FU sak Godkjenning av protokoll frå FU-møte 1/2015, 27. januar

Transkript

1 Forskingsutvalet Sakspapir: Møte i Forskingsutvalet (FU) nr 2/2015. Tid: Tysdag 17. februar kl Møterom: BK 220 (VIP-romet). Faste medlemmer: Per Halse (leiar) Ketil Jarl Halse (nestleiar) Tor-Johan Ekeland (vara) Arne Myklebust Peder Haug Aud Folkestad Karen Brænne Sverre Liestøl Pål Aam Anne Randi Fagerlid Festøy Aleksandra Endresen Serghei Levcenco Sakshandsamar og skrivar: Johann Roppen Observatørar: Jacob Kjøde jr Bente Gunn Lien Geir Tangen Finn Ove Båtevik Elisabeth Maråk Støle Eining Rektor ASH (dekan) ASH AHL (dekan) AHL AKF (dekan) AKF AMF (dekan) AMF Stipendiatane Studenttinget Studenttinget FoU-rådgivar Direktør, HVO Biblioteket, HVO FoU-konsulent, HVO Møreforsking Volda Direktør, Møreforsking AS FU sak Godkjenning av møteinnkalling og sakliste. FU sak Godkjenning av protokoll frå FU-møte 1/2015, 27. januar Framlegg til offentleg protokoll ligg som vedlegg 1. FU sak NORMALFORDELING AV ARBEIDSTID I FAGLEGE STILLINGAR VED HØGSKULEN I VOLDA (sak 05/2015 teken opp att frå møtet 27/1 til møtet 17/2) Saka er førebudd og vert lagt fram av rektor. Når det gjeld vedlegg i saka vert det vist til førre møte i Forskingsutvalet. Bakgrunn Sjå presentasjon av bakgrunnen for saka i notatet til FU-møtet I det følgjande vert det gjort greie for diskusjonen i det møtet, og deretter presenterer vi eit revidert framlegg til vedtak.

2 2 Diskusjonen i FU Eit sentralt spørsmål var kva ambisjonar HVO bør ha for FoU i høve til dei rammene budsjetta gjev. Dei aller fleste i utvalet ynskte framleis ein tabell med retningsgjevande prosentfordeling mellom undervisning og forsking, men det var usemje om kva høgskulen bør presentere som realistisk «normalnivå» for ulike stillingsgrupper. I saksframstillinga sist var kravet til dokumenterte FoU-resultat formulert noko varsamt: «Gjennom åra har det utvikla seg ei forståing for at det bør vere eit visst samsvar mellom tildelt FoU-tid og dokumenterte resultat». I debatten tok fleire til orde for at dette elementet bør styrkast og presiserast i sjølve vedtaket (jf. pkt. 2 i AHL-ordninga for tildeling av FoU-tid; vedlegg 3 i rapporten frå arbeidstidsutvalet). Andre moment som kom fram var at ein ikkje burde legge inn nokon skilnad i grunntildeling mellom førstelektor og førsteamanuensis, men at det derimot er rimeleg å markere eit slikt skilje mellom topp- og førstestillingane. Kategorien «fagleg fornying» kom det ikkje eintydige signal om. På den eine sida vart det argumentert for at slik fornying vil ligge inne både i undervisnings- og FoU-ressursane (utan nærare spesifisering), og på andre sida vart det nemnt at fagtilsette heilt utan FoU-tid bør ha ein eigen pott til fagleg fornying. Til rammene for det heile kom det fram at følgjande presisering frå rektor til mandatet for arbeidstidsutvalet bør inn i vedtaket: «Den til ei kvar tid gjeldande budsjettfordelingsmodellen styrer ressursfordelinga til avdelingane ved HVO. Dei ulike einingane må bruke pengar og arbeidstid innafor dei rammene som budsjetta gjev» (oppnemningsbrevet ). Vurdering Med utgangspunkt i vurderingane som er gjorde tidlegare og drøftingane så langt i FU, finn eg grunn til å framheve følgjande med tanke på eit nytt styrevedtak om arbeidsplanane: a) Som resultat av den pågåande strukturprosessen kan HVO om kortare eller lengre tid verte fusjonert med ein eller fleire institusjonar som til dels har veikare tradisjonar for og prioritering av FoU enn oss. I denne stoda er det strategisk viktig å stadfeste hovudlinjene i den politikken HVO har ført og som gjer at vi er mellom dei beste høgskulane når det gjeld vitskapleg kompetanse og FoU-produksjon. b) At tildeling av FoU-tid føreset dokumentasjon av relevante resultat bør vere sjølvsagt, og eit punkt om det vert teke inn i framlegget til vedtak nedanfor. Det same gjeld utgangspunktet om at budsjettmodellen styrer ressursfordelinga til avdelingane. c) Det er ei leiaroppgåve å syte for forsvarleg balanse mellom behova i utdanningane og arbeidsinnsatsen frå dei tilsette frå semester til semester. Individuelle arbeidsplanar skal utformast på bakgrunn av medarbeidar-samtalar og avtalar som kan variere frå år til år. d) Det som er sagt i punkt c motseier ikkje behovet for ei rettleiande normal-fordeling. Eit slikt sams utgangspunkt gjer arbeidet med avtalane meir føreseieleg og mykje meir handterleg (særleg i dei største avdelingane) enn om drøftingane med kvar tilsett måtte starte kvart år

