Avtale mellom Sogn og Fjordane Fylkeskommune og Gulen kommune om oppfølgjing av tusenårsstaden "Gulatinget"

Transkript

1 Fylkestinget Side 1 av 6 Avtale mellom Sogn og Fjordane Fylkeskommune og Gulen kommune om oppfølgjing av tusenårsstaden "Gulatinget" Fylkesrådmannen rår hovudutval for kultur til å gje slik tilråding: Hovudutval for kultur rår fylkestinget til å gjere slikt vedtak: 1. Avtale mellom Sogn og Fjordane Fylkeskommune og Gulen kommune om utviking, vedlikehald, drift og formidling av tusenårsstaden Gulatinget vert godkjendt slik den ligg føre i vedlegg Som fylkeskommunen sin medlem i styringsgruppa vert vald (medlem) (varamedlem) 3. Utviklingsplan for tusenårsstaden Gulatinget vert lagt fram for Fylkestinget til handsaming i Som saksordførar i fylkestinget vert vald: Prenta vedlegg: 1 Avtale Uprenta vedlegg: Saksframstilling 1. BAKGRUNN Bakgrunn for at saka er reist Tusenårsstaden Gulatinget vart formelt opna i slutten av august Opninga markerte også avsluttinga på det ein kan kalle fase 1 i arbeidet med tusenårsstaden etablering og tilrettelegging av staden, utsmykking, m.m. Utfordringane no går på å få marknadsført staden vidare med tanke på bruk for ulike aktivitetar, formidla historia som staden representerer, og ikkje minst kunsten som er plassert der. Historikk - tidlegare vedtak I FT-sak 0051/04 fatta Fylkestinget følgjande samrøystes vedtak: 1. Sogn og Fjordane fylkeskommune tek ansvar for drift, vedlikehald, formidling og vidare utvikling av tusenårsstaden Gulatinget når fase 1 i utbygginga er unnagjort, og den formelle opninga er markert.

2 Fylkestinget Side 2 av 6 2. Tusenårsstaden Gulatinget vert organisert som eit samarbeidstiltak mellom Gulen kommune og Sogn og Fjordane fylkeskommune. 3. Fylkesrådmannen får fullmakt til å forhandle fram samarbeidsavtale med Gulen kommune om fagleg og praktisk ansvar for drift, vedlikehald, formidling og vidare utvikling av tusenårsstaden "Gulatinget". 4. Avtalen må realiserast innan den økonomiske ramma som er lagt inn i økonomiplanen f.o.m. 2006, og føreset kommunal medfinansiering. 5. Fylkestinget godkjenner omprioritering av tiltaka slik hovudkomiteen har gått inn for, slik at Langhus vert prioritet nr. 2 og Monumentet får prioritet nr Fylkestinget viser til vedtak i FT-sak 09/02 der fylkeskommunen seier seg villig til å gå inn med 10 mill kroner dersom staten yter same sum. Realisering av tiltak i ein fase 2 vil vere aktuelle å vurdere i den samanheng, og Fylkestinget vil evt. komme attende til dette ved seinare høve. I tråd med pkt. 3 i vedtaket ligg det no føre ein framforhandla avtale mellom fylkeskommunen og Gulen kommune. Innhald i avtalen: Avtalen regulerer eigedomstilhøva til tusenårsstaden og dei installasjonar som er plassert der. Den slår vidare fast at Sogn og Fjordane Fylkeskommune, saman med Gulen kommune, har ansvar for det vidare arbeidet knytt til staden, og at ein legg opp til å nytte dei samla ressursane til beste for det vidare arbeidet. For samarbeidet vert det etablert ei styringsgruppe med to representantar frå kvar av partane. Det vil også bli invitert til deltaking i eit idè- og rådgjevande organ kalla Gulatingsrådet der ein ønskjer å knytte til seg ulike faglege instansar som kan bidra i utvikingsarbeidet. Avtalen skisserer også prosjektleiar sitt ansvar og arbeidsoppgåver, og korleis skjøtsel og vedlikehald av kunstverk og område skal ivaretakast. Avslutningsvis fordeler avtalen prosjektleiar si arbeidstid mellom faste oppgåver i Gulen kommune og eit 3-årig prosjekt knytt til tusenårsstaden. Årlege budsjett skal godkjennast av kommunen og fylkeskommunen. Avtalen gjeld for 10 år. 2. VURDERING OG KONSEKVENSAR Avtalen slik den ligg føre er basert på det vidare arbeidet med tusenårsstaden som eit samarbeidstiltak mellom Gulen kommune og fylkeskommunen (jfr. pkt. 2 i FT-vedtak 51/04). I den samanheng er det naudsynt også å ha ei styringsgruppe som har ansvar for arbeidsoppgåver, prioriteringar, framdrift, osv. Det er ønskjeleg at denne gruppa ikkje er for stor. Partane legg opp til at gruppa skal ha deltaking frå både politisk og administrativ side. Fylkesrådmannen vil vere representert i styringsgruppa. Fylkeskommunen har lagt inn 0,4 mill kroner pr år i budsjett/økonomiplan til det vidare arbeidet med tusenårsstaden. Midlane skal dekkje kostnader med prosjektleiar og ordinært vedlikehaldsarbeid. Det er vidare tenkt at tiltak/aktivitetar må finansierast utanom denne løyvinga.

