saksframlegg Dato: Referanse: Vår saksbehandlar: 15.03.2018 39032/2018 Laila H. T. Nielsen Saksnr Utval Møtedato Utdanningsutvalet 22.03.2018 Tilbod som ikkje blir sett i gang skoleåret 2018-2019 Bakgrunn Fylkesrådmannen fekk i sak UD-33/16 mynde til å justere elevtalet innafor skoleog tilbodsstrukturen i vedteken skolebruksplan. Det er viktig å avgjere tidleg kva tilbod som ikkje skal setjast i gang, slik at vi får informert søkarane til desse tilboda om det, og gje dei høve til å endre søknaden sin til eit anna utdanningsprogram eller programområde. Det er også viktig for skolane sitt stillingsplanarbeid. Vi tek utgangspunkt i sak UD-5/14. Her vart det gjort vedtak om å setje krav til minimum oppfyllingsgrad til av vedteke kapasitet til 65 prosent til studieførebuande utdanningsprogram. For halvklassar innafor yrkesfag som rekrutterer til lærefag blir minimum kapasitet sett til 6 elevplassar. For YSK-tilboda blir minimum kapasitet sett til 10 kvalifiserte primærsøkarar. Saka er også basert på prøveinntak frå den 08.03.18. Prøveinntaket er usikkert på dette tidspunktet, men vi får likevel ei oversikt som saman med erfaringar frå tidlegare år gir oss eit godt vurderingsgrunnlag. Vurderingane som er gjort er ikkje berre basert på prøveinntaket. Vi veit at vi kjem til å utvide antal plassar og/klassar ved somme skolar på grunn av høgt søkartal, og dette er teke omsyn til. I tilfelle der søkartala er svært låge har vi sett på om det kan vere sekundærsøkarar, eller søkarar som kan få ungdomsrett etter sakshandsaming. I tillegg gjer vi unntak for nokre skolar som har svært låg søknad til dei fleste tilboda sine. Vi gjer også unntak dersom skolar har søkarar med spesialundervisning som ikkje kan flyttast til ein anna skole. Vi har hatt samtalar med alle skolar som har tilbod som vi foreslår ikkje blir sett i gang. Skolane har kome med sine innspel dersom dei ikkje er einige i våre vurderingar. Innspela er lagt ved saka.
Vurdering Fræna vgs: Bygg og anleggsteknikk: Vg1 bygg og anleggsteknikk YSK har 3 primærsøkarar med ungdomsrett. To av søkarane har søkt om fortrinn i inntaket. Det er ingen primærsøkarar som har uavklart rett til vidaregåande opplæring. Prøveinntaket viser at det kanskje blir gitt tilbod til 9 søkarar. Ved nærare sjekk ser vi at fire av dei har tilbodet som sitt 3. ønske, ein av dei har det som sitt 4. ønske, og ein har det som sitt 2. ønske. Erfaringar frå tidlegare år er at det skjer endringar mellom første og andre inntak, og også etter skolestart. Det er difor stor risiko at skolen ender opp med berre tre elevar, der to har behov for spesialundervisning. Å starte opp med eit tilbod som kan få så få elevar, er ikkje heldig for eit godt undervisnings- og klassemiljø. Vi rår til at tilbodet ikkje blir starta. Vg2 byggteknikk har 4 primærsøkarar med ungdomsrett. Det er ingen andre primærsøkarar med uavklart rett til vidaregåande opplæring. I prøveinntaket blir det gitt tilbod til 4 søkarar. Vi meiner det er uheldig å starte eit tilbod med så få søkarar, og rår til at tilbodet ikkje blir sett i gang. Skolen er ikkje einig i vår vurdering. Sjå eige vedlegg. Studiespesialisering: Vg1 studiespesialisering, internasjonal klasse har 7 primærsøkarar med ungdomsrett. Det er ingen andre primærsøkarar til tilbodet. Vi rår til at tilbodet ikkje blir sett i gang. Skolen er einig i vår vurdering. Sjå eige vedlegg. Fylkesrådmannen rår til at Vg1 bygg og anleggsteknikk ved Fræna vgs ikkje blir sett i gang for skoleåret 2018-2019. Fylkesrådmannen rår til at Vg2 byggteknikk ved Fræna vgs ikkje blir sett i gang for skoleåret 2018-2019. Fylkesrådmannen rår til at Vg1 studiespesialisering internasjonal ved Fræna vgs ikkje blir sett i gang for skoleåret 2018-2019. Gjermundnes vgs: Teknikk og industriell produksjon: Vg2 industriteknologi hadde 4 primærsøkarar med ungdomsrett. I prøveinntaket vårt kan det sjå ut til at 6 søkarar får tilbod. To av søkarane har tilbodet som sitt 2. ønske, og sjansen for at dei ikkje kjem ved skolestart er der. Tilbodet har også låge søkartal ved andre skolar i regionen. Vi rår til at tilbodet ikkje blir starta. Skolen er ikkje einig i vår vurdering. Sjå eige vedlegg. Fylkesrådmannen rår til at Vg2 industriteknologi ved Gjermundnes vgs ikkje blir sett i gang for skoleåret 2018-2019.
