Gloppen kommune Møtebok Utval Helse- og omsorgsutvalet Møtestad Skarsteinsbygget på Sandane/På Søreide Dato 31.01.2018 Tid Kl. 09:00-11:50 Følgjande medlemar møtte Arnfinn Jørgen Brekke Olaf Sigurd Gundersen Marit Straume Vidar Sandal Per Ståle Husevåg Liv Petra Holme Anniken Rygg Frå KRF SP SP SP KRF AP H Andre som møtte Anita Lothe, helse- og omsorgssjef Møteleiar: Arnfinn Jørgen Brekke Underskrift: Arnfinn Brekke Sakliste Sak nr. Sakstittel 004/18 Godkjenning av møteprotokoll, innkalling og sakliste 005/18 Referat og orienteringssaker 006/18 Orientering om utvikling i tal årsverk i helse- og omsorgssektoren 007/18 Helse og omsorgsplan 2018-2030 - høyringsutkast 008/18 2018-budsjettet: Sektorvise tiltak for å kome ned på fastsett ramme
Gloppen kommune Arkiv: FE - 033 JournalpostID: 18/838 Saksbehandlar: Beate Kornberg Saksnr. Utval Møtedato 004/18 Helse- og omsorgsutvalet 31.01.2018 Godkjenning av møteprotokoll, innkalling og sakliste Utvalsleiar si tilråding: 1. Helse- og omsorgsutvalet godkjenner møteboka frå sitt møte den 17. januar 2018 2. Helse- og omsorgsutvalet godkjenner innkallinga og saklista til møtet den 31. januar 2018. Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Helse- og omsorgsutvalet 31.01.2018 HOU- 004/18 Vedtak 1. Helse- og omsorgsutvalet godkjenner møteboka frå sitt møte den 17. januar 2018 2. Helse- og omsorgsutvalet godkjenner innkallinga og saklista til møtet den 31. januar 2018. Side 2
Gloppen kommune Arkiv: FE - 033 JournalpostID: 18/1107 Saksbehandlar: Jan Kåre Fure Saksnr. Utval Møtedato 005/18 Helse- og omsorgsutvalet 31.01.2018 Referat og orienteringssaker Rådmannen legg ikkje fram tilråding i saka. Orienteringssaker: Om Hjelpemiddelpartner. Ordet fritt... Helse- og omsorgsutvalet 31.01.2018 Utvalet var på bedriftsbesøk hos Hjelpemiddelpartner og fekk informasjon om verksemda. HOU- 005/18 Vedtak Det vart ikkje gjort vedtak i saka. Side 3
Gloppen kommune Arkiv: FE - 033 JournalpostID: 18/939 Saksbehandlar: Anita Lothe Saksnr. Utval Møtedato 006/18 Helse- og omsorgsutvalet 31.01.2018 Orientering om utvikling i tal årsverk i helse- og omsorgssektoren Rådmannen si tilråding Rådmannen kjem ikkje med tilråding i saka. Saksutgreiing Bakgrunn for saka I møtet i helse- og omsorgsutvalet 17.01.2018 ba Høgre om ei orientering om utviklinga av tal årsverk per eining i helse- og omsorgssektoren. Tabellen under viser utviklinga dei tre siste åra. Tal årsverk er teke frå busjettdokumenta desse tre åra. Det er vanskeleg å finne tal tilbake i tid utover dette, då vi har bytt budsjetteringsprogram. Men vi veit at tal årsverk ikkje ha vorte auka i særleg grad sidan 2014. Dette har vi hatt god kontroll på i budsjetteringsarbeidet. I 2013 var det gjennomført ein reduksjon i samband med budsjett for dette året. Talet på plassar og årsverk på Gloppen omsorgssenter 1 etg vart då redusert. Ansvar Teneste Årsverk 2016 Årsverk 2017 Årsverk 2018 3000 Helse- og 25400 Pleie, omsorg og hjelp i 2,35 2,0 2,4 omsorgssjefen 3100 Legekontoret 24100 Diagnose, behandling og 7,5 7,5 7,5 re/habilitering 3200 NAV Gloppen 24200 Råd, rettleiing og sosialt 5,0 6,0 6,0 kommune førebyggande arbeid 3311 Sandane 25400 Pleie, omsorg og hjelp i 28,60 28,45 23,34 heimeteneste 3315 Åsavegen bu- og 25300 Pleie, omsorg, hjelp og 8,39 8,8 11,79 avlastningsteneste rehabilitering i institusjon /Miljøarbeidertenesta 25400 Pleie, omsorg og hjelp i 19,22 19,22 47,07 3316 Breim heimeteneste 25400 Pleie, omsorg og hjelp i 9,97 9,97 9,96 Ansvar Teneste Årsverk 2016 Årsverk 2017 3317 Hyen heimeteneste 25400 Pleie, omsorg og hjelp i 8,07 8,07 8,07 3321 Gloppen omsorgssenter, 1 etg 23400 Aktivisering og 0,40 0,40 0,42 støtteteneste til eldre og funksjonshemma 25300 Pleie, omsorg, hjelp og 20,13 19,96 20,38 rehabilitering i institusjon 25600 Akutt hjelp, helse- og 1,59 1,59 1,51 Side 4