3 3 utan ei slik rettleiing. Det er også eit viktig poeng å kunne syne til den vedtekne tabellen når vi skal rekruttere fagfolk utanfrå. e) Rektor registrerer at det er sterk motstand i organisasjonen mot å skilje i utgangspunktet mellom førsteamanuensar og førstelektorar, men at det er større forståing for å skilje mellom desse og kategorien professor/dosent. Det nye framlegget til vedtak er revidert i samsvar med dette. f) I det førre framlegget var der ein «restpott» til administrasjon og/eller fagleg fornying på 10%. Etter runda i FU og ny vurdering vert fagleg fornying heller inkludert i FoU-potten, og administrasjon står igjen med 5%. Tilsette utan FoU-tid må gjerne få avtale om noko tid til fagleg fornying, men dette er unnatak som gjeld relativt få (til liks med kategoriane høgskulelærar og mellombels tilsette) som ikkje treng eigen spesifikasjon i tabellen). g) Kva konkrete prosentsatsar ei «normalfordeling» skal ha for dei ulike stillingskategoriane, kan sjølvsagt diskuterast ut frå ulike omsyn. Det har også vore gjort i utgreiingane som ligg bak denne saka. Til sjuande og sist vert det ei viss skjønsvurdering. Som tidlegare nemnt bør tida vere mogen for å skilje litt meir mellom ulike stillingstypar enn før, men ikkje så grunnleggande som arbeidsplanutvalet la opp til i rapporten av Framlegg til vedtak FU rår høgskulestyret til å gjere slikt vedtak: 1. Den vedtekne budsjettfordelingsmodellen styrer ressursfordelinga til avdelingane ved HVO. 2. Dekanane er ansvarlege for at det vert gjort individuelle arbeidsplan-avtalar med dei fagtilsette for kvart studieår. 3. Fordelinga av arbeidsoppgåver skal ta omsyn til kompetanse, interesser og aktuelle behov i avdelingane. 4. Styret føreset at følgjande normalfordeling vert praktisert med fleksibilitet: Stilling Undervisning FoU Adm. Prof./dosent Førsteam./førstelekt Høgskulelektor Alle fagmiljø bør ha avtale om at ein tilsett med topp-kompetanse skal bruke inntil 15% av undervisningsressursen til forskingsleiing og rettleiing av kollegaene. 6. Tildeling av FoU-tid føreset dokumenterte resultat gjennom dei tre siste åra. Orienteringssaker: 1) Status i SAKS-prosessen. Orientering ved rektor.

4 4 2) Strategisk høgskolefond for Møre og Romsdal. Orientering ved rektor. Vedlegg 2: Notat utarbeidd i samarbeid mellom dei tre høgskulane. 3) FoU-budsjettet for Orientering ved direktør (teken opp att frå førre møte). 4) FoU-administrasjonen pågåande omorganisering. Orientering ved direktør (teken opp att frå førre møte). 5) Pr 12. februar hadde det meldt seg 20 søkjarar på Små driftsmidlar via det elektroniske søknadsskjemaet. Det vil bli sendt ut påminning ei veke før fristen går ut. 6) Arbeid i ph.d.-utvalet for helse- og sosialfag. Status ang studiet. Orientering ved Tor-Johan Ekeland. Vedlegg 3: Protokoll frå møte i doktorgradsutvalet i helse- og sosialfag, møte 1/2014, 10. desember ) Nyhendeklipp frå strukturdebatten er tilgjengeleg på denne nettsida: Møte, arrangement med meir: Husk å legge inn større hendingar i kalenderen på nettsida («Komande hendingar»/«kva skjer») januar 2015: NODA15, Nordisk konferanse om datajournalistikk, Ålesund o 9. februar: Møte i ph.d.-utvalet i helse- og sosialfag. 10. februar: Møte med Næringsforum på Søre Sunnmøre 10. februar: Forskingsrådets dialogmøte med høgskulane (Rektor representerte HVO). 17. februar: Seminar i forum for livsløpsforsking. 19. februar: Møte mellom leiinga for høgskulane i Volda, Molde og Lillehammer (på Lillehammer) mars: Seminar i kvantitative metodar, HVO. Kontaktperson: Kåre Heggen mars: Solstrand-seminar (UH Nett Vest), Solstrand Os. 24. mars: Kristne migrantar i Norden. Kontaktperson: Anders Aschim. 9. april: 75-årsmarkering av starten på 2. verdskrigen. Kontaktperson: Arnfinn Kjelland. 26. mai: HERA Travelling Texts seminar. Kontaktperson: Marie Nedregotten Sørbø juni 2015: Fjordkonferansen 2015, Loen. Kontaktperson: Jørgen Amdam september 2015: Forskingsdagane Vedlegg: Vedlegg 1: Framlegg til protokoll frå FU-møte 1/2015, 27. januar Vedlegg 2: Oppsummering frå møte med høgskulane 6. februar Høgskulefond utarbeiding av felles kompetanseplan Vedlegg 3: Protokoll frå møte i doktorgradsutvalet i helse- og sosialfag, møte 1/2014, 10. desember 2014.

