Granvin herad Sakspapir

Transkript

1 Granvin herad Sakspapir Styre, komite, utval Møtedato Saknr Sbh Formannskapet /10 KJF Heradsstyre /10 KJF Sakshandsamar: Kjersti Finne Arkivkode: K2-L12 - Reguleringsplan Arkivsaknr: 09/103 Reguleringsplan for massedeponi - Såkvitne - godkjenning av plan Vedtaksmynde: Heradsstyre Dokumentliste: Nr T Dok.dato Avsendar/Mottakar Tittel 15 U Jf. adresseliste Reguleringsplan for masselager - Såkvitne - offentleg ettersyn 16 I Hordaland Fylkeskommunre Fråsegn til :Reguleringsplan for masselager - Såkvitne - Offentleg ettersyn 17 I Direktoratet for mineralforvaltning Reguleringsplan for masselager på Såkvitne i Granvin Herad - offentleg ettersyn 20 I Granvin Næringsforum Vedrørande massedeponi på Såkvitne 18 I Noregs vassdrags- og energidirektorat Fråsegn til offentleg ettersyn av reguleringsplan for massedeponi - Såkvitne - Granvin herad 19 I Statens vegvesen Statens vegvesen sine merknader til Reguleringsplan for masselager - Såkvitne - Offentleg ettersyn 21 I Fylkesmannen i Hordaland Uttale til reguleringsplan for masselager og veg på gnr 93/1 - Såkvitne 23 I Cowi AS Reguleringsplan for mellombels masselager, Såkvitne - Planomtale 24 I Cowi AS Reguleringsplan for mellombels masselager og veg, Såkvitne - Risikoog sårbarhetsanalyse 25 I Føresegner til reguleringsplan for mellombels masselager og veg, Såkvitne Aktuelle lover, forskrifter, avtalar m.m.: Plan- og bygningslova Side 1 av 5

2 RÅDMANNEN SITT FRAMLEGG TIL TILRÅDING: I medhald av plan- og bygningslova godkjenner Granvin heradsstyre reguleringsplan for mellombels masselager, Såkvitne jf plankart, føresegner, planomtale og ROS-analyse datert Formannskapet FS-041/10 VEDTAK: Rådmannen sitt framlegg til vedtak vart samrøystes tilrådd Heradsstyre Asbjørn Helleve møtte og orienterte i saka. HS-023/10 VEDTAK: Tilrådinga frå formannskapet vart samrøystes vedteken: I medhald av plan- og bygningslova godkjenner Granvin heradsstyre reguleringsplan for mellombels masselager, Såkvitne jf plankart, føresegner, planomtale og ROS-analyse datert FAKTA: Bakgrunn for planarbeidet tilhøve til overordna plan I samband med kommuneplanen sin arealdel vart det arbeidd med å finne eit eigna område for massedeponi, med tanke på overskotsmassar frå veganlegg Rv 13 Øvre Granvin Voss. Resultatet vart at det kommuneplanen er lagt inn eit område for massedeponi på Såkvitne. Granvin herad skulle mot å finne eit eigna område, få overta dei aktuelle massane frå Statens vegvesen. Samandrag av saksgang Granvin herad meldte oppstart av reguleringsplan for massedeponi på Såkvitne i sak 044/09, den Oppstartsmeldinga låg ute til høyring fram til Det kom seks uttaler til oppstartsmeldinga. Granvin formannskap gjorde den vedtak om utlegging til offentleg ettersyn (sak 018/10), og høyringsperioden varte fram til Etter ein gjennomgang av innkomne merknader i samband med offentleg ettersyn vert no reguleringsplankart, føresegner, planomtale og ROS-analyse lagt fram for slutthandsaming. Cowi As har vore leigd inn som konsulent for å utarbeide planen. Granvin herad har vore oppdragsgjevar for prosjektet, og planane er utarbeidd i samarbeid med Statens vegvesen. Side 2 av 5

