STYRESAK GÅR TIL: FØRETAK: Styremedlemmer Helse Bergen HF DATO: 3. desember 2015 SAKSHANDSAMAR: Mona Høgli SAKA GJELD: Omdømemåling 2015 STYRESAK: 88/15 O STYREMØTE: 14.12.2015 FORSLAG TIL VEDTAK Styret i Helse Bergen HF tek saka til orientering.
Oppsummering Tiltrua til at dei får den hjelpa dei treng, er stabil blant innbyggjarane som soknar til einingane i Haukeland universitetssjukehus. Måten sjukehuspersonalet møter pasientar og pårørande får høgast score, mens informasjon til pasientar og pårørande og ventetider er det som blir lågast vurdert. Det er ikkje store endringar i resultata for Haukeland universitetssjukehus i dei tre åra ei slik undersøking har vore gjennomført. Fakta Styret i Helse Vest RHF har vedteke at det skal gjennomførast ei årleg omdømmemåling. Den viser resultat både på regionalt nivå og for dei fire lokale helseføretaka som har pasientbehandling. Årets undersøking blir behandla i styret for Helse Vest RHF 10. desember. Undersøkinga er gjennomført i oktober/november som eit telefonintervju med i alt 2008 personar på Vestlandet. 702 av desse har einingar i Haukeland universitetssjukehus som næraste sjukehus. Kommentarar Omdømmet er viktig for eit sjukehus. Eit godt omdømme tyder at befolkninga har tillit til at sjukehuset kan gi dei den hjelpa dei treng. Det er derfor viktig å følgje med på om omdømmet endrar seg. Resultata i undersøkinga er om lag som tidlegare år. På Helse Vest-nivå er det ein liten framgang, det skuldast i stor grad at Helse Førde i år gjer det betre på hovudspørsmåla. For Helse Bergen, Haukeland universitetssjukehus, er det små endringar, og sjukehuset har stort sett blant dei beste resultata blant føretaka på Vestlandet. På spørsmålet «Alt i alt hvor fornøyd er du med det samlede sykehustilbudet der du bor» er årets resultat 4,2. Det er marginalt høgare enn tidlegare år. 2
Svar på spørsmål: Alt i alt hvor fornøyd er du med det samlede sykehustilbudet der du bor. Det er interessant å merke seg at dei spurde trur at omdømmet til sjukehuset i befolkninga generelt er dårlegare enn det dei sjølve har. Svar på spørsmål: Alt i alt hvordan vil du vurdere dette sykehuset sitt rykte eller omdømme? Undersøkinga viser at sjukehuset har eit forbetringsområde når det gjeld informasjon til både pasientar og pårørande. 3
Svar på spørsmål: Hvor fornøyd er du alt i alt med følgende elementer, knyttet til den erfaringen du har som pasient? (Kun spurt dem som oppgir å ha vært pasient i løpet av de siste 12 månedene) Det som gir lågast score av alle spørsmål, er likevel det som gjeld ventetider. Svar på spørsmål: Alt i alt hva er ditt inntrykk når det gjelder ventetid? Med ventetid tenker vi da på tiden fra henvisning til konsultasjon eller behandling. 4
Undersøkinga tar også for seg befolkningas oppfatning av organisasjonen. Det som scorar høgast, er utsegnene om at Haukeland unviersitetssjukehus er ein interessant arbeidsplass. Lågast score får utsegnet om at sjukehuset er godt organisert. Konklusjon Undersøkinga viser at befolkninga jevnt over har tillit til Haukeland universitetssjukehus. Forbetringsområda er informasjon til pasientar og pårørande og ventetider. Befolkninga er også noko skeptiske til korleis sjukehuset er organisert og leia og om dei offentlege midla blir forvalta på ein god måte. Det er viktig å sikre at pasientar og pårørande opplever at dei får god nok informasjon. Det er fleire tiltak i gang som kan bidra til at dette området kan bli betre. Etikk- og kommunikasjonsprogrammet er eit viktig satsingsområde der klinisk kommunikasjon er ein sentral del. Det nasjonale prosjektet med nye nettsider for sjukehusa der pasientinformasjon er det berande elementet, vil også bidra til at pasientane får betre og meir målretta informasjon. Å få ned ventetidene og dermed befolkningas oppfatning av dette, er ein kontinuerleg prosess. Dei nye pakkeforløpa vil vere eit viktig tiltak. Haukeland universitetssjukehus forvaltar store verdiar på vegne av fellesskapet. Det vil derfor vere ei prioritert oppgåve å sikre innsyn i korleis sjukehuset forvaltar desse ressursane. Det må vere eit mål å bruke ulike kommunikasjonskanalar for å gi befolkninga meir kunnskap om dei utfordringane som ligg drift og ulike prioriteringar i ein så kompleks organisasjon som eit sjukehus. 5