Sogndal kommune Møteprotokoll Utval: KOMMUNESTYRET Møtestad: Kommunestyresalen Møtedato: 11.01.2018 Tid: 09:00-14:00 Sakliste Saksnr. Arkivsaksnr. Tittel 1/18 17/4127 Kommunestyret 2018 - Opning, konstituering, orienteringar og drøftingar 11.01.2018 2/18 18/36 Handsaming av rapport frå Arbeidsmiljøspesialistene AS vedkomande arbeidsmiljø i Sogn barnevern
Sak 1/18 Kommunestyret 2018 - Opning, konstituering, orienteringar og drøftingar 11.01.2018 1. A. Konstituering av møte: Møtet lovleg sett med 25 representantar til stades. Sigurd Sætre (Frp) møtte for Idar Kollsete (Frp) Bjørn Skjeldestad (Ap) møtte for Kjetil Kvåle (Ap) Svein Jarle Slinde (Sp) møtte for Bente Sønsthagen (Sp) Innkalling og saksliste - godkjent Møteleiar: Jarle Aarvoll Ope møte Ordførar, Magne B. Selseng og Margrete Haug får fullmakt til å godkjenne møteprotokollen. 2. Spørsmål/interpellasjonar 3. Open spørjetime 4. Skriv og meldingar. Referert. 1. Forskrift om samanslåing av Balestrand kommune, Leikanger kommune og Sogndal kommune til Sogndal kommune, Det kongelege kommunalog moderniseringsdepartemantet (arkivsak 17/746) 2. Oppsummering etter møte og tilbakemelding på oppfølging av tilsyn, Fylkesmannen i Sogn og fjordane (arkivsak 16/2784) Vedlegg: 4.1., 4.2, 5.A.1, 5.B.1 Punkt 5. Orienteringar og drøftingar A. Orientering frå ordførar 1. Vedtak frå Fylkesmannen i Sogn og fjordane sendt til Bergens Tidende (arkivsak 17/4175) med vedlegg (sladda versjon frå Fylkesmannen i Sogn og Fjordane (arkivsak 18/36)). B. Orientering frå rådmann C. Drøftingar
Sak 2/18 Handsaming av rapport frå Arbeidsmiljøspesiallistene AS vedkomande arbeidsmiljø i Sogn barnevern Tilråding: Kontrollutvalet si handsaming av rapporten frå Arbeidsmiljøspesialistene AS og kontrollutvalet sine kommentarar og tilrådingar vert tekne til orientering. Kommunestyret avgjer vidare handsaming av saka i møtet. Handsaming Einar Vatlestad (H) reiste spørsmål om sin habilitet med bakgrunn i at han då rapporten var tinga av kommunestyret vart vurdert inhabil sidan han har søster som er tilsett i Sogn barnevern (SBV). Vatlestad bad om å få vurdert sin habilitet. Ordførar opplyste at saka slik den er fremma frå kontrollutvalet ikkje inneheld opplysingar eller tilrådingar som er knytt til tilsette i SBV og vurderte Vatlestad som habil. Kommunestyret slutta seg til dette. Kåre Stokkenes (Ap) viste til rapporten frå Arbeidsmiljøspesialistene (AMS) der det vart opplyst at kommunestyrerepresentantar har vore i kontakt med dei, og stilte spørsmål om dette kunne gjere desse representantane inhabile. Ordføraren opplyste at han har kontakt AMS for å undersøkje innhaldet i den omtalte kontakten, utan å få utfyllande svar på det. Ordførar vurderte på dette grunnlaget at det ikkje ligg føre opplysingar som inneber at kommunestyrerepresentantar kan kjennast inhabil med bakgrunn i kontakten med AMS. Kommunestyret slutta seg til dette. Svein Jarle Slinde (Sp) opplyste at bror hans er nær bekjent med tidlegare tilsett i SBV, og bad om å få vurdert sin habilitet. Ordførar opplyste at saka slik den er fremma frå kontrollutvalet ikkje inneheld opplysingar eller tilrådingar som er knytt til enkelte tilsette i SBV, og vurderte Slinde som habil. Kommunestyret slutta seg til dette. Ordførar spurde om det var fleire spørsmål knytt til habilitet og det var det ikkje. Ordførar stilte spørsmål om sakstilfanget i saka er tilstrekkeleg for å handsame saka. Rita Navarsete (FrP) bad om gruppemøte. Kommunetyret slutta seg til at sakstilfanget frå kontrollutvalet er tilstrekkeleg til å handsama saka i kommunestyret. Leiar i kontrollutvalet Arnt Munthe Hovland orienterte om arbeidet til og tilrådingane frå kontrollutvalet. Eline Orheim (Ap) la på vegne av Ap og Sv fram følgjande framlegg til vedtak: 1. Mange tilsette i Sogn barnvern over for lang tid har opplevd eit arbeidsmiljø som har medført uheldige psykiske belastningar og såleis eit arbeidsmiljø som er i strid med
