Saksnr Utval Møtedato Utdanningsutvalet Yrkesopplæringsnemnda

Transkript

1 saksframlegg Dato: Referanse: Vår saksbehandlar: /2016 Geir Løkhaug Saksnr Utval Møtedato Utdanningsutvalet Yrkesopplæringsnemnda Skolebruksplan Bakgrunn Skolebruksplanen bestemmer kva tilbod skolane kan lyse ut og gir ei samla oversikt over undervisningstilbodet ved kvar einskild skole i planperioden. Planen gir også grunnlag for å vurdere og planlegge det samla tilbodet i regionane og i heile fylket. Det er ei tett kopling mellom skolebruksplanen og økonomiplanen. Det må vere mogleg å realisere tilbodet som skolebruksplanen legg opp til innafor dei økonomiske rammene som vert stilt til rådvelde. Budsjettframlegget for 2017 er i hovudsak i samsvar med den kapasiteten og dei tilboda som er lagt inn i skolebruksplanen. Ekstra klassar/tilbod som vert oppretta gjennom inntaket må finansierast ved bruk av midlar frå klassereserven (ramme 34). Det er viktig å oppretthalde ein klasse-reserve som er stor nok til at ein kan ivareta nødvendig fleksibilitet ved inntaket slik at ein kan oppretthalde målsettinga om at 90 prosent av søkjarane skal få oppfylt førstevalet sitt om utdanning. Finansieringa av tilboda vert gitt etter vedtatt budsjett-tildelingsmodell. I fleire av høringsuttalane er økonomitildelinga til ulike tilbod nemnt, dette vert ikkje diskutert i skolebruksplanen. Kapasiteten for dei ulike tilboda vil bli tilpassa i inntaksarbeidet våren I arbeidet med forslaget til skolebruksplanen er det gjennomført møter med alle skolane. Tema for møta har vore utviklinga av elevtal, søkartal, skolebruksplanen og arbeidet med kapasitetsjusteringar for skoleåret 16/17. Skolane har lagt fram sine ønsker for skolebruksplanen for med vekt på skoleåret 17/18. I vurderingane er hovudvekta lagt på om tilboda skal vere søkbare eller ikkje. Kapasiteten er også diskutert og lagt inn i forslaget til kvar enkelt skole, men denne vil ein kunne justere når søkartala ligg føre våren 17. Høringa er basert på data frå 1. inntaket til skoleåret 2016/2017. Det er eit mål at kapasiteten i skolebruksplanen vert sett slik at krava vedtatt i sak Ud-5/14 vert stetta. Høyringsforslaget er utarbeidd i tråd med dette. Sak Ud-5/14 omhandla nye tilbod og ressursar til særskilte tilbod. I saka vart det mellom anna fatta følgjande vedtak: 1. Minimum inntakskapasitet vert sett til 65 % av vedteke klassekapasitet i skolebruksplanen. 2. For småskalatilbod vert minimum kapasitet sett til 4 ungdomsrettssøkarar.

2 3. For halvklassar innafor yrkesfag som rekrutterer til lærefag vert minimum kapasitet sett til 6 elevplassar. 4. For TAF-tilboda vert minimum kapasitet ved inntaket sett til 10 elevplassar. 5. Nye tilbod skal i vere søkbare i tre påfølgjande skoleår. Dersom det ved tredje forsøk ikkje lukkast å etablere tilbodet vert det teken ut av tilbodsstrukturen. Inntakstala etter 2. inntaket for skoleåret 2016/2017 viste 970 ledige plassar av den samla kapasiteten på elevplassar. Dette er elevplassar som skolane disponerer til søkjarar som står på ventelister. Ved utarbeidinga av skolebruksplanen er «Lokal forskrift om inntak til vidaregåande opplæring» brukt. Vi viser til 3 i den lokale forskrifta om inntaket i Møre og Romsdal: «Fylkesutdanningssjefen gir tilbod til alle søkarar med ungdomsrett. Fylkesutdanningssjefen gir så langt råd tilbod om tilbod til søkarar med fullføringsrett». Etter vedtaket i sak Ud-15/16 er det sett i gang eit prøveprosjekt over 2 år ved Sunndal vgs i samarbeid med Sunndal kommune. Her vert det og gitt eit tilbod til søkarar med vaksenrett. Utfordringar i planperioden Saka om «Struktur i vidaregåande opplæring» For skolebruksplanen 2017/20 er planlegginga gjort under føresetnad av at endringane som vert vedtekne i handsaminga av struktursaka, ikkje får følger for skoleåret 17/18. Forslaget til skolebruksplanen for 2018/19 og 19/20 er laga på same grunnlag. Usikkerheita er difor større for desse åra. Eventuelle endringar som følgje av saka om «Struktur i vidaregåande opplæring» vil ein kome tilbake til i seinare skolebruksplaner. Gjennomgangen av det yrkesfaglege utdanningstilbodet Utdanningsdirektoratet har lagt fram ein rapport om tildels store endringar i det yrkesfaglege utdanningstilbodet. I planen for gjennomføring av desse endringane er 1. august 2019 sett for iverksetting av ny tilbodsstruktur. Ved utarbeideidig av planen for er det ikkje teke omsyn til desse forslaga. Eventuelle endringar som følgje av denne gjennomgangen vil ein kome tilbake til i «Skolebruksplanen for » Det er ei særleg utfordring knytt til Ambulansefaget som kan bli eit 5-årig løp. Dette vil kunne få konsekvensar for dei som startar hausten 17. Ysk-tilbodet Ysk- tilbodet er handsama i Utdanningsutvalet i eiga sak Ud-18/16. Også til skoleåret 16/17 har det vore utfordrande for skolane i få nok bekrefta intensjonsavtalar. Det er ikkje gjort endringar for YSK-tilbodet i skolebruksplanen for skoleåret 17/18. Eventuelle endringar vil kome som eit resultat av vedtaket i saka om «Struktur om vidaregåande opplæring». I tillegg kan endringane i dei yrkesfaglege utdanningstilboda føre til at grunnlaget for nokre av YSK-tilboda fell vekk. Dette gjeld til dømes tilboda som er knytt til Utdanningsprogrammet Service og samferdsel. Halve klassar og marginale tilbod Å oppretthalde halve klassar, klassar med svak oppfylling og små grupper er kostnadskrevjande. Med ei framtid som truleg gir fylkeskommunen og sektoren økonomiske utfordringar er det viktig at strukturen er robust og føreseieleg og at

