ny lov om trus- og livssynssamfunn UTGREIING Kulturdepartementet har utarbeidd eit forslag til ei ny lov om trus- og livssynssamfunn. Lovforslaget ligg ute til høyring med frist 31.12.2017. Sjølve høyringsnotatet er ganske omfattande (230 sider) og ligg tilgjengeleg på nett på Kulturdepartementet sine heimesider: https://www.regjeringen.no/contentassets/3e1f412509d348f28dc19343779026b5/no/pdfs/h oringsnotat-forslag-til-ny-lov-om-tros--og-livssy.pdf Høyringa er open, og kven som helst kan sende inn høyringssvar, men dei kyrkjelege fellesråda er særskilt nemnd høyringsinstans. Hovudtrekk i lovforslaget Bakgrunnen for lovforslaget er mellom anna ein auke i trus- og livssynsmangfaldet i landet, og at finansieringsordninga til trus- og livssynssamfunna er under press på grunn av eit stadig aukande tilskot til trussamfunna. Lovforslaget er meint å skulle utforme ein heilskapleg religionspolitikk, altså staten sin relasjon til trus- og livssynssamfunna. Ein ønskjer ei modernisering og forenkling av tilskotsordningar frå det offentlege. Forslaget legg opp til ei fortsatt understøtting (økonomisk) av trussamfunna. I samsvar med Grunnlova 16 vert Den norske kyrkja (framleis) sett i ei særstilling, men lovforslaget inneber ei ytterlegare sjølvstendiggjering av Den norske kyrkja. Langt på veg kan ein seie at lovforslaget har i seg det uttalte ønsket som Kyrkjemøtet i sitt vedtak i sak 05/2013 (om ny kyrkjeordning) ba om. Særbestemmelser for Den norske kyrkja Gjeldande kyrkjelov er føreslege oppheva. I staden skal dei reguleringane staten ønskjer for Den norske kyrkja takast inn i den nye lov om trus- og livssynssamfunn i eit eige kapittel (kapittel 3 i lova, som berre gjeld for Den norske kyrkja). Som følgje av lovforslaget, er det lagt opp til mindre endringar også i gravferdslova og ekteskapslova. Utan at det har nokon relevans for Den norske kyrkja vil gjeldande lov om trudomssamfunn og ymist anna verte oppheva som følgje av ny lov. I denne saksutgreiinga vil det verte vektlagt forhold som primært gjeld Den norske kyrkja, og det vert minimal omtale av øvrige punkt. Hovudpunkt (tematisk) A. Finansieringsmodell for Den norske kyrkja Dagens regelverk: Den offentlege finansieringa av Den norske kyrkja i dag er todelt, og utgjer samla om lag kr 5,5 milliardar. Kommunane yter tilskot til lokalkyrkja (sokna) gjennom særskilte vedtak. Kommunane er forplikta til dette etter kyrkjelova 15. Samla sett utgjer det årlege tilskotet
frå kommunane omkring kr 3 milliardar (2016) pluss om lag 730 millionar til investeringar. Staten yter frå 2017 eit rammetilskot på kr 1,97 milliardar til det nye rettssubjektet Den norske kyrkja som i hovudsak finansierer prestetenesta, dei sentrale og regionale administrasjonane og trusopplæring. Noko annan offentleg finansiering av kyrkja kjem i tillegg til dei statlege og kommunale løyvingane, men for denne er lovforslaget ikkje relevant. I lovforslaget: Departementet ikkje konkludert når det gjeld finansieringsmodell, men held to alternativ som moglege: a) Ein fortsatt delt finansieringsmodell mellom stat og kommune b) Staten tek over det ansvaret for finansieringa som kommunane har i dag For begge modellar vil lovforslaget opne for at Kyrkjemøtet skal kunne vedta å innføre ei medlemsavgift (som ikkje er særskilt heimla i dag). Vurdering: Modell a er ei vidareføring av dagens ordning. Dei største fordelane med denne ordninga er ei vidareført nærleik mellom bevilgande organ og lokalkyrkja. Det vert