Haram vgs: Helse og oppvekstfag: Vg2 helsearbeidarfag har 5 primærsøkarar. Det fins ingen primærsøkarar med uavklart rett til vidaregåande opplæring. Søkartalet oppfyller ikkje kravet om minimum 6 primærsøkarar. Vi rår til at tilbodet ikkje blir starta. Studieførebuande: Vg3 påbygging til generell studiekompetanse, og Vg4 påbygging til generell studiekompetanse etter yrkeskompetanse har til saman 11 primærsøkarar med rett til tilboda. Skolen gir tilbod om desse to programområda samla. Samla søkartal til dei to tilboda er på under 65 prosent av oppfyllingsgraden for studieførebuande programområde. Prøveinntaket viser at det kan bli gitt tilbod til 19 søkarar på Vg3 påbygging til generell studiekompetanse, men at berre 4 av dei som får tilbod har det som sitt 1. ønske. 8 av dei som får tilbod har det som sitt 2. ønske. Som tidlegare nemnd så er det usikkert at dei som får tilbod om eit lågare ønske møter ved skolestart. Mange av dei som har Vg3 påbygging som eit lågare ønske, har læreplass som 1. ønske. Vi håper og trur at dei fleste vil få læreplass. Vi rår til at dei to tilboda ikkje blir sett i gang. Skolen er ikkje einig i våre vurderingar av tilboda. Sjå eige vedlegg. Fylkesrådmannen rår til at Vg2 helsearbeidarfag ikkje blir sett i gang ved Haram vgs for skoleåret 2018-2019. Fylkesrådmannen rår til at Vg3 påbygging til generell studiekompetanse ikkje blir sett i gang ved Haram vgs for skoleåret 2018-2019. Fylkesrådmannen rår til at Vg4 påbygging til generell studiekompetanse etter yrkeskompetanse ikkje blir sett i gang ved Haram vgs for skoleåret 2018-2019. Herøy vgs, avdeling Vanylven: Helse og oppvekstfag: Vg1 helse og oppvekstfag har 3 primærsøkarar med ungdomsrett. I tillegg er det 2 søkarar som sannsynleg vil få ungdomsrett, men likevel er det berre 5 primærsøkarar. Kravet om å ha 6 primærsøkarar for å starte ein halv klasse er ikkje oppfylt. Vi rår til at tilbodet ikkje blir starta. Skolen seier seg einig i vurderingane. Fylkesrådmannen rår til at Vg1 helse og oppvekstfag ved Herøy vgs, avd. Vanylven ikkje blir sett i gang som for skoleåret 2018-2019. I saksframlegget til skolebruksplan for 2018-2021 blei det varsla at når ein såg tala frå søkinga 01.03.2018, skulle fylkesutdanningssjefen gjere ei ny vurdering av heile tilbodet ved Herøy vgs, avdeling Vanylven. Tilbodet ved skolen vert foreslått vidareført i skoleåret 2018-2019 med unntak av Vg1 helse og oppvekstfag.
