Statens vegvesen. Fråsegn til melding om politisk vedtak - Reguleringsplan for Kaupangersenteret i Sogndal kommune Plan ID

Transkript

1 Statens vegvesen Sogndal kommune Postboks SOGNDAL Behandlande eining: Sakshandsamar/telefon: Vår referanse: Dykkar referanse: Vår dato: Region vest Hans Erik Buene / / / Fråsegn til melding om politisk vedtak - Reguleringsplan for Kaupangersenteret i Sogndal kommune Plan ID Formålet med planen er å legge til rette for eit nytt næringsbygg ved Kaupangersenteret med forretning på bakkeplan og leilegheiter i 2. og 3. etasje. Totalt er det snakk om 22 bueiningar som får tilknyting frå Furuvegen via veg 2 på plankartet. I tillegg vert det heis eller trapp til 1. etasje med tilknyting til bakkeplan. Som del av planarbeidet er det utført ROS-analyse. I merknadene har vi teke utgangspunkt i tema som gjeld trafikktryggleik i denne analysen. Tema 43. Ulykke i av-/påkjørsler. At det oppstår uønska hendingar vert vurdert som sannsynleg, men ikkje at det skal skje alvorleg skade. Det er berre dei to nye avkøyringane, til veg 2 og 3, som er vurderte. Vi stiller oss tvilande til om det er rett å vurdere avkøyrslene likt. Furuvegen har låg fartsgrense og trafikken må vere betydeleg mindre enn på Rv. 5. Sannsynlegvis er trafikken i avkøyrsla også betydeleg mindre. Det tilseier at risikoen er mindre i avkøyrsla frå Furuvegen enn i avkøyrsla frå Rv. 5. Vi har ikkje grunnlag for vere usamde i analysen for denne avkøyrsla. Avkøyrsla frå Rv.5 ligg i 60- sone nær enden av 80-sona. Større fart gjev større skade om det oppstår uønska hendingar. Med større trafikk reknar vi med at sannsynlegheiten for at det oppstår uønska hendingar er minst like stor her som i avkøyrsla frå Furuvegen, og at skadeomfanget vert større på grunn av fartsnivået. Med andre ord høgare risiko. Vi meiner avkøyrsla frå Rv. 5 bør ha sikt som i kryss, 100 meter i kvar retning 10 meter inn frå vegkant. Sikt til gang- sykkelvegen skal vere minimum i samsvar med figur E.29 og E.31 i vegvesenet si handbok N100. Ein bør også vurdere å trekke gang-/sykkelvegen fem meter attende som i veg 2. Det kan hindre at gåande kjem inn i blindsona framfor ein lastebil. Postadresse Telefon: Kontoradresse Fakturaadresse Statens vegvesen Askedalen 4 Statens vegvesen Region vest firmapost@vegvesen.no 6863 LEIKANGER Landsdekkende regnskap Askedalen LEIKANGER Org.nr: Vadsø

