Granvin herad Sakspapir

Transkript

1 Granvin herad Sakspapir Styre, komite, utval Møtedato Saknr Sbh Heradsstyre /12 EDM Formannskapet /12 EDM Sakshandsamar: Ebbe Dam Meinild Arkivkode: K2-L12 Arkivsaknr: 11/ Endeleg vedtak Detaljreguleringsplan Kjerlandskrysset Vedtaksmynde: HS Dokumentliste: Nr T Dok.dato Avsendar/Mottakar Tittel 35 I Granvin Høgre Merknad til reguleringsplan Kjerlandskrysset 36 I Hordaland Fylkeskommune Kjerlandskrysset Rv 13 kryss Fv 7 - reguleringsplan - Granvin herad - Trekkjer krav om arkeologisk registrering 37 I Granvin Fiskarlag Kjerlandskrysset RV 13 kryss Fv 7 - Reguleringsplan - Granvin herad 38 I Fylkesmannen i Hordaland Offenleg ettersyn - Granvin - Rv 13 kryss Fv 7 - Kjerlandskrysset 46 I Hordaland Fylkeskommune Offentleg ettersyn - Detaljreguleringsplan Kjerlandskrysset - revidert framlegg - fråsegn 40 I Advokatfirmaet Harris DA Kjerlandskrysset 41 I Statens vegvesen Svar: Kjerlandskrysset 42 U Advokatfirmaet Harris DA; Svar på epost ang. Kjerlandskrysset Statens vegvesen 39 I Norges Vassdrags- og energidirektorat Fråsegn til offentleg ettersyn av revidert detaljreguleringsplan - Kjerlandskrysset - Granvin herad. 43 I Statens vegvesen Statens vegvesen sine merknader til offentleg ettersyn - Detaljreguleringsplan Kjerlandskrysset, revidert framlegg 44 I Ivar Kjerland Merknader til detaljreguleringsplan Kjerlandskrysset, revidert framlegg 45 U Region vest Statens vegvesen Oversending av merknader til detaljreguleringsplan Kjerlandskrysset 47 U Region vest Statens Kjerlandskrysset - ein ekstra merknad vegvesen 48 I Statens vegvesen Fv. 7 Kjerlandskrysset-merkander til Side 1 av 9

2 revidert reguleringsplan 50 I Roald Sletten Epost: Oversender justert reguleringsplan 51 I Roald Sletten Epost: Planhefte Kjerlandskrysset 52 I Advokatfirmaet Harris Merknader til sak 065/12 og 084/12 Reguleringsplan Kjerlandskrysset Aktuelle lover, forskrifter, avtalar m.m.: Plan og bygningslova Bakgrunnsmateriale slik som t.d. planhefte, føresegner og kart ligg tilgjengeleg på under fana planar og deretter planar under arbeid Vedlegg: plankart RÅDMANNEN SITT FRAMLEGG TIL TILRÅDING/VEDTAK: I medhald av plan- og bygningslova godkjenner Granvin heradsstyre sak nr. 11/377 Detaljreguleringsplan for Kjerlandskrysset, føresegner og planomtale dagsett oktober 2012 og kart dagsett , med følgjande tilleggspunkt: : Avkjørsel /veg til rasteplass skal konstruerast slik at framtidig tilkomst til tilgrensande næringsareal (N1 i kommuneplanen) kan skje via denne : Det må takast omsyn til dagens terrengform og rasteplassen må tilpassast tilgrensande areal : Rasteplass-anlegget må konstruerast slik det ikkje hindrar framtidig bruk av det resterande trafikkarealet (T1 i kommuneplanen) til trafikk-, landbruks- eller næringsføremål. 4. Vedk. gardsutsal på rasteplass: Eit slikt utsal bør ta utgangspunkt i lokale matprodusentar og utsalsstader Formannskapet Ordføraren kom med framlegg om eit ekstra punkt: Bygging av eit evt. gardsutsal eller liknande bygg på rasteplassen skal opp til politisk handsaming som eiga sak. FS-084/12 VEDTAK: Framlegget frå rådmannen vart tilrådd med 4 mot 1 røyst (Martin Hamre). Tilleggsframlegget frå ordføraren vart tilrådd med 4 mot 1 røyst (Martin Hamre) Heradsstyre Side 2 av 9

