Hordaland fylkeskommune sitt internasjonale engasjement 2012
Foto Forsidefoto: Medlemmar av Ungdommens fylkesutval til Brussel (foto: UFT) Illustrasjonsfoto Side 3 Fylkesmusikarar i St. Giles Cathedral (foto: Kate Clarke, HFK) Side 4 Kokkar ved Jamie s Cardiff (foto: Anna Bodil Tislevoll, Fitjar vgs) Side 5 Ministervitjing på Zanzibar (foto: Helene Systad, Lønborg vgs) Side 6 Deltakar på «Loyal» (foto: Bernt Hjørnevik, Øygarden kommune) Side 7 Elevar i Normandie (foto: Charlotte Lillefjære-Tertnæs, HFK) Foto i headinger Side 4 Signering i Normandie (foto: Charlotte Lillefjære-Tertnæs, HFK) Side 5 Edinburgh University Chamber Choir (foto: Charlotte Lillefjære-Tertnæs, HFK) Side 6 Kokkekurs i Italia (foto:reidun Vågenes Aase, Sotra vgs) Side 7 Frå Open Days i Brussel (foto: Charlotte Lillefjære-Tertnæs, HFK)
Hordaland fylkeskommune sitt internasjonale engasjement i 2012 «Visjonen i strategien for fylkeskommunen sitt internasjonale engasjement for perioden 2009-2012 er at fylkeskommunen skal ha eit aktivt internasjonalt engasjement med sikte på å fremme gjensidig kulturforståing og styrke Hordaland som ein attraktiv og konkurransedyktig region» Fylkesmusikarane frå Hordaland under adventskonserten i St. Giles Cathedral, Edinburgh, Nokre sentrale internasjonale aktivitetar i 2012 Fylkesvaraordførar Tom-Christer Nilsen vart valt til Vice President i Nordsjøkommisjonen Ein ny handlingsplan, for perioden 2013-2015, vart signert mellom Hordaland og Nedre- Normandie Samarbeidet med regionale Leonardo-kontor i Thüringen feira 20 år Delegasjon frå Hordaland vitja samarbeidsregionen Espirito Santo i Brasil, der fylkesordførar òg møtte med guvernøren Ungdommar frå dei tre Vestlandsfylka var saman om Aktiv Ungdom-prosjektet «Norsk ungdom og EU» der dei m.a. vitja institusjonar i Brussel Prosjektet Eco Regions vart lansert, mens Coast Alive! vart avslutta Hordaland hadde formannskap i Vestlandsrådet og arrangerte seminar for medlemmane i Brussel saman med Vest-Norges Brusselkontor Musikarar frå Kina var på turne med skolekonsertane i Hordaland Internasjonalt engasjement 2012 3
1. Internasjonale organisasjonar Committee of Peripheral Maritime Regions CPMR: Hordaland fylkeskommune var representert på generalforsamlinga til CPMR i Podlaskieregionen i Polen 3. - 5. oktober med representant for både det politiske fleirtalet og mindretalet i fylkestinget. Nordsjøkommisjonen er ein geografisk underorganisasjon av CPMR der fylkeskommunen har konsentrert sin aktivitet. Hordaland fylkeskommune deltar både i organisasjonen sitt styre og i dei tematiske arbeidsgruppene Forsterka innsats i Nordsjø-kommisjonen På generalforsamlinga i juni 2012 vart fylkesordførar Tom-Christer Nilsen valt til visepresident i Nordsjøkommisjonen. I forkant av dette hadde fylkesutvalet i Hordaland valt ut politiske representantar til alle dei fem tematiske arbeidsgruppene i organisasjonen og fylkesrådmannen utpeika administrative representantar. Dette vil forsterke Hordaland sin gjennomslagskraft og samarbeidspotensiale i organisasjonen både politiske og administrativt 2. Samarbeidsregionar Nedre-Normandie: «Hordalandsklassen i Normandie» tok opp sitt andre kull og auka frå tre til ni elevar. Under den nordiske kultur-festivalen «Boréales» i november var Carte Blanche eit av dei store namna. Ein delegasjon frå Hordaland var til stades og fylkesvaraordførar Mona Hellesnes underteikna både ein ny treårig handlingsplan og ei støtte-erklæring» for å gje dei status som «verdsarv» til D-dagsstrendene. Cardiff: Hordaland fylkeskommune var til stades under Cardiff Food & Drink Festival i juli der lærarar frå Fitjar vidaregåande hadde ansvar for «Hordalandsstanden». Ein ny Hordalandsklasse tok til i august. I desember vart lysa tent på juletreet utanfor den norske kyrkja i Cardiff Harbour og fylkesmusikarane frå Hordaland gav ein flott konsert. Utplassering på Jamie Olivers restaurant Med stipend frå Leonardo da Vinciprogrammet fekk to kokkeelevar frå Fitjar vidaregåande skole høve til å vere to veker på praksisutplassering ved Jamie s Italian Restaurant i Cardiff. Deltakarar frå Hordaland fylkeskommune på Nordsjøkommisjonen sin genera-forsamling Stolte kokkar utanfor arbeidsplassen sin Internasjonalt engasjement 2012 4