opp til kommunane å sikre finansiering av lokale kyrkjelege utfordringar. Organet som representerer soknet vil etter modell a vere i ein betre (tettare) forhandlingsposisjon enn om dette organet skulle ha det sentrale Kyrkjemøtet som motpart. For lokalkyrkja sin økonomi vil det vere ein samanheng med korleis økonomien i den enkelte kommune utviklar seg i framtida etter modell a. På same måte som i dag, vil det vere relativt store variasjonar på lokalt nivå kor store grunntilskot sokna vil få med denne modellen. Med modell a vil lokalkyrkja ha «fleire bein å stå på» enn om ein vel modell b. Med modell b vil kyrkja i heilskap vere sikra ein stabil og forutsigbar økonomi forutsett at Stortinget prioriterer å halde oppe bevilgningsnivået til Den norske kyrkja i statsbudsjettet. Rammeløyvinga til kyrkja (sokna) vil sjølvsagt verte finansiert med tilsvarande reduksjonar i dei statlege rammeløyvingane til kommunane. Med denne modellen vil det vere Kyrkjemøtet som fordeler midlar til sokna etter ein eller annan fordelingsnøkkel. Korleis denne fordelingsnøkkelen vil sjå ut veit ein ikkje pr. i dag, då ein slik må vedtakast av eit framtidig Kyrkjemøte. Uavhengig av om modell a eller b vert vedteke er lovforslaget som sådan svakt på dette punktet, i og med at det ikkje vert sagt noko om kva det offentlege er forplikta på å finansiere. For finansiering av prestetenesta, trusopplæringa, dei sentralkyrkjelege og eventuelle regionale organa vil modell b i utgangspunktet ikkje føre til nokon endring samanlikna med dagens ordning. At det vert opna for lovheimel for moglegheiten av å fastsetje ein særskilt medlemsavgift er positivt. Det burde vurderast om lokale kyrkjelege organ bør få tilsvarande heimel.
B. Rettssubjekt og organiseringskompetanse Dagens regelverk: I dag er det to lovfesta rettsubjekt i Den norske kyrkja. Soknet (representert av sokneråda og dei kyrkjelege fellesråda) og frå 2017 det nasjonale rettssubjektet (representert av Kyrkjemøtet). Med tanke på organisering er det i dag lovfesta at det i tillegg skal vere eit kyrkjeleg fellesråd (i kommunar med fleire sokn) og eit bispedømmeråd i kvart bispedømme. I dagens kyrkjelov er det klart definert kva ansvarsområde og oppgåver som ligg til det lokale nivå. I lovforslaget: Departementet føreslær ei vidareføring av ordninga med to rettssubjekt i Den norske kyrkja (soknet og det nasjonale rettssubjekt). I lovforslaget vil det i ei framtidig kyrkje vere opp til Kyrkjemøtet å utforme og fastsetje ein organiseringsmodell, og det vert ikkje lagt nokon som helst føring for korleis kyrkja skal organiserast. Lovforslaget tømmer også soknet for ansvar og oppgåver, og det vil såleis vere opp til Kyrkjemøtet å tildele ansvar og oppgåver til soknet. Vurdering: Departementet imøtekommer fleire tidlegare vedtak i Kyrkjemøtet når kyrkja sjølv vert gitt full organiseringskompetanse i lovforslaget. Ein vesentleg svakhet i lovforslaget er likevel at kyrkja enno ikkje har vedteke ein ønska organisasjonsmodell, og at lovforslaget ikkje tek omsyn til dette. Om forslaget går gjennom vil Kyrkjemøtet ha alle rettar til å organisere kyrkja slik dei vil. Ein treng ikkje la dei lokale kyrkjelege organa uttale seg i den prosessen. I prinsippet kan Kyrkjemøtet etter lovforslaget velje å ikkje legge noko ansvar eller oppgåver til soknet. Det er heller ikkje sagt noko om at ein skal ha fellesråd/bispedømmeråd i ein framtidig modell. Lovforslaget fører til ein betydeleg ubalanse mellom lokalt og