3 ein ikkje har tilbod som ein er usikker på om vil kome i gong. Ein viser her til vedtaket i sak UD-5/14 om krav til oppfylling (minimum 65 % av klassekapasiteten). Læreplassar og kapasitet Det er framleis utfordrande å skaffe nok læreplassar. Det er stor søking til industrifag, maritime fag og elektrofag, men på grunn av få læreplassar er det ikkje tilrådeleg å auke talet på klassar til neste år. For skoleåret 2016/2017 er VG2 brønnteknikk tatt ut av tilbodet ved Kristiansund vgs på grunn av lav søking. Det er framleis for få læreplassar i dette faget og vi anbefaler å ta tilbodet ut også for skoleåret 2017/2018. Tilbodet er lagt inn igjen frå skoleåret 18/19. I utarbeidinga av skolebruksplanen har det vore eit dilemma at vi tilbyr fleire elevplassar enn det er tilgang på læreplassar. Nye tilbod Nye tilbod skal kvalitetssikrast av fylkesutdanningssjefen slik at dei er i samsvar med godkjende læreplaner og gjeldande dokumentasjonsordningar. Difor må forslag om nye tilbod ligge føre i god tid før skolebruksplanprosessen tek til. Skolane som kjem med slike søknader må legge ved ein detaljert plan for fag og timefordeling. Nye tilbod skal i utgangspunktet vere søkbare i tre påfølgjande skoleår. Dersom det ved tredje forsøk ikkje lukkast å etablere tilbodet vert det teken ut av tilbodsstrukturen. Volda vgs ønsker å tilby utdanningsprogrammet Kunst design og arktiktur. Dette er lagt i planen frå skoleåret 17/18. Romsdal vgs ønsker ønsker at Vg2 Aktivitør og Vg2 Helseservicefag skal vere søkbare frå hausten Vg2 Aktivitør er lagt inn i planen frå skoleåret 2018/19. Om det i staden skal startast opp med Vg2 Helseservisefag frå hausten 2018, kan det gjerast i ein dialog med skolen. Fylkesutdanningssjefen meiner det ikkje er elevgrunnlag å starte desse tilboda hausten 2017, men meir aktuelt å starte opp eit av tilboda frå hausten Ønsker om nye tilbod som ikkje er tatt inn i skolebruksplanen. Fræna vgs ønsker å starte opp med Elektrofag ved skolen i tillegg til Vg3 Anleggsmaskinførarfaget. Ørsta vgs ønsker å starte med ein klasse vg2 Anleggsteknikk frå hausten Vi viser til saka om «Struktur i vidaregåande opplæring» der det er vurdert slik at det ikkje er grunnlag for å utvide tilbodet i desse utdanningsprogramma. Småskalatilbod Føresetnaden for småskalatilbod er eit nært samarbeid med lokalt næringsliv slik at ein mellom anna sikrar ei god opplæring i faget Prosjekt til fordjuping. Dersom ein ikkje forankrar småskalatilboda i lokale verksemder er det ikkje grunnlag for å sette i gang småskalatilbod. Fylkesutdanningssjefen vil som grunnlag for å oppretthalde småskalatilboda, krevje at skolane har avtaler med lokale verksemder om gjennomføring av opplæringa. Det er viktig at ein saman har ein gjennomføringsplan for å sikre kvaliteten og ivareta læreplanmål i opplæringa. Spesielt er det viktig at ein nyttar heile Prosjekt til fordjuping i opplæring i bedrift. Underskrivne avtaler skal vere på plass før 1. mars. Det er ein føresetnad for å starte opp småskalatilbod at tilbodet kan kombinerast med ein ordinær klasse for å kunne dekke opplæringa i fellesfaga. Fylkesutdanningssjefen ønskjer så langt råd er, ikkje å setje i gang småskalatilbod.

4 Dette er også lagt til grunn i arbeidet med saka om «Struktur i vidaregåande opplæring». I skolebruksplanen for 2017/2018 er det planlagd småskalatilbod på Tingvoll vgs. Årgangstal i perioden 16-åringar Tabell Summer av Summer av Summer av Summer av Summer av Summer av Totalsum Tala er henta frå «Grunnskolens Informasjons System» (GSI) der kommunane og private skolar skal legge inn faktiske tal på trinna Ved utrekning av tala for inntaksregionane er det og gjort eit overslag over søking inn og ut av regionen. Det er knytt noko uvisse til desse tala. Ein samletabell med tala for inntaksregionane er lagt ved. I saka er desse tala brukt. Tala viser at elevtalet i fylket samla sett vil gå noko ned i planperioden der året i 18/19 er det svakaste i perioden. Nokre av skolane kommenterer desse utrekningane for inntaksområder sine. Kommentarane går i hovudsak på at skolane reknar med at elevgrunnlaget for deira skole er større enn det vi har rekna ut. Vurdering I høyringsbrevet er skolane og andre invitert til å kome med innspel til skolebruksplanen. I saka er innspela samanfatta og det er gitt ei vurdering av utdanningssjefen. Ein tabell med endeleg forslag til skolebruksplan er lagt ved saka. Ein samletabell for elevtalsutviklinga er lagt ved saka. Innspela slik dei kom inn, er lagt til ved saka. Inntaksregion Kristiansund Årgangstala for inntaksregion Kristiansund er stabilt fram mot skoleåret 20/21 med unntak ein topp i 17/18.