Orknøyane: Elevar har igjen vorte utveksla mellom Hordaland og Orknøyane. I tillegg var representantar frå Hordaland med under vinterfestivalen i desember der musikarar frå Hordaland i forkant hadde gitt ei rekkje skolekonsertar rundt i dei ulike lokalsamfunna. Kaunas: Ungdommar frå Hordaland og Kaunas deltok saman i Aktiv Ungdomprosjektet «Get active Generations hand in hand». Hordaland var òg til stades da dei nye EØS-midlane for Litauen vart lansert. Edinburgh: I tillegg til den årlege tradisjonen med tenning av lysa på juletreet frå Hordaland, har seksjonsleiarane på Kultur- og idretts-avdelinga òg vitja Edinburgh for å vurdere samarbeid på ei rekkje ulike område. Kammerkoret frå Universitetet i Edinburgh vitja Bergen i mai. Thüringen Opplærings- og Helseutvalet til Erfurt Utvalet vitja byen Erfurt i mai. I tillegg til å lære om opplæringsarbeidet i Erfurt generelt, fekk dei møte elevane i elektro-klassen ved Andreas Gordon Schule som Askøy vidaregåande har koordinert sidan 2007. Dei vitja òg Andreas Schweizer Gymnasium, som frå 2013 vil ta imot elevar på studiespesialiserande program, som vedtatt av fylkesutvalet i august 2012. Espirito Santo: I samband med ein delegasjon til oljemessa i Rio i september, vitja fylkesordførar Tom-Christer Nilsen òg delstaten Espirito Santo som fylkeskommunen har ein avtale med. Der møtte han m.a. guvernøren for samtaler. Resten av verda: Hordaland har òg samarbeid med land utanfor Europa. Det er eit kontinuerleg skulesamarbeid i USA og på Zanzibar, i tillegg til at mange skolar har solidaritetsprosjekt med t.d. institusjonar i Afrika. På kulturfeltet har det vore kontaktar med Kina på musikk-feltet og kinesiske musikarar har vore i Hordaland og gitt konsertar med skulekonsertane. På næringsfeltet har Hordaland vore representert i delegasjonar til oljemessene både i Houston og Rio. Verdifull praksis på Zanzibar Sidan 2010 har 6 helsefagelevar frå Lønborg vidaregåande og 4 lærlingar frå Bergen kommune kvar vinter fått tilbod om 8 veker med praksisarbeid på Zanzibar. Dei har vore utplassert i både gamleheim og barneheim. Tilbakemeldingane frå deltakarane har vore at dette både har vore «..ei erfaring for livet» og at det har gitt dei «..endra perspektiv på kva som er viktig i livet». Tilbodet blir koordinert av Lønborg vidaregåande skole. Utvalet samla utanfor Andreas Gordon Schule Dåverande helseminister Anne Grete Strøm Erichsen vitjar gamleheimen på Zanzibar Internasjonalt engasjement 2012 5
3. Program- og prosjektsamarbeid Aktiv Ungdom har fokus på ungdom som viktige aktørar i lokalsamfunnet. I 2012 sendte Hordaland ungdoms-delegasjonar til to ulike gruppe-utvekslingar i Tyskland og Frankrike. Vidare har ungdomsarbeidarar vorte sendt på kurs og seminar i Europa for å bli betre kjent med ikkje-formelle læringsmetodar. Tretten ungdomar har fått høve til å arbeide som frivillig i eit europeisk land. Ifølgje dei sjølve har dette vore ei lærerik tid. Nytt i 2012 var at Hordaland sendte ungdom til EU sine naboland Ukraina og Armenia. Leonardo da Vinci: For 2012 har Hordaland fylkeskommune fått ca. 2,6 millionar frå Leonardo-programmet til internasjonale prosjekt for skular, opplæringskontor, kommunar og bedrifter. Fem vidaregåande skular har òg fått tildelt midlar direkte. Fylkeskom-munen si rolle som regionalt kontaktpunkt gjer det enklare å bruke programmet og kvart år får 60-80 personar stipend for å gjennomføre eit praksisopphald i Europa. Fylkeskommunen brukar òg programmet til kompetanse-heving for eigne tilsette. Interreg: Hordaland fylkeskommune leia i 2012 tre Interregprosjekt; Coast Alive! og Clean North Sea Shipping under Nordsjøprogrammet og Craft International under Nordlig Periferi-programmet. I tillegg har fylkes-kommunen deltatt i ytterlegare tre prosjekt; StratMoS under Nordsjøprogrammet, Baltic Biogas Bus under Østersjøprogrammet og Eco-Regions under Interreg IVC. Både Coast Alive!, StratMoS og Baltic Biogas Bus vart avslutta