arbeidsmiljølova i ein tidsperiode som strekker seg frå 2011 til og med 2016. Kommunestyret vil rette ei orsaking til alle involverte tilsette, når det no i ettertid viser seg at iverksette tiltak i ein lenger periode ikkje bidrog til å løyse arbeidsmiljøkonfliktane i barnevernstenesta. 2. Kommunestyret viser til den grundige handsaminga Kontrollutvalet har hatt av saka og til det sakstilfanget Kontrollutvalet har lagd fram for kommunestyret. Kommunestyret er samd i Kontrollutvalet sin vurdering av at rapporten frå Arbeidsmiljøspesialistene AS ikkje fullstendig har svart på spørsmåla som kommunestyret stilte i k-sak 10/17. Kommunestyret set pris på at Kontrollutvalet har summert opp rapporten og sine vurderingar i høve spørsmåla frå kommunestyret. 3. Kommunestyret meiner det er svært viktig at ein tek lærdom av arbeidsmiljøproblema som over tid har vore i Sogn barnevern ved m.a. å få på plass gode rutinar og retningsliner for konflikthandtering i kommunen. Desse rutinane må gjerast godt kjent i organisasjonen. Dersom det oppstår nye problem knytt til arbeidsmiljøet i kommunen er det viktig at alle involverte har kjennskap til kva retningslinjer og prosedyrar som skal fylgjast. I framtida må ein ta tak i problem som oppstår på eit tidleg tidspunkt, gjennomføre grundig undersøking av faktum i saka slik at ein har ei forsvarleg sakshandsaming, trekke konklusjonar og avslutte sakene. Kommunestyret er kjent med at Arbeidsmiljøutvalet har gjort vedtak om å få utarbeidd slike rutinar og system for konflikthandtering, og ber om at dette arbeidet vert prioritert og om mogleg vert avslutta innan 01. juni 2018. 4. Kommunestyret meiner at den omtalte varslings-saka der Arbeidsmiljøspesialistene AS meiner at det har vore brot på aml. 4-3 (3) må handsamast på nytt frå varslings-sekretariatet og rådmannen si side, etter revidering av varslingsrutina jf. punkt 6. 5. Kommunestyret meiner at sidan Arbeidsmiljøspesialistene AS er «i tvil» om konklusjonen i dei to andre varslingssakene og skal desse vurderast på nytt, etter revidering av varslingsrutina jf. punkt 6. 6. Administrasjonsutvalet må revidere varslingsrutina slik at det er administrasjonsutvalet som skal oppnemne eit eksternt uhilda varslingssekretariat i samsvar med KS sin varslingsrettleiar. Det skal ikkje vere med personar tilsett i kommunen, korkje som medlemer eller sekretær. Eit varslingssekretariat bør og vere balansert med medlemer med bakgrunn både frå arbeidsgjevar- og arbeidstakarsida. 7. Kommunestyret vil at det vert oppnemnt setjerådmann for oppfølging av punkt 3, siste setning, og punkt 4, 5 og 6 og ved ev. nye varslingssaker knyta til tidlegare konflikt i Sogn barnevern. 8. Kommunestyret viser til at det i rapporten vert vist til manglande skriftleggjering/manglande referat frå møter og samtalar, noko som er eit brot på internkontrollforskrifta. Kommunestyret vil påpeike at det er viktig at ein får på plass rutinar for å sikre naudsynt dokumentasjon i samsvar med internkontrollforskrifta. 9. Kommunestyret er glad for at arbeidsmiljøet i Sogn barnvern i dag er godt, jf. rapporten frå Arbeidsmiljøspesialistene AS og tilsynsrapport frå Arbeidstilsynet (27.11.2017). Kommunestyret legg vekt på at dette også vert sikra for framtida, slik at Sogn barnvern kan yte gode tenester til born og unge og deira familiar.
