REGULERINGSFØRESEGNER FOR: Del av Fureberghovden gnr 19, bnr 547 m.fl. FORSLAGSSTILLAR: Marianne Neumann Hjelle og Borghild Monsen Tveit Sakshandsaming i samsvar med plan- og bygningslova Saksnr Dato Sign. Oppstartsmøte med Kvam herad 18.01.2018 TROBRA Kunngjering oppstart regulering 09.02.2018 12.03.2018 09.02.2018 IE 1.gongshandsama i NPB-utvalet 046/18 01.11.2018 TROBRA Offentleg ettersyn og høyring 11.12.2018 25.01.2019 11.12.2018 TROBRA 2.gongshandsama i NPB-utvalet 014/19 23.04.2019 TROBRA Vedtak i Kvam heradsstyre 029/19 07.05.2019 TROBRA Kunngjering av vedtak 07.06.2019 TROBRA I medhald av 12-12 i plan- og bygningslova. Sign.:... PlanID: 20180001 Arkivsaknr: 17/1752
1 GENERELT 1.1 Plandokument reguleringsplan. Reguleringsplanen er heimla i plan- og bygningslova 12-2 (pbl) av 27. juni 2008, og består av desse føresegnene og reguleringsplankart med PlanID 20180001 dagsett 18.09.2018. 1.2 Føremål med planen. Hovudføremålet med planarbeidet er fortetting av eksisterande hytteområde med 3 nye tomter innanfor planområdet og regulering av eksisterande vegstruktur, stier og byggjegrenser og faresoner med tanke på flaumrisiko. 1.3 Avgrensing av planområdet. Det regulerte området er vist med reguleringsgrense på plankartet i målestokk 1:1000. Føresegnene gjeld innanfor reguleringsgrensene. 1.4 PBL. 12-5 Arealføremål Planområdet er regulert til følgjande arealbruksformål: Bygg og anlegg (jf. PBL 12-5, nr. 1) 1120 Fritidsbusetnad (BFR) Samferdsleanlegg og teknisk infrastruktur (jf. PBL 12-5, nr. 2) 2011 Veg (SKV) Grøntstruktur (jf. PBL 12-5, nr. 3) 3031 Turveg (GT) Landbruks-, natur- og friluftsområder (jf. PBL 12-5, nr. 5) 5130 Friluftsføremål (LF) Omsynssoner (jf. PBL 12-6) 140 Sikringssoner - frisikt 320 Faresoner flaum 370 Faresoner - høgspenningsanlegg
2 REKKJEFØLGJEKRAV 2.1 Fritidsbustader Nye fritidsbustader kan ikkje gjevast bruksløyve før tomta er tilknytt teknisk infrastruktur. 2.2 Anleggsvegar Dersom det i samband med oppføring av bygg er trong for opparbeiding av anleggsveg frå regulert køyreveg fram til hyttetomt, kan slik veg ikkje opparbeidast før kommunen har godkjent vegtraseen. Traseen skal tilbakeførast til naturleg tilstand straks byggjearbeidet er ferdigstilt. 2.3 Vatn- og avlaup Før det kan gjevast løyve om igangsetjing for nye bygg skal det liggje føre godkjend løysing for vassforsyning og bortleiing av avlaupsvatn og overflatevatn godkjend av kommunen, jf. kommunen sitt krav til teknisk plan. 2.4 Renovasjon Før ferdigattest/midlertidig bruksløyve blir gitt for nye hytter, skal det vere utarbeid ein renovasjonsteknisk avfallsplan for fritidsbustaden i samsvar med BIR sin rettleiar for renovasjonsteknisk avfallsplan. 3 FELLES FØRESEGNER 3.1 Målereglar For utnyttingsgrad og måling av høgder, areal og volum gjeld Byggteknisk forskrift (TEK17) og rettleiar H-2300 (grad av utnytting). 3.2 Regulert byggegrense Som regulert byggegrense gjeld byggegrenser vist i plankart. Utover dette gjeld dei generelle reglane i Pbl (Pbl 29-4 Byggverkets plassering, høgde og avstand frå nabogrense). 3.3 Automatisk freda kulturminne Dersom det i samband med gravearbeid kjem fram funn eller konstruksjonar, må arbeidet straks stansast og fylkeskonservatoren få melding for ei nærare gransking på staden, jf. Kulturminnelova 8, 2. ledd. 3.4 Tekniske anlegg Alle fritidsbustadar skal koplast til vatn- og avlaupsnett. Det skal liggje føre godkjend VAløysing etter drikkevassforskrifta og forureiningslova, samt PBL. Overvatn går til terreng og handterast lokalt. Veganlegg skal byggjast ut i tråd med reguleringskart. Ved kryssing av vassvegar må bruer og kulvertar dimensjonerast med tilstrekkeleg kapasitet. Straum, fiber og kablar skal leggjast i jord og i størst mogleg grad samordnast med andre tekniske anlegg.
