D/S Stord 1 Månadsrapport april-mai 2011

Transkript

1 D/S Stord 1 Månadsrapport april-mai 2011 Hardanger Fartøyvernsenter Åsmund Kristiansen 1

2 April og halve mai var siste periode i dette prosjektet. Søndag 15. mai var det arrangement om bord i samband med sesongopning av fartøyvernsenteret og freding av M/F Folgefonn. I løpet av denne halvannan månaden vart vi ferdige med dei arbeidene som vi hadde sett i gang med. Arne Jostein Jensen set opp ein benk i 2. plass spisesalong. Listene er i mahogny og skal ligge omkring ryggputa. Dette området vart bygd om i 1930, i samband med forlenging av skroget. Til høgre på bildet kan ein sjå liggande panel. Her er skutesidene så tilnærma loddrette at ein gjerne kunne sjå for seg ståande panel. Når det likevel er liggande panel rett framfor meinte vi det ville vere logisk å ha liggande panel på skutesida på heile dette dekket. Alexander Günther lager lager bord til den same salongen. Dei er sett saman av pløyde bord i furu og med ein sarg i mahogny. Modellen til bordet er kjent frå fl eire fartøy, m.a. M/S Granvin. Det fartøyet er bygd i 1931, året etter denne salongen på D/S Stord. Då meiner vi at det kan vere ein god modell for ein rekonstruksjon. Bordsøylene er støypt i jarn. Dei er temmeleg grov når dei kjem frå støyperiet, så Arne Jostein sparklar og pussar søylene før dei blir måla. Modellen til denne søyla kjem frå D/S Børøysund sin røykesalong, bygd på Laksevåg i Bergen i Vi reknar med at det var denne typen bordsøyler på D/S Stord frå starten av, og at dei var brukt vidare i samband med ombygginga i

3 Slik vart salongen, sett akterover. På bordplata er det lagt linoleum, slik det var vanleg på slike bord. Salongen sett forover. Til høgre: Arne Jostein lister på styrbord side. Ivar Hofl andsdal og Øystein Andersen beker dekket. Bek blir varma opp i ei gryte og helt over i kaffi kjelane. Sidan det er kraftig gass av beken nyttar bekarane maske under arbeidet. Arne Jostein er i gang med skraping av bek. Det blir ein del bek som renn utover dekket, og dette må vi skrape vekk. Det er om å gjere å ikkje lage for mykje søl når ein skraper, og ha kontroll på avfallet etter kvart. 3

4 Ferdig beka og skrapt dekk blir sett inn med rå linolje. Alexander held på med montering av trappa. Stålkjernen i trappa er utført i samsvar med krav frå Sjøfartsdirektoratet. Alexander set saman rekkverket på trappa. Her hadde vi ikkje heilt sikre haldepunkt for korleis spilene har sett ut. Derfor valde vi ei enkel og nøytral utføring. Etter at trappa var ferdig montert skrudde vi messingskinner på trinna. 4

5 Dørene var gjort ferdige i april og mai. Alexander freser profi l på ramtre mot spegl. Arno Theunissen lakkerer dører. Han har hengt opp presenning i verkstaden for å få stort nok lakkrom til alle dørane på ein gang. Matting av lakken må skje på utsida av lakkrommet for at han ikkje skal få støv i lakken. Karmar og dører vert montert i opningane i stålskotta. Til slutt låseskilt skrudd på. Førebels manglar stjerneventilar, desse har vi enno ikkje fått frå leverandøren. 5

6 Øystein og Ivar lager rekkeplank til akterskipet. Emne til kvar del av rekka er skore ut etter mal. Så vert dei høvla til i fasong. Der rekka har ganske rette bitar er dei støta ved stålstøttene, slik ein kan sjå av bildet nederst til høgre. Der rekka svingar seg rundt hekken er det laga laskar for å utnytte breidda på materialne. Under ser ein korleis lasken vert laga, først med ein mal. 6

7 Dugnadsgjengen er på plass med målarkost og rull. Lemmene over lasteluka er lakka, noko dei ikkje var opphavleg. Men no vil ein bruke dette området litt annleis enn tidlegare. Resultatet er vi godt nøgd med. No står heile området fram som noko heilt anna enn det gjorde før vi tok til. Over til høgre ser ein situasjonen før istandsetting (foto: Harald Sætre). Til venstre er resultatet etter istandsetting. Visirplata i forkant av lasteluka er fjerna, og tredekk, dører og lukelemmer er på plass. Til venstre er resultatet i same området, men sett akterover. 7