FALKEIDPOSTEN -Våren Utgåve 1 av 2 i 2017

Transkript

1 FALKEIDPOSTEN -Våren Utgåve 1 av 2 i 2017

2 Takk til samarbeidspartnarar og frivillige! Tusen takk til alle sponsorar og samarbeidspartnarar som gjer det mogeleg for Falkeid IL å drifte ein klubb som aktivisera barn og unge kvar veke. Takk for økonomisk stønad, tenester, material, og alt anna de som partner bidreg med. Dette set Falkeid IL umåteleg stor pris på og vi vonar de ser nytta av og effekten av at de bidreg til aktivitet og betre folkehelse i Tysvær! Vi håpar og trur at de også ser verdien av å verte profilert gjennom det mest driftige idrettslaget i kommunen. Den største takka, går til alle dei frivillige eldsjelene i Falkeid IL! Det er desse eldsjelene som ER Falkeid Idrettslag, og det er desse menneskja som ofrar fritida si, for at ALLE i Søre Tysvær skal ha sunne og gode fritidsaktivitetar. Det er også ofte dei same eldsjelene som jobbar dugnad for Falkeid, eksempelvis hjå FKH, slik at vi kan ha den billigaste kontingenten på Haugalandet. Det er også mange av dei same som jobbar året rundt med store arrangement som Kårstø Cup, Steinsvikrittet og Tysvær Handballcup, og som om ikkje dette var nok, så er det er også ofte dei same sit sit i styrer og utval. Eg oppmodar med dette alle til å gje våre eldsjeler eit realt klapp på skuldra, og takke dei for at dei vel å bruke fritida si på ditt/dine barn! I same slengen, spør kva du kan bidra med, vi treng alle typar menneskjer, med alle slags ferdigheitar og evner. Dette er eit spleiselag, og utviklinga skjer best når alle bidreg med sitt! Saman er vi sterke, samarbeidspartnarar og frivillige, hand i hand for vidareutvikle eit sunt idrettstilbod til barn, ungdom og vaksne i Tysværvåg og omegn. Ønskjer med dette, alle eldsjeler, samarbeidspartnerar og medlemmar ein framifrå sumar! Les vidare i Falkeidposten om vårt rikhaldige aktivitetstilbod. Vennleg helsing Mikael Benjamin Myklebust Dagleg leiar i Falkeid IL

3 Fotball I vår har vi spelt med 18 lag i serien, 10 lag i barnefotballen, 6 lag i ungdomsfotballen og 2 seniorlag. I tillegg til dette, stilte vi med 2 stk. 6-årslag på vår eigen Kårstø Cup. Damelaget vårt har fått tøff motstand i 3 divisjon, dei har jobba godt, men ikkje fått like god utteljing på innsatsen, og tok sumarferie på 10 plass. Herrelaget har kjempa godt i årets 6 divisjon og har teke ferie på ein solid 4 plass. Falkeid IL har også i år jobba med kompetanseheving i fotballgruppa med ha ein trenar- og spelarutviklar. Dette har gjort at alle trenarar og spelarar i Falkeid har hatt ein kompetent trenar som jamleg har vert innom treningane, gjennomført treningar i samhandling med trenarane, samt arrangert eigne klubbinterne samlingar for trenarane. Eit eksempel på det sistnemnde er ei praktisk og teoretisk økt med akademitrenarane frå Stoke i forbindelse med årets fotballskule. I tillegg til fotball, har både våre handball- og fotballspelarar tilbod om gratis basistrening med fysioterapeut ein dag i veka gjennom vinterhalvåret. Kolnes/Falkeid J19 er eit nytt kapittel til historiebøkene. Samarbeidet starta i vinter for å innfri eit av våre grunnleggjande verdiar, «idrettstilbod til alle som ønskjer det» (Klubbhandbok for Falkeid Idrettslag, 2017). Treningane for «spleiselaget» byrja i februar, og Kolnes/Falkeid tok nettopp ferie på ein imponerande 2 plass i J19-klassa! Samarbeidslaget skal på Norway Cup som J17, i tillegg til dette, skal også 6 Falkeid-lag på årets Norway Cup. I løpet av våren har Falkeid-lag delteke på Etne Cup, og diverse andre lokale cupar. Under, er Nord Jenter 9 som var eit av fire lag som vart kåra til «Kompislag» på årets Kårstø Cup. Kårstø Cup er det største arrangementet fotballgruppa står for, i år vart det arrangert for 26 strake året på rad. Det vart ein kjempekjekk dag med 190 avvikla kampar på 8 timar, der dei

4 93 deltakarlaga fekk minimum 3 kampar kvar. Vi har fått mange gode tilbakemeldingar på arrangementet, tilbakemeldingane går på at det var godt organisert av våre frivillige og at vi hadde dyktige dommarar! Bilete er frå Kårstø Cup. Falkeid FFO har vert eit godt etter-skulen-tilbod kvar onsdag, tiltaket starta i september i 2016, og har i vår hatt 22 faste deltakarar. Tilbodet et frå til 15.00, og inneheld 1,5 timar med fotballtrening, etterfølgt av mat og sosialt samvær. Nytt av året, er samarbeidet med Premier League-klubben Stoke City, som arrangerte fotballskule for 44 deltakarar i alderen 8-15 år i veke 26, det var primært deltakarar frå Falkeid, men også besøkande frå Stegaberg, Førland og Bokn. Vi er strålande fornøgd med samarbeidet med Stoke, og heile opplegget rundt fotballskule. Dette fekk vi til på grunn av ein eit driftig fotballstyre og fem verksemder som sponsa ulike delar av det vi trengte til fotballskulen. På bilete under ser du trenarane og deltakarane på Stoke Fotballskule:

