Møtebok Utval Rådet for menneske med nedsett funksjonsevne Møtestad Formannskapssal VEST Dato 03.06.2019 Tid Kl. 12:00-14:00 Følgjande medlemar møtte Ivar Halland Elfrid Rauset Håheim Frå Forfall/møtte ikkje Frå Følgjande varamedlem møtte Frå Majken G. Rygg Katrine Anita Heggelund SV Tore Vegard Larsen Magni Aa Berge SP Bernt Reed (p) SP Andre som møtte Gunhild Gimmestad, helse- og omsorgssjef i sak 8/19 Møteleiar: Ivar Halland Underskrift:
Sakliste Sak nr. Sakstittel 006/19 Godkjenning av møtebok, innkalling og sakliste 007/19 Referat og orienteringssaker 1 Resolusjon frå årsmøtet i Blindeforbundet Sogn og Fjordane 008/19 Revisjon av retningslinjene for kommunale startlån og bustadtilskot 009/19 Om transport i Trivselsskogen 010/19 Årsmelding 2018 - Rådet for menneske med nedsett funksjonsevne i Gloppen 011/19 Evaluering arbeidet i perioden Side 2
Arkiv: FE-033 JournalpostID: 19/5511 Saksbehandlar: Anvor Hauge 006/19 Godkjenning av møtebok, innkalling og sakliste Vedlegg i saka: 09.04.2019 Protokoll - Rådet for menneske med nedsett funksjonsevne - 08.04.2019 Utvalsleiar si tilråding: 1. Rådet for menneske med nedsett funksjonsevne godkjenner møteboka frå sitt møte den 8. april 2019. 2. Rådet for menneske med nedsett funksjonsevne godkjenner innkallinga og saklista til møtet den 3. juni 2019. Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. RAD- 006/19 Vedtak Utvalsleiar si tilråding: 1. Rådet for menneske med nedsett funksjonsevne godkjenner møteboka frå sitt møte den 8. april 2019. 2. Rådet for menneske med nedsett funksjonsevne godkjenner innkallinga og saklista til møtet den 3. juni 2019. Side 3
Arkiv: FE-033 JournalpostID: 19/7851 Saksbehandlar: Åslaug Haugset 007/19 Referat og orienteringssaker Referatsaker Tittel Resolusjon frå årsmøtet i Blindeforbundet Sogn og Fjordane Avsendar/mottakar Martin Malkenes Orienteringssaker: 1. Gangfelt ved BakarJon på Byrkjelo. Vi har hatt synfaring med vegvesnet, Ingemar Sårheim var med. Dei såg utfordringa med kryssing og kantstein, og vil arbeide med å finne midler til eit krysningspunkt. Det er likevel ikkje gitt at dette blir eit skilta gangfelt. Vegvesnet vil setje opp ein fartsmålar for å få grunnlag til å avgjere om det er naudsynt med fartsreduserande tiltak. 2. Rådet har tidlegare etterspurt ein nettsideartikkel om kartlegginga av universell utforming i Sandane sentrum. Denne er no lagt ut. Ordet fritt... Rådet diskuterte gang- og sykkelveg frå Sandane sentrum og ut til den gangvegen som nyleg er bygd. Rådet meiner det bør skje noko snart, og vil involverast i prosessen når det gjeld korleis gangvegen blir utforma. RAD- 007/19 Vedtak Rådet tek sakene til orientering. Rådet diskuterte gang- og sykkelveg frå Sandane sentrum og ut til den gangvegen som nyleg er bygd. Rådet meiner det bør skje noko snart, og vil involverast i prosessen når det gjeld korleis gangvegen blir utforma. Side 4
Arkiv: FA-A83, HIST-12/101 JournalpostID: 19/7086 Saksbehandlar: Jan Kåre Fure 1 Resolusjon frå årsmøtet i Blindeforbundet Sogn og Fjordane Vedlegg i saka: 10.05.2019 E-post Resolusjonen, som handlar om at appar må vere universelt utforma, vart gjennomgått. RAD- 1 Vedtak Rådet ser at dette er ei viktig sak, og synst det er positivt at Blindeforbundet jobber med saka og at rådet blir orientert om det. Side 5
