Jnr. 1011.18 GJG/rr Ordførarar og rådmenn i Sunnhordland Ordførar og rådmann i Fusa kommune Ordførar og rådmann i Haugesund kommune Ordførar og rådmann i Vindafjord kommune INNKALLING TIL MØTE I SAMARBEIDSRÅDET FOR SUNNHORDLAND Det vert møte i Samarbeidsrådet for Sunnhordland fredag, 2. februar kl. 09.30 på Advantec, Eldøyane, Stord Då vert føre: Sak 01/18 Godkjenning av referat frå møte 7. desember 2017 Sak 02/18 Regionreforma arbeidet vidare Sak 03/18 Vidaregåande skuletilbod prosess Sak 04/18 Sunnhordland Museum Sak 05/18 E 134 - Arm til Bergen Sak 06/181 Skriv og meldingar a) Representant i samarbeidsorgan for folkehelse i kommunane b) Skjønsmidlar frå fylkesmannen c) Møte med næringsavdelinga i fylkeskommunen d) Fellesmøte med Atheno e) Interimsstyret Stord folkehøgskule f) Studietur til Cork City Tidsplan: Kl. 09.30-10.00 Kl. 10.00-10.45 Kl. 11.00 Kl. 12.00 Kl. 12.45-14.00 Presentasjon av Advantec Haugland kraft er invitert til møte for blant anna drøfta kapasitet, linjenett og fiber/energi. Saker til handsaming Lunsj Forts. saker til handsaming Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no
Sunnhordland, 25. januar 2018 Gro Jensen Gjerde Dagleg leiar
MØTEBOK Samarbeidsrådet for Sunnhordland Fredag 2. februar d.å. kl. 09.30 Advantec på Eldøyane, Stord Sak 02/18 GJG/rr Regionreforma arbeidet vidare med fordeling av funksjonar Hordaland og Sogn- og fjordane har starta arbeidet med å bygga «Vestlandet». Det er sett ned ei fellesnemnd med fylkesutvala i begge fylka. Ei viktig oppgåve for fellesnemnda er å fordela «funksjonar» i det nye fylke. Det er lagt opp til at nokre funksjonar, som til dømes næring, skal vera likestilt i begge dei gamle fylka. Andre funksjonar skal delast mellom byregionen Bergen og distriktet. Dette gjeld blant anna veg, kollektivtrafikk og skule. Då Samarbeidsrådet i desember møtte fylkesordførar og andre frå politisk leiing og administrasjon utfordra fylkesordføraren Samarbeidsrådet på kva funksjonar regionen kunne tenka å få til seg. Vidare utfordra ho på korleis Sunnhordland stilte seg til at det vart lagt funksjonar til Haugalandet, td. i Karmøy eller Haugesund, dersom dei vel å gå over til «Vestlandet». I møte svara Samarbeidsrådet at dette ikkje var drøfta i rådet, men at me vil koma attende til dette. Administrasjonen legg dette fram som sak, slik at Samarbeidsrådet saman kan drøfta ulike funksjonar som er ynskjeleg å få til regionen, og få utarbeid ein strategi for å lukkast med dette. Dette må vera funksjonar det er ein reell moglegheit å få til Sunnhordland. Haugalandet til «Vestlandet» Det er eit uttrykt ønske frå Sunnhordland, Hordaland og Sogn og fjordane at Rogaland kjem med i «Vestlandet». Det har Rogaland sagt nei til, men det er drøftingar i nokre av kommunane på Haugalandet om at ein overgang kan vera aktuelt. Dette er ikkje avklart, men det er dialog mellom representantar frå fylkeskommunen og Haugesund kommune. Dersom det vert ein realitet bør det ikkje vera eit problem for Sunnhordland om det vert lagt funksjonar til Haugesund. Administrasjonen meiner at dette er prosessar som går utanom Samarbeidsrådet, og at rådet difor bør ha fokus på kva funksjonar som kan desentraliserast til Sunnhordland. I intensjonsplan for samanslåing står det følgjande om samferdsle, vidaregåande opplæring og idrett, kultur og næring: Vidaregåande opplæring og idrett Sektorleiar for vidaregåande opplæring og idrett skal ha sitt hovudsete i Hordaland (Bergen). Under denne leiaren vert plan -og strategiansvaret for den vidaregåande opplæringa i Bergensområdet lagt til Hordaland, medan tilsvarande plan- og strategiansvar for den vidaregåande opplæringa i distrikta utanom Bergensområdet vert lagt til Sogn og Fjordane.