Undervisningspersonalet og skoleleiinga har gjennom fleire år strekt seg langt for å få gje elevane eit godt tilbod. Fleire lærarar har skaffa seg ekstra kompetanse slik at krava til fagtilbodet er stetta på ein tilfredstillande måte. Men med bakgrunn i låge søkartal, svake elevtal i grunnskolen i Vanylven, vanskar med å erstatte kompetansen til lærarar som sluttar av ulike årsaker og dei økonomiske utfordringane avdelinga får med å drive med eit så smalt tilbod, vil fylkesutdanningssjefen no signaliserer at ei nedlegging av Herøy vgs avd. Vanylven vil bli vurdert i arbeidet med ny skolebruksplan 2019-2022. Kristiansund vgs: Kunst, design og arkitektur: Det er 9 primærsøkarar til Vg1 kunst, design og arkitektur. For å prøve å bevare tilbodet var planen skulle vi starte med ein halv klasse (15 elevar) skoleåret 2018-2019, fordi at søkartalet til tilbodet ikkje har vore stort ved nokon av dei vidaregåande skolane i fylket. Når vi likevel ikkje får fleire enn 9 primærsøkarar, og prøveinntaket også viser at det er 9 som får tilbod om plass, ser vi det ikkje forsvarleg å setje i gang tilbodet. Elektrofag: Vg3 dataelektronikarfaget har 4 primærsøkarar med ungdomsrett. Det er også ein søkar frå eit anna fylke som vil få ungdomsrett her, men det er likevel ikkje nok til å starte ein halv klasse med 5 søkarar. 6 søkarar er grensa for å få starte ein halv klasse. Vi rår til at tilbodet ikkje kjem i gang. Skolen er ikkje einig i våre vurderingar. Sjå eige vedlegg. Teknikk og industriell produksjon: Vg2 brønnteknikk har 2 primærsøkarar med ungdomsrett. Det vil ikkje vere forsvarleg å setje i gang eit tilbod med så få primærsøkarar. Skolen er einig i vår vurdering. Sjå eige vedlegg. Fylkesrådmannen rår til at Vg1 kunst, design og arkitektur ikkje blir sett i gang for skoleåret 2018-2019 Fylkesrådmannen rår til at Vg3 dataelektronikarfaget ikkje blir sett i gang for skoleåret 2018-2019. Fylkesrådmannen rår til at Vg2 brønnteknikk ikkje blir sett i gang for skoleåret 2018-2019. Rauma vgs: Restaurant og matfag: Vg1 restaurant og matfag har 5 primærsøkarar med ungdomsrett. 2 av søkarane ønskjer spesialundervisning. Det er berre tre ordinære primærsøkarar til denne klassen. Vi er redd for at undervisnings- og klassemiljøet med så få ordinære søkarar kan bli vanskeleg å få til. Med bakgrunn i dette rår vi til at tilbodet ikkje kjem i gang.
Skolen er til dels einig i vår vurdering, men kjem likevel med ein uttale i forhold til forslaget vårt om å ikkje setje i gang tilbodet. Sjå eige vedlegg. Elektrofag: Vg2 automatisering har 5 primærsøkarar med ungdomsrett. Det er også 5 primærsøkarar til Vg2 elenergi. I samråd med skolen vel vi å oppretthalde Vg2 elenergi, og ikkje starte Vg2 automatisering. Grunnen er at det er lettare å skaffe læreplassar til dei som søkjer om Vg2 elenergi, og dei fleste som har Vg2 automatisering som sitt 1. ønske har Vg2 elenergi ved same skole som sitt 2. ønske. For å berge eitt av tilboda på Vg2 elektro vel vi difor å ikkje setje i gang Vg2 automatisering. Dette kan også gjere at skolen får ein heil klasse på Vg2 elenergi. Helse og oppvekstfag: Skolen har 2 primærsøkarar med ungdomsrett til Vg2 barne- og ungdomsarbeidarfag. Vi rår til at tilbodet ikkje blir sett i gang. Vurderingane for elektrofag og helse og oppvekstfag er i samråd med skolen, som seier seg einig i å ikkje starte desse tilboda. Fylkesrådmannen rår til at Vg1 restaurant og matfag ved Rauma vgs ikkje blir sett i gang for skoleåret 2018-2019. Fylkesrådmannen rår til at Vg2 automatisering ved Rauma vgs ikkje blir sett i gang for skoleåret 2018-2019. Fylkesrådmannen rår til at Vg2 barne- og ungdomsarbeidarfag ved Rauma vgs ikkje blir sett i gang for skoleåret 2018-2019. Romsdal vgs: Elektrofag og teknikk og industriell produksjon med studiekompetanse: Vg1 elektrofag med studiekompetanse og Vg1 teknikk og industriell produksjon med studiekompetanse har til saman 14 primærsøkarar. Elektrofag med studiekompetanse har 9 primærsøkarar, og teknikk og industriell produksjon med studiekompetanse har 5 primærsøkarar. 