omsorgstenester 3322 Oreteigen 25400 Pleie, omsorg og hjelp i 3323 Åsateigen 25400 Pleie, omsorg og hjelp i 3326 Goatoppen 25400 Pleie, omsorg og hjelp i 3400 Fysio/ergoterapi 23200 Førebygging - helsestasjons- og skulehelseteneste 23300 Anna førebyggande helsearbeid 24100 Diagnose, behandling og re/habilitering 3500 Psykisk helse 23400 Aktivisering og støtteteneste til eldre og funksjonshemma 25400 Pleie, omsorg og hjelp i 3901 Kjøkken Gloppen kommunale 23400 Aktivisering og støtteteneste til eldre og funksjonshemma 24,53 24,53 22,53 16,94 16,93 0 22,59 22,63 22,63 0,40 0,40 0,40 0 0 0,60 7,35 7,35 6,20 1,35 1,32 1,31 6,66 6,72 6,70 6,27 6,27 6,14 Sum årsverk 196,59 198,11 205,55 Helse- og omsorgsutvalet 31.01.2018 HOU- 006/18 Vedtak Helse- og omsorgsutvalet tar saka til orientering. Side 5
Gloppen kommune Arkiv: JournalpostID: 18/829 Saksbehandlar: Beate Kornberg Saksnr. Utval Møtedato 007/18 Helse- og omsorgsutvalet 31.01.2018 003/18 Eldrerådet 29.01.2018 004/18 Rådet for menneske med nedsett funksjonsevne 29.01.2018 Helse og omsorgsplan 2018-2030 - høyringsutkast Vedlegg i saka: 22.01.2018 Helse- og omsorgsplan 2018-2030 - Høyringsutkast til helse- og omsorgsutvalet Rådmannen si tilråding Helse- og omsorgutvalet godkjenner rådmannen sitt høyringsutkast, og legg planen ut på høyring i perioden 2. februar til 16. mars 2018. Saksutgreiing Bakgrunn for saka I kommunen sin planstrategi for perioden 2016-2020, vart det vedteke å starte arbeidet med ny kommunedelplan for helse og omsorg i løpet av 2017. Gjeldande helse- og omsorgsplan vart vedteken i 2007 med tidsramme fram mot 2010, og har ikkje vore rullert etter dette. Helse- og omsorgstenestene våre har vore gjennom store endringar i løpet av denne perioden, samtidig som både utfordringane og oppgåvene er i ferd med å endre seg. Kommunen har vore i forkant med å bidra til innovasjon og utvikling innan helse og omsorg i fylket, og vore tidleg ute med å følgje opp viktige sentrale føringar. Dette ønskjer vi å forankre i ein ny helse- og omsorgsplan. Fakta i saka Planen skal sikre at vi framleis skal ha gode helse- og omsorgstenester til innbyggjarane i Gloppen kommune, og god ressursutnytting fram mot 2030. Planen tek utgangspunkt i dei største helseutfordringane våre og legg føringar for ei heilskapleg og berekraftig utvikling av tenestetilboda i tråd med statlege føringar. Dei lokale utfordringane våre er utdjupa i kommunen sitt kunnskapsgrunnlag 2017 «Helse og trivsel». I ny samfunnsdel som etter planen skal vedtakast i februar 2018, er «I forkant» valt som ein overordna strategi for same periode, og legg vidare sterk vekt på å skape og utvikle «Rike og rause livsmiljø». Helse- og omsorgsplanen legg difor vekt på å sette helse inn i ein større samanheng. Det er i familien, nærmiljøet, på arbeidsplassen og i lokalsamfunnet at helsa vår vert forma. Planen peikar derfor, i større grad enn det tidlegare plan gjorde, på den einskilde sitt ansvar for eige liv. Den legg og vekt på å utvikle gode strategiar for helsefremjande arbeid i samarbeid med andre aktørar. Planen dekker alle aldrar, og tydeleggjer eit sektorovergripande og tverrfagleg ansvar. Innleiingsvis i planen finn de statlege, regionale og kommunale føringar som har betydning for dette området (kap.2). I kapittel 3 omtalar vi dagens utgangspunkt i helse- og omsorgstenestene. Utfordringar og løysingar som har eller får betydning for tenestene er her omtala. Arbeidsgruppa har valt sju overordna strategiar og satsingar som vi ønskjer å prioritere for å løyse Side 6
