Fylkesmannen i Møre og Romsdal atab

Transkript

1 Fylkesmannen i Møre og Romsdal atab Vår dato /5211/FMMRTHAU/461.5 Saksbehandlar, innvalstelefon Dykkar dato Dykkar ref. Overingeniør Thomas Aurdal, Vår ref. Statens vegvesen Vegdirektoratet v/gunnar Magnus Haugen Postboks 8142 Dep 0033 OSLO Molde kommune - Statens vegvesen Vedtak om løyve til utfylling over forureina sjøbotn ved Lønset ferjekai Fylkesmannen i Møre og Romsdal har ferdigbehandla søknaden frå Statens vegvesen, og gjev løyve til utfylling ved gamle Lønset ferjekai i Molde kommune. Løyve med vilkår er vedlagt. Løyvet er gyldig frå til Fylkesmannen vedtek eit gebyr på kr for handsaminga av søknaden. Vi viser til søknad datert om løyve til utfylling ved gamle Lønset ferjekai i Molde kommune. Vedtak Fylkesmannen i Møre og Romsdal gjev med dette Statens vegvesen løyve til utfylling ved gamle Lønset ferjekai i Molde kommune. Løyvet er gitt med heimel i lov av om vern mot forureining og om avfall (forureiningslova) 11, jf. 16. Fylkesmannen har ved avgjerda av om løyve skal gjevast eller ikkje, og ved fastsetting av vilkår, lagt vekt på dei forureiningsmessige ulemper ved tiltaket saman med dei fordelar som tiltaket elles vil medføre. Det er satt vilkår for løyvet. Løyvet med vilkår er vedlagt dette brevet. Løyvet til verksemd etter forureiningslova kan ikkje nyttast før tiltaket også har vorte klarert etter plan- og bygningslova, hamne- og farvasslova, og kulturminnelova. Det kan gjerast endringar i løyvet i medhald av forureiningslova 18. Endringane skal vere basert på skriftleg sakshandsaming og forsvarleg utreiing av saken. Ein eventuell søknad om endring må difor føreliggje i god tid før endringa ynskjast gjennomført. Løyvet til forureinande verksemd gjev ikkje fritak frå erstatningsansvar for skade og ulempe eller tap forårsaka av forureining, jf. forureiningslova 56. Brot på løyvet er straffbart etter forureiningslova 78 og 79. Bakgrunn Statens vegvesen skal fylle ut med massar ved gamle Lønset ferjekai i Molde kommune for å oppnå nytt areal som skal nyttast til brulager og uteaktivitetar knytt til lageret. Det skal fyllast ut med om lag m 3 med massar under vatnet og om lag m 3 med massar over vatnet. Nokre av massane som skal fyllast ut over vatnet vil verte fylt ut over allereie Postadresse: Postboks Molde Telefon: E-post: fmmrpostmottak@fylkesmannen.no Web: Org.nr:

