Konkurransegrunnlag Snøbrøyting av kommunale vegar og plassar i Førde kommune - Rode 2 Karstad - 1. Invitasjon til å levere tilbod Førde kommune ynskjer tilbod på brøyting, snørydding og anna vintervedlikehald på kommunale vegar og plassar. Konkurransegrunnlaget med vedlegg skal vere grunnlag for tilbodet. Anbodskonkurransen følger lov om offentlige anskaffelser og forskrift om offentlige anskaffelser del I. Oversikt over vedlegg: Vedlegg 1: Instruks vintervedlikehald Vedlegg 2: Tilbodsskjema Vedlegg 3: Rodeskildring Vedlegg 4: Kartblad Vedlegg 5: Kontrakt Alle vedlegg inngår i konkurransegrunnlaget. 1.1 Innlevering Tilbodet skal leverast som PDF-fil som vedlegg til e-post til: postmottak@forde.kommune.no E-posten skal merkast: Tilbod vintervedlikehald i perioden 2018 01.05.2021, rode 2 Fristen for å levere tilbod er fredag 12. oktober 2018, kl. 12.00. 1.2 Tidsplan Etter at tilbodsfristen har gått ut vil tilboda bli vurdert omgåande. Val av leverandør vil skje snarast mogleg, og deretter meddelt leverandørene som har gitt tilbod. Oppdragsgjevar har lagt opp til følgjande tidsplan for anskaffingsprosessen: Kunngjering på kommunen si heimeside: 24.09.2018 Tilbodsfrist: 12.10.2018 Tilbodsopning: 15.10.2018 Evaluering ferdig: 19.10.2018 Melding om val av leverandør: 22.10.2018 Kontraktmøte: 25.10.2018
Tidspunkta etter tilbodsfristen er rettleiande 1.3 Opning Tilbod skal innehalde alle dei opplysningane som tilbodsdokumenta krev. Mangelfulle tilbod kan bli forkasta. Tilbod som kjem inn etter fristen vil bli avvist. 1.4 Vedståingsfrist Tilbodet må stå ved lag t.o.m. 15.11.2018. 1.5 Kostnadar Kostnadar som leverandøren pådrar seg ved utarbeiding av tilbodet vil ikkje bli refundert av oppdragsgjevar. 1.6 Kontaktperson All kontakt med oppdragsgjevar i tilbodsperioden skal rettast til oppdragsgjevar sin kontaktperson: Leiar for teknisk drift, Bernhard Øberg E-post: bernhard.oberg@forde.kommune.no Kontakt i høve anskaffinga retta mot andre enn nemnde kontaktpersonar under utarbeiding eller evaluering av tilbod vil kunne føre til avvising av leverandøren. 2. Generelt 2.1 Arbeidstype og omfang Tilbodsinnbydinga gjeld tilbod på utføring av alt arbeid med snøbrøyting, snørydding, snøfresing, snø- og ishøvling, rydding av vegkryss og liknande knytt til kommunale vegar og plassar i Førde kommune. Arbeidet omfattar bruk av lastebilar, traktor og maskiner med sjåfør til vintervedlikehaldsarbeid som nemnt over. Strøing vert ikkje rekna som ein del av vintervedlikehaldet men kan avtalast særskilt ved behov. Førde kommune ber om at det vert oppgjeve timepris inkl. strøsand for strøing jf. vedlegg 2. Leverandøren skal førebu og planlegge arbeidet slik at vintervedlikehaldet kan gjennomførast på ein tilfredsstilland måte gjennom heile vintersesongen. Arbeidet skal utførast i samsvar med gjeldande retningslinjer for vintervedlikehald, jf. vedlegg 1 brøyteinstruks. Dersom ein leverandør gir tilbod på fleire roder, skal det dokumenterast tilstrekkeleg kapasitet, både på utstyr og mannskap. Dersom ein leverandør gir tilbod på fleire roder, men ikkje har kapasitet for alle, skal det opplysast kor mange roder han har kapasitet for, og kva rode(r) som er prioritert å få tildelt. Førde kommune er oppteken av å redusere totalkostnadene sine og er difor interessert i at leverandørane tilbyr sine mest kostnadseffektive løysingar. 2.2 Avtaleperiode
Lengda på kontrakten vil vere frå og med vintersesongen 2018/2019 til og med vintersesongen 2020/2021, med opsjon på inntil 1 + 1 år. 2.3 Opsjonar Tilbodet må innehalde opsjon på ytterlegare 2 x 1 år/vintersesongar. Oppdragsgjevar sin frist for å nytte opsjonen skal vere 01.07.2021, og ev. 01.07.2022. 2.4 Brøyteutstyr Leverandøren skal halde alt nødvendig utstyr. Leverandøren sitt ansvar omfattar òg naudsynt vedlikehald og reparasjonar av utstyret. Brøyteutstyr må vere tilpassa vegen eller plassen som skal brøytast. 2.5 Underentreprenør Dersom leverandøren i forbindelse med det som skal ytes etter denne avtalen, nyttar underentreprenører, er leverandøren ansvarleg for ytinga på same måte som han sjølv stod for utføringa. Oversikt over ev. underentreprenørar skal leverast saman med tilbodet. Bytte av underentreprenør skal godkjennast av oppdragsgjevar. Nekting av godkjenning kan berre skje dersom det ligg føre sakleg grunn. 