Sanitærreglement. for. Hjartdal kommune

Transkript

1 Sanitærreglement for Hjartdal kommune Utgåve

2 Innhald 1. GENERELT 1.1. Heimel 1.2. Verkeområde 1.3. Plikta til å overhalde sanitærreglementet 1.4. Avgjerdsmynde 1.5. Utfyllande vedtekter 1.6. Dispensasjon 1.7. Klage 1.8. Iverksetjing 2. TILKNYTING TIL KOMMUNEN SINE VASS- OG AVLAUPSLEIDNINGAR 2.1. Omtale av abonnentane sine sanitæranlegg 2.2. Søknadsplikt for sanitæranlegg 2.3. Tiltak som krev førehandsuttale eller løyve frå seksjon for drift og utbygging 2.4. Nyanlegg og reparasjonar av sanitæranlegg 2.5. Tilknyting til kommunale vass- og avlaupsanlegg 2.6. Tinglyste dokument 2.7. Tilsyn med prosjektering og utføring 3. VILKÅR FOR TILKNYTING OG BRUK AV KOMMUNEN SINE VASS- OG AVLAUPSLEIDNINGAR 3.1. Kommunale vass- og avlaupsleidningar og private installasjonar 3.2. Førebygging av lekkasjar 3.3. Stenging av kommunale leidningar 3.4. Vern mot attendestrøyming 3.5. Ekstraordinære vassuttak

3 3.6. Vasstrykk 3.7. Leveringstryggleik og drikkevasskvalitet 3.8. Kontroll av vassforbruket 3.9. Vassmålar Samansetting av avlaupsvatnet ved påslepp på kommunen sin leidning Avskiljarar og reinseanlegg Opphøyr av tilknyting (plugging) Ansvarstilhøve

4 1. Generelt Sanitærreglementet er utarbeidd for å ivareta det gjensidige ansvarstilhøvet mellom kommunen som leidningseigar og den enkelte eigar av sanitæranlegget. Det vert særskilt lagt vekt på løysing for uttak frå kommunen sin vassleidning samt påslepp på kommunen sine avlaupsleidningar. Sanitærreglementet er utarbeidd med basis i normalreglement for sanitærreglement som er utarbeidd av Kommunenes Sentralforbund. Sanitærreglementet skal sikre at sanitæranlegget blir utført, drifta og vedlikehalde på ein trygg måte med omsyn til ansvar, funksjon, anleggs- og utstyrskvalitet. Nedanfor vert nemnt noko av det mest sentrale regelverk som har tilknyting til sanitærreglementet: a) Plan- og bygningsloven med forskrifter: Det er særskilt 65 og 66 som kjem til nytte i samband med krav om tilknyting av vass- og avlaupsleidningar ved oppføring av bygning. Relevante avgjersler finst òg i 77, 87 og 89 samt kapittel XVI XIX. b) Lov om vern mot forureining og om avfall (forureiningslova) med forskrifter: Det er særskilt 7, og 73 som kjem til å verta nytta. c) Forskrift om vassforsyning og drikkevatn (Drikkevassforskrifta). c) Lov om vassdrag og grunnvatn (Vassressurslova): Det er særskilt 47 som er aktuell. d) Lov om behandlingsmåten i forvaltningssaker (Forvaltningslova). e) Forskrift om vass- og avløpsgebyr Heimel Vedtektene for sanitærreglementet er gjevne i eigenskap av kommunen sin eigedomsrett over leidningsanlegget for vass- og avlaupshandtering, og/eller med grunnlag i lover og forskrifter Verkeområde Sanitærreglementet gjeld for tekniske installasjonar og leidningsanlegg for vatn og avlaup (sanitæranlegg) som skal tilknytast eller er tilknytt kommunen sine leidningar Plikta til å overhalde sanitærreglementet Eigar av sanitæranlegg (abonnenten) er ansvarleg for: a) At dei til ei kvar tid gjeldande føresegner/vedtekter om bruk av sanitæranlegg blir fylgd, og at eigedomen sitt sanitæranlegg til ei kvar tid er i forskriftsmessig stand.