2 2 Sannsynlegheiten er liten, men utfallet kan vere fatalt. Å trekke gangvegen attende kan i tillegg ha andre fordelar med tanke på trafikkavvikling og tryggleik. Generelt bør frisiktssoner og linjer gå tydeleg fram av plankartet. Det gjeld også i andre område på plankartet der det er aktuelt. Spesielt i krysset mellom Furuvegen og Veg 1 der det er høgreregelen som gjeld, og i avkøyringa til Kaupangersenteret frå veg 1. Alle siktkrav må førast opp i reguleringsføresegnene punkt 5.1sidan det er vanskeleg å ta de ifrå plankartet. Tema 44. Ulykke med gåande/syklande. I ROS-analysen er dette punktet kvittert ut som uaktuelt. Det meiner vi er ei for enkel vurdering. Sjølv om ulukker med gåande/syklande i dei nye avkøyrslene inngår i tema 43. Generelt er planområdet lagt godt til rette for gåande og syklande, med gang-/ sykkelveg langs riksvegen i begge retningar og i tillegg fortau langs Furuvegen og lokale gangvegar. Det spesielle i denne planen er at det er lagt opp til bustad i kombinasjon med kjøpesenter. Utfordringa i denne kombinasjonen er å unngå kombinasjonen trafikk/leik/parkering. I planbeskrivelsen står det at det er illustrert ein nærleikeplass på ca. 200 kvadratmeter nord for nybygget og at det i føresegnene er opna for at området (G1,2,3,4) også kan nyttast som leikeplass, om det skulle bli nødvendig. I føresegnene står det at «Før det kan bli gitt brukstillatelse for nye tiltak skal nærlekeplass være ferdigstilt». Dette synest klart og tydeleg nok, men illustrasjonen er ikkje bindande. Planen er såleis ikkje bindande verken med tanke på plassering eller storleik på leikeplassen. Det synest vi den bør vere. 45. Andre ulukkespunkt. Dette temaet er også vurdert som uaktuelt i ROS-analysen. Kan hende er det rett ut frå definisjon og statistikk. Men vi vil likevel trekke fram det utflytande trafikkområdet ved veg 1 sør for Kaupangersenteret som eit potensielt ulukkesområde. I gjeldande reguleringsplan er arealet greit avgrensa og definert med fortau langs nordsida av vegen og avkøyrsla til senteret. I det nye forslaget er planen i staden tilpassa noverande tilstand i marka. Vi føreset at dette vert endra i planforslaget og at det vert retta opp i marka. Andre merknader. I føresegnene 3.1 står det i fjerde kulepunkt at det skal opparbeidast snuplass i enden av parkeringsanlegget ved plass 22. Så er det vist til illustrasjonsplanen som viser parkeringsplassane, men ikkje snuplass. Vår kommentar til det er at sidan snuplassen skal ligge nær illustrert nærleikeplass, bør illustrasjonen vise begge deler så ein kan sjå formåla i samanheng. Det er behov for både snuplass og leikeplass, men kombinasjonen kan vere utforande og løysinga bør vere gjennomtenkt.

3 3 I kulepunkt 7 står det at annan veggrunn skal tilplantast med stadeigen vegetasjon, og i kulepunkt 9 at anna vegareal skal såast til med gras. Vår kommentar til desse punkta er at teiknforklaringa på plankartet ikkje viser anna vegareal, berre annan veggrunn. På plankartet er annan veggrunn smale striper på begge sider av GS1 og ved avkøyrsla til veg 2. Mykje av arealet ligg i siktsonene frå veg 2 og 3. Desse areala bør såast til med gras. Elles vil vi tilføye at vi ikkje har motteke oppstartsvarselet som vart sent ut og at vi av den grunn sannsynlegvis har fleire merknader enn vi elles ville hatt. Vegavdeling Sogn og Fjordane Med helsing Magna Vangsnes seksjonsleiar Buene Hans Erik Dokumentet er godkjent elektronisk og har difor ingen handskrivne signaturar.

4 Sakshandsamar: Vår dato Vår referanse Heidi Sandvik , E-post: / Oddgeir Aardal , E-post: fmsfoaa@fylkesmannen.no Dykkar dato Dykkar referanse Haavard Stensvand , E-post: fmsfhst@ylkesmannen.no Sogndal kommune Postboks Sogndal Fråsegn til føreslegen detaljreguleringsplan for Kaupangersenteret i Sogndal kommune Vi viser til oversending dagsett og til avtale om lenging av fristen ut veke 1. Fylkesmannen har ikkje hatt oppstartvarselet på høyring, og vi har såleis ikkje fått høve til å kome med tidlege innspel til planarbeidet. Fylkesmannen rår kommunen til å innarbeide meir detaljerte krav om fordeling av areal mellom forretning, bustad, kontor og parkeringsareal, og i nødvendig grad også kva slags handel det kan opnast for. Vi rår vidare til å setje av areal for leik som eige føremål på plankartet, og elles vurdere om tilgangen til eigna leikeareal er godt nok ivareteke i planen. Føremålet med planarbeidet er å leggje til rette for bustad/kontor og forretningsverksemd. Tiltakshavar ønskjer å byggje ei ny bygning med butikklokale i grunnetasjen og to etasjar med leilegheiter over. I planomtalen går det fram at planområdet er 31 dekar stort. Det er sett av eit areal på 17,1 dekar til blanda føremål for bustad, forretning og kontor (BFK1), med 70 % BYA. I følgje føresegnene er også parkeringsareal inkludert i BFK1. Natur og miljø Utviding av forretningsareal I gjeldande arealdel til kommuneplanen (vedteken i 2013), er planområdet sett av som sentrumsføremål, der det i følgje planføresegnene m.a. er opna for alle typar bygningar og anlegg (jf nr. 1) med unntak av industri, lager og råstoffutvinning. I arealdelen til kommuneplanen vedteken i 2008 låg det aktuelle arealet som næringsareal (blått føremål). Til næringsarealet på Kaupanger var det knytt føresegner som stilte krav om kva type handel som kunne etablerast i området. Ved utarbeiding av 2008-planen fremja Fylkesmannen motsegn med krav om føresegner for å sikre at bruken av næringsarealet skulle vere i samsvar med Forskrifta om rikspolitisk bestemmelse for kjøpesentre (FOR nr. 742) og retningslinjene (jf. kap ) om kjøpesenter i den gjeldande fylkesdelplanen for arealbruk. Tilsvarande føresegner for å styre kva type handel det skal opnast for i næringsareala vart vidareført i gjeldande arealdel til kommuneplanen, som vart vedteken i 2013, jf. kapittel 2-1 f) punkt 2 og 3. Samstundes vart arealbruksføremålet for planområdet som det no er starta planarbeid for, endra frå næringsføremål til sentrumsføremål. Utanom Sogndal sentrum er Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