13 av søkarane har ungdomsrett, medan den siste søkaren sin rett ikkje er avklart enno. Det er sannsynleg at også denne søkaren får ungdomsrett. Skolen påpeikte i søknaden sin om å få opprette dette tilbodet den 24.07.14, at opplæringstilbodet ville bli krevjande, og at elevane måtte ha stor vilje til eigeninnsats. I samråd med skolen har vi difor tidlegare år vurdert alle søkarar med omsyn til at dei burde ha minimum karakter 4 i faga matematikk og naturfag for å starte i opplæring til dette tilbodet. Også i år ser vi at 7 av søkarane til dei to tilboda har karakter 3 eller mindre i matematikk, og/naturfag. Dersom skolen er einig i at ein skal sjå bort frå eit slikt krav for inntak til tilbodet er det ikkje noko i vegen for det. Vi har ikkje stilt eit slik krav skriftleg nokon stad. Når skolen søkte om å få setje i gang tilboda var føresetnaden at begge tilboda skulle vere ei undervisningsgruppe i fellesfaga. Tilbodet er som eit studieførebuande løp å rekne, og det er eit krav at oppfyllingsgraden for dei to tilboda til saman er på over 65 prosent. Men totalt 14 søkarar til 24 plassar et ikkje oppfyllingsgraden oppfylt. Med bakgrunn i det rår vi til at tilboda ikkje blir starta. Dette er det siste året at desse to tilboda blir lyst ut, då vi ikkje har lukkast å skaffe nok søkarar i tre år på rad.
Skolen si oppmoding om at tilboda skal lysast ut i skolebruksplanen i perioden 2019-2022 kan ikkje sjåast på i dette vedtaket, men må meldast inn som sak om skolebruksplana for 2019-2022. Skolen er ikkje einig i våre vurderingar. Sjå eige vedlegg. Bygg og anleggsteknikk: Vg2 klima, energi og miljøteknikk har ingen primærsøkarar med ungdomsrett. Med bakgrunn i dette rår vi til at tilbodet ikkje kjem i gang. Skolen er einig i vår vurdering. Design og handverk: Vg2 interiør og utstillingsdesign har 3 søkarar med ungdomsrett. Vi rår til at tilbodet ikkje kjem i gang. Skolen er einig i vår vurdering. Fylkesrådmannen rår til at Vg1 elektrofag med studiespesialisering ikkje blir sett i gang for skoleåret 2018-2019. Fylkesrådmannen rår til at Vg1 teknikk og industriell produksjon med studiespesialsiering ikkje blir sett i gang for skoleåret 2018-2019. Fylkesrådmannen rår til at Vg2 klima, energi og miljøteknikk ikkje blir sett i gang for skoleåret 2018-2019. Fylkesrådmannen rår til at Vg2 interiør og utstillingsdesign ikkje blir sett i gang for skoleåret 2018-2019. Stranda vgs: Restaurant og matfag: Vg1 restaurant og matfag har 2 primærsøkarar med ungdomsrett. Med bakgrunn i lågt søkartal rår vi til at tilbodet ikkje blir sett i gang. Skolen er einig i vår vurdering. Teknikk og industriell produksjon: Vg1 teknikk og industriell produksjon har 4 primærsøkarar. Vi rår til at tilbodet ikkje blir starta. Skolen er einig i vår vurdering. Fylkesrådmannen rår til at Vg1 restaurant og matfag ved Stranda vgs ikkje blir sett i gang for skoleåret 2018-2019. Fylkesrådmannen rår til at Vg1 teknikk og industriell produksjon ved Stranda vgs ikkje blir sett i gang for skoleåret 2018-2019.
