Omklassifisering av delstrekningar fv 4 i Gulen kommune

Transkript

1 Saksbehandlar: Statens vegvesen Region vest Sak nr.: 12/690-1 Avdeling: Samferdsleavdelinga Side 1 av 5 Omklassifisering av delstrekningar fv 4 i Gulen kommune Fylkesdirektøren rår hovudutval for samferdsle til å gjere slikt vedtak: 1. Følgjande vegar vert omklassifiserte frå fylkesveg til kommunal veg: a. Eidsbotnen Fivelsdal, lengde ca. 6,9 kilometer b. Fivelsdal Selvågen, lengde ca. 3,5 kilometer c. Ånneland - Skipevika, lengde ca. 6,4 kilometer d. Skipevika ferjekai 2. Naudsynt utbetring av nedklassifiserte vegar må finansierast over vedlikehaldsbudsjettet. Prenta vedlegg: 1. Brev frå Statens vegvesen til Gulen kommune 16. juni Brev frå Statens vegvesen til Kystverket 14. juni Kart over området 4. NA-rundskriv nr. 97/12 5. Brev frå Kystverket 11. august Brev frå Forsvarsbygg 9. august Uttale frå Gulen kommune 1. september Brev frå Statens vegvesen til Gulen kommune 11. januar 2011 Uprenta vedlegg: 1. FT-sak 69/ Oversikt over befolkning i området

2 Saksframstilling 1. BAKGRUNN Bakgrunn for at saka er reist Det er ikkje gjennomført omklassifisering av fylkesvegnettet i Gulen etter opning av fv. 4 Sløvåg Ånneland (Brandangersundet) 4. november 2010, jamfør føresetnaden i reguleringsplanen godkjent i kommunestyret 11. november 2004, saksnr Under Omklassifiseringar av vegar/ferjekaiar i reguleringsplanen står det følgjande; Eksisterande veg til Fivelsdal er fv. 4. Ved ein utbygging av ny veg frå Sløvåg til Ånneland så vil vegane frå Fivelsdal til Eidsbotn og til Furnes bli foreslått omklassifisert til kommunale vegar, eller fortsatt ha status som vegarmar til den nye fv. 4 frå Sløvåg til Ånneland. Ferjestrekninga Skipavik Sløvåg vil bli foreslått nedlagt når vegstrekninga Sløvåg Ånneland er ferdig bygd. Historikk - tidlegare vedtak Fylkestinget fatta vedtak 28. september 1987 om retningslinjer for klassifisering av fylkesvegar i FT-sak 69/87. Her står det følgjande for klassifisering av fylkesvegar i spreiddbygde/grisgrendt område: Ein fylkesveg skal ha eit innbyggjargrunnlag på minst 50 personar. Fylkesvegen skal førast fram til kontakt med jernbanestasjon, flyplass, rutebilterminal eller kai med regional verdi. Turistvegar med regional verdi vert klassifisert som fylkesveg. Av vedlikehaldsomsyn skal vegarmar kortare enn 1,5 km klassifiserast som fylkesveg når kommunal veg ikkje held fram eller når det er lang avstand til andre kommunale vegar. Saman med NA-rundskriv nr. 97/12 er dette nytta som retningslinje for arbeidet med framlegg til omklassifisering. Problemanalyse Ved opning av ny fylkesveg frå Sløvåg til Ånneland vart ferjesambandet Sløvåg Skipevika nedlagt. Det er behov for å avklare status til vegstrekningane Ånneland Skipevika, Fivelsdal Selvågen og Eidsbotnen Fivelsdal som alle går ut frå den nye vegstrekninga. Føresetnadene i vedteken reguleringsplan er ikkje tydelege når det gjeld framtidig status for desse strekningane. Framlegg til klassifisering av vegane vart sendt til Gulen kommune 16. juni 2011 (vedlegg). Kystverket og Fylkesmannen vart invitert til å uttale seg om omklassifisering av Skipevika ferjekai. Saka vart i tillegg sendt til Forsvarsdepartementet for uttale. Det vart gjort ei intern vurdering hjå Statens vegvesen i høve behov for ferjekai i framtida, der det vart konkludert med at det ikkje er behov for ferjekaien som beredskapskai, men at det er viktig å oppretthalde snuplass for vogntog ved kaien. Kystverket og Forsvarsbygg hadde ingen merknadar til framlegget. Vi har ikkje motteke merknad frå Fylkesmannen. Gulen kommune har gjort følgjande vedtak i saka: 1. Gulen kommune ønskjer at alle vegstrekningar og områder omtala i brevet framleis vert klassifisert som fylkesvegar. 2. Alternativt ønskjer Gulen kommune avtale om makebyte der omtala vegar vert klassifisert som kommunale vegar mot at strekninga Dingja Rutledal vert klassifisert som fylkesveg.