Arkiv: FE-252, FE-223, TI-&00 JournalpostID: 19/6869 Saksbehandlar: Geir Liavåg Strand 020/19 Helse- og omsorgsutvalet 05.06.2019 Kommunestyret 008/19 012/19 Eldrerådet 03.06.2019 Revisjon av retningslinjene for kommunale startlån og bustadtilskot Vedlegg i saka: 27.05.2019 Retningslinjer for tildeling av bustadtilskot i Gloppen 08.05.2019 Gjeldande retningslinjer for tildeling av bustadtilskot 27.05.2019 Retningslinjer for kommunale startlån i Gloppen 08.05.2019 Gjeldande retningslinjer for kommunale startlån Rådmannen si tilråding 1. Kommunestyret godkjenner dei reviderte retningslinjene for kommunale startlån og bustadtilskot slik dei ligg føre 2. Dei nye retningslinjene gjeld frå vedtaksdato 3. Retningslinjene for kommunale startlån, vedtekne av kommunestyret 3. november 2014, vert oppheva 4. Retningslinjene for tildeling av bustadtilskot, vedtekne av kommunestyret 18. juni 2007, vert oppheva. Saksutgreiing Bakgrunn for saka sine reglar for tildeling av bustadtilskot og kommunale startlån må reviderast grunna endringar i Husbanken sine prioriteringar. Fakta i saka Gjennom Husbanken tilbyr kommunane startlån og bustadtilskot. Tildelingsreglane er hovudsakleg fastesette av Husbanken, men kommunane har utfyllande regelverk. Husbanken endrar reglane med ujamne mellomrom og kommunen må tilpasse sine reglar tilsvarande. Etter at dei gjeldande kommunale retningslinjene for startlån vart vedtekne i 2014, har Husbanken bestemt at unge i etableringsfasen ikkje lenger skal vere i målgruppa for denne ordninga. Vidare er det no slik at bankane ikkje godkjenner startlån som eigenkapital. Forslaget til nye retningslinjer er endra tilsvarande. Retningslinjene for bustadtilskot vert også endra som følgje av endringar i Husbanken sine reglar. I tillegg er kommunen omorganisert slik at det no er bustadgruppa, ikkje servicetorget, som avgjer søknadane. Forslaget til nye retningslinjer er endra tilsvarande. Økonomiske konsekvensar for kommunen Side 6
Endring av desse retninglinjene vil i utgangspunktet ikkje få økonomiske konsekvensar for kommunen. Tildelingane er allereie tilpassa Husbanken sine nye reglar. Rådmannen si vurdering Så lenge bankane ikkje godtek startlån som eigenkapital, vurderer rådmannen at punktet om formue over 1G bør fjernast. Dei som ikkje har noko oppsparte midlar slit med å få lån i ein vanleg bank så lenge startlån ikkje vert godkjent som eigenkapital. Eit alternativ er at kommunen i enkelte tilfelle kan tildele tilskot til etablering eller fullfinansiere bustadkjøp ved hjelp av startlån. Rådmannen foreslår vidare å fjerne formue-avgrensinga på ½ G for bustadtilskot. Eldrerådet 03.06.2019 ELD- 012/19 Vedtak Eldrerådet tek saka til orientering. Vedtaket var samrøystes. Gunhild Gimmestad la fram saka. RAD- 008/19 Vedtak Rådet meiner at regelverket må ta høgde for at ein del menneske med nedsett funksjonsevne er avhengig av tilretteleggingar i heimen, slik at det sikrar at den det gjeld får ein bustad som er hensiktsmessig og tilpassa behova. Den skjønnsmessige vurderinga må gjerast på bakgrunn av fagkunnskap og kjennskap til den enkelte sak. Rådet viser til at det i eit klageorgan er det viktig å få ei så objektiv behandling som råd. Det bør utarbeidast rutiner for klagebehandling, og rådet ønskjer å få orientering om desse rutinene. Side 7