nasjonalt rettssubjekt, då forslaget ikkje gir soknet noko lovfesta ansvar eller rettar. Samanlikna med dagens kyrkjelov inneber forslaget ei sterk sentralisering av kyrkjeleg mynde og deregulering av kyrkja som organisasjon. C. Arbeidsgjevaransvar og kyrkjelege stillingar Dagens regelverk: Frå 2017 er dei fleste prestar, dei som er tilsett i regionale og sentrale kyrkjelege organ tilsett med det sentrale rettssubjekt som arbeidsgjevar. Før 2017 var desse tilsett i staten. Hovuddelen av dei kyrkjeleg tilsette har dei kyrkjelege fellesråda som sin arbeidsgjevar. Det er lovfesta i kyrkjelova i dag at det på lokalt plan skal vere tilsett ei viss
grunnbemanning for å kunne gjennomføre gudstenester og kyrkjelege handlingar, samt at det skal vere stilling til dagleg leiar for dei kyrkjelege fellesråd og tilstrekkeleg administrativ hjelp. Dette lovkravet forpliktar både fellesråd og kommune. Dagens kyrkjelov fastset at det skal vere prestedekning i kvart sokn, ein prost i kvart prosti og ein biskop i eit bispedømme. Det sentrale rettssubjektet har frå 2017 arbeidsgjevaransvaret for desse. I lovforslaget: Lovforslaget vidarefører bestemmelsen i dagens kyrkjelov 2, 4. ledd om prestetenesta. Lovforslaget seier ikkje noko om dei øvrige kyrkjeleg tilsette. Lovforslaget seier heller ikkje noko om framtidig arbeidsgjevaransvar. Vurdering: For dei om lag 6000 ansatte i dei kyrkjelege fellesråda (og som utgjer ein vesentleg majoritet av dei kyrkjeleg tilsette) seier ikkje lovforslaget noko om kva som skal skje med desse i ei framtidig ordning. Eit svekka lokalt rettsubjekt vil forsterke uvissa om korleis arbeidsgjevaransvaret for desse vil verte i framtida. I dag er det sokna (representert ved fellesråda) som har dette ansvaret, men med departementets lovforslag vil det ikkje vere noko lovfesta organ som skal vidareføre eller overta dette arbeidsgjevaransvaret. Når det gjeld prestetenesta vert denne lovfesta og for denne ser det ut som at departementet sementerer dagens ordning, og dette er eit av dei få punkta departementet gjer bestemmelser i organiseringsspørsmål for kyrkja. D. Kyrkjebygg Dagens regelverk: Kyrkjelova fastset at det er soknet som er kyrkjeeigar. Soknet (representert av fellesrådet) har vidare forvaltingsansvaret for kyrkjebygga. Kommunen er forplikta til å utgreie nødvendige utgifter til bygging, drift og vedlikehald av kyrkjebygga. I lovforslaget: Paragrafen om at soknet er kyrkjeeigar, med mindre anna følgjer av særskilt rettsgrunnlag, vert vidareført frå dagens regelverk. Det som er nytt i forslaget er at det ikkje lenger vert lovfesta at kyrkjeleg fellesråd også har forvaltningsansvaret for kyrkjebygga, men at Kyrkjemøtet fastset reglar om forvaltninga. Vurdering: Det er fornuftig at soknet framleis skal vere kyrkjeeigar, då dette vidarefører lokale tradisjonar. Det er også naturleg at eigar av kyrkjebygga også har forvaltningsansvaret for desse, og uheldig om Kyrkjemøtet skal kunne leggje forvaltingsansvaret til eit anna organ enn eit som representerer soknet. E. Gravplassforvalting Dagens regelverk: Gravferdslova legg all mynde til forvalting av gravferd og gravplass til soknet (representert