5 Forskingsutvalet UTKAST: Protokoll: Møte i Forskingsutvalet (FU) nr 1/2015. Tid: Tysdag 27. januar kl Møterom: BK 220 (VIP-romet). Faste medlemmer: Eining Til stade Per Halse (leiar) Rektor X Ketil Jarl Halse (nestleiar) ASH (dekan) X Inger Marie Okkenhaug ASH Arne Myklebust AHL (dekan) X Peder Haug AHL X Aud Folkestad AKF (dekan) X Kjetil L. Høydal (vara for K. Brænne) AKF X Sverre Liestøl AMF (dekan) X Pål Aam AMF X Hildegunn V. Kleive (vara) Stipendiatane X Aleksandra Endresen Studenttinget Serghei Levcenco Studenttinget Sakshandsamar og skrivar: Johann Roppen FoU-rådgivar X Observatørar: Jacob Kjøde jr Direktør, HVO Bente Gunn Lien Biblioteket, HVO X Geir Tangen FoU-konsulent, HVO X Finn Ove Båtevik Møreforsking Volda X Elisabeth Maråk Støle Direktør, Møreforsking AS FU sak Godkjenning av møteinnkalling og sakliste. Vedtak: Godkjent. FU sak Godkjenning av protokoll frå FU-møte 8/2014, 18. november Framlegg til offentleg protokoll ligg som vedlegg 1. Vedtak: Godkjent FU sak Tildeling av professorstipend (Jf FU sak ) Vedlegg: Vurdering av søkjarar på professorstipend. Vedlegget er unndrege offentleggjering fordi det inneheld omtale av idear til forskingsprosjekt (Offentleglova 26, 4. ledd). Bakgrunn

6 2 Forskingsutvalet hadde oppe saka på møtet 18. november Det vart der gjort slikt vedtak: a) Rektor peikar ut ein kommisjon av professorar ved Høgskulen i Volda som vurderer dei tre innkomne søknadene og gjev tilråding til Forskingsutvalet om dei bør få tilbod om professorstipend. Følgjande professorar svarte ja til å gje tilråding: Jan Inge Sørbø, ASH Irene Bele, AHL Atle Døssland, ASH Vurderinga ligg som vedlegg til denne saka. Vedtak: a) Forskingsutvalet tildeler professorstipend til Ivar John Erdal, Nathalie Homlong og Ellen Lexerød Hovlid. b) Forskingsutvalet ønskjerå kome tilbake til korleis ordninga med 5-årige ph.d.-stipend og professorstipend blir praktisert og finansiert. FU sak Søknad om strategiske midlar utvikling av NFR-søknad Vedlegg: «Søknad om strategiske midlar utvikling av NFR-søknad.» Vedlegget er unndrege offentleggjering fordi det inneheld omtale av idear til forskingsprosjekt (Offentleglova 26, 4. ledd). Institutt for religion, livssyn og kyrkjefag har søkt om kr av strategiske midlar til utvikling av søknad til VAM-programmet i Forskingsrådet (Forsking om velferd, arbeidsliv og migrasjon). Møreforsking AS er samarbeidspart i prosjektet og har gjeve tilsegn om eit tilsvarande beløp under føresetnad av same løyving frå Høgskulen i Volda. Saksbehandlar meiner søknaden oppfyller alle strategiske og administrative kriterier og tilrår at søknaden blir innvilga. Vedtak: a) Forskingsutvalet tildeler Institutt for religion, livssyn og kyrkjefag inntil kr i såkornmidlar. b) I budsjettet for 2015 er det sett av midlar til «Såkorntiltak». Dette bør gjerast betre kjent i fagmiljøa, og forskingsgruppene vert særleg inviterte til å gjere seg nytte av ordninga.

7 3 FU sak Normalfordeling av arbeidstid i faglege stillingar ved Høgskulen i Volda (jf. FU-sakene og ) Saka er førebudd og blir presentert av rektor. Vedlegg 4: FU sak : Kriterier for tildeling av FoU-tid Vedlegg 5: FU sak : Rapport frå «Arbeidstidsutvalet» Vedlegg 6: Arbeidstidsutvalets rapport: «Tiden lar seg ikke binde som en annen hest». Vedlegg 7: Innkomne høyringssvar til Arbeidstidsutvalets rapport. Vedlegg 6 og 7 er tilgjengelege på denne nettadressen: Vedlegg 8: E-post frå rektor til «Alle HVO», 2. april Bakgrunn I juni 1999 gjorde HVO-styret vedtak om fordeling av arbeidstid mellom undervisning, FoU, fagleg fornying og administrasjon for dei ulike kategoriane av faglege stillingar. I vedtaket heitte det at fordelinga «vil førebels, som ei prøveordning, vere retningsgjevande» (styresak 25/99). Vedtaket har ikkje vorte endra, men praksisen har utvikla seg litt ulikt i avdelingane. Etter initiativ frå rektor bad FU i september 2013 om at det vart gjort ei utgreiing med framlegg til revisjon av den nemnde normalfordelinga (FU-sak ; saksframlegg og vedtak vedlagt). Det vart sett ned ei arbeidsgruppe som leverte innstillinga si 12. mars 2014 (Rapport frå Arbeidstidsutvalet vedlagt). Her vart det argumentert for tydelegare skilje mellom «forskingsbaserte» (førsteamanuensis, professor) og «utdanningsbaserte» (førstelektor, dosent) leier i kompetansehevinga. Utvalet gjekk inn for å innlemme kategorien «fagleg fornying» i FoU-potten, og ein gjorde framlegg om ei todeling av dei individuelle ressursane til slik verksemd: Ein basis for FoU som alle i stillingskategorien får og eit fleksibelt tillegg som det kan forhandlast om (jf. konklusjonane ss i rapporten). Rapporten vart raskt send på høyring (jf. vedlagde høyringsbrev frå rektor av ), og han vekte så sterkt engasjement at rektor fann grunn til ei eiga e-melding til alle tilsette (e-post til «alle- HVO» av vedlagt). Både avdelingane og fagforeiningane leverte til dels omfattande høyringssvar (alle vedlagt). Fleire var særleg kritiske til konsekvensane utvalet dreg av det nemnde skiljet mellom to ulike «kompetanseløp». FU drøfta rapporten 8. april 2014 og vedtok å kome tilbake til saka «i ein større samanheng der mellom anna innstillinga frå rekrutterings- og kompetansehevingsgruppa vert sentral» (FU-sak ; utdrag frå protokollen vedlagt). Rapporten frå den gruppa var oppe i styret i juni (styresak ), og då vart det prioritert å fyrst av alt få på plass ein handlingsplan for rekruttering av toppkompetanse (styresak ). Utover i vårsemesteret 2015 vert det arbeidd vidare med konkretisering av fleire personalpolitiske planar.