Sunndal vgs: Teknikk og industriell produksjon: Vg2 industriteknologi har 5 primærsøkarar med ungdomsrett. Det er ikkje nok søkarar til å starte ein halv klasse. Vi rår til at tilbodet ikkje blir starta. Skolen er einig i vår vurdering. Fylkesrådmannen rår til at Vg2 industriteknologi ikkje blir sett i gang ved Sunndal vgs for skoleåret 2018-2019. Surnadal vgs: Bygg og anleggsteknikk: Vg1 bygg og anleggsteknikk har 4 primærsøkarar med ungdomsrett. Vi rår til at tilbodet ikkje blir starta. Skolen er einig i vår vurdering. Fylkesrådmannen rår til at Vg1 bygg og anleggsteknikk ved Surnadal vgs ikkje blir sett i gang for skoleåret 2018-2019. Sykkylven vgs: Helse og oppvekstfag: Vg1 helse og oppvekstfag har 5 primærsøkarar med ungdomsrett. Det er 5 søkarar som pr. i dag står utan rett som har tilbodet som sitt 1. ønske. Av dei er det 3 minoritetsspråklege som kanskje vil få vaksenrett etter saksbehandling av søknaden fordi dei er over 25 år. Dei to andre har fullført vidaregåande opplæring før, og vil ikkje få vaksenrett. Vi kan ikkje ta omsyn til desse søkarane i vår vurdering om vi skal oppretthalde tilbodet eller ikkje. Vaksne skal jf. 6-45 i forskrift til opplæringslova primært takast inn til opplæringstilbod som er organisert for vaksne etter opplæringslova 4A-3. Det er ikkje nok søkarar med ungdomsrett eller fullføringsrett til å setje i gang tilbodet, og vi rår til at det ikkje kjem i gang. Skolen er ikkje einig i vår vurdering. Sjå eige vedlegg frå skolen og frå Sykkylven kommune. Vg2 barne- og ungdomsarbeidarfag har 3 primærsøkarar med ungdomsrett. Dette er for få søkarar til å starte tilbodet. Vi rår til at tilbodet ikkje blir sett i gang. Design og handverk: Vg1 design og handverk har 4 primærsøkar med ungdomsrett. Vi rår til at tilbodet ikkje blir starta. Skolen er einig i vår vurdering. Fylkesrådmannen rår til at Vg1 design og handverk ved Sykkylven vgs ikkje blir sett i gang for skoleåret 2018-2019.
Fylkesrådmannen rår til at Vg1 helse og oppvekstfag ved Sykkylven vgs ikkje blir sett i gang for skoleåret 2018-2019. Fylkesrådmannen rår til at Vg2 barne- og ungdomsarbeidarfag ved Sykkylven vgs ikkje blir sett i gang for skoleåret 2018-2019. Tingvoll vgs: Elektrofag: Vg2 elenergi har 4 primærsøkarar med ungdomsrett. Kravet om minimum 6 søkarar med ungdomsrett for å få starte ein halv klasse er ikkje oppfylt. Skoleåret 2017-2018 var det siste året ein kunne ha småskalatilbod jf. sak UD-41/17 skolebruksplan 2018-2021. Vi rår til at tilbodet ikkje kjem i gang. Skolen er ikkje einig i vår vurdering. Sjå vedlegg. Fylkesrådmannen rår til at Vg2 elenergi ved Tingvoll vgs ikkje blir sett i gang skoleåret 2018-2019. Ørsta vgs: Design og handverk: Vg2 blomsterdekoratør har 3 primærsøkarar med ungdomsrett. Vi rår til at tilbodet ikkje blir sett i gang. Skolen er ikkje einig i vår vurdering. Sjå eige vedlegg. Fylkesrådmannen rår til at Vg2 blomsterdekoratør ved Ørsta vgs ikkje blir sett i gang skoleåret 2018-2019. Ålesund vgs: Studiespesialisering: Ålesund vgs har 15 primærsøkarar med ungdomsrett til Vg1 studiespesialiseringentreprenørskap/bedriftsutvikling. 