Støtte til søknad om opptak i det nye programmet Global CEntres of Expertise - Ålesund Kunnskapspark på vegne av NCE Maritime

Transkript

1 saksframlegg Dato: Referanse: Vår saksbehandlar: /2014 Anita Steinbru Saksnr Utval Møtedato Fylkesutvalet Fylkestinget Støtte til søknad om opptak i det nye programmet Global CEntres of Expertise - Ålesund Kunnskapspark på vegne av NCE Maritime Bakgrunn I 2014 kjem Innovasjon Norge, Forskingsrådet og SIVA med eit nytt program for utvikling av næringsklynger. Klyngeprogrammet fører vidare dei to føregåande programma Arena og Norwegian Centres of Expertise (NCE), og etablerer i tillegg eit tredje nivå; Global Centres of Expertise (GCE). Dei årlege finansieringsrammene for dei ulike klyngeprogramma er på mellom 1,5-3 mill. kr. for eit Arena-program, 4-6 mill.kr for NCE og 8-10 mill. kr. for GCE. Eit nytt programråd med Innovasjon Norge, SIVA, Forskingsrådet og fem eksterne medlemar skal vurdere og velje kva søkjarmiljø som skal få status som Global Centres of Expertise. Endelig avgjerd blir tatt i juli Norwegian Centres of Expertise (NCE) er for klynger med ei kritisk masse bedrifter, med ein veletablert nasjonal posisjon og som har eit vidare vekstpotensial. Global Centres of Expertise (GCE) er for dei mest modne klyngene med ein velfungerande organisasjon, forankra i eit velfungerande innovasjonssystem, og med ein veletablert posisjon innanfor globale verdikjeder. NCE Maritime vil søke opptak i det nye programmet, Global Centres of Expertise. Den maritime klynga har hatt ei sterk utvikling som klynge gjennom NCE-ordninga, men det vil vere hard konkurranse om opptak i det nye klyngeprogrammet med andre klyngemiljø. Det vil truleg bli peikt ut 2-5 klynger til GCE-status i denne omgangen. Fylkesrådmannen vil med denne saka grunngje kvifor fylkestinget bør gi si støtte til søknaden frå Ålesund Kunnskapspark på vegne av den maritime klynga NCE Maritime. Gjennom GCE er målet at dei sterkaste og mest internasjonale NCE blir vidareutvikla til å bli globale sentra innan konkurransekritisk teknologi og kompetanse. Eit mål på globalt sterke og velfungerande næringsklynger er at ein trekker til seg kompletterande kompetansebedrifter og nyetableringar til regionen. Nærleiken mellom globalt leiande bedrifter, underleverandørar, universitet, høgskolar og forskingmiljø, og tett kopling mellom erfaringskompetanse og formalkompetanse er avgjerande for konkurransekrafta i næringsklyngene. Fylkeskommunen har vist eit sterkt engasjement for at den maritime klynga skal

