Intensjonserklæring om støtte til Ikubens søknad om NCEstatus/eventuelt

Transkript

1 saksframlegg Dato: Referanse: Vår saksbehandlar: /2015 Anna-Marie Hatlestad Saksnr Utval Møtedato Regional- og næringsutvalet Intensjonserklæring om støtte til Ikubens søknad om NCEstatus/eventuelt forlenging av Arenaprosjektet Bakgrunn Fylkeskommunen gav i 2012 tilsegn på til saman kroner til Arenaprosjektet ikuben. Arenaprosjektet er no i ein fase der ein kan søke om ta steget opp og få status som Norwegian Center of Expertice(NCE) eller å søke om forlenging av Arenaprosjektet i 2 år til. Søknadsfristen er 24. april Fylkeskommunen er bedt om å bidra med ei årleg finansiering på inntil 1,5 mill. kroner. Arenaprosjektet ikuben er ein del av programmet Norwegian Innovation Clusters. Programmet er eigd av Innovasjon Norge, Siva og Forskingsrådet. Programmet har 3 nivå; Arena, Norwegian Center of Expertice og Global Center of Expertice (GCE). Dei ulike nivåa får finansiering frå 3 år (Arena) til 5 år (NCE OG GCE), med høve til å forlenge prosjektet med høvesvis 2 og 5 år. Støttesatsane frå programeigarane er fordelt slik på dei ulike nivåa i programmet: Arena: 1,5 3 mill. kroner per år NCE: 4-6 mill. kroner per år GCE: 8-10 mill. kroner per år Programmet skal bidra til å forsterke evna til fornying og innovasjon i regionale innovasjonsmiljø. Programmet skal utløyse og forsterke utviklingsaktivitetar i klyngene som er basert på samarbeid mellom klyngemedlemmane. Dette vil auke tilfanget av idear til innovasjon og omstilling, utløyse og forsterke innovasjonsprosessar og skape eit meir attraktivt miljø for bedrifter, kunnskapstilbydarar, talent og investorar. Slik skal aktørane i klynga få betre føresetnader for å auke verdiskapinga og forsterke posisjonen innanfor nasjonale og globale verdikjedar. NCE-nivået rettar seg mot dynamiske næringsklynger, som har etablert systematisk samarbeid og har potensiale for vekst i nasjonale og internasjonale marknadar. Innanfor deira respektive sektorer og teknologiområder, skal klyngene ha ein nasjonal posisjon. Vurdering Resultat frå Arenaprosjektet ikuben fekk Arenastatus i 2012 og består i dag av 25 deltakarbedrifter. Dei fleste klyngebedriftene i ikuben leverer system og komponentar og/eller utfører tilstandsinspeksjon og vedlikehald på avanserte system innan maritim sektor og

2 olje- og gassektoren. Bedriftene er lokalisert i både Romsdalen og Nordmøre og har om lag 3500 tilsette og ein årleg omsetnad på om lag 8 mrd. kroner. ikuben definerer seg sjølv som ei kompetanseklynge der fellesnemnaren er utfordringar knytt til dei tre fokusområda: Logistikk, materialteknologi og produksjonsteknologi. Gjennom felles innovasjonsprosjekter, kurs og seminar har bedriftene styrka sin kompetanse innan klynga sine fokusområde. ikuben har erfart at det er enklare å dele kunnskap på områder der bedriftene ikkje er i direkte konkurranse med kvarandre. Når bedrifter frå ulike bransjar møtes får ein diskutert utfordringar som er felles på tvers av bransjar. Dette har hittil resultert i 8 forskingsbaserte innovasjonsprosjekt. Prosjekta er delfinansiert frå Forskingsrådet og Regionalt forskingsfond Midt-Norge med til saman 55 mill. kroner, og representerer ein totalverdi på 137,5 mill. kroner. ikuben er blitt møteplassen som kanaliserer samla initiativ til felles FoU-prosjekt i klynga og resultata er blant dei beste i Arenaprogrammet. 