8 4 Den interne oppgåvefordelinga for neste studieår tek fagmiljøa og avdelingane til med ganske tidleg på våren. Skal føringane i styrevedtaket frå 1999 endrast med verknad frå hausten som kjem, må saka vere klar til styremøtet 12. mars. Med dette vert FU oppmoda om å kome med ei tilråding til styret. Vurdering Fordelinga av arbeidstid mellom undervisning, FoU og andre oppgåver er ei strategisk viktig sak for fagmiljøa, avdelingane og heile høgskulen. Når det tidlegare vedtaket er femten år, er det i seg sjølv ein grunn til å få det «konfirmert» med større eller mindre justeringar. I hovudsak er inntrykket at gjeldande ordning har fungert etter intensjonane. HVO har utvikla seg positivt med tanke på primæroppgåvene undervisning, forsking og formidling, og i tråd med det også når det gjeld heving av kompetansen mellom dei tilsette. Samstundes veit vi at FoU-resultata varierer ein god del, og høgskulen bør forvalte ressursane på ein så tenleg måte som råd for å nå dei strategiske måla som styret set. Rektor vurderer det slik at gjeldande ordning i hovudsak bør førast vidare. Det vil seie at vi opererer med ei «normalfordeling» som gjev retning, men som ikkje låser korkje den einskilde eller avdelingane. Gjennom åra har det utvikla seg ei forståing for at det bør vere eit visst samsvar mellom tildelt FoU-tid og dokumenterte resultat. FoU og undervisning må ikkje gjerast til motsetnader. Det eine er ikkje meir verdifullt enn det andre, og kvalitet på begge områda er avgjerande for framtida åt høgskulen. Ein retningsgjevande tabell må difor balanserast mot fleksibilitet slik at dei individuelle arbeidsplanane vil kunne variere noko frå år til år. Det er ein klar føresetnad at avdelingane må forvalte ressursane innafor dei rammene som budsjetta gjev. Tida er truleg mogen for å gjere fordelinga av arbeidsoppgåver litt mindre egalitær enn det vedtaket frå 1999 har lagt opp til. Men det er ikkje ynskeleg å gjere skiljet mellom stillings-kategoriane så skarpt som rapporten av tilrår. Det kan vere eit poeng i seg sjølv å operere med ein relativt enkel tabell. Her vert det gjort framlegg om eit oppsett med færre kategoriar og variantar enn i innstillinga frå arbeidsgruppa. Vi går eit mindre steg i retninga som gruppa peika på, og gjer samstundes desse endringane i høve den gamle tabellen: Stillingane som amanuensis og høgskulelærar er på veg ut og vert ikkje tekne med i tabellen. Det skal i alle fall gjerast individuelle avtalar i avdelingane. Fagleg fornying og administrasjon vert slått saman til ein «restpost» på 10 prosent. Det er rimeleg at dei som har dokumentert forskingskompetane gjennom doktorgrad har noko meir tid til FoU enn førstelektorane som igjen har noko meir enn høgskulelektorane. Professorar (og evt andre) med ansvar for forskingsleiing og rettleiing bør normalt ha avtale om å bruke prosent av undervisningsressursen til slike oppgåver. Vedtak

9 5 Saka vert utsett til neste møte. FU sak Ny FoU-strategi FoU-strategi for Høgskulen i Volda er tilgjengeleg på denne nettsida: Bakgrunn: Den gjeldande strategiplanen for FoU ved Høgskulen i Volda vart vedtatt av høgskulestyret 26. april 2012 og gjeld for åra I førre fireårsperiode hadde HVO avdelingsvise FoU-planar ( ) og før det igjen ein felles strategiplan for åra FoU-strategien er ein del av høgskulens overordna strategiplan. Høgskulen i Voldas strategiplan har vorte justert fleire gonger dei siste åra. Gjeldande versjon vart vedtatt 29. oktober 2014 og peikar på tiltak som skal gjennomførast for åra Høgskulens visjon er: «Kompetanse for framtida». Høgskulens profil: HVO er høgskulen for human- og samfunnsvitskapane i Møre og Romsdal, og dei nasjonale satsingsområda våre er: Yrkesretta medieutdanning Nynorsk i utdanning, forsking og formidling Fleksible vidareutdanningstilbod Om forsking og utviklingsarbeid seier strategiplanen: HVO skal stimulere til tverrfagleg forskings- og utviklingsarbeid HVO skal auke internasjonaliseringa av FoU-arbeidet HVO skal gje studentar innsikt i og erfaring med FoU-arbeid ved å involvere dei i aktuelle prosjekt HVO skal organisere forskingsgrupper som støtte for forskarane Kort kommentar til strategiplanen i høve til gjeldande FoU-plan og FoU-melding: Yrkesretta medieutdanning, nynorsk og fleksibel læring er peika ut som «nasjonale satsingsområde» for Høgskulen i Volda. Ei så avgrensa fagleg profilering har ikkje Høgskulen hatt tidlegare, og dette må også gjenspeglast i FoU-strategien.

