Midsund kommune - Vedtak om løyve til utfylling ved Antonbua i Midsund

Transkript

1 /7633/FMMRTHAU/461.5 Saksbehandlar, innvalstelefon Dykkar dato Dykkar ref. Overingeniør Thomas Aurdal, Vår dato Vår ref. Midsund kommune Utsidevegen MIDSUND Midsund kommune - Vedtak om løyve til utfylling ved Antonbua i Midsund Fylkesmannen i Møre og Romsdal har ferdigbehandla søknaden til Midsund kommune og gjev løyve til utfylling over forureina sjøbotn ved eigedomen med gnr. 48 bnr. 7 ved Antonbua i Midsund. Løyve med vilkår følgjer vedlagt. Vi vedtar eit gebyr på kr for behandlinga av søknaden. Vi viser til søknad av om løyve til utfylling ved Antonbua i Midsund kommune. Vedtak Fylkesmannen i Møre og Romsdal gjev med dette Midsund kommune løyve til utfylling med massar utanfor eigedomane med gnr. 48 bnr. 7 ved Antonbua i Midsund. Løyvet er gitt med heimel i lov av om vern mot forureining og om avfall (forureiningslova) 11, jf. 16. Fylkesmannen har ved avgjerda om løyve skal gjevast og ved fastsetting av vilkåra, lagt vekt på dei forureiningsmessige ulemper ved tiltaket sett i samband med dei fordelar og ulemper som tiltaket elles vil medføre. Det er satt vilkår for løyvet. Løyve med tilhøyrande vilkår følgjer vedlagt dette brevet. Løyvet kan ikkje takast i bruk før det føreligg naudsynte løyve etter plan- og bygningslova og hamne- og farvasslova og tiltaket er klarert etter kulturminnelova. Det kan gjerast endringar i dette løyvet i medhald av forureiningslova 18. Endringane skal vere basert på skriftleg saksbehandling og forsvarleg utreiing av saken. Ein eventuell endringssøknad må derfor føreligge i god tid før endringa ynskjast gjennomført. Løyvet til forureinande aktivitet gjev ikkje fritak frå erstatningsansvar for skade og ulempe eller tap forårsaka av forureining, jf. forureiningslova 56. Brot på løyvet er straffbart etter forureiningslova 78 og 79. Bakgrunn Midsund kommune har søkt om løyve til utfylling med masser utanfor eigedomen med gnr. 48 bnr. 7 ved Antonbua i Midsund. Det skal fyllast ut med om lag m 3 med massar over eit areal på om lag m 2 sjøbotn. Hensikta med tiltaket er å oppnå auka landareal for Fylkesmannen i Møre og Romsdal Postboks 2520, 6404 MOLDE fmmrpostmottak@fylkesmannen.no Organisasjonsnr:

2 side 2 av 6 oppføring av eit nytt bygg, og plana er at tiltaket skal gjennomførast i den fyrste delen av Norconsult har undersøkt miljøtilstanda på sjøbotnen i tilknyting til tiltaket. Funna og vurderingane deira er presentert i rapport RIM01 av Dei fann at sedimenta i tiltaksområdet var forureina opp til tilstandsklasse V, jf. Miljødirektoratets rettleiar M-608/2016. Høyring Søknaden var på høyring i perioden til Vi fekk inn følgjande uttale: NTNU vitenskapsmuseet: Vitskapsmuseet skriv at det ble gjennomført marinarkeologiske undersøkingar i området i tilknyting til arbeidet med reguleringsplanen for Midsund sentrum. Det ble ikkje gjort nokre funn i tiltaksområdet, og ytterlegare undersøkingar er ikkje naudsynt. Vitskapsmuseet minner om meldeplikten ved funn, eller mistanke om funn, av kulturhistorisk materiale. Fylkesmannens vurderingar I følgje Lov av 13. mars 1981 om vern mot forureining og om avfall (forureiningslova) 7 er det forbode å sette i verk noko som kan medføre fare for forureining. Forureiningsmyndigheitene kan gje løyve til verksemd som kan føre til forureining etter 11 i den same lova. Fylkesmannen i Møre og Romsdal er av den oppfatning at tiltaket som det søkjast om kan medføre fare for forureining då det vil påverke forureina sjøbotn, og at det dermed krevjast eit løyve etter forureiningslova 11. Norconsult undersøkte sedimenta i tiltaksområdet i 2016 ved å ta grabbprøver i fire stasjonar. Dei fann miljøgifta TBT i tilstandsklasse V i alle prøvepunkta. Det ble også påvist koppar i tilstandsklasse V og sink, kvikksølv og mange PAH-forbindingar i tilstandsklasse IV. Dei høgaste forureiningsnivåa ble funne nærast land, sentralt i tiltaksområdet. Finpartiklane (leir- og siltfraksjonen) vurderast å ha eit betydeleg spreiingspotensial. Det kan også vere forureina porevatn på sjøbotnen som kan pressast ut når steinmassane dumpast. Konsulenten foreslår tidlegare aktivitetar på landområdet som årsak til den sterke forureininga. Norconsults vurdering er at det må gjerast avbøtande tiltak for å unngå spreiing av forureina partiklar og porevatn. Konsulenten meiner utlegging av eit sandlag, etablering av steinsjeté og forsiktig utlegging av steinmassane er dei mest egna tiltaka ut frå eit kost/nytte-perspektiv. Konsulenten vurderer også omfanget av spreiing av plastavfall og sprengstoffrestar ved utfylling med sprengstein. Sprengstoffrestane kan gje tilførsel av ammoniakk, som kan vere giftig for fisken, men omfanget vurderast å vere nokså lite. Konsulenten anbefaler manuell fjerning av plastavfall i fyllmassane.

3 side 3 av 6 Fylkesmannen sluttar seg til Norconsults vurderingar av avbøtande tiltak. Vi pålegg derfor tiltakshavar å utføre avbøtande tiltak under arbeidet. Desse er nærare skildra i løyvet. Fylkesmannen har vurdert tiltaket etter Lov om forvaltning av naturens mangfold (naturmangfaldlova) Våre vurderingar har tatt utgangspunkt i Norconsults rapport og kunnskap som elles har kome fram, mellom anna i kontakt med kommunen. Vi har også nytta informasjon tilgjengeleg i dei nettbaserte databasane Naturbase, Vann-Nett, Mareano og kartverktøyet til Fiskeridirektoratet. Vi meiner at den føreliggjande kunnskapen er tilstrekkeleg til å behandle søknaden, jf. 8 i naturmangfaldlova. Då vi finn at tiltaksområdet og moglege konsekvensar av tiltaket er tilstrekkeleg kartlagt, kan vi ikkje sjå nokon grunn til å legge spesiell vekt på føre-var-prinsippet i denne saka, jf. 9 i naturmangfaldlova. I Miljødirektoratets database (Naturbasen) er det nokre registreringar av ærfugl i Midsundbukta utanfor tiltaksområdet. I Fiskeridirektoratets kartverktøy er det registrert ein akvakulturlokalitet om lag 270 meter vest for tiltaksområdet. Om lag 1,5 kilometer nord for tiltaksområdet, nærare Kvaløysundet, er det registrert eit gyteområde for torsk og fiskeplassar for bruk av passive fiskereiskap. I Midfjorden om lag 1,8 kilometer sør for tiltaksområdet er det registrert eit gyteområde for lange og fiskeplassar for bruk av passive fiskereiskap. I Norconsults rapport står det at tiltaksområdet er del av eit større oppvekstområde for nordsjøsei og nordøstarktisk sei. Vi forventar ikkje at desse natur- og næringsverdiane vil bli påverka av tiltaket dersom det gjerast avbøtande tiltak for å kontrollere spreiing av partiklar i vassmassane. Miljøvernavdelinga er kjent med at det i fleire år har vore hekkande krykkjer på/ved Antonbua. Krykkjene etablerer seg vanlegvis i starten av mars og er sårbare for uroing fram til starten av august. I utgangspunktet burde det ikkje vore anleggsarbeid i dette området i hekketida til krykkja, men kommunen har informert oss om at det er avgjerande at fyllinga med tilhøyrande nybygg kjem på plass raskt. Nybygget som skal etablerast på fyllinga skal erstatte kontorlokale som er i bruk, men som ikkje er godkjende av Arbeidstilsynet. Mangelen på godkjende lokalar, og trongen til å få etablert nye, gjer at vi gir løyve til at anleggsarbeidet kan utførast også i hekkeperioden for krykkje. For at dette skal vere minst mogleg til skade for krykkja, er det viktig at arbeidet blir gjennomført på ein så skånsam måte som mogleg, med fokus på å redusere støy og støvdrift. Tiltaket skal utførast i vassførekomsten ved namn Midsund, som i Vann-Nett har «antatt god» økologisk tilstand. Kjemisk tilstand for førekomsten er ikkje definert. Nye inngrep i ei vassførekomst kan, i følgje Forskrift om rammer for vannforvaltningen (vassforskrifta), normalt ikkje utførast dersom tiltaket vil føre til ein reduksjon av førekomstens økologiske status. På bakgrunn av vilkåra sett i løyvet meiner Fylkesmannen at tiltaket ikkje vil medføre nokon risiko for at tilstanda reduserast. I følgje 10 i naturmangfaldlova skal ei påverknad på eit økosystem alltid vurderast ut frå den samla belastninga som økosystemet blir utsett for. På grunnlag av dei avbøtande tiltaka meiner Fylkesmannen at tiltaket ikkje vil gje noko betydeleg bidrag til den samla belastninga på naturmangfaldet i området. Ei steinfylling med eit sandlag over dei forureina