5 I skolebruksplanen er det for skoleåret 17/18 på Vg1 planlagt 545 elevplassar. Elevtalet for same periode er berekna til 476. Atlanten vgs Atlanten vgs: Skolen ber om at både Vg1 Musikk, dans og drama med musikk og Vg1 Musikk, dans og drama med dans, vert søkbare tilbod skoleåret 2017/18. Begge programma vert samla i ein klasse og ressursbruken overstig ikkje ein klasseressurs for ein tradisjonell klasse på MDD. Skolen skriv vidare om ein på sikt kan auke kapasiteten på Idrettsfag og at ein treng eit ekstra programfag på Studiespesialisering for å dekke opp for tilbodet som ein tidligare hadde på Entreprenørskapslinja. For skoleåret 17/18 er skolebruksplanen for 16/17 vidareført. Vg1 Musikk, dans og drama med dans er lagt inn. Om trenden med svakare søking til Musikk, dans og drama held fram, må det gjerast ei ny vurdering av tilbodet. Kristiansund vgs Kristiansund vgs: Skolen er fornøyd med prosessen som utdanningsavdelinga har lagt opp til i samband med rulleringa av skolebruksplanen. Skolen ber om at Påbygging til generell studiekompetanse etter yrkeskompetanse» må inn i planen for skoleåret 17/18. På sikt ønskjer skolen å tilby utdanningsprogrammet Naturbruk- akvakultur. Skolen har vidare innspel om korleis ein skal handtere dei elevane som er søkt inn på eit ordinært studieprogram, men som skal ha opplæringa si i særskilt tilrettelagte grupper. Transportbransjens opplæringskontor Opplæringskontoret ønsker å flytte Vg2 Transport og logistikk til Romsdalsregionen. Kontoret skriv at det er læreplass-situasjonen som er bakgrunnen for dette. For skoleåret 17/18 er skolebruksplanen for 16/17 vidareført med unntak av Vg2 Interiør og utstillingsdesign og Vg2 brønnteknikk som er tatt ut av planen. Vg2 brønnteknikk er lagt inn igjen frå skoleåret 18/19. Vg2 Transport og logistikk er fortsatt lagt til Kristiansund vgs. Vg4 Påbygg til studiekompetanse er lagt inn og kapasiteten er justert til 2 klassar på Vg3 Påbygg og 1 klasse Påbygg til studiekompetanse etter yrkeskompetanse. Skolen sitt ønske om å tilby utdanningsprogrammet Naturbruk/ akvakultur er ikkje vurdert no. Inntaksregion Indre Nordmøre Sunndal vgs Årgangstala for inntaksregion Sunndal viser stabile tal med unntak ein topp for skoleåret 19/20. Sunndal vidaregåande skole: Har ingen merknad til skolebruksplanen for skoleåret 2017/18. Resten av planperioden må sjåast i samanheng med struktursaka som no er på høyring. Ungdomsutvalet til Fagforbundet Møre og Romsdal

6 Utvalet ber om at Vg2 Barne- og ungdomsarbeidarfaget ikkje vert tatt vekk. Dei skriv at det har vore gjort eit arbeid med å skaffe nok læreplassar, kommunen stiller opp med praksisplassar og om ein tar med søkarar med vaksenrett vil ein kunne ha nok søkarar til å oppretthalde tilbodet. For skoleåret 17/18 er skolebruksplanen for 16/17 vidareført. Kapasiteten på Vg1 Helse og oppvekst er justert. Kapasiteten er elles halden slik at det er mogleg å vidareføre prosjektet som var sett gang som følgje av sak UD 27/16. Vg2 barne- og ungdomsarbeidarfaget ligg inne i skolebruksplanen for 2017/2020 med ein kapasitet i skoleåret 2017/2018 på 1 klasse og 15 elevplassar. Surnadal Årgangstala for inntaksregion Surnadal viser stabilt tal fram til skoleåret 17/18. Frå skoleåret 18/19 og framover vil det bli ei utfordring å ha nok elevar til å kunne starte opp alle tilboda. Surnadal vgs: Skolen har ikkje merknader til forslaget til skolebruksplanen. Skolen skriv om dei utfordringane dei har med rekrutteringa til skolen, men at dei reknar med at eventuelle kapasitetsjusteringar vert gjort når tala frå søkinga er klare. Transportbransjens opplæringskontor Kontoret ønsker eit småskalatilbod innan Vg2 Transport og logistikk på Indre Nordmøre. For skoleåret 17/18 er skolebruksplanen for 16/17 vidareført med unntak for Vg2 Transport og logistikk som etter avtale med skolen er tatt ut. Kapasiteten på Vg2 Byggteknikk er justert. Tingvoll vgs Årgangstalet for inntaksregion Tingvoll er stabilt på noko over 45. Skolen vil derfor fortsatt ha ei utfordring med å oppretthalde alle tilboda. Tingvoll vgs: Skolen er nøgde med at forslaget til tilbodsstrukturen ved skolen i hovudsak vert oppretthalden. Skolen skriv vidare at det må vere ein samanheng mellom tilbodsstruktur og ressurstildeling. Mellom anna meiner skolen at det må vere ein heil klasse Vg1 helse og oppvekstfag også frå neste skoleår. Småskalatilbod treng å bli kopla opp mot ein heil klasse yrkesfag for å ha ressursar til fellesfaga. Skolen ber vidare om å få eit Vg2-tilbod innan Helse og oppvekstfag for å ha kontinuitet i utdanningsløpet. Skolen skisserer 0,5 klasse på kvar av Vg2 Helsearbeidarfag og Vg2 barne og ungdomsarbeidarfag. Skolen ber om at kapasiteten på Vg3 påbygg vert sett til 0,5 klasse. For skoleåret 17/18 er skolebruksplanen for 16/17 vidareført, men kapasiteten på Vg1 medier og kommunikasjon er auka. Det vart i skoleåret 16/17 starta opp småskalatilbod ved Tingvoll vgs utan at skolen hadde ein heil yrkesklasse på Vg1. Dette er vidareført i skolebruksplanen for 2017/2020. Ressursane som trengs for å gje elevane eit tilbod i fellesfaga vert tilført skolen ved ei særskilt tildeling. Det er ikkje elevgrunnlag til å sette i gang ein heil klasse på Vg1 Helse- og oppvekstfag eller ein halv klasse på Vg2 Helsearbeidarfag og ein halv klasse på Vg2 Barne og ungdomsarbeidarfag.

