ÅRSMELDING FOR Rådet for menneske med nedsett funksjonsevne 2014

Transkript

1 LUSTER KOMMUNE Rådmannen servicetorget ÅRSMELDING FOR RÅDET ÅRSMELDING FOR Rådet for menneske med nedsett funksjonsevne 2014 Rådet skal vera eit samarbeids- og rådgjevande organ for kommunen i saker som vedkjem dei funksjonshemma sine behov og interesser. Rådet skal arbeida for størst mogeleg grad av integrering av funksjonshemma på alle område. Rådet skal arbeida for full likestilling for dei funksjonshemma i Luster kommune. Rådet for valperioden : Medlemmer: Kåre Øvregard, Gaupne Selmer Tverberg, Marifjøra Ellen Havellen, Solvorn Hildegunn Øygard Hansen, Gaupne Odd Atle Stegegjerdet Personlege varamedlemer: Ingeborg Nybø, Gaupne Marit Johanne Nyhus, Skjolden Thorleiv Hurthi, Marifjøra Anne Marie Bolstad, Skjolden Nils Einar Thune Leiar: Hildegunn Øygard Hansen Nestleiar: Ellen Havellen Sekretær: Karin Leirdal. Kommunalt råd for funksjonshemma har i 2013 hatt 5 møte og 18 saker på saklista. Endringar frå 2014: Det vart føreteke endringar i samansetjinga av råda, i høve til budsjett for 2014 Politisk styring. Dette som ei prøveordning og gjekk bl.a. ut på: Felles møteplan for råda og utvalet. Felles informasjon og drøfting på første del av møta, andre del med formell handsaming av råds/utvalsspesifikke saker. Råda og utvalet får same vilkår og lik administrativ/merkantil støtte. Rådmannen får mynde til å vurdere behovet for tilsetterepresentant i rådet for menneske med nedsett funksjonsevne. Formannskapet får mynde til å vurdere politisk deltaking i råda og utvalet.

2 Kommunestyret føreset at justeringane fører til ei rasjonell arbeidsform som gjev grunnlag for redusert ressursbruk. Såleis vart ny politisk representant for Eldrerådet Ivar Kvalen. Ellen Havellen m/thorleiv Hurthi som varamann gjekk ut. Tilsetterepresentant Odd Atle Stegegjerde m/varamann Nils Einar Thune gjekk ut. Rådet for menneske med nedsett funksjonsevne har ikkje hatt sekretær tilstades i separate/eigne møte i Leiar Hildegunn Øygard Hansen har sjølv skrive møteprotokoll (kladd). Sekretærarbeid elles, Karin L. Leirdal. Rådet har hatt slik samansetjing etter justeringane for Medlemmer: Kåre Øvregard, Gaupne Selmer Tverberg, Marifjøra Hildegunn Øygard Hansen, Gaupne Personlege varamedlemer: Ingeborg Nybø, Gaupne Marit Johanne Nyhus, Skjolden Anne Marie Bolstad, Skjolden Leiar: Hildegunn Øygard Hansen Delvis Sekretær: Karin Leirdal. Administrasjonen har delteke på alle møte med informasjon. Dette i fellesmøte med Eldrerådet, Rådet for menneske med nedsett funksjonsevne og Brukarutvalet for samhandlingsreforma. Råda og utvalet har fått delteke i drøftingar og hatt høve til å koma med innspel og merknader. Etter fellesinformasjon har råda og utvalet hatt møte kvar for seg. Rådet har fått fylgjande orienterings/informasjonssaker. Møte den Arne Lerum orienterte om planane for bygging av kommunale bustader på tomta ved tidlegare Gaupne barnehage og nærliggjande tomtar. Det er valt ei løysing med totalt 18 leilegheiter, 6 to roms og 12 med 3 rom. Desse er meint som utleigebustader, men og som sjølveigande, der interesserte kan få skaffe seg sin eigen rimelege bustad. Området skal regulerast og planen vert lagt ut til offentleg ettersyn. 2. John Olaf Røhme, Kari Paulsen og Jarle Skartun orienterte om status og utvikling i institusjonsdrifta. Fylgjande dokument vart lagt fram i møtet: Oversikt over framtidig «Helse- og omsorgstrapp i Luster kommune.» Utviklingsarbeid Luster heimeteneste Utviklingsarbeid Luster sjukeheimsteneste Det vert sett i gang eit prosjekt der ein ser på organiseringa av Luster heimeteneste. Oppdrag (B-13).