i 2012, mens Eco-Regions starta opp. Hordaland fylkeskom-mune er nasjonalt kontaktpunkt for Nordsjøprogrammet, og sit in den nasjonale komiteen for Interreg B- og C- programma. «Coast Alive!» avslutta Coast Alive! vart avslutta med ein vellukka konferanse for erfaringsutveksling i oktober 2012. Før det var ungdomsmusikarar frå Sund, Fjell, Øygarden og Askøy med seglskuta Loyal til Shetland som ein del av det lokale prosjektinitiativet «Ta bølgja vestover». Vel framme hadde dei fleire konsertar med lokale artistar. Slik blei kulturutveksling kopla med innføring i vår maritime kulturarv på ein flott måte! Deltakarar på vei om bord i «Loyal» Anna prosjektsamarbeid Dei vidaregåande skulane nyttar i stadig større grad Europeiske utdanningsprogram i inter-nasjonaliseringa og Leonardo da Vinci og Comenius er dei mest brukte. Over 90 % av skolane i fylket er engasjert i internasjonale aktivitetar. I kommunane ser ein nå at prosjektsamarbeid og utveksling av erfaringar kan skape attraktive samfunn. I samarbeid med fylkeskommunen er fleire kommunar nå i gang med å bygge partnarskap innan programma for livslang læring, t.d. i Gorenjska, Edinburgh og Thüringen. Internasjonalt engasjement 2012 6
4. Vest-Norges Brusselkontor Vest-Norges Brusselkontor (VNB) representerer Vestlandet sine interesser inn mot EU og Europa og formidlar informasjon og nyheiter heim til medlemmane. Hordaland fylkeskommune er medlem av VNB. I 2012 hadde VNB fleire arrangement med aktuelle problemstillingar, både i Brussel og på Vestlandet. Det var òg fleire frå Hordaland som fekk høve til å hospitere ved kontoret. I 2012 klarte ein å få fleire nye grupper involvert i samarbeidet med VNB; i mars var det for første gong eit eige seminar med fokus på samferdsel for alle vestlandsfylka; i september var det ungdommar frå tilsvarande Ungdommens fylkesutval i dei tre medlemsfylka; og i oktober var politikarane i Vestlandsrådet på studietur til Brussel under regionmønstringa «Open Days». Ungdomspolitikarar til Brussel Frå kvar av dei tre Vestlandsfylka drog fem ungdommar frå tilsvarande Ungdommens fylkesutval i september til Brussel med prosjektet «Norsk ungdom og EU», støtta av Aktiv Ungdomprogrammet. Det dei fekk av inspirasjon der tok dei med seg tilbake til eit ungdomspolitisk møte på Vestlandet 5. Andre aktivitetar Erfaringsutveksling: Hordaland fylkeskommune var i 2012 med på fleire studiereiser til m.a. København, Malmø og Paris, og tok i tillegg imot delegasjonar til Hordaland. Andre viktige kjelder til kunnskapsauke er konferansar og seminar; enten eigne internasjonale seminar, slik som «Europa i min region» eller internasjonale innlegg på t.d. Plankonferansen Informasjonsformidling: Nyheitsbrevet Brusselnytt, redigert av Vest-Norges Brusselkontor, vert sendt ut kvar fjortande dag. To gonger i året oppsummerer fylkeskommunen sitt internasjonale engasjement i eit internasjonalt nyheits-brev på engelsk. Anna internasjonal informasjon vert formidla per e-post og på nett; www.hordaland.no/internasjonalt Internasjonalt opplæringssamarbeid omfattar både prosjekt, skule-til-skule samarbeid og Hordalandsklassane i utlandet som i 2012 var i Cardiff (UK), Orknøyane (UK), Erfurt (DE), Babolna (HU), Missouri (US) og den nye klassen i Normandie (FR), i tillegg til praksisutplasseringa på Zanzibar Oppstart for andre kullet med Hordalandselevar i Nedre-Normandie Ungdommar frå Vestlandet møtte europapolitiker Eva Joly utanfor Europaparlamentet i Brussel Elevar frå Hordalandsklassen i Normandie møtte m.a. fylkesvaraordføraren under ei vitjing i november Internasjonalt engasjement 2012 7
Hordaland fylkeskommune har ansvar for å utvikle Hordalandssamfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for verdiskaping, næringsutvikling, fritidsopplevingar og kultur. Som del av eit nasjonalt og globalt samfunn har vi ansvar for å ta vare på fortida, notida og framtida i Hordaland. Fylkestinget er øvste politiske organ i fylkeskommunen. Agnes Mowinckels gate 5 Postboks 7900 5020 BERGEN Tlf: 55 23 90 00 E-post: hfk@hfk.no www.hordaland.no Februar 2013, Internasjonal seksjon