7 Søkinga avgjer kva tilbod som vert sett i gang. Inntaksregion Romsdal utanom Molde Fræna vgs Årgangstala viser at Fræna i åra som kjem vil få ein auke i elevtalet med ein topp i slutten av perioden. For skoleåret 17/18 er skolebruksplanen for 16/17 vidareført. Fræna vgs: Skolen er ikkje nøgd med at det ikkje er ei auke i elevplassar til tross for ei forventa auke i elevtalet. Skolen meiner av HMS-omsyn at elevplassane må reduserast i Vg2 Byggteknikk og Vg2 Kokk og servitør. Ved behov kan skolen starte opp eit Vg3-tilbod i tømrarfaget og ein innføringsklasse for minoritetsspråklege elevar. Fylkesutdanningssjefen sin vurdering: For skoleåret 17/18 er skolebruksplanen for 16/17 vidareført. Kapasiteten på Vg2 Byggteknikk og Vg2 Kokk og servitør er justert. Gjermundnes vgs Det er ikkje rekna ut noko elevgrunnlag for skolen sidan skolen rekrutterer frå heile fylket. For skoleåret 17/18 er skolebruksplanen for 16/17 vidareført. Søkinga til tilboda innan Grønt naturbruk veks og kapasiteten er difor auka noko i planperioden. Gjermundnes vgs: Skolen har ikkje merknader utover 2 forslag til endringar i talet på elevplassar. Opplæringskontoret for anleggs- og bergfaga(okab) OKAB stiller seg tvilande til om det er nok læreplassar til å auke talet på elevplassar frå 5 til 14 ved Gjermundnes vgs i Vg2 Anleggsgartnarfaget. For skoleåret 17/18 er skolebruksplanen for 16/17 vidareført. Kapasiteten på Vg3 Naturbruk studieførebuande og Vg3 Påbygg til studiekompetanse er justert. Det er tatt omsyn til OKAB sine merknader og kapasiteten på Vg2 Anleggsgartnarfaget er redusert til 7 elevplassar. Rauma For inntaksregion Rauma ligg tala rundt 100. For skoleåret 17/18 er skolebruksplanen for 16/17 vidareført. : Rauma vgs: Skolen ønsker Påbygg etter yrkeskompetanse inn i skolebruksplanen. Opplæringskontoret for anleggs- og bergfaga(okab) OKAB er glad for at VG1 TIP ved Rauma er vidareført. Dette gir eit godt grunnlag for eit tilbod på VG2 anleggsteknikk. Bilbransjen i Rauma Ber om at Vg2 Kjøretøy vert starta opp kvart år ved Rauma vgs. For skoleåret 17/18 er skolebruksplanen for 16/17 vidareført.

8 Det er lagt inn 0,25 klasse Vg4 Påbygg etter yrkeskompetanse. Vg2 Barne -og ungdomsarbeidarfaget ligg fortsatt i planen og kapasiteten på Vg2 Elenergi er justert. Med tanke på nedgangen i elevtalet er det ikkje grunnlag for å starte eit tilbod i Vg2 Kjøretøy ved skolen. Søkinga avgjer kva tilbod som vert sett i gang. Inntaksregion Molde Elevtala for inntaksregion Molde går ned fram til 2019 før det stig att i I skolebruksplanen er det for skoleåret 17/18 på Vg1 planlagt 637 elevplassar. Elevtalet for same periode er berekna til 562. For skoleåret 18/19 er det større forskjell på talet planlagde elevplassar og rekna elevgrunnlag. Molde vgs For skoleåret 17/18 er skolebruksplanen for 16/17 vidareført. Skolen har valt å ikkje tilby Studiespesialisering med internasjonalisering. Kapasiteten på Studiespesialisering er sett til 5 klassar på alle trinn. Molde vgs: Skolen har ingen endringsforslag og meiner at den skisserte planen vil dekke behovet i Molde-regionen dei næraste åra. Skolen skriv at om elevsøking blir som forventa bør byggetrinn II ved skolen bli framskynda. For skoleåret 17/18 er skolebruksplanen for 16/17 vidareført. Det er sett på samla kapasitet ved skolen når kapasiteten på Studiespesialisering er sett. Den økonomiske situasjonen for fylkeskommunen gjer det usikkert om det vil bli midlar til eit Byggetrinn II ved Molde vgs. Ein må ved utarbeidinga av seinare skolebruksplaner sjå på kapasiteten ved skolen og vurdere om til dømes Medier og kommunikasjon kan reduserast med 1 klasse eller om et tilbod som til dømes Kunst, design og arkitektur kan flyttast til Romsdal vgs. Romsdal vgs For skoleåret 17/18 er skolebruksplanen for 16/17 vidareført. Vg2 Aktivitør er lagt inn i planen frå skoleåret 18/19. : Romsdal vgs: Skolen ber om at elevtalet vert korrigert på fleire utdanningsprogram. Vidare ber skolen om at namnet på tilbodet «Teknologifag el/tip» vert endra og at kapasiteten til heile tilbodet vert gjennomgått. Skolen meiner at kapasiteten på Vg1 Service og samferdsle fortsatt bør vere 2 klassar. Skolen ber om at programfaget Vg2 Helseservice vert søkbart frå hausten Skolen meiner Vg2 Klima og, energi og miljø børe vere lagt inn i planen frå hausten Det er halde fast ved namnet Teknologifag El/TIP, 3-årig i skolebruksplanen. Skolen disponerer 1 klasse frå TIP og 1 klasse frå Elektro og gjer denne om til ein heil studieførebuande klasse TIP/El. Dette er i tråd med det skolen skisserer i søknaden om oppretting av tilbodet datert Begge tilboda vert søkbare kvar for seg.