3 Vidare samansetjing og balansen i tenestetilbodet mellom langtidsplassar, r, ev. tryggleiksplassar, omsorgsplassar og omsorgsbustader skal og vurderast Det skal gjerast ei fagleg og økonomisk vurdering av om det i framtida er føremålstenleg å drifte tre fullverdige sjukeheimar med institusjonsplassar. Oppdrag (B-14.) Det vil bli lagt fram sak i Kommunestyret i juni. Saka om endra kjøkendrift vil og koma opp til politisk handsaming før sommarferien. Møte den Administrasjonen orienterte om framtidig kjøkenordning i pleie og omsorgstenesta. Saka skal opp i Formannskapet den 16.mai og kommunestyret 22. mai. Saksutgreiing m/tilråding frå Rådmannen vart lagt fram i møtet. 2. Administrasjonen orienterte om tildelingsteamet i helse og omsorgstenesta. Dei har møte kvar onsdag der dei vurderer søknader, tildeler plassar m.m. 3. Administrasjonen orienterte om status for drift og utvikling i pleie og omsorg. Det er generelt god drift og det vert levert gode tenester. Det er ledig kapasitet i sjukeheimane og turnus på Hafslo må tilpassast færre pasientar. Det vert arbeidd godt i heimetenesta og dette bidreg til redusert press mot sjukeheimane. Ein har kome langt med utviklingsabeidet i heimetenesta, og ny teknologi gjev gode resultat. 4. Administrasjonen orienterte om Luster kommune sin folkehelseprofil. Kommunen har gode resultat innan folkehelse samanlikna med andre kommunar og landet elles. Frisklivsentralen vart bl.a. nemnd som viktig tiltak. Det blir og gjort mykje godt frivillig arbeid rundt om i kommunen. Møte den Administrasjonen orienterte: Overordna økonomiske utfordringar Sjølv om Luster har god økonomi og gode tenester for innbyggjarane, har kommunen økonomiske utfordringar i 2014 og det må gjerast strukturendringar. Det er vanskeleg å skapa balanse, det må nyttast fond. Dette skuldast m.a. auke i pensjonsutgifter, svikt i kraftinntekter på grunn av låge prisar, lågare skatteinntekter og litt lågare rammeoverføringar. Driftsutgiftene er utfordrande og må reduserast. Det er auke i barnehageaktivitet med ekstra opptak i januar, og auke i spes.ped. tiltak i skulane. Det er svikt i inntekter i pleie/omsorg som bl.a. følgjer av ledig kapasitet på Hafslo og i Luster. Det er og utfordringar innan investering, og vanskar med å halde budsjettet. Fleire ferdigstilte og pågåande prosjekt har kosta meir, og prosjekt som skal gjennomførast treng auka rammer. Spesielt Hafslo barnehage har fått uføresette utfordringar. Oppattbygging av utrasa sving i Engjadalsvegen kosta 2.mill. kr. Status ev. avtale med Sogndal.

