Kommunedelplan for oppvekst 2020-2032 Planprogram Høyringsutkast behandla i fellesnemnda 21.6.19
1 Kva er ein kommunedelplan? 2 2 Formål med planarbeidet 2 3 Rammer for planarbeidet 2 3.1 Nasjonale forventningar til regional og kommunal planlegging 2 3.2 Regionale føringar 3 3.3 Lokale føringar 3 3.3.1 Samfunnsdel av kommuneplan for Midt-Telemark 2019-2031 3 3.3.2 Planstrategi for Bø og Sauherad 2017-2019 3 4 Planprosessen 3 4.1 Organisering 3 4.2 Framdriftog fristar 4 4.3 Informasjon og medverknad 4 4.3.1 Varsel om oppstart og høyring av planprogram 4 4.3.2 Utarbeiding av planforslag 5 4.3.3 Høyring og offentleg ettersyn 5 5 Plantema 5 6 Kunnskapsgrunnlag og utgreiingsbehov 5 Kva er eit planprogram? Eit planprogram er eit grunnlag for planarbeidet, jf. plan- og bygningslova 4. Programmet skal avklare rammer for og formål med planarbeidet, framdrift, medverknad og behov for utgreiingar. Forslag til planprogram sendast på høyring saman med varsel om oppstart av planarbeidet. Planprogrammet fastsetjast av kommunestyret etter høyring. 1
Forord Samfunnsdelen av kommuneplan for Midt-Telemark kommune vart vedtattav Bø og Sauherad kommunestyrer i februar 2018 og fastset langsiktige mål for Midt-Telemark kommune og strategiar for korleis ein skal nå måla. Samfunnsdelen er det overordna styringsdokumentetfor kommunen, og dei overordna måla i planen skal konkretiserast i planar for sektorane. I tråd med vedtatt planstrategi, setkommunane no i gang arbeid med tematiske kommunedelplanar for oppvekst, helse og teknisk infrastruktur. Som grunnlag for planarbeidet er det utarbeidd eit planprogram som sendast på høyring saman med varsel om oppstartav planarbeidet. Merknader til planprogrammet og innspel til planarbeidet sendast postmottak@bo.kommune.no eller Bø kommune, Pb 83, 3833 Bø. Merk innspelet kva for kommunedelplan innspelet gjeld. Frist for merknader og innspel er 20.8.19. 1 Kva er ein kommunedelplan? Gjennom ein kommunedelplan legg kommunestyret føringar for korleis ein sektor skal følge opp dei overordna måla og strategiane i kommuneplanen samfunnsdel. Kommunedelplanar har eit 12- årsperspektiv og skal ha ein handlingsdel som viser korleis planen skal følgast opp dei fire påfølgjande åra. Handlingsdelen skal reviderast årleg. Ved varsling av oppstart av arbeidet med kommunedelplanane sender kommunen eit planprogram som grunnlag for planarbeidet på høyring, jf. plan og bygningslova 4-1. Planprogrammet skildrar formålet med planarbeidet, utgreiingsbehov, framdrift, organiseringog opplegg for medverknad. Kommunestyret fastset planprogrammet etter høyring. 2 Formål med planarbeidet Formålet med planarbeidet er å få på plass eit overordna styringsdokument for oppvekstsektoren i Midt-Telemark kommune. Planen skal konkretisere korleisein skal utvikle, organisere og drifte denne sektoren for å nå måla i samfunnsdelen av kommuneplanen. Planen skal gje tydelege prioriteringar for sektoren, som gjer kommunen pårekneleg i dialog med omverden. Dei sektorvise planane vil bli bygd opp etter same struktur som kommuneplanen samfunnsdel. Gjennom medverknad i planprosessen ønskjer ein å oppnå eit eigarskap til bygging og utvikling av sektoren i ny kommune hjå innbyggarar, politikarar og administrasjon. 3 Rammer for planarbeidet 3.1 Nasjonale forventningar til regional og kommunal planlegging Dei nasjonale forventningane til regional og kommunal planlegging (2019) legg vekt på fire utfordringar: Å skape eit berekraftig velferdssamfunn Å skape eit økologisk berekraftig samfunn gjennom mellom anna ein offensiv klimapolitikk og ei forsvarleg ressursforvaltning Å skape eit sosialt berekraftig samfunn Å skape eit trygt samfunn for alle Andre sentrale nasjonale føringar for oppvekst: Opplæringsloven Barnehageloven Lov om barneverntjenester Fagfornying for skulane (frå august 2020) 2