5 b) At medlemmar av husstanden, leigetakarar og andre som brukar sanitæranlegget er kjent med, og overheld gjeldande regelverk. c) At samtlege tappeventilar vert stengde etter bruk. Dette gjeld også når det ikkje kjem vatn frå open ventil. d) At medlemmar av husstanden, leigetakarar og andre som brukar anlegget skal ha kjennskap til plassering og bruk av utvendig og innvendig hovudstengeventil. Stengeventilane skal vere lett tilgjengelege og lette å manøvrere. Ansvarleg kontrollerande føretak pliktar å sørgje for at sanitæranlegg blir prosjektert og utført i samsvar med gjeldande regelverk Avgjerdsmynde Seksjon for drift og utbygging har avgjerdsmynde for sanitærreglementet. Dersom det omsøkte tiltaket medfører arbeid som kjem inn under andre kompetanseområder, syter seksjon for drift og utbygging for at saka blir oversendt vedkomande til handsaming Utfyllande vedtekter Seksjon for drift og utbygging kan gje utfyllande retningslinjer for gjennomføring av sanitærreglementet Dispensasjon Seksjon for drift og utbygging kan dispensere frå sanitærreglementet når særskilde tilhøve gjev grunnlag for det Klage Klageinstans: Enkeltvedtak fatta av seksjon for drift og utbygging med heimel i forureiningslova eller planog bygningslova kan påklagast til fylkesmannen. Andre enkeltvedtak kan påklagast til særskilt klagenemnd oppretta av kommunestyret. Klagefrist: Klagefristen er 3 veker frå det tidspunkt melding om vedtaket har kome fram til søkjar/ abonnent. For at klaga skal vere framsett i tide er det nok at den er postlagt innan fristas utløp. Ved overskriding av frista gjeld forvaltningslova 31. Adressat og formkrav: Klaga skal fremjast til seksjon for drift og utbygging, og skal vere skriftleg og underteikna av klagar eller hans fullmektig.

6 Elles gjeld forvaltningslova Iverksetjing Sanitærreglementet vert gjort gjeldande frå Tilknyting til kommunen sine vass- og avlaupsleidningar 2.1. Omtale av abonnentane sine sanitæranlegg Sanitæranlegg omfattar stikkleidningar (utvendige vass- og avlaupsleidningar), samt innvendige sanitærinstallasjonar. Stikkleidningane omfattar til og med tilknytingspunktet på kommunal leidning, og leidningsanlegg med tilhøyrande installasjonar til og med gjennom grunnmur. Innvendig sanitæranlegg omfattar alle sanitærinstallasjonar i bygningen. Ein stikkleidning kan tene ein eller fleire eigedomar (abonnentar). Stikkleidning som tener fleire eigedomar vert kalla felles stikkleidning Søknadsplikt for sanitæranlegg Installering av sanitæranlegg er søknadspliktig arbeid, jfr. plan- og bygningslova 93 bokstav e). Søknad skal sendast etaten for næring og utvikling. Mindre tiltak som ikkje fører til fare eller urimelege ulemper for omgjevnaden eller almene interesser kan unntakast frå søknadsplikt, jfr. 7 i forskrift om saksbehandling og kontroll. Alt arbeid skal uansett utførast etter plan- og bygningslova med tilhøyrande forskrifter Tiltak som krev førehandsuttale eller løyve frå seksjon for drift og utbygging

7 Før rammeløyve vert gjeve skal eventuell konflikt med kommunen sine vass- og avlaupsleidningar vere avklart med seksjon for drift og utbygging. Bortleiing av avlaupsvatn skal vere sikra i samsvar med forureiningslova. Krev tiltaket utsleppsløyve, må dette ligge føre før løyve kan gjevast Nyanlegg og reparasjonar av sanitæranlegg Alt arbeid med sanitæranlegg skal utførast i samsvar med reglane i teknisk forskrift til planog bygningslova. Plan- og bygningslova stiller krav til aktørar som skal prosjektere og utføre sanitæranlegget samt til kontrollerande for prosjektering og utføring av dette. Det vert og stilt krav til ansvarleg søkjar for prosjektet og til eventuell samordnar av tiltakets utføring, dersom tiltaket omfattar fleire fagområde (t.d. ved etablering av våtrom). Ved kommunen si handsaming av søknaden vil det bli kontrollert at aktørane sin kompetanse står i medhald til det tiltaket som skal gjennomførast Tilknyting til kommunale vass- og avlaupsanlegg Tilknytingspunktet for private vass- og avlaupsleidningar (stikkleidningar) ligg vanlegvis på kommunal grunn og som oftast i eller ved sida av offentleg veg. I einskilde høve går kommunen sine leidningar over privat grunn, og tilknytingspunktet kan såleis bli liggjande på annan eigedom. I slike høve bør det utarbeidast ei avtale mellom leidningseigar og grunneigar. Denne avtala bør tinglysast, sjå pkt Stikkleidningar for vatn og avlaup skal som hovudregel knytast til kommunen sine leidningar i kum. Ansvarleg føretak utfører sjølve tilknytinga. Seksjon for drift og utbygging skal kontrollere og godkjenne arbeidet. Elles vert det vist til omtala for tilknyting til kommunale leidningar.

