KOMMUNEPLAN FOR SKODJE KOMMUNE STRATEGISKE RETNINGSVAL

Transkript

1 Sak 71/17 Arkivsak nr: 16/162 Arkiv: Sakshandsamar: Ingunn Stette Sak nr Utval Møtedato 71/ KOMMUNEPLAN FOR SKODJE KOMMUNE STRATEGISKE RETNINGSVAL Handsaming: Rådmannens framlegg, med endringsframlegg frå Terje Vadset, vart samrøystes vedteke. Innstilling/vedtak: tek følgjande oppsummering frå rådmannen til vitande: 1. Planområde avgrensing: Planområdet til kommunedelplan for del av Solnørvassdraget skal takast ut, og ikkje vere del av det vidare rulleringsarbeidet. Framtidig rullering og ev. endring av arealbruk i dette området skal skje gjennom samarbeid mellom kommunar og i god dialog med involverte grunneigarar og partar. 2. Landbruk: Større, samanhengande og drivverdig landbruksareal skal sikrast mot utbygging. Det er særskilt areal i Engsetdal, på Fylling, delar av Stette og Valle, samt austlege område av Skodje indre som skal sikrast gjennom plan som viktige landbruksområde. I tillegg skal landbruksareal knytt til Skodjereitane/Olmanngjerdet, Prestegardsområdet og i Berget ivaretakast gjennom plan. Det skal settast av areal til nydyrking i forslag til plan. Det skal leggast til rette for spreidd busetnad i avgrensa områder(i krinsane) gjennom LNF-B kategorien. 3. Sentrumsstruktur: Det skal leggast opp til fortetting i sentrum, på ein slik måte at eksisterande sentrumshandel og lokal servicenæring får eit grunnlag for vidare vekst og utvikling. Det skal leggast til rette for gode bustadområder, både i tilknyting til Korsvegen og i del av sentrum som ligg lenger vest med skular, barnehagar, idrettsanlegg og omsorgstenester. Det skal leggast til rette for eit fotgjengarvennleg sentrum med gode møteplassar. Kommuneplan skal avklare sentrumsstruktur. Vidare utgreiingar skal basere seg på eit Arkivsaksnr.: 16/162 Side 1

2 ønskje om at Skodje sentrum og Digerneset skal utviklast og utfylle kvarandre, jf. pkt.8.5 i Rambøll sin rapport(vedlagt). Denne strategien legg til grunn at det bevisst skal byggjast opp om begge områda, ut frå prinsippet om at Digerens kan tilby noko Skodje ikkje kan, og omvendt. 4. Traseval viktig infrastruktur: Ny E39 skal visast i kommuneplanen tilsvarande trasealternativ K2(jf. Vedlagt oversiktskart, Statens vegvesen) Trase frå Digernes til Storfjordsambandet skal leggast inn som illustrasjonar i kommuneplanen basert på trasealternativ 1 og trasealternativ 2(jf. rapport frå Norconsult frå april 2017). Endeleg val av traseløysing skal gjerast i samråd med relevante partar og berørte kommunar. Strategi(formulering) som støttar utbygging av lyntog til Sunnmøre skal innarbeidast i kommuneplanen sin planomtale. Trasear for ønska gang og sykkelvegar skal innarbeidast i kommuneplanen. Dette inneber innarbeiding av trasear for gang- og sykkelveg rundt Skodjevika, mellom sentrum og krinsanne, mellom dei ulike krinsane og fram til grense med nabokommunar. 5. Viktige land- og sjøareal friluftslivsinteresser og grønstruktur: Friområda som ligg inne i gjeldande kommuneplan skal vidareførast i ny plan. Dette inneber m.a. at Prestegardsskogen ved Skodje sentrum og Langøya ved Mauren sikrast særskilt. Kommuneplanen skal i tilstrekkeleg grad sikre at land og sjøareal som er av særskilt lokal og regional verdi for friluftslivsliv og folkehelse, vert ivaretekne og sikra mot nedbygging og privatisering. Grønstruktur knytt til bustadområder og grøntkorridorar langs elvar og vassdrag skal ivaretakast, både for ferdsel, som viktige landskapselement og som flaumførebyggande tiltak. Tilkomst til friluftsområda, områder for parkering og korridorar som opnar for ferdsel frå fjøre til fjell, skal sikrast særskilt gjennom den kommunale planlegginga. 6. Ivaretaking av offentlege område Tilstrekkeleg areal til utviding og utvikling av offentlege område skal sikrast gjennom kommuneplanen. Gode og framtidsretta trafikkløysingar skal vurderast som ein del av planarbeidet. Det skal vidare vurderast om det er behov for utviding av områder som i dag er avsett til andre allmennyttige føremål. For å betre trafikkavviklinga ved skulane og Gomerhuset, skal det arbeidast vidare ut frå Norconsult sitt tilrådde løysingsalternativ(jf. vedlagt rapport frå april 2017). Tilrådd løysing inneber m.a. utviding ved at gnr.25 bnr.19, vert del av det offentlege arealet. Det skal ikkje settast av areal i arealplanprosessen til private skular og barnehagar i Arkivsaksnr.: 16/162 Side 2

