Møteprotokoll Nærøyfjorden verneområdestyre Utval: Møtestad: Rådhuset, Aurland Dato: 07.02.2014 Tidspunkt: 10:00 12:00 Følgjande faste medlemmar møtte: Namn Funksjon Representerer Noralv Distad Leder AUR Hans Erik Ringkjøb Nestleder VOSS Marta Finden Halset Medlem VIK Aslaug Hellesøy Medlem HOFK Følgjande medlemmar meldte forfall: Namn Funksjon Representerer Eva Hage Solstad MEDL SFFK Jan Geir Solheim MEDL LÆR Følgjande varamedlemmar møtte: Namn Møtte for Representerer Marianne Øren Jan Geir Solheim LÆR Aleksander Øren Heen Eva Hage Solstad SFFK Frå administrasjonen møtte: Namn Stilling Anbjørg Nornes Sekretær Andre: Kristoffer Uller Hansen Magnhild Aspevik Mari Hage Basberg SNO, Aurland Landsbrukssjef i kommunane Aurland, Lærdal Masterstudent v/ntnu Underskrift: Vi stadfestar med underskriftene våre at det som er ført på dei sidene vi har signert i møteboka, er i samsvar med det som vart vedteke på møtet.
Saksliste Utvalssaksnr ST 1/14 ST 2/14 ST 3/14 ST 4/14 ST 5/14 ST 6/14 ST 7/14 RS 1/14 RS 2/14 Innhald Lukka Arkivsaksnr Godkjenning av innkalling og dagsorden Underskrift av protokoll frå førre møte Nærøyfjorden landskapsvernområde - søknad om landing med helikopter under Ekstremsportveko 2014-2019 Nærøyfjorden landskapsvernområde - løyve til bruk av helikopter for vedlikehald, reparasjon og inspeksjon av linjenett Dispensasjon til kjentmannskøyring i Nærøyfjorden landskapsvernområde for Aurland Røde kors, og kjentmannskøyring i Bleia - Storebotnen landskapsvernområde for Aurland og Lærdal Røde Kors Dispensasjon til kjentmannskøyring i Nærøyfjorden landskapsvernområde for Vik Røde Kors Nærøyfjorden landskapsvernområde - Bruk av snøskuter til Grindaflethytta i samband med kvisting av tilkomstløype Rapportering nasjonalpark. og verneområdestyre 2013 Piloter for implementering av besøksforvaltning i Norges nasjonalparker 2013/2673 2013/5305 2013/5411 2013/5411 2014/319 2014/14 2013/3025 Plan for møte i 2014 Neste møte i Nærøyfjorden verneområdestyre vert 24. mars 2014 kl. 09.30 på Oppheim, Voss. Masteroppgåve om Nærøyfjorden Mari Hage Basberg tek ein mastergrad ved NTNU, og skal skrive masteroppgåve om ferdsel og tilrettelegging i Nærøyfjorden verneområdet, med hovudvekt på Nærøyfjorden og Aurlandsfjorden. Ho orienterte styret om planane for oppgåva på møtet 7. februar. Masteroppgåva skal vera sluttført innan sommaren 2014. ST 1/14 Godkjenning av innkalling og dagsorden Innkalling og dagsorden vart godkjent.
ST 2/14 Underskrift av protokoll frå førre møte Protokoll frå møte 22.11.2013 vart underskriven. ST 3/14 Nærøyfjorden landskapsvernområde - søknad om landing med helikopter under Ekstremsportveko 2014-2019 Verneområdestyret drøfta saka. Noralv Distad kom med fylgjande framlegg til vedtak i møte: «Nærøyfjorden verneområdestyre avslår søknaden frå Stiftinga Ekstreme Voss om løyve til landing med helikopter under Ekstremsportveko 2014 2018. Nærøyfjorden verneområdestyre viser til det generelle forbodet for motorisert ferdsel og kan ikkje sjå at det ligg føre særlege grunnar til å gje løyve til landing med helikopter for basehopparar, journalistar og filmteam slik det er søkt om. Det er høve til å gje løyve dersom mellom anna tryggingsomsyn eller vesentlege samfunnsinteresser gjer det nødvending. Slike grunnar ligg ikkje føre. Basehopping er ein risikosport med mange ulykker som er svært krevjande for redningsmannskapa». Verneområdestyret røysta over dei to framlegga: innstilling frå forvaltar og framlegg frå Distad. Innstilling frå forvaltar vart vedteke med 5 mot 1 røyst. Nærøyfjorden verneområdestyre gjev Stiftinga Ekstreme Voss løyve til landing med helikopter på Nebbet, med reserveplass Sparkling under Ekstremsportveko i 2. halvdel av juni i samband med basehopping. Løyvet gjeld: Ein dag pr. år under Ekstremsportveko i åra frå og med 2014 til og med 2018. 25 helikopterturar (50 flyrørsler) med helikopter som tek 15 passasjerar. Løyvet gjeld transport av deltakarar, filmteam og journalistar. Løyvet er gjeve med heimel i naturmangfaldlova 48, og gjeld med fylgjande vilkår: Landing og lågtflyging med helikopter skal avgrensast til det som er naudsynt. Under landing og flyging skal det takast omsyn til naturmiljø og friluftsliv. Løyvet gjeld ein vekedag under Ekstremsportveko, med unntak av søndag. SNO skal ha melding på mobiltlf. 97097720 dagen før transporten startar.