3 Kommunen føreslår eit makebyte mellom delstrekningane langs fv. 4 og den kommunale vegstrekninga Dingja Rutledal. Vi tek berre stilling til det som gjeld fv. 4 i denne saka. Gulen kommune er orientert om dette i telefonsamtale 6. januar 2012, og i brev 11. januar 2012.

4 2. VURDERING OG KONSEKVENSAR Dei enkelte delstrekningane er omtala under. Eidsbotnen - Fivelsdal, lengde ca. 6,9 km, ÅDT ikkje kjent Ny veg frå Sløvåg til Fivelsdal erstattar denne strekninga sin fylkesvegfunksjon. Vi har ikkje trafikktal etter at ny veg frå Sløvåg til Fivelsdal vart opna. Før den nye vegstrekninga opna vart årsdøgertrafikken 150 kjt/d. Ferja Sløvåg Skipavik hadde ein ÅDT på 31 kjt/d. I følgje tal frå Statistisk sentralbyrå er talet på fastbuande langs denne strekninga 56 personar pr. 1. januar Desse er fordelt på stadane Eidsbotnen (16 personar), Glenja (13 personar) og Merkesdalen Svardalen (27 personar). I følgje retningsliner i sak 69/1987 frå Fylkestinget, skal ein veg ha minst 50 innbyggjarar for å vera fylkesveg, noko som er tilfelle langs denne strekninga. Kravet om at vegen skal føre fram til trafikkfunksjon (jernbanestasjon, flyplass, rutebilterminal eller kai) med regional verdi er ikkje stetta. Vidare er strekninga ca. 6,9 kilometer lang, noko som dekkjer kravet til vedlikehaldsomsyn i kommunal regi. Fivelsdal - Selvågen, lengde ca. 3,5 km, ÅDT ca. 50 I følgje tal frå statistisk sentralbyrå er talet på fastbuande langs denne strekninga 55 personar pr. 1. januar Desse er fordelt på stadane Furenes (52 personar) og Selvågen (3 personar). I tillegg kjem Brandanger (12 personar) som ligg vidare langs kommunal veg. Totalt vert det 67 personar (vedlegg 10). Innbyggjartalet ligg over 50 personar langs denne strekninga. Vegen fører ikkje fram til ein trafikkfunksjon med regional verdi. Strekninga er ca. 3,5 km lang, noko som dekkjer kravet til vedlikehaldsomsyn i kommunal regi. Ånneland Skipevika, lengde ca. 6,4 km, ÅDT ca. 50 Då ferjesambandet Sløvåg - Skipevika er nedlagt, har ikkje denne strekninga lenger nokon regional funksjon. I følgje tal frå Statistisk sentralbyrå er talet på fastbuande langs strekninga 42 personar pr. 1. januar Desse er fordelt på stadane Kittelsvik Sande (32 personar) og Ånneland (10 personar). Dei som bur langs den kommunale vegen i Ånneland (38 personar) er tilknytt fv. 4 på nordsida av den kommunale vegen. Strekninga er ca. 6,4 km lang, noko som dekkjer kravet til vedlikehaldsomsyn i kommunal regi. Skipevika ferjekai Ny veg Sløvåg Ånneland har erstatta ferjestrekninga Sløvåg Skipevik. Skipevik ferjekai vert føreslege omklassifisert til kommunal kai, då den ikkje lengre tener ein regional funksjon. Vi vurderer risikoen for ei langvarig stenging av Brandangersundet bru som lite sannsynleg. Det er difor ikkje naudsynt å oppretthalde ferjekaia av omsyn til beredskap. Vedlikehaldsarbeid på brua vil kunne avviklast på ein tilfredsstillande måte gjennom planlagde stengingar i kortare periodar. Kommunen står fritt til å legge til rette for endra bruk av kaia. Økonomi-/budsjettkonsekvensar Det vert totalt føreslege å omklassifisere 16,8 km fylkesveg til kommunal veg. Til gjengjeld fekk fylkeskommunen 12 km ny fylkesveg ved opning av strekninga Sløvåg Ånneland. Omklassifiseringa vil ha ein positiv verknad på fylkeskommunen sitt drift- og vedlikehaldsbudsjett. Vi må rekne med at vi får nokre utgifter til utbetring av dei nedklassifiserte vegane, jf. krav i NA-rundskriv nr 97/12.

5 3. KONKLUSJON/TILRÅDING Fylkesdirektøren rår til at strekningane Eidsbotnen Fivelsdal, Fivelsdal Selvågen, Ånneland - Skipevika og Skipevika ferjekai vert nedklassifiserte frå fylkesveg til kommunal veg. Naudsynt utbetring av nedklassifiserte vegar må finansierast over vedlikehaldsbudsjettet.