av fellesrådet). Kommunen skal etter kyrkjelova utgreie utgifter til anlegg, drift og vedlikehald av gravplassar. I lovforslaget: Departementet sitt lovforslag seier ikkje noko om kven som skal ha mynde til forvalting av gravplassar og gravferd, men gravplassforvalting skal framleis vere eit kyrkjeleg ansvar. I forslag til ny lovtekst i gravferdslova er «fellesrådet» bytta ut med «gravplassmyndighet». Kyrkjemøtet kan i kraft av lovforslaget sin 10, 2. ledd, jf. forslag til ny 23 i gravferdslova legge gravplassmynde til det organet dei vil. Vidare er det i forslaget nytt at kommunen kan søkje fylkesmannen om å overta forvaltingsansvaret for gravplassar. Det er ikkje føreslege at noko kyrkjeleg organ er høyringsinstans i ein slik søknadsprosess. Kommunalt finansieringsansvar for anlegg, drift og vedlikehald av gravplassar er føreslege vidareført i forslaget. Vurdering: Det er positivt at det vert føreslege vidareføring av eit (lokalt) kyrkjeleg forvaltingsansvar for gravplassar. Det er likevel ein svakhet at det ikkje vert nemnt kva organ som skal ha dette ansvaret, der gravferdslova i dag er tydeleg på at dette er kyrkjeleg fellesråd sitt ansvar. At kommunen eigenhendig skal kunne søkje fylkesmannen om å overta forvaltingsansvaret for gravplassar i kommunen synest merkeleg. Her kan det også som parallell til pkt. D over stillast spørsmålstegn ved tilhøve som gjeld eigedomsrett. INNSTILLING 1. gir høyringssvar til ny lov om trus-og livsynssamfunn som den ligg føre i forslaget frå kyrkjeverja. MØTEHANDSAMING Kyrkjeverja presenterte lovforslaget og kommenterte høyringsspørmåla og forslaga til høyringssvar. Under gjennomgang av enkeltpunkta vart det sett frem forslag om slike endringar: Spørsmål 7: Endre prioritering frå "Ikkje viktig" til "Viktig" Spørsmål 8: Endre prioritering frå "Ikkje viktig" til "Viktig" Spørsmål 22: Endre prioritering frå "Ikkje viktig" til "Viktig", samt stryke kommentaren i forslaget frå kyrkjeverja. SAMRØYSTES VEDTAK 1. gir høyringssvar til ny lov om trus-og livsynssamfunn som den ligg føre i forslaget frå kyrkjeverja, men med dei tre endringsforslaga som vart sett fram i møtet.
SR 2017/47 Offerliste 1. halvår 2018 UTGREIING Gudstenesteliste for 2. halvår 2017 er lagt fram, og oversendt kyrkjelydsutvala for utarbeiding av forslag til offerlister. Inkomne forslag er ført inn i lista nedanfor. Resterande forslag vil verte lagt fram i soknerådsmøtet. Tabellen er komplettert i protokollen. Kirke Dato Tid Dag Liturgi Offerføremål Askvoll kyrkje 01.01.2018 17:00 Mandag Gudsteneste med nattverd Askvoll kyrkje Askvoll kyrkje 21.01.2018 11:00 Søndag Gudsteneste med nattverd Det Norske Misjonsselskap Askvoll kyrkje 11.02.2018 11:00 Søndag Gudsteneste med nattverd Det Norske Bibelselskap Askvoll kyrkje 04.03.2018 11:00 Søndag Gudsteneste med nattverd Kyrkjebladet Askvoll kyrkje 18.03.2018 17:45 Søndag Temagudsteneste/konfirmantar Kyrkjelydens misjonsprosjekt Askvoll kyrkje 01.04.2018 12:00 Søndag Høgtidsgudsteneste Laurdagsklubben Askvoll kyrkje 15.04.2018 11:00 Søndag Gudsteneste med nattverd Kirkens SOS Askvoll kyrkje 06.05.2018 11:00 Søndag Konfirmasjonsgudsteneste Kyrkjelydsarbeidet Askvoll kyrkje 17.05.2018 10:00 Torsdag Gudsteneste utan nattverd Den norske kyrkja i utlandet Bulandet kapell 14.01.2018 11:00 Søndag Gudsteneste med nattverd Kyrkjelydens misjonsprosjekt Bulandet kapell 18.02.2018 16:00 Søndag Gudsteneste med nattverd Kyrkjelydsarbeid Bulandet kapell 29.03.2018 17:00 Torsdag Gudsteneste med nattverd Livsmeistringssenteret på Skei Bulandet kapell 22.04.2018 11:00 Søndag Gudsteneste med nattverd Kyrkjebladet Bulandet kapell 19.05.2018 12:00 Lørdag Konfirmasjonsgudsteneste Bulandet kapell Holmedal kyrkje 14.01.2018 16:00 Søndag Gudsteneste med nattverd Kirkens Bymisjon, Bergen Holmedal kyrkje 