Arkiv: FE-033 JournalpostID: 19/7849 Saksbehandlar: Åslaug Haugset 009/19 Om transport i Trivselsskogen Rådmannen si tilråding Rådmann kjem ikkje med tilråding i saka, då dette er eit brev til rådet. Rådet får behandle innspelet som dei vil. Saksutgreiing Bakgrunn for saka Rådet for menneske mednedsett funksjonsevne har mottatt ein e-post frå Anne Pia Nygård om transporttilbodet for røyrslehemma i Trivselsskogen. «Hei Rådet for Funksjonshemma! Eg sender denne informasjonen som ei sak som kan vere av interesse for dykk. For å kunne nytte Trivselsskogen må ein som er handikappa og ikkje kan gå, betale 1000,- kr. for ein «skogstur». For alle andre som kan gå i Trivselsskogen er det gratis. Vidare kan ein handikappa kun nytte Trivselsskogen på kvardagar før kl 22. Om kvelden og i helgane er det støyforbud fordi ein nyttar ATV. Alle som kan bruke føtene får gå tur i skogen også i helgane. Er ikkje dette ei form for diskriminering? Eg forstår det slik at sjølv om Trivselsskogen er eit privat andelslag, så er inne som sponsor? Kanskje kommunen kunne sponse handikappa som vil gå tur i skogen på ein søndag, slik som dei funksjonsfriske kan gjere? Slik det er no, er mottoet til Trivselsskogen «turar for alle» ikkje sant. Vedlegg: bilete frå messenger-samtale, og frå artikkel om Trivselsskogen i Firda Tidend. Helsing Anne-Pia, ei utflytta Gloppar som var heime på påskeferie.» RAD- 009/19 Vedtak Rådet for menneske med nedsett funksjonsevne krev at det skal vere muleg å få transport i Trivselsskogen også på heilagdagar. Det er i helgane det er mest folk i skogen, og alle bør ha tilgang på det mest populære tidspunktet for å kunne ta del i det sosiale i skogen. Rådet ser at prisen er høg, og at dette vil vere ein terskel for å nytte tilbodet. Rådet er derfor glad for dialogen mellom kommunen og Trivselsskogen om å finne ei rettferdig løysing for betaling. Side 8
Arkiv: FE-033 JournalpostID: 19/7764 Saksbehandlar: Åslaug Haugset 010/19 Årsmelding 2018 - Rådet for menneske med nedsett funksjonsevne i Gloppen Kort samandrag av saka Lag eit samandrag viss saka er på tre sider eller meir. Rådmannen si tilråding Rådet for menneske med nedsett funksjonsevne godkjenner framlegget til årsmelding for 2018. Saksutgreiing Bakgrunn for saka Det skal utarbeidast ei årsmelding for arbeidet i rådet, denne skal leggjast fram til orientering for kommunestret. Årsmelding 2018 Rådet for menneske med nedsett funksjonsevne i Gloppen Leiar: Ivar Halland Medlemmar: Majken G. Rygg Elfrid Rauset Håheim Katrine Anita Heggelund Frå kommunestyret: Magny Aa Berge Vara: Tore Vegard Larsen Else Tystad Oddrun Alme Vara frå kommunestyret: Bernt Reed Sekretær: Åslaug Haugset, plan og utgreiing Saker i rådet: I 2018 har rådet hatt 5 møte, med i alt 25 saker. Rådet var representert ved Else Tystad i Side 9
arbeidsgruppa for utarbeiding av ny helse- og omsorgsplan som vart vedtatt i 2018. Rådet var ikkje representert i arbeidsgruppa for ny kommunedelplan for idrett, friluftsliv og fysisk aktivitet, men heile rådet, med vara, var invitert til innspelsmøte og har vorte orientert og har behandla planen på fleire møte i løpet av planprosessen. Rådet har tatt opp ein sak på eige initiativ, og den har vore tema på tre av møte i 2018. Det gjeld inkludering av menneske med nedsett funksjonsevne i fritidstilbod generelt, og kulturlivet spesielt. Rådet var representert på ein møteplass for kulturlivet i Gloppen i november 2018, der nettopp inkludering var temaet. Dette er eit tema som må jobbast med over tid, saka er derfor ikkje avslutta, men