3 Opphavleg var tanken at Granvin herad i samarbeid med/ved innleige av entreprenør, skulle stå som tiltakshavar for etablering av deponiet. Dette er no endra, sidan massane Granvin herad skal få frå Statens vegvesen er overtatt av Granvin Maskinstasjon. Ved etablering av deponi på Såkvitne i samband med overskotsmassar frå eit av dei store vegprosjekta dei komande åra, vert dette no gjennomført i regi av Statens vegvesen. Føremål med planen Føremålet med planen er å legge til rette for mottak av overskotsmassar i samband med vegprosjekt i Granvin dei komande åra. Planen skal sikre at massane vert oppbevart og handtert på ein forsvarleg måte, ikkje minst for å sikre at den anadrome laksefisken i Granvinsvassdraget ikkje vert råka. Innkomne merknader I samband med at planen var utlagt til offentleg ettersyn kom det inn seks uttaler til planen. Dei viktigaste innvendingane gjekk på at føresegnene treng oppstramming med tanke på fisk, fyllingsvolum, landskap, driftsomfang og geotekniske undersøkingar og potensiell rasfare. I tillegg har Granvin næringsforum innspel om at etablering av massedeponi ikkje er ei kommunal oppgåve og må overlatast til private. Innhald i planen Planområdet ligg i ein skogvokst steinur mellom gamal jernbanelinje og kommunal veg inn til Såkvitne. Reguleringsplanen omhandlar i tillegg mellombels anleggsveg for innkøyring av stein frå tunnelinnslag på Tunsberg og opp til deponiet. Planen omhandlar reinsetiltak for å hindre avrenning til Granvinsvassdraget, fiskebiologiske undersøkingar og føresegner for avslutning av tiltaket. Eigartilhøve Reguleringsplanen og område for masseplassering er i hovudsak omfatta av gnr 93, bnr 1 som er eigd av Leif Arne Nesbø. I tillegg vert nokre grunneigarar ved tunnelinnslaget og langs den gamle jernbanelinja berørt av mellombels anleggsveg, jf planomtalen. VURDERING: I samband med at reguleringsplanen for Såkvitne var utlagt til offentleg ettersyn, kom det seks innspel til saka. Det er ei oppsummering av uttalene under, og kommentarar frå konsulenten. Dei viktigaste er i tillegg kommentert av administrasjonen. Hordaland Fylkeskommune, meiner det er viktig å stramme opp føresegnene slik at dei vert eintydige og presise. Ei samla tidsramme for avslutning av prosjektet bør omtalast i ein driftsplan. Dei tilrår at geoteknisk undersøking og støymåling vert gjort som ein del av plandokumentasjonen. Det gamle jernbanesporet som skal nyttast som anleggsveg bør visast som kombinert anleggsveg og landbruksområde på plankartet. Sidan den kommunale vegen og brua over elva må rustast opp i samband med uttak av massar, rår dei til å sette rekkefølgekrav på denne opprustinga som eit vilkår for uttak av deponimassar. Det er ikkje registert automatisk freda kulturminne innafor det omsøkte arealet, men dei viser til lafta uteløe rett utanfor planområdet, og ber om at det vert tatt særskild omsyn til denne ved opparbeiding av tilkomstveg. På same måte må kulturlandskapet og jernbanetraséen takast særs omsyn til. Dei viser elles til plikt om å melde frå til Hordaland fylkeskommunen ved funn av automatisk freda kulturminne.