18.02.2018 11:00 Søndag Gudsteneste med nattverd Kyrkjelydens misjonsprosjekt Holmedal kyrkje 11.03.2018 11:00 Søndag Gudsteneste med nattverd Kyrkjejubiléet Holmedal kyrkje 30.03.2018 19:00 Fredag Pasjonsgudsteneste Ikkje offer Holmedal kyrkje 29.04.2018 11:00 Søndag Konfirmasjonsgudsteneste Holmedal Bedehus Holmedal kyrkje 17.05.2018 11:15 Torsdag Gudsteneste utan nattverd Holmedal kyrkje Holmedal kyrkje 27.05.2018 11:00 Søndag Gudsteneste med nattverd Kyrkjebladet Kvammen kapell 21.01.2018 19:00 Søndag Gudsteneste med nattverd Kyrkjelydens misjonsprosjekt Kvammen kapell 25.02.2018 11:00 Søndag Gudsteneste med nattverd Kyrkjebladet Kvammen kapell 25.03.2018 11:00 Søndag Gudsteneste med nattverd Det Norske Misjonsselskap Kvammen kapell 22.04.2018 19:00 Søndag Gudsteneste med nattverd Kvammen kapell Kvammen kapell 20.05.2018 12:00 Søndag Konfirmasjonsgudsteneste Jonasklubben Stongfjorden kapell 20.05.2018 10:00 Søndag Konfirmasjonsgudsteneste Stongfjorden kapell Vilnes kyrkje 28.01.2018 11:00 Søndag Gudsteneste med nattverd Skilbrei Ungdomssenter Vilnes kyrkje 25.02.2018 19:00 Søndag Gudsteneste med nattverd Kyrkjebladet Vilnes kyrkje 23.03.2018 13:00 Fredag Skulegudsteneste Vilnes kyrkje 01.04.2018 19:00 Søndag Høgtidsgudsteneste Den norske kyrkja i utlandet
Vilnes kyrkje 12.05.2018 11:00 Lørdag Konfirmasjonsgudsteneste Vilnes kyrkje Værlandet kapell 19.05.2018 10:00 Lørdag Konfirmasjonsgudsteneste Værlandet kapell INNSTILLING 1. vedtek offerlister som går fram av innkomne forslag frå kyrkjelydsutvala. 2. Resterande offerforslag vert lagt fram i møtet. MØTEHANDSAMING Resterande forslag vart ført inn i lista i møtet. SAMRØYSTES VEDTAK 1. vedtek offerlister som går fram av innkomne forslag frå kyrkjelydsutvala.
FR 2017/48 Budsjettjustering desember UTGREIING 1. Investeringsbudsjett Grunna manglande tilgang på høveleg areal vil ein ikkje komme i gang med utviding/anlegg av ny parkeringsplass ved Vilnes kyrkje (prosjekt 1005). Heile prosjektet bør difor nedbudsjetterast og førast opp på nytt i seinare budsjett. Konto Kontotekst Justering 42300 Byggteneste, nybygg - -488 000 42700 Konsulenttenester -73 000 42800 Grunnerverv -50 000 44290 Mva utanfor mva-lova (komp.) -153 000 47290 Kompensasjon moms påløpt i 153 000 inv.rekneskapen 48300 Tilskot frå kommunen/kommunale 434 000 institusjonar 49500 Bruk av bunde fond 120 700 49700 Overført frå drift 56 300 1005 Parkeringsplass Vilnes (sum) 0 2. Driftsbudsjett Det vert føreslege slike endringar i driftsbudsjett for 2017: 04100 Kyrkjeleg administrasjon I dette kapitlet ligg det i hovudsak an til eit mindreforbruk på fleire postar. Her er føreslege ei netto nedjustering på kr -104.000,- Konto Kontotekst Justering 30100 Fast løn -25 000 30800 Godtgjersle folkevalde -30 000 30903 Pensjonsinnskot - KLP -20 000 31200 Anna forbruksmateriell/råvarer og -20 000 tenester 31600 Skyss- og diettgodtgjersle (oppg.pl.) -7 000 31700 Transport, drift eigne transp.mid. (ikkje -5 000 oppg.pl. 32200 Leige, leasing, kjøp av maskiner 5 000 32300 Vedlikehald av bygg og anlegg -2 000 Sum 04100-104 000 04200 Kyrkjer Som tidlegare varsla har ein primært pga. langtidssjukmelding og høgt gravferdstal eit