Samferdsle Under hovudutval for samferdsle vert ansvaret for kollektivtransporttilbodet og veg delt mellom to sektorleiarar. Sektorleiar for kollektivtransport får ansvaret for tenestetilbodet i heile regionen, og denne får sitt hovudsete i Hordaland (Bergen). Sektorleiar for veg får sitt hovudsete i Sogn og Fjordane. Det vil under denne sektorleiaren bli etablert eit tredelt plan- og strategiansvar for dei geografiske områda Sogn og Fjordane, Bergensområdet og distrikta i Hordaland. Næring Under hovudutval for næring vert det etablert eit delt geografisk ansvar basert på dagens fylke, Hordaland og Sogn og Fjordane (to likestilte sektorleiarar). Hovudutvalet skal samordne den næringsretta innsatsen i Vestlandsregionen. Kultur Sektorleiar for kultur skal ha sitt hovudsete i Sogn og Fjordane. Det vil under denne sektorleiaren bli etablert eit tredelt plan- og strategiansvar for dei geografiske områda Sogn og Fjordane, Bergensområdet og distrikta i Hordaland. Vilkår for den nye regionen Fylkestinga i dei to fylka har stilt fleire vilkår for å etablera ein ny folkevald region. Dette er blant anna at viktige samfunnsoppgåver blir overført frå statleg til regionalt nivå, og at desse vert sett i samanheng med sentrale oppgåver og ansvarsområde som fylkeskommunen no har. Vurdering Arbeidet med å byggja ein ny region er nett starta. Det er difor mykje som skal på plass før tidspunkt for samanslåing, som er 01.01.2020. Det er i intensjonsavtalen lagt rammer for endeleg administrativ organisering. Det er under nokre fagområde gjort ei deling av oppgåver i Sogn og Fjordane Hordaland Bergen Hordaland distrikt I organisasjonskartet kan det sjå ut som om næring og ligg under Hordaland distrikt, men dette er lagt inn under to likestilte sektorleiarar i begge fylka. Administrasjonen meiner at det er oppgåver som er tenkt innanfor Hordaland distrikt som kan vera mest aktuelle for Samarbeidsrådet å arbeida for å få lagt til Sunnhordland. Dette er områda veg, opplæring og idrett, og kultur. Samarbeidsrådet må ta ei drøfting på om regionen skal arbeida for «ein av alle» eller spissa argumentasjonen for eit av fagområda. Argument som tilseier at fagområda kan leggast til Sunnhordland er tilgang på kompetanse, avstand til Sogn og fjordane. Eit argument må og vera nærleiken til Rogaland Haugalandet dersom Rogaland vel å gå inn i den nye regionen.
Framlegg til vedtak 1. Samarbeidsrådet meiner at eit eller fleire av dei tre områda veg, opplæring og idrett, og kultur som er tenkt organisert innan Hordaland distrikt bør leggast til Sunnhordland. 2. Samarbeidsrådet gir arbeidsutvalet mandat til å arbeida fram ein argumentasjon for kva område innan veg, opplæring og idrett, og kultur det er mest naturleg at vert lagt til Sunnhordland. 3. Samarbeidsrådet meiner at ei lokalisering i Sunnhordland og kan vera ei tilrettelegging av funksjonar dersom Rogaland eller delar av Rogaland vert ein del av Vestlandsregionen. 4. Samarbeidsrådet stiller seg positiv til at funksjonar kan leggast på Haugalandet, dersom dei ønskjer å bli ein del av det nye Vestlandet.