4 Det vil bli sett i gang forhandlingar med Sogndal om leige av sjukeheimsplassar på Hafslo for ein periode på ca 1 ½ år frå Det vart stilt spørsmål om avtale med Sogndal kan gå ut over tilbodet til brukarane i eigen kommune. Administrasjonen lova at det ikkje skulle skje. Status helse- og omsorg. Det er generelt god økonomisk drift på omsorgsentra, og ingen ventetid. Det er god aktivitet i korttidstilbodet som har fått god omtale, og fungerer godt. Brukarane får god hjelp. Dei 8 nye omsorgsplassane i Gaupne er snart ferdige. Det er framleis stor etterspørsel etter omsorgsbustader i Gaupne. Det er oppnemnd ei prosjektgruppe som skal arbeide vidare med kjøkkensaka. For å få eit tilfredstillande sentralkjøkken på Gaupne omsorgsenter må det byggjast litt om og utvidast for å få betre lagerkapasitet. Folkehelse og førebyggjande helsearbeid i Sogn (FFHIS) Som eit resultat av det interkommunale prosjektet Folkehelse og førebyggjande helsearbeid i Sogn (FFHIS) vart Sogn frisklivssentral formelt opna 22. mars Kommunane Leikanger, Luster og Sogndal er deltakarar i samarbeidet. Samarbeidet blir organisert som eit administrativt vertskommunesamarbeid. Sogndal kommune er vertskommune. Møte den Administrasjonen orienterte. Status helse og pleie/omsorg Stabilt innan helse- alle fagstillingar er tilsett. Utfordring innan legevakt med krav om fysisk tilgjengeleg bakvakt, ( ny forskrift). Har vore auka arbeid for kriseteamet, bl.a. ulukke på Nigardsbreen. Krev betre organisering. Luster ligg godt an i høve til legemiddelbruk, har lågt forbruk. Nasjonal sikkerheitskampanje pågår.- Fokus på rett legemiddelbruk på institusjonar. Blir jobba med fagleg saman med farmasøyt. Det vart stilt spørsmål om same sikkerheit gjeld for andre. Kommunelegeo svara at alle kan få gjennomgang av sine legemiddel gjennom fastlegen. Nye rom for langtidsplassar i Gaupne er tekne i bruk. Behov for langtidsplassar går ned. Er ledige plassar både i Gaupne, Hafslo og Luster. Avventar endeleg svar frå Sogndal om leige av plassar. Planlegging av storkjøkken går sin gang. Tomtearbeid for tilbygg til hovudkjøkkenet i Gaupne er starta opp. Korttidsavdelinga (KA) flytter inn i nye lokale. Overtaking av pasientar frå sjukehus går bra. Medfinansieringsodninga er det no framlegg om å ta vekk. Det er negativt for Luster som har handsama mange lokalt og slik spart sjukehusinnlegging og med det spart utgifter. Blir jobba med politisk. Ny bustadsosial handlingsplan Planen er under utarbeiding og skal handsamast politisk.

5 Ein bustadsosial handlingsplan er ein plan som handlar om bustadar og butiltak for grupper av befolkninga som har vanskar med å skaffe seg eller behalde ein tilfredsstillande bustad på eiga hand. Økonomiske, sosiale, psykiske og fysiske problem (der i blant eldre) gjer at ein del av befolkninga har problem med å skaffe seg bustad eller behalde den. Målet med bustadsosial handlingsplan er at kommunen skal få eit godt styringsredskap for å møte behova til desse gruppene. Status arbeidet med førebyggjande helsearbeid, frisklivssentral mm. Vedlegg framlagt i møtet: Ny brosjyre om lærings- og meistringstilbod Utgitt av nasjonal kompetanseteneste for læring og meistring innan helse av 4. august Sogn frisklivssentral har fått endra namn til Sogn frisklivs- og meistringssenter (FMS). FMS er ei vidareutvikling av Sogn frisklivssentral og er eit samarbeid mellom kommunane Luster, Leikanger og Sogndal. I tråd med samhandlingsreforma er det eit ynskje at lærings- og meistringstilbod også blir oppretta i kommunane eventuelt interkommunalt. Tilbod ein vil starte med er: Tilbod til familiar som har barn med overvekt. KID-kurs (depresjonsmeistring) Kurs for pårørande til personar med minnesvikt I tillegg er det i gang samarbeid med LHL der ein ser på aktuelle tilbod. Aktivitet og kurstilbod vil føregå i alle 3 kommunane. Tankar om eit dagsenter. Kommunen bør vere god på gode dagtilbod. Syner til den generelle folkehelsesatsinga om førebygging mot sjukdom. Ein må sjå på organisering av dette på best mogeleg måte og med samordning av dei ulike tilboda med fagpersonar. Ein må ta utgangspunkt i dei tenestene som finst, også helsetenestene. Eit dagsenter vil bli ein organisert møteplass der lag og organisasjonar kan vere med i drifta. Stor frivillig innsats vil vere avgjerande. Det vil bli ein felles aktivitetsplass, men også ein sosial møteplass. Eit dagsenter utanfor institusjonane er viktig for å bryte isolasjon. Eit problem er avstandane i kommunen og ein må difor sjå på transport, kva tilbod som finst og korleis det kan utviklast. Dei frivillige er sentrale her og. Ny bibliotekplan Alle skular skal etter lova ha skulebibliotek i skulen eller i nærleiken. Rådmannen føresler å leggje ned folkebibliotekavdelingane på Skjolden, Hafslo og Veitastrond. Det blir i staden etablert oppvekstbibliotek i alle skulekrinsane. Oppvekstbibliotek er til felles bruk for skule og barnehage. Biblioteka vil vere opne i skuleitda, og såleis vere tilbod for foreldre og alle andre som måtte ynskje å nytte tenesta i sin krins. Folkebiblioteket i Gaupne vil halda fram som tidlegare og delta i å utvikle skule- og barnehagebiblioteka. Biblioteksaka blir eiga sak i løpet av hausten, og råda/utvalet har høve til å koma med innspel. Endeleg handsaming i kommunestyret i desember.

