FÅ FART PÅ SVEIO KUNNSKAP OG KVALITET I SKULEN. GOD FOLKEHELSE I ALLE LEDD. GODE KLIMALØYSINGAR. EIT GODT ARBEIDSLIV FOR ALLE ME TEK SVEIO VIDARE Sveio.arbeiderparti.no
SKULAR OG BARNEHAGAR I SVEIO SKAL HA TOPP KVALITET OG KOMPETANSE SVEIOSKULEN SVEIOSKULEN SKAL UTVIKLAST TIL Å BLI EIN FRAMTIDSRETTA OG MODERNE SKULE Sveio Arbeiderparti vil prioritere ressursar slik at skulane i Sveio når målet for beste opplæring og oppfølging av barn og unge. Sveio Arbeiderparti vil førebu den sterke auken i barnetal som ein ser framover, og ha planar klare for framtidig vekst og utvikling. Arbeid med læringsmiljø og psykososialt miljø skal ha fokus. Sveio Arbeiderparti vil arbeide for nulltoleranse for mobbing i Sveioskulen. SVEIO SKULE Sveio Arbeiderparti ser at den største skulen i Sveio må oppgraderast til standarden i dag. Sveio skule treng eit stort løft når det gjeld lokale og utstyr. Gode IKT-løysingar står sentralt. Me vil bygge for framtida og tenke langsiktig, slik at denne satsinga gjeld dei tre hovudtrinna ved Sveio skule. Sveio Arbeiderparti vil difor prioritere investeringsmidlar for utvikling av Sveio skule dei neste fire åra. TIDLEG INNSATS Innsats og god oppfølging dei første åra i skule og barnehage er satsingsområde for Sveio Arbeiderparti. Sveio Arbeiderparti ser at tidleg innsats gir resultat og legg grunnlag for god utvikling gjennom skuleløpet. BARNEHAGE Sveio Arbeiderparti vil sikre at barnefamiliar i Sveio har barnehageplass til barna sine i praktisk avstand frå der dei bur. Sveio Arbeiderparti meiner at det offentlege skal ha ansvar for barnehageutbygging. Samarbeid mellom det offentlege og private aktørar er aktuelt for å tilfredstille behovet for barnehageplassar. Det er avgjerande å ha nok barnehageplassar strategisk plassert i høve til arbeidsplassar innan det offentlege og private næringslivet for at Sveio kommune skal vere ein god kommune å bu i.
OMSORG KVALITET OG TID SVEIO ARBEIDERPARTI VIL ARBEIDE FOR EIT VERDIG OG GODT LIV FOR ALLE SOM TRENG OMSORGSTENESTER. KVALITET OG TID SKAL PREGE OMSORGSTENESTENE. BU HEIME - TRYGT OG GODT LIV - SVEIO ARBEIDERPARTI VIL LEGGE TIL RETTE FOR OG PRIORITERE MIDLAR SLIK AT FOLK SKAL KUNNE BU HEIME SÅ LENGE DEI ØNSKJER. Fagkompetanse og profesjon må nyttast på beste måte. Sveio Arbeiderparti meiner at tidleg innsats og førebygging er viktig på dette feltet. Sveio Arbeiderparti vil legge til rette for og prioritere midlar slik at folk skal kunne bu heime så lenge dei ønskjer. God tilrettelegging, nytte moderne teknologi, dyktige medarbeidarar og oppfølging gjer dette mogeleg. Gjennomgåande folkehelsesatsing og folkehelsetilbod gjer det mogeleg for alle generasjonar å utvikle god helse. Målet vårt er at grunnbemanninga i omsorgstenesta i Sveio skal aukast. FOLKEHELSE Sveio Arbeiderparti er opptatt av å legge til rette for førebyggande helsearbeid. Utvikling og tilrettelegging av aktivitet der folk bur, gir helsegevinst og god livskvalitet over tid. Vidareføring av Frisklivssentral og Frivilligheitssentral er difor viktig. Sveio Arbeiderparti vil arbeide for bygging av nytt badeanlegg, lys på turvegar rundt golfbanen og rydding av fleire turvegar KYRKJA Kyrkja er ein sentral aktør i kommunen. Sveio Arbeiderparti vil saman med Kyrkja finna løysingar som gjer at Kyrkja kan utøva tenesta si på beste måte blant innbyggarane. Samarbeid kring nytt Soknehus er eit eksempel på dette. SAMARBEID MED LAG- OG ORGANISASJONAR Sveio Arbeiderparti