Dette løyvet skal vera med i helikopteret under transport. Dersom det vert endringar av viktige føresetnader for arrangementet, skal det sendast melding til verneområdestyret. Landingsplassen skal flyttast frå Sparkling til Nebbet, når landingsplassen på Nebbet ikkje lenger vert vurdert som ustabil. Det skal sendast rapport kvart år innan 01.09 om flyginga med tal landingar. Rapport skal sendast til verneområdestyret. Verneområdestyret kan trekkja tilbake løyvet dersom vilkåra ikkje vert oppfylte, eller vilkåra for gjennomføring av arrangementet vert endra. Nærøyfjorden verneområdestyre gjev Ekstremsportveko avslag på søknad om landing med helikopter på Skjerpisnuten med heimel i naturmangfaldlova 48. Me gjer merksam på at søknaden berre er behandla etter verneforskrifta. ST 4/14 Nærøyfjorden landskapsvernområde - løyve til bruk av helikopter for vedlikehald, reparasjon og inspeksjon av linjenett i samsvar med innstilling frå forvaltar. Nærøyfjorden verneområdestyre gjev Aurland Energiverk AS løyve til bruk av helikopter for feilretting og vedlikehald av linjenettet verksemda har ansvar for i Nærøyfjorden landskapsvernområde. Løyvet gjeld: For åra 2014 til og med 2017 i områda: Skjerdal Undredal Langhuso Ramsøy Jordalsbakken Ramsøy Drægo Landing med helikopter 2 dagar i året for feilretting og vedlikehald av linjenettet. Lågtflyging med helikopter for inspeksjon av dei nemnde kraftlinjene inntil ein gong i året. Lågtflyging og landing med helikopter ved akutt utfall på linjenettet (i tillegg til ovannemnde løyve). Løyvet er gjeve med heimel i naturmangfaldlova 48, og gjeld med fylgjande vilkår: Landing og lågtflyging skal avgrensast til det som er naudsynt. Under landing og flyging skal det takast omsyn til naturmiljø og friluftsliv. Motorferdsel skal meldast til Statens naturoppsyn v/kristoffer Ullern Hansen på mobiltlf. 97097720 seinast dagen før transporten vert utført. Dette løyvet skal vera med i helikopteret under transport.
Det skal sendast årleg rapport innan 1. februar om flyging og landing (dato, tal landingar langs kvar linje og flygerute på kart), eller eventuelt at løyvet ikkje har vore nytta. Rapport skal sendast til verneområdestyret. ST 5/14 Dispensasjon til kjentmannskøyring i Nærøyfjorden landskapsvernområde for Aurland Røde kors, og kjentmannskøyring i Bleia - Storebotnen landskapsvernområde for Aurland og Lærdal Røde Kors i samsvar med innstilling frå forvaltar. Nærøyfjorden verneområdestyre gjev Aurland og Lærdal Røde Kors Hjelpekorps løyve til: 1 kjentmannstur med inntil 5 snøskuterar langs fylgjande rute innan for Bleia Storebotnen landskapsvernområdet: Sluppen Bleiaskard Bleia 1717 Kvammadal. Køyring kan gjennomførast i perioden veke 13 16 i åra 2014 til og med 2016, men ikkje etter fredagen i palmehelga. Nærøyfjorden verneområdestyre gjev Aurland Røde Kors Hjelpekorps løyve til: 1 kjentmannstur med inntil 4 snøskuterar langs fylgjande rute innan for Nærøyfjorden landskapsvernområdet: Fyre Grindaflethytta Borgarbuvatna øvst i Ljosandalen v/mjølfjell. Køyring kan gjennomførast i perioden veke 10 16 i åra 2014 til og med 2016, men ikkje etter fredagen i palmehelga. Løyve er gjeve med heimel i naturmangfaldlova 48, og med fylgjande vilkår: Omfanget av snøskuterkøyring skal avgrensast til ruta som er skissert, og til det som er strengt naudsynt. Straks køyretrase for turen i Bleia Storebotnen landskapsvernområde er planlagt, skal kart der ruta er teikna inn sendast til Nærøyfjorden verneområdestyre. Under køyring skal det takast omsyn til naturmiljø og friluftsliv. Seinast 12 timar før kjøringa startar, skal redningstenesta senda melding om køyringa (køyreordre) til lokal redningssentral, jf. retningslinjer for kjentmannskøyring i verneområde. Redningssentralen informerer forvaltninga og Statens naturoppsyn om øvinga. Redningstenesta skal gje melding til Statens naturoppsyn v/kristoffer Ullern Hansen på e-post kristoffer.ullern.hansen@miljodir.no eller mob. 97097720. Han vil gje melding om det må takast spesielle omsyn til verneverdiane. Kopi av dispensasjonen skal fylgje med kvar snøskuter som deltek i køyringa, og leggjast fram ved kontroll.