8 Drensvatn, takvatn og overflatevatn skal som hovudregel infiltrerast i grunnen eller ledast til ein overvassleidning. Avlaupsvatn som må pumpast til kommunen sin leidning skal passere ein trykkavlastningskum som har sjølvfall til kommunal leidning. Ved separatsystem - og dersom avtale med seksjon for drift og utbygging ligg føre, krev kommunen adskilte pumpekummar for spillvatn og overvatn. Det vert ikkje gjeve løyve til overlaup frå privat pumpestasjon for spillvatn til overvassleidning, resipient, terreng eller grunn. Tiltak for å hindre oversvømming: For å hindre attendestrøyming av kloakkvatn frå kommunen sin leidning skal det lågaste punktet (vasslås) ligge minst 900 mm høgare enn innvendig topp på kommunen sin avlaupsleidning i stikkleidningens forgreiningspunkt. Dette gjeld nyanlegg og evt rehabilitering dersom det let seg utføre. Har ikkje tilbakeverkande kraft. Dersom det lågaste punktet (vasslås) ikkje ligg så høgt som 900 mm over hovudkloakken må abonnenten montere tilbakeslagsventil Tinglyste dokument I enkelte høve må eigedomen sine stikkleidningar førast over annan eigedom for å bli knytt til kommunen sine leidningar. Eigaren av leidningen må, etter privatrettslege reglar, innhente løyve til å ha liggjande leidningar over annan eigars grunn. Slike avtaler bør tinglysast.

9 I andre høve kan det og vere aktuelt å inngå tilsvarande avtaler, til dømes: I. Når stikkleidningar, avlaupspumpestasjonar mm, er felles for fleire eigedomar (solidarisk ansvarstilhøve). II. Ved frådeling/utskiljing av eigedomsparsell der felles vass- og avlaupsleidningar inngår, eller at annan eigars leidningar blir liggjande over parsellen Tilsyn med prosjektering og utføring Kommunen kan føre tilsyn med at prosjekteringa er i samsvar med plan- og bygningslova sine reglar, og at utføringa er i samsvar med prosjektmaterialet. Tilsynsmynde omfattar òg sanitæranlegg i eksisterande byggverk. Kommunen har mynde til å setje i verk sanksjonar dersom tilhøva er i strid med gjeldande regelverk. 3. Vilkår for tilknyting og bruk av kommunen sine vass- og avlaupsleidningar 3.1. Kommunale vass- og avlaupsleidningar og private installasjonar Kommunen (ved seksjon for drift og utbygging) som eigar av VA-anlegga har ansvaret for drift og vedlikehald av kommunale vass- og avlaupsleidningar. Det er berre seksjon for drift og utbygging sitt mannskap eller ansvarleg føretak med løyve frå seksjon for drift og utbygging som kan utføre arbeid på kommunen sine leidningar. Dersom eit ansvarleg føretak får løyve til å utføre arbeid på kommunen sine leidningar skal seksjon for drift og utbygging godkjenne dei tekniske installasjonane. Seksjon for drift og utbygging skal også varslast om når arbeidet skal utførast, slik at utføringa kan kontrollerast. Kum og rørgods som etter kommunen sitt løyve vert montert på kommunen sine leidningar i samband med tilknyting av private sanitæranlegg, skal betalast av abonnenten. Kommunen overtek eigedomsretten og anvaret for kummar og innkappa røyrgods.