3 krinsar som har eit kommunalt tilbod frå før, eller i områder med konflikt i høve andre viktige arealbruksføremål. Nye skular kan leggast i område som allereie er nytta til skulebruk jf. fordelar av fortetting og sambruk av områder og anlegg. Lokalisering skal vurderast i høve til tilkomst og kommunikasjon(tilrettelegging av forsvarleg skuleveg), herunder sikring av omsynet til mjuke trafikantar og tilgang til gang- og sykkelvegar. VEDLEGG: KORT SAMANDRAG AV SAKSUTGREIINGA: Skodje kommune er i gang med rullering av kommuneplanen sin arealdel. I kommuneplanen sitt handlingsprogram og planprogram for arealdelen er det formulert fleire strategiar som kan og bør vere langsiktige for kommunen. Planprogram for arealdelen legg såleis ein del viktige føringar for planarbeidet, men det er likevel behov for nokre prinsippavklaringar, til dømes knytt til retningsval for næringsutvikling, ønska utbygging i høve til verneinteresser og val av trasear for viktige vegsamband. Denne saksutgreiinga er utarbeidd med bakgrunn i dei drøftingar som vart gjennomført i kommunestyret si strategisamling Politiske drøftingar om retningsval er viktige av fleire årsakar. Kommunestyret sine retningsval er avgjerande for framdrifta i planarbeidet, og avgjerande for at arbeidsgruppa skal få sluttført sine utgreiingar(m.a. i høve endring av arealbruk og vurdering av konkrete innspel). Avklaringar om Skodje kommune sine prioriteringar og prinsipielle val knytt til framtidig arealbruk er viktig, m.a. i dialog med regionale mynde. Denne saksutgreiinga omhandlar tema som til no har peika seg ut. Dette er tema som avgrensing av planområde, jordvern, sentrumsstruktur, traseval og viktig infrastruktur, prinsipp for ivaretaking av friluftsinteresser og grønstruktur knytt til land- og sjøareal, samt strategiske val knytt til ivaretaking av offentlege område. Vedtak i saka vil såleis innehalde Skodje kommunestyre sine styringssignal til rådmannen og arbeidsgruppe for kommuneplanarbeidet, for dei tema som er nærare gjort greie for i saksutgreiinga under. SAKSUTGREIING: Planområde/avgrensing Kommunedelplan for del av Solnørvassdraget vart vedteken i Skodje kommunestyre Arealet som er omfatta av den «interkommunale» arealplanen, ligg i grenseområdet mellom tre kommunar; Skodje, Ørskog og Vestnes. Området har stor verdi for alle kommunane, mykje på grunn av området sine kvalitetar i høve friluftslivsinteresser både på sommar og vinterstid. Kommuneplanarbeidet er oppstarta for alt land- og sjøareal, som ligg innanfor kommunen sine grenser. Planarbeidet så langt har vist lite behov for endring av arealbruk innanfor det arealet som er omfatta av plan for del av Solnørvassdraget(basert på signal m.a. frå folkemøte og innspelsrunde). Arkivsaksnr.: 16/162 Side 3

4 I intensjonsavtale for nye Ålesund kommune er Fylling og Svartløk-området omtala, som eit delvis verna våtmarksområde som er viktig for friluftsliv og rekreasjon for heile regionen. Det ligg vidare som ei føring for kommunen sitt eige planarbeid, at det skal arbeidast for å utvikle friluftsområda i Svartløkområdet i samarbeid med m.a. nabokommunar og grunneigarar. Ønska utvikling er i dag synleggjort i vedteken plan for området. Det vert uttala at forholdet mellom bruk og vern er balansert, og at samspelet mellom grunneigarar, hytteeigarar og friluftslivsinteresser i dag er godt. Det var i løpet av januar månad(2017) eit