betydeleg meirforbruk på lønn og sosiale utgifter i kapitlet kyrkje. Nokre andre mindre justeringar er gjort i kapitlet, mellom anna utgift til stillingsannonse. Netto oppjustering kr 158.300,- Konto Kontotekst Justering 30100 Fast løn 130 000 30903 Pensjonsinnskot - KLP 25 000 30990 Arbeidsgjevaravgift 20 000 31200 Anna forbruksmateriell/råvarer og tenester 15 000 31400 Annonsar, reklame, informasjon og representasjon 13 300 31500 Opplæring, kurs (ikkje oppg.pl.) -5 000 37700 Refusjon sjukepengar -40 000 Sum 04200 158 300 04300 Gravplassar Som følgje av nedbudsjettering av prosjekt 1005 der det var forutsett overført kr 56 300,- frå drift, vil ein ikkje få denne utgiften i år. Lønnsutgifter for sjukevikar ligg ein god del under utgifter til vikarar. Vedlikehaldsposten er sett ned med kr 42 000,- grunna lågare kostnad til ny port i Gjelsvik enn stipulert, samt at ein pga. bemanningsproblem ikkje fikk gjennomført tiltaket med fjerning og destruksjon av gamle gravminne. Utgift til tenestekjøp til graving ligg for perioden oktober 2016 til oktober 2017 vesentleg over tilsvarande periode 2015-2016, posten her er oppjustert med kr 35.000,- Ein har ikkje fått reetablert så mange festeavtaler som var forutsett i budsjettet, så her er inntekten nedjustert med kr 70 000,-. Netto nedjustering kr -54.300,- Konto Kontotekst Justering 30100 Fast løn 10 000 31200 Anna forbruksmateriell/råvarer og tenester 35 000 31600 Skyss- og diettgodtgjersle (oppg.pl.) -8 000 32300 Vedlikehald av bygg og anlegg -42 000 35700 Overføringar til investeringsrekneskapet -56 300 36301 Utleige av lokale, festeavgift 70 000 37100 Refusjon sjukepengar -63 000 Sum 04300-54 300 04432 Trusopplæring Grunna vakanse i stillinga sidan 1. mars har lønn- og sosiale utgifter vore betydeleg under budsjett. Dette kapitlet er statleg finansiert og må haldast utanfor økonomien i 04100-04300 over.
Stipulert mindreforbruk er føreslege avsett til bunde driftsfond for trusopplæring. Mindreforbruket i 2017 vil føre til tilsvarende avkorting i statstilskot for 2018, og ein må nytte avsetningar/fondsmidlar til å finansiere trusopplæringsarbeidet då. Konto Kontotekst Justering 30100 Fast løn -164 000 30903 Pensjonsinnskot - KLP -30 000 31400 Annonsar, reklame, informasjon og representasjon 26 000 31500 Opplæring, kurs (ikkje oppg.pl.) -5 000 35500 Avsetnader til bundne fond 161 700 39500 Bruk av bunde fond 11 300 Sum 04432 0 INNSTILLING 1. gjer justeringar i drifts- og investeringsbudsjettet som det går fram av forslaget frå kyrkjeverja. MØTEHANDSAMING SAMRØYSTES VEDTAK 1. gjer justeringar i drifts- og investeringsbudsjettet som det går fram av forslaget frå kyrkjeverja.
FR 2017/49 Holmedal kyrkjegard. Nytt gjerde. UTGREIING Bakgrunn I samband med anleggsarbeidet som er gjort for å sikre elveskråninga mot utrasing i Bakkeelva, er det fjerna ein god del vegetasjon i utkanten av gravplassen (tre/buskar/kratt). Vegetasjonen her var tidlegare tett og fungerte som ei slags naturleg avgrensing av gravplassen. Etter at vegetasjonen er fjerna viser det seg nødvendig at det vert sett opp eit gjerde mot Bakkeelva, då eit parti på om lag 70-80 meter no er heilt utan fysisk stengsel mot elva. Langs muren i elveskråninga er det også bratt og relativt høgt. Slik kyrkjegarden framstår no er det risiko for at t.d. barn kan falle i elva, og sikring er heilt nødvendig. Bilde av kyrkjegarden der gjerde manglar: Det er eit generelt krav til inngjerding av ein gravplass etter gravferdsforskriften 7, 1. ledd: «Gravplassen skal være inngjerdet og ha lukkbare porter. Det areal som ligger innenfor gjerdet skal som hovedregel være opparbeidet. Gjerdet skal ha et verdig utseende og utgjøre et fysisk hinder. Naturlige hindre som vassdrag og fjellskrenter kan tre i stedet for gjerde.»