utfordringane våre (kap.4). Desse er: 1. Ansvar for eige liv 2. Tidleg innsats 3. Samarbeid (Strategien blir utdjupa i A. Samarbeid med brukar, pårørande og nettverk, B. Samarbeid med frivillige og C. Samarbeid på tvers av fag og sektorar). 4. Rehabilitering og habilitering 5. Rekruttering og kompetanse 6. Digitalisering og velferdsteknologi 7. Gode bumiljø Vidare er planen delt inn i to hovuddelar: «Barn, unge og familiar» (kap.5) og «Vaksne» (kap.6). Desse kapitla inneheld ei omtale av hovudutfordringar og tiltak. Kapittelet om barn, unge og familiar har ei sektorovergripande tilnærming, og skal også behandlast i oppvekstutvalet etter høyringsperioden. Inndelinga er med på å gjere planen lettare tilgjengeleg for andre sektorar og tenester. Siste kapittel ( kap.7) inneheld ein tabell der alle tiltak i planen er samla. Tiltaka er kobla til aktuelle strategiar, og tabellen inneheld vidare forslag til oppstart (tidfesting) og korleis rådmannen ser føre seg plassering av ansvar. Ansvarsplassering er berre meint til orientering, og skal ikkje vedtakast politisk. Økonomiske konsekvensar for kommunen Planen har økonomiske konsekvensar som må innarbeidast i økonomiplanar gjennom heile perioden. Rådmannen si vurdering Rådmannen meiner at arbeidsgruppa sitt utkast til ny helse- og omsorgsplan for perioden 2018 2030 har teke utgangspunkt i gode strategiar og tiltak for at løyse framtidas utfordringar. Valde strategiar og tiltak er etter rådmannen si vurdering med på å sikre ein best mogleg prioritering av våre begrensa ressursar og legg til rette for ei berekraftig utvikling. I arbeidet med planen har det, i tråd med vedteke planprogrammet, blitt lagt godt til rette for medverknad. Dette gjeld innspel frå møteserien «God alderdom i Gloppen» våren 2016, møtepunkt med frivillige, aktuelle einingar i både helse og omsorg og oppvekst og gjennom arbeidsgruppa sine tre brukarrepresentantar. Planen svarer på dei tema som er særskilt nemnt i planprogrammet. Det bør leggast opp til ei rullering etter fire år. Eldrerådet 29.01.2018 Helse- og omsorgssjef Anita Lothe orienterte om arbeidet med og hovudinnhald i planen. Orienteringa var felles med rådet for menneske med nedsett funksjonsevne. ELD- 003/18 Vedtak Eldrerådet tek saka til orientering. Side 7
Rådet for menneske med nedsett funksjonsevne 29.01.2018 Helse- og omsorgssjef Anita Lothe la fram saka for eldrerådet og rådet for menneske med nedsett funksjonsevne i lag. Råda gjekk kvar til sitt for handsaming. RAD- 004/18 Vedtak Rådet for menneske med nedsett funksjonsevne meiner planen kan leggjast ut på høyring, men ynskjer ein kortversjon av planen. Helse- og omsorgsutvalet 31.01.2018 Merknad frå Olaf Sig. Gundersen (Sp): Til pkt 4.3.1. Tredje punkt under "Kva skal vi gjere?": Det bør stå: Skal etablere brukarutval i sektoren. Merknad frå Vidar Sandal (Sp): Til pkt 3.4 Budsjett-tala for 2018 vil bli endra ved revisjon av budsjettet. Det vart ikkje røysta over merknadene. --- I tillegg ber eit samla utval om at rådmannen under kap. 5 i planen innarbeider eit avsnitt som omtalar mobbing, trakassering, misbruk og overgrep - også knytt til nettbruk. Dette må vere klart til utvalet skal sluttbehandle planen. HOU- 007/18 Vedtak Helse- og omsorgutvalet godkjenner rådmannen sitt høyringsutkast, og legg planen ut på høyring i perioden 2. februar til 16. mars 2018. Side 8
