Tiltak for kvinner i mottak. Eit prosjekt finansiert av legat frå Nasjonalforeningen for folkehelsen

Transkript

1 Tiltak for kvinner i mottak Eit prosjekt finansiert av legat frå Nasjonalforeningen for folkehelsen 1

2 Bakgrunn for prosjektet Førde frivilligsentral mottok midlar etter søknad frå «Legat til fremme av folkehelsen» til å arbeide med tiltak for kvinner i mottak. Førde frivilligsentral har i fleire år hatt eit samarbeid med Førde mottakssenter. Frå tida søknaden vart innvilga til d.d har Førde kommune hatt ei stor auke i flyktningar og asylsøkjarar som bur i mottak.våren 2015 var Førde vertskommune for eit ordinært mottak som romma om lag 140 bebuarar. Utover hausten 2015 var det etablert mottaksplassar for 210, og våren 2016 vart eit nytt mottakssenter opna med plass til 160 bebuarar. I juni 2016 budde det om lag 350 flyktingar på mottak i Førde, ein del av desse har fått opphaldstillatelse og ventar på bustad, medan andre ventar på svar av søknaden sin om opphaldstillatelse. Hausten 2016 vart det varsla at talet på mottaksplassar skal reduserast. I løpet av våren 2017 vert det nyaste mottaket lagt ned i Førde. Det er mange menneske frå ulike kulturar som skal leve saman i slike mottakssenter, dermed finnast det ulike menneskesyn og kvinnesyn. Sjølv om kommunen tilbyr norskundervisning og det foregår ulike aktivitetar i Førde så er mange av kvinnene berre med på aktivitetar som fysisk skjer på mottaket. Dette skapar store skilnadar i innvandrargruppa. Det finnast nyansar, men generelt sett kan ein seie at borna går på skule/i barnehage og mennene på norskundervisning, medan kvinnene vert værande i heimen/mottaket. Trenden er at borna etter kvart lærer seg godt norsk og integrerer seg forholdsvis greitt i det sosiale miljøet. Mennene er meir sjølvstendige utanfor senteret, dei vert etter kvart jobbsøkande og ein del av lokalmiljøet. Kvinnene vert derimot ståande utan språkopplæring og utan særleg sosial tilhørighet /nettverk i det norske samfunnet. Dette fører til store sosiale skilnader og einsemd, desse kvinnene fell utanfor i samfunnet vårt. Det er god aksept i det multikulturelle miljøet på mottaket for at kvinnene får delta i aktivitetar som foregår i regi av frivilligsentralen, vi har såleis er det eit stort potensiale på dette området, men vi må sørgje for å legge tilrette aktivitetar og tiltak i tråd med behov og ha ei fysisk plassering som gjer til at innvandrarkvinnene kan og vil nytte seg av aktivitetane. 2

3 Førde frivilligsentral fått høve til å gjennomføre ei rekke tiltak for kvinnene på mottaket takka vere «Legat for fremme av folkehelsa». Ved to høve har leiar for frivilligsentralen hatt innlegg til studentar ved vidareutdanningar på Høgskulen i Sogn og Fjordane, samt på nettverkssamling for Frivilligsentralane i fylket der ho har formidla sentralen sine tiltak for kvinnene på mottak. Aktivitetane har fortløpande vorte publisert på Førde frivilligsentral si Facebook-side, NRK har hatt reportasje om handarbeidsgruppa på mottaket og prosjektet har vorte formidla til to politiske delegasjonar som har vore på besøk. Legatmidlar frå dykk og logo har vorte formidla i innlegg og presentasjonar som vi har gjennomført undervegs i prosjektet Personalressurs i arbeidet har variert frå 0 % 40% alt etter aktivitetsnivå og ferietider. Midlar har elles vorte nytta til transport til og frå aktivitetar. Då mottaka hadde flest flyktningar måtte dei leige husvære utanfor sentrum, noko som medførte uforutsette transportutgifter. Matvarer og ingrediensar, ein del aktivitetsutstyr, samt leige av lokale i enkelte høve har også vorte dekka av legatmidlar. Ved årsskifte var ikkje alle utgiftene krevd inn, her er vi i dialog med rekneskapsavdelinga slik at restmidlane er øyremerka prosjektet til vi får avslutta rekneskapen. Mange av tiltaka i arbeidet med tiltak for kvinner i mottak er så godt etablert at vi klarar å vidareføre dei. Dei frivillige i handarbeidsgruppa er ivrige etter å halde fram med arbeidet, det er laga halvtårsplan for 2017 med fordeling av ansvar. Vi har også etablert så gode samarbeidsrutinar at involvering i Fargerike Førde, Internasjonalt kor og kafe, sommarfest, Julaftafeiring vil halde fram. Vi ser at når vi inviterer kvinnene ved mottaka spesielt til deltaking og aktivitetar så møter mange av dei. Det vert etablert kontakt mellom desse kvinnene, frivillige og andre i lokalsamfunnet. Prosjektet har vore verdifult i innhald, men også fordi fleire held kontakten mellom arrangementa og dei formelle aktivitetane. 3