5 Handball Handballgruppa i Falkeid IL driv med handballaktivitetar for barn og ungdom frå 1. klasse og opp til J14. Pr. juni 2017 har vi ca. 60 utøvarar og 15 frivillige trenerar og oppmenn i sving, i tillegg til handballstyret som utgjer 4 personar. Treningslokala til våre handballspelarar er gymsalen ved Tysværvåg skule for dei yngste opp til 10 år. For dei eldre utøvarane som treng full handballbane, blir nærmaste treningslokale Tysværtunet på Aksdal. Hanballaktiviteten er prega av treningsglede, respekt for kvarandre, inkludering og meistring. Vi jobbar kontinuerleg med å skapa eit miljø som gjer at fleire vil vera med i handballen. I år var det Falkeid sin tur til å vere hovudarrangør av Tysvær Handballcup den 1 mai, dette er i samarbeid med Stegaberg og Skjold. Årets turnering hadde 24 deltakande lag og vart gjennomført med stor suksess i Sysco Arena. I år har Falkeid-lag delteke på Stord Handballcup, Kongeparken Cup og Dyreparken Cup. Her er bilete av J14 på Stord Handballcup:

6 Sykkel Sykkelgruppa vår merkar den nedgåande sykkeltrenden, men dei gjev ikkje opp syklinga av den grunn og har trakka seg gjennom vinterhalvåret med spinning ein dag i veka, med alt frå 2 deltakarar på spinning til «fullt hus» som er 8 mann/kvinner. Sykkelgruppa vår består av kring 20 aktive syklistar, og 4 av desse sit i sykkelgruppa sitt styre. Sykkelgruppa valde i år å gje arrangementet Bokn Opp til Bokn sykkelklubb, som skal ta dette arrangementet vidare. Vi sit derimot attende med storrittet Steinsvikrittet, som i møte med nye reglar frå sykkelforbundet har endra traseen til ei rundløype på 27,5 km som kan syklast ei eller to runder. Dette gjer at vi held oss meir lokalt kring idrettsanlegget og gjer at det vert med liv og røre på idrettsanlegget på sjølve rittdagen. Planlegginga har vert i gang sidan september i 2016, og vi ligg godt i rute til rittet som i år går av stabelen laurdag 26 august. Har du ikkje meldt deg på enda? Besøk steinsvikrittet.no Påfølgande dag, er det dukar for Haugalandets største og beste barneritt, Haugesunds Avis Barneritt. Dette er gratis for alle barn frå 0 til 12 år.

7 Som om ikkje det var nok, så arrangerer vi også Meny Aksdal løpet. Dette går av stabelen i Aksdal laurdag den 30 september. For påmelding og meir informasjon, besøk menyaksdallopet.no Under ser vi Urige Buta i fint driv, han vant løpet i 2014 og 2015.

8 Allidrett Allidrett er eit tilbod til dei yngste medlemmane i Falkeid IL, frå 4 til 8-åringar. I vinter har den yngste gruppa (4-5 åringar) på det jamne vert 20 barn. Og den eldste gruppa (1-3 klasse) har på det jamne vert 20 barn. Allidretten har som mål for auge å syne forskjellige idrettar og leikar, med hovudvekt på leikprega aktivitetar og meistringsglede ved å vere i aktivitet. Dei har hatt trening kvar onsdag i perioden september til mars. I mars hadde allidretten avslutning på klubbhuset med forskjellige aktivitetar ute, som passa for alle aldra; pilkast på ballongar, bowling, ballkast i balje og fotball. Ekstra spennande var at sparealven Sølve frå Haugesund Sparebank kom på besøk. Sparealven Sølve var med på konkurransane ute, samt at han var med på utlevering av diploma, medaljar og pokalar til alle dei 40 deltakarane. Under, ser vi Sparealven Sølve frå Haugesund Sparebank som aktivt deltek på avslutningsfesten:

9 Symjing Symjing er eit tilbod til alle i idrettslaget gjennom vinterhalvåret, aktiviteten fåregår i Tysværtunet. Det er ikkje organisert aktivitet, men noko alle medlemmar uavhengig idrett kan delta på. Kvar måndag frå har vi delt bassenget med Stegaberg IL. Vi har kurse eigne badevakter frå Falkeid IL som er til stades på alle treningane. Innebandy Innebandy er pr. dags dato eit tilbod for vaksne, og treningsfasilitetane er gymnastikksalen på Tysværvåg skule. Våren 2016 søkte gruppa om midlar frå Folkepulsen til å starte opp eit treningstilbod i innebandy for alle som dett frå i fotball og handball, dei fekk innvilga søknaden, og vi jobbar no aktivt med å fange opp medlemmer som fell frå i våre eksisterande aktivitetstilbod. Vi håpar og trur at dette kan vere eit godt tiltak på fråfallsproblematikken, som særskilt rammar ungdomsfotball og ungdomshandballen.

10 Takk til våre samarbeidspartnarar! General Gullfalk Sølvfalk Bronsefalk Falk Andre samarbeisdpartnerar