2 side 2 av 5 eksisterande areal. Tiltaket skal gjennomførast hausten 2015 ved Statens vegvesens eigedom med gnr. 39 bnr. 81. Norconsult AS gjennomførte ei undersøking, med tilhøyrande prøvetaking, av sedimenta i tiltaksområdet seinhaustes 2014 og tidleg Opphavleg vart det planlagt å fylle ut med massar både på austsida og sørsida av den gamle ferjekaia, og prøvetakinga vart gjennomført med dette som utgangspunkt, men tiltakshavar gjekk vekk frå planane om utfylling på austsida, og skal no berre fylle ut på sørsida. Norconsult sin miljørapport viser at sjøbotnen på sørsida av kaia er forureina i moderat grad med TBT og PAH-forbindingar, og desse funna er tatt med i vurderingane til Fylkesmannen. Høyring Kopi av søknaden vart sendt til aktuelle høyringspartar, som vart gitt ein frist på 4 veker til å uttale seg. Søknaden vart også kunngjort på heimesida til Fylkesmannen i Møre og Romsdal. Ingen vesentlege merknadar vart gitt. Molde kommune sine vilkår er lista opp i løyvet deira av NTNU vitenskapsmuseet minna om meldeplikten ved eventuelle funn av kulturhistorisk materiale. Fylkesmannens vurdering I følgje Lov 13. mars 1981 om vern mot forureining og om avfall (forureiningslova) 7 er det ikkje lov å sette i verk noko som kan medføre fare for forureining. Forureiningsmyndighetene kan gje løyve til verksemd som kan føre til forureining etter 11 i same lov. Fylkesmannen i Møre og Romsdal er av den oppfatning at det det aktuelle tiltaket kan medføre fare for forureining, og at det dermed er behov for eit løyve etter forureiningslova 11. Planar for området etter plan- og bygningslova må også vektleggast i vurderinga av om det skal gjevast løyve. I forureiningslova 11, ledd 4, står det følgjande: «Hvis virksomheten vil være i strid med endelige planer etter plan- og bygningsloven, skal forurensningsmyndigheten bare gi tillatelse etter forurensningsloven med samtykke fra planmyndigheten». Myndigheta for plan- og bygningslova er kommunen. Molde kommune har gitt løyve til prosjektet, med vilkår. Norconsult AS utførte seinhausten 2014 og tidleg 2015 ei undersøking av sjøbotnen og sedimenta i tiltaksområdet. Risikovurdering og prøvetaking med analysar for vanlege miljøgifter var inkludert i undersøkinga. Dei fann at sjøen i utfyllingsområdet har eit djup på om lag 5 meter og ei helling mot dei større djupa lenger ute i fjorden. Sjøbotnen består av stein med område med sand, men lite finstoff. I området aust for kaia, der det ikkje lenger er planlagt utfylling viste sjøbotnen seg å vere forureina i betydeleg grad med fleire forskjellige miljøgifter. Statens vegvesen kan seinare verte pålagt opprydding av sjøbotn her som ansvarleg forureinar. I området sør for kaia, der det no er bestemt at all utfyllinga skal skje, er graden av forureining betydeleg lågare. Sør for kaia vart det nærast land funne TBT-nivå opp til tilstandsklasse III («moderat»), og litt lenger ute, PAH-nivå opp til tilstandsklasse III. Konsulenten anbefalte inga tiltak ved utfylling i området sør for kaia. Det har ikkje vorte gjort økologiske undersøkingar eller faunaundersøkingar i sjølve tiltaksområdet, men Norconsult skriv i rapporten sin at det i Fannefjorden er registrert torsk, sild, sei, makrell, lange, laks, sjøpølse, sjømus og slangestjerne, som er artar av interesse i samanheng med forvaltning. I Fannefjorden er det også gjort observasjonar av den raudlista