2 oppnå GCE-status, fordi dette vil vere eit betydeleg bidrag til å styrke klynga i høve til dei store utfordringane ein står føre i åra som kjem. Møre og Romsdal fylkeskommune har i innspel til forskingsmeldinga 2013 peikt på at to nye sentersatsingar må etablerast: Global Centers of Expertise og Senter for bedriftsforankra forsking. Støtte til etablering av GCE Maritime er også nedfelt i Handlingsprogram for verdiskaping Kva har klynga oppnådd som NCE Maritime? Den maritime klynga i Møre og Romsdal er kanskje den meste komplette maritime klynga i verda, og globalt leiande innafor bygging av avanserte offshorefartøy og fiskebåtar. Klynga er kjenneteikna av sterk samhandling mellom reiarlag, skipsverft, designselskap, utstyrs- og tenesteleverandørar og forskings- og utdanningsinstitusjonar. Ho består av internasjonale og nasjonale konsern, og ein underskog av innovative SMB. Klynga har ei årleg omsetning på 55 milliardar kroner, opererer i over 70 land, femnar om meir enn 220 bedrifter og har meir enn tilsette. I Møre og Romsdal har den maritime klynga fått status som NCE Maritime på grunn av sin sterke posisjon i verda innan avanserte marine operasjonar. NCE-programmet har gitt den maritime klynga høve til å vidareutvikle seg ved at aktørane i klynga har utvikla felles mål og satsingar for å styrke sine konkurransefortrinn og leiande posisjon. NCE Maritime har stimulert til kompetanseheving og forskingsbasert innovasjon og utfordra klynga til auka innovasjonstakt gjennom konkrete prosjekt, gjennom eit tett samarbeid med utdannings- og forskingsinstitusjonar, og vore med å utvikla både fagleg kvalitet og kapasitet i høgskole og forsking i regionen m.a. gjennom simulatorsatsinga og fleire gåveprofessorat. NCE satsinga har vore viktig for utvikling av eit gjensidig samspel mellom næringsliv, FOU- og utdanningsinstitusjonar og lokale og regionale styresmakter. Samarbeidet i klynga er gjennom NCE utvida til nasjonalt og internasjonal samarbeid på fleire felt. Innovasjonsprosjekt og to maritime industri-inkubatorar bidrar til realisering av nye produkt og bedrifter i klynga. Hovudaktivitetar for NCE Maritime dei siste åra har vore innan felta omdømme og marknadskommunikasjon, innovasjon, forsking og utdanning, og globalisering og infrastruktur. Ambisjonane for eit GCE ligg i å styrke klynga i ein global marknad på desse felta. Ålesund Kunnskapspark (ÅKP) er fasilitator for NCE Maritime på vegne av den maritime næringa i regionen, og legg til rette for fellessatsingar knytt til innovative konsept, nyetableringar, strategiske marknader, fagleg utvikling, omdømmebygging og rekruttering av høgt kvalifisert arbeidskraft. Vurdering Meirverdien ved å få status som GCE Blue Maritime Utfordringane i ein globalisert marknad Klyngene i dei maritime og marine næringane er Møre og Romsdal sitt sterkaste komparative fortrinn. Her finst leiande bedrifter innanfor heile verdikjedene kopla til næringsretta utdannings- og forskingsinstitusjonar. Dette gjer det attraktivt å vere samlokalisert og dra nytte av ein stor felles kunnskapsbase. Den maritime klynga

3 møter sterk konkurranse frå andre internasjonale maritime bedrifter, samtidig som eigarstrukturen i næringa i aukande grad blir globalisert. Maritime klynger i Shanghai, Singapore og Rio de Janeiro er på sterk frammarsj og trugar vår klynge si dominerande stilling. Den harde globale konkurransen kan føre til forvitring av norske miljø dersom ein ikkje makter å halde på og vidareutvikle den sterke kompetansebasen her i landet. Difor er styrking av vertskapsattraksjon som gjer at ein trekker til seg bedrifter og talent, samt forsking og forskingsinfrastruktur avgjerande for at klynga skal bli ein motor for innovasjon og utvikling også framover. Den maritime klynga har gjennomgått store endringar dei siste åra. I 2004 var offeshoreverksemda i høve til olje- og gass i Nordsjøen hovudmarknaden for næringa. No er utfordringa ein stadig sterkare konkurranse i ein globalisert marknad. Vi har fått globalintegrerte konsern som til dømes Rolls Royce Marine og VARD som anten eig eller har kontroll over ei global verdikjede, der ein kan få rask flytting av oppgåver i verdikjeda ut frå kostnadsvurderingar. Samtidig ser vi fleire lokalt eigde bedrifter som satsar på robotisering for å halde produksjonen her i landet. Vi har ei dreiing frå ressursbasert produksjon til kunnskapsintensiv produksjon der det handlar om optimalisering av komponentar til systemdesign og forståing av komplekse system. Det blir stilt krav til stadig nyutvikling av teknologi for avanserte maritime operasjonar, spesielt i høve til den veksande subseaaktiviteten. Meir avanserte skip, design og utstyr og auka miljøkrav stiller store krav til kompetanse og trening av mannskap til komplekse operasjonar. Ein ser føre seg meir samarbeid med kompletterande klynger nasjonalt og internasjonalt. Sjølv om det er sterk konkurranse, har også samarbeid med andre klyngemiljø som NCE Kongsberg, NCE Raufoss og NCE Node Kristiansand alt gitt gode resultat. Desse fire NCE-klyngene har og stått saman for å få gjennomslag for det nye GCEprogrammet. Sentrale tema i søknaden potensialet i havrommet Det er Ålesund Kunnskapspark AS (ÅKP) som vil ha rolla som kontraktpartnar også i det nye programmet. Administrerande direktør Per Erik Dalen skal vere prosjektleiar i ei operasjonell leiing saman med mellom anna dekan Hans Petter Hildre ved Høgskolen i Ålesund. ÅKP driv ved sidan av NCE, eit av landets mest komplette inkubatorsystem, og har også ansvar for Arena LegaSea og Arena Norwegian Rooms. Arbeidet som er gjort i NCE vil bli vidareført og utvida i GCE Maritime. Det internasjonale perspektivet blir styrka i ei global satsing som er kalla GCE BLUE Maritime Innovating BLUE maritime solutions for the future! GCE BLUE Maritime har som ambisjon å bli spydspiss for avanserte industrielle og operative marine operasjonar. I søknaden om å få GCE-status legg miljøet vekt på å reindyrke det unike ved næringslivet i regionen ved å fokusere på havrommet, og utnytting av ressursar i havet som energi, mineral og mat. Torgeir Reve peikar på at olje/gass, maritim og sjømat er dei tre næringane som er spesielt sterke i Norge (Et kunnskapsbasert Norge, 2012). Det er og i tråd med utfordringane som blir lagt vekt på i EU sitt forskingsprogram, Horizon Utløysing av utviklingspotensialet i biomarin produksjon og fornybar energi vil komplettere den maritime satsinga i NCE.