Karin Vikane (H) bad om gruppemøte. Arne Glenn Flåten (H) la på vegne av H, FrP, V og KrF følgjande alternativt framlegg til punkt 7 i framlegget frå Eline Orheim (Ap): Mistillitsframlegg mot rådmann i Sogndal Underteikna politikarar fremmar på grunnlag av framlagd dokumentasjon i kommunestyret 11.01.2018: sak 2/18 Handsaming av rapport frå Arbeidsmiljøspesialistene AS vedkomande arbeidsmiljø i Sogn barnevern der det kjem fram: brot på lov og føreskrift, spesielt brot på arbeidsmiljølova og internkontrollforskrifta, kommunen sine rutinar og retningslinjer og brot på arbeidsavtale/stillingsinstruks. I tillegg har rådmann utelate eller gitt feilaktiv informasjon til folkevalde organ i Sogndal kommune. Mistillit mot rådmann. Framlegga punkt 7 vert sett opp mot kvarandre: Framlegget frå Arne Glenn Flåten (H) fekk 12 røyster (2 FrP, 4 H, 2 V, 1 KrF, 3 Sp (BS, MBS, SJS)). Framlegget frå Eline Orheim fekk 13 røyster (8 Ap, 2 Sv, 3 Sp (LK, IS, HB)). Vedtak, samrøystes: 1. Mange tilsette i Sogn barnvern over for lang tid har opplevd eit arbeidsmiljø som har medført uheldige psykiske belastningar og såleis eit arbeidsmiljø som er i strid med arbeidsmiljølova i ein tidsperiode som strekker seg frå 2011 til og med 2016. Kommunestyret vil rette ei orsaking til alle involverte tilsette, når det no i ettertid viser seg at iverksette tiltak i ein lenger periode ikkje bidrog til å løyse arbeidsmiljøkonfliktane i barnevernstenesta. 2. Kommunestyret viser til den grundige handsaminga Kontrollutvalet har hatt av saka og til det sakstilfanget Kontrollutvalet har lagd fram for kommunestyret. Kommunestyret er samd i Kontrollutvalet sin vurdering av at rapporten frå Arbeidsmiljøspesialistene AS ikkje fullstendig har svart på spørsmåla som kommunestyret stilte i k-sak 10/17. Kommunestyret set pris på at Kontrollutvalet har summert opp rapporten og sine vurderingar i høve spørsmåla frå kommunestyret. 3. Kommunestyret meiner det er svært viktig at ein tek lærdom av arbeidsmiljøproblema som over tid har vore i Sogn barnevern ved m.a. å få på plass gode rutinar og retningsliner for konflikthandtering i kommunen. Desse rutinane må gjerast godt kjent i organisasjonen. Dersom det oppstår nye problem knytt til arbeidsmiljøet i kommunen er det viktig at alle involverte har kjennskap til kva retningslinjer og prosedyrar som skal fylgjast. I framtida må ein ta tak i problem som oppstår på eit tidleg tidspunkt, gjennomføre grundig undersøking av faktum i saka slik at ein har ei forsvarleg sakshandsaming, trekke konklusjonar og avslutte sakene. Kommunestyret er kjent med at Arbeidsmiljøutvalet har gjort vedtak om å få
utarbeidd slike rutinar og system for konflikthandtering, og ber om at dette arbeidet vert prioritert og om mogleg vert avslutta innan 01. juni 2018. 4. Kommunestyret meiner at den omtalte varslings-saka der Arbeidsmiljøspesialistene AS meiner at det har vore brot på aml. 4-3 (3) må handsamast på nytt frå varslings-sekretariatet og rådmannen si side, etter revidering av varslingsrutina jf. punkt 6. 5. Kommunestyret meiner at sidan Arbeidsmiljøspesialistene AS er «i tvil» om konklusjonen i dei to andre varslingssakene og skal desse vurderast på nytt, etter revidering av varslingsrutina jf. punkt 6. 6. Administrasjonsutvalet må revidere varslingsrutina slik at det er administrasjonsutvalet som skal oppnemne eit eksternt uhilda varslingssekretariat i samsvar med KS sin varslingsrettleiar. Det skal ikkje vere med personar tilsett i kommunen, korkje som medlemer eller sekretær. Eit varslingssekretariat bør og vere balansert med medlemer med bakgrunn både frå arbeidsgjevar- og arbeidstakarsida. Vedteken med 13 røyster (8 Ap, 2 Sv, 3 Sp (LK, IS, HB): 7. Kommunestyret vil at det vert oppnemnt setjerådmann for oppfølging av punkt 3, siste setning, og punkt 4, 5 og 6 og ved ev. nye varslingssaker knyta til tidlegare konflikt i Sogn barnevern. Samrøystes: 8. Kommunestyret viser til at det i rapporten vert vist til manglande skriftleggjering/manglande referat frå møter og samtalar, noko som er eit brot på internkontrollforskrifta. Kommunestyret vil påpeike at det er viktig at ein får på plass rutinar for å sikre naudsynt dokumentasjon i samsvar med internkontrollforskrifta. 9. Kommunestyret er glad for at arbeidsmiljøet i Sogn barnvern i dag er godt, jf. rapporten frå Arbeidsmiljøspesialistene AS og tilsynsrapport frå Arbeidstilsynet (27.11.2017). Kommunestyret legg vekt på at dette også vert sikra for framtida, slik at Sogn barnvern kan yte gode tenester til born og unge og deira familiar. Møtet slutt: 14.00. Jarle Aarvoll -ordførar- Magne B. Selseng Margrete Haug
Jostein Aanestad -rådmann-