3 Ebbe Dam Meinild er sakshandsamar og dermed ugild. Han gjekk frå møtet som politikar, og orienterte og svarte på spørsmål som plansjef. Gunnar Hetland møtte som vara for han. Marianne Espeland kom med framlegg om å utsetja saka. HS-065/12 VEDTAK: Utsetjingsframlegget frå Marianne Espeland fall med 2 (M. Espeland og M. Hamre) mot 11 røyster. Tilrådinga frå formannskapet vart vedteke med 12 mot 1 røyst (Martin Hamre): I medhald av plan- og bygningslova godkjenner Granvin heradsstyre sak nr. 11/377 Detaljreguleringsplan for Kjerlandskrysset, føresegner og planomtale dagsett oktober 2012 og kart dagsett , med følgjande tilleggspunkt: : Avkjørsel /veg til rasteplass skal konstruerast slik at framtidig tilkomst til tilgrensande næringsareal (N1 i kommuneplanen) kan skje via denne : Det må takast omsyn til dagens terrengform og rasteplassen må tilpassast tilgrensande areal : Rasteplass-anlegget må konstruerast slik det ikkje hindrar framtidig bruk av det resterande trafikkarealet (T1 i kommuneplanen) til trafikk-, landbruks- eller næringsføremål. 4. Vedk. gardsutsal på rasteplass: Eit slikt utsal bør ta utgangspunkt i lokale matprodusentar og utsalsstader. 5. Bygging av eit evt. gardsutsal eller liknande bygg på rasteplassen skal opp til politisk handsaming som eiga sak. FAKTA: Bakgrunn Reguleringsplanen gjeld justering av Kjerlandkrysset, X rv 13/fv 7. Krysset har i dag dårlege stigningsforhold for fv 7 inn mot krysset. Det medfører at tunge køyretøy treng tid for å koma opp i fart, noko som kan føra til farlege trafikksituasjonar. Linjepålegget for fv 7 vert heva samt at busslommer langs rv 13 vert fjerna. Det skal opparbeidast bussterminal meir sentralt i Granvin kor alle bussruter vil køyra innom. Når ein fjernar busslommene langs rv 13 i kryssområdet, legg det til rette for at krysset kan utformast som fullkanalisert T-kryss og noverande kryss kan supplerast med retardasjons- og akselerasjonsfelt slik at trafikkavviklinga kan utførast på ein tryggare måte. Føremål Ei standardheving for å sikra ei tryggare trafikkavvikling i krysset. Planavgrensing Planområdet ligg rundt Kjerlandskrysset, følgjar vegen langs rv13 i begge retningar, fv 7 til Hyrpo og vegen ned utfor Tueteigen Barnehage. Sjå vedlagte plankart. Relevante planar I kommuneplanens arealdel er områda regulert til vegføremål. Arealdisponeringa er i hovudsak samsvar med føremålet. Det går med om lag 1,5 daa nytt areal, det meste dyrka mark/lnf, som då vil bli regulert til vegføremål. Side 3 av 9

4 Busslommer på rv 13 er i planen tatt vekk da ein reknar med at busshaldeplassen i sentrum (mellom Joker og Yrkesskulen) realiserast. Dette regulerast no i detaljreg.plan Sentrumsplan Tråena. Ein kan merke seg at arealet ved sida av Kjerlandkrysset var regulert til terminal og næringsføremål i arealplanen med tanke på lokalisering av busshaldeplass, men at ein etter ønskje frå SVV har forsøkt å lokalisere haldeplassen nærmare sentrum. Innhald i planen Krysset har stor stigning for fv 7 inn mot krysset, noko som gjer at tunge køyretøy brukar lang tid for å koma opp i fart. Dessutan skal det etablerast bussterminal meir sentralt i Granvin som alle bussruter skal køyra innom. Det gjer at busslommer langs rv 13 i kryssområdet kan fjernast. Det fører til at krysset kan fullkanaliserast med retardasjons- og akselerasjonsfelt. Desse tiltaka vil føra til ei sikrare trafikkavvikling i krysset. Det er regulert inn mellombelse rigg- og anleggsområde som bestemmelsessonar oppå landbruksføremål på eine side av krysset. Desse skal sikre mellombelse omkøyringsvegar, anleggsvegar, lagerplass for materiell, maskinar og brakker under anleggsarbeidet. Hovudriggområdet vert sentralt i Granvin sentrum. I tillegg til oppgradering av krysset er det sett av plass til eit informasjonsområde på nordsida av krysset. Dette info-området er kombinert med gardsutsal og areal til ein mindre rasteplass i tilknyting til gardsutsalet. Toalettanlegg er inkludert i info-området Alle grøfter og