MØTEBOK Samarbeidsrådet for Sunnhordland Fredag 2. februar d.å. kl. 09.30 Advantec på Eldøyane, Stord Sak 03/18 GJG/rr VIDAREGÅANDE SKULETILBOD PROSESS Samarbeidsrådet har i sin Strategiske plan for 2018-2021 ei utviklingsoppgåve innan Kompetanse. Eit av innsatsområda er vidaregåande skular. Strategiane som er prioritert er: - Sikra dei vidaregåande skulane i regionen - Fleire lærlingplassar - Nye utdanningar Utdanningsinstitusjonane er viktig både som arbeidsplass og yrkestilbod i regionen og som kompetansemiljø for oppdatering og utdanning av arbeidskraft. Sunnhordland har i dag vidaregåande skular i Austevoll, Kvinnherad, Bømlo, Stord og Fitjar. Etne vidaregåande skule vart lagt ned frå hausten 2017. Arbeidsutvalet hadde i sitt møte 19. januar ei kort drøfting på vidaregåande skule og ba administrasjonen laga ei sak på korleis Samarbeidsrådet bør gå vidare for å sikra eit godt og framtidsretta skuletilbod i regionen. Skulebruksplan og regional plan for kompetanse legg føringar for arbeidet. Arbeidet må og sjåast i samanheng med dei føringar som vert lagt i det nye Vestlandet. Skulebruksplanen 2017-2030 Planen vart godkjent i desember 2016. Utdrag frå status gjennomføring av vedtak, gjeve til fylkesutvalet pr. våren 2017: Bømlo og Rubbestadneset vgs vert slått saman til ein skule og skal heita Bømlo vgs. Den nye skulen vert lokalisert på Bremnes. Det vert utgreidd eit pilotprosjekt ved skulen som skal styrkja samarbeidet mellom næringsliv og skule slik at m.a. opplæring som krev kostbare investeringar i verkstader og bygg innan yrkesfag (TIP), kan gjennomførast ute i bedrift.
Dimensjonering og studietilbod ved den nye skulen skal sikra eit fullverdig tilbod i høve til det ein har i dag og sjåast i samanheng med det øvrige tilbodet i regionen. Det skal vera tilbod innan yrkesfaga TIP og EL på skulen. På sikt skal ein vurdera nytt utdanningstilbod innan havbruk. Fitjar vgs Fitjar vgs vert vidareført. Programfag for påbygg vert vurdert flytta til Stord vgs for å utnytta ledig kapasitet, og leigeavtalen skulen har for tilleggsareal vert avvikla. Leigeavtalen skulen har for tilleggsareal, vert avslutta pr 31.07.2017. PB-tilbodet held fram på skulen, men vert redusert frå to til ein klasse frå hausten 2017. Stord vgs Stord Vabakkjen vert rehabilitert og noko utvida i 2022. TO og SS-tilbodet i regionen vert samla på Stord vgs. Kartlegging av areala på Vabakkjen startar opp etter planen hausten 2017. Programmeringsarbeid rehabilitering Vabakkjen startar opp primo 2018. Kvinnherad vgs Det ligg ikkje føre forslag om endringar i skulestruktur i rullert skulebruksplan. Etne vgs Skuletilbodet i regionen vert frå hausten 2017 gitt av Ølen vgs med Rogaland fylkeskommune som skuleigar. Undervisningstilbodet innan TIP held fram i lokala i Tesdal. Det er gitt tilbod om ein to-års leigeavtale på desse lokala til Rogaland fylkeskommune. Aktiviteten i Skakkesenteret vert avvikla sommaren 2017. Regional plan for kompetanse Planen må sjå på korleis ein kan oppnå ei robust forsyning av arbeidskraft til næringsliv og offentlig sektor. Næringslivet så vel som offentleg sektor endrast mot meir kompetansearbeidsplassar. Hordaland må ta del i denne utviklinga og skape arbeidsplassar som kan halde på kompetansen, kombinert med eit utdanningssystem som støtter næringslivet i regionen. Som eit ledd i arbeidet med planen må det lagast langsiktige scenario for behov for arbeidskraft i Hordaland. Utdanningssystemet må integrerast i planlegginga. Planen vil også ta opp inkludering i arbeidslivet, arbeidsinnvandring og problematikk knytt til utstøyting frå utdanning og arbeidsliv. Planen vil ha eit perspektiv mot 2030. Vidaregåande opplæring Vidaregåande opplæring er delt opp i studiesførebuande studieprogram og yrkesfaglige studieprogram. Offentleg sektor er ikkje den einaste tilbydaren innan dei studiesførebuande programma. Her er det også private aktørar som tilbyr studieplassar. Dette har betyding for dimensjoneringa mellom yrkesfag og studieførebuande. Innan fagopplæring er utfordringane knytt til dimensjonering av utdanningstilbod relativt komplekse. Det er forskjellar mellom fagområda, i tillegg kommer den geografiske dimensjonen knytt til plassering av opplæringa og lærlingplassar kor kopling til det lokale arbeidslivet er viktig.
