Merknader til Rapport av 04.11.2015 frå nedsett komitè om Grendaskular i Balestrand
Merknader til Rapport av 04.11.2015 frå nedsett komitè om Grendaskular i Balestrand Den 05.11.2015 fekk administrasjonen ved rådmann overlevert rapporten i formannskapsmøtet for å kome med merknader. Med utgangspunkt i den kapasiteten som finns og rapporten si form og omfang, klarer ein ikkje å kvalitetssikre materialet på ein grundig måte og merknader som vert gjeve frå administrasjonen vil vere på eit mindre detaljert nivå enn slik det vert presentert i rapporten. Administrasjonen har ikkje delteke i prosessen som komiteen har hatt, utanom å svara på nokre spørsmål. Vi konsentrerer oss om modell 1, tilbakeføring av 1. 2. klasse og gjev i tillegg merknader til modell 2. tilbakeføring av 1. 4. kl. Vi tek utgangspunkt i Fjordtun oppvekstsenter, då kostnadane vil vere om lag like store for dei to skulane. Drift av grunnskule er tufta på opplæringslova og barnehagedrift på lov om barnehagar. Tilhøyrande desse lovene er det forskrifter, rundskriv og fortolkingar som på ulike måtar forklarar lovverket. Drifta må vere forankra i dette lovverket, elles driv kommunen ulovleg. Opplæringslova og Forskrift til opplæringslova 14 1 set krav om kvalifikasjonar til den som underviser og i opplæringslova 9 1 vert det stadfesta nærare at kvar skule skal ha ei forsvarleg fagleg, pedagogisk og administrativ leiing. I 17 Lov om barnehagar vert det stadfestar kva krav ein må setje til leiing for at den skal vere lovleg og 18 omtalar kva krav ein set til utdanning for andre tilsette. I store trekk har innhald og vurdering i vedlagde rapport fokus på å få fram kostnadar på eit detaljert nivå for tre ulike modellar. Her det viktig å minne om at kostnader knytt til drift sjeldan er identiske frå år til år. Det er vanleg at det oppstår endringar som får økonomiske konsekvensar den eine eller den andre vegen.
Barnetal ved Nesse barnehage 2012 / 2013 2013 /2014 2014/2015 2015/2016 2016/2017 Fødselsår 2015 1 2014 2013 1 3 3 3 2012 2 2 2 2 2011 1 2 2 3 3 2010 2 2 2 2 2009 2008 3 3 Sum 6 (7 plassar) 10 (13 plassar) 9 (14 plassar) 10 (15-12 plassar) 9 (10 plassar) Barnetal ved Nesse skule 2011 / 2012 2013 /2014 2014 2015 2016 2017 2018 2019 /2020 2012 /2013 /2015 /2016 /2017 /2018 /2019 1. klasse 1 0 0 3 0 2 2 2 3 2. klasse 2 1 0 0 3 0 2 2 2 3. klasse 3 3 1 0 0 3 0 2 2 4. klasse 1 2 3 1 0 0 3 0 2 5. klasse 1 1 2 3 1 0 0 3 0 6. klasse 1 1 1 2 3 1 0 0 3 7. klasse 1 1 1 1 2 3 1 0 0 Til saman 10 9 8 10 9 9 8 9 12 Barnetala ved Fjordtun barnehage: Fødselsår 2014 /2015 2015 /2016 2016 /2017 2016 1 2015 1 4 2014 1 1 2013 2 4 4 2012 0 0 0 2011 2 2 2 2010 3 3 7 (9 plassar) 11 (15-16 plassar) 12 (16-18 plassar)
Elevtalet ved Fjordtun skule 2012 /2013 2013 /2014 2014 /2015 2015/ 2016 2016/ 2017 2017/ 2018 2018/ 2019 2019/ 2020 1. trinn 0 1 2 0 3 2 0 2 2. trinn 0 0 1 2 0 3 2 0 3. trinn 1 0 0 1 2 0 3 2 4. trinn 1 1 0 0 1 2 0 3 5. trinn 2 0 0 1 2 0 6. trinn 2 2 0 0 1 2 7. trinn 2 2 1 Sum 8 6 3 3 6 8 8 10 Oppsummerande merknad til modell 1, 1. 2. klasse Lærarressurs Når barna frå skule og barnehage er saman i undervisning, er det primære målet med samværet at barna skal lære i lag og av kvarandre i eit større fellesskap. Alle elevar har forskriftfesta rett til å ha undervisning etter Læreplanverket. Dersom ein opprettar skule ved Fjordtun og Nesse oppvekstsenter for 1. og 2. klasse er det etter lova krav om at ein lærar med formell kompetanse underviser elevane i dei timane dei rettmessig har krav på. For å stette dette kravet vil det bety om lag ei lærarstilling på kvar grendaskule. (Kr. 600 000) Rektorressurs Det skal vere ein rektor ved skulen og opplæringslova gjer greie for oppgåvene han har. Han skal m.a. vere fortruleg med den daglege drifta. Det betyr at rektor må vere tilgjengeleg kvar dag, sjølv om han ikkje er fysisk til stades. Lova opnar opp for å organisere rektor som ei felles stilling som inneheld både styrarfunksjon i barnehagen og rektor ved skulen. Tidlegare har rektor ved oppvekstsentra vore tilsett i 100 % og han har vore til stades kvar dag, ein del undervisning og ein del leiing. 80 % stilling til felles leiing av begge oppvekstsentra medfører at rektor vert borte frå kvar eining i inntil 3 dagar i veka. For å sikre leiinga ved oppvekstsentera slik at det er i tråd med dei krav opplæringslova set, meiner ein at det er trong for rektor / styrar i 100%. (kr. 175 000) Det er sjølvsagt òg høve til å organisere rektorfunksjonen ved dei to oppvekstsentra som to separate 50 % stillingar.