vegskråningar, sideareal, rabatt og eventuelle massedepot, skal ved anleggslutt formgjevast med naturlege overgangar til terrenget omkring og tilsåast. Endeleg utforming og tiltak for revegerering skal planleggjast som ein del av byggeplanen. Masseplassering Asfaltdekke og steinmassar skal fjernast og arealet tilpassast terrengformene på staden. Alle grøfter og vegskråningar, sideareal, rabatt og eventuelle massedepot, skal ved anleggslutt formgjevast med naturlege overgangar til terrenget omkring og tilsåast. Endeleg utforming og tiltak for revegerering skal planleggjast som ein del av byggeplanen. Tiltaket treng eit mindre massetilskot som forventast tilført frå andre vegprosjekt i området. Naturmangfold Naturmangfoldlovas 8-12 har vore vurdert i planprosessen. Det vurdert at planen ikkje i nokon særleg grad forandrar det eksisterande naturmangfold i området. Det er heller ikkje funnet trua arter innafor området. Planområdet grensar til eit verna vassdrag (Granvinselva). Å sikre avrenning er omtalt i planføresegna pkt 2.9 Det vert ikkje tillate at eventuelt forureina vatn vert slept ut i grunnen for landbruk eller i nedslagsfelt for elv. Byggeplan skal sikre ein heilskapeleg overvasshandsaming i anleggsfasen og driftsfasen. Statens Vegvesen står tiltakshavar økonomisk ansvarleg for å rette opp eventuelle skadar som følgjer av prosjektet, jf. 11. Organisering SVV er tiltakshavar. Plan Vest og SVV er planleggjar. Saksgang Statens vegvesen varsla sjølv oppstart av planarbeidet i brev dagsett Frist for merknader vart sett til 1. september 2011.

5 Det kom inn to skriftlege merknader til oppstartsmeldinga I brev dagsett ber STV om at planomtale, kart og føresegner leggjast ut på offentleg ettersyn Formannskapet leggar planen ut på høyring med følgjande tillegg: Granvin herad ber om at planområdet vert utvida til å omfatta kryssing mellom Fv7 og gamle jernbanetraséen. Det kom inn 3 merknader, sjå meir under vurdering. Januar 2012: Møte med SVV Kvammapakken og Voss om Kjerlandskrysset og bussterminalen. Konklusjonen er eit utvida planområde for Kjerlandskrysset som inkluderar rasteplass på areal for terminalområde i komm.plan. I tillegg utvidast området mot Hyrpo for å etterkomme ønskje frå FS i vedtak av : Møte m. Skyss, SVV om busshaldeplasser i krysset og utforming av terminal Oppstartsvarsel om utvida planområde. Det kom inn 6 merknader til dette, sjå meir under vurdering. Våren 2012: Møter og synfaring med grunneigar Ivar Kjerland Sommar 2012: Grunnboringar m borerigg på terminal-område ved Tueteigen : Møte m SVV Kvammapakken og Voss. Semje om koordinert framdrift for Kjerlandskrysset og bussterminal : Planframlegg til offentlegg ettersyn oversendast frå SVV til GH : Utlegging til offentleg ettersyn i FS : Møte m SVV og grunneigar Ivar Kjerland : Oversending av oppdatert plankart frå SVV VURDERING: Offentlege instansar Hordaland fylkeskommune, Kultur- og idrettsavdelinga. Fylkeskommunen har innhenta fotodokumentasjon frå grunneigaren Ivar Kjerland. Eldre flyfoto viser at området vart utsett for ei omfattande landskapsmessig endring i samband med at Kjerlandskrysset vart bygd på 1980-talet. Fylkeskommunen ser det derfor som lite sannsynleg at det er potensiale for funn av automatisk freda kulturminne på det omsøkte arealet og dei krev ikkje arkeologiske registreringar som vart varsla i brev datert Kommentar SVV: Statens vegvesen registrerer at fylkeskommunen ikkje krev arkeologiske registreringar av området. Hordaland fylkeskommune, Regionalavdelinga Fylkeskommunen set som føresetnad at busslommer langs rv 13 ikkje vert avvikla før ny kollektivterminal i Granvin