7 av bedriftene i ikuben oppretta nettverket LIFTMORE sommaren Nettverket skal ha felles profilering av regionen i inn- og utland, og eit tettare fagleg nettverk er kjerna i kran- og løftmiljøet si satsing. Nyleg sendte Høgskulen i Molde inn ein søknad til Forskingsrådet på eit Kompetanseprosjekt for Næringslivet (BIA-programmet) som omhandlar globale produksjonsnettverk og innovasjon. Industripartnarane i prosjektet er ikuben, Brunvoll, NOV, Kleven, Ekornes og Norwegian Rooms. Forskingspartnarar er NTNU og Sintef. ikuben var initiativtakar og spelte ei avgjerande rolle for at dette vart realisert. Dette er det første store FoU-prosjektet der industribedrifter frå tre klynger i Møre og Romsdal samarbeider. ikuben har initiert og etablert to utdanningsprogram; MSc program i Engineering Logistics ved Høgskulen i Molde og eit kurs i praktisk prosjektstyring i samarbeid med Høgskolen i Molde og Metier. ikuben har også etablert samarbeid med NCE Raufoss og GCE Blue Maritime i Ålesund. Klynga deltar også i forskingsprosjekt i samarbeid med NTNU. Gjennom Høgskulen i Molde har ikuben etablert samarbeid med University of Californina Berkley og Stanford University. Utover dette planlegg ikuben samarbeid med NCE System Engineering i Kongsberg og NCE Instrumentation i Trondheim. Forskingsrådet har valt ut ikuben som pilot for ei eiga satsing knytt til å mobilisere klyngene til å søke midlar frå EU (Horisont 2020). Krav til mål for eit NCE-prosjekt Programmet Norwegian Innovation Clusters har krav til mål innanfor dei ulike nivåa i programmet. Krav til effektmål for Arenaprosjektet er at det skal auke evna til innovasjon og fornying i klynga. Dersom ikuben får NCE-status er kravet til effektmål at samarbeidet mellom bedriftene i ikuben bidrar til å auke verdiskapinga i klynga. Effektmålet skal dokumenterast gjennom følgjande resultatmål: Innovasjonsevne: Auka innovasjonsaktivitet som er basert på systematisk samarbeid mellom bedriftene i klynga og FoU-miljø. Internasjonal orientering: Auka samarbeid med internasjonale partnarar 2

3 Tilgang på kompetanse: Betre tilgang på relevant kompetanse gjennom strategisk samarbeid med utdanningsmiljø. Attraktivitet og synlegheit: Auka anerkjenning som nasjonalt viktig miljø for innovasjon og vekst. Samspel og samarbeid: Auka målretta samarbeid internt og eksternt. Mål for NCE- Industrial Internet 1 by ikuben Hovudmålet for ikuben sitt NCE-prosjekt er å bidra til å transformere norsk industri i tråd med utviklinga som følgjer av det industrielle internettet. ikuben skal styrke medlemsbedriftene si konkurransekraft og marknadsposisjon gjennom kunnskapsbasert samarbeid om innovasjon og utvikling av ferdigheiter innan industrielt internett. Dette inkluderer utvikling av industrielle tenester og produksjonsnettverk, samt finne gode måtar å tilpasse seg ei global verdikjede som stadig er i endring. Hovudmålet skal operasjonaliserast gjennom fire delmål. Desse omfattar ytterlegare samarbeid med høgskulen om nye utdanningar som er relatert til utfordringane som er skildra over. Forsterka samarbeid om innovasjonsprosjekt med nasjonale og internasjonale forskingsmiljø. Utvikling av forretningsmodellar og produksjonsprosessar som speglar moglegheitene som ligg i implementering av industrielt internett. Ytterlegare satsing på tverrfagleg samarbeid mellom bedriftene i klynga som skal bidra