10 6 I gjeldande FoU-strategiplan er det ca 70 punkt som er lista opp på forskjellige nivå. I den overordna strategiplanen er det berre fire punkt, og desse vil bli nærare omtala nedanfor. Dei fire punkta gjev eit klart styringssignal om kva styret meiner er viktig for dei neste fire åra. På den andre sida vil det då vere ei rekkje moment som ikkje er omtalt i det heile også område som styret har vedatt å satse på gjennom einskildvedtak eller i budsjettsamanheng. Det er også ei rekkje mål og tiltak som er omtalt i dokumentet «Rapport og planar» som ligg til grunn for Høgskulens dialog med Kunnskapsdepartementet. «Rapport og planar» er no i endring ved at Kunnskapsdepartementet skal ha ei anna form for rapportering frå høgskulane. Førebels vil HVO beholde eit plandokument som er likt «Rapport og planar». Kort kommentar til dei fire punkta i strategiplanen: HVO skal stimulere til tverrfagleg forskings- og utviklingsarbeid o Arbeidet med FoU-meldinga har synt at det er ei betydeleg utfordring å måle utviklinga på dette målet. o Utfordringane blir ikkje mindre om det i framtida blir venta at forskarane ved HVO også skal samarbeide med forskarar på heilt andre fagområde på andre studiestader. o Forskingsgrupper på tvers av avdelingane kan vere eit middel for å nå målet. HVO skal auke internasjonaliseringa av FoU-arbeidet o I gjeldande strategiplan for FoU står «Få meir fokus på internasjonalisering» omtalt som ei av 10 utfordringar. o Signal frå KD er eintydige på at alle høgskular skal arbeide for internasjonalisering og kanskje særleg for å skaffe forskingsmidlar frå EU. o HVO vil få særlege utfordringar på dette området då samfunnsfag- og humaniora i utgangspunktet ikkje er dei høgast prioriterte fagområda. o Møre og Romsdal Fylkeskommune har sett av midlar til ei stilling for ein felles EU-rådgivar for høgskulane i fylket i løpet av HVO skal gje studentar innsikt i og erfaring med FoU-arbeid ved å involvere dei i aktuelle prosjekt o Dette punktet var eitt av mange tiltak som var nemnt under «Strategiske arbeidsmåtar» i den gjeldande FoU-strategien. o Arbeidet med FoU-meldinga har synt at det er ei betydeleg utfordring å måle utviklinga på dette målet. HVO skal organisere forskingsgrupper som støtte for forskarane. o Forskingsgrupper er ikkje omtalt i strategiplan for

11 7 o o o o o I kvalitetssikringssystemet for undervisning frå 2011 er «forskingsprogram» omtalt som eit tiltak innanfor «rammekvalitet». Forskingsprogram skal medverke til å sikre at HVO har tilsette med høg fagkompetanse. I NOKUT-evalueringa av søknaden om å få etablere ph.d.-utdanning i helse- og sosialfag vart HVO sterkt oppmoda til å etablere forskingsgrupper, og spesielt ei forskingsgruppe i lag med Høgskolen i Molde innanfor fagområdet helse- og sosialfag. Forskingsutvalet har drøfta forskingsgrupper på fleire møte i 2014, og oppmoda aktuelle søkjarar på Små driftsmidlar for om å organisere seg i forskingsgrupper. FoU-administrasjonen arbeider med ei kartlegging av forskingsgrupper. Som innspel til diskusjonen om forskingsgrupper vert det vist til vedlegg 9 som er ein artikkel i tidsskriftet Forskningspolitikk. Artikkelen har tittelen «Myter og fakta om kritisk masse i forskning og høyere utdanning» og drøftar blant anna samanhengen mellom storleik på forskargrupper og FoU-produksjon. Ei rekkje andre utfordringar kunne også vore nemnt: Stipendiatrekruttering og gjennomstrøyming, rekruttering av toppkompetanse, kompetanseheving, eksterne prosjektinntekter og ph.d.- utdanninga i helse- og sosialfag, vektlegging av regionae perspektiv og Møreforsking. Aktuelle spørsmål: Når arbeidet med FoU-strategi for dei neste åra no startar er det naturleg å starte med å diskutere kva slags prosess som skal leggast til grunn for arbeidet, og erfaringar med gjeldande strategiplan er eit viktig utgangspunkt. Eit minst like viktig moment er utanforliggande faktorar og då særleg den pågåande strukturdebatten som kanskje blir avklara våren 2015, og som kanskje vil legge heilt nye rammer for Høgskulen. Nokre spørsmål: Skal HVO starte arbeidet med ein strategiplan for FoU våren 2015? Eller skal ein vente til kva som blir utfallet av strukturdebatten? Kva tidsplan skal eit eventuelt arbeid ha? Kva prosess skal ein legge opp til for å sikre medverknad frå eigne fagmiljø? Skal eksterne fagmiljø involverast i arbeidet? Kva rolle skal avdelingsråda ha i strategiprosessen? Saksbehandlar si vurdering: På kort sikt vil resultatet av strukturdebatten neppe føre til store endringar i FoU-arbeidet. Fagmiljøa vil halde fram det vanlege FoU-arbeidet. Stipendiatane vil gjennomføre sine prosjekt