6 Budsjett 2015/Økonomiplan /Planleggingsprogram Vedlegg framlagt i møtet: Notat frå Rådmannen til Formannskapet av , og Kommunen har solid, god økonomi med generelt gode tenester og tilbod. Men no brukar me meir enn me tenar. Det er ubalanse i økonomien og ubalansen aukar. Lånegjelda har auka og det må nyttast oppsparte fondsmidlar. Det går ikkje over tid. Grunnen til dette er svikt i kraftinntekter og eigedomsskatt, auke i pensjonskostnader og avvikling av medfinansiering for sjukehustilbod. I tillegg har kommunen høgt investeringsnivå og høge kostnader. Rådmannen har sett opp ein strategisk plan med utviklingstiltak for å oppnå betre balanse i økonomien. Forslag til tiltak framover er bl.a. auka inntekter/betalingssatsar, og fortsatt generell innstramming på fleire område, m.a. helse, kultur. Innan PLO vil det vere ulike tiltak som kan redusere strukturkostnader utan at tenestetilbodet vert dårlegare. Konkrete forslag til tiltak er m.a. - Redusert administrativ bemanning - Betre kapasitetsutnytting institusjonstilbodet - reduksjon/samordning av nattevaktordning i pleie- omsorg - redusert suppleringsopptak og sommardrift i barnehage - reduserte spes.ped. tiltak - redusert driftstilskot Lustrabadet - Reduksjon av div. tilskot og støtteordningar. Møte den Administrasjonen orienterte. Budsjett 2015, Økonomiplan , Planleggingsprogram Administrasjonen hadde i tidlegare møte informert om budsjett 2015, økonomiplan og planleggingsprogram Rådmannen orienterte no om Formannskapet sitt framlegg. Frist for ev. merknader er sett til 10. desember. Kommuneplanen arealdelen. Torunn Løne Vinje orienterte om framlegg til revidert plan. Den er lagt ut til offentleg høyring. Frist for merknader til planframlegget er fredag 18. desember Det er ei målsetjing at planen skal vedtakast av kommunestyret innan utgangen av februar Hovudføremålet med arealdelen er å leggja til rette for ei overordna styring av arealbruken i Luster kommune. Det er ein juridisk bindande plan som skal leggjast til grunn for planlegging, forvaltning og utbygging. Spørsmål/Drøftingar.

7 Det vart stilt spørsmål om plandokumenta er sendt til alle grunneigarar, om dei har fått all informasjonen om planen. Administrasjonen svara at det er ikkje sendt ut no, men alle kan koma med innspel. Det har vore folkemøte på Skjolden, Gaupne og Hafslo tidlegare. I tillegg blir det møte i Gaupne på rådhuset no. Planen er lagt ut i papirformat på servicetorget, rådhuset, biblioteka i Gaupne, Skjolden. Hafslo og butikkar på Veitastrond, Jostedal, Luster, Fortun og Fjordatunet i Kroken. Det vart stilt spørsmål om byggefelt ved Grindane i Gaupne - Kvifor ikkje nytte andre område nærare sentrum. Administrasjonen svara at det er nøye vurdert, særleg i samband med rasområde ( jord og stein). I tillegg er det teke omsyn til arealutnytting, dyrka mark, kulturminne etc. Rådet har gjort vedtak i fylgjande saker. 1. Årsmelding for kommunalt råd for menneske med nedsett funksjonsevne for VEDTAK i møte den Rådet sluttar seg til den framlagde årsmeldinga for rådet for menneske med nedsett funksjonsevne for Årsmeldinga blir å leggja fram for kommunestyret for orientering. 2. Budsjett 2014, økonomiplan , Planleggingsprogram VEDTAK: Innspel i møte den Luster har handsama mange pasientar lokalt og slik spart sjukehusinnlegging og med det spart utgifter. Det straffar seg å vere best i klassen. Det er synd at Luster kommune vert straffa og tapar 2. mil. kroner for godt arbeid. Dette er resultatet av regjeringsskifte. - Forslag frå rådmannnen om å redusere spes.ped. tiltak: - Rådet syner til tidlegare vedtak i samband med budsjetthandsaming. - Me er i mot å kutte på spes.ped. tiltak. Det er viktig å fange opp resurssvake elevar i tidleg alder. Det hjelper elevane å fullføre skule og utdanning og me unngår «drop out» elevar. - Rådet vil igjen koma med innspel om Økonomisk støtteordning til personar med nedsett funksjonsevne i samband med reiser. Dette for å dekke personalutgifter til personar som treng å ha med pleiarar på reiser, fritidsaktivitetar eller ferie. Rådet syner til tidlegare vedtak. Vedtak i møte den Kommunen må gjere tiltak for å spare inn att sviktande inntekter.