10 3.2. Førebygging av lekkasjar Kommunen kan krevje eksisterande tilknyting, stikkleidningar og anna sanitæranlegg utbetra i medhald av plan- og bygningslova 89. Alle kostnader i samband med utbetring og drift av sanitæranlegg skal dekkjast av abonnenten såframt naudsynte utbetringsarbeid ikkje skuldast aktivitetar som kommunen har ansvar for. Lekkasjar frå vassleidningane Seksjon for drift og utbygging utfører undersøkingar for å finne fram til lekkasjar på dei kommunale vassleidningane. I einskilde høve kan det vere vanskeleg å vite om lekkasje er på kommunen sin hovudvassleidning eller i tilknytingspunktet for stikkleidningen. Dersom seksjon for drift og utbygging etter lytting eller på anna grunnlag pålegg eigar å reparere ein sannsynleg vasslekkasje på stikkleidningen, og det ved nærare undersøkingar eller oppgraving viser seg at feilen er på kommunen sin leidning, kan naudsynte utgifter krevjast refundert frå seksjon for drift og utbygging.

11 Forureining frå private avlaupsleidningar Dersom kommunen sin leidning for avlaupsvatn vert lagt om eller utbetra, kan seksjon for drift og utbygging krevje at abonnenten føretek tilsvarande omlegging og utbetring av stikkleidningen. Er det mistanke om lekkasje på stikkleidningen kan kommunen krevje at stikkleidningen vert utbetra eller lagt om Stenging av kommunale leidningar Alle planlagde stopp i vassforsyninga eller avlaupshandteringa som skuldast arbeid på kommunale leidningar må gjerast kjent på førehand for dei abonnentane det gjeld. Ved uventa/akutt stenging av vassforsyninga på grunn av akutt arbeid på kommunen sine vassleidningar må dei aktuelle abonnentane varslast så snart som råd om når vassforsyninga vil vere i gang att. Stenging av kommunal vassleidning pga. tilknyting, opphøyr eller omlegging av stikkleidning, kan berre utførast av seksjon for drift og utbygging etter avtale med ansvarleg føretak. Tidspunkt for stenging av kommunale vassleidningar må avtalast med seksjon for drift og utbygging. Ynskjer abonnenten å få utført stenging utanom normal arbeidstid, må abonnenten betale dei ekstra kostnader dette fører med seg. Det ansvarlege føretaket pliktar å varsle alle abonnentar som vert ramma av stenginga. Privat stengeventil Alle eigedomar tilknytt kommunal vassleidning skal ha utvendig hovudstengeventil(t.d. bakkekran). Stengeventilen skal vere tilgjengeleg, manøvrerbar og av godkjent type. Plasseringa skal vere så nær den kommunale leidningen som mogleg, men helst innanfor eigedomsgrensa og vere markert, til dømes på husveggen. Den kan òg vere i ein kum Vern mot attendestrøyming For å sikre kommunen sine vassleidningar mot at ureina vatn strøymer attende, kan det stillast krav til at det vert montert tilbakeslagsventil. Ventilen skal plasserast etter innvendig stoppekran og før fyrste avstikkar. Sjå TEK 9-51 og NS-EN 1717 beskyttelse mot forurensning av drikkevann i vanninstallasjoner og generelle krav til utstyr som skal hindre forurensning på grunn av tilbakestrømning. Dette punktet kan nyttast der seksjon for drift og utbygging finn det naudsynt. Gjeld særskilt der abonnenten har privat pumpeanlegg som vert nytta til vatning m.m. og som kan medføre at vatnet vert pumpa inn på leidningen sjølv om vasskrana på stikkleidningen er stengt. Abonnenten pliktar å gje skriftleg melding til seksjon for drift og utbygging om han har slikt pumpeanlegg Ekstraordinære vassuttak Før tilknyting av sanitære installasjonar som vil medføre unormalt store eller støytvise vassuttak (sprinkelanlegg mot brann, snøkanoner og liknande) må seksjon for drift og utbygging uttale seg på førehand.