9 Elevplassane er justert til 24. Kapasiteten på Vg1 Elektrofag er sett til 4 klassar. Elevplassane på Vg1 Design og handverk er justert til 30. Kapasiteten på Vg1 Service og samferdsel er 2 klassar. Skolen ønsker i tillegg til Vg2 Aktivitør at også Vg2 Helseservicefag skal vere søkbare frå hausten Vg2 Aktivitør er planlagt starta opp frå Om det i staden skal startast opp med Vg2 Helseservisefag frå hausten 2018, kan det gjerast i ein dialog med skolen. Fylkesutdanningssjefen meiner det ikkje er elevgrunnlag for å starte desse tilboda hausten 2017, men meir aktuelt frå hausten Vg2 Klima, energi og miljø er lagt inn i planen frå hausten Med tanke på nedgang i elevtal i skoleåret 18/19 og fleire planlagde tilbod ved skolen, må ein ved utarbeidinga av neste skolebruksplan sjå samla kapasitet. Nordre Sunnmøre Inntaksregion Ålesund Tala for inntaksregion Ålesund vil ligge på om lag 1000 elevar i perioden, noko svakare i 18/19 og 19/20. I skolebruksplanen er flyttinga av Idrettsfag frå Ålesund vgs til Spjelkavik vgs innarbeidd frå skoleåret 19/20. I skolebruksplanen er det 1045 elevplassar for Ålesundsregionen skoleåret 17/18. Plassar ved Akademiet kjem i tillegg. Elevtalet for skoleåret 17/18 er berekna til Borgund vgs For skoleåret 17/18 er skolebruksplanen for 16/17 vidareført. : Skolen er ueinig i at kapasiteten er satt til 4 og ikkje 5 klassar på Vg1 Helse og oppvekstfag. Dette vil gjere rekrutteringa vanskeleg til Vg2 helseservicefag. Skolen har eit sterk fagmiljø innan for dette faget. Skolen må få oppretthalde 2 klassar på Vg2-nivå for på ein forsvarleg måte å kunne rekruttere til Vg3 helsesekretær og Vg3 Apotekteknikk. Skolen ber om at elevtalet på Vg3 Apotekteknikk, Helsesekretær og Hudpleiefag vert sett til 12. Skolen meiner kapasiteten på Vg1 Design og handverk bør aukast frå 3 til 4 klassar og foreslår å omdisponere ein klasseressurs frå Vg2 frisør til Vg1 Design og handverk. Skolen skriv vidare at elevtalet i yrkesklassane varierer frå 12 til 15 elevplassar. Ved eit høgt elevtal i yrkesklassane er det behov for ekstra ressursar og ber om at dette vert innarbeida i budsjettet. Skolen ber vidare om ei vurdering av YSK-tilbodet. Til slutt ber skolen om at ressursane til ordinær vidaregåande opplæring og opplæring av vaksne vert sett i samanheng. Ungdomsutvalet til Fagforbundet Møre og Romsdal Utvalet ber om at det fortsatt vert sett i gang 5 klassar ved Vg1 Helse- og oppvekstfag. Stor søking og at dette er ei ettertrakta utdanning gjer at kapasiteten på tilbodet må oppretthaldast. Eit redusert tilbod vil også få konsekvensar for søkinga til Vg2- og Vg3- tilboda. Dei ønsker også å oppretthalde kapasiteten på Vg2 helsearbeidarfag. Dei ber og om at ein ser på søkarar med vaksenrett når kapasiteten vert sett. Opplæringskontoret for anleggs- og bergfaga(okab)

10 Ved Borgund vgs er det i gjeldande plan dimensjonert med to klassar og 26 elevar på VG2 anleggsteknikk. Opplæringskontoret meiner det kan vere grunnlag for å auke kapasiteten på dette tilbodet. For skoleåret 17/18 er skolebruksplanen for 16/17 vidareført. Kapasiteten på Vg1 Helse og oppvekstfag er redusert med ein klasse. Kapasiteten Vg1 Design og handverk er ikkje endra. Etter fylkesutdanningssjefen si meining er det ikkje elevgrunnlag for å auke kapasiteten. Dette kan justerast etter søkinga våren 17. Elevtalet på Vg3 Apotekteknikk, Helsesekretær og Hudpleiefag er sett til 12. Fagerlia vgs: For skoleåret 17/18 er skolebruksplanen for 16/17 vidareført. Fagerlia vgs: Skolen viser til endringane i strukturen i Ålesund og ber om at skolebruksplanen vert oppdatert når struktursaken er vedtatt. Skolen ber om at dimensjoneringa på Studiespesialisering vert justert til 3 klassar på Vg1. Vidare at på Vg2 Språksamfunn og økonomi vert dimensjoneringa sett til ein halv klasse både på forskar- og internasjonal linje. Vg3 Studiespesialisering må dimensjonerast med 1,5 klasse både på Språk, samfunn og økonomi og Realfag. Vg3 Påbygg bør ha 2 klassar. For skoleåret 17/18 er skolebruksplanen for 16/17 vidareført. Kapasiteten på Vg1 og Vg2 Studiespesialisering er sett til 2 klassar. Bakgrunnen er nedgangen i samla elevtal i Ålesundsregionen og aukinga i kapasiteten på Vg1 Kunst, design og arkitektur ved skolen. Kapasiteten på Vg3 Studiespesialisering 17/18 er dimensjonert etter inntaket til Vg2 skoleåret 16/17. Kapasiteten på Vg3 Påbygg generell studiekompetanse er sett til 1 klasse. Ved vurderinga er det sett på samla kapasitet i Ålesundsregionen. Det er signalisert at Ambulansefaget skal endrast, ei løysing med eit 5-års løp er aktuell. Det kan derfor bli endringar i faget i planperioden. Spjelkavik vgs: For skoleåret 17/18 er skolebruksplanen for 16/17 vidareført. : Spjelkavik vgs har ingen merknader til forslaget. For skoleåret 17/18 er skolebruksplanen for 16/17 vidareført. Ålesund vgs: For skoleåret 17/18 er skolebruksplanen for 16/17 vidareført. Vg2 Kjemiprosess er søkbart i planen frå 18/19. : Skolen meiner at ein bør ta omsyn til opplæringsbehovet til innvandrarar og flykningar ved dimensjoneringa av utdanningstilbodet i fylket. Skolen ber om at talet på skoleplassar vert auka. Skolen skriv at dei ønskjer å vente med å starte opp Kjemiprosess til skoleåret 18/19. Skolen ber om at Vg1 Teknikk og industriell produksjon og Vg2Transport og logistikk vert auka til 2 klassar kvar.