3 Fylkestinget Side 3 av 6 For at staden skal kunne framstå enno meir heilskapleg, vil det vere trong for eit hus som kan nyttast i formidlingssamanheng, m.m. Det vil vere ei viktig oppgåve å få greidd ut og analysert dei behova som er på staden for eit slikt hus (storleik, funksjonar, m.m.). Kostnadsmessig må dette vurderast i høve til pkt 6 i FT-vedtaket over. Tusenårsstaden Gulatinget framstår som ein flott arena for mange ulike aktivitetar som det no vil vere opp til styringsgruppa, prosjektleiar og mange andre instansar å vere med realisere. Det er tenkt inngått samarbeid med frivillige lag og organisasjonar når det gjeld ein del løpande vedlikehald, m.m. I tillegg til å formidle sjølve den fysiske staden, vil det også vere avgjerande viktig å få til formidlinga av kunstverket og den historiske delen av staden. Her trengst det innsats på fleire kantar, og i den samanheng vil særleg det foreslåtte Gulatingsrådet spele ei viktig rolle. Her er det tenkt invitert med viktige faginstansar som både kan bidra med kunnskap inn mot styringsgruppe og prosjektleiar, og som kan vere gode ambassadørar for tusenårsstaden i sine miljø. Dette rådet vil vere ein viktig medspelar i det å forme ut forslag til innhald i det årlege Gulatingsseminaret. Ei viktig oppgåve for styringsgruppe og prosjektleiar vil vere å utarbeide ein utvikingsplan for tusenårsstaden, jfr. pkt. 7 i avtalen. Denne planen vil måtte omfatte tiltak på staden, formidling, marknadsføring, m.m. og ha både eit kortsiktig og eit langsiktig perspektiv. Fylkesrådmannen føreset at utvikingsplanen kjem til handsaming i Fylkestinget når den ligg føre. Tusenårsstaden Gulatinget representerer ei viktig satsing frå fylkeskommunen si side, og det er viktig at denne satsinga vert følgd opp i åra framover. I denne omgang handlar det om ei 10-års avtale, der vi i første omgang tilset ein prosjektleiar for tre år med tanke på å arbeide opp aktiviteten knytt til staden. Det må i løpet av denne perioden vurderast meir permanent ordning. 3. KONKLUSJON/TILRÅDING Ut frå drøftingane over, rår fylkesrådmannen til at den føreliggjande avtalen med Gulen kommune vert godkjend slik den ligg føre.

4 Fylkestinget Side 4 av 6 AVTALE MELLOM SOGN OG FJORDANE FYLKESKOMMUNE OG GULEN KOMMUNE OM UTVIKLING, VEDLIKEHALD, DRIFT OG FORMIDLING AV TUSENÅRSSTADEN "GULATINGET Vedlegg 1 1. Mål og forankring Denne avtalen har som mål å regulere samarbeidet mellom Gulen kommune og Sogn og Fjordane fylkeskommune, og gjeld i 10 år frå og med Gulen kommune og Sogn og Fjordane fylkeskommune ønskjer med denne avtalen å synleggjere felles ansvar om eit nært samarbeid om utvikling, vedlikehald, drift og formidling av tusenårsstaden Gulatinget". Tusenårsstaden Gulatinget er ein møtestad for formidling av kultur og kulturaktivtet i vid forstand av lokal, regional, nasjonal og internasjonal karakter. Hovudmålet med arbeidet er å formidle kunnskap om dei ideane som ligg til grunn for Gulatinget; rettsstaten, demokrati, kyrkja si stilling, det sivile samfunn si rolle. Arbeidet er forankra i dei planene som ligg til grunn for satsinga, og dei føringar som ligg i St.prp.nr 1 ( ) om dei fylkesvise tusenårsstadane. 2. Tusenårsstaden Gulatinget" - fylke og kommune "Gulatinget" er av Fylkestinget i Sogn og Fjordane valt som fylket sin tusenårsstad, jfr. FT-sak 0051/99. "Gulatinget" er også tusenårsstad for Gulen kommune, jfr. kommunestyresak 76/99, og omfattar gards- og bruksnummer 23/9 som går fram av vedlagte kart dagsett Eigedomstilhøve Tusenårsstaden Gulatinget" omfattar verdifulle eigedommar (om lag 147 da grunn, infrastruktur og kunstinstallasjonar). Gulen kommune eig grunnen, jfr. avmerking på vedlagte kart dagsett Sogn og Fjordane fylkeskommune har eigedomsretten til infrastruktur (veg, parkeringsplass, servicebygg), kunstverk som er etablerte på plassen ("Tingveggen", "Tinghella", "Eldsirkel") og ved hovudvegen ("Seidmann"). Også dei innkjøpte "Tingmennene" (5 stk), 6 skulpturar i bronse og 26 papirskisser er Sogn og Fjordane Fylkeskommune sin eigedom.