12 3.6. Vasstrykk Vasstrykket skal vere minst 2 bar ved tilknytingspunktet på den kommunale leidningen ved normal drift. Variasjon i vasstrykket p.g.a. vatning om sommaren eller ekstraordinære tilhøve kan førekome. Abonnenten må syte for installering av reduksjonsventil på vassinnlegget dersom vasstrykket inne i bygningen overstig 6 bar. Dersom vasstrykket inne i bygningen ikkje er tilfredsstillande, og dette ikkje skuldast manglande trykk på kommunen sin leidning, kan abonnenten installere trykkforsterkingsanlegg. Ved avvik frå ovannemnde, tilbyr seksjon for drift og utbygging assistanse til å finne fram til årsaka til problemet. Dette medfører at seksjon for drift og utbygging for eigen kostnad føretek undersøkingar av leidningsnettet på den aktuelle tilknytingsstaden for å finne ut om årsaka til avviket skuldast lekkasje eller andre feil på kommunen sine leidningar, jfr. pkt Leveringstryggleik og drikkevasskvalitet Abonnenten skal til ei kvar tid forsynast med drikkevatn av tilfredsstillande kvalitet. Drikkevatnet skal vere i samsvar med krav i Forskrift om vassforsyning og drikkevatn (Drikkevassforskrifta). Drikkevatnet skal vere hygienisk trygt, klart og utan vond lukt, smak eller farge. Det skal ikkje innehalde fysiske, kjemiske eller biologiske komponentar som kan føre med seg risiko for helseskade i vanleg bruk. Kommunen sitt ansvar for å levere drikkevatn i samsvar med ovanfor nemnde opphøyrer ved tilknytingspunktet for abonnenten sin stikkleidning. Det er innført helge- og høgtidsvaktordning. Ved driftsstans på pumper og utstyr, lågt nivå i høgdebasseng osv. vil vakta oppdage dette. Vakta vil då vurdere om det er naudsynt med utrykking eller om det kan vente. Kommunen skal varsle abonnenten, jfr internkontrollforskrifta via pressa, brev og/eller via telefon ved: Planlagt vedlikehald/reparasjonar av kommunen sin vassleidning. Akutt ureining som kan påverke drikkevatnet i den grad at det ikkje lenger er hygienisk trygt. Endringar av gebyr og/eller leveransar før abonnenten mottek faktura for 1. termin Kontroll av vassforbruket Abonnenten forpliktar seg til ikkje å sløse med vatn. Seksjon for drift og utbygging har rett til når som helst å kontrollere vassforbruket ved inspeksjon, utskifting av vassmålar osv. Under vassmangel eller når andre høve krev det, kan seksjon for drift og utbygging avgjere innskrenking av vasstilføringa og/eller innføre restriksjonar av vassforbruket. Restriksjonane kan gjelde for heile kommunen, delar av kommunen eller til særskilde føremål(hagevatning, bilvask, m.m.). Seksjon for drift og utbygging kan òg innføre andre restriksjonar. Slike avgjerder skal kunngjerast i dagspressa med to dagars varsel. Innskrenkingar eller restriksjonar som skuldast nemnde tilhøve, gjev ikkje abonnentar rett til reduksjon av gebyr eller erstatning.