3.5 Klimatilhøve Ved utforming, plassering og organisering av bygg og uterom skal det leggjast vekt på best mogleg tilpassing til tomt med omsyn på lys/sol, nedbør og vind. Omsynsone for flaum følgjer kote + 360 moh, og nye bygg skal ikkje førast opp lågare enn kotehøgda. 3.6 Byggeskikk og estetikk Tiltak etter planen skal utførast slik at dei sikrar god estetisk kvalitet på bygg, uterom og veganlegg. Alle bygg og installasjonar skal ha ei god utforming med høg arkitektonisk kvalitet og varige material. Material- og fargeval skal tilpassast lokalmiljøet og landskap. Taktekking skal ikkje ha overflate i skinande materiale. 3.7 Landskap og vegetasjon Omsyn til landskapet skal sikrast. Alle inngrep i samband med utbygging skal utførast mest mogeleg skånsamt og med omsyn til terreng, vegetasjon og utsjånad. Bygningar, anlegg og terrengforming skal tilpassast landskapet. Terrenghandsaming, planting og tilsåing skal gjerast ferdig samstundes med vegar og fritidsbustadar. Verdifull vegetasjon skal takast vare på i størst mogeleg utstrekning. Transport skal utførast mest mogeleg skånsamt slik at det ikkje oppstår sår i landskap og terreng. Ved nyplanting og revegetering skal det veljast artar som er tilpassa lokale klimatilhøve. 3.8 Universell utforming Trafikkareal, tilkomst til bygningar m. m. skal så langt råd er, ha universell utforming som tek omsyn til at flest mogeleg kan vera brukarar på ein likestilt måte, og utan spesiell tilpassing og utforming. 3.9 Parkering Det skal vera to parkeringsplassar pr. fritidsbustad. Parkering skal opparbeidast på eiga tomt eller felles parkeringsplass ved Fv.7. Avtale om parkering utanfor eigande tomt må tinglysast for nye tomter. 3.10 Krav til søknad om tiltak Søknad skal vera i tråd med 5-4 i SAK10 (byggesaksforskrifta). Ved søknad skal det leggjast fram detaljert situasjonsplan og -snitt av tiltaket med kotehøgder i målestokk 1:500. Situasjonsplan skal syna plassering av bygningar, uteplassar, terrassar, terrenghandsaming, avkøyrsler m/siktsoner og parkeringsplassar. Kotehøgd for ferdig golv på hovudplan skal gjevast opp. Det skal gjerast greie for utforming av bygningar- og anlegg i høve omgjevnadene. Snitt og fasadar skal synleggjere eksisterande og planlagd terreng rundt bygga og gjere greie for terrenginngrep og handtering av massar. Estetikk, farge- og materialval skal omtalast i søknad.
4 FØREMÅL 4.1 Bygg og anlegg (pbl 12-5 nr. 1) 4.1.1 Fritidsbustader (SOSI-kode 1120) Byggjeområder for fritidsbustader omfattar område BFR_1 til BFR_7 på til saman ca. 11 daa. Området inneheld 7 eksisterande tomter med 6 eksisterande hytter og 3 nye tomter. Skråningsutslag frå vegar kan leggjast inn i områda, og det kan opparbeidast infrastruktur for vatn, kloakk og anna til nye og eksisterande hytter. Vegane i planen er stort sett regulert fram til tomtegrensene. I føremål regulert til fritidsbustader kan ein forlenge intern vegtilkomst fram til parkering på tomta. Snø frå brøyting av tilkomstvegar kan leggjast på tilgrensande areal regulert til byggjeområde. Eksisterande sti frå felles parkeringsplass ved Fv.7 er regulert med eige føremål. 4.1.1.1 Grad av utnytting - bruksareal (m 2 - BRA) Utnyttingsgrad for nye og eksisterande tomter: 150 m2 BRA. Parkering på tomta er ikkje inkludert i utnyttingsgraden. 4.1.1.2 Gesims-/mønehøgd, møneretning og breidd I område for fritidsbusetnad skal gesimshøgd ikkje vera høgare enn 4,0 m og mønehøgd maksimum 7,0 m over gjennomsnittleg opphavleg terreng. Det bør nyttast saltak eller pulttak. 4.1.1.3 Uthus/carport Det kan førast opp eitt uthus/carport på kvar fritidseigedom. Uthus/carport skal ha største m 2 -BRA=30. Bruksarealet for uthus/carport skal reknast med i bruksareal for tomta. Uthus/carport skal ha utforming, materialbruk og farge som er i harmoni med hovudbygningen på tomta. 4.1.1.4 Farge- og materialbruk Fargebruk skal vera i harmoni med kringliggande natur. Utvendig kledning av tre eller naturstein. Taktekking med matt og mørk overflate i form av skifer, takstein, platetak, shingel, torv eller treverk. 4.1.1.5 Tilbygg til eksisterande hytter Eksisterande hytter kan utvidast inntil 150 m 2 BRA. Tilbygg og eksisterande hytte må harmonere. Tilbygg skal prosjekterast slik at det ikkje gjer hytta meir eksponert i landskapet. 4.1.1.6 Inngjerding Fritidsbustader eller eigedomar skal ikkje gjerdast inn. 4.1.1.7 Tilpassing til terreng Utforming av hytta skal tilpassast terrenget på tomta. Det ikkje tillate med sprenging og masseflytting av stein og jordmassar på tomta i så stor grad at terrenget på tomta vil endra karakter. Synlege skjeringar som fylgje av sprenging skal ikkje førekoma. Skjeringar/fyllingar skal opparbeidast på ein naturleg måte mot eksisterande terreng ved hjelp av slake skråningar og handsamast slik at vegetasjon vert etablert på nytt. Støttemurar skal planleggjast saman med bygg og søknad om tiltak.