3.2 Regionale føringar Dei viktigaste regionale føringane for kommunedelplan for oppvekst ligg i følgande regionale planar: Regional klimaplan for Telemark Regional plan for folkehelse i Telemark Regional plan for oppvekst og kompetanse Regional plan for samordna areal og transport i Telemark Regional plan nyskaping og næringsutvikling 3.3 Lokale føringar 3.3.1 Samfunnsdel av kommuneplan for Midt-Telemark 2019-2031 I samfunnsdelen av kommuneplanen er det fastsatt overordna mål innenfor fire satsingsområde som bygger på visjonen Vi skaper framtida saman : SAMAN demokrati, identitet og samskaping SKAPAR attraktivitet for næring, bustad og besøk VI livskvalitet og levekår FRAMTIDA innovativt, smart og grønt Midt-Telemark Under kvart av måla er det gitt strategiar for korleis ein skal arbeide for å nå måla, og det er fastsett arealstrategiar som viser korleis utbyggingsmønster og arealdisponering skal bidra til måloppnåing. Måla er i stor grad tverrfaglege og krev oppfølging innanfor fleire sektorar dersom ein skal nå desse. 3.3.2 Planstrategi for Bø og Sauherad 2017-2019 Kommunestyra i Sauherad og Bø vedtok i oktober 2017 felles planstrategi for 2017-2019. Her er sektorvise kommunedelplanar prioritert i perioden for å kunne gjere viktige prioriteringar og vegval ved bygging av ny kommune gjennom opne planprosessar. 4 Planprosessen 4.1 Organisering Kommunestyret for Midt-Telemrak kommune fastsetplanprogrammet og gjer endeleg vedtak av planen. Fellesnemnda for ny kommune startar planarbeidet, men formannskapet for Midt-Telemark kommune vil vere planutval og tilrå til kommunestyret for prosessen etter varsel om oppstart. Hovudutval for oppvekst vil involverast i prosessen gjennom drøftingar, og planforslaget vil leggast fram for hovudutvalet før saka behandlast i formannskapet. Dagens to kommunestyrer er oppdragsgjevarar og fellesnemnda/nytt formannskap prosjekteigar. Administrativ organisering: Prosjektansvarlig (PA): Rådmann Prosjektleiar (PL): Kommunalsjefor oppvekst Administrativ styringsgruppe: Rådmannens toppleiargruppe Prosjektgruppe (PG): Prosjektleiar, ein rektor, ein barnehagestyrar og ein pedagogis konsulent. I løpet av planprosessen vil den utvida leiargruppa til rådmannen (RUL) bli involvert. Sektormøtet for oppvekst, der alle einingsleiarar innanfor sektoren, også styrarane i dei private barnehagene, deltar vil utgjere referansegruppe for planprosessen. Tillitsvalgte og verneombud trekkast inn i arbeidet der dette er relevant. Utkast til plan vil bli drøfta i ungdomsråd, eldreråd og råd for funksjonshemma undervegs i prosessen. 3
4.2 Framdrift og fristar Jun Jul Aug Sept Okt Nov Des Jan Feb Mar Planprosess Orientering om oppstart i rådmannen si toppleiargruppe (RTL) Behandling av forslag til planprogram i fellesnemnda 21.6. Varsel om oppstart av planarbeidet og offentleg ettersyn av planprogram Orientering i rådmannen si utv. leiargruppe (RUL) 20.8. Fastsetting av planprogram (fellesnmend, kommunestyret) Innhente kunnskapsgrunnlag og beskrive utfordringsbilde Utarbeide plan Innspelsmøte Drøfting av foreløpig planutkast i hovudutval for oppvekst Drøfting av planen i RTL Drøfting av planutkast i RFU, eldreråd, ungdomsråd Politisk beh. av planforslag (fsk) Off. ettersyn av planforslag (6 veker) Utarb. av handlingsdel (2021-2024) Drøfting av handlingsdel i RTL Ope høyringsmøte Drøfting av høyringsinnspel i RTL Vedtak av plan med handlingsdel