ser arbeidet som vert lagt ned i lag og organisasjonar som ein stor og viktig ressurs. Sveio Arbeiderparti vil stimulere dette arbeidet gjennom direkte tilskot, støtteordningar og gjennom samarbeidsprosjekt. Idrett, friluftsliv og anna lagsaktivitet er svært viktig for trivsel og folkehelse. TRAFIKKSIKRING OG KOMMUNIKASJON Sveio Arbeiderparti vil ha stort fokus på skulevegar og hovudferdsårer i kommunen. Sveio Arbeiderparti meiner det er viktig med effektive transportkorridorar. Dette er til det beste for næringslivet, innbyggarane og ikkje minst miljøet. SVEIO ARBEIDERPARTI VIL GÅ INN FOR Å BYGGE ROPHUSVEG DEI NESTE FIRE ÅRA. Arbeiderpartiet har fokus på gangfelt og farlege kryss som Rødkrysset, gangfelt i Sveio sentrum og Rophus / Ekrene. ROPHUSVEG, SYKKELVEGAR OG VEGLYS Arbeiderpartiet vil arbeide for samanhengande sykkelveg mellom Førde og Sveio sentrum og mellom Vikse og Sveio sentrum. Dette må gjennomførast saman med fylke og stat. Sveio Arbeiderparti vil arbeide for veglys der folk bur og ferdast.
Sveio Arbeiderparti vil i kommande periode gå inn for å bygge nytt badeanlegg. Anlegget må leggast til området ved Sveio sentrum. Sveio Arbeiderparti vil at ein nyttar seg av dei gode statlege støtteordningane og den låge renta for å realisere dette. Arbeiderpartiet meiner at ein gjerne løyser dette i samarbeid med private og offentlege aktørar. SVEIO ARBEIDERPARTI HAR DEI SISTE ÅRA ARBEIDD AKTIVT FOR Å BYGGE NYTT FRAMTIDSRETTA BADEANLEGG I SVEIO. BADE ANLEGG FOR ALLE MED SVEIO ARBEIDERPARTI I LEIINGA SVEIO ARBEIDERPARTI HAR DESSE VIKTIGE SATSINGSOMRÅDA: KUNNSKAP OG KVALITET I SKULEN. GOD FOLKEHELSE I ALLE LEDD. GODE KLIMALØYSINGAR. EIT GODT ARBEIDSLIV FOR ALLE Sveio Arbeiderparti vil satse på kunnskap og kvalitet i Sveioskulen, gode omsorgstilbod, god folkehelse i alle ledd og gode klimaløysingar. Sveio kommune skal vere ein god kommune å bu og arbeide i. Sveio Arbeiderparti satsar på Sveio og ønskjer å vidareutvikle kommunen vår. Me vil halde fram med å arbeide for vidare vekst med gode oppvekstmiljø. Me meiner det er viktig å ha fokus på eit godt og inkluderande arbeidsmiljø for dei tilsette i kommunen. Sveio Arbeiderparti vil stå for eit aktivt nyskapings- og moderniseringsarbeid i kommunen der utvikling av eit sterkt kommunesenter er viktig. Arbeiderpartiet ser det som eit mål å vitalisere arbeidet med nyskaping innan kultur, næringsliv og offentleg verksemd. Sveio Arbeiderparti vil arbeide for god arealutnytting som gir utvikling i heile kommunen, både til sjø og i resten av kommunen. Bygging av heilårshus og fritidsbustader i god balanse i høve til landbruk og friluftsområde står sentralt. PÅ LAG MED NÆRINGSLIVET KOMMUNEN MÅ VERE OPEN FOR NYE ETABLERINGAR I REGIONEN, BÅDE STATLEGE OG PRIVATE. EKSEMPEL PÅ DETTE KAN VERE NYTT FENGSEL, SJUKEHUS OG VIKINGLAND. Sveio Arbeiderparti vil legge til rette for god næringsutvikling i kommunen. God marknadsføring og godt samarbeid med det etablerte næringslivet er grunnlag for vidare utvikling. Sveio Arbeiderparti vil legge til rette for auka vekst og nyetableringar i kommunen. Næringsområda Ekrene, Hanaleite og Sveio sentrum må vidareutviklast. Me vil i tillegg arbeide for å utvikle meir næringsliv i Haukåskrysset, gjerne med ei stor hjørnesteinsbedrift ved dette sentrale knutepunktet. Kommunen må vere open for nye etableringar i regionen, både statlege og private. Eksempel på dette kan vere nytt fengsel, sjukehus og Vikingland.
