Demokrati og politisk styring Ei god framtid for alle! * At kommunereforma skal tuftast på frivilligheit og fakta Senterpartiet har som grunnhaldning at samanslåing av kommunar skal vere frivilleg. Vi må vita kva vi går til ved ein alternativ kommunestruktur. Eit viktig fundament er ein langsiktig god økonomi som gjev grunnlag for gode tenester til innbyggjarane. Tenesteytinga må vera minst like god som i dag. Det må vera klare føringar på korleis vi skal ivareta lokaldemokratiet på ein god måte, slik at vi får eit breitt og godt engasjement. Vi må vera trygge på at grendene har ei positiv utvikling som gjer at busetnaden vert oppretthalden i heile kommunen. Konklusjon: Dersom Øystre Slidre Senterparti skal gå inn for kommunesamanslåing, må saka ha vore grundig utgreidd, der ulemper og fordelar kjem tydeleg fram. Eit klart krav frå Senterpartiet er at det må haldast ei rådgjevande folkerøysting, der folket får seia si meining. Dersom folket ikkje seier klart ja, og utgreiinga ikkje viser at vi har klare fordelar med å slå saman Øystre Slidre med andre kommunar, meiner Øystre Slidre Senterparti at vi skal halde fram som eigen kommune. * Tydlegare og sterkare folkevald styring av kommunen. For mykje makt og avgjerdsler er delegert til administrasjonen. Det er politikarane som har det øverste ansvaret og kommunestyret er kommunens høgste beslutningsorgan. Viktige vedtak og avgjerdsler må i større grad enn i dag, vera handsama og vedtatt av politiske organ. I dette ligg og at selskap som kommunen er medeigar i, skal vera politisk styrde. Helse og omsorg * Ei framtidsretta eldreomsorg Øystre Slidre SP meiner at vi må styrke eldreomsorga. Vi treng auka bemanning i heimetenesta slik at fleire kan bli buande heime lenger. Når ikkje dette er mogleg lenger, skal ein få tilbod om tilrettelagt omsorgsbustad. Senterpartiet vil prioritere realisering av eit nytt omsorgssenter der det både skal vere institusjonsplassar og omsorgsbustadar med bemanning. * Styrking av miljøtjenesta med fokus på fysisk aktivitet * Styrking av det førebyggande psykiske helsearbeidet og rehablitering * Eit fortsatt godt primærhelsetilbod i Øystre Slidre * Auka støtte til, og samarbeid med frivillige lag og organisasjonar innanfor helse og omsorg. Oppvekst og kultur
* Styrking av praktisk læring og aktivitetstilbod i skulen. Det er viktig å legge til rette for at ungdommen tek relevant utdanning, også i praktiske fag. Dette kan mellom anna gjerast ved å ha praktiske valfag i ungdomsskulen. Dette er også viktig for å få ned fråfallet i vidaregåande skule. For å auke det fysiske nivået blant ungdom bør ein heller innføre fleire timar gym i skulen, i staden for dagens FYSAK. * Vidareutvikling av den gode kvaliteten i grunnskulen ved å gje lærarar gode vilkår for etterutdanning. * Offentlige og private barnehageplassar med god kvalitet, og med fokus på uteaktivitetar. * Vidareutvikling av det gode kulturskuletilbodet. * Auka fokus på ernæring i skulen. * Realisering av ungdomshuset. Næringsliv og landbruk Eit oppegåande, allsidig og ekspansivt næringsliv er den viktigaste grunnsteinen i utviklinga i Øystre Slidre. Det gjev aktivitet, arbeidsplassar og inntekter og saman med evne til innovasjon gjev det eit livskraftig samfunn. Og kommunen skal vera ein aktiv medspelar, katalysator og tilretteleggjar for næringslivet. Reiselivet med hytteturisme er ei særleg viktig næring i Øystre Slidre som skal ha fokus framover. Det er mykje positivt i utviklinga i landbruket i våre bygder samanlikna med andre, og denne friske, unge given må vi byggje vidare på. Landbruket er ei grøn og framtidsretta næring med eit stort potensial for vidareforedling av lokale produkt. Både Beitostølen Helsesportsenter og Bioforsk Løken er viktige kompetansemiljø og arbeidsplassar som kommunen må ha eit samspel med. * Styrking av det kommunale arbeidet overfor næringslivet. Det bør utarbeidast ein kommunal næringsstrategi i samspel med næringslivet. * Legge til rette for moderne og alternative vass- og avløpsløysingar for fritidsbustader i heile kommunen. * Innføring av eit jordfond for å sikre eit effektivt jordvern. * Framleis støtte til snølagringa på Beitostølen. * Stimulering av beitenæringa og stølsdrifta. * Utvida bruk av lærlingar i kommunen og næringslivet. * Tilrettelegging av nytt næringsareal i Heggenes-området.