8 Rådet ser positivt på at kommunen vil behalde 2. gongs inntak i barnehagane. Dette er svært positivt for ungar som står i kø og for ungar som treng særskilt plass. Rådet er skeptisk til reduksjon i spes.ped.tiltak. Det er veldig viktig at ungar som treng spesialtiltak vert fanga opp tidleg. Dette er førebyggjande arbeid og hindrar for eksempel «drop out» elevar på ungdomsskulen og vidaregåande skule. Grandmo Heimeteneste får ½ mill. til ombygging for å betre arbeidsvilkåra til dei tilsette. Dette må vera eit strakstiltak og til ein overgangsperiode. Grandmo Heimeteneste må om byggjast totalt! Dette må planleggjast nøye og finne gode løysingar på. Kommunen har eit stort areal på Grandmo som er veldig dårleg utnytta. Dei gamle husa som er utleigebustader i dag er i elendig forfatning og har store hagar til ingen nytte. Ny bustadbygging på Grandmo (Barnehagetomta). Saknar oppføring i budsjettet. Rådet for menneske med nedsett funksjonsevne har etterlyst pendlarrute i mange år. ATS har tredobla tal brukarar over års periode. Det har vore vesentleg liten auke i løyvde midlar. ATS tilbyr mange ulike oppgåver for sine brukarar. Rådet ser det som svært positivt at ATS ynskjer å utvide sine aktivitetar. Utarbeide planar for gjenbruks/bruktbutikk i samarbeid med Simas ser me på som svært positivt. Utplassering av brukarar i andre bedrifter er eit veldig godt tiltak. Det er ikkje alle brukarar som «passar inn» på ATS. Rådet har registrert at fleire personar som jobbar i andre bedrifter ikkje lenger er brukarar av ATS. Det er flott at desse personane har fått gode løysingar. Rådet for menneske med nedsett funksjonsevne etterlyser offentleg toalett i Gaupne sentrum nok ein gong. Omsorgsplassar. Fasilitetane på romma på omsorgsplass er veldig dårleg. På eit rom har dei soverom, stove og eit kjøleskåp. Bad er i tillegg, men det er veldig små oppbevaringsmogelegheiter bl.a. til klede. Dei har liten kjøkkenbenk, men ikkje vask eller kokeplate. Kjøleskåpet er plassert på golvet og vanskeleg å få bruke på skikkeleg vis. Dei «Oppegåande» greier ikkje å bøye seg ned og det gjer ikkje dei som sit i rullestol heller. 3. Reguleringsplanar. Kommuneplanen - samfunnsdelen I møte den gjorde rådet for menneske med nedsett funksjonsevne fylgjande vedtak: «Rådet for menneske med nedsett funksjonsevne ser med positivitet på den nye kommuneplanen. Det er veldig positivt at det vert satsa på meir bustadbygging i Gaupne sentrum. Menneske med nedsett funksjonsevne ynskjer å busetje seg sentrumsnært av fleire grunnar. Bl.a. nærleik til butikkar, helsesenter, rådhus, bibliotek, tilgang til buss og mykje meir. Gaupne er også godt eigna på grunn av stor bygnad på flatt terreng.