er med vidare i 2019. Andre saker som er bahandla av rådet: Budsjett og økonomiplan, revisjon av regelverk prinsipp og kriterium for tildeling av tenester i helse- og omsorgssentoren, gevinstrealisering velferdsteknologi, legevaktspilot i Sogn og Fjordane og oppretting av brukarutval i helse- og omsorgssentoren. I tillegg kjem orienteringar og høyringar. Evaluering av arbeidet i rådet: Dette tek vi i møtet. Rådet ønskjer å evaluere heile periode under neste sak, og ikkje evaluere 2018 for seg sjølv. RAD- 010/19 Vedtak Rådet vedtek årsmeldinga, utan avsnittet "Evaluering" og med retting av skrivefeil: Årsmelding 2018 Rådet for menneske med nedsett funksjonsevne i Gloppen Leiar: Ivar Halland Medlemmar: Majken G. Rygg Elfrid Rauset Håheim Katrine Anita Heggelund Frå kommunestyret: Magny Aa Berge Vara: Tore Vegard Larsen Else Tystad Oddrun Alme Vara frå kommunestyret: Bernt Reed Sekretær: Åslaug Haugset, plan og utgreiing Saker i rådet: I 2018 har rådet hatt 5 møte, med i alt 25 saker. Rådet var representert ved Else Tystad i arbeidsgruppa for utarbeiding av ny helse- og omsorgsplan som vart vedtatt i 2018. Rådet var ikkje representert i arbeidsgruppa for ny kommunedelplan for Side 10
idrett, friluftsliv og fysisk aktivitet, men heile rådet, med vara, var invitert til innspelsmøte. Rådet har behandla planen på fleire møte i løpet av planprosessen. Rådet har tatt opp ein sak på eige initiativ, og den har vore tema på tre av møta i 2018. Det gjeld inkludering av menneske med nedsett funksjonsevne i fritidstilbod generelt, og i kulturlivet spesielt. Rådet var representert på ein møteplass for kulturlivet i Gloppen i november 2018, der nettopp inkludering var tema. Dette er eit tema som må jobbast med over tid, saka er derfor ikkje avslutta, men er med vidare i 2019. Andre saker som er behandla i rådet: Budsjett og økonomiplan, revisjon av regelverk prinsipp og kriterium for tildeling av tenester i helse- og omsorgssektoren, gevinstrealisering velferdsteknologi, legevaktspilot i Sogn og Fjordane og oppretting av brukarutval i helse- og omsorgssektoren. I tillegg kjem orienteringar og høyringar. Side 11
Arkiv: FE-033 JournalpostID: 19/7850 Saksbehandlar: Åslaug Haugset 011/19 Evaluering arbeidet i perioden Rådmannen si tilråding Rådmann kjem ikkje med tilråding i saka. Saksutgreiing Bakgrunn for saka På slutten av rådet sin periode kan det vere nyttig å evaluere arbeidet i rådet. Fleire tek attval, og det er gledeleg. Likevel kan det vere lurt å oppsummere litt, og kanskje gi nokre tips til neste råd. Det er opp til rådet kva de vil ta opp i evalueringa. Det kan handle om både behandling og oppfølging av saker og om organiseringa av arbeidet i rådet. Er det til dømes saker som ikkje har vore lagt fram for rådet som burde vore det? Opplever de at de får tatt opp dei sakene de ønskjer? RAD- 011/19 Vedtak Rådet meiner samarbeidet har vore godt. Det har kome lite innspel utanifrå, kanskje det betyr at rådet er litt for lite synleg? Rådet bør presenterast betre på heimesida til kommunen, og i neste periode bør rådet vere meir synleg t.d. i media. Rådet bør få vere med på heile eller delar av politikaropplæringa. Dei to råda må halde fram med å ha møte kvar for seg, og ha eigen sekretær. Dette er avgjerande for at råda skal fungere uavhengig. Rådet ønskjer å bli flinkare til å etterspørje korleis det går med saker som er behandla. Side 12