møte vedr. området mellom fleire partar; kommunar, fylkeskommunen, fylkesmannen og friluftsrådet. I oppsummeringa frå møte vart det konkludert med at det ikkje er behov for ei større rullering av arealplan for dette området no og at ei framtidig rullering bør skje som sist, gjennom ei samarbeid mellom berørte kommunar, grunneigarar og andre relevante aktørar. Oppsummering av innspel frå kommunestyret av , viser at det er stor politisk semje i Skodje om at eksisterande kommunedelplan for del av Solnørvassdraget bør ligge i botn for vedtak framover, og at ei rullering av gjeldande arealplan i dette området bør skje gjennom samarbeid mellom kommunar og i god dialog med involverte grunneigarar og partar. Det er framover viktig å samarbeide om planen sin intensjon, og m.a. hindre forureining. Rådmannen si tilråding: Rådmannen rår til at planområdet til kommunedelplan for del av Solnørvassdraget vert unnateke rullering no. Framtidig rullering og ev. endring av arealbruk i dette området bør skje som sist, gjennom samarbeid mellom kommunar og i god dialog med involverte grunneigarar og partar. Rådmannen si haldning er grunna i konklusjonar frå samarbeidsmøte(januar 2017) og basert på at kommuneplanprosessen så langt ikkje har vist at det er eit behov for særlege endringar av gjeldande arealbruk. Landbruk Samordna arealplanlegging er ei viktig oppgåve for kommunane. I planlegginga skal kommunen ta omsyn til ulike føremål og samfunnsinteresser, og balansere lokale ønskjer mot nasjonale interesser og mål. Ivaretaking av viktige jordbruksareal er ei slik nasjonal interesse. Nasjonale forventningar og kommunen sitt eige planverk; m.a. kommuneplan med handlingsprogram og planprogram for arealdelen, legg til grunn trygg forvaltning av matjord og viktige landbruksareal. I fastsett planprogram er det nedfelt følgjande strategi som skal bidra til at landbruksinteressene i Skodje vert ivaretekne: «viktige landbruksområder med god arrondering og bonitet, uavhengig av eigedomsgrenser, skal sikrast som kjerneområde landbruk. Kjerneområde landbruk skal ha sterkare vern mot omdisponering enn LNF. LNF-føremålet skal ha sterkt vern mot omdisponering, som i dag» Intensjonsavtale om nye Ålesund legg også klare føringar for med omsyn til landbruksinteresser. I avtalen vert det presisert at den nye kommunen skal ha ein aktiv næringspolitikk som også omfattar landbruket. Oppsummering av innspel frå kommunestyret av , viser at det er stor vilje til å føre ein politikk i Skodje som ivaretek samanhengande og drivverdig landbruksareal. Jordvern er viktig også i Arkivsaksnr.: 16/162 Side 4

5 sentrum. Skodje kommune Engsetdal, Fylling, delar av Stette og Valle, samt austlege område av Skodje indre vert løfta fram som viktige områder for landbruk. I tillegg vert det peika på at Skodjereitane/Olmanngjerdet, Prestegardsområdet og Berget bør ivaretakast gjennom plan. Fleire legg til grunn at det vil vere eit reelt behov for omdisponering, særskilt gjennom fortetting i sentrumsnære område, og då vert særleg erstatningsareal/nydyrking peika på som aktuell form for avbøtande tiltak. Utanfor tettbygd strøk, bør LNF-B kategorien nyttast, slik at enkeltbustader kan byggast ut spreidd i krinsane på avgrensa areal, utan behov for ytterlegare planavklaring/dispensasjonshandsaming. Tilrettelegging for småskala jordbruk eller kolonihagar er løfta fram som mogelege satsingsområder. Rådmannen si tilråding Større, samanhengande og drivverdig landbruksareal bør sikrast mot utbygging. Det er særskilt areal i Engsetdal, på Fylling, delar av Stette og Valle, samt austlege område av Skodje indre som bør sikrast gjennom plan som viktige landbruksområde. I tillegg bør landbruksareal knytt til Skodjereitane/Olmanngjerdet, Prestegardsområdet og i Berget ivaretakast gjennom plan. Panforslaget skal vise areal til nydyrking. Utanfor tettbygd strøk, bør det leggast til rette for spreidd