1 Praktisk-pedagogisk utdanning i utøvande musikk (60 stp) Programmet Praktisk-pedagogisk utdanning i utøvande musikk kvalifiserer for arbeid som musikkpedagog på mellom- og ungdomstrinnet i grunnskulen, i vidaregåande opplæring, i kulturskule og i frivillig musikkliv. Denne studieplanen bygger på gjeldande rammeplan for PPU (fastsett 3.4.2003 av Utdannings- og Forskningsdept.) og er godkjent av fakultetsstyret ved det Humanistiske fakultet ved UIB 17.6.2008. Planen gjeld for studentar som startar studiet hausten 2008. Mål/Innhald I samsvar med gjeldande Rammeplan for Praktisk-pedagogisk utdanning skal studentane gjennom programmet utvikla: fagleg kompetanse didaktisk kompetanse sosial kompetanse endrings- og utviklingskompetanse yrkesetisk kompetanse Programmet har fire emne og praksisopplæring: Pedagogikk 1 (15 stp), Pedagogikk 2 (15 stp), Musikkdidaktikk 1 (15 stp), Musikkdidaktikk 2 (15 stp) og praksisopplæring tilsvarande 12-14 veker. Fagdidaktikkemna inneheld musikkdidaktisk teori, grunnskuledidaktikk, didaktikk for vidaregåande opplæring, ensembledidaktikk og instrumentspesifikk didaktikk. Praksisopplæringa er på fire område: hovudinstrument/kulturskule, grunnskule, vidaregåande opplæring og ensemble. I arbeidet med pedagogikk og musikkdidaktikk skal studentane munnleg og skriftleg reflektera over og drøfta praksiserfaringar. Krav til forkunnskapar Universitets- eller høgskuleutdanning på 180 stp, av desse skal 120 stp vera musikkfaglege. For søkarar som ikkje har minimum 60 studiepoeng i musikkutøving kan prøvespel verta aktuelt. PPU i utøvande musikk kan gå inn i bachelorgrada i utøvande musikk og komposisjon ved Griegakademiet, Institutt for musikk.
2 Undervisning Undervisninga omfattar fellesundervisning, smågruppeundervisning, individuell rettleiing på skriftlege arbeid og kontinuerleg rettleia praksisopplæring. Programmet krev at studentane kan ta til seg pensumlitteratur på eiga hand, og at dei har evne til å munnleg og skriftleg analysere og drøfte praksiserfaringane sine i lys av pensumlitteraturen. Som førebuing til eksamen vert slik dugleik trena i diskusjonar, gruppearbeid, studentpresentasjonar, skriftlege prøver og heimearbeid. Fellesundervisninga i pedagogikk og fagdidaktikk er om føremiddagen. Praksis kan vera både om dagen, kvelden, og i helger i samband med konsertar og prosjekt. Vurdering/Eksamensformer Studenten sitt arbeid vert vurdert i høve til mål for og innhald i programmet og emna. Vurdering og eksamensformer er spesifisert i kvar emneplan. Alle obligatoriske undervisningsaktivitetar må vera godkjende før eksamen. For å få godkjent PPU i utøvande musikk må dei fire emna og praksisopplæringa vera godkjende. Yrkesvegar Studenten skal etter greidd program kunne arbeide som musikkpedagog på mellomog ungdomstrinnet i grunnskulen, i vidaregåande opplæring, i kulturskular og i frivillig musikkliv. Oppstart Haustsemesteret. Programansvarleg Tom Eide Osa Administrativt ansvarleg Magni Orheim Stoveland Planforslag Programmet kan gjennomførast som fulltidsstudium over to semester eller halvtidsstudium over fire semester. Fulltidsstudium: Dei fire emna går parallelt over to semester. Praksis i kulturskule og grunnskule i haustsemesteret. Praksis i vidaregåande opplæring og ensemble i vårsemesteret. Deltidsstudium: Pedagogikk 1 og Fagdidaktikk 1 parallelt i første og andre semester. Pedagogikk 2 og Fagdidaktikk 2 parallelt i tredje og fjerde semester. Praksis i kulturskule i første semester, i grunnskule i andre semester, i vidaregåande opplæring i tredje semester og i ensemble i fjerde semester. Krav om rekkefølgje emne Studentane må følgje planforslaget til fulltidsstudiet eller deltidsstudiet.
