Stab FYLKESMANNEN I MØRE OG ROMSDAL Postboks 2520 6404 MOLDE Saksnr Arkiv Dykkar ref Avd /sakshandsamar Dato 2018/573 A20 DOK 28.05.2018 K-SAK 53/18. TILSTANDSRAPPORT FOR GRUNNSKULEN 2017 Vedlagt fylgjer K-sak 53/18. Kommunestyret gjorde i møte 24.05.2018 slikt vedtak i saka: Med helsing Brit Berge e.f. Dokumentet er elektronisk godkjent og har ingen signatur. Kopi: Fagleiar oppvekst
Skuleavdelinga SAKSPROTOKOLL Sakshandsamar: BST Arkivsaknr: 2018/573 Arkiv: A20 Utvalsaksnr Utval Møtedato 10/18 Komite for oppvekst 09.05.2018 53/18 Kommunestyret 24.05.2018 TILSTANDSRAPPORT FOR GRUNNSKULEN 2017 Tilråding: Møtebehandling: Rådmannen si tilråding vart samrøystes vedteken. Tilråding i Komite for oppvekst - 09.05.2018 Møtebehandling: Skuleleiar Sølvi Lillebø Remøy og fagleiar oppvekst Brit-Synnøve Torvik møtte og orienterte. Kaja Runde fekk permisjon kl. 18:45, før røysting. Kjell Runde fekk permisjon kl. 18:55, etter røysting. Rådmannen si tilråding vart samrøystes vedteken. Vedtak i Kommunestyret - 24.05.2018
Særutskrift: Fylkesmannen i Møre og Romsdal avd. utdanning
Vedlegg: Tilstandsrapport for grunnskulen 2017 Samandrag av saka: Saksopplysningar: Målet med denne rapporten er å gje kommunestyret som skuleeigar og andre betre forståing, innsikt og oversikt over sentrale område i det arbeidet som går føre seg i Herøyskulen. Jfr. Opplæringslova 13-10, skal skuleigar årleg utarbeide ein rapport om tilstanden i grunnskuleopplæringa. I Meld. St. nr 31 2007 2008, «Kvalitet i skolen», pkt. 4.5.3 - Krav til årleg tilstandsrapport, heiter det innleiingsvis: «Det er viktig at de øverste styringsorganene i kommuner og fylkeskommuner har et bevisst og kunnskapsbasert forhold til den delen av grunnopplæringen som de er ansvarlig for, slik at de har mulighet til å følge opp utviklingen i denne sektoren på en god måte». Tilstandsrapporten skal omhandle læringsresultat, fråfall og læringsmiljø, og den skal vere eit sentralt element i høve til det nasjonale kvalitetsvurderingssystemet. I tillegg kan rapporten verte utvida med fagområde som leiinga meiner er formålstenleg ut i frå lokale behov. Rapporten skal handsamast av skuleigar, dvs. kommunestyret. Rapporten byggjer på opplysningar frå www.udir.no/skoleporten som er Utdanningsdirektoratet sin portal der all informasjon som vert innmeldt frå skulane, vert lagra. Der er ikkje berre læringsresultat, men også anna informasjon om skulane som vert innmeldt gjennom den årlege GSI-rapporteringa. Vi har gjort eit utval frå Skoleporten, og presenterer det i den vedlagte tilstandsrapporten. Vurdering og konklusjon: Skulane arbeider systematisk og godt på mange ulike område, og skuleleiinga forventar positiv utvikling over tid. Ein ser resultat av dette arbeidet, men også svingingar mellom årskull og skular. Analysane etter nasjonale prøver 2017 viser fleire årsaker til at somme skular skårer lågare enn forventa: Lite fritak gjer at mange minoritetsspråklege elevar på trinna vart målte på lik linje med elevar som er fødde og har vakse opp her. Det er mange overgangar for elevar på 5. trinn, også i høve det dei blir målte på, og måten det blir gjort på. Dei yngste elevane treng meir øving i å halde ut i 90 minutt. Manglande leseforståing kan gi utslag også i rekning. Alle skular har analysert og meldt inn funn og forslag til tiltak. Det som er mest utprega ved årets prøver, er den store spreiinga i resultat på trinn. Det er også stor skilnad på resultat mellom gutar og jenter. Dette er ikkje utprega funn berre i Herøy, men gjeld for resultatet generelt både i fylket og i nasjonen. Elevundersøkinga vart hausten 2017 gjennomført på 7., 8., 9. og 10.trinn. Målingane på trivsel, meistring, motivasjon og mobbing er dei viktigaste i høve det å ha eit godt læringsmiljø. Ein ser at elevane i Herøy trivst godt på skulen. På ein skala frå 1 5 der 5 er best, viser målingane mellom 4,0 og 4,4 skalapoeng. Elevane trivst best på 7. og 8. trinn, og ser ut til å falle litt på 9. og 10. trinn. Same
trenden ser ein i høve meistring (4,1 4,0 3,8 3,9) og motivasjon (3,9 3,9 3,3 3,3). Eit sentralt spørsmål er årsaka til denne utviklinga frå 7. 10. trinn. Spørsmåla om mobbing i Elevundersøkinga vart hausten 2017 endra til tre likeverdige spørsmål som omhandlar mobbing av elevar, av vaksne og digitalt. Eit delsvar tel med i oppsummeringa. På 7.trinn er andelen mobbing i prosent så lav, at resultatet er prikka/ikkje offentleggjort. På 10. trinn gir svara eit resultat på 8%. Det er slik vi ser, 8% for mykje. Målet er 0%, men mobbing/krenking vert likevel aldri utrydda. Hausten 2017 kom også endringa i Opplæringslova kap. 9A-4, om mobbing og krenkande åtferd. Skulane fekk «handlingsplikta», som seier konkret kva som skal gjerast for å oppdage mobbing og krenkande åtferd, og kva som må til for å få slutt på det. Det er utarbeidd like rutinar for dette arbeidet for skulane i Herøy. Rektorane har i tillegg til støtte i sitt eige nettverk, også høve til å søkje råd hos «Beredskapsteamet» i vanskelege situasjonar. Det har vore, og er, ein aukande tendens til at mobbing føregår på område der ein lærar ikkje er til stades, som t.d. digitale og sosiale media. Denne type mobbing kan kome inn under Straffelova, og det er difor oppretta eit samarbeid med politiet, som tek slike saker vidare. Fosnavåg, 24.04.2018 Olaus-Jon Kopperstad Rådmann Sølvi Lillebø Remøy Avd.leiar Sakshandsamar: Brit-Synnøve Torvik