sentrum er klar. Automatisk freda kulturminne er behandla i pkt Eller tilrår fylkeskommunen at ein under opparbeiding av planen søkjer å unngå inngrep i/skade på eventuelle landskapstrekk som steingardar, eldre vegar/stiar, bakkemurar, tufter m.m.. Dessutan gjer fylkeskommunen merksam på at tiltakshavar har plikt til å visa aktsemd og straks melda frå til Hordaland fylkeskommune dersom ein i samband med tiltaket skulle støyta på automatisk freda kulturminne (jfr. Kulturminnelova 8, 2. ledd). Kommentar SVV: Planen er at ny kollektivterminal i Granvin sentrum skal byggjast ut samtidig med omlegging av Kjerlandkrysset. Planområdet har ikkje slike landskapstrekk som

6 er lista opp. Forholdet til automatisk ferda kulturminne, om ein eventuelt skulle støyta på slike under anlegget, er nedfelt i reguleringsføresetnadene. Kommentar administrasjonen: Det er viktig for Granvin herad å sjå dei to prosjekt under eit. Det er viktig at anlegga for ein bra tilpassing til kringliggjande areal. Fylkesmannen i Hordaland Fylkesmannen i Hordaland har ingen merknader til reguleringsplanen. NVE NVE har ingen merknader til reguleringsplanen. Statens vegvesen Region vest, Plan og Forvaltning Voss Hardanger Statens vegvesen har ingen merknader til planframlegget. Private merknader Granvin Høgre Reguleringsplanen viser tilkomst frå planlagt gang og sykkelveg inn på eksisterande jernbanebru (Kollanesbrua). Granvin Høgre meiner at denne tilkomsten til brua og vidare inn på eksisterande gang og sykkelveg mot øvre Granvin må stå ferdig samtidig med ferdiggjeringa av Kjerlandkrysset. Dei krev at kostnaden med dette må inn i prosjektet; ferdig asfaltert tilkomst inn på brua, opprusting av brua og vidare asfaltering frå brua og opp til eksisterande gang og sykkelveg. Dersom ein ikkje får dette med no, meiner dei at ein må inn med ei større omfattande sperring/sikring av brua mot allmenn ferdsel. Dette på grunn av at tilgangen til brua vert meir tilgjengeleg når den nye gang og sykkelvegen står ferdig. Kommentar SVV: Den økonomiske ramma for Kjerlandkrysset innafor Kvammapakka er 6,0 mill. kroner (2008-kr) minus medgåtte planleggingskostnader. Reguleringsplanen er kostnadsrekna til 15,2 mill. kroner (2012-kr) slik at berre delar av reguleringsplanen let seg finansiera innafor ramma i Kvammapakka. I samråd med Granvin herad er vi samde om at utbygginga skal konsentrera seg om sjølve krysset og areala inntil krysset. Ut frå den økonomiske ramme vi har til rådvelde, kan vi ikkje ta gang og sykkelvegen over jernbanebrua inn i dette prosjektet. Kommentar administrasjonen: Opprusting av brua ligg ikkje innafor råmane av planen. Det jobbast med finansiering til dette som eit eige prosjekt. Tilpassing med gang- og sykkelsti vil krevja flytting av Fv7, jf. Plankart, slik at dette ikkje kan sjåast isolert. Prioritering i hht. Merknad frå SVV meiner me skal stå fast. Me anbefalar likevel å ta med eit punkt om dette i vedtaket, da det er viktig å halde fokus på dette i framtida, sjølv om rammene per i dag ikkje har rom for dette. Tilkomsten td. kunne i første omgang gå frå ein side. Granvin Fiskarlag Granvin Fiskarlag ber om at det i samband med arbeidet vert tilrettelagt betre tilkomst langs elva frå jernbanebrua og oppover langs sørsida av elvekanten oppstraums Asparhølen. Ved anleggsarbeidet som vart gjort på 1980-talet vart det opparbeida ein enkel gangveg på delar av denne strekninga. Granvin Fiskarlag ber no om ei opprusting og forlenging av denne gangvegen. Kommentar SVV: Statens vegvesen vil sjå under utbygginga om dette let seg innarbeida der anlegget er i berøring med skråninga ned mot elva.