Prosess i Samarbeidsrådet Administrasjonen er av Arbeidsutvalet beden om å skissera korleis Samarbeidsrådet bør arbeida med å sikra dei vidaregåande skulane i regionen. Regional plan for kompetanse og Skulebruksplanen legg føringar for utviklinga av dei vidaregåande skulane i Sunnhordland. Samarbeidsrådet sa i sin uttale til Regional plan for kompetanse at det ikkje er samsvar i ambisjonsnivået mellom desse planane. Administrasjonen føreslår at Samarbeidsrådet set ned ei arbeidsgruppe som skal ha som mål å sikra eit godt og framtidsretta vidaregåande skuletilbod i regionen og hindra at det kjem framlegg om nedlegging av skular. Prioritert arbeid: - Dialog med dei vidaregåande skulane om status. - Dialog med arbeidslivet om framtidige behov - Sjå på samsvar mellom linjetilbodet og arbeidslivet sitt behov - Legge til rette for infrastruktur slik at elevar kan velja linjetilbod ved skular i andre kommunar enn sin eigen - Dialog med Hordaland fylkeskommune/planar for nye «Vestlandet» Framlegg til vedtak: 1. Samarbeidsrådet set ned ei arbeidsgruppe som skal ha som mål å sikra eit godt og framtidsretta vidaregåande skuletilbod i regionen. 2. Arbeidsgruppa vert sett saman av følgjande representantar: Morten Storebø, Austevoll kommune Odd Harald Hovland, Bømlo kommune Wenche Tislevoll, Fitjar kommune Peder Sjo Slettebø, Kvinnherad kommune Gaute S. Epland, Stord kommune
MØTEBOK Samarbeidsrådet for Sunnhordland Fredag 2. februar d.å. kl. 09.30 Advantec på Eldøyane, Stord Sak 04/18 GJG/rr SUNNHORDLAND MUSEUM Sunnhordland museum har sendt søknad til kommunane om auke i tilskot til drift av museet. Det har vore møte med museumstyrar og Samarbeidsrådet der det er gjeve eit grunnlag for søknadane. Det er og ynskje frå museet om å få til samarbeidsavtalar med kvar kommune, der det ligg ein opptrappingsplan for finansiering. Stord kommunestyre har i samband med budsjetthandsaminga for 2018 gjort følgjande vedtak vedrørande søknad frå museet: Kommunestyret ber rådmann / ordførar gå i dialog med dei andre Sunnhordlandskommunane og Hordaland fylkeskommune om å laga ein opptrappingsplan for finansieringa av Sunnhordland museum. Kommunestyret ser det som naturleg at Stord kommune som vertskommune tek ein større del av den kommunale delen av finansieringa. Kommunestyret ber om at ei slik sak vert lagt fram innan sommaren 2018. Ordførar og rådmann i Stord har bede om at saka vert teken opp i Samarbeidsrådet. Utdrag frå framlegg til samarbeidsavtalar mellom kommunane og Sunnhordland museum: Sunnhordland museum skal: 1. Gi råd og rettleiing innan museumsfag og bygningsvern 2. Gi publikum eit attraktivt og variert tilbod 3. Tilby undervisingsopplegg til skulebarn i alle kommunane (alle 2. og 5. klassar skal få årleg tilbod om undervising) 4. Forvalta og formidla kulturarv og sunnhordlandshistorie, i samarbeid med offentlege og private aktørar 5. Ha årlege museumsdagar i alle sunnhordlandskommunane, der innbyggarar, lag og verksemder kan få råd og rettleiing om samlingar, gjenstandar og bygningsvern 6. Stilla med informasjon innan museet sine fagfelt i kommunale fora og utval 7. Utvikla organisasjonen i tråd med nasjonal museumspolitikk for dei offentlege ansvarsmusea 8. Gjennomføra samarbeidsmøte med kommunane innan 1. april kvart år. Tema: evaluera fjoråret, gjennomgå rammer og planar for inneverande år, og vurdera tiltak for komande år 9. Bidra til reiselivet i Sunnhordland med attraktiv museumsformidling, utstillingar og samlingar 10. Delta i reiselivsnettverk i regi av Samarbeidsrådet for Sunnhordland