3 Obligatoriske aktivitetar eksamensrett. Praksisopplæring og instrumentspesifikk fagdidaktikk krev 100% frammøte. Obligatoriske undervisningsaktivitetar må vere godkjende før eksamen. Gjennomførte obligatoriske undervisningsaktivitetar er gyldige i to semester etter normert eksamenssemester. Praksisopplæring Praksisopplæringa omfattar arbeidsinnsats tilsvarande 12-14 veker og skal ha kontinuerleg rettleiing i autentiske yrkessituasjonar med elevar. Praksis skal vera allsidig, med stigande krav til sjølvstende og ansvar. Opplæringa kan vera individuell eller i par/grupper, og vil samla omfatta einskildelevar og ulike grupperingar i både obligatorisk skule og sjølvvald musikkopplæring. Dei fire praksisperiodane har same timetal og gjeld dei arbeidsfelta programmet kvalifiserer for: hovuddisiplin/ kulturskule, grunnskule, vidaregåande opplæring og ensemble. Studentane skal kunne: undervise innafor dei til ei kvar tid gitte rammer, lede og tilpasse undervisninga og opplæringa etter elevane sine behov og føresetnader, kommunisere og samarbeide med elevar, kollegar, leiing, foreldre og andre partar i opplæringssystemet, erfare ulike sider ved lærarrolla og skulen som organisasjon, ta grunngjevne yrkesetiske val, kritisk vurdere og reflektere over eigen praksis, og delta i ulike typar utviklingsarbeid. Erfaringar frå praksis skal studentane drøfte og reflektere over skriftleg og munnleg i arbeidet med pedagogikk og fagdidaktikk. Etter kvar praksisperiode skal studenten ha ei vurdering med karakteruttrykket godkjend/ikkje godkjend.
4 Pedagogikk 1 Studiepoeng 15.0 Undervisningssemester Emnet startar i haustsemesteret og går over to semester Læringsmål Arbeidet i pedagogikkemna skal sikre samspel mellom teoretisk kunnskap, praksiserfaringar og didaktisk refleksjon. Emnet vektlegg særleg følgjande målområde: læraren og eleven Fagleg innhald Målområdet læraren og eleven nærmar ein seg mellom anna ved å sjå på føresetnader for læring og utvikling, tilpassa undervisnings- og læringsprosessar og praktiskpedagogisk planlegging, gjennomføring og vurdering. Tilrådde forkunnskapar Emnet føreset at studenten er teken opp på programmet Praktisk-pedagogisk utdanning i utøvande musikk (60 stp). Læremiddelomtale Felles pensum er på ca. x sider. Eiga pensumliste vert utarbeidd. Undervisningsmetodar Fellesundervisninga er om føremiddagen og omfattar mellom anna undervisningsmetodar som førelesing og gruppearbeid. Obligatoriske aktivitetar (særskilde krav) eksamensrett. 2,5 timars skriftleg prøve i slutten av haustsemesteret. Vurderingsuttrykk greidd/ikkje greidd. Vurdering av to faglærarar. Prøven må vera greidd før ein kan framstille seg til eksamen. Evaluering Det blir gjennomført evaluering i form av spørjeskjema. Vurdering/Eksamensformer Heimeoppgåve, praksisrefleksjon 4000 ord, vårsemesteret. To interne sensorar. Vurderingsuttrykk: Greidd/Ikkje greidd.
5 Musikkdidaktikk 1 Studiepoeng 15.0 Undervisningssemester Emnet startar i haustsemesteret og går over to semester Læringsmål Studenten skal kunne planlegge, gjennomføre og vurdere musikkpedagogisk verksemd tilpassa den einskilde elev og elevgruppe og problematisere og ta hand om musikkpedagogiske oppgåver. Fagleg innhald Emnet gjev introduksjon til didaktikken og presenterer didaktiske kategoriar som reiskap i musikkundervisning. Emnet omfattar ulike tilnærmingar til skapande arbeid og instrumenspesifikk fagdidaktikk. I emnet inngår didaktikk for grunnskuleundervisning og gjesteførelesingar om fagspesifikke metodar innan musikkundervisning. Tilrådde forkunnskapar Emnet føreset at studenten er teken opp på programmet Praktisk-pedagogisk utdanning i utøvande musikk (60 stp). Læremiddelomtale Felles pensum er på ca. x sider. Eiga pensumliste vert utarbeidd. I tillegg kjem litteratur knytt til instrumentspesifikk instrumentaldidaktikk. Undervisningsmetodar Fellesundervisninga er om føremiddagen og omfattar førelesingar, gruppearbeid og utøvande verksemd. Undervisninga i instrumentspesifikk fagdidaktikk vert avtala individuelt. Obligatoriske aktivitetar (særskilde krav) eksamensrett. Instrumentspesifikk fagdidaktikk krev 100% frammøte. 2,5 timars skriftleg prøve i slutten av haustsemesteret. Vurderingsuttrykk greidd/ikkje greidd. Vurdering av to faglærarar. Prøven må vera greidd før ein kan framstille seg til eksamen. Evaluering Det blir gjennomført evaluering i form av spørjeskjema. Vurdering/eksamensformer Skriftleg heimeoppgåve knytt til instrumentspesifikk didaktikk i haustsemesteret, ca. 3000 ord. Utøvande eksamen i skapande arbeid i vårsemesteret med eksterne elevar. Vurdering av to faglærarar. Vurderingsuttrykk: Greidd/Ikkje greidd. Dei to eksamenskomponentane må vera greidd for at emnet skal vera greidd.