12 8 innanfor dei same rammene. Nye dekanar og nytt rektorat må også få ha eit ord med i laget når det gjeld FoU-strategiar. Det er difor ikkje sikkert at det hastar med å få fram ein ny strategiplan for forsking. Arbeidet med å danne forskingsgrupper bør halde fram og har potensiale til å bli ein viktig reiskap for både internt og eksternt forskingssamarbeid. Styret ønskjer generelt sett at avdelingsråda skal ha ei viktigare rolle. Ved å involvere avdelingsråda også i utviklinga av strategiplanen for FoU bør avdelingsråda få eit styrka eigarskap til og kunnskap om innhaldet i FoU-strategien. Avdelingane har likevel valt ulike måtar å handtere FoU-saker på. Kanskje bør diskusjonane om ny FoU-strategi starte i avdelingsråda. Vedtak: a) Forskingsutvalet ønskjer å starte arbeidet med ny FoU-strategi for HVO for åra Ein tidsplan og prosessbeskrivelse vert lagt fram på neste møte i Forskingsutvalet. b) Avdelingsråda bør engasjerast i arbeidet med ny FoU-strategi. c) Fagmiljøa blir oppmoda til etablere forskingsgrupper med eit felles fagleg fokus. FoU-strategi, tiltak og ressurstildeling bør sjåast i samanheng med kvarandre, og det er ønskjeleg at forskingsgruppene bidreg i utviklinga av ny FoU-strategi. FU sak Utlysing av FoU-stipend for 2016 (teken opp att frå FU møte 8/2014). Vedlegg: Informasjon om FoU-stipend på «Område for tilsette» på nettsidene til HVO (krev innlogging). Framlegg til nye retningsliner for FoU-stipend. Bakgrunn: Forskingsutvalet tildelte FoU-stipend for 2015 på FU-møte 4/2014. I same møte vart det i sak 23/2014 foreslått nye retningsliner for tildeling av FoU-stipend. Dette vart utsett, og vert med dette teke opp på nytt i samband med utlysing av FoU-stipend for Ordninga med FoU-stipend (tidlegare kalla vikarstipend) er veletablert ved Høgskulen i Volda. Tilsette som får tildelt FoU-stipend får eitt semester som dei brukar til forsking og utviklingsarbeid. Dette blir finanisert ved at avdelinga får tilført eit FoU-stipend som skal dekkje kostnader ved vikar for den eller dei som har fått FoU-stipend. Storleiken på FoU-stipendet har auka monaleg dei siste åra. Fram til 2012 var stipendet på kr , i 2013 vart det auka til kr , i 2014 til kr og for 2015 har Forskingsutvalet foreslått at FoU-stipendet skal aukast til kr

13 9 Frå har i alt ca 110 tilsette fått FoU-stipend ein eller fleire gonger. Ca 90 av desse arbeider framleis ved HVO. Så godt som alle dagens professorar og dosentar ved HVO har hatt minst eitt FoU-stipend. Ordninga har lenge vorte brukt også til å delfinansiere interne ph.d.-prosjekt og frå 2014 også interne professorstipend. Ordninga vert også nytta av dei som ønskjer å kvalifisere seg i retning av førstelektor og dosent. Kvinner har fått tildelt ca halvparten av FoU-stipenda dei siste åra. Vurdering: I all hovudsak bør ordninga med FoU-stipend halde fram som før. Dei gjeldande retningslinene bør likevel oppdaterast på nokre punkt. I vedlegg ligg framlegg til nye retningsliner. Det er to sider ved ordninga som vil bli diskutert her. For det første korleis stipendmottakarane kan få betre hjelp og støtte til å gjennomføre ordninga, og for det andre saksbehandlinga av stipendsøknader. 1) Styrking av gjennomføring Dei siste åra har det vore ein tendens at mottakarar av FoU-stipend har hatt problem med å gjennomføre FoU-stipendet som planlagt. Grunngjevinga for utsetting av gjennomføring og andre endringar varierer, men for ein del tilsette vert det oppgitt manglande vikarkapasitet. Det må her understrekast at eitt vilkår for tildeling av FoU-stipend er at det skal kome i stand tilfredsstillande vikarordning. Eit anna moment er at stipendmottakarar blir sjukmeld i løpet av stipendperioden og at det kan vere vanskeleg å skaffe vikar i ettertid. Det kan her noterast at HVO og avdelingane ved langvarig sjukmelding får utbetalt sjukepengar uansett om den tilsette er i FoU-stipend eller ikkje. Det er vanskeleg å vite sikkert kor stort dette problemet er, og kva som kan vere grunnar til at det er vanskeleg å gjennomføre FoU-stipend som planlagt. Med den sterke auken i beløpa dei siste åra burde det vere lettare å finansiere vikarar og ekstrahjelper no enn tidlegare, så økonomien burde ikkje vere ein vektig grunn. I einskildsaker kan det virke som at avdelingsleiing og stipendmottakar ikkje har hatt god dialog om gjennomføring av FoU-stipend på førehand. Men sidan FoU-stipenda vert tildelte svært lang tid på førehand burde heller ikkje dette vere eit stort problem. Det kan vere grunn til å vurdere om avdelinga bør få eit større økonomisk ansvar om FoU-stipendet ikkje blir gjennomført som planlagt. Dette er jo midlar som avdelinga har vorte tilført og rår over og i prinsippet står ansvarleg for å gjennomføre. Det må også understrekast at formelt sett har avdelinga gått god for søknader gjennom avdelingsvis prioritering og kvalitetssikring av søknader.