4 Strikkegruppe/handarbeidsgruppe Flott «dugnadsteppe» som mange har vore med og laga. Strikkegruppa/handarbeidsgruppa er ein aktivitet på mottakssenteret. Annankvar tysdag kl samlast handarbeidsglade damer. Denne aktiviteten har vorte svært populær for dei kvinnelige bebuarane. Det er tidvis fokus på språkopplæring kombinert med ulike håndarbeid. Kvar strikkekveld lærer innvandrardamene fleire nye ord og får kunnskap om det norske samfunnet. Det har vore opptil 30 samla på strikkekveldane! 5-6 norske og resten bebuarar frå mottaket. Borna er også velkommen, nokre av damene må ha dei med seg. Då prøver vi å ordne det slik at frivillige aktiviserer borna slik at mødrene får konsentrere seg om handarbeid og språk. I 2015 fekk strikkegruppa besøk av NRK som laga ein reportasje om gruppa som er ein god sosial integreringsarena. 4

5 I desember hadde vi sesongavslutning for handarbeidsgruppa. Frivillige diska opp med julegraut, kaffi/te og kaker. Der deltok også aktivitør frå Førde ressurssenter med rettleiing og utstyr til å lage raude julehjerter av filt i Same aktivitør stilte opp i 2016, då vart det laga englar og anna julepynt 5

6 Aktivitet ved nytt mottak Då det vart oppretta nytt mottak i Førde våren 2016 tok vi kontakt og informerte om dei ulike aktivitetane som kunne vere aktuelle for bebuarane der, inkludert aktivitetane som vi hadde fått til for kvinner i mottak. Det tok noko tid for mottaket å etablere seg, men hausten 2016 fekk vi til eit godt samarbeid. Ein kvinnelig bebuar hadde behov for transport til/frå sjukehuset fordi mannen hennar var innlagt der. Vi etablerte ein turnus av frivillige som nesten kvar dag i nærare to månadar kjørte og henta slik at ho og sonen på 4 år fekk besøke han. Slik vart dei frivillige sjåførane sterkt knytt til mottaket.. Tre av dei fem frivillige hadde høve til å komme då dei vart invitert til mottaket for å motta takk frå kvinna og dei tilsette Saman med kvinnene på mottaket laga dei frivillige til nissefest for bebuarane i det nye mottaket. Alle borna fekk gåver, kvinnene fekk også ei overrasking frå nissen. Litt stas at under nissekleda befann det seg ein ekte ordførar. 6

7 Førde internasjonale kor Førde internasjonale kor er ein lågterskelarena der alle stemmer er velkomne. Koret vart starta hausten 2013, og er eit prosjekt for å skape møteplass og ein arena for kulturdeltaking som er lett tilgjengeleg i Førde. Frivilligsentralen er med i internasjonalt kor sitt styre, og er aktiv i utviklinga av dette tilbodet. 3-5 av kvinnene frå mottaket har delteke i koret heile perioden, ytterlegare 2 kvinner kom til hausten Det er om lag 80 kormedlemmar frå mange ulike nasjonar, over halvparten er frå lokalbefolkninga. Internasjonalt kor er ein god arena for å oppleve tilhørighet Førde internasjonale kor har hatt ulike opptredenar og delteke på ulike arrangement, høgdepunktet i 2016 var tur til Oslo på Frivillig Norge sitt nasjonale seminar om integrering. Nrk 1 omtala koret i eit av sine radioprogram, der kjem det fram kva koret betyr for mange. Internasjonalt kor har eiga Facebookside /?fref=ts 7