6 Pedagogikk 2 Studiepoeng 15.0 Undervisningssemester Emnet startar i haustsemesteret og går over to semester Læringsmål Arbeidet i pedagogikkemna skal sikre samspel mellom teoretisk kunnskap, praksiserfaringar og didaktisk refleksjon. Emnet vektlegg særleg følgjande målområde: læraren og organisasjonen læraren og samfunnet Fagleg innhald Målområda læraren og organisasjonen og læraren og samfunnet nærmar ein seg mellom anna ved å sjå på skule, verdigrunnlag og samfunnsoppgåve, på skuleorganisasjonar og på sosialt samspel, på yrkesetikk og yrkesrollas utøving, på endringsprosessar og på pedagogiske forsøks- og utviklingsarbeid. Tilrådde forkunnskapar Emnet føreset at studenten er teken opp på programmet Praktisk-pedagogisk utdanning i utøvande musikk (60 stp). Læremiddelomtale Felles pensum er på ca. x sider. Eiga pensumliste vert utarbeidd. Undervisningsmetodar Fellesundervisninga er om føremiddagen og omfattar mellom anna undervisningsmetodar som førelesing og gruppearbeid. Obligatoriske aktivitetar (særskilde krav) eksamensrett. 2,5 timars skriftleg prøve i slutten av haustsemesteret. Vurderingsuttrykk greidd/ikkje greidd. Vurdering av to faglærarar. Prøven må vera greidd før ein kan framstille seg til eksamen. Evaluering Det blir gjennomført evaluering i form av spørjeskjema. Vurdering/Eksamensformer Heimeoppgåve, praksisrefleksjon 4000 ord, vårsemesteret. Munnleg eksamen vår, ca. 25 min. To interne og ein ekstern sensor. Gradert vurderingsuttrykk. Oppgåva og munnleg eksamen tel likt i fastsetjinga av karakter.
7 Musikkdidaktikk 2 Studiepoeng 15.0 Undervisningssemester Emnet startar i haustsemesteret og går over to semester Læringsmål Studentane skal kunne sjå musikkpedagogen sitt ansvar for musikk som kunstart i ulike perspektiv, grunngje musikkpedagogisk verksemd, uttrykke seg om musikkfaget sitt særpreg og historie, følgje med i musikkpedagogisk utvikling og skape fornying innan fagområdet, og sjå samanhengar mellom musikkpedagogisk verksemd og anna pedagogisk verksemd. Fagleg innhald Emnet ser musikkfaget i lys av mellom anna danningsteori, problematiserer kunnskap i musikk, og gjev oversikt over didaktiske posisjonar i musikkfaget. I emnet inngår didaktikk for undervisning i vidaregåande opplæring og ensembledidaktikk med vekt på klassisk instrumentalensemble og kor. Tilrådde forkunnskapar Emnet føreset at studenten er teken opp på programmet Praktisk-pedagogisk utdanning i utøvande musikk (60 stp). Grunnleggande kunnskap i direksjon. Læremiddelomtale Felles pensum er på ca. x sider. Eiga pensumliste vert utarbeidd. Undervisningsmetodar Fellesundervisninga er om føremiddagen og omfattar førelesingar, gruppearbeid og praktisk trening i direksjon med studentgruppa som ensemble. Obligatoriske aktivitetar (særskilde krav) eksamensrett. Ensembledidaktikk krev 100% frammøte. 2,5 timars skriftleg prøve i slutten av haustsemesteret. Vurderingsuttrykk greidd/ikkje greidd. Vurdering av to faglærarar. Prøven må vera greidd før ein kan framstille seg til eksamen. Evaluering Det blir gjennomført evaluering i form av spørjeskjema. Vurdering/Eksamensformer Utøvande eksamen i ensembledidaktikk, vårsemesteret Munnleg eksamen ca. 25 minutt, vårsemesteret, To interne og ein ekstern sensor. Gradert vurderingsuttrykk. Utøvande eksamen og munnleg eksamen tel likt i fastsetjinga av karakter.
8