busetnad i avgrensa områder gjennom LNF- B kategorien. Sentrumsstruktur Det er lagt til grunn at arealplan skal avklare sentrumsstruktur i Skodje. Dette inneber m.a. nærare presiseringar av ønska utvikling av Skodje sentrum og ønska utvikling av Digernes. Skodje kommune vil ha eit sentrum som bidreg til auka aktivitet og auka bulyst. Skodje sentrum skal styrkast gjennom bustadbygging, konsentrasjon av detaljvarehandel og servicetilbod, samt urbane funksjonar og kulturopplevingar. I oppdatert stadanalyse har Skodjebygda status som ein bærekraftig tettstad, som vil inngå som ein viktig del av stor-ålesund. Intensjonsavtale for nye Ålesund legg til grunn at Digerneset skal prioriterast som knutepunkt for arealkrevjande næringsverksemd, offentleg verksemd, logistikk, kommunikasjon. I ein nyare rapport frå Rambøll(April 2017), er det skissert fem ulike utviklingsstrategiar for Digernes. Skodje kommune bør her ta stilling til kva strategi som bør utgreiast nærare og innarbeidast i forslag til arealplan. Innspel frå kommunestyret i strategisamling , viser at det er semje om at Skodje sentrum skal vidareutviklast som attraktivt og levande sentrum med interessante kvalitetar som bidreg til auka aktivitet. Det er ønskje om fortetting, på ein slik måte at eksisterande sentrumshandel og lokal servicenæring får eit grunnlag for vidare vekst og utvikling. Ivaretaking av viktig landbruksjord, bevaring av kulturlandskap, grøne lunger og tilrettelegging for bruk av strandsone, er også viktige element i det sentrum som kommunen ønskjer å vidareutvikle. Skodje sentrum er langstrakt, og ein ser føre seg å utvikle gode buområde både knytt til Arkivsaksnr.: 16/162 Side 5

6 Korsvegområdet og den delen av sentrum som ligg lenger vest med skular, barnehagar, idrettsanlegg og omsorgstenester. Det er ønskje om å utvikle eit fotgjengarvennleg sentrum med gode samlingsplassar; aktivitet, liv og røre, og mange møteplassar. Det kan konkluderast med at det er politisk vilje til å utgreie sentrumsstruktur basert på pkt.8.5 i Rambøll sin rapport, som legg til grunn at Skodje sentrum og Digerneset skal utviklast som likeverdige og utfylle kvarandre. Denne strategien legg til grunn at det bevisst skal byggjast opp om begge områda, ut frå prinsippet om at Digerens kan tilby noko Skodje ikkje kan, og omvendt. Rådmannen si tilråding Det bør leggast opp til fortetting i sentrum, på ein slik måte at eksisterande sentrumshandel og lokal servicenæring får eit grunnlag for vidare vekst og utvikling. For å nå desse måla bør det både utviklast gode buområde både knytt til Korsvegområdet og knytt til den delen av sentrum som ligg lenger vest med skular, barnehagar, idrettsanlegg og omsorgstenester. Rådmannen rår til at det vert lagt til rette for eit fotgjengarvennleg sentrum med gode møteplassar. Kommuneplan skal avklare sentrumsstruktur. Vidare utgreiingar bør basere seg på eit ønskje om at Skodje sentrum og Digerneset skal utviklast som likeverdige, og utfylle kvarandre, jf. pkt.8.5 i Rambøll sin rapport. Denne strategien legg til grunn at det bevisst skal byggjast opp om begge områda, ut frå prinsippet om at Digerens kan tilby noko Skodje ikkje kan, og omvendt. Traseval viktig infrastruktur Kommuneplan med handlingsprogram, legg m.a. til grunn at Digerneset skal styrkast som kommunikasjonsknutepunkt. Kommunen skal arbeide for Sunnmøre som felles bu- og arbeidsmarknadsregion gjennom gode kommunikasjonar, Møreakse og Storfjordsamband. Viktige gang- og sykkelvegar og viktige turvegar i Skodje skal markerast i plankartet. Skodje kommune skal arbeidet aktivt for å betre trafikkforholda for gåande og syklande, i samarbeid med aktuelle partar. Trasear og strategiar for viktige og framtidsretta infrastrukturtiltak skal innarbeidast i kommuneplan. Til grunn for denne saksutgreiinga og drøftingane som er gjennomført ligg ulike utgreiingar, m.a. Statens vegvesen si utgreiing av traseval