5 FYLKESMANNEN I SOGN OG FJORDANE 2/3 det etter det vi kan sjå berre dette arealet rundt Kaupangersenteret som er sett av til sentrumsføremål i 2013-planen, og føresegnene er dei same som for Sogndal sentrum. Denne endringa av arealbruksføremål vart ikkje konsekvensutgreidd ved revisjon av planen og utlegging til offentleg høyring (jf. konsekvensutgreiinga til planen). Endringa var etter det vi kan sjå heller ikkje omtalt i planomtalen, og vi tok såleis heller ikkje stilling til arealbruksendringa i vår fråsegn til planen. Sidan etablering av forretning er vurdert til å vere i samsvar med «sentrumsføremålet» i den vedtekne arealdelen, er utvida etablering av detaljhandel heller ikkje omtalt eller vurdert i planomtalen til reguleringsplanen vi no har på høyring. Vi ser det likevel som ein klar mangel at denne endringa, frå næringsareal til eit arealbruksføremål utan restriksjonar knytt til varehandel, ikkje har vore konsekvensutgreidd i arealdelen og heller ikkje er vurdert i det pågåande reguleringsplanarbeidet. Vi har fått opplyst at det skal etablerast ei større daglegvareforretning på litt over ein dekar i første-etasjen i det nye bygget BFK1. Det er ikkje opplyst i plandokumenta som følgjer planen om kor store forretningsareal det samla sett er tenkt opna for i BFK1. Føresegnene til planen inneheld heller ikkje krav om maksimalt forretningsareal innafor BFK1 eller kva type handel som kan etablerast her. For at ein detaljreguleringsplan skal verte eintydig og eit godt styringsverkty for framtidig utbygging, er det viktig at detaljeringsgraden er god nok, og at det i nødvendig grad vert stilt konkrete krav til utbygginga. Vi rår kommunen til å innarbeide meir detaljerte krav om fordeling av areal mellom forretning, bustad, kontor og parkeringsareal, og i nødvendig grad også om kva slags handel det kan opnast for. Ut frå det som er opplyst i saka er det uklart for oss om, og i kva grad, den tenkte utbygginga er i strid med føringane for etablering av kjøpesenter i retningslinjene i pkt i fylkesdelplan for arealbruk og føringane som låg inne for dette arealet i kommuneplanen for Vi rår kommunen til å gjere slike vurderingar og i størst mogleg grad tilpasse planen til desse føringane. Målet med den rikspolitiske bestemmelsen for kjøpesentre er m.a. å styrkje by- og tettstadsentra og unngå auka bilavhengigheit, og på lengre sikt å bidra til å redusere klimagassutsleppa. Vi viser til kommunen sitt eige ansvar for å ivareta slike omsyn i si arealplanlegging. Barn og unge Det er ikkje sett av eige leikeareal på plankartet. I føresegnene er opparbeiding av leikeareal omtalt både i føresegn 4.1 (om grønstruktur), der det er opna for opparbeiding av leikeområde med leikeinstallasjonar, og i føresegn 2.1 (om bustad, forretning og kontor) der det er stilt krav om at nærleikeplassen skal vere ferdigstilt før det kan gjevast bruksløyve. Det er noko uklart kor stort areal som er meint opparbeidd for leik og om det dekkjer behovet for eigna leikeareal for barn i alle aldrar. I plan- og bygningslova er omsynet til barn og unge sine oppvekstvilkår teke inn under føremålsparagrafen 1-1. Vi minner om rikspolitiske retningsliner (RPR) for barn og unge, og viser til rettleiar T-2/2008 om barn og planlegging, og vidare temarettleiar T-1513 «Barn og unge og planlegging etter plan- og bygningsloven». Det er viktig at det er tilstrekkeleg med eigna leikeplassar for barn i nærmiljøet. Vi viser til RPR punkt 5 b om krav til fysisk utforming av leikeareal i nærmiljøet, og oppmodar kommunen om å vurdere om omsynet til barn og unge er godt nok ivareteke i denne planen. Vi rår konkret til å setje av areal for leik som eige føremål på plankartet. Støy Det går fram av planomtalen at planområdet ligg i gul sone i eit støysonekart som er utarbeidde av Statens vegvesen for riks- og fylkesvegar i fylket. Støysona er ikkje innarbeidd