FS 14.10 KS 21.10 Frist for å kome med innspel til planarbeidet eller merknader til planprogrammet er 20.8.19. Merknader og innspel sendast postmottak@bo.kommune.no eller Bø kommune, Pb 83, 3833 Bø og merkast med kvar for kommunedelplan merknaden gjeld. Etter at planprogrammet har vore på høyring, vil merknader til planprogrammet bli lagt fram for formannskapet og kommunestyret saman med forslag til endeleg planprogram. Planen vil bli utarbeida i løpet av hausten 2019 og forslag til kommunedelplan for oppvekst vil bli lagt fram for formannskapet i januar 2020 før det leggast ut til offentleg ettersyn i 6 veker. Kommunestyret vedtar endeleg plan med handlingsdel i mars 2020. 4.3 Informasjon og medverknad 4.3.1 Varsel om oppstart og høyring av planprogram I høyringsperioden for planprogrammet er det høve til å kome med merknader til planprogrammet og innspel til sjølve planarbeidet. Nabokommunar, organisasjonar og styresmakter blir varsla i brev og planprogrammet blir annonsert og lagt ut på kommunane sine heimesider. Intern i kommunen vil kommunalsjefen orientere om planarbeidet og legge til rette for innspel til dette i eigen organisasjon og i rådmannen si utvida leiargruppe (RUL). 4
4.3.2 Utarbeiding av planforslag Ekstern referansegruppe vil bli invitert til møte undervegs i planarbeidet, og planutkast vil bli lagt fram til drøfting i ungdomsråd, eldreråd og råd for funksjonshemma. Prosjektgruppa vil elles involvere ulike interesser etter behov. Jf. plan- og bygningslova 5-1 har kommunen eit særleg ansvar for å sikre aktiv medverknad frå grupper som krev særskilt tilrettelegging, herunder barn og unge. For den delen av planen som gjeld kommunen som organisasjon, vil utkast bli drøfta med tillitsvalde. Prosjektleiar har ansvar for å innhente innspel til planarbeidet frå aktuelle einingar. Hovudutval for oppvekst vil invitere til innspelsmøte i løpet av hausten 2019. 4.3.3 Høyring og offentleg ettersyn Planforslaget vil bli lagt ut til offentleg ettersyn i seks veker. I løpet av høyringsperioden vil det bli arrangert ope møte. 5 Plantema Som grunnlag for planen skal status og utfordringar for sektoren i dag og prognosar for framtidig tenestebehov og investeringar synleggjerast. Med utgangspunkt i mål og strategiar i samfunnsdelen konkretiserast mål for oppvekst og definerast strategiar for korleis sektoren konkret skal arbeide for å nå desse måla. Mål for sektoren skal i størst mogleg grad vere målbare, og det skal drøftast kva for indikatorar som skal nyttast for å vurdere måloppnåing. Planen skal vere kortfatta og byggast opp etter same struktur som kommuneplanen samfunnsdel. Der det er behov for utfyllande fagplanar, bør dette gå fram av planen i form av strategiar eller tiltak i handlingsdelen. Planen skal ha ein handlingsdel som viser korleis planen skal følgjast opp dei fire påfølgande åra. Denne skal reviderast årleg. 6 Kunnskapsgrunnlag og utgreiingsbehov Gjennom planprosessen skal status innanfor sektoren og prognoser for tenesteleveransar og investeringsbehov kartleggast. Eksisterande kunnskapsgrunnlagår fram av følgjande dokument: Regionale analyser (befolkningsframskrivingar) for Sauherad og Bø (nettsider som oppdaterast jamleg, Telemarkforskning) Kommunebarometeret KOSTRA Ungdata 2018 for Sauherad og Bø Kommunedelplan for oppvekst for 2016-2028, Bø kommune Temaplan for oppvekst, Sauherad kommune I tillegg kunnskapsgrunnlaget over, vil folkehelseoversikt for Midt-Telemark kommune, samla sykkelplan for Bø og Sauherad og beredskapsplan for Midt-Telemark kommune bli utarbeida i løpet av planprosessen og inngå i kunnskapsgrunnlaget. 5