for E39, del av Norsk Bane si utgreiing av trase for lyntog, og utgreiing av mogelege trasealternativ for ny veg mellom Digernes og Storfjordsambandet. Innspel frå kommunestyret i strategisamling , viser at er det er stor politisk semje i Skodje om at traseval for E39 - Møreaksen bør innarbeidast i kommuneplan tilsvarande utgreidd K2 alternativ. Dette inneber at del av europavegstrekninga skal gå i trase frå Digernes til Dragsund- Solnørdalen og tunell til Landedalen, vidare opp Ørskogfjellet. E39 går vidare til Vik, og E136 går til Tresfjordbrua. Dette er ei løysing som ivaretek det viktige regionale friluftsområdet omkring Svartløken, og også best ivaretek indre fjordstrøk, Ørskog, Stordal, Norddal m.fl. Strekninga Digernes Storfjordsambandet bør gå i trase som medfører minst naturinngrep og minst mogeleg belastning på busetnad i området. Gjerne i tunell. Det bør leggast til rette for ei kopling Arkivsaksnr.: 16/162 Side 6

7 vestover mot Blindheim, då ei slik vegføring vil kunne avlaste Brusdalsvatnet og Moa-området. Dette inneber utgreiinga av trasear tilsvarande alternativ 1 og alternativ 2(jf. Vedlagt rapport frå Norconsult), i tett dialog med Sykkylven/Stranda kommunar. Kommunestyret er delt om behovet for å sette av areal til togtrase og stasjon i Skodje. Del av kommunestyret ønskjer at slik trase vert lagt inn som illustrasjon i samsvar med dei utgreiingar som ligg føre(norsk Bane AS), medan andre ikkje ønskjer å bandlegge areal til dette føremålet sidan ev utbygging av bane til Sunnmøre ikkje er avklara. Det er stor semje i Skodje kommunestyre om at trasear for ønska gang og sykkelvegar må innarbeidast i kommuneplanen. Det er ei målsetjing å knyte kommunen tettare saman, med gang- og sykkelvegar rundt Skodjevika, mellom sentrum og krinsane, frå Skodje og til nabokommunar og mellom dei ulike krinsane i kommunen. Slik tilrettelegging er svært viktig både i eit tryggleiks-, folkehelse, og transportperspektiv. Utbygging av fullverdige gang- og sykkelvegar er kostbart. Det er viktig å tenkje alternative trasear og gjerne med turveg-standard, for raskare realisering. Rådmannen si tilråding Ny E39 bør visast i kommuneplanen tilsvarande trasealternativ K2(jf. Vedlagt oversiktskart Statens vegvesen) Trase frå Digernes til Storfjordsambandet bør utgreiast vidare, basert på trasealternativ 1 og trasealternativ 2(jf. rapport frå Norconsult frå april 2017). Endeleg val av traseløysing må gjerast i samråd med relevante partar og berørte kommunar. Rådmannen rår til at strategi(formulering) som støttar utbygging av lyntog til Sunnmøre, i samsvar med framlagde utgreiingar frå Norsk Bane AS, vert innarbeidast i kommuneplanen sin planomtale. Rådmannen rår til at trasear for ønska gang og sykkelvegar innarbeidast i kommuneplanen. Dette inneber innarbeiding av trasear for gang- og sykkelvegar rundt Skodjevika, mellom sentrum og krinsanne, mellom dei ulike krinsane og fram til grense med nabokommunar. Viktige land- og sjøareal friluftslivsinteresser og grønstruktur Det ligg klare føringar i gjeldande kommuneplanar og i planprogram for arealdelen, om at viktige grøntområde og områder som er viktige for friluftsliv og folkehelse, skal sikrast særskilt for ålmenta og offentleg bruk gjennom kommuneplanen. Det er nokre områder med lokal og regional verdi, som nemnast særskilt i denne samanhengen. Dette er m.a. Prestegardsskogen v/skodje sentrum og Langøya ved Mauren. Sjøområda i Skodje, og herunder fjordområda med øyar og holmar m.a. i Ellingsøyfjorden og Skodjevika, skal sikrast særskilt mot utbygging. Folkehelseperspektivet skal ivaretakast, og kommuneplanen skal i naudsynt grad ivareta viktige fellesinteresser. Særskilte omsyn skal takast t.d. i friområda i Skodje sentrum, og det sak arbeidast for at viktig strandsone og korridorar frå fjøre til fjell vert synleggjort i plan. Tilrettelegging som til dømes tilkomst, parkering og andre fasilitetar skal prioriterast. Arkivsaksnr.: 16/162 Side 7