6 FYLKESMANNEN I SOGN OG FJORDANE 3/3 i plankartet eller synleggjort i planomtalen. Det er samtidig sagt i føresegnene punkt 2.1, at det ved søknad om løyve til tiltak skal følgje ei fagleg utgreidd støyvurdering av området. Generelt rår vi til å gjennomføre støyvurderingar som del av reguleringsplanarbeidet, for i størst mogleg grad kunne konkretisere nærare i føresegnene kva støydempingstiltak som er nødvendige. T.d. kan det då vere aktuelt å legge inn krav i føresegnene som sikrar at utandørs opphaldsareal (leikeplass og balkongar) og rom med støyfølsame bruksføremål m.m. vert plasserte skjerma frå støykjelda. I føresegnene er det også stilt krav om avbøtande lydteknisk prosjektering i samsvar med NS Vi legg til grunn at dette sikrar støyforhold i tråd med tilrådde grenseverdiar (jf. T- 1442/2012), både for innandørs og utandørs opphaldsareal. Samfunnstryggleik og beredskap Det er laga ein analyse av risiko og sårbarheit (ROS-analyse) for planområdet. Den tematiske sjekklista tyder på at det er gjort vurderingar av ei rekkje ulike faretema. Dei aller fleste temaa er kryssa av som uaktuelle, utan at det er synleggjort kva drøftingar som ligg bak. Det er difor vanskeleg å sjå kva som er grunnlaget for konklusjonen om at mange faretema ikkje er aktuelle. Faretemaet «elveflaum» er mellom dei som er kryssa av som uaktuelt, utan det det er gitt nærmare grunngjeving for konklusjonen. Det går ein bekk forbi planområdet. Utan at vi kan vise til konkrete flaumhendingar tidlegare, vil vi tru at det i framtida kan skje overfløymingar i bekken, ikkje minst sidan klimaendringane vil føre til auka nedbør. Vi vil difor tilrå at det på nytt vert sett på flaumrisiko, før kommunen gjer den endelege godkjenninga av planen. Flaumrisiko bør sjåast i nøye samanheng med overvassproblematikken. I ROS-analysen vert det peikt på utfordringa med auka nedbør som følgje av klimaendringar, og at det er nødvendig at overvassnettet kan handtere store nedbørsmengder. Vi vil tru at det vil vere umogleg å ha eit overvassnett som har kapasitet til å ta unna alt vatn i periodar med veldig sterk nedbør. Som ein del av vurderinga bør det difor sjåast på korleis t.d. vegar, parkeringsplassar og grønkorridorar kan utformast slik at dei kan vere ein del av systemet for vasshandteringa ved kraftig regn m.v. Vi ser i planomtalen at Sogn Brann og redning gav innspel til oppstartvarselet, og m.a. peikte på både tilkomst og sløkkevasskapasitet. Vi føreset at Sogn Brann og redning har hatt planforslaget til høyring, og aksepterer løysingane i det. Landbruk Vi har ikkje merknader til planframlegget ut frå omsyn til landbruksinteresser. Med helsing Nils Erling Yndesdal fylkesmiljøvernsjef Heidi Sandvik seniorrådgjevar Brevet er godkjent elektronisk og har difor ikkje underskrift. Kopi pr. e-post: Sogn og Fjordane fylkeskommune, plan- og samfunnsavdelinga Sogn og Fjordane fylkeskommune, kulturavdelinga