15 primærsøkarar til 28 plassar er under 54 prosent av oppfyllingsgraden for studieførebuande utdanningsprogram. Det er viktig for oss å understreke at vi har vurdert situasjonen om oversøking til studiespesialisering i Ålesundregionen. Vi kan ikkje sjå at det er stor oversøking med 96 søkarar til 56 plassar ved Fagerlia vgs, 46 søkarar til 54 plassar ved Ålesund vgs, og 128 søkarar til 168 plassar ved Spjelkavik vgs. Erfaring frå tidlegare år er at ein del søkarar ikkje møter til plassen dei får tilbod om. Vi rår til at tilbodet om studiespesialisering- entreprenørskap/bedriftsutvikling ikkje blir starta med berre 15 elevar fordi det ikkje fyller kravet om 65 prosent oppfyllingsgrad. Service og samferdsel: Vg2 reiseliv har 5 primærsøkarar med ungdomsrett. Kravet om minimum 6 søkarar for å få starte ein halv klasse er ikkje oppfylt. Vi rår til at tilbodet ikkje kjem i gang.
Skolen er ikkje einig i vår vurdering. Sjå eige vedlegg. Fylkesrådmannen rår til at Vg1 studiespesialieringentreprenørskap/bedriftsutvikling ved Ålesund vgs ikkje blir sett i gang for skoleåret 2018-2019. Fylkesrådmannen rår til at Vg2 reiseliv ved Ålesund vgs ikkje blir sett i gang for skoleåret 2018-2019. Forslag til vedtak: Desse tilboda blir ikkje sett i gang skoleåret 2018-2019: Fræna vgs: Vg1 bygg og anleggsteknikk Vg2 byggteknikk Vg1 studiespesialisering, internasjonal Gjermundnes vgs: Vg2 industriteknologi Haram vgs: Vg2 helsearbeidarfag Vg3 påbygging til generell studiekompetanse Vg4 påbygging til generell studiekompetanse etter yrkeskompetasne Herøy vgs, avd. Vanylven: Vg1 helse og oppvekstfag Kristiansund vgs: Vg1 kunst, design og arkitektur Vg2 brønnteknikk Vg3 dataelektronikerfaget Rauma vgs: Vg1 restaurant og matfag Vg2 barne- og ungdomsarbeidarfag Vg2 automatisering Romsdal vgs: Vg1 elektrofag, studiekompetanse 3-årig Vg1 teknikk og industriell produksjon, studiekompetanse 3-årig Vg2 klima, energi og miljøteknikk Vg2 interiør og utstillingsdesign Stranda vgs: Vg1 restaurant og matfag Vg1 teknikk og industriell produksjon
Sunndal vgs: Vg2 industriteknologi Surnadal vgs: Vg1 bygg og anleggsteknikk Sykkylven vgs: Vg1 design og handverk Vg1 helse og oppvekstfag Vg2 barne- og ungdomsarbeidarfag Tingvoll vgs: Vg2 elenergi Ørsta vgs: Vg2 blomsterdekoratør Ålesund vgs: Vg1 studiespesialisering med entreprenørskap og bedriftsutvikling Vg2 reiseliv Ottar Brage Guttelvik fylkesrådmann Erik Brekken fylkesutdanningssjef Vedlegg 1 Uttale frå Fræna vgs 2 Uttale frå Gjermundnes vgs 3 Uttale frå Haram vgs 4 Uttale frå Kristiansund vgs 5 Uttale frå Rauma vgs 6 Uttale frå Romsdal vgs 7 Uttale frå Ørsta vgs 8 Uttale frå Ålesund vgs 9 Uttale frå Tingvoll vgs 10 Primærsøkarar med ungdomsrett 2018-2019 11 Uttale frå Sykkylven vgs 12 Uttale frå Sykkylven kommune