KOMMUNESTRUKTUR OG REGIONALT SAMARBEID SVEIO KOMMUNE LIGG STRATEGISK TIL MIDT I REGIONEN, OG SKAL SPELE EI VIKTIG ROLLE I SAMARBEIDET MELLOM KOMMUNAR PÅ HAUGALANDET OG I SUNNHORDLAND. Sveio Arbeiderparti vil vere aktivt med i kommunestrukturprosessen og er open for samarbeid med andre kommunar. Sveio kommune ligg strategisk til midt i regionen, og skal spele ei viktig rolle i samarbeidet mellom kommunar på Haugalandet og i Sunnhordland. Helse Fonna, Høgskulen Stord-Haugesund og Haugaland -og Sunnhordland politidistrikt er eksempel på store institusjonar i regionen som gir grunnlag for godt samarbeid. Sveio Arbeiderparti vil arbeide for eit Sveiosamfunn som klarar seg godt uansett utfall av ein kommunestrukturprosess. Me er kritisk til den prosessen som har vore til no, og ser det som svært viktig at me innleiar dialog med nabokommunane for å kartlegge fordelar og ulemper ein endra kommunestruktur vil ha for Sveio. Det viktigaste for Sveio Arbeiderparti er ein kommunestruktur som er til det beste for innbyggjarane i Sveio. I arbeidet med dette, vil Sveio Arbeiderparti vere særleg oppteken av at løysingane er til det beste for Sveiosamfunnet, anten det gjeld kommuneinndeling eller regionalt samarbeid. MILJØ VENNLEGE LØYSINGAR ARBEIDERPARTIET SER AT GEVINSTEN I Å BYGGE VIND- MØLLER IKKJE ER BÆRE- KRAFTIG SLIK SITUASJONEN ER FOR TIDA. Sveio Arbeiderparti er opptatt av at kommunen skal vere i front når det gjeld å ta i bruk miljøvennlege løysingar. Bruk av fjernvarme, hurtig-destasjonar og ladestasjonar for bil er eksempel på dette. Gode transportkorridorar, gang og sykkelvegar er gode miljøvennlege løysingar. Sveio Arbeiderparti meiner at det er viktig å velje miljøvennlege løysingar i utbyggingsprosjekt, bustad og veg, og i annan arealforvaltning. Sveio Arbeiderparti meiner at vasskraft er den viktigaste fornybare energikjelda, men vil likevel at kommunen skal ta vår del av ansvaret når det gjeld alternative energikjelder. Arbeiderpartiet ser at gevinsten i å bygge vindmøller ikkje er bærekraftig slik situasjonen er for tida. Sveio Arbeiderparti vil stimulere til bruk av fornybar energi der det gir positive ringverknader. Eksempel er Sveio Bioenergi. LAND BRUK KORTREIST MAT OG UTVIKLING AV ATTÅTNÆRING STÅR SENTRALT. Sveio Arbeiderparti ser at landbruket i Sveio er ei sentral næring med mange arbeidsplassar. Landbruket er svært viktig når det gjeld å oppretthalde kulturlandskapet. Å oppretthalde og gjerne auke matproduksjon i kommunen, er i tråd med statlege mål. Ein landbruksplan vil vere viktig å utarbeide for å sikre landbruket sine interesser framover.