13 Ved brot på avgjerder fastsett av seksjon for drift og utbygging i ein slik situasjon som nemnt ovanfor, har seksjon for drift og utbygging rett til, etter først å ha gjeve varsel, å stenge og plombere hagekran eller den krana som vert misbrukt Vassmålar Installering av vassmålar er valgfritt for hushaldningsabonnentar (og hytteeigarar). Øvrige abonnentar (næringskundar) pliktar å installere vassmålar dersom kommunen finn dette naudsynt. Alle abonnentar kan montere vassmålar dersom det er ynskjeleg frå abonnenten si side. Installasjon og eventuell demontering ved opphøyr av bruk må abonnenten koste. Kommunen avgjer kva slags type vassmålar og dimensjon med konsoll som skal nyttast. Avskrivingstida for vassmålarane vert sett til 10 år. Vassmålaren vert levert av seksjon for drift og utbygging og abonnenten må betale ei årleg leige for målaren. Montering av vassmålar skal tingast hjå ansvarleg føretak som sørgjer for eventuell løyve etter plan- og bygningslova og utfører installasjonen i samsvar med seksjon for drift og utbygging sine retningsliner. Ansvarleg føretak vil kunne få utlevert vassmålaren frå kommunen sitt lager eller at føretaket får beskjed om å tinge utstyret. Seksjon for drift og utbygging overtek ansvaret for drift og vedlikehald av vassmålaren i avskrivingsperioden etter at den er installert. Elles vert det vist til forskrift om vass- og avlaupsgebyr Samansetting av avlaupsvatnet ved påslepp på kommunen sin leidning Seksjon for drift og utbygging stiller krav til samansetting av avlaupsvatnet av omsyn til helse, miljø og tryggleik, samt av omsyn til drifta av leidningsnett, pumpestasjonar og reinseanlegg. Til kommunale avlaupsleidningar skal det ikkje tilførast væsker eller stoff som kan vere miljø- og/eller helseskadelege, eller som kan medføre brann eller eksplosjonsfare. Det skal ikkje tilførast væsker eller stoff som kan stivne, avleire eller som på annan måte kan vere skadelege eller driftsforstyrrande. Som døme kan nemnast: Bensin, rensevæsker, løysningsmidlar, tjære, mineralsk og animalsk feitt og olje, avfall frå kjøkkenkvern, voks, sement, kalk, mørtel, sot, asfalt, karbid, presskaker, cyanidforbindelsar, sulfater, sulfider, kadmium, kvikksølv, amalgam, bly, kopar, nikkel, sink, krom, ammonium, magnesiumsulfat eller andre giftige stoff og væsker. Seksjon for drift og utbygging tek atterhald om at det kan stillast krav til ph-verdi og temperatur på avløpsvatnet, dersom det skulle vere naudsynt av omsyn til kommunen sine leidningar og/eller anlegg. Seksjon for drift og utbygging gjer merksam på at særskild forureina avlaupsvatn krev utsleppsløyve frå forureiningsmynde (fylkesmannen eller SFT). Det er opp til forureiningsmynde å sette krav til dei ulike stoffa. Som eigar av dei kommunale vass- og

14 avlaupsleidningane og reinseanlegg, kan seksjon for drift og utbygging stille tilleggskrav utover dette. Einkvar bedrift eller næringsverksemd som nyttar stoff eller væsker som kan vere til skade for avlaupsanlegga, eller som kan vere helse- og/eller miljøskadelege, skal til ei kvar tid kunne dokumentere korleis desse stoffa vert handtert. Seksjon for drift og utbygging kan påleggje eigar å føre kontroll med, eller å undersøke spillvatnet sitt fysiske og kjemiske eigenskap. Dersom det ligg føre opplysningar eller mistanke om at avlaupsvatnet inneheld stoff eller væsker som tidlegare nemnt, kan seksjon for drift og utbygging krevje at avlaupsvatnet vert analysert ved godkjent laboratorium for eigar sin rekning. Inneheld avlaupsvatnet farlege eller skadelege stoff, væsker eller gassar pliktar eigar å setje i verk tiltak(t.d. installering av eigna avskiljar, jfr. pkt 3.11) - for å stogge og rette tilhøvet. Seksjon for drift og utbygging kan påleggje abonnenten å rette det ulovlege tilhøvet. Ved uhell eller ukontrollert påslepp til kommunen sine avlaupsleidningar som ikkje tilfredsstiller krav stilt ovanfor, må seksjon for drift og utbygging straks bli varsla Avskiljarar og reinseanlegg Olje- og bensinutskiljarar, feittavskiljarar, slamavskiljarar, prosessanlegg eller andre reinseanlegg som skal installerast i tilknyting til sanitæranlegg skal godkjennast av kommunen som forureiningsmyndigheit. Vidare må anlegg for destruksjon, handsaming eller nøytralisering av gassar, væsker eller stoff på førehand vere godkjent av forureiningsmyndigheit. Dette gjeld både ved utslepp i område der det ikkje er kommunale avlaupsleidningar(utsleppsløyve), og ved påslepp på kommunen sine avlaupsleidningar. Installasjon, vedlikehald, tømming, rapportering og tilsyn må utførast i samsvar med gjeldande regelverk og særskilt industriavtale med kommunen. Det vert ikkje gjeve løyve til å montere avfallskvern, av noko slag, med tilknyting til kommunen sin avlaupsleidning. Ved utslepp av feitthaldig avlaupsvatn frå matproduksjon / -servering i næringsverksemd skal feittavskiljar installerast. Feittavskiljaren skal installerast, dimensjonerast, driftast, vedlikehaldast og tømmast slik at den verkar etter føremålet. Rett drift og rutinemessig tømming er avgjerande for feittavskiljaren sin effekt. Seksjon for drift og utbygging kan påleggje at feittavskiljar vert installert dersom den ansvarlege ikkje sjølv sett i verk tiltak. Seksjon for drift og utbygging kan vidare påleggje utbetring av feittavskiljar, samt gje pålegg om etablering av tilfredsstillande tømmerutiner. Dersom pålegg ikkje vert etterkome, kan Hjartdal kommune ileggje ureiningsgebyr med heimel i Lov om vern mot forureining og om avfall (forureiningslova). Seksjon for drift og utbygging kan òg syte for at tilhøvet vert utbetra for eigar si rekning. Når plikta til å ha anlegg/utskiljar ikkje lenger er tilstades, skal eigar fjerne privat reinseanlegg/utskiljar, slik at avlaupet vert ført direkte til den kommunale leidningen.

