STORDAL KOMMUNE. MØTEINNKALLING FOR Planutvalet

Transkript

1 STORDAL KOMMUNE MØTEINNKALLING FOR Planutvalet Møtedato: Møtestad: Kommunehuset - NB! Merk Tida Møtetid: Kl. 15:30 Den som har lovleg forfall, eller er ugild i nokon av sakene, må melda frå så snart råd er, tlf , slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av på rådhuset. Dokument som ikkje er offentlege, vil bli utsendt i eigen konvolutt. Sakliste Sak nr. Innhald: Side 007/11 Godkjenning av møteprotokoll - planutvalet /11 Reguleringsplan - Skule og idrettsområdet. 3.gongs handsaming 009/11 Oppstart av reguleringsplan BV23 - Grigåsråbbane, Andersrøbbane og Olarøbbane. 010/11 Jøsvoll- og Jøsvollsæter fritidsområde - Godkjenning av spesifikk utbyggingsavtale 011/11 Gnr.144 Bnr.5 Fnr.5 - Dag Flem Jacobsen - Dispensasjon frå bebygd areal (BYA) i reguleringsføresegnene. Ev. andre saker som måtte komme til. Stordal kommune, den 15.juni 2011 Charles Tøsse Ordførar Lars Joranger rådmann

2

3 STORDAL KOMMUNE SAKSPAPIR GODKJENNING AV MØTEPROTOKOLL Endeleg vedtaksorgan: Planutvalet Saksansvarleg.: Randi Holmen Vestre Arkiv: Møte- Planutvalet 2011, FE- 033 Objekt: Arkivsaksnummer 11/690 SAKSGANG Saksnr Styre, utval, komite m.m. Møtedato Saksbehandlar 007/11 Planutvalet RHV Godkjenning av møteprotokoll - planutvalet Vedlegg i saka: Nr. Tittel 1 PLAN FRAMLEGG TIL VEDTAK: Møteprotokollen frå møte den vert godkjent slik den ligg føre.

4 STORDAL KOMMUNE SAKSPAPIR PLANSAK Endeleg vedtaksorgan: Kommunestyret Saksansvarleg.: Einar Lied Telefon: Arkiv: PLAN , FA-L12 Objekt: Arkivsaksnummer 09/601 SAKSGANG Saksnr Styre, utval, komite m.m. Møtedato Saksbehandlar 008/11 Planutvalet EL 035/11 Kommunestyret EL Reguleringsplan - Skule og idrettsområdet. 3.gongs handsaming Vedlegg i saka ved 3. gongs handsaming: Nr. Tittel 1 Innspel til reguleringsplan Skule -og idrettsområde 2 Vedlegg: Kart, Hoppbakke 3 Merknad til Reguleringsplan - Skule og idrettsområdet 4 Uttale til reguleringsplan - Skule og idrettsområdet 5 Merknader til reguleringsplan - Skule og idrettsområdet 6 Vedlegg: avtale av 16. nev Merkand: Reguleringsplan - Skule og idrettsområdet 8 Vedlegg 31: Reguleringsplan for skule og idrett, plankart revidert Vedlegg 32: Reguleringsføresegner skule- og idrettsområde, revidert Plankart og føresegner vert ikkje lagt ved til planutvalet ( har det frå før) men ligg ved til kommunestyremøtet. Dokument ved 3. gongs handsaming som ikkje er vedlagt: ( Er tilgjengeleg i møtet og kan elles sendast via epost) - 11/1232 Uttale frå Råd for menneske med nedsett funksjonsevne, møte ( sak 012/11) - 11/1252 Kunngjering om offentleg ettersyn, datert /1847 Uttale frå Driftsstyret Stordalshallen, møte /2169 Uttale frå Stordal IL, sendt med epost /2191 Uttale frå Eldar Busengdal, sendt med epost /2192 Uttale frå Nordre Sunnmøre Landbrukskontor, datert /2195 Uttale frå ÅRIM, datert /2206 Uttale frå Stordal ungdomsråd, datert /2248 Uttale frå Stordal landbruksråd, sendt med epost

5 - 11/2267 Uttale frå Fylkesmannen, datert Andre saksdokument (ikkje vedlagt): -plan og bygningslova -arealdelen i kommuneplanen Saksopplysningar Etter 1. gongs handsaming i planutvalet den vart planen lagt ut til offentleg ettersyn i perioden frå til Til saman 16 uttaler er innkomne nokre etter fristen men alle er tekne med i vurderinga og vert kommentert. Fleire av merknadane har gjort det naudsynt med nærare undersøking/utgreiing slik at sakshandsaminga har teke lang tid. Vurdering: For å gi ei mest mogleg ryddig framstilling av saka vil ein under ta føre seg dei ulike uttalane/merknadane og referere til vedleggsnummer brukt over. Vedlegg 4: Råd for menneske med nedsett funksjonsevne. I planen har ein lagt til grunn at alle, uansett funksjonsevne, skal integrerast i den idrettsutøving det vert lagt til rette for. TEK har bestemmelsar om universell utforming, både for uteareal og bygningar, som må stettast i konkrete tiltak. I tillegg er det avsett mykje pr. i dag unytta areal der ein gjennom detaljplanlegging kan legge til rette for aktivitetar/område spesielt innretta mot menneske med nedsett funksjonsevne. Vedlegg 5: Driftsstyret for idrettshallen. Når det gjeld kryssing av riksveg for å kome til skule/idrettsområde er det no innregulert undergang ved riksvegen. Dei mjuke trafikantane vil då kunne passere riksvegen trygt og fysisk skilt frå biltrafikken. Veg langs elva er mellom anna naudsynt dersom ein skal ha brannstasjon på Vinjesanden. Vedlegg 6: Stordal idrettslag. Punkta 1,2,3,5 og 6 er imøtekomne i det nye planframlegget. Når det gjeld punkt 4 har ein for å spare dyrkajord ikkje lagt inn parkering langs veg 5. Vedlegg 7: Bente og Jon Geir Selboskar. Kvammevegen er i planframlegget regulert til jord- og skogbruk. Merknadane elles er imøtekomne. Sjølv om P4 vert liggande eit stykke frå Rosekyrkja vil ein tru den kan tene som parkering ved større arrangement. Om det i framtida skulle vise seg å ikkje fungere godt nok, er det område aust for vegen til Midtbustgardane som fortsatt vil vere mest aktuell å nytte. Vedlegg 8: Møre og Romsdal fylke. Det vart utført arkeologiske registreringar som vedlegga viser. Vedlagde rapport syner at det er funn