til auka konkurransekraft. Grunngjeving for ikuben sin søknad om NCE-status val av mål ikuben viser til utfordringane som ventar industribedriftene i framtida og peikar på overgangen frå arbeidsintensiv til kunnskapsintensiv industri. Særleg blir det peika på ei utvikling der industrien i stadig større grad leverer komplette løysingar (tenester) i tilknyting til den tradisjonelle vareproduksjonen. Endringa blir kalla den 4.industrielle revolusjon og kjem no for fullt inn i norsk industri. Dette handlar om nye standardar for industriproduksjon globalt. Industriproduksjon i relativt nær framtid vil ikkje føregå på same måte som den har gjort dei sist åra. Sterkare automatisering/robotisering, er ein del av dette som vi alt kjenner til. Avansert fabrikasjon, auka digitalisering, kundefokusert produksjon, smartare organisering, høg innovasjonstakt, kontinuerleg utvikling og omstilling er stikkord som blir brukt om det som kan skje. Denne samansmeltinga mellom industri, IKT og logistikk vil endre framtidige forretningsmodellar, produksjonsteknologi og prosessar, kompetansebehov og samarbeidsformer. På denne måten kan kunnskapsintensiv industri hente ut meirverdi frå vareproduksjonen via tenesteproduksjon. Denne utviklinga er gjort muleg gjennom informasjonsteknologien (IKT) og moglegheitene som utviklinga av internett og virtuell teknologi (cyberspace) opnar opp for. Felles betegnelsen for dette er Industrial Internet 2. Europa satsar stort på dette. Tyskland har eit stort program for «Framtidas produksjonsbedrift». The Industri-Science Research Alliance i Tyskland kom i 2012 med ein analyse av korleis utviklinga av IKT og internett vil påverke industrien i framtida og kom med ei rekke tilrådingar for korleis ein skal sikre den tyske industrien. Sverige og Nederland har utarbeidd eigne industristrategiar, og ligg framom Noreg i så måte. 1 Sjå vedlegg for forklaring 2 Sjå vedlegg for forklaring 3

4 ikuben sin visjon for sitt vidare arbeid er å vere leiande i Noreg i denne store endringsprosessen i industrien, og såleis styrke konkurranseevna til deltakarbedriftene. ikuben sine bedrifter er globale aktørar, samtidig som dei er viktige både nasjonalt og regionalt. Framtida for arbeidsplassane og industrien i Møre og Romsdal er i stor grad avhengig av at desse bedriftene er i stand til å konkurrere innanfor dei endra internasjonale rammene. Eit av suksesskriteria for ikuben er at den er ei kompetanseklynge. Her møtast bedrifter frå forskjellege bransjar, i eit tverrfagleg utviklingsperspektiv. Forskarar ved SINTEF seier at det store innovasjonspotensialet ligg i det «tverrfaglige rommet» der teknologi er ei sentral drivkraft, og der utnytting av teknologi er ei sentral konkurransekraft. Medlemsbedriftene i ikuben anerkjenner at klynga har ei viktig rolle å spele, ved at dei aktivt involverer seg i å drive arbeidet i ikuben framover. Klyngesatsinga bidrar til at akademia, gjennom høgskulen i Molde, NTNU og Sintef samarbeider med bedrifter i fleire bransjar i regionen. ikuben hevdar dessutan at samarbeidsklimaet mellom akademia og klynga er endra til å bli særs positivt på dei åra ikuben har eksistert. Det neste steget kan enten takast som eit forlenga Arena-prosjekt, eller som eit National Centre of Expertise. ikuben har som hovudmål å få NCE-status frå sommaren Økonomi Dersom ikuben får innvilga sin NCE-søknad vil dette utløyse ei