11 Vidare skriv skolen at ST entreprenørskap og bedriftsutvikling må ha heil klasse på Vg2 og vg3. Skolebruksplanen for 16/17 vert vidareført i 17/18. Fylkesutdanningssjefen legg inn tilbodet om Vg2 Kjemiprosess frå skoleåret 18/19. Kapasiteten på Vg1 Teknikk og industriell produksjon er sett til 1 klasse. Kapasiteten på Vg2 Transport og logistikk er ikkje endra. Etter fylkesutdanningssjefen si meining er det ikkje elevgrunnlag for å auke kapasiteten. Dette kan eventuelt justerast etter søkinga våren 17. Kapasiteten på ST entreprenørskap og bedriftsutvikling er sett til ein heil klasse på Vg2 og vg3. Inntaksregion Haram Haram vgs Tala for inntaksregion Haram er stabile på rundt 90 med ein topp i 17/18. For skoleåret 17/18 er skolebruksplanen for 16/17 vidareført. Haram vidaregåande skule: Skolen seier seg i hovudsak einige med hovudkonklusjonen for Haram vidaregåande skule, der det er stabile tal for dei komande 10 åra, og at skulebruksplanen for 17/ 1 8 er ei vidareføring av skulebruksplanen for 16/17. Haram vidaregåande skule søkjer ikkje om nye tilbod for skuleåret 17/18, men vi vil fokusere på å vidareutvikle og kvalitetssikre innhaldet i tilboda vi allereie har. Skolen kommenterer prognosen for elevtala. Skolen meiner å ha eit noko høgare rekrutteringsgrunnlag enn det som høyringsbrevet skisserer. Skolen kommenterer vidare om talet på plassar i enkelte grupper og økonomien i YSK-tilboda. Skolebruksplanen for 16/17 vert vidareført i 17/18. Kapasiteten på Vg2 barne og ungdomsarbeidar og på Vg2 Studiespesialisering er justert. Skolen sine merknader om elevtalet er tatt med i planen. Inntaksregion Stranda Stranda vgs Tala for inntaksregion Stranda viser ein nedgang i heile perioden. Det vil etter kvart bli ei utfordring å oppretthalde alle tilboda ved skolen. For skoleåret 17/18 er skolebruksplanen for 16/17 vidareført. I tillegg er 0,5 klasse Vg1 Restaurant og matfag lagt inn igjen frå skoleåret 17/18. Søkinga vil bestemme kva tilbod som vert sett i gang. : Stranda vgs: Framlegget samsvarer med skolen sine ønske om utdanningstilbod. Skolen kommenterer kapasiteten ved nokre av tilboda ved skolen. Mellom anna ønsker skolen å ha ein heil klasse Vg1 Helse og omsorgsfag, men ser for seg at det kapasiteten på Vg2 Industriteknologi kan reduserast til ein halv klasse. Opplæringskontoret for anleggs- og bergfaga(okab) OKAB er positiv til at Vg1 Teknikk og industriell produksjon vert vidareført ved Stranda vgs. Skolebruksplanen for 16/17 vert vidareført i 17/18. For Vg1 Restaurant og matfag er kapasiteten redusert til 0,5 klasse.

12 Kapasiteten på Vg1 Helse og oppvekst, Vg2 Helsearbeidarfag og Vg2 Industriteknologi er halden slik den låg i høyringsutkastet. Dette er gjort for å ha god samanheng i kapasiteten på Vg1 og Vg2. Inntaksregion Sykkylven Sykkylven vgs Tala for inntaksregion Sykkylven viser ein nedgang i heile perioden og utviklinga er særleg svak i slutten av perioden. Det kan etter kvart bli ei utfordring å oppretthalde alle tilboda ved skolen. : Sykkylven vgs: Skolen ber om at kapasiteten på Vg3 Påbygging til generell studiekompetanse blir satt til 1 klasse. Skolen ønsker å ha tilbod om Vg4 Påbygging etter yrkeskompetanse i denne klassen. Skolen er skeptisk til at Stranda vgs får starte Vg2 Industriteknologi. Her meiner skolen det vil oppstå ein uheldig konkurransesituasjon. Skolebruksplanen for 16/17 vert vidareført i 17/18. For Vg2 Industriteknologi er kapasiteten redusert til 1 klasse. Det er lagt inn 0,25 klasse Vg4 Påbygg etter yrkeskompetanse slik at samla kapasitet på Påbygg er 1 klasse. Nedgangen i elevtalet for både Sykkylven og Stranda gjer at samla kapasitet for regionen er noko høg. Fylkesutdanningssjefen vidarefører likevel kapasiteten. Søkinga våren 2017 vil då avgjere kva tilbod som kjem i gang. Inntaksregion Ytre søre Sunnmøre Tala for inntaksområde ytre Søre Sunnmøre viser ein markert nedgang for skoleåret 17/18. Det er ein svakt stigande tendens etter skoleåret 17/18. Herøy vgs For skoleåret 17/18 er skolebruksplanen for 16/17 vidareført. Det er gjort ei kapasitetsjustering på Vg1 teknikk og Industriell produksjon frå 4 til 3 klassar. Herøy vgs: Skolen meiner det ikkje er rett å redusere klassetalet på Vg1 Teknisk og industriell produksjon frå 4 til 3 og at det er meir realistisk å redusere Vg2 Industriteknolog frå 2 til 1. Skolen skriv at fordelinga mellom Vg3 påbygg og påbygg etter yrkeskompetanse skal vere 0,75 klasse og 0,25 klasse. Elevtalsutviklinga gjer det er naudsynt å redusere kapasiteten. Ein har valt å gjer dette på Vg1 TIP. Kapasiteten på Vg2 Industriteknologi i 17/18 er sett ut frå inntaket på Vg1 TIP i 16/17. Kapasiteten på Vg3 Påbygg og Påbygg etter yrkeskompetanse er sett til 0,75 klasse og 0,25 klasse. Ulstein vgs: For skoleåret 17/18 er skolebruksplanen for 16/17 vidareført. Kapasiteten på Vg1 Servise og samferdsel aukar med ein klasse frå 17/18. For Vg2