Innan 1. juni kvart år i løyveperioden skal det sendast rapport til Nærøyfjorden verneområdestyre om omfanget av turane med dato, tal snøskuterar og køyrerute. Forvaltninga ber om at evt. observasjonar av villrein vert teke med i rapporten. Me gjer merksam på at dette løyvet berre er behandla etter verneforskrifta, og at det i tillegg må innhentast samtykke frå grunneigarar. ST 6/14 Dispensasjon til kjentmannskøyring i Nærøyfjorden landskapsvernområde for Vik Røde Kors i samsvar med innstilling frå forvaltar. Nærøyfjorden verneområdestyre gjev Vik Røde Kors Hjelpekorps løyve til: 2 kjentmannstur med inntil 3 snøskuterar langs fylgjande rute innan for Nærøyfjorden landskapsvernområdet: Jashaug Fresvikvarden Fresvikbreen. Sjekk av kritisk infrastruktur som sambandsutstyr på same turen som kjentmannsturen. Køyring kan gjennomførast med ein tur i februar før vinterferien, og ein tur i mars/april før påske i åra 2014 til og med 2016, men ikkje etter fredagen i palmehelga. Løyve er gjeve med heimel i naturmangfaldlova 48, og med fylgjande vilkår: Omfanget av snøskuterkøyring skal avgrensast til ruta som er skissert, og til det som er strengt naudsynt. Under køyring skal det takast omsyn til naturmiljø og friluftsliv. Seinast 12 timar før kjøringa startar, skal redningstenesta senda melding om køyringa (køyreordre) til lokal redningssentral, jf. retningslinjer for kjentmannskøyring i verneområde. Redningssentralen informerer forvaltninga og Statens naturoppsyn om øvinga. Redningstenesta skal gje melding til Statens naturoppsyn v/kristoffer Ullern Hansen på e-post kristoffer.ullern.hansen@miljodir.no eller mob. 97097720 dagen før øvinga. Han vil gje melding om det må takast spesielle omsyn til verneverdiane, og om naudsynt utsette køyringa av omsyn til villrein. Kopi av dispensasjonen skal fylgje med kvar snøskuter som deltek i køyringa, og leggjast fram ved kontroll. Innan 1. juni kvart år i løyveperioden skal det sendast rapport til Nærøyfjorden verneområdestyre om omfanget av turane med dato, tal snøskuterar og køyrerute. Forvaltninga ber om at evt. observasjonar av villrein vert teke med i rapporten.
Me gjer merksam på at dette løyvet berre er behandla etter verneforskrifta, og at det i tillegg må innhentast samtykke frå grunneigarar. ST 7/14 Nærøyfjorden landskapsvernområde - Bruk av snøskuter til Grindaflethytta i samband med kvisting av tilkomstløype i samsvar med innstilling frå forvaltar. Nærøyfjorden verneområdestyre gjev Voss Utferdslag løyve til bruk av snøskuter for kvisting av tilkomstløype til Grindaflethytta i Nærøyfjorden landskapsvernområde. Løyvet er gjeve med heimel i verneforskrifta for Nærøyfjorden landskapsvernområde 3 pkt. 2.3 og gjeld med fylgjande vilkår: Løyvet gjeld for 2 dagar med køyring i samband med kvisting av løypa i veke 10 16 i åra 2014 til og med 2018, men ikkje etter fredagen i palmehelga. Køyringa skal berre skje langs tilkomstløypene til Grindaflethytta; Øvsthusdalen (Fyre) Grindafletane Borgarbuvotna øvst i Ljosanddalen ved Mjølfjell. Voss Utferdslag har avtale med Morten Samskott om transporten og kvistinga. Køyringa skal gjennomførast på same tid som Aurland Røde Kors Hjelpekorps har kjentmannstur på same ruta. Transporten skal om mogleg skje utanom søndag og helgedagar. Det skal takast omsyn til naturmiljø (særleg villrein) og folk i området ved gjennomføringa. SNO v/kristoffer Ullern Hansen (mob. 970 97 720) skal varslast på førehand om kva dagar det vert køyring. SNO kan krevje at køyringa vert utsett av omsyn til villreinen. Dette løyvet og køyrebok skal vera med under transporten. Køyrebok skal fyllast ut før turen startar. Det skal sendast skriftleg rapport om gjennomført transport til sekretariatet innan 01.06. kvart år. Me gjer merksam på at søknaden berre er behandla etter verneforskrifta, og må i tillegg ha løyve frå grunneigarar. RS 1/14 Rapportering nasjonalpark. og verneområdestyre 2013 RS 2/14 Piloter for implementering av besøksforvaltning i Norges nasjonalparker