Oversiktsbildet nedanfor viser kva område som er usikra i dag (gul linje). Gjerde på ein gravplass skal ha ein «verdig» utsjånad. Den blå linja på oversiktsbildet viser strekket der det i dag er eit enkelt nettinggjerde (synleg på bildet over) med lengde ca. 25 meter som avgrensing mot nord. Dette gjerdet kan ikkje seiast å ha tilfredsstillande estetisk utforming, og om ein skal i gang med montering av nytt gjerde bør ein bytte ut nettinggjerdet også i same omgang, ikkje minst for å unngå at det vert for mange ulike gjerde-/murelement på gravplassen. Resterande grenselinjer rundt kyrkjegarden består av ein eldre steinmur. Type gjerde Nasjonal gravplassrådgjevar har sett på bilde frå plassen og basert på dette seier ho at eit gjerde her bør vere eit enkelt tregjerde, og bør ha i seg ein gråfarge som tek igjen fargen frå taket på kyrkja. Truleg vil eit ståande plankegjerde ta seg best ut. Med tanke på haldbarhet og framtidig vedlikehald bør gjerdet vere behandla i vêrbestandig middel. Konkret forslag til utforming ligg ikkje føre enno, men vonleg vil ein få eit forslag frå entreprenør/byggeleiar innan møtedato.
Finansiering Ideelt sett burde inngjerdinga inngå i heile sikringsprosjektet mot Bakkeelva, men gjerdet var ikkje med i opphavleg prosjektskildring. Ein bør likevel prøve å få dette inn. Dersom ein ikkje får dette inn i det NVE-støtta prosjektet, bør ein prøve å finansiere dette med unytta del av finansieringstilskotet frå kommunen til sikringsprosjektet. Sluttoppgjer på øvrig arbeid er enno ikkje gjennomført. Godkjenningsmynde Å endre utforming av inngjerding vil være ei vesentleg endring av gravplass som krev løyve frå bispedømmerådet, etter gravferdsloven 4. Forslag til utforming av gjerde med beskrivelse av material farge m.v. vart lagt fram i møtet. Det var fire variantar av utforming som var føreslege, utan innstilling frå byggjeleiar. INNSTILLING 1. får sett opp eit gjerde (langs med elveskråninga og forsterkningsmur) snarast råd som sikrings langs Bakkeelva, samt erstatte nettinggjerdet langs nordgrensa. 2. Forslag til utforming og type gjerde vert lagt fram i møtet. 3. Ein søkjer å få inn oppsett av gjerdet i eksisterande prosjekt hos NVE for sikring av Holmedal kyrkjegard mot Bakkeelva. 4. Søknad om tiltaket vert sendt Bjørgvin bispedømmeråd. MØTEHANDSAMING SAMRØYSTES VEDTAK 1. får sett opp eit gjerde (langs med elveskråninga og forsterkningsmur) snarast råd som sikrings langs Bakkeelva, samt erstatte nettinggjerdet langs nordgrensa. 2. Ein ønskjer utformingsalternativ 3 på gjerdet. 3. Ein søkjer å få inn oppsett av gjerdet i eksisterande prosjekt hos NVE for sikring av Holmedal kyrkjegard mot Bakkeelva. 4. Søknad om tiltaket vert sendt Bjørgvin bispedømmeråd.
FR 2017/50 Leiarlønnsvurdering UTGREIING Saka vart lagt fram i møtet av Jostein Gryte, og det låg ikkje føre skriftleg saksutgreiing. INNSTILLING Ingen MØTEHANDSAMING VEDTAK 1. sitt forhandlingsutval får fullmakt til å gjennomføre lønnsforhandlingar 2017 med kyrkjeverja.