14 10 Om FoU-stipenda går inn i større prosjekt og/eller blir integrerte i forskingsgrupper kan dei faglege rammene og kvaliteten på gjennomføringa av stipendprosjekta bli styrka. Leiarar for forskingsgrupper bør vere aktuelle som mentorar eller rettleiarar for stipendmottakarar. I vedtaket til denne saka vert det foreslått at for alle FoU-stipend blir det halde eit planleggingsmøte mellom stipendmottakar, avdelingsleiing og FoU-administrasjonen. Det er ikkje nødvendig å ta dette inn i retningslinene for FoU-stipend. I retningslinene har det stått at stipendmottakar skal levere rapport etter at stipendet er gjennomført. For å understreke avdelingas ansvar for gjennomføring av FoU-stipend vert det foreslått at avdeling og stipendmottakar i fellesskap leverer rapport om bruk av midlane. 2) Saksbehandling av søknader om FoU-stipend Tradisjonelt har søknader om FoU-stipend vorte sende til dekanen på avdelingane. Forskingsutvalet har vedtatt at søknader skal sendast inn elektronisk. Det er lite effektivt om kvar avdeling skal ha sitt eige elektroniske søknadssystem. Dei siste to åra har søknader vorte sendt inn via eit nettskjema (google skjema) frå FoU-administrasjonen og deretter har søknadene vorte distribuert til den aktuelle avdelinga. Dette systemet har praktiske fordelar, men også ulemper. I 2014 var det fleire søkjarar som hadde tekniske vanskar med å fylle ut nettskjemaet. Desse problema vart løyste med unntak for ein søkjar som sende inn søknad via e-post, men diverre vart søknaden oversett. Saka har vore teken opp særskilt i Forskingsutvalet. På eitt plan er dette eit teknisk spørsmål som kan løysast ved at stipendsøkjarar fyller ut skjemaet, men samtidig melder frå pr e-post til avdelinga om at søknaden er send. Det meir prinsipielle i saksbehandlinga er at dekanane som kjent sit som medlemmer i Forskingsutvalet. Det er difor problematisk at dekanane også skal innstille på søknader frå avdelinga. Alternativt kan dekanane gå frå møtet i Forskingsutvalet under handsaming av søknader om FoUstipend, men dette er vel heller ikkje ei gunstig løysing. Det kan tenkjast fleire alternative løysingar på dette problemet. Somme avdelingar har sitt eige forskingsutval, men om dekanen også er medlem der så er ein like langt. Det einaste formelle organet ved sidan av dekan på HVO er avdelingsråd, og høgskulestyret ønskjer at avdelingsråd skal få ei tydelegare rolle og klarare oppgåver. Det kan difor vere aktuelt å bruke avdelingsråd for avdelingsvis kvalitetssikring og prioritering av søknader om FoU-stipend. I retningslinene er det difor foreslått at avdelingsråd skal kvalitetssikre og prioritere søknadene frå avdelinga, og at tildeling skjer i Forskingsutvalet. Vedtak:

15 11 Retningslinene for FoU-stipend vert endra når det gjeld saksbehandling: Avdelingas FoU-utval eller innstillingsråd kvalitetssikrar og prioriterer innkomne søknader ut frå vitskapleg kvalitet og relevans for avdelinga sine fagområde, arbeidssituasjonen i avdelinga og strategiske satsingsområde. Prioriteringa er rådgjevande. Dette vert innarbeidd i retningslinene.

16 12 Orienteringssaker: 1) Strategi Møreforsking. Møte mellom Møreforskings leiing, administrasjon og eigarar, 8. januar Orientering ved prorektor Marie Nedregotten Sørbø, styremedlem i Møreforsking AS. 2) Status i SAKS-prosessen. Orientering ved rektor. 3) Strategisk høgskolefond for Møre og Romsdal. Orientering ved rektor. a. Omtale av fondet ligg på denne nettsida: ec5c 4) EU-rådgivarstilling for høgskulane i Møre og Romsdal. a. Møre og Romsdal Fylkeskommune har foreslått å opprette ei rådgjevarstilling som skal vere felles for forskingsmiljøa i fylket og hjelpe dei i arbeidet med forskingssøknader til EU. Høgskulane og Møreforsking samarbeider om å seie kva som blir arbeidsoppgåver for den som blir tilsett. Johann Roppen representerer HVO i dette arbeidet. 5) FoU-budsjettet for Orientering ved direktør. 6) FoU-administrasjonen pågåande omorganisering. Orientering ved direktør. 7) CRISTIN-registreringar i Orientering ved Geir Tangen ut frå registreringar pr dato. 8) FoU-stipend for 2016 blir utlyst ca 1. mars. Søknadsfrist 1. mai ) Utlysing av 8 stipendiatstillingar. a. Utlysingstekst vert ettersendt. 10) Seminar / forum for kvantitativ forsking. a. Per Arne Tufte ved HIOA held eit praktisk orientert metodeforum/arbeidsseminar på HVO mars der han særleg vil leggje vekt på faktoranalyse, logistisk og lineær regresjon. Kåre Heggen er initiativtakar og tiltaket er finansiert over FoU-administrasjonens budsjett. Seminaret er ope også for tilsette ved Møreforsking. Møte, arrangement med meir: o 7. januar: Informasjonsmøte med Forskingsrådet, HVO. o 15. januar: Møte mellom Stipendiatane og FoU-administrasjonen. o 20. januar: Kontaktkonferanse for universitet og høgskular, 20. januar Tema: Kvalitet i universiteta og høgskulane finansiering og utdanning. Rektor og direktør deltok for HVO. o januar 2015: NODA15, Nordisk konferanse om datajournalistikk, Ålesund o mars: Seminar i kvantitative metodar, HVO. o mars 2015: Solstrand-seminar (UH Nett Vest), Solstrand Os. o juni 2015: Fjordkonferansen 2015, Loen. o september 2015: Forskingsdagane 2015.