Gloppen kommune Arkiv: FE - 151 JournalpostID: 18/1081 Saksbehandlar: Jan Kåre Fure Saksnr. Utval Møtedato 008/18 Helse- og omsorgsutvalet 31.01.2018 008/18 Oppvekstutvalet 31.01.2018 010/18 MULTEK-utvalet 01.02.2018 003/18 Rådet for menneske med nedsett funksjonsevne 29.01.2018 004/18 Eldrerådet 29.01.2018 2018-budsjettet: Sektorvise tiltak for å kome ned på fastsett ramme Vedlegg i saka: 12.01.2018 Aktuelle innsparingstiltak helse- og omsorgsutvalet 12.01.2018 Aktuelle innsparingstiltak i oppvekstsektoren 12.01.2018 Innsparingar MULTEK sitt budsjettområde for teknisk og landbruk 12.01.2018 Innsparingstiltak - formannskapet 12.01.2018 Innsparingstiltak i kultursektoren Rådmannen si tilråding utvalet viser til formannskapet sitt vedtak i sak 5/18, og set i verk følgjande tiltak for å oppfylle vedtaket:.. Saksutgreiing Bakgrunn for saka Vi er no komne så langt i gjennomgangen av 2018-budsjettet at formannskapet har fastsett ramme for kvart hovudutval. Dette vart gjort på møtet den 24. januar i år, og formannskapet sitt vedtak lyder slik i sak 5/18: a) Formannskapet viser til rådmannen si saksutgreiing og fastset desse rammene for kutt i driftsbudsjettet for 2018 for kvart hovudutval (rådmannen sine tal i parantes): - Formannskapet 900 000,- (716 000) - Oppvekstutvalet 1 750 000,- (2 619 000) - Helse- og omsorgsutvalet 3 100 000,- (2 460 000) - MULTEK-utvalet 2 300 000,- (1 853 000) b) Forventa innsparing som følgje av stillingsstopp vert 3,0 mill. (alle sektorar). c) Innsparing på oppvekst sitt område - post 21300 - restbetaling for norskopplæring frå Jølster kommune vert flytta til rekneskap 2017 for styrking av resultatet. d) Formannskapet / kommunestyret ber om at næringssakene vert flytta frå MULTEK sitt ansvarsområde og over til formannskapet sitt område. Side 9
e) Formannskapet ber om at det til neste møte vert lagt fram ei oversikt over økonomien knytt til kommunen sine aktivitetar i Trivselshagen IKS (både idrett og kultur). Saman med notatet skal det leggast fram eit organisasjonskart. f) Formannskapet ber om at bygging og drift av nytt omsorgsbygg vert innarbeidd i økonomiplan 2019-2022 med byggestart so tidleg som mogeleg. Den kommunale drifta må tilpassast slik at auka driftsutgifter grunna nytt omsorgsbygg kan takast inn med full verknad so snart bygget er klart. --- Pkt a-c vart vedteke med 5 røyster. Pkt d-f var samrøystes. Hovudutvala skal no vedta tiltak for å kome ned på fastsett ramme. Fakta i saka Utgangspunktet for formannskapet sitt vedtak er naturlegvis den gjennomgangen som har vore i arbeidsgruppene. I saksutgreinga var dette rådmannen si vurdering, som formannskapet også viser til i sitt vedtak: Til dei to store utvala sine område vil rådmannen minne om at vi for helse- og omsorgsutvalet sin del har eit svært stramt budsjett for heimetenesta på Sandane og for oppvektsutvalet sitt del eit krav om å utvide talet på barnehageplassar i inneverande barnehageår. Rådmannen tar i alle fall litt omsyn til dette i tilrådinga. Bakgrunnen for kravet om 4 mill. i overskot er eit ønske om å ha noko å drive politikk på for å uttrykke dette litt populistisk. Rådmannen tilrår ikkje kutt i rammene for å oppfylle dette ønskjet/kravet. Listene frå arbeidsgruppene viser kva tiltak det er råd å gjennomføre og langt på veg konsekvensane av desse tiltaka viss budsjetta blir kutta meir enn det som arbeidsgruppene tilrår. Rådmannen meiner listene gjev kommunestyret godt nok grunnlag for å vurdere om fordelinga av budsjettmidlar sektorane imellom skal endrast, eller om aktiviteten skal reduserast ytterlegare for å budsjettere med overskot. Denne