4 side 4 av 6 sedimenta, jf. vilkår 4.7 i løyvet, vil kunne gjere miljøgiftene mindre mobile også på lengre sikt. Etter 11 i naturmangfaldlova skal tiltakshavar dekke kostnadane ved å hindre eller redusere eventuelle skadar på naturmangfaldet i eit tiltaksområde dersom dette ikkje er urimeleg med utgangspunkt i tiltakets karakter og den eventuelle skaden. Dette inneber at tiltakshavar kan påleggjast å betale for miljøundersøkingar og kartlegging av naturmangfaldet i tiltaksområdet for å skaffe eit større kunnskapsgrunnlag, og at det kan gjevast pålegg om å sette i verk avbøtande tiltak som skal redusere skadane, eller risikoen for skade, på miljøet. I denne saka finn Fylkesmannen det rimeleg at tiltakshavar får gjennomført og dekka eventuelle kostnadar av avbøtande tiltaks lik dei blir skildra i løyvet. Dei avbøtande tiltaka er også i samhøve med 12 i naturmangfaldlova, der det settast krav til bruk av miljøforsvarlege teknikkar og driftsmetodar for å unngå eller redusere skadar på naturmangfaldet. Konklusjon: Fylkesmannen tillèt utlegging av massar etter fastsette vilkår. På bakgrunn av desse vilkåra meiner Fylkesmannen at tiltaket ikkje vil medføre vesentleg spreiing av forureining eller annan uheldig påverknad på naturmiljøet. Klagemoglegheiter Vedtaket kan klagast inn til Miljødirektoratet etter reglane i kapittel VI i forvaltningslova, av partane i saka eller andre med rettsleg klageinteresse innan tre veker frå avgjerda er motteke. Ei eventuell klage skal angi kva det klagast over og den eller dei endringar som ynskjast. Klagen skal grunngjevast, og opplysningar som kan ha innverknad på saka bør nemnast. Dersom vedtaket klagast på, kan Fylkesmannen eller Miljødirektoratet etter førespurnad vedta at vedtaket ikkje skal tre i kraft før klaga er endeleg avgjort, jf. 42 i forvaltningslova. Klaga skal sendast via Fylkesmannen. Ei eventuell klage fører ikkje automatisk til at iverksettinga av vedtaket vert utsett. Fylkesmannen eller Miljødirektoratet kan etter oppmoding eller av eiget initiativ avgjere at vedtaket ikkje skal settast i verk før klagefristen er ute eller klagen er avgjort. Avgjerda av spørsmålet om igangsetting kan ikkje klagast på. Gebyr Midsund kommune skal betale eit gebyr på kr for Fylkesmannen i Møre og Romsdal si behandling av søknaden, jf. forskrift om begrensning av forurensning av kapittel 39 om gebyr til statskassa for arbeid med løyve og kontroll etter forureiningslova. Saksbehandlinga av søknaden er plassert i gebyrsats 6, jf. forureiningsforskrifta Faktura med innbetalingsblankett blir ettersendt frå Miljødirektoratet. Ressursbruk knytt til saksbehandlinga er lagt til grunn ved fastsettinga av gebyrsats. Dette inkluderer gjennomgang av søknaden, møter og korrespondanse med søkjaren, høyring av saka, og endeleg ferdigstilling av løyvet. Innsats frå andre fagpersonar hos Fylkesmannen inngår også. Det kan klagast på storleiken til gebyret innan tre veker. Gebyret skal likevel betalast innan fristen. Dersom klaga får medhald vil det overskytande beløpet bli betalt tilbake. Klage på