9 Men rådet ser likevel med undring på at Grindane er valt som nytt bustadområde. Gaupne sentrum har andre og betre alternativ som for eksempel Ekrene og området til Sjur Haugen. (Han har lagt ned gardsbruket sitt.) Me ser og med stor undring på at det er den eine gardbrukaren som har full drift, som alltid må gje frå seg dyrka mark. Her må det i så fall inn med erstatningsløysingar. Trafikktryggingstiltak er viktig. Biltrafikken gjennom Gaupne sentrum er vorten veldig stor i og med at barnehagen er flytta fremst i bygda. For å minke på trafikken gjennom sentrum er det ein god ide å byggje ny bru ved sida av gamlebrua. Då vil mykje av trafikken gå langs Jostedalselva og framover før den kryssar elva, og det vert kort veg til barnehagen og bustadfelta fremst i bygda.» Reguleringsplan Bolstadmoen Vedtak i møte den Rådet synte til vedtak i møte den Rådet hadde ikkje merknad til reguleringsplanen for Bolstadmoen, men føresette at området så godt som mogeleg vart universelt utforma. Oppstart av reguleringsarbeid for Heggmyrane. Vedtak i møte den Rådet er positive til oppstart av reguleringsarbeid for Heggmyrane. Rådet er særs positive til utbygging av stolheis. Det er eit flott middel for å koma seg til fjells, og vil vere helsefremjande for menneske med nedsett funksjonsevne. 4. Framtidig kjøkkenorganisering Vedtak i møte den Rådet for menneske med nedsett funksjonsevne ser positivt på tilrådinga til rådmannen. Det er positivt at administrasjonen har sett seg godt inn i saka, og ser at det krevs god planlegging og at dei har forståing for at alt utstyr og lagerplass må vere på plass før dette vert sett i drift. 5. Vidareutvikling av Sogn Frisklivssentral. Vedtak i møte den Rådet registrerer at Sogn frisklivssentral er komen godt i gang, men det er endå mykje meir som står att. Det er positivt at dei startar med desse tre gruppene; demens, kols og overvekt hjå unge, og får desse godt i gang før utviding. Det er positivt med interkommunalt samarbeid. - Lettare å få fagfolk og kvalifiserte folk - Lettare å få i gang brukargrupper - Meir anonymt Ein viktig jobb no framover er å få belyst for publikum at desse tilboda finst. God informasjon er viktig.

10 Rådet for menneske med nedsett funksjonsevne ser at dette er retta mot personar som skal førebygge, har fått eller skal leve med rehabiliterte sjukdomar. Dette er retta mot brukarutvalet. Vårt Råd ynskjer større belysning på barn og unge som er vanskelegstilte, frå barnehagealder. Det kan vere ressurssvake familiar som treng motivasjon og sosialisering. Hjelp til å meistre kvardagen og kome seg vidare i livet, opp og fram. Sogn Frisklivs og meistringssenter. Innspel i møte den Eit flott tiltak. Frisklivssentralen er flinke til å finne samarbeidspartnarar i lag og organisasjonar. Folkehelseopplysning: «Ynskjer meir læring for eige helse - for å ta vare på eiga helse.» 6. Ny bibliotekplan. Innspel i møte den Rådet meiner framlegget frå rådmannen om ny bibliotekplan høyrest fornuftig ut. 7. Status helse og pleie/omsorg. Innspel i møte den Generelt sett er Luster kommune gode på helse og pleie/omsorg. Det er vanskeleg å få inn sjukepleiarar i ledige stillingar. Men det er på grunn av små stillingsprosentar. Det viser seg, og me trur at ved å tilsette fleire folk i pleie/omsorg, slepp ein mykje av slitasjen på pleiarane og dei vert heller ikkje så sårbare ved for eks. sjukdom. Hender og økonomi: Er det mogelegheiter for meir samarbeid mellom sjukeheimstenesta og heimesjukepleien? Det viser seg vanskeleg når det er helgestillingar som manglar folk. Luster kommune skal knyte seg til felles legevaktordning i Lærdal Dette ser me på som positivt då denne vert meir lokal enn i forhold til Førde. Utfordringar i Luster kommune: Me trur dei største utfordringane kjem innan pleie og omsorg. Personalet forlangar og ynskjer større fagmiljø. Det vert større krav til spesialisering. Her krevs det meir samarbeid. Samtidig trur me at omsorgsplassar vert eit større behov. Desse kan erstatte enkelte sjukeheimsplassar for eks. for dementpasientar. 8. Førebyggjande helsearbeid, frisklivsentral. Innspel i møte den Under planlegginga av Lustrabadet lufta Rådet at det var ein god ide å leggja treningssenteret i tilknytning til Lustrabadet. Me såg alle mogelegheitene og fordelene som dette kunne føre til. Etter det me forstår no er det ledige lokale i