problemstillinga er først og fremst politikk. Rådmannen meiner budsjettrammene for 2018 ikkje bør reduserast meir enn dei 7.888.000 som i dag er lagt inn av disposisjonsfondet for å balansere drifta. Dette beløpet fører til omfattande kutt i sektorane, og dette kjem i tillegg til dei kutta som vart gjorde i den ordinære budsjettprosessen før jul. Med dei korrigeringane som er omtala nedanfor, gjev dette eit overskot på 990.500, som rådmannen meiner bør delast mellom oppvekst og helse og omsorg for å imøtekome behovet for eit styrka barnehagebudsjett og eit litt romslegare budsjett for heimetenesta på Sandane. Med 240.000 i ekstrainntekter på finansieringskapitlet, blir bruken av disposisjonsfondet redusert til kr 7.648.000. Innsparingane på forsikring fordeler seg om lag slik: - 300.000 på bygg og ting hovudsakleg på MULTEK sitt område - 100.000 på bilane halvparten på helse og omsorg og halvparten på MULTEK sitt område - 200.000 på personforsikringane halvparten på helse og omsorg og halvparten på oppvekst. Forsikringspremiane er budsjetterte på det området bygget/bilen/den tilsette er ført. Fordelinga på sektorane er ikkje 100 % nøyaktig, men rett nok. Med desse føresetnadene blir rådmannen sitt framlegg til kuttramme slik: Formannskapet kr 716.000 Oppvekstutvalet " 2.619.000 Helse- og omsorgsutvalet " 2.460.000 MULTEK-utvalet " 1.853.000 Sum kr 7.648.000 --- Side 10
Det er pkt a og b i formannskapet sitt vedtak som må følgjast opp av hovdutvala. Formannskapet har ikkje gått nærare inn på kva som ligg i endringane som er gjort samanlikna med tilrådinga frå rådmannen utover at det er nødvendig å ta ned drifta meir for å oppfylle kravet om å styrke disposisjonsfondet. Bakgrunnen for dette er sjølvsagt at vi står framfor store investeringar på skuleanlegget i Hyen og det nye omsorgsbygget. Formannskapet legg til grunn at vi skal ta ut ei innsparing på 3 mill som følgje av stillingsstoppen. Det er ikkje sagt korleis dette skal gjerast, men for å få ut innsparingseffekten, må drifta ned tilsvarande. Rådmannen gjer framlegg om å fordele dette kuttet etter lønnsmassen i den førebelse 2017- rekneskapen. Tala ser då slik ut: Område Lønnsutg. i 2017 i % Fordelt kutt Formannskapet kr 21.963.000 5,86% 175.800 Oppvekstutvalet " 134.342.000 35,79% 1.073.700 Helse- og omsorgsutvalet " 170.473.000 45,42% 1.362.600 MULTEK-utvalet " 48.587.000 12,95% 388.500 Sum kr 375.364.000 100,02% 3.000.600 Det er sjølvsagt andre måtar å fordele dette kuttet på, men kuttet kan ikkje inntektsførast det må takast ut som reduksjon i rammene. Økonomiske konsekvensar for kommunen Som rådmannen skreiv til formannskapet: Heile saka dreier seg om økonomiske konsekvensar Rådmannen si vurdering Rådmannen ber hovudutvala gjere vedtak om dei tiltaka som må til for å kome ned på ramma som formannskapet har sett. Med rådmannen sitt framlegg til fordeling av dei tre millionane frå stillingsstoppen, blir rammene for kutta slik: Formannskapet kr 1.075.000 Oppvekstutvalet " 2.825.000 Helse- og omsorgsutvalet " 4.460.000 MULTEK-utvalet " 2.690.000 Sum kr 11.050.000 Rådet for menneske med nedsett funksjonsevne 29.01.2018 Rådmann Jan Kåre Fure la fram saka, og rådet fekk høve til å stille spørsmål til helse- og omsorgssjef Anita Lothe og oppvekstsjef Per Arne Strand. RAD- 003/18 Vedtak Rådet for menneske med nedsett funksjonsevne ber om at utsette grupper blir skjerma i nedskjæringar og gebyrauke. Eldrerådet 29.01.2018 Side 11