11. Arbeida for å auka eigeninntektene Kommunane i Sunnhordland skal: 1. Bidra med generelt driftstilskot til Sunnhordland museum (enkeltsatsingar kjem i tillegg) 2. Bidra med tilskot til museumsrådgivar for rettleiing til kommunane og innbyggarane 3. Arbeida for å styrka det regionale ansvarsmuseet og auka den fylkeskommunale og statlege medfinansieringa 4. Synleggjera museet sine tenester og tilbod i eigne kommunikasjonskanalar, i turistinformasjon og andre stadar der det er naturleg. Kommunale tilskot opptrapping 2019-21 Sunnhordland museum ligg svært langt bak dei fleste norske musea i offentlege tilskot. For å få til ytterlegare løft frå stat og fylkeskommune forutset det kommunal tilskotsauke. Det vil vera med å styrka gode museumsaktivitetar i alle kommunane. Ei opptrapping av tilskota vil gjera at museet kan utvikla museumstilbodet i heile regionen. Det vil òg bety meir formidling og aktivitetar i kvar kommune. I tillegg prioriterer museet å utvikla utstillingar som kan sendast ut og visast i kommunane. Alltid inkludert formidlings- og undervisingsopplegg. Museet skal òg styrka samarbeidet med private og kommunale samlingar, og legga til rette for gode fellesarenaer for frivillige. Sunnhordland museums administrasjon og hovudbygg ligg på Stord. Difor blir Stord definert som heimkommune, noko som inneber at kommunen betalar mest i generelt driftstilskot. Kvinnherad (Halsnøy Kloster) og Etne (Sæbøtunet) blir definerte som vertskapskommunar. Dette fordi regionmuseet har arenaer som har ope for turistar i desse kommunane. Opptrapping av generelle driftstilskot 2019-21 (kroner per innbyggar*): 2019 2020 2021 Stord 30 35 45 Kvinnherad 25 30 40 Etne 25 30 40 Austevoll 20 25 35 Bømlo 20 25 35 Fitjar 20 25 35 Sveio 20 25 35 Tysnes 20 25 35 Tilskot til museumsrådgivar Kvar kommune betaler i tillegg kr 5 per innbyggar* til stillinga som museumsrådgivar. Stillinga er delfinansiert av Hordaland fylkeskommune. Stillinga inneber museumsfagleg rettleiing og bistand for aktørar som driv med historisk dokumentasjons- og formidlingsarbeid i sunnhordlandskommunane. Sunnhordland museum fakturerer kommunane for tilskot innan 15. februar kvart år. *Tilskota blir årleg justert etter SSBs folketalsutrekning for kvar kommune per 1. januar kvart år. Sunnhordland museum får svært låge driftstilskot samanlikna med andre over statsbudsjettet Løft frå fylkeskommune må bidra til løft frå staten
Administrasjonen i Sunnhordland Museum har laga ei samanlikning av tilskotet til Sunnhordland museum i høve til Ryfylkemuseet: Ei samanlikning i 2018-budsjettet av to regionmuseum med like oppgåver (2016-statistikk): Ryfylkemuseet: Sunnhordland museum: 19,8 årsverk, 18017 besøkande, 6020000 i tilskot 10,4 årsverk, 22943 besøkande, 3160000 i tilskot Begge musea forvaltar mange tun og anlegg, og har mange viktige formidlings- og dokumentasjonssatsingar Begge musea er ansvarsmuseum for åtte kommunar i regionen og tilbyr fleire museumsfaglege tenester Ryfylke tel bortimot 34 000 innbyggarar, Sunnhordland har over 64 000 innbyggarar Konklusjon: Skilnaden i statlege tilskot er altfor stor til å rigga musea til like oppgåver All honnør til Ryfylkemuseet som gjer ein god og viktig jobb. Me ønsker å få Sunnhordland museum opp til deira nivå Vurdering: Sunnhordland museum er ein viktig institusjon i og for Sunnhordland. Over tid har arbeid og ansvarsområde auka, utan tilføring av tilsvarande ressursar. Museet fekk ikkje auke i dei økonomiske rammene ved konsolideringa i 2005, då det berre var samanslåing med Stord maritime museum. Dette vart oppheva i 2017. Kommunane i Sunnhordland betaler no pr. innbyggjar (2017) 2017 Innbyggjarar Museumsrådgj. Generelt tilskot Samla sum Kr. pr innb.til gen.tilskot Kr. pr innb totalt Stord 18821 90000 0 90000 0 4,78 Bømlo 11806 37500 18500 56000 1,56 4,74 Kvinnherad 13241 25000 50000 75000 3,77 5,66 Fitjar 3189 14000 3000 17000 0,94 5,33 Tysnes 2847 8614 5000 13617 1,75 4,78 Etne 3135 0 38184 38184 9,23 9,23 Sveio 5656 0 15000 15000 2,65 2,65 Austevoll 5156 0 0 0 0 0 SUM 64851 175 117 129 684 304 801 Ut i frå tabellen kjem det tydeleg fram at det er behov for å ha ein felles gjennomgang av kommunane sitt bidrag til drift av Sunnhordland Museum og finna ei løysing for vidare finansiering. Både Kulturrådet og Hordaland Fylkeskommune har gjennomført evaluering av musea i Hordaland (ligg som vedlegg). Gjennom dette har ein fått synleggjort utviklinga i Hordaland frå 2005 til 2016 innan til dømes besøk og finansiering. Dokumentasjonen vil vera nyttig for den einskilde institusjon sitt arbeid opp mot statleg finansiering og kommunal forvaltning.