13 Sal, service og sikkerhet er kapasiteten auka frå skoleåret 18/19. Kapasiteten er og auka vidare i planperioden for dette tilbodet. Vi viser til det som står under Volda vgs om flyttinga av tilbodet. : Ulstein vgs: Ulstein vgs kommenterer kapasiteten på fleire tilbod. Mellom anna skriv skolen at det ikkje vil vere behov for meir enn 3 klassar Studiespesialisering på Vg3. Skolen er også usikre på om dei greier å rekruttere til 2 klassar på Vg1 Service og samferdsel. Skolen skriv vidare om behovet for eit tilbod til minoritetsspråklege elever med ekstra språkopplæring. Skolen meiner dei skal ha eit tilbod om Påbygg etter yrkeskompetanse. Kapasiteten bør settast til 0,25 klasse som saman med oppsett 0,75 klasse med ordinær Påbygg gir ein klasseressurs. Transportbransjens opplæringskontor Dei støttar samlinga av vg1 Service og samferdsel til Ulstein vgs. Service og samferdsel skal no rekruttere frå heile Søre Sunnmøre. Kapasiteten er difor oppretthalden. Søkinga vil avgjere om kva som vert starta opp. Kapasiteten på Påbygg etter yrkeskompetanse er 0,25 klasse som saman med 0,75 klasse med ordinær Påbygg gir ein klasseressurs. Kapasiteten på Vg3 Studiespesialisering er sett til 3 klassar. Herøy vgs, avdeling Vanylven Tala for inntaksområde Vanylven er sterkt fallande utover i perioden. Det vil bli store utfordringar med å oppretthalde tilbodet ved avdelinga allereie frå skoleåret 17/18. I skolebruksplanen er tilboda likevel oppretthaldne for skoleåret 17/18. Kapasiteten er redusert på grunn av den venta nedgangen i elevtall. Herøy vgs: Skolen støttar forslaget til struktur, men ber om at kapasiteten vert oppretthalden med heila klassar Vg1 Studiespesialisering og Vg1 Helse og oppvekst. Kapasiteten ved skolen er sett med bakgrunn i elevtalsutviklinga. Fylkesutdanningssjefen er klar over dei utfordringane avdelinga i Vanylven vil få. For dei yrkesfaglege utdanningsprogramma kan eit samarbeid med lokalt næringsliv og samanslåing av klassar vere ei, om ikkje gunstig, løysing. Utfordringane for Vg1 Studiespesialisering vil vere større. Her må det sjåast på alternative måtar å løyse dette på. Fjernundervisning kan vere ein måte. Utover i perioden er Vg2-tilboda tatt bort. Inntaksregion Indre Søre Sunnmøre Tala for inntaksregion Indre Sunnmøre viser stabile tal på om lag 250 med ein topp i skoleåret 17/18. Volda vgs: For skoleåret 17/18 er skolebruksplanen for 16/17 vidareført med unntak av Vg1 service og samferdsel som går ut og vert lagt til Ulstein vgs. Vg2 Salg, service og sikkerhet er planlagt flytta til Ulstein vgs frå skoleåret 18/19. Studieførebuande tilbod om Kunst, design og arkitektur er lagt til frå skoleåret 2017/18.

14 Volda vgs: Skolen viser til søknaden om å få starte opp utdanningsprogram for Kunst, design og arkitektur. Skolen skriv vidare om moglegheita for å starte opp et tilbod på Studiespesialisering med toppidrett med vekt på volleyball ved skolen. Dette vil skolen kome tilbake til i slutten av planperioden. Elles skriv skolen om kommunestrukturen og at ved ei samanslåing med Hornindal kan ein få fleire søkjarar til skolen. For skoleåret 17/18 er skolebruksplanen for 16/17 vidareført. Det er lagt inn eit tilbod om utdanningsprogram for Kunst, design og arkitektur. Kapasiteten er sett til ein halv klasse. Vg1 Studiespesialisering er tilsvarande redusert. Ørsta vgs For skoleåret 17/18 er skolebruksplanen for 16/17 vidareført. Det er lagt inn eit tilbod om V2 helseservicefag. Kapasiteten på Vg1 Bygg og anleggsteknikk er redusert til 1 klasse og på Vg1 teknikk og industriell produksjon redusert til 2 klassar. Det er foreslått ei auke i kapasiteten på Vg2 byggteknikk til 2 klassar. : Ørsta vgs: Skolen ønsker å auke kapasiteten på desse utdanningsprogramma: Frå 1 til 2 klasser vg1 Bygg og anleggsteknikk, frå 2 til 3 klasser vg1 Elektrofag, frå ein halv 1 heil klasse på vg1 Restaurant og matfag og frå 2 til 3 klasser vg1 Teknikk og industriell produksjon. På Vg2 frå ein halv til 1 heil klasse vg2 Helseservicefag. Som nye tilbod ønsker skolen frå hausten 2017 å starte med 1 klasse vg2 Anleggsteknikk og 1 klasse vg4 Påbygging til generell studiekompetanse etter yrkeskompetanse (PBPBY4YK). Opplæringskontoret for anleggs- og bergfaga(okab) OKAB er positiv til at tilboda ved Ørsta vgs på Teknikk og industriell produksjon, Bygg og anlegg og Vg2 Anleggmaskiner er vidareført. Kapasiteten er sett til 1 klasse Vg1 Restaurant og matfag i heile perioden. Det vert teke atterhald om at den planlagde flyttinga til Herøy vert gjort i perioden. Kapasiteten på Vg1 Bygg og anlegg er sett til 1 klasse, Vg1 Elektrofag er sett til 2 klassar og Vg1Teknisk og industriell produksjon er sett til 2 klassar. På Vg2 Helseservisefag er lagt inn og kapasiteten sett til 1 klasse. Kapasiteten på Vg2 Barne og ungdomsarbeidarfag er redusert til 1 klasse. Etter søkinga kan kapasiteten justerast. Fylkesutdanningssjefen meiner det ikkje er elevgrunnlag for eit Vg2-tilbod i Anleggsteknikk. Påbyggtilboda er samla på Volda vgs og fylkesutdanningsjefen ønskjer ikkje å endre på det no. frå andre Utdanningsforbundet: Dei er positive til at nokre skoler får eit utvida tilbod, men er og bekymra for dei skolane som misser tilbod. Utdanningsforbundet meiner det einsidige fokuset på ungdomsrett er med på å skape eit svært lite robust opplæringstilbod både for elevar med ungdomsrett og andre innbyggjarar som har rett eller behov for vidaregåande opplæring.