årleg støtte frå Innovasjon Norge på mellom 4-6 mill. kroner. Følgjande budsjett er foreslått i skissa frå ikuben: NCE-programmet Møre og Romsdal fylkeskommune Kontantbidrag frå bedriftene Eigeninnsats frå bedriftene Anna privat finansiering Totalt 6,0 MNOK 1,5 MNOK 1,5 MNOK 5,0 MNOK 1,0 MNOK 15,0 MNOK Bidraget frå fylkeskommunen vil utgjere 10 prosent av totalbudsjettet. Dersom søknaden får støtte frå Innovasjon Norge med eit lågare beløp vil støttesatsen frå fylkeskommunen bli redusert tilsvarande. ikuben får i dag ei årleg støtte frå fylkeskommunen på 0,25 mill. kroner. Tilråding ikuben har gjennom Arenaprosjektet vist at dei leverer gode resultat og dette er lagt merke til nasjonalt. ikubens styrke ligg i at dei har klart å bygge opp ferdigheiter hos medlemsbedriftene som gir meirverdi utover medlemskapet i klynga. Dette blir synleggjort gjennom forskingsbaserte innovasjonsprosjekt og kunnskapsoppbygginga som skjer i samarbeid med FoU-miljøa. Ein høg inngangsbillett på kroner bidrar til at bedriftene forventar å få noko igjen for kontingenten. Bedriftene engasjerer seg i prosjektet slik at innretninga på aktivitetane i ikuben dekkjer eit reelt behov hos medlemmane. Skissa til NCE- 4

5 prosjektet viser at ikuben har sett seg ambisiøse mål framover og ønskjer å ta ein nasjonal posisjon i høve til å ta norsk industri over i ny æra. Internasjonalt blir bruken av IKT i produksjonen på nye måtar omtalt som eit paradigmeskifte. Dette viser kor viktig det er at norsk industri er i front på dette området. At ikuben ønskjer å sette seg i førarsete nasjonalt på dette området kan vise seg å vere avgjerande for å tryggje industriarbeidsplassane og bidra til ei reindustrialisering i fylket. ikuben har og teke initiativ til klynge til klyngesamarbeid, jf Bia-søknaden. Dette viser at samarbeid om innovasjonsprosjekt og kunnskapsdeling gir avkastning i store deler av fylket og ikkje berre for medlemsbedriftene i ikuben. Fylkeskommunen har så langt gitt støtte til alle klyngene som er tatt opp i det nasjonale programmet Norwegian Innovation Clusters. Denne satsinga er ein del av oppfølginga av Møre og Romsdal sin FoU-strategi operasjonalisert gjennom Handlingsprogram verdiskaping. Som vist ovanfor kan ikuben vise til gode samarbeidsresultat mellom bedriftene i klynga både når gjeld samarbeid om innovasjonsprosjekt og kompetanseprosjekt. Fylkesrådmann vil på denne bakgrunn tilrå at dersom NCE-søknaden blir innvilga, alternativt at Arenaprosjektet blir forlenga av Innovasjon Norge, vil fylkeskommunen auke/forlenge si støtte til ikuben. Forslag til vedtak: 1. Møre og Romsdal fylkeskommune støttar ikuben sin søknad om opptak i NCEprogrammet. ikuben si satsing på industrielt internett kan vise seg å bli eit viktig bidrag for å tryggje industriarbeidsplassane og bidra til ei reindustrialisering i fylket. 2. Møre og Romsdal fylkeskommune vil auke si årlege støtte til ikuben med inntil 1,5 mill. kroner. Dette under føresetnad av at NCE-søknaden blir innvilga eller at Arenaprosjektet blir forlenga. Den fylkeskommunale støtta utgjer inntil 10 prosent av totalbudsjettet. Løyvinga blir henta frå regionale utviklingsmidlar. Dersom støtta frå Innovasjon Norge blir redusert vil dette medføre ein tilsvarande reduksjon i fylkeskommunen si støtte. Vedlegg 1 Ordforklaringar Ottar Brage Guttelvik fylkesrådmann Bergljot Landstad regional- og næringssjef 5