3 side 3 av 5 arten oter. Dei skriv også at det er registrert ein førekomst av naturtypen sand- og grusstrand 6,5 km frå Lønset. Tiltaket har vorte vurdert etter Lov om forvaltning av naturens mangfold (naturmangfaldlova) Vurderinga til Fylkesmannen har tatt utgangspunktet i undersøkingane til Norconsult frå 2014 og 2015 og i den kunnskapen om naturmangfaldet i tiltaksområdet som finnast ved miljøvernavdelinga til Fylkesmannen, jf. 8 om kunnskapsgrunnlaget. Fylkesmannen har også brukt tilgjengeleg informasjon i nettbaserte databaser (Naturbase, Vann-Nett, Mareano og kartverktøyet til Fiskeridirektoratet). Fylkesmannen meiner difor at den føreliggjande kunnskapen er tilstrekkeleg til å behandle søknaden til Vegvesenet., jf. 8 i naturmangfaldlova. I databasen til Miljødirektoratet (Naturbasen) er det ikkje registrert nokre verdifulle naturverdiar i nærleiken til tiltaksområdet. Ved Brokstadskjeret på sørsida av Fannefjorden er det ei gamal registrering av yngleområde for fiskemåke, makrellterne og raudnebbterne, men dette området har ei avstand på i overkant av 1,5 km til tiltaksområdet, og forventast ikkje å verte forstyrra av tiltaket. I Mareano er det registrert eit større gytefelt vest for tiltaksområdet, men avstanden til ytterkanten av gytefeltet er på om lag 1,3 km. I Fiskeridirektoratets kartverktøy er det registrert eit fiskefelt for passive fiskereiskap som byrjar om lag 500 meter sør for tiltaksområdet. På grunn av den store avstanden til tiltaksområdet forventast heller ikkje desse felta å verte forstyrra av tiltaket. Då tiltaksområdet etter Fylkesmannens oppfatning er tilstrekkelig kartlagt i forhold til storleiken på tiltaket, og det ikkje er registrert verdifulle naturverdiar i nærleiken til tiltaksområdet, kan vi ikkje sjå nokon grunn til å leggje særleg vekt på føre-var-prinsippet i denne saken, jf. 9 i naturmangfaldlova. Tiltaket skal gjennomførast i vassførekomsten med namnet Fannefjord midtre, som i Vann- Nett har ei økologisk tilstand satt til «antatt god», men inga definert kjemisk tilstand. I følgje Vann-Nett er det ingen risiko for at fastsette miljømål ikkje nås innan 2021 for denne vassførekomsten. Nye inngrep i ein vassførekomst kan, ifølgje Forskrift om rammer for vannforvaltningen (vassforskrifta), normalt ikkje utførast dersom tiltaket vil føre til ein reduksjon av den økologiske statusen til vassførekomsten. Fylkesmannen meiner at Statens vegvesen sitt utfyllingstiltak ikkje vil medføre nokon risiko for at den økologiske tilstanden i området vert redusert dersom dei avbøtande tiltaka som vert pålagt vert gjennomført. I følgje 10 i naturmangfaldlova skal ein påverknad av eit økosystem alltid vurderast ut ifrå den samla belastninga som økosystemet vert utsatt for. Alt i alt er Fylkesmannen av den oppfatning at tiltaket ikkje vil gje noko betydeleg bidrag til den samla belastninga på naturmangfaldet i området dersom dei vilkåra som følgjer med løyvet vert oppfylt. Etter 11 i naturmangfaldlova skal tiltakshavar dekke kostnadane ved å hindre eller redusere eventuell skade på naturmangfaldet i eit tiltaksområde, dersom dette ikkje vert sett som urimeleg med utgangspunkt i karakteren til tiltaket og den eventuelle skaden. Dette inneber at tiltakshavar kan påleggjast å betale for miljøundersøkingar og kartlegging av naturmangfaldet i tiltaksområdet for å skaffe eit større kunnskapsgrunnlag, og at det kan gjevast pålegg om å sette i verk avbøtande tiltak som skal redusere skadane, eller risikoen for skade, på miljøet. I denne saken finn Fylkesmannen det rimeleg at tiltakshavar får gjennomført og dekka kostnadane av avbøtande tiltak slik dei vert skildra i det vedlagte løyvet. Grunnlaget for eit slikt pålegg kan også finnast i 12 i naturmangfaldlova der det