17 13 Liste over vedlegg: Vedlegg 1: Framlegg til protokoll frå FU-møte 8/2014, 18. november Vedlegg 2: Innstilling til professor-stipendiat. Av Bele, Sørbø og Døssland. Vedlegg 3: Søknad om strategiske midlar utvikling av NFR-søknad. Vedlegg 4: FU sak : Kriterier for tildeling av FoU-tid Vedlegg 5: FU sak : Rapport frå «Arbeidstidsutvalet» Vedlegg 6: Arbeidstidsutvalets rapport: «Tiden lar seg ikke binde som en annen hest». Vedlegg 7: Innkomne høyringssvar til Arbeidstidsutvalets rapport. Vedlegg 6 og 7 er tilgjengelege her: Vedlegg 8: E-post frå rektor til «Alle HVO», 2. april Vedlegg 9: Piro og Aksnes: «Myter og fakta om kritisk masse i forskning og høyere utdanning», Forskningspolitikk 4/

18 Oppsummering frå møte med høgskulane 6. februar 2015 Høgskulefond utarbeiding av felles kompetanseplan Viser til saknr RN 82/14 og vedtak i fylkestinget 8. desember Fylkestinget gjorde følgjande vedtak: «Det vert sett av 20 mill. kroner til høgskulefond i økonomiplanen i løpet av åra Fondet skal brukast til doktorgradstipend og infrastruktur til oppbygging av relevante fagområde. Fylkesutvalet behandlar søknadene og gjer årleg vedtak om løyving av midlar frå høgskulefondet. Sak blir lagt fram for fylkesutvalet i september 2015.» Fylkestinget vil ta stilling til finansieringa av høgskulefondet seinast ved rullering av økonomiplanen hausten I møtet med høgskulane gjorde fylkeskommunen greie for tidsplan for arbeidet og krav til innhald i ein felles kompetaseplan for bruk av midlane. Tidsplan 15. mai Høgskulane utarbeider eit utkast og sender over til fylkeskommunen 1. juni Fylkeskommunen gir tilbakemelding på utkastet 1. september Felles kompetanseplan frå høgskulane til fylkeskommunen. 20 oktober Kompetanseplanen blir behandla i RN-utvalet 26. oktober Kompetanseplanen blir behandla i fylkesutvalet 9. desember vedtak om finansiering av høgskulefondet Mål for kompetanseplanen Høgskulane skal tilby utdanning på master- eller doktorgradsnivå innan fagområder som bidreg til å styrke verdiskapinga i fylket. Midlane skal derfor brukast til å bygge opp naudsynt førstekompetanse ved høgskulane slik at det kan undervisast på master- eller doktorgradsnivå som er etterspurt av arbeidslivet i fylket. Bruken av midlane Midlane kan brukast til doktorgradsstillingar eller til å utføre FoU-arbeid som fører fram til professorkompetanse som manglar for å kunne undervise på ønska nivå. Noko av midlane kan og nyttast til infrastruktur som er naudsynt for å bygge opp kompetansen til det planlagde nivået. Personar som har bistilling ved høgskulane kan inngå i kompetanseplanen dersom dette er føremålstenleg i høve å nå måla. Dei tre høgskulane må levere ein felles plan for bruken av midlane. Det vil vere ein styrke for planen om høgskulane kan samarbeide om den planlagde undervisninga når kompetansen er på plass. Planen kan utformast som ein opptrappingsplan over tre år , men der dei siste stipendiatane kan tilsettast i år 3. Krav til innhald i kompetanseplanen Planen må innehalde: Kort skildring av høgare utdanning i Møre og Romsdal Status for førstekompetanse og professorkompetanse i 2015 på fagområda ein ønskjer å bygge opp Satsingsområde for kompeoppbygging må grunngjevast i: o Kompetansebehovet i høgskulane o Arbeidslivet sitt kompetansebehov (vurdering av framtidig behov for undervisning på master- eller doktorgradsnivå i fylket) P os tadres s e: Fylkes hus et, M olde Bes øks adres s e: T elefon: T elefaks : e-pos t: pos t@mrfylke.no

19 o o o Plan for framtidig utdanningstilbod på master- og/eller doktorgradsnivå når kompetansen er plass Skildring av behov for infrastrukturmidlar knytt til dei prioriterte fagområda i kompetanseplanen Plan for medfinansiering frå næringslivet Kostnadsplan som viser korleis midlane skal brukast og ein finansieringsplan. Dersom finansieringa frå næringslivet ikkje er på plass innan 1. september er det tilstrekkelig at ein gjer greie for korleis ein ser føre seg at dette kjem på plass. Er kompetanseoppbygginga retta mot offentleg sektor er det ikkje krav om medfinansiering. Det må komme fram korleis kompetanseplanen er forankra i institusjonane sine strategiske planar. Høgskulane står fritt til å forsterke eit eksisterande miljø eller spisse eit eksisterande miljø. Forsterke eit fagmiljø kan til dømes vere innanfor eit eksisterande fagmiljø, men der ein i dag ikkje er akkreditert for å undervise på master-eller doktorgradsnivå. Spisse eit eksisterande miljø kan dreie seg om ei spesiell satsing innanfor eit område som ein alt har utdanning på master- eller doktorgradsnivå. Infrastrukturmidlar kan dreie seg om utgifter til utstyr som er naudsynt i for å bygge kompetansen som er planlagt. Det kan og vere midlar som er nytt til nasjonal eller internasjonal nettverksbygging eller finansiering av anna aktivitet som er bidrar til kompetanseoppbygginga. Koplinga mellom infrastrukturmidlar og kompetanseoppbygging må vere tydelig i planen. Årlege handlingsplanar Det følgjer av vedtaket av høgskulane må søke om midlar kvart år i samsvar med den overordna kompetanseplanen. Med søknaden i 2015 må det derfor følgje ein handlingsplan for Deretter vil Fylkesutvalet på bakgrunn av dei årlege handlingsplanane gjere vedtak om midlar frå høgskulefondet.

20

21

22

23

24

25

26

27

28

29