5 Fylkestinget Side 5 av 6 4. Drift - organisering Sogn og Fjordane Fylkeskommune, saman med Gulen kommune, har ansvar for utvikling, vedlikehald, drift og formidling av tusenårsstaden. Partane er samde om å nytte sine samla ressursar til beste for det vidare arbeidet med tusenårsstaden. 5. Styringsgruppe Det vert etablert ei styringsgruppe med to deltakarar frå Gulen kommune og to frå Sogn og Fjordane Fylkeskommune. Av medlemmane i styringsgruppa skal ein representere politisk nivå, og ein administrativt nivå. Funksjonstida føl den kommunale valbolken. Styringsgruppa fastlegg arbeidsoppgåver, framdrift, m.m. for prosjektleiar sitt arbeid. 6. "Gulatingsrådet" Det vert også etablert eit ide- og rådgjevande organ kalla "Gulatingsrådet" med representantar frå ulike instansar (i tillegg til fylkeskommunen og kommunen) som er viktige for den vidare utviklinga av tusenårsstaden. Følgjande instansar vert invitert til å delta i rådet: Universitetet i Bergen (historisk og juridisk forskning og formidling) Fylkesarkivet (kulturhistorisk nettformidling) Høgskulen i S. og Fj. (kulturhistorisk forsking og formidling, pedagogisk arbeid) Rettsvesenet Forsvaret Kyrkja / Biskopen Musea i fylket United World College Jensbua (marknadsføring) Frivillege organisasjonar (med representantar frå sentrale, fylkesdekkjande og lokale organisasjonar) Rådet skal ha minst eitt møte i året. Det vil også vere viktig å knytte det vidare arbeidet med tusenårsstaden opp mot aktuelle internasjonale nettverk, evt. at det vert teke initiativ til å etablere slike nettverk. 7. Prosjektleiar Det daglege ansvaret for tusenårsstaden vert ivareteke av ein eigen prosjektleiar. Dette omfattar: Utvikle og følgje opp aktivitetsplan Formidling (nettformidling, seminar, undervisningsopplegg, kunstformidlingsopplegg) Marknadsføring Utviklingsplan for tusenårsstaden. Utarbeide budsjett Utarbeide rekneskap og årsrapport

6 Fylkestinget Side 6 av 6 Prosjektleiar rapporterer til styringsgruppa. 8. Skjøtsel og vedlikehald kunstverk På tusenårsstaden er montert store og særmerkte kunstverk utført av kunstnaren Bård Breivik. Retningsliner for/forslag til skjøtsel og vedlikehald av kunstverka er nedfelt i eige dokument levert av kunstnaren ved overdraging, og følgjer denne avtalen som vedlegg. 9. Skjøtsel, bruk og vedlikehald av området Tusenårsstaden omfattar også tilrettelagt amfi og friområde. Området vert lagt til rette med stiar. Retningsliner for skjøtsel og vedlikehald er utarbeidd av kunstnar, landskapsarkitekt, e. l. For skjøtsel og vedlikehald av området kan ein inngå avtalar med frivillige lag og organisasjonar om det praktiske arbeidet. Det vert også utarbeidd eit eige utleigereglement, som sikrar at ålmenta kan nytte plassen. 10. Økonomi Sogn og Fjordane fylkeskommune og Gulen kommune finansierer i første omgang ei 3-åring prosjektleiarstilling i 70% knytta til tusenårsstaden. Kommunen har arbeidsgivaransvaret for stillinga. Prosjektleiaren har i tillegg 30% fast tilsetjing i Gulen kommune. Det vert laga årlege budsjett for dei avtalte drifts- og vedlikehaldstiltaka. Budsjettet skal godkjennast av kommunen og fylkeskommunen. For enkelttiltak knytte til aktivitet og utvikling må det ordnast særskild finansiering. Møte- og reiseutgifter i samband med møta i styringsgruppa og "Gulatingsrådet" vert dekka av deltakarane sine organisasjonar. Deltakarar frå frivilleg sektor kan få sine reisekostnader dekka etter billegaste alternativ. 11. Avtaleperiode Denne avtalen gjeld frå 1. januar 2006 til 1.januar Partane kan likevel tidlegare bli samde om ei anna organisering av arbeidet. Stad/dato: Sogn og Fjordane fylkeskommune Gulen kommune