15 UF meiner fylkeskommunen må tenke langsiktig når ein skal dimensjonere tilbodet i vidaregåande opplæring. Utdanningsforbundet er opptekne av at dei økonomiske rammene ved bruk av halve klassar og småskaltilbod må vere slik at kvaliteten vert oppretthalden. Utdanningsforbundet støttar den restriktive linja ved oppretting av småskaltilbod. UF skriv vidare om utfordringane om å få nok læreplassar. I utarbeidinga av planen er Lokal inntaksforskrift brukt: 3 i den lokale forskrifta om inntaket i Møre og Romsdal: «Fylkesutdanningssjefen gir tilbod til alle søkjarar med ungdomsrett. Fylkesutdanningssjefen gir så langt råd tilbod om tilbod til søkjarar med fullføringsrett». Sjølv med ein nedgang i samla elevtal for fylket i skoleåret 17/18 er talet på elevplassar auka. Dette kan gje fleire utan ungdomsrett eit tilbod om vidaregåande opplæring. Fylkesskolesjefen ønsker ikkje å gå inn for å starte eigne innføringsklassar. Tilbodet er opplæring i grunnskulefag og norsk som ei førebuing til vidaregåande opplæring. Det er eit ansvar som kviler på kommunane. Det er opna for at den enkelte skole kan ha eit samarbeid med vertskommunen om slike klassar. Fylkesutdanningssjefen deler Utdanningsforbundet sitt syn på småskala-tilboda og læreplass-situasjonen. Opplæringskontoret for anleggs- og bergfaga(okab) OKAB stiller seg tvilande til om det er nok læreplassar til å auke talet på elevplassar frå 5 til 14 ved Gjermundnes vgs i anleggsgartnarfaget. OKAB er glad for at VG1 TIP ved Rauma er vidareført. Dette gir eit godt grunnlag for eit tilbod på VG2 anleggsteknikk. Ved Borgund vgs er det i gjeldande plan dimensjonert med to klasser og 26 elevar på VG2 anleggsteknikk. Opplæringskontoret meiner det kan være grunnlag for å auke kapasiteten på dette tilbodet. OKAB er positiv til at Vg1 teknisk og industriell produksjon blir vidareført ved Stranda vgs og Sykkylven vgs og til at tilboda ved Ørsta vgs på TIP, BA og Vg2 Anleggmaskiner er vidareført. Høyringsuttalen frå Opplæringskontoret for anleggs- og bergfaga(okab) er lagt under dei skolane uttalen gjeld. Ungdomsutvalet til Fagforbundet Møre og Romsdal Høyringsuttalen frå Ungdomsutvalet er lagt under dei skolane utalen gjeld. Transportbransjens opplæringskontor Opplæringskontoret ønskjer å flytte Vg2 Transport og logistikk til Romsdalsregionen. Kontoret skriv at det er læreplass-situasjonen som er bakgrunnen for dette. Dei støttar samlinga av vg1 Service og samferdsel til Ulstein vgs. Opplæringskontoret ønskjer eit Vg2-tilbod innan Transport og logistikk på Indre Nordmøre.

16 Fylkesutdanningssjefen sin vurdering: Høyringsuttalen frå Transportbransjens opplæringskontor er lagt under dei skolane uttalen gjeld. Forslag til vedtak: 1. Utdanningsutvalet sluttar seg til framlegget til vedlagte skolebruksplan. 2. I samband med inntaket til vidaregåande opplæring får fylkesrådmannen mynde til å justere elevtalet og klassetalet innafor skole- og tilbodsstrukturen i vedteken skolebruksplan. 3. Forslag om nedlegging og oppretting av tilbod som eit resultat av inntaket 2017, skal leggast fram for utdanningsutvalet til behandling i møtet Fylkesrådmannen får mynde til å gjere dei nødvendige budsjettkorrigeringane for 2017 under fylkestingsramme D05 vidaregåande opplæring, slik at budsjetta til skolane vert i samsvar med vedtak om skolebruksplanen/økonomiplanen , og budsjettjusteringar i høve inntaket Ottar Brage Guttelvik fylkesrådmann Erik Brekken fylkesutdanningssjef Vedlegg 1 Skolebruksplan , alle skoler 2 Prognose elever pr inntaksområde 3 Tabell elevplasser heile fylket 4 Tabell oversikt tilbod pr region 5 Høyringsuttalar frå skolane på Nordmøre 6 Høyringsuttalar frå skolane i Romsdal 7 Høyringsuttalar frå skolane på Nordre Sunnmøre 8 Høyringsuttalar frå skolane på Søre Sunnmøre 9 Høyringsuttalar frå andre