4.2 Samferdselsanlegg og teknisk infrastruktur (pbl 12-5 nr. 2) 4.2.1 Køyreveg (2011) Gjeld eksisterande og nye private heilårsvegar SKV_1 til SKV_6. Vegane skal ha ei fartsgrense på 30 km/t. SKV_1 er felles tilkomstveg til fleire områder for fritidsbustader. SKV_3 er eksisterande felles tilkomstveg til fritidsbustadane innanfor planområdet. SKV_2 er eksisterande tilkomstveg til eigedom 19/549. Eigedom 19/547, 19/548 og 19/551, i tillegg til tomt 1-3, har tilkomst frå SKV_3. SKV_4 er eksisterande tilkomstveg til eigedom 19/103. SKV_5 er ny regulert tilkomstveg til eigedom 19/664. SKV_6 er eksisterande tilkomstveg til eigedom 19/546. Nye tilkomstvegar og forlenging av tilkomstvegar kan opparbeidast med ei breidd på 3,5 meter. Nye vegar skal ha lineføring som vist i plankart. Areal til veggrøfter, frisikt, fyllings- og skjeringsskråningar m.m. langs tilkomstvegane kan gå ut over regulert vegbreidd og inn i område regulert for fritidsbustader. 4.2.1.1 Avkøyrsle Avkøyrsle er markert med pilsymbol og er rettleiande for inn/utkøyring til tomtene. 4.2.1.2 Frisikt Det skal vere fri sikt ved inn- og utkøyrslesituasjonar frå fritidsbustadene. Vegetasjon og eventuelle sikthindringar skal ikkje vere meir enn 0,5 m over tilstøytande veg. Siktkrav for kryss mot SKV_3 er 3x20 m. I kryss mot SKV_1 er det regulert eigne sikringssoner for frisikt. Siktkrav for kryss mot SKV_1 er 4x20 m. 4.2.1.3 Vinterbrøyting Planen legg opp til vinterbrøyting av regulerte tilkomstvegar og fram til tomtene. Snø frå vegen kan leggjast langs vegen på område regulert til fritidsbustader. Dersom større mengder snø skal samlast, må eit ev. deponi avtalast med grunneigar av den eigedom det måtte gjelde. 4.3 GRØNTSTRUKTUR (pbl 12-5 nr. 3) 4.3.1 Turveg (3031) Gjeld GT-1. Føremålet sikrar tilkomst på eksisterande sti frå felles parkeringsplass ved Fv.7 til planområdet. I øvste del er stien lagt om på eigedom 19/546 og tomt 3, og går inn på eksisterande tilkomstveg. Traseen skal vere fri for hindringar som sikrar fri ferdsle. 4.4 LANDBRUKS-, NATUR- OG FRILUFTSOMRÅDER (pbl 12-5 nr. 5) 4.4.1 Friluftsføremål (5130) Gjeld område LF_1 til LF_4. Område regulert til friluftsføremål skal nyttast som offentlig tilgjengelig område for leik og opphald, eller som moglegheit for passasje mellom eigedomar. Innanfor område LF_1 skal vegetasjon i størst mogleg grad takast vare på. Høgst for utsikt tilknytt fritidsbustadane skal skje med stor varsemd, då vegetasjonsbeltet langs vatnet er levestad for plantar og dyr som har naturleg tilhald ved eller i vassdraget.
4.5 OMSYNSONER (pbl 12-6) 4.5.1 Sikringssoner frisikt (140) Gjeld H140_1 til H140_4. Innanfor frisiktssone skal det vere fri sikt i ei høgd av 0,5 m over tilstøytande veg. Vegetasjon og eventuelle sikthindringar skal ikkje vere over 0,5 meter. Arealet skal utformast med tanke på maskinelt vedlikehald. 4.5.2 Faresoner høgspenningsanlegg (370) Gjeld H370_1 og H370_2. Omsynssone langs eksisterande line i det lokale høgspente distribusjonsnettet. 4.5.3 Faresoner flaum (320) Gjeld H320_1 som omfattar risiko for flaum frå vatnet Lomatjørn. Nye bygg eller tilbygg til eksisterande bygg skal ikkje plasserast innanfor avsett faresone for flaum. Byggjegrense for byggjeområda mot vatnet er lagt til kote +360 moh, som vert rekna for tilstrekkeleg buffer i høve til flaum frå vatn som grensar til planområdet. Nye bygg/tilbygg skal ikkje setjast opp lågare enn kt + 360 moh.