KULTUR KOMMUNEN SVEIO SVEIO ARBEIDERPARTI MEINER AT KULTUR SKAPAR IDENTITET OG STOLTHEIT, OG IKKJE MINST GODE OPPLEVINGAR I KVARDAGEN. UNGDOMSRÅD LOKALT OG INTERNASJONALT Ungdommane er den viktigaste ressursen for framtida. Sveio Arbeiderpartiet meiner at verdibrev til ungdom skal halda fram. Ungdomsrådet er ein viktig arena for skulering og deltaking i samfunnet. Arbeid i Ungdomsrådet er god demokratibygging. Sveio Arbeiderparti meiner at Ungdomsrådet har ei viktig rolle også i samarbeid med andre ungdomsråd i regionen. Det er òg viktig å sjå over landegrenser og søke kunnskap og samarbeid med andre land. Internasjonalisering, med vekt på prosjekt i samarbeid med EU /EØS, er viktig for å forstå demokratiske verdiar og for utvikling av kompetanse og inspirasjon. Sveio Arbeiderparti ser det som viktig å vidareutvikle samarbeid med vennskapskommunar. SENIOR UNIVERSITETET For Sveio Arbeiderparti har Senioruniversitetet vore eit viktig tiltak for seniorane. Arbeiderpartiet vil syte for at dette tilbodet har god utvikling framover. INTEGRERING Sveio Arbeiderparti vil arbeide for ei god integrering av innvandrarane og flyktningane våre, og søke å ta vår del av ansvaret for dei menneska som treng hjelp og er i djup naud. KULTUR, TRIVSEL OG IDENTITET Sveio Arbeiderparti meiner at kultur skapar identitet og stoltheit, og ikkje minst gode opplevingar i kvardagen. Sveio Kommune har og blitt eit fleirkulturelt samfunn. Det er viktig at innbyggarar frå andre land trivest og kjenner seg heime hos oss. FYRTÅRN Arbeiderpartiet vil vidareutvikle dei flotte fyrtårna våre som bl.a. er Ryvarden, Fartein Valen-arbeidet og Golfbanen.Sveio Arbeiderparti vil legge vekt på å få fram kunnskap om og aktivitet rundt den store kunstnaren vår, komponisten Fartein Valen, i dei neste fire åra. Samarbeid med private aktørar står her sentralt. Sveio Arbeiderparti vil utvikle og løfte fram kulturskattar som til dømes Kysttunet, Gullnaustet, Einstadbø Gard og Rex Garden. Sveio Arbeiderparti vil tilbakeføre Kulturminneløypa som eit samarbeidstiltak mellom kommunen og lag og organisasjonar for å sikre at barn og unge får innsyn i og kunnskap om kulturskattane våre. 5 LÆRLINGAR Sveio Arbeiderparti vil arbeide for gode lærlingordningar i både offentleg og privat verksemd, for å sikre at dei som søker vidare utdanning skal komme i mål på ein flott måte. Me ønskjer å ta inn minst fem lærlingar innan 2017.
MIDT I EIN STERK REGION Kommunen vår ligg strategisk til, midt i ein sterk region. Her kan du bu på landet nær byen. Flotte bumiljø og tilbod om gode tenester til innbyggarane er avgjerande for at folk skal slå seg til i kommunen vår. Sveio.arbeiderparti.no Eg vil som ordførar arbeide for enda betre tenester til folket, utvikle nye tilbod og alltid søkje det som er mogeleg å få til. Kommunen vår har eit stort potensiale. Innan skule, helse, kultur og miljø har me ein veg å gå for å nå det optimale. Eg vil gjere mitt for at desse områda får ei god utvikling. Med tettstadar som Sveio og Førde, og med idylliske bygdesamfunn langs sjøsida, vil sikker framkomst vere svært viktig. Det vil vere fokus på veg og sikkerheit neste fire åra. Godt omdøme er viktig for trivsel og identitet. Som ordførar vil eg ha sterkt fokus på at Sveibuen skal vere stolte over heimplassen sin. Tryggleik ligg i sikker arbeidsplass og gode fritidstilbod. Gjer Arbeiderpartiet sterkt i det nye kommunestyret ved å bruke Sveio Arbeiderparti si liste ved valet. Jorunn Skåden ordførarkandidat www.karmtrykk.no Listekandidatar for Sveio Arbeiderparti Jorunn Skåden, Håkon Johnsen Skimmeland, Linn Therese Erve, Kjell Gunnar Nymark,Heidi Nilsen Ljøen Asle Georg Halleraker, Line Remøy Gudmundsen Sveio.arbeiderparti.no