15 3.12. Opphøyr av tilknyting (plugging) Når stikkleidningar for vatn og avlaup skal leggast om eller på annan måte er sett ut av drift, skal desse pluggast i tilknytingspunktet på kommunen sine leidningar eller der kommunen tilviser. Ansvarleg føretak tingar vassavstenging hjå seksjon for drift og utbygging og utfører arbeidet i samsvar med seksjonen sine retningsliner. Det er abonnenten som må koste arbeidet med plugginga. Utsetjing av plugging kan i særskilde høve innvilgast Ansvarstilhøve Generelt Kommunen har ansvaret for bygging, forvaltning, drift og vedlikehald av kommunale leidningar for vatn og avlaup. Abonnenten har tilsvarande ansvar for bygningen sitt sanitæranlegg, sjå pkt Dersom fleire eigedomar har felles tilknyting til kommunen sin leidning, er kvar eigar solidarisk ansvarleg for den delen av felles stikkleidning som eigedomen er avhengig av, med mindre annan ansvarsfordeling er avtalt, sjå pkt Hjartdal kommunes erstatningsansvar Hjartdal kommune har i utgangspunktet erstatningsansvar etter vanlege erstatningsrettslege reglar. Kommunen er likevel ikkje erstatningsansvarleg for: a) Skader som følgje av stenging av vasstilføring der varslingsplikta er overhalde, sjå pkt b) Skader som følgje av akutt stenging av vasstilføringa ved leidningsbrot/lekkasje eller andre uforutsette hendingar. c) Skader som følgje av uforutsette svingningar i vasstrykket ved t. d. ved straumstans, svikt i pumper, reduksjonsventilar og liknande. d) Skader som følgje av avvik i vasskvaliteten, t. d. misfarga vatn, når avviket skuldast varsla arbeid på kommunen sin vassleidning eller ved anna høve der kommunen ikkje har handla uforsvarleg. e) At private røyrinstallasjonar under arbeidet på kommunen sine leidningar vert ureina eller tetta til av rust, slam eller andre stoff. f) Frostskader på stikkleidningar som følgje av driftsstans på kommunen sine leidningar. f) Tilbakeslag frå kommunen sine avlaupsleidningar og /eller ved inntrenging av høgvatn

16 når krava i pkt. 2.5 ikkje er oppfylte. g) Skader i kjellar/lagerlokale eller bustadareal etter oversvømming som skuldast leidningsbrot, kloakkstopp eller kapasitetsproblem når skadetilfella omfattar; I. Innreiing til rom for varig opphald (bustadføremål) som manglar naudsynt godkjenning av bygningsmyndigheitane. II. III. Gjenstandar som p.g.a. sin verdi eller andre tilhøve er uvanleg eller uaktsamt å lagre på slike stader. Varer som er lagra under lagringshøgde 500 mm over golv. h) Skader på eigedom som fylgje av ekstraordinær nedbør, høgvatn i fjord, høg vasstand i elv eller bekk og liknande. Det gjeld uansett om vatnet trenger inn gjennom avlaupsleidningar, golv/vegger eller på annan måte. Abonnentens erstatningsansvar Abonnenten har erstatningsansvar etter vanlege erstatningsrettslege reglar, og kan difor bli ansvarleg for skader årsaka av eige sanitæranlegg.