7 Advokatfirma Harris DA på vegne av Ivar Kjerland, gnr. 118 bnr. 6 Det er to viktige avklaringar som må på plass før grunneigaren kan kommentera status. Dei ynskjer for det første at deler av T1 vert trekt ut av planen og eventuelt regulert til næringsareal. I tillegg ynskjer dei å sjå rapporten vedrørande grunnundersøkingar som er gjort på Ivar Kjerland sin eigedom slik at han kan ivareta sine interesser i planprosessen. Kommentar SVV: Den delen av T1 som Statens vegvesen ikkje treng er tatt ut av reguleringsplanen. Statens vegvesen vil ikkje omregulera dette arealet til næringsareal fordi då må truleg planen ut på ny høyring. Dette er det ikkje tid til då prosjektet er planlagt utført i perioden mars juni Rapporten vedrørande grunnundersøkinga er ikkje klar og er ikkje levert frå vegteknisk seksjon hos Statens vegvesen. Kommentar administrasjonen: Ein del av rasteplassarealet (T1 i kommuneplanen) er no trekt ut av planområdet, jf. Plankartet. Slik me ser det må poenget vera at dette areal kan nyttast fullgodt i framtida, uavhengig av konstruksjonen av rasteplass-anlegget. Grunnundersøkinga leggjast skal nyttast av tiltakshavar for å oppnå dette. Sjå punkt 1 og 3 i vedtaket. Ivar Kjerland, gnr. 118 bnr. 6 Grunneigaren viser til fleire møter i planprosessen og til skriv frå advokatfima Harris DA som er tatt med i pkt. 3.3 i dette notatet. Denne merknaden berører delvis dei same problemstillingane som er tatt opp av advokat Børje Lihaug Hoff hos advokatfirma Harris DA. I tillegg tek grunneigaren opp spørsmålet om å få behalda matjordlaget på arealet då dette er ein viktig ressurs. Grunneigaren meiner eigedomsgrensa mot Knut H. Kjerland ikkje er rett i kartgrunnlaget og meiner rett nabogrense innafor planområdet må synleggjerast. Som ein av grunneigarane til vassdraget er han samd med fiskarlaget at det trengs ei opprydding i gamle synder og tilretteleggja for tilkomst langs elva. Grunneigaren hevdar at fleire av dei tilhøva han har peika på i denne merknaden tilseier at planen og konsekvensane av den i høve til naboareal ikkje er tilstrekkeleg utgreia til at planen kan handsamast politisk no. Å ha styring med eventuelt næringsutvikling på eige areal var grunnen til at han bad om at arealet på Tueteigen vart vist som næringsareal i kommuneplanen. Han har i merknad til oppstart av reguleringsplanen sagt at han på visse vilkår kan stilla seg positivt til prosjektet/reguleringsplanen. Slik saka no ligg føre er desse vilkåra ikkje imøtekomne etter hans syn. For at planprosessen ikkje skal medføra unødig bruk av tid og ressursar ynskjer han eit møte med Granvin kommune og Statens vegvesen for å prøva å få saka over i eit meir konstruktivt spor før saka skal opp til politisk handsaming. Til møte må Statens vegvesen leggja fram dokumentasjon frå grunnundersøkingane. Vidare må det innarbeidast i planføresegnene bestemmelsar som ivaretek uregulert areal på Tueteigen og framtidig næringsareal innafor T1. Føljande framlegg var lagt ved på kart:

8 Kommentar SVV: Eventuell matjord som vert til overs på prosjektet kan grunneigaren få disponera. Dette kan bli innarbeidd i grunnavtale med grunneigaren. Eigedomsgrensene bør sjølvsagt vera rette i reguleringsplanen, men dette har mindre å seia fordi arealdisponeringa ikkje endra seg ved eigedomsgrensa. Som nemnt under merknaden frå Granvin Fiskarlag vil Staten vegvesen sjå kva dei kan få til under anlegget på dei skråningane som vert berørt av anlegget. For at Statens vegvesen skal ha kontroll over næringsverksemd så nært vegkrysset, ynskjer dei at Hordaland fylkeskommune eig næringsarealet med påståande bygg og at dei leiger dette ut på langsiktig avtale