Rådmann Jan Kåre Fure la fram saka, og helse- og omsorgssjef Anita E. Lothe var til stades og svarte på spørsmål. ELD- 004/18 Vedtak 1. Eldrerådet minner om at Gloppen kommune i dag har for få plassar med heildøgnsomsorg, og det er under prosjektering eit nybygg med 20 plassar. For å drifte desse plassane treng ein anslagsvis 12 årsverk. For å finansiere dette har formannskapet vedteke eit budsjettramme for helse- og omsorgssektoren der det skal kuttast med 4 460 000,- kr. Dette heng ikkje saman, og kan etter eldrerådet si vurdering ikkje aksepterast. Vedtaktet vart fatta mot ei stemme. 2. Eldrerådet ber leiar og sekretær om å sende ei oppfordring til fylkeseldrerådet og dei andre eldreråda i fylket, om å sende ei felles bekymringsmelding til partia på stortinget. Eldrerådet ber om det vert peika på at kommunane si økonomiske ramme ikkje er dekkande for å løyse nye oppgåver som er tillagt oss dei siste åra. Dette gjeld til dømes: konsekvensar av samhandlingsreforma auka lærartettheit og krav til meir kompetanse først ei oppbygging av tenester til flyktningar, deretter nedlegging og redusjon i tal flyktningar Helse- og omsorgsutvalet 31.01.2018 KrF sitt forslag til vedtak i budsjettsaka, framlegg frå Per Ståle Husevåg, Kristeleg Folkeparti 1. Kommunestyret viser til grundige gjennomgangar i sektorgruppene av kommunen sin økonomi for å få drifta av Gloppen kommune i balanse. For 2018 vedtek kommunestyret følgjande reduserte driftsrammer i høve til sak 68 /17 førebels budsjettvedtak - sektorvis fordeling : a. Formannskapet kr 716 000 b. Helse og Omsorg kr 2 805 000 c. Oppvekst kr 2 619 000 ( inkl kr 800 000 frå Jølster) d. Multek kr 1 853 000 e. Totalt kr 7 993 000 2. Kommunestyret ber om at bygging og drift av nytt omsorgsbygg vert innarbeidd i økonomiplanen 2018-2021 med byggestart så tidleg som mogleg. Den kommunale drifta må tilpassast slik at auka driftsutgifter grunna nytt omsorgsbygg kan takast inn med full verknad så snart bygget er klart. 3. Kommunestyret ber om at rehabilitering av Hyen skule/idrett vert innarbeidet i økonomiplanen 2018-2021. 4. Kommunestyret vil i arbeidet med økonomiplanen ha som målsetting å redusere driftsutgiftene og/eller auke driftsinntektene så mykje at det gjev rom for bygging og drift av nytt omsorgsbygg så snart som råd, rehabilitering av Hyen skule og idrett og andre framtidige investeringar, mellom anna til Sandane skule. Framlegg frå Olaf Sig. Gundersen (Sp): 1. Tiltaket om å omorganisere heimetenestene på Sandane, i Breim og Hyen blir gjennomført. Side 12
2. Dagtilbodet for demente - 'Inn på tunet' - blir vidareført som i dag. (Til grunn for framlegget ligg helse- og omsorgsutvalet sitt vedtak frå 17. januar 2018 om ei nedskjeringsramme på 2.805.000,-.) Framlegg frå Anniken Rygg (H): Endring i ramme som følgje av formannskapet sitt vedtak i sak 5/18: - Formannskapet: meirkutt på kr 300.000 til 1.375.000 - Helse- og omsorgsutvalet: mindrekutt på kr 300.000 til kr 4.160.000. --- Det vart røysta slik: 1. Framlegget frå Per Ståle Husevåg, som fekk to røyster 2. Pkt 1 i framlegget frå Olaf Sig. Gundersen, som fekk fem røyster 3. Pkt 2 i framlegget frå Olaf Sig. Gundersen, som fekk fire røyster 4. Framlegget frå Anniken Rygg, som fekk fire røyster. HOU- 008/18 Vedtak Helse- og omsorgsutvalet viser til sitt vedtak i 3/18 og held fast på dette med følgjande endringar/presiseringar: - Heimetenestene på Sandane, i Breim og Hyen blir omorganiserte - Dagtilbodet for demente - 'Inn på tunet' - blir vidareført som i dag. Dersom formannskapet sine rammer blir lagde til grunn for nedskjeringane, meiner utvalet at formannskapet sine kutt må aukast med 300.000 og at helse- og omsorgsutvalet si kuttramme blir redusert tilsvarande. Side 13