4 90 % av havrommet i verda er enno ikkje utforska, og mens berre 2 % av maten i verda kjem frå havet, finst % av biomassen på kloden her. Ny kunnskap om havet gir enorme mulegheiter. Teknologi, utstyr, innovasjonskraft og kompetanse gir den maritime klynga svært gode føresetnader for å utvikle nye løysingar til å møte desse utfordringane. GCE BLUE Maritime har som målsetting å bli den industrielle og operasjonelle spydspissen for globale maritime havrom-operasjonar i dei segmenta der klynga har konkurransefortrinn. Dette krev at GCE Maritime både styrker samarbeidet mellom bedriftene, utdannings- og forskingsmiljøa regionalt og nasjonalt, og ikkje minst går inn i forpliktande samarbeid med leiande utdannings- og forskingsmiljø internasjonalt. Det er etablert samarbeid med utanlandske miljø som Stanford og NASA i USA, Toulouse og Airbus i Frankrike, og Dresden i Tyskland. Ei sentral oppgåve for GCE BLUE Maritime vil vere å bidra til og utvikle vertskapsattraktivitet for at leiande bedrifter i segmentet vil etablere seg i regionen og trekke til seg høgt kvalifisert arbeidskraft som vil busette seg her. Dessutan vil ein ha eit sterkare fokus på å støtte underskogen av SMB i høve til globaliseringstrenden. Det er desse verksemdene som skal sikre sysselsettinga i regionen. Eit sterkare samarbeid med kommunane er viktig for å lykkast i dette, og det er alt etablert relasjonar til Sunnmøre Næringsråd, som representerer 17 sunnmørskommunar. Visjonen for GCE BLUE Maritime er å skape innoverande BLUE maritime løysingar for framtida, og hovudmålet er å styrke den maritime klynga si globale stilling og gi auka verdiskaping i Norge. Hovudstrategien er å styrke klynga sin globale posisjon gjennom innovasjon i globale verdikjeder innan ultra djupe hav, heilårstilgjenge og arktiske operasjonar; som og omfattar tryggleik, effektivitet og miljøaspekt. Dessutan er målet å få crossover innovasjonar frå den petromaritime sektoren til nye avanserte BLUE maritime operasjonar. Effektmålet er at ein i 2024 skal omsette for 100 milliardar kr og ha tilsette. I dag er omsetnaden 55 milliardar kr og ein har tilsette i klynga. Delmåla i GCE BLUE Maritime er: Auka innovasjonshastighet ved å etablere verdsleiande simulatormiljø for avanserte havrom-operasjonar, og etablere simuleringsteknologi for testing, design og innovasjon av marine operasjoner i samarbeid med mellom anna SINTEF, NASA og Stanford-miljø. Ein vil vidare etablere prosjekt innan miljøteknologi, utvikle kompetanse om arktisk skipsdesign og miljøkrav. Ein vil satse på auka automatiserings- og robotteknologi, og utvikle forretningsmodellar tilpassa globale marknader og kultur. Eit program med innovasjons-traineer vil og inngå i denne strategien. Kompetanseløft for SMB SMB Global Outreach; skal gi små og mellomstore bedrifter kunnskap og kompetanseheving om globale marknader og verdikjeder, kvalitetssystem, leiing, forretningskultur mm. Ein skal etablere eit nytt internasjonaliseringsprogram for SMB, og ein GCE inkubator skal kople idear og entreprenørar til inkubatorsystemet i klynga, og kople bedrifter og finansiering.