5 side 5 av 6 storleiken skal føreleggjast Miljødirektoratet, men sendast via Fylkesmannen i Møre og Romsdal. Offentleggjering av løyvet Vedtaket skal gjerast offentleg kjent, jf i forureiningsforskrifta. Den som har fått løyve, skal så snart som mogleg kunngjere dette i dagspressa. Kunngjeringa skal innehalde ei kort orientering om løyvet, kor ein kan vende seg for å få innsyn i saksdokumenta og opplysningar om klageinstans og frist for eventuell klage på vedtaket. Kopi av kunngjeringa skal sendast Fylkesmannen i Møre og Romsdal innan ein månad etter at løyvet er gjeve. Eit forslag til kunngjeringstekst er vedlagt. Verksemda kan gjerne nytte sin eigen logo i kunngjeringa. Fylkesmannens logo skal ikkje nyttast. Fylkesmannen vil kunngjere vedtaket på sine nettsider under «Forureining» og «kunngjeringar». Erstatningsansvar Løyvet fritek ikkje for erstatningsansvar for forureiningsskade etter forureiningslova 10 og kapittel 8. Fristar Løyvet skal offentleggjerast i dagspressa så snart som mogleg. Det skal gjevast melding til Fylkesmannen i Møre og Romsdal når tiltaket startast opp. Utfyllinga skal, dersom dette er praktisk mogleg, leggjast utanom perioden 15. mai til 15. september av omsyn til naturmiljøet. Løyvet er gyldig til og med Norconsults målingar på sjøbotnen må registrerast i databasen Vannmiljø innan , jf. vilkår 6.1 i løyvet. Ein rapport i tråd med vilkår 6.2 skal sendast til Fylkesmannen innan 6 veker etter at tiltaket er ferdigstilt. Med helsing Ulf Lucasen (e.f.) ass. miljøverndirektør Thomas Aurdal Dokumentet er elektronisk godkjent og har ingen signatur. Vedlegg: 1 Løyve 2 Forslag til kunngjeringstekst Kopi:

6 Hammerø & Storvik Prosjekt AS Øvre veg MOLDE side 6 av 6

7 Løyve til utfylling av massar ved gnr. 48 bnr. 7 for Midsund kommune Løyvet er gitt i medhald av lov av om vern mot forureiningar og om avfall (forureiningslova) 11. Det er satt vilkår etter forureiningslova 16. Løyvet kan ikkje nyttast før det føreligg naudsynte løyve etter plan- og bygningslova og etter hamne- og farvasslova. Tiltaket må også vere klarert etter kulturminnelova. Løyvet gjeld frå dags dato og er gyldig fram til Tiltakshavar må på førehand avklare skriftleg med Fylkesmannen i Møre og Romsdal endringar den ynskjer å foreta i høve til opplysningar gitt i søknaden eller under sakshandsaminga, som kan ha innverknad på miljøet. Bedriftsdata: Bedrift Midsund kommune Plassering/gateadresse Kommunehuset, 6475 MIDSUND Postadresse 6475 MIDSUND Organisasjonsnummer (verksemd) Lokalitet for tiltaket Antonbua i Midsund Euref 89, UTM sone 32 for tiltaket nord: aust: Gards- og bruksnummer for tiltaket Gnr. 48 bnr. 7 Kommune tiltaket utførast i Midsund Saksnummer Risikoklasse Anleggsnummer Løyvenummer 2016/ T Løyve gitt: Endringsnummer: - Sist endra: - Anne Melbø fagansvarleg Thomas Aurdal overingeniør Dokumentet er elektronisk godkjent og har ingen signatur.