4 Vurdering frå konsulent; det er gjort ei viss oppstramming av føresegnene. Tidsramme for bruk og avslutning av prosjektet må omtalast i ein driftsplan. Geoteknisk vurdering er planlagt gjennomført av Statens vegvesen i juni/juli På grunn av krav til framdrift av planen, må dette gjerast i etterkant av godkjenning av planen. Statens vegvesen ynskjer ikkje rekkefølgekrav på opprusting av brua, dette er difor ikkje tatt med. Støymåling må gjennomførast i samband med driftsplan. Direktoratet for mineralforvaltning; minner om at Bergvesenet har skifta namn til Direktoratet for mineralforvaltning med Bergmeisteren for Svalbard frå 1. januar av, samtidig som lov av 19. juni 2009 nr 101 om erverv og utvinning av mineralressursar trådde i kraft. Dei kan ikkje sjå at tiltaket kjem i konflikt med viktige mineralske førekomstar og har elles ingen merknader. NVE; viser til at området er potensielt skredfarleg. Hovudregelen er at reell skredfare skal kartleggjast i samband på reguleringsplannivå. Dersom dette ikkje vert gjort, må det presiserast i føresegnene at det ikkje er opna før bygningar med personopphald, og potensielt skredfarleg område jf. skrednett si database må synast som ei omsynssone i plankartet. Dei har ikkje merknader til at det vert laga avskjeringsgrøft som fører overflatevatn rundt deponiområdet, og føreset at dette ikkje endrar dei naturlege avrenningsvegane vidare. Vurdering frå konsulent; det er presisert i føresegnene at det ikkje skal etablerast bygningar for personopphald. Statens vegvesen; viser til at dei har mange vegprosjekt på gang i Granvin og omliggjande område, og truleg overskot på massar med behov for plassering. Dei er difor positive til arbeidet. Dei har likevel følgjande merknader til planframlegget; dei geotekniske tilhøva må vere avklart før vegvesenet kan nytta området og dette krev ei rask avklaring, det må gå fram av planen at området kan nyttast til massar frå andre veganlegg også, t.d. Joberget, Haukanesberget og Lussand. Det bør tilføyast i bakgrunn for planarbeidet at nye veganlegg som det kan vere aktuelt å ta imot massar frå har kome til. Høgdemål og normalprofil /tverrprofil på anleggsveg og fylling manglar, og i tillegg hadde det vore ein fordel at eigedomsgrensene var synlege i kartet. Vurdering frå konsulent; det er meste av dette er ivaretatt i planen. Granvin næringsforum; meiner at det er viktig å støtte opp om private initiativ, og difor bør dei ikkje gå vidare med planane på Såkvitne. Massedeponi og knuseverk er ikkje ei kommunal oppgåve. Fylkesmannen i Hordaland; dei viktigaste innvendingane går på at sjølv om dei fleste innspela til oppstartsmeldinga er tatt med i planomtalen, er dei ikkje formelt sikra gjennom planføresegnene. Dette må rettast opp før planen kan eigengodkjennast. Dette gjeld t.d. krav om tekniske sikringstiltak og fiskeribioligiske undersøkingar for å sikre at det ikkje oppstår skade på anadrom laskefisk. Når det gjeld landskap burde visualiseringa vore betre og tillat kotehøgd burde vore innarbeidd i føresegna 4.1. Framtidig utnytting av tunnelmassar kan medføre aktivitet søknadspliktig etter forureiningsforskrifta kapittel 30. Dette bør gå fram av føresegnene. Det bør opnast for samordning med andre planar og vegprosjekt, slik at massar frå andre anlegg kan nytte seg av dette deponiet. ROS-analysen bør kvalitetsikrast før eigengodkjenning.

5 Vurdering frå konsulent; føresegnene er stramma opp med tanke på laksefisk og det er stilt krav om at det før under og etter fylling av masser skal føreliggja undersøkingar. Kotehøgder er lagt inn på plankartet. Det er vist til søknadspliktig etter forureiningsforskrifta kapittel 30 i planføresegnene Det er opna for å ta imot reine massar frå andre veganlegg. ROSanalysen er revidert. Når det gjeld geoteknisk undersøking, sjå merknad under uttalen til fylkeskommunen. Vurdering frå administrasjonen; det vert i planen lagt opp til at geoteknisk undersøking skal gjerast i forkant av at deponiet vert tatt i bruk. Statens vegvesen vil nytte eigen kompetanse til dette arbeidet, og har bestilt Vegteknisk avdeling til å gjere dette i løpet av sommaren. Sjølv om det hadde vore ein fordel å hatt dette på plass før godkjenning av planen, har krav om framdrift av planarbeidet ikkje gjort dette mogleg. Ein meiner likevel at dette skal vere godt ivaretatt, ved gjennomføring før området vert tatt i bruk. Krav til at planen må ferdigstillast gjer og at det er hensiktsmessig å avklare ein del spørsmål i samband med ein driftsplan for anlegget, som t.d. tidsramme, omfang og avslutning av tiltaket. Sidan det framleis ikkje er heilt avklart kva for veganlegg som vil nytte seg av Såkvitne som massedeponi, meiner ein det bør vere greitt å avvente behov for opprusting av kommunal veg og bru. Konklusjon Det ligg ikkje føre motsegn til planen, men ein del råd om endringar som bør vere gjort før eigengodkjenning. I følgje vår vurdering er dei viktigaste forslaga ivaretatt i planen slik han no ligg føre. I dei komande åra skal det gjennomførast mange store vegprosjekt i Granvin, og det vil vere eit stort behov for eigna område for deponering av overskotsmassar frå mellom anna tunneldriving. Det er svært viktig å få på plass ein godkjent reguleringsplan for dette føremålet. Rådmannen vil difor tilrå at reguleringsplanen for mellombels masselager på Såkvitne vert godkjent slik han ligg føre.