8 Innspel frå kommunestyret i strategisamling , viser at det er stor semje i Skodje kommunestyre om at sentrumsnære områder som t.d. Prestegardsskogen og areal som ligg i tilknyting til Murvika, bør sikrast i samband med rullering av kommuneplanen sin arealdel. Niusen, Solnør og Solnørelva er andre viktige utfartsområder for innbyggarar i kommunen. Det er ei målsetjing at friområda på sikt utviklast, til dømes med turstiar, aktivitetsparkar og liknande, både langs sjøen, til fjellet, omkring skuleområda og lysløypeanlegget, og ved Jentekolonien. Grønstrukturen i sentrum, m.a. frå Kyrkja til sjøen, og langs miljøgata er viktig å ta vare på, og kan gjerast meir interessant t.d. med aktivitetspark eller møteplassar. Grøntkorridorar langs elvar og vassdrag er særskilt viktige å ta vare på. Det vert også løfta fram som svært viktig at tilkomstar til friluftsområda, områder for parkering, og korridorar som opnar for ferdsel frå fjøre til fjell, vert ivaretekne gjennom den kommunale planlegginga. God tilrettelegging kan bidra til å minske potensialet for konfliktar, t.d. mellom brukarinteresser og eigarinteresser. Land og sjøareal knytt til Skodjevika og Ellingsøyfjorden vert løfta fram som svært viktig. Det er vert vidare teke til orde for at slike områder bør sikrast særskilt i alle krinsane. Det vert peika på at privat utbygging, gjort på rette måten, kan opne for allmenn tilgang og auke attraktiviteten til viktige område. Det vert også peika på at prinsippet om byggjeforbod i 100-metersbeltet bør leggast til grunn ved utbygging, og at det ved ev dispensasjon må setjast krav til at strandsonen vert tilrettelagt for alle brukarar. Det vert uttrykt at friområda kan vidareførast, slik dei ligg i gjeldande arealplan. Kartlegging av områder som er aktuelle for friluftsliv/rekreasjon vert viktig framover. Samarbeid m.a. med friluftsråd, nabokommunar, fylkeskommune og frivillige lag og organisasjonar bør prioriterast framover, både for utviklinga av nye anlegg og i samband med drift og vedlikehald av framtidige og eksisterande anlegg. Rådmannen si tilråding Friområda som ligg inne i gjeldande kommuneplan, bør vidareførast i forslag til plan. Prestegardsskogen ved Skodje sentrum bør sikrast særskilt. Grønstruktur knytt til bustadområder og grøntkorridorar langs elvar og vassdrag bør ivaretakast, både til turbruk, som viktige landskapselement og som flaumførebyggande tiltak. Tilkomst til friluftsområda, områder for parkering, og korridorar som opnar for ferdsel frå fjøre til fjell, bør ivaretakast særskilt gjennom den kommunale planlegginga. Kommuneplanen bør i tilstrekkeleg grad sikre at land og sjøareal som er av særskilt lokal og regional verdi for friluftslivsliv og folkehelse, vert ivaretekne og sikra mot nedbygging og privatisering. Land og sjøareal i og omkring Skodjevika og Ellingsøyfjorden er døme på slike område. Kommunen har eit særskilt ansvar for å legge til rette for utvikling, og bidra til samarbeid med- og mellom relevante partar, m.a. i samband med utviklinga av områder og anlegg. Ivaretaking av offentlege område Det ligg ei føring for kommuneplanarbeidet at areal rundt eksisterande idrettsanlegg og offentlege område skal sikrast, slik at områda kan vidareutviklast i samsvar med framtidige behov. Behovet for arealavklaringar knytt til Gomerhuset, skular og barnehageområda i Skodje sentrum Arkivsaksnr.: 16/162 Side 8