3. Spesifikasjonar og krav 3.1 Generelt Leverandøren skal utføre snøbrøyting/rydding på sin rode(r) i samsvar med dette konkurransegrunnlaget, vilkåra i kontrakt, og vedlagte instruks med kart. Leverandøren skal gjøre seg kjent med innhald i konkurransegrunnlaget, tilbod og instruks. Tilsette og underentreprenørar skal gjerast kjent med innhaldet. Leverandøren plikter vidare å rette seg etter dei direktiv som blir gjeve av Førde kommune si brøytevakt. 3.2 Atterhald frå Førde kommune Førde kommune atterhald om å forkaste alle tilbod eller å redusere omfanget av oppdraget dersom det viser seg at tilbodet overstig kommunal finansiering. Ved å levere inn tilbod har leverandøren akseptert kommunen sitt atterhald og fråskriv seg all rett til å krevje økonomisk kompensasjon i samband med tilbodet, også dersom alle tilboda blir forkasta. 3.3 Atterhald frå leverandøren Dersom tilbodet avvik frå konkurransegrunnlaget, må dette kome klart fram i eit eige tydeleg merka avsnitt i tilbodsbrevet eller i eit eige vedlegg. Avvika skal vere presise og eintydige, slik at oppdragsgjevar kan vurdere dei utan kontakt med leverandøren. Leverandøren skal vise til dei eventuelle punkt i konkurransegrunnlaget som det enkelte atterhald/unntak refererer seg til, og gje opp kva konsekvens det får dersom oppdragsgjevar ikkje kan akseptere atterhaldet. 3.4 Skadeoppgjer Førde kommune føreheld seg retten til å halde attende utbetaling av siste avdrag kvart år inntil eventuelle brøyteskader på oppdragsgjevar sin eigedom er akseptert utbedra/dekt av entreprenøren. 3.5 Ansvar for skader og forsikringsplikt
Leverandøren er ansvarleg på grunnlag av alminnelege erstatningsreglar for eventuelle skader på personar og eigedom som skuldast utføring av arbeidet. Leverandøren må teikne nødvendige ansvarsforsikringar for kontraktstida. 3.6 Kontaktpersoner. Leverandøren skal ha ein fast kontaktperson til Førde kommune. 4. Tilbodsreglar Tilbodet skal gjevast på vedlegg 2 - Tilbodsskjema. Kvart tilbod skal vere datert og signert av leverandøren. 4.1 Krav om skatteattest Vald leverandør må leggje fram skatte- og meirverdiavgiftsattest før kontrakt blir signert. 4.2 Tidspunkt for oppstart og avslutning av arbeidet Arbeidet kan ikkje starte opp før avtale/kontrakt er underskriven av begge partar. Normal oppstart er 1. november den sesongen avtalen tek til å gjelde. Avslutning av arbeidet vert avtalt i kvart enkelt tilfelle. Normal avslutning er 30. april i den sesongen avtalen sluttar å gjelde. 4.3 Tildelingskriterier Oppdraget vert tildelt det tilbodet som har det beste forholdet mellom pris og kvalitet. Pris blir vurdert som fastpris + timepris brøyting x 150 timer og timepris for strøing x 50 timer. Kvalitet blir vurdert ut frå referansar, brøyteutstyr og leveringstryggleik. Pris vil bli tillagt størst vekt. Alle priser skal vere eks. mva og listast opp i vedlagt tilbodsskjema jf. vedlegg 2. 5. Arbeids-, kontrakt- og betalingsvilkår 5.1 Arbeidstid Det vert ikkje nytta fast arbeidstid på denne typen arbeid. Leverandøren må rekne med å yte arbeidsinnsats heile døgeret, avhengig av vær- og føretilhøve. Det vert vist til instruks for arbeidet. 5.2 Godtgjersle- og oppgjersform Godtgjersla skal dekke all kostnader for utføring av arbeidet med vintervedlikehald av kommunale vegar og plassar i samsvar med tilbodsinnbydinga og instruksen. Medgått tid skal regsitrarast og dokumentarast. Oppdragsgjevar vil komme attende til teknisk løysing for dokumentering av arbeidstid før kontraktssignering. Fakturering for beredskap og utført brøyting skal skje i samsvar med kontrakt, jf. vedlegg 5. 5.3 Prisregulering Prisen skal regulerast ein gong i året, i samsvar med endringa i konsumprisindeksen. Basis for regulering er september 2018. Første regulering skal skje for sesongen 2019/2020 i forhold til endring i indeksen frå september 2018 til september 2019. Leverandøren er ansvarlig for å oppdatere prisane.
5.4 Ansvar for feil og manglar Leverandøren er ansvarleg for at arbeidet vert utført i samsvar med spesifikasjonar og krav gitt i tilbodsgrunnlag, kontrakt og instruks. Leverandøren har plikt til snarast mogeleg og for eigen rekning å rette feil eller på annan måte utbetre manglar slik at avtalte spesifikasjonar vert oppfylte. 5.5 Manglande oppfølging av kontrakt Ved forseinking eller manglande utføring av arbeidet står leverandøren ansvarleg for dei ekstra kostnader dette medfører. Førde kommune kan i slike tilfelle leige inn andre til å få utført arbeidet på leverandøren si rekning. Ved manglande oppfølging av kontrakten kan den seiast opp med 14 dagars varsel.