Evaluering av museumsreforma i Hordaland syner at reformprosessen har vore vellukka, og at den gjev grunnlag for ei vidare styrking av musea i Hordaland. Då fylkestinget handsama saka i møte 3.10.17 var eit av punkta i vedtaket: Fylkestinget ber fylkesrådmannen legga fram forslag til tiltak som grunnlag for politikkutforming og satsing i åra 2019 2025. dette må gjerast i samarbeid med musea og representantar frå utvalde kommunar. For utvikling av Sunnhordland Museum vidare er det viktig at regionen deltek i dette arbeidet. I møte med Kulturdepartementet 9 januar d.å. kom det fram at det ikkje er faste kriteria for finansiering av musea. Dette bør vera ein del av arbeidet i regi av Hordaland fylkeskommune, jamf. vedtak. Framlegg til vedtak Samarbeidsrådet meiner at det er behov for å ha ein gjennomgang av kommunane si finansiering av Sunnhordland Museum. Det vert sett ned ei arbeidsgruppe som får i oppgåve å gjera ei vurdering og laga ein plan for framtidig finansiering. Arbeidsgruppa vert sett saman av: Saka vert lagt fram til vidare drøfting i Samarbeidsrådet sitt møte 9. mars.
MØTEBOK Samarbeidsrådet for Sunnhordland Fredag 2. februar d.å. kl. 09.30 Advantec på Eldøyane, Stord Sak 05/18 GJG/rr E134 ARM TIL BERGEN Då representantar frå Samarbeidsrådet var i møte med Statssekretær Anders Werp mf. i Samferdsledepartementet 9. januar, var E134 arm til Bergen ein av sakene som vart teken opp. Som ei oppfølging av møte bad Werp Samarbeidsrådet senda inn ei argumentasjonsliste for kvifor det bør prioriterast ein KVU på prosjektet. Administrasjonen har sett opp eit utkast til ei argumentasjonsliste. E134 arm til Bergen Statens vegvesen la fram sin anbefaling i aust-vest utgreiinga, januar 2015. Tilrådinga frå Statens vegvesen gav høgaste prioritet til E134, og rådde og til ei KVU utgreiing av arm til Bergen. Dette sette regjeringa på vent, til det er gjort avklaringar på kva trasé som skal verta den andre hovudvegen mellom Aust-Vest. Samarbeidsrådet for Sunnhordland meiner at oppstart av ein KVU E134 bør starta snarast råd, slik at utgreiinga vert ferdig før neste rullering av NTP i 2021.
Viktige moment for dette er blant anna: E134 med arm til Bergen knyt ein stor del av landet saman. E134 prosjektet er gunstig med tanke på folketal og næringsaktivitet, og det gir svært viktige regionale effektar, også inn mot storbyområda. Statens Vegvesen framheve i aust-vest utgreiinga at full utbygging av E134 inkl. arm til Bergen kan gi samfunnsøkonomisk nettonytte på 26 mrd. Av dette er ca 14 milliardar knytt til effekten av arm til Bergen. E134 med «ferjefri arm til Bergen» vil i følgje Statens vegvesen si utgreiing gje ei reisetid Bergen Oslo som er minst 30 minuttar kortare enn ein oppgradert Rv7. E134 med arm til Bergen vil bringa Europa nærare Vestlandet og gje næringslivet betre tilgang til marknadane i Europa - Redusert transporttid, reduserte kostnader - Betre konkurranseevne for mange bransjar Framlegg til vedtak Samarbeidsrådet for Sunnhordland godkjenner momentlista med dei innspela som kom i møte.