9 peikar seg særskilt ut. I tillegg leggast det opp til at det offentlege skule og barnehangeområdet på Valle bør utvidast. Trafikksituasjonen knytt til skuleområdet i sentrum, er vurdert særskilt. Rapport frå Norconsult(April 2017), drøftar ulike alternativ for tryggare trafikksituasjon i Skodje sentrum. I tillegg er tema som behov for utviding av øvrige offentlege areal og avklaring av prinsipp for lokalisering av privat skuledrift i Skodje kommune, sett på dagsorden gjennom kommuneplanarbeidet. Innspel frå kommunestyret i strategisamling , viser at det er stor politisk semje om å sikre framtidig utvikling og utviding av offentlege områder og gode trafikkløysingar i tilknyting til dei, særleg omkring eksisterande skular, barnehagar og idrettsanlegg. Lagseigde hus og områder for allmennyttige føremål, som ikkje er eigd av det offentlege, bør også vurderast i høve til utvikling gjennom det pågåande planarbeidet. I Skodje sentrum er det særskilt trafikksituasjonen ved skulane og Gomerhuset, som er ei utfordring. Når det gjeld val av framtidig trafikkløysing i dette området, vert det anbefala å arbeide vidare ut frå Norconsult sitt tilrådde løysingsalternativ(jf. vedlagt rapport frå april 2017). Som prinsipp for etablering av private tilbod kan det synest som om at det er ei gjennomgåande haldning at tomteareal til private skular og barnehagar, først og fremst bør leggjast i krinsar som ikkje har eit kommunalt tilbod frå før. Alternativt bør nye skular leggast i område som allereie er nytta til skulebruk jf. fordelar av fortetting og sambruk av områder og anlegg. Lokaliseringa må også vurderast i høve til kommunikasjonsmessige tilhøve. Behovet for nye offentlege areal bør vurderast. Det vert vidare sett fram forslag om å legge til rette for at kommunalt lagerområde(indre Skodje), i framtida kan nyttast som del av eit offentleg bade- og rekreasjonsområde. Rådmannen si tilråding Tilstrekkeleg areal til utviding og utvikling av offentlege område skal sikrast gjennom kommuneplanen. Gode og framtidsretta trafikkløysingar skal også vurderast som ein del av planarbeidet. Det skal vidare vurderast om det er behov for utviding av områder som i dag er avsett til andre allmennyttige føremål. For å betre trafikkavviklinga i ved skulane og Gomerhuset, bør det arbeidast vidare ut frå Norconsult sitt tilrådde løysingsalternativ(jf. vedlagt rapport frå april 2017). Tilrådd løysing inneber m.a. utviding ved at gnr.25 bnr.19, vert del av det offentlege arealet. Det bør ikkje sikrast areal i arealplanprosessen til private skular og barnehagar i krinsar som har eit kommunalt tilbod frå før, eller i områder der slik arealdisponering er i konflikt med andre viktige arealbruksføremål. Nye skular kan leggast i område som allereie er nytta til skulebruk jf. fordelar av fortetting og sambruk av områder og anlegg. Lokalisering bør vidare vurderast i høve til tilkomst og kommunikasjon(tilrettelegging av ein forsvarleg skuleveg), herunder omsynet til mjuke trafikantar og tilgang til gang- og sykkelvegar. Det skal ikkje settast av areal i arealplanprosessen til private skular og barnehagar i krinsar som har eit kommunalt tilbod frå før, Nye skular kan leggast i område som allereie er nytta til skulebruk jf. fordelar av fortetting og sambruk av områder og anlegg. Lokalisering skal vurderast i høve til tilkomst og kommunikasjon(tilrettelegging av forsvarleg skuleveg), herunder sikring av omsynet til mjuke Arkivsaksnr.: 16/162 Side 9

10 trafikantar og tilgang til gang- og sykkelvegar. INNSTILLING: RÅDMANNEN SI INNSTILLING Kommunestyret vedtek at det vidare kommuneplanarbeidet skal byggje på følgjande strategiske retningsval: 1. Planområde avgrensing: Planområdet til kommunedelplan for del av Solnørvassdraget skal takast ut, og ikkje vere del av det vidare rulleringsarbeidet. Framtidig rullering og ev. endring av arealbruk i dette området skal skje gjennom samarbeid mellom kommunar og i god dialog med involverte grunneigarar og partar. 2. Landbruk: Større, samanhengande og drivverdig landbruksareal skal sikrast mot utbygging. Det er særskilt areal i Engsetdal, på Fylling, delar av Stette og Valle, samt austlege område av Skodje indre som skal sikrast gjennom plan som viktige landbruksområde. I tillegg skal landbruksareal knytt til Skodjereitane/Olmanngjerdet, Prestegardsområdet og i Berget ivaretakast gjennom plan. Det skal settast av areal til nydyrking i forslag til plan. Det skal leggast til rette for spreidd busetnad i avgrensa områder(i krinsane) gjennom LNF- B kategorien. 