8 Folkemøte om integrering Hausten 2015 tok Frivilligsentralen initiativ til eit folkemøte der temaet var integrering, korleis frivillige kan bidra på ulike måtar. Dette vart starten på fleire tiltak for kvinnene på mottaket. Oppmøtet denne kvelden var på 75 personar derav meldte det seg 49 frivillige, nokre frivillige meldte seg til å halde bakekurs og arrangere velværekveldar. Annonsa og bilete frå folkemøtet om integrering det var stort oppmøte og engasjement. Mange av dei som meldte seg til frivillig arbeid denne kvelden var nye med eit særlig engasjement for flyktningar. I ettertid har mange av dei vore aktivt frivillige og bidrege ulikt inn mot aktivitetar for kvinner i mottak. Internasjonal kafe kom også i stand etter ein ide frå folkemøtet. 8

9 Internasjonal kafe Den internasjonale kafeen har vore i drift sidan november Annankvar torsdagkveld er det ein møteplass for alle som vil stikke innom. Mellom gjestar har vitja kafeen kvar gong. Mange kvinner frå mottaka har etter kvart funne vegen dit. Kafeen nesten er sjølvfinansierande. Dei som vil av gjestane kan ta med seg noko å sette på fellesbordet, elles er det kaffi og te tilgjengelig. Vi laga vår eigen logo til den internasjonale kafeen. Her koser kvinnene seg på internasjonal kafe 9

10 Bakekurs og bakekveldar Frivillig tilbydde seg å halde tre bakekurs for kvinnene ved mottaket. Vi fekk låne skulekjøkkenet ved Førde ungdomsskule til dette. Seinare var vi i dialog med Sunnfjord Folkehøgskule som tilbydde seg å arrangere fem bakekveldar våren Det vart også arrangert fem bakekveldar hausten Bakekveldane var svært vellukka og populære blant kvinnene på mottaket. 10

11 Velværekveldar To gongar vart det arrangert velværekveldar for kvinnene ved mottaket. Frivillig Oriflamekonsulent tilbydde seg å ta ansvaret for kveldane. Her var det fotbad, sminking og utlodning av små gåver der alle vann premiar. Dei vart servert eplesider, konfekt, frukt og kaker. Det var kjempestas med slike kveldar! I har kvinnene som bur i mottak også delteke på andre arrangement som Førde Frivilligsentral har hatt ansvar/medansvar for: Fargerike Førde vert arrangert i Førde sitt kulturhus kvart år. I Arrangementet er pooulært og ope for publikum Fargerike Førde eit samarbeid med Bornas Verdsdagar. Desse arrangementa utfylte kvarandre i stor grad og resulterer i ein internasjonal og kulturell familiedag for store og små med ei verdsscene i salen med mykje musikk innslag utover dagen. 11

12 I 2015 deltok fleire av kvinnene frå mottaket med matrettar frå sitt heimland. I 2016 ville dei aller kvinnene som bur i mottak vere med. Det vart handla ingredienser slik at alle som ville fekk delta, nokre av damene var også med å pynta lokalet på førehand. Fleire fedre tok seg av borna medan mødrene var aktive i arbeidet. Bilete frå Fargerike Førde Julaftafeiring Julaftafeiringa 24 desember har vore ein tradisjon i Førde i 10 år. Frivilligsentralen og kyrkja samarbeidar om å lage til ei norsk tradisjonell julekveld for alle som ynskjer eit felleskap denne kvelden. Bebuarar frå mottaka vert invitert som alle andre. I 2015 var det rekordmange gjestar 170 i talet. I 2016 kom det 110 gjestar. Frivillige var vertsskap, kjøkkenhjelparar, julenisse, song, musikk og sto for alt som skal til for å få til ei tradisjonell julefeiring. Begge åra tok fleire av kvinnene frå mottaka turen, nokre hadde med seg familien sin. 12

13 Sommarfest ved Sunnfjord museum I juni 2015 arrangerte vi felles sommaravslutning i Movika for Internasjonalt kor handarbeidsgruppa, samt for og kvinnene på mottaket forøvrig. Her var det grilling, leik, song og mykje moro. Suksessen vart gjentatt i juni 2016, dette var noko å sjå fram til, oppleve, og tenke tilbake på med stor glede. Været viste seg frå si beste side begge åra! 13

14 Førde Frivilligsentral takkar «Legat for fremme av folkehelsa» Som har gjort dette arbeidet mulig. Med helsing Førde Kari Valle Dagleg leiar - Førde Frivilligsentral Doris Rutledal Styreleiar Førde Frivilligsentral 14