MØTEBOK Samarbeidsrådet for Sunnhordland Fredag 2. februar d.å. kl. 09.30 Advantec på Eldøyane, Stord Sak 06/18 GJG/rr SKRIV OG MELDINGAR a) Representant til samarbeidsorgan for folkehelsearbeid i kommunane Hordaland fylkeskommune har invitert Samarbeidsrådet til å delta i eit samarbeidsorgan for folkehelsearbeid i kommunane. Ordførar Morten Storebø, Austevoll, har sagt seg villig til å representera regionen i arbeidet. b) Skjønsmidlar frå fylkesmannen Fylkesmannen har på nytt invitert kommunane til å søkja om skjønsmidlar til fornyings- og innovasjonsprosjekt for 2018. Administrasjonen sendte ut informasjon til kommunane i e-post 20.12.17. Som det går fram av brevet frå Fylkesmannen skal kommunane søkje om skjønsmidlar til fornyingsog innovasjonsprosjekt direkte til Fylkesmannen. Regionråda skal vurdera søknadene og senda brev til Fylkesmannen med prioritering mellom søknadene. Frist for innsending av søknadar til Samarbeidsrådet er 1. februar. Administrasjonen vil legge fram ei sak med prioritering av søknadane i møte 9. mars. Frist for å melde frå til Fylkesmannen er 16. mars. c) Møte med næringsavdelinga i fylkeskommunen Torsdag 17 januar hadde «Team Sunnhordland» møte med blant anna næringssjef i Hordaland fylkeskommune og etablerarsenteret på fylket. Bakgrunn for møte var at regionen ikkje lenger kan søkje om midlar til etablerarkurs i Sunnhordland, då alle fylkeskommunale midlar til etablerarkurs vert kanalisert gjennom etablerarsenteret. Ingen av kommunane i Sunnhordland er medlemmer av Etablerarsenteret, men det vil likevel vera mogleg for etablerarar i Sunnhordland å reise på kurs i Bergen, dersom dei ønskjer. Alternativt kan dei tilsette i etablerarsenteret halde kurs ute i regionen mot at kommunane betaler kostpris. Kva kostprisen vert er ikkje avklart enno. Team Sunnhordland som består av dei næringsansvarlege i kommunane drøfta saka og meiner at det kan vera eit godt tilbod for etablerarar frå Austevoll å reise til Bergen, men at det ikkje er eit godt nok tilbod for resten av regionen. Team Sunnhordland ønskjer difor å utarbeide ei kursrekke
som ein modell for vår region. Hordaland fylkeskommune løyver kr. 25 000 til teamet i året og det kan vera naturleg å nytta desse midlane til å utarbeida etablerarkurs for Sunnhordland. d) Fellesmøte med Atheno Fredag 16. februar vert det fellesmøte mellom Samarbeidsrådet og Atheno. e) Interimsstyret Stord folkehøgskule Geir Angeltveit frå Stord har førespurt styreleiar Wenche Tislevoll om å delta i eit interimsstyre for å sjå på høve til å oppretta ein folkehøgskule på Stord. Tislevoll har sagt seg villig til å delta i interimsstyret. Interimsstyret vil bestå av 5-7 personar, med sentrale personar i lokalmiljøet som kan dra prosjektet vidare. Interimsstyret skal arbeida målretta for å avklara kva mogelegheiter som finnes. Ein vil søkja eit breitt samarbeid både med næringsliv, idrett, utdanningssektor, ungdom, friluftsinteresser og andre aktuelle grupperingar og einskildpersonar i kommunen når det vert aktuelt å oppretta ei referansegruppa, for utarbeiding av eit eventuelt prosjekt, organisasjon, søknad og gjennomslag. f) Studietur til Cork City I desember fekk nokre kommunar ein førespurnad frå Cork City. Dei inviterer kommunar/ regionar om eit samarbeid om vår felles Viking-arv, og ein prosjekt opp mot EU. Ordførar Kåre Martin Kleppe, Tysnes kommune har kome med innspel om at regionen bør vurdera å gå inn i eit slikt samarbeid. AU drøfta dette i sitt møte 19.01 og ba Tysnes kommune om å svara at me er positive til eit slikt samarbeid. Svar er send Cork City, med kopi til kommunane. Dersom Cork City er positive til vidare samarbeid, er eit innspel frå Kleppe at Samarbeidsrådet legg sin studietur til Cork. Det vert lagt opp til ei drøfting i Samarbeidsrådet sitt neste møte.