8 1. Virkeområde for løyvet Løyvet omfattar utfylling av om lag m 3 med reine massar i eit område på om lag m 2 med forureina sjøbotn ved gnr. 48 bnr. 7 i Midsund kommune. Løyvet gjeld berre massar som er egna til formålet. 2. Generelle vilkår 2.1 Det føresettast at tiltaket gjennomførast som angitt i søknaden datert dersom ikkje anna går fram av løyvet, andre vedtak eller på annan måte er avklart med Fylkesmannen i Møre og Romsdal. 2.2 Forureiningsmyndigheitenes vilkår skal ikkje vere til hinder for at andre myndigheter kan stille krav med heimel i anna lovgiving. 2.3 Tiltakshavar er ansvarleg for at vilkåra i løyvet vert overheldt. Tiltakshavar pliktar å orientere dei som skal gjennomføre tiltaka om dei vilkåra som gjeld, og om dei restriksjonane som er lagt på arbeidet. 2.4 Forureiningsmyndigheta, eller den dei gir myndighet til, skal til ei kvar tid ha tilgjenge til området for inspeksjon. 2.5 Fylkesmannen kan oppheve eller endre vilkåra i løyvet, sette nye vilkår, og om naudsynt trekke løyvet attende, dersom føresetnader gitt etter forureiningslova 18 er til stades. Fylkesmannen har på det same grunnlaget rett til, på eit kvart tidspunkt, å stanse arbeidet. 2.6 Dersom det viser seg at dei miljøbeskyttande tiltaka ikkje verker som føresett i vilkåra, kan den ansvarlege med ein gong verte pålagt å sette i verk ytterlegare tiltak. 2.7 Ved funn, eller mistanke om funn, av kulturminne undervegs i arbeidet skal arbeidet stansast og NTNU vitenskapsmuseet kontaktast. 3. Internkontroll, beredskap og varsling 3.1 Tiltakshavar skal med ein gong varsle Fylkesmannen om alle unormale tilhøve som har, eller kan få innverknad på forureiningssituasjonen. 3.2 Tiltakshavar pliktar å ha eit oppdatert internkontrollsystem, jf. forskrift om systematisk helse-, miljø- og tryggleiksarbeid i verksemder (internkontrollforskrifta) av 6. desember Internkontrollen skal mellom anna sikre og dokumentere at

9 verksemda overheld krava i dette løyvet, forureiningslova, produktkontrollova og relevante forskrifter til desse lovene. 3.3 Tiltakshavar pliktar å gjennomføre tiltak for å unngå, eventuelt redusere risikoen for akutte utslepp frå all verksemd knytt til dette tiltaket. Slike tiltak skal vere basert på ein systematisk gjennomgang av alle element i tiltaksaktiviteten. 3.4 Den ansvarlege skal sørgje for å ha den naudsynte beredskapen for å hindre, oppdage, stanse, fjerne og redusere verknaden av akutt forureining for all verksemd, jf. forureiningslova 40. Beredskapen til den ansvarlege skal stå i eit rimeleg høve til sannsynet for akutt forureining og omfanget av skadane og ulempene som kan inntreffe. Beredskapsplikten inkluderer også utstyr og kompetanse til å fjerne og redusere verknaden av ei eventuell forureining. 3.5 Ved akutt forureining eller fare for akutt forureining som følgje av verksemda, skal den ansvarlege varsle i samhøve med forskrift av om varsling av akutt forurensning eller fare for akutt forurensning. Melding om akutt forureining gjerast til brannvesenet, Telefon: 110. Kystverket har 24 timars vaktberedskap (telefon 07847) og får meldingar frå brannvesenet om akutt forureining. 4. Utfylling av massar 4.1 Fylkesmannen skal varslast når arbeidet startast. 4.2 Tiltaket skal gjerast i tråd med avgrensa område som vist i kartvedlegg til søknaden. 4.3 Det skal nyttast metodar for utfylling som minimerer faren for spreiing av forureining. Det inneber at fyllmassane som må utdoserast forsiktig frå land eller eventuelt førast heilt ned til sjøbotnen med gravemaskin der dette er mogleg. 4.4 Utfyllingsmassane skal ikkje overskride konsentrasjonsgrensene tilsvarande tilstandsklasse II for sedimenter i samhøve med Miljødirektoratet sin rettleiar for klassifisering av metall og organiske miljøgifter i vatn, sediment og biota (M- 608/2016). Massane skal samstundes ligge innanfor normverdiane fastsett i forureiningsforskrifta kapittel 2 vedlegg 1. Det er ikkje lov å nytte reaktive bergartar. Massane skal vere egna til formålet. Det er ikkje lov å fylle ut med massar dersom hovudformålet er å kvitte seg med massane. 4.5 Det må gjerast tiltak for å halde mengda plastavfall, som skyteleiing og liknande, som tilførast miljøet på eit minimum.