11 kjellaren til Lustrabadet for lite og lågt under tak. At gamle yrkesskulebygget kan brukast i samband med nytt treningssenter ser me som positivt. Me meiner at det må byggjast ein tørrgang mellom yrkesskulebygget og Lustrabadet. Rådet ser det som svært positivt at kommunen får i gang eit dagsenter. Me tenkjer at her er terskelen lågare for å kome seg ut enn berre tilbod på omsorgsentera. Å legge dagsenter i tilknyting til treningssenteret og Lustrabadet meiner me er ein god ide. Då er ein og lokalisert i sentrum, med nær avstand til helsesenter, bank, Pyramiden osv. 9. Ny bustadsosial handlingsplan (Under utarbeiding av planen.) Innspel i møte den Dette er eit prosjekt rådet for menneske med nedsett funksjonsevne har jobba for i mange år. Me ser med stor positivitet på at dette no er sett på dagsorden. Kommunen må vere behjelpeleg med bustader og jobb tilrettelegging og integrering. Bustadsosial handlingsplan skal vere med å hjelpe og til retteleggje med lån og finansiering til eigne bustadkjøp for vanskelegstilte og resurssvake personar. Grandmo heimeteneste: Husa på Grandmo som i dag er utleigd til menneske med nedsett funksjonsevne er i veldig dårleg stand. Husa er kalde, dårleg isolert, høgt under tak som stel mykje varme og dårlege varmekjelder. Det viser seg frå andre kommunar at personar med funksjonshemming fungerer best i trygge omgivnader. Der det er bufellesskap med eigne leilegheiter er trivslen høgst. Desse personane fungerer også best sosialt. Riv dei gamle husa og utnytt arealet betre. Personalet på Grandmo heimeteneste har alt for lite fasilitetar. Saker rådet har teke opp: 1. Tilskot/midlar til brukarar som treng følgje på reiser. Vedtak den Saksprotokoll: Ymse Det er kome opp att sak om etterlysing av tilskot/midlar til brukarar som treng følgje på reiser. Det blir ekstrautgifter for brukarane som sjølve må betale personalet for overtidsarbeid. (Arbeid utover vanleg arbeidstid.) Rådet har føreslege ein pott på kr ,- i budsjettet. Leasingbil. Grandmo heimeteneste sine brukarar jobbar no med å få til ei privat ordning på leasingbil. Arbeidet er i gang og det er eit firma som har kome med gode tilbod.

12 Gjennomgang av reiserekningane til brukarane der det vart nytta bil til ulike aktivitetar/reiser var på kr ,- i Jf. vedtak i budsjettsaka Rådet vil igjen koma med innspel om Økonomisk støtteordning til personar med nedsett funksjonsevne i samband med reiser. Dette for å dekke personalutgifter til personar som treng å ha med pleiarar på reiser, fritidsaktivitetar eller ferie. Rådet syner til tidlegare vedtak. Andre framlagde skriv og meldingar. Møte den Fylkesrådet for funksjonshemma i Sogn og Fjordane: Rapport frå studietur i Nederland 30. sept.-4. okt Bufdir Deltasenteret: Som ein del av oppdraget med å fylgje opp lova om kommunale og fylkeskommunale råd for personar med nedsett funksjonsevne, er det utarbeida ei temaside på nettet. Temasida blir oppdatert med jamne mellomrom og ligg på: Bladet «Selvsagt» Funksjonshemmede mot diskriminering. Frå helse Førde Samhandlingsnytt. (Informasjonnskriv kvar månad.) Tidsskriftet «Utvikling» Tidsskriftet «Handicapnytt» Invitasjonar: Seminar den 3. april 2014 på Skei i Jølster Fylkesrådet for funksjonshemma inviterer til dagskonferanse med tema «Arbeid for alle!» Med undertittel drop out vs drop in arbeid er rota til alt godt! Basiskurs om aldring hos personar med utviklingshemming. Kurs på 18 undervisninstimar for personale som arbeidar i kommune- og sosialhelsetenesta med eldre personar med utviklingshemming. Kulturfestival for utviklingshemma 4-6 april 2014 Rica Sunnfjord hotell Førde. Kurshefte om «Kurs og andre tenester 2014 ved Frambu - Senter for sjeldne funksjonshemninger.»