til personar som ynskjer driva gardsutsal. Statens vegvesen meiner reguleringsplanen kan handsamast politisk no. Det arealet som er foreslått regulert til rasteplass vert redusert og det arealet Statens vegvesen ikkje treng er tatt ut av reguleringsplanen. Statens vegvesen treng ikkje enda eit møte med grunneigar og Granvin herad fordi vi veit dei ulike partane sitt syn. Grunnundersøkingsrapporten er ikkje ferdig og slike rapportar vert vanlegvis handsama som interne notat. Kommentar administrasjonen: I tida frå det var meldt oppstart på eit utvida planområde i februar 2012 har me jobba for best mogleg dialog med grunneigar. Det var vore fleire møter og synfaringar og dialog direkte mellom SVV og grunneigaren. Dette for å følgje opp føresegna for Kjerlandskrysset i kommuneplan (pkt ). Målet var å kome fram til felles løysingar. Dette skjedde i nokon grad, men ikkje på alle punkt. Grunneigaren ønskjer å regulera inn næringsføremål. Dette vil vera ein endring i forhold gjeldande kommuneplan. Samtidig er det uklart kva som ville vera SVV si rolle i dette. Frå før ligg det tilgrensande næringsareal, N1 i kommuneplanen. Da ein ikkje kom til semje om omregulering av delar av T1 til næringsareal mv. vart det anbefalt å trekkje det areal som ikkje var naudsynt til rasteplass ut av planen. Det areal som ligg som rasteplass no er det som må til for å utfylle krav til svingradius, skråning mv. Det er og lagt til grunn at avkjøring til rasteplass kan nyttast til framtidig tilkomst til N1. Me stillar oss elles positive til at dette restarealet ved framtidig høve kan regulerast til næringsareal. Det er og viktig at konstruksjonen av anlegget ikkje hindrar dette. Sjå merknad 1-3 i framlegg til vedtak. Når det gjeld matjord er me samde med grunneigaren i at denne bør nyttast til landbruksføremål i framtida i den grad det finst areal som kan ta imot den. Feil i eigedomsgrensar bør rettast opp. Generell kommentar

9 Grunna forskjellige endringar undervegs har ikkje denne planen hatt den framdrift som kunne vore ønskjeleg omfanget tatt i betraktning. Målet om ferdigstilling i samband med Hardangerbrua står likevel fast. Administrasjonen meiner at det var klokt å utvide området og med dette få inn ein rasteplass. Kjerlandskrysset er innfallsport til Hardanger og Kvam og slik sett eit viktig knutepunkt for regionen. Det vert betre ivareteke no. I planen er det og nemnt gardsutsal på rasteplassen. Dette ligg ikkje inne i ramma for prosjektet per i dag, men kan tenkjast realisert i framtida. Å leggja føringar på kven som i så fall skal driva eit slikt utsal meiner me ikkje ligg innafor eit slikt vedtak som dette. Det synst likevel opplagt å byggje vidare på det gardsutsalet som grunneigaren driv på eigedomen per i dag og slik set oppnå ein vinn-vinn situasjon for grunneigar, gardsdrift og rasteplass. Difor har me inkludert eit punkt, der det vert understreka at eit slikt gardsutsal må baserast på lokale produkt. Me er og nøgde med samkøyringa mellom Kjerlandskrysset og Bussterminalen. Begge prosjekt har Hardangerbrua som mål og det er ein føremon å få dei i ein samla pakke. I samband med desse to prosjekt ser me skilting som ein viktig ting å få på plass. Gjerne som ein koordinert plan for heile Granvin. Dette vert jobba vidare med i ein eigen sak. Framlegget har vore ute til høyring ein gong før og me går difor ut ifrå at storleiken av planen er tilpassa dei innspel som har kome undervegs. Konklusjon Me anbefaler Granvin heradstyre å vedta planen med dei tilleggspunkt som er nemnt i vedtaket. Totalt meiner me med dette å ivareta dei merknader som har kome til planen, slik at vidare utvikling av området er mogleg.