Reinhald Det utgjer ca. 15 % stilling og kr.80 000. Oppvarming Det er vanskeleg å gje noko eksakt tal, men ein bør rekne med utlegg i storleiken kr.8 000. Utstyr læremiddel Det bør setjast av ein pott, rundt rekna (kr. 5000). Vikarutgifter Det er eit sårbart system når personalgruppa vert så pass liten og ein bør ha tilgang til å ta inn vikar.(kr. 10 000) Midlar til kompetanseutvikling Det er viktig at tilsette får høve til å vere med på tiltak for å auke eiga kompetanse (kr. 5 000) Reise kompetanseutvikling Ein bør rekne med rundt kr. 3000 Skyssutgifter - elevane ved Fjordtun oppvekstsenter Ut frå takst som Fylkeskommunen har, så vert utgifter til skyss rundt kr. 14 000 Vedlikehald Her bør ein rekne med ein sum rundt kr. 5 000 Leige drift Dette går på auka kostnad av drift kopieringsmaskin kr. 1500 Data / telefon Erfaringstal frå tidlegare budsjett kr. 3 000 Lisensar og gebyr kr. 4 500 Reiseutgifter / rektor mellom to oppvekstsentra Utlegg - pendling mellom oppvekstsentra: ca. kr. 20 000 REDUSERTE KOSTNADER VED OVERFØRING AV 1. OG 2. KLASSE Skuleskyss Fjordane Sagatun skule Kostnader med den ordinære skuleskyssen vil vere rundt kr. 30 000
Midtskyss Midtskyss for 2 ekstra dagar er sett til kr. 115 400 SFO følgje til buss Følgje til buss kr. 100 000 Det er inntil 2 elevar som har tilbod om SFO tilbod på Fjordtun, men berre om ettermiddagen Dagleg leiar Her kan ein redusere dagleg leiar ressursen i barnehagen til to timar kr. 40 000 Totalt sett vert kostnadane slik ved tilbakeføring av 1. og 2. klasse: Fjordtun oppvekstsenter Ekstra kostnader Lærar: 600000 Rektor 175000 Reinhald 80000 Oppvarming 8000 Utstyr læremiddel 5000 Vikarutgifter 10 000 Kompetanseutvikling 5000 Reiseutgifter kompetanse 3000 skyssutgifter om elevane er på Fjordtun 14000 vedlikehald 5000 leige drift 1500 Data telefon 3000 lisensar - gebyr 4500 reiseutgifter rektor 20000 Til saman 934000 Reduserte kostnader: Skuleskyss Fjordane Sagatun 30000 Midtskyss 115400 Dagleg leiar - barnehagen 40000 Sfo - følge til buss 100000 285400 Totale kostnader 1. 2. Fjordtun 648600
Modell 2. Fjordtun oppvekstsenter 1. 4 klasse. Viser til tabellane knytt til framskriving av barnetalet.med det barnetalet som er framskrive ved Fjordtun oppvekstsenter ser ein ikkje at det vert store ekstrakostnader med å ha 1. 4. klasse ved oppvekstsentra i høve til modell 1. Det må tilførast ressursar til dei to eldste klassetrinna fordi dei har fleire undervisningstimar enn 1. og 2. klasse. (I storleiken 60 000. I tillegg treng ein noko ekstra assistentressurs. Totalt sett vert kostnadane slik ved tilbakeføring av 1. - 4. klasse: Fjordtun oppvekstsenter Ekstra kostnader Lærar: 600000 Rektor 175000 Ekstra lønskostnader 120000 Reinhald 80000 Oppvarming 12000 Utstyr læremiddel 5000 Vikarutgifter 10 000 Kompetanseutvikling 5000 Reiseutgifter kompetanse 3000 leige drift 1500 Data telefon 3000 lisensar - gebyr 4500 skyssutgifter om elevane er på Fjordtun 28000 reiseutgifter rektor 20000 Til saman 1067000 Reduserte kostnader: Skuleskyss Fjordane Sagatun 60000 Midtskyss 115400 Sfo - følge til buss 100000 Dagleg leiar 2 timar 40000 315400 751600
Den økonomiske situasjonen i Balestrand kommune er framleis utfordrande og gjennom fleire år med omstilling ved dei ulike einingane, har ein framleis utfordringar med å balansere økonomien. Auka utgiftene må sjåast i samanheng med nye inntekter. Med dette som bakgrunn, bør det vidare arbeidet med grendaskulane vere knytt opp mot den prosessen som er i gang med skulebruksplanen.