5 Styrke globale kunnskapkoplingar til verdsleiande teknologi- og kunnskaps hub ar, ved å bygge kunnskap og nettverk av lyttepostar i sentrale marknader. Andre tiltak er relasjonsbygging og samarbeid med FOU miljø i andre relevante teknologihub ar, og meir bruk av forskingsprogrammet Horizon Vertskapsattraktivitet skal byggast ved å styrke det globale omdømmet til klynga gjennom internasjonal marknadsføring. GCE BLUE Maritime vil bidra til å utvikle og synliggjere regional og nasjonal vertskapsattraktivitet gjennom lokale og regionale samfunnsutviklingsprosjekt, felles rekrutteringsprosjekt og regionalt vekstfremjande samarbeid. Crossover innovasjon frå dagens avanserte maritime operasjonar til nye område skal skje ved trendanalyser av havområda og fokus på kunnskapsoverføring frå offshore olje og gass til nye sektorar i havnæringa. Økonomi I GCE vil staten bidra med 8-10 millionar kr årleg til kvart miljø som får GCEstatus. I NCE Maritime har staten ved Innovasjon Norge bidratt med 6 millionar kr og Møre og Romsdal fylkeskommune med 2,5 millionar kr årleg. Øvrig finansiering er frå næringslivet. I det nye programmet vil bidraget frå Innovasjon Norge auke frå 6 til 10 millionar kr. Med same relative bidrag vil fylkeskommunen sin årlege del bli omlag 4 millionar kroner. Konklusjon og tilråding Som saksframlegget viser, står den maritime klynga overfor store utfordringar i ein stadig meir globalisert marknad, i eit segment med sterk konkurranse, høg innovasjonstakt og stadig sterkare miljøkrav. Dette gir og store muligheiter. Med utnytting av ressursmangfaldet i havrommet som framtidsperspektiv, vil den maritime klynga i Møre og Romsdal ha store fortrinn. Den status og finansielle tyngde som GCE BLUE Maritime vil innebere, er viktig for å gi den maritime klynga eit løft og styrke til å halde og vidareutvikle si leiande stilling. Dette er avgjerande for framtidsutsiktene for sentrale delar av næringslivet i Møre og Romsdal. Ei sterk maritim klynge er ein føresetnad for framveksten av underskogen av SMB og sysselsetting i regionen i framtida. Ikkje minst er målet om å styrke samhandlinga mellom utdanning, forsking, bedrifter og offentlig sektor sentralt i strategien ein legg opp til i søknaden. Erfaringskompetansen er styrken i næringsklyngene. Koplinga opp mot FOUinstitusjonane er ein føresetnad for å utvikle ny teknologi og ny kompetanse, og dyktiggjere seg i høve til nye marknader og stadig nye miljø- og omstillingskrav. Praksisnære høgskolar og forskingsmiljø i tett samspel med næringslivet vil fungere som kjernemiljø for ny kunnskap, og er avgjerande for innovasjonskrafta og attraksjonskrafta i næringslivet. GCE BLUE Maritime vil slik bidra til å styrke dei praksis- og næringsretta fagskole-, høgskole- og forskingsmiljøa i regionen. Fylkesrådmannen rår til at fylkestinget støtter Ålesund Kunnskapspark sin søknad på vegne av NCE Maritime om å bli tatt opp i programmet Global Centres of Expertise.

6 Fylkesrådmannen vil tilrå at i fall søknaden blir innvilga og bidraget frå Innovasjon Norge aukar frå 6 mill. kroner til 10 mill. kroner vil fylkeskommunen sin årlege del bli om lag 4 mill. kroner. Forslag til vedtak: 1. Møre og Romsdal fylkeskommune støttar søknaden til Ålesund Kunnskapspark AS om opptak i det nye programmet Global Centres of Expertise. GCE BLUE Maritime vil vere eit viktig virkemiddel for å styrke den maritime klynga i høve til dei store utfordringane i den globaliserte marknaden og gi auka verdiskaping til Norge. Programmet vil bidra til at klynga utnyttar sine føresetnader for utvikling av ny næringsverksemd knytt til ressursrikdomen i havrommet. 2. Møre og Romsdal fylkeskommune er innstilt på å auke sin finansieringsandel i det nye programmet, tilsvarande den auka statlege finansieringsandelen. Ottar Brage Guttelvik fylkesrådmann Bergljot Landstad regional- og næringssjef