4 side 4 av 5 settast krav til bruk av miljøforsvarlege teknikkar og driftsmetodar for å unngå eller redusere skadar på naturmangfaldet. Avbøtande tiltak ved utfylling Fylkesmannen pålegg tiltakshavar å gjennomføre enkle avbøtande tiltak under arbeidet. Sjå det vedlagte løyvet for ei nærare skildring av desse tiltaka. Konklusjon Fylkesmannen gjev løyve til utfylling med massar etter gitte vilkår. På bakgrunn av desse vilkåra meiner Fylkesmannen tiltaket ikkje vil gje spreiing av forureining i betydeleg grad eller redusere den biologiske og økologiske funksjonen i området. Løyvet vil vere gyldig frå til Klagemoglegheiter Vedtaket kan klagast inn til Miljødirektoratet etter reglane i kapittel VI i forvaltningslova, av partane i saken eller andre med rettsleg klageinteresse innan tre veker etter at avgjerda er mottatt. Eventuell klage skal angje kva det klagast over og den eller dei endringar som ynskjast. Klagen skal grunngjevast, og opplysningar som kan ha innverknad på saken bør vere nemnt. Dersom det blir klaga på vedtaket, kan Fylkesmannen eller Miljødirektoratet etter førespurnad vedta at vedtaket ikkje skal tre i kraft før klagen er endeleg avgjort, jf. 42 i forvaltningslova. Klagen skal sendast via Fylkesmannen. Eventuell klage fører ikkje automatisk til at iverksettinga av vedtaket vert utsatt. Fylkesmannen eller Miljødirektoratet kan etter oppmoding eller av eiga initiativ avgjere at vedtaket ikkje skal settast i gang før klagefristen er ute eller klagen er avgjort. Avgjerda av spørsmålet om igangsetting kan ikkje klagast på. Gebyr Statens vegvesen skal betale eit gebyr på kr for Fylkesmannen i Møre og Romsdal si behandling av søknaden, jf. Forskrift om begrensning av forurensning av kapittel 39 om gebyr til statskassa for arbeid med løyve og kontroll etter forureiningslova. Sakshandsaminga knytt til behandling av søknaden er plassert i gebyrsats 3 for endring av løyve, jf. forureiningsforskrifta På bakgrunn av tiltakets omfang og graden av forureining finn Fylkesmannen det rimeleg å gje eit redusert gebyr. Faktura med innbetalingsblankett ettersendast frå Miljødirektoratet. Det kan klagast på storleiken til gebyret innan tre veker. Gebyret skal likevel betalast innan fristen. Dersom klagen får medhald vil det overskytande beløpet bli tilbakebetalt. Klage på storleiken skal føreleggjast Miljødirektoratet, men sendast via Fylkesmannen i Møre og Romsdal. Offentleggjering av løyvet Vedtaket skal gjerast offentleg kjend, jf i forskrift om reduksjon av forureining. Den som har fått løyve, skal så snart som mogleg kunngjere dette i dagspressa. Kunngjeringa skal innehalde ei kort orientering om løyvet, informasjon om kvar ein kan få innsyn i saksdokumenta, og opplysningar om klageinstans og frist for eventuell klage på vedtaket. Kopi av kunngjeringa skal sendast til Fylkesmannen i Møre og Romsdal innan ein månad etter at løyvet er gitt. Eit forslag til kunngjeringstekst er vedlagt. Bedrifta kan gjerne nytte sin eigen logo i kunngjeringa. Fylkesmannens logo skal ikkje nyttast.

5 side 5 av 5 Fylkesmannen vil også kunngjere vedtaket på sine nettsider under «Forureining» og «kunngjeringar». Fristar Løyvet skal kunngjerast i dagspressa så snart som mogleg Det skal gjevast melding til Fylkesmannen i Møre og Romsdal når arbeidet startast opp Rapport skal sendast til Fylkesmannen innan 6 veker etter at arbeidet er fullført Løyvet vil vere gyldig frå til Med helsing Anne Melbø (e.f.) fagansvarleg Thomas Aurdal Dokumentet er elektronisk godkjent og har ingen signatur. Vedlegg: 1) Løyve til utfylling 2) Forslag til tekst ved kunngjering i dagspressa Kopi: Molde kommune Rådhusplassen MOLDE Norconsult AS v/dag Aursland Postboks HORTEN

6 Løyve for Statens vegvesen til utfylling i sjø ved gamle Lønset ferjekai i Molde kommune Løyvet er gitt i medhald av lov av om vern mot forureiningar og om avfall (forureiningslova) 11. Det er satt vilkår etter forureiningslova 16. Løyvet til utfylling kan ikkje nyttast før tiltaket også er klarert etter plan- og bygningslova og etter hamne- og farvasslova. Tiltaket må også vere klarert etter kulturminnelova. Løyvet er gyldig frå til Tiltakshavar må på førehand avklare skriftleg med Fylkesmannen i Møre og Romsdal endringar den ynskjer å foreta i forhold til opplysningar gitt i søknaden eller under sakshandsaminga, som kan ha innverknad på miljøet. Bedriftsdata: Bedrift Statens vegvesen Beliggenhet/gateadresse Brynsengfaret 6A, 0667 OSLO Postadresse Postboks 8142 Dep, 0033 OSLO Organisasjonsnummer (bedrift) Lokalitet for tiltaket Gamle Lønset ferjekai Euref 89, UTM sone 32 for tiltaket nord: øst: Gards- og bruksnummer for tiltaket gnr. 39 bnr. 81 Kommune tiltaket utføres i Molde Saksnummer Anleggsnummer Løyvenummer 2014/ T Løyve gitt: Endringsnummer: - Sist endra: - Anne Melbø fagansvarleg Thomas Aurdal overingeniør Dokumentet er elektronisk godkjent og har ingen signatur.

7 1. Virkeområde for løyvet Løyvet omfattar utfylling med om lag m 3 med massar under vatnet og om lag m 3 med massar over vatnet. Nokre av massane som skal fyllast ut over vatnet vil verte fylt ut over allereie eksisterande areal. Utfyllinga skal utførast for å etablere eit nytt lager for bruer med tilhøyrande uteareal med plass til ulike aktivitetar knytt til lageret. Utfyllinga skal gjerast på sørsida av den gamle ferjekaia ved Lønset i Molde kommune, gnr. 39 bnr. 81. Planlagt tiltaksperiode er hausten Løyvet gjeld berre massar som er egna til formålet. 2. Generelle vilkår 2.1 Tiltaket må gjennomførast som angitt i søknaden datert dersom ikkje noko anna går fram av løyvet eller andre vedtak, eller på annan måte er avklart med Fylkesmannen i Møre og Romsdal. 2.2 Vilkåra til forureiningsmyndigheta skal ikkje vere til hinder for at andre myndigheter kan stille krav med heimel i anna lovgiving. 2.3 Tiltakshavar er ansvarleg for at vilkåra i løyvet vert overhaldt. Tiltakshavar plikter å orientere dei som skal gjennomføre tiltaket om dei vilkår som gjeld, samt dei restriksjonane som er lagt på arbeidet. 2.4 Forureiningsmyndigheta, eller den dei gjer myndighet, skal til ei kvar tid kunne kome inn på området for inspeksjon. 2.5 Fylkesmannen kan oppheve eller endre vilkåra i løyvet, sette nye vilkår, og om det er naudsynt, trekke tilbake løyvet, dersom vilkår gitt etter forureiningslova 18 er til stades. Fylkesmannen har på same grunnlag rett til, på eit kvart tidspunkt, å stoppe arbeidet. 2.6 Dersom det viser seg at dei miljøbeskyttande tiltaka som vert skildra i løyvet ikkje har den tilsikta effekten, kan den ansvarlege med ein gong verte pålagt å sette i gang ytterlegare tiltak. 2.7 Ved mistanke om eventuelle funn av kulturminne undervegs i arbeidet skal arbeidet stansast og NTNU vitenskapsmuseet kontaktast.

8 3. Internkontroll, beredskap og varsling 3.1 Tiltakshavar skal utan opphald varsle Fylkesmannen om alle unormale forhold som har, eller kan få innverknad på forureiningssituasjonen. 3.2 Tiltakshavar plikter å ha eit oppdatert internkontrollsystem, jf. forskrift om systematisk helse-, miljø- og tryggleiksarbeid i verksemder (internkontrollforskrifta) av 6. desember Internkontrollen skal mellom anna sikre og dokumentere at verksemda overheld krava i løyvet, forureiningslova, produktkontrollova og relevante forskrift til desse lovene. 3.3 Tiltakshavar plikter å gjennomføre tiltak for å unngå, eventuelt redusere, risikoen for akutte utslipp frå all verksemd knytt til dette tiltaket. Slike tiltak skal vere basert på ein systematisk gjennomgang av alle element i tiltaksaktiviteten. 3.4 Den ansvarlege skal ha ein nødvendig beredskap for å hindre, oppdage, stanse, fjerne og redusere verknaden av akutt forureining for all verksemd, jf. forureiningslova 40. Beredskapen til den ansvarlege skal stå i et rimeleg forhold til sannsynet for akutt forureining og omfanget av skadane og ulempene som kan inntreffe. Beredskapsplikten omfattar også utstyr og kompetanse til å fjerne og redusere verknaden av ei eventuell forureining. 3.5 Ved akutt forureining eller fare for akutt forureining som følgje av verksemda, skal den ansvarlege varsle i tråd med forskrift av om varsling av akutt forurensning eller fare for akutt forurensning. Melding om akutt forureining gjerast til brannvesenet, telefon: 110. Kystverket har 24 timer med vaktberedskap (telefon 07847) og får meldingar frå brannvesenet om akutt forureining 4. Utfylling med massar 4.1 Fylkesmannen skal varslast når arbeidet startast opp. 4.2 Tiltaket skal utførast i tråd med avgrensa område som vist i kartvedlegget til søknaden. 4.3 Det skal nyttast metodar for utfylling som minimerer faren for spreiing av forureining. 4.4 Utfyllingsmassane skal ikkje overskride konsentrasjonsgrensane tilsvarande tilstandsklasse II for sedimenter, jf. Miljødirektoratet sin vegleder for klassifisering av metallar og organiske miljøgifter i vann og sediment (TA-2229/2007). Det tillates ikkje bruk av reaktive bergartar. Det skal berre brukast massar som er egna til formålet.

9 4.5 Tiltaket skal utførast under rolege vind- og bølgjeforhold slik at ein unngår uheldig spreiing av sediment. 4.6 Tiltakshavar skal forsøke å leggje anleggsarbeidet utanom sumarsesongen (perioden frå 15. mai til 15. september) så sant dette er praktisk mogleg. 5. Kontroll og overvaking 5.1 Det skal gjennomførst kontroll og overvaking av tiltaksarbeidet i tråd med eit enkelt kontrollprogram. Kontrollprogrammet skal inngå i verksemdas internkontrollsystem. Programmet skal vere omfattande nok til å avdekke eventuell uakseptabel spreiing av forureining i tilknyting til tiltaket. 5.2 Turbiditeten i vatnet må haldast under oppsikt mens arbeidet er i gang. Visuell overvaking er tilstrekkeleg. Dersom det vert virvla opp uakseptabelt mykje sediment, må arbeidet stansast midlertidig til turbiditeten er nede på eit meir stabilt nivå igjen. Om kraftig oppvirvling vert eit gjentakande problem, må det vurderast å redusere mengda massar som dumpast om gangen. 5.3 Det skal førast logg over resultat frå overvakinga, og over mengder og tidspunkt for utfylling med masser. Loggen skal innehalde eventuelle hendingar med uakseptabelt høg turbiditet og korrigerande tiltak. Loggen skal vere tilgjengeleg ved eventuelle tilsyn. 6. Rapportering 6.1 Utførte målingar av kjemisk tilstand i sedimenta skal registrerast på vannmiljo.no. Data skal leverast på Vannmiljøs importformat som kan finnast på Her er det også ein oversikt over kva parameter som skal rapporterast, og generell rettleiing. Importskjemaet skal knytast til brukaren Mattis Mikkelsen. Registreringa må gjerast snarast mogleg etter at tiltaket er utført. 6.2 Det skal sendast sluttrapport til Fylkesmannen innan 6 veker etter at anleggsarbeidet er avslutta. Rapporten skal innehalde: - Ei kort skildring av tiltaket og utført arbeid - Eventuelle hendingar med uakseptabelt høg turbiditet, og korrigerande tiltak - Ei skildring av avbøtande tiltak som er gjennomført for å hindre uheldig innverknad på miljøet - Ei skildring av utstyret som vart nytta under tiltaket, og ei oppsummering av dei erfaringane som vart gjort under arbeidet - Utfylt rapporteringsskjema.

10 Løyve til utfylling ved Lønset i Molde kommune Statens vegvesen har fått løyve etter forureiningslova til utfylling ved gamle Lønset ferjekai i Molde kommune. Det skal fyllast ut med om lag m3 med massar under vatnet og om lag m3 med massar over vatnet. Hensikta med tiltaket er å oppnå auka areal som skal nyttast til brulager med tilhøyrande uteaktivitetar. Sjøbotnen i tiltaksområdet er forureina i moderat grad med TBT og PAH-forbindingar. Løyvet vil vere gyldig frå til Vedtaket er kunngjort, og kan lesast i sin heilhet, på nettsidene til Fylkesmannen, under «Forureining» og «kunngjeringar».