3. Sentrumsstruktur: Det skal leggast opp til fortetting i sentrum, på ein slik måte at eksisterande sentrumshandel og lokal servicenæring får eit grunnlag for vidare vekst og utvikling. Det skal leggast til rette for gode bustadområder, både i tilknyting til Korsvegen og i del av sentrum som ligg lenger vest med skular, barnehagar, idrettsanlegg og omsorgstenester. Det skal leggast til rette for eit fotgjengarvennleg sentrum med gode møteplassar. Kommuneplan skal avklare sentrumsstruktur. Vidare utgreiingar skal basere seg på eit ønskje om at Skodje sentrum og Digerneset skal utviklast og utfylle kvarandre, jf. pkt.8.5 i Rambøll sin rapport(vedlagt). Denne strategien legg til grunn at det bevisst skal byggjast opp om begge områda, ut frå prinsippet om at Digerens kan tilby noko Skodje ikkje kan, og omvendt. 4. Traseval viktig infrastruktur: Arkivsaksnr.: 16/ Side

11 Ny E39 skal visast i kommuneplanen tilsvarande trasealternativ K2(jf. Vedlagt oversiktskart, Statens vegvesen) Trase frå Digernes til Storfjordsambandet skal leggast inn som illustrasjonar i kommuneplanen basert på trasealternativ 1 og trasealternativ 2(jf. rapport frå Norconsult frå april 2017). Endeleg val av traseløysing skal gjerast i samråd med relevante partar og berørte kommunar. Strategi(formulering) som støttar utbygging av lyntog til Sunnmøre skal innarbeidast i kommuneplanen sin planomtale. Trasear for ønska gang og sykkelvegar skal innarbeidast i kommuneplanen. Dette inneber innarbeiding av trasear for gang- og sykkelveg rundt Skodjevika, mellom sentrum og krinsanne, mellom dei ulike krinsane og fram til grense med nabokommunar. 5) Viktige land- og sjøareal friluftslivsinteresser og grønstruktur: Friområda som ligg inne i gjeldande kommuneplan skal vidareførast i ny plan. Dette inneber m.a. at Prestegardsskogen ved Skodje sentrum og Langøya ved Mauren sikrast særskilt. Kommuneplanen skal i tilstrekkeleg grad sikre at land og sjøareal som er av særskilt lokal og regional verdi for friluftslivsliv og folkehelse, vert ivaretekne og sikra mot nedbygging og privatisering. Grønstruktur knytt til bustadområder og grøntkorridorar langs elvar og vassdrag skal ivaretakast, både for ferdsel, som viktige landskapselement og som flaumførebyggande tiltak. Tilkomst til friluftsområda, områder for parkering og korridorar som opnar for ferdsel frå fjøre til fjell, skal sikrast særskilt gjennom den kommunale planlegginga. 1. Ivaretaking av offentlege område Tilstrekkeleg areal til utviding og utvikling av offentlege område skal sikrast gjennom kommuneplanen. Gode og framtidsretta trafikkløysingar skal vurderast som ein del av planarbeidet. Det skal vidare vurderast om det er behov for utviding av områder som i dag er avsett til andre allmennyttige føremål. For å betre trafikkavviklinga ved skulane og Gomerhuset, skal det arbeidast vidare ut frå Norconsult sitt tilrådde løysingsalternativ(jf. vedlagt rapport frå april 2017). Tilrådd løysing inneber m.a. utviding ved at gnr.25 bnr.19, vert del av det offentlege arealet. Det skal ikkje settast av areal i arealplanprosessen til private skular og barnehagar i krinsar som har eit kommunalt tilbod frå før, eller i områder med konflikt i høve andre viktige arealbruksføremål. Nye skular kan leggast i område som allereie er nytta til skulebruk jf. fordelar av fortetting og sambruk av områder og anlegg. Lokalisering skal vurderast i høve til tilkomst og kommunikasjon(tilrettelegging av forsvarleg skuleveg), herunder sikring av omsynet til mjuke trafikantar og tilgang til gang- og sykkelvegar. Arkivsaksnr.: 16/ Side

12 Terje Vadset sette fra følgjande framlegg til endring av første setning: tek følgjande oppsummering frå rådmannen til vitande: Arkivsaksnr.: 16/ Side