10 4.6 Det må etablerast ein steinsjeté i den yste delen av tiltaksområdet. Steinsjetéen skal fungere som ei spreiingsbarriere. 4.7 Då tiltaksområdet består av forureina sediment, må tiltaksområdet dekkast med reine sandmassar før utfyllinga av steinmassar startast opp. Dette skal minimere faren for at forureina sediment skal virvlast opp og spreiast. Sandlaget skal også motverke utpressing av porevatn frå sjøbotnen. Sandlaget som leggjast ut må vere tilstrekkelig tjukt til å oppnå desse måla. 4.8 Tiltaket skal utførast under rolege vind- og bølgjetilhøve slik at det ikkje skjer uheldig spreiing av partiklar. 4.9 Av omsyn til eventuelle hekkande krykkjer i nærområdet, skal arbeid i perioden 1. mars til 10. august utførast på ein så skånsam måte som mogleg med omsyn til støv og støy. Dette inneber mellom anna at massane må vatnast i tørre periodar for å hindre støvdrift. 5. Kontroll og overvaking 5.1 Det skal gjennomførast kontroll og overvaking av tiltaksarbeidet i samhøve med eit kontrollprogram. Kontrollprogrammet skal inngå i verksemdas internkontrollsystem. Programmet skal vere tilstrekkeleg omfattande til å avdekke eventuell uakseptabel spreiing av forureining i tilknyting til tiltaket. 5.2 Under anleggsperioden skal tilstanda i vatnet kontinuerleg haldast under oppsikt visuelt for å avdekke eventuell uakseptabel oppvirvling og spreiing av sediment. Dersom mykje sediment virvlast opp, skal arbeidet stansast og ikkje startast igjen før tilstanda i vatnet har betra seg. Dersom stor oppvirvling blir eit gjentakande problem, må det settast inn tiltak som til dømes å redusere mengda massar som leggjast ut om gongen. 5.3 Det skal førast logg over resultat frå overvakinga, og over mengder og tidspunkt for utfylling av massar. Loggen skal som eit minimum også innehalde eventuelle hendingar med stor oppvirvling og korrigerande tiltak. Loggen skal vere tilgjengeleg ved eventuelle tilsyn.

11 6. Rapportering 6.1 Utførte målingar av kjemisk tilstand i sedimenta (sjå Norconsults rapport av ) skal registrerast i databasen Vannmiljø. Data skal leverast på Vannmiljøs importformat som finnast på databasens heimeside saman med ei oversikt over kva parameter som skal rapporterast. Fristen for å rapportere sedimentundersøkingane settast til Det skal sendast ein sluttrapport til Fylkesmannen innan 6 veker etter at anleggsarbeidet er avslutta. Rapporten skal innehalde: - Ei kort skildring av tiltaket og utført arbeid. - Eventuelle hendingar med mykje oppvirvling, og korrigerande tiltak. - Ei skildring av dei avbøtande tiltaka som ble utført, inkludert kva som ble gjort for å hindre spreiing av plastforureining.

12 Dette er vårt forslag til kunngjeringstekst ved kunngjering i lokalavisa. Ta kontakt med oss dersom dykk ynskjer å gjere vesentlege endringar på teksten. Løyve til utfylling i sjø ved Antonbua i Misund Misund kommune har fått løyve etter forureiningslova til utfylling over forureina sjøbotn ved eigedomen med gnr. 48 bnr. 7. Det skal fyllast ut med om lag m 3 massar over eit areal på om lag m 2 for å oppnå auka landareal. Løyvet er gyldig til Vedtaket er kunngjort, og kan lesast i sin heilheit, på nettsidene til Fylkesmannen, under «Forureining» og «kunngjeringar».