Samferdsel Øystre Slidre SP seier ja til: * Auka standard på FV 51, samt betydeleg opprustning av fylkesvegane i kommunen vår. * Realisering av planane som er lagt for gang og sykkelveg gjennom heile kommunen. * Auka kollektivtilbod gjennom kommunen. Beredskap * Styrking av brann og redningsberedskapen. Ein god akuttberedskap er avhengig av eit velfungerande brann-og redningsvesen. Det er difor viktig at vi har eit mannskap som er fagleg godt utdanna, og har brann- og redningsutsyr som tilfredstillar dagens krav, og fungerar optimalt når det er behov. Utrykkningtida er og særs viktig, difor er det avgjerande at vi har to brannstasjonar som i dag. Vi meiner det bør byggjast ny brannstasjon i Heggenes, eller at dagens brannstasjon må oppgraderast betydeleg. Brannstasjonen på Beitostølen har for liten plass og må utvidast. * Godt og naudsynt samarbeid med politi og ambulansetenesta. * Førebyggande arbeid retta mot ungdom i samarbeid med politi og foreldre. Miljø * Fornuftig bruk av naturressursane. Det må lagast gode lokale forvaltningsplaner på allereie verna område, slik at ein sikrar god skjøtsel og opnar for naturbasert næringsutvikling i desse områda. Bruk er det beste vern. * Sikre effektiv rovdyrforvaltning. * Meir bruk av fornybar energi.
Folkehelse i praksis, idrett og friluftsliv * Fortsatt solid støtte til lag og organisasjonar innafor idrett og kultur. Det store dugnadsarbeidet er gullet og bærebjelken i eit godt lokalsamfunn, og vi vil fortsatt støtte dette arbeidet med bidrag til lag og organisasjonar. * Styrking av frisklivs og frivilligsentralen. * Utvikling av sti og løypenettet i Øystre Slidre. Bustadbygging * Planlegging av nye bustadområde i Heggenes og Skammestein. * Spreidd bustadbygging. Kyrkja * Ei kyrkje som er open og inkluderande. Kyrkjebygga våre kan brukast til meir enn kyrkjelege handlingar. Det er ynskjeleg at kyrkjene kan opnast for fleire kulturelle arrangement, og for fastbuande og tilreisande som ønskjer å sjå og nytte seg av kyrkjene våre. Hegge stavkyrkje fyller 800 år i 2016, og vi meiner at denne kyrkja skal være open for publikum om sumaren. Valgliste: 1. Odd Erik Holden 1969 2. Marit K. Strand 1992 3. Morten Steinsrud 1964 4. Tove Grethe Kolstad 1965 5. Magne Egil Mjøs 1956 6. Heidi A. H. Pettersen 1992 7. Tor Skattebo 1967 8. Guri Grønolen 1964 9. Arnfinn Beito 1964 10. Anne-Kari Gjerdalen 1974 11. Thorleiv Idstad 1949
12. Ove Bjørneseth 1980 13. Anne Finnbråten 1963 14. Leif Skjold Ekerbakke 1976 15. Guri Hegge Skrindsrud1966 16. Øyvind L. Christiansen1993 17. Ole-Kristian Oldre 1974 18. Anne Marie Mørstad 1958 19. Nils L. Skjerstein 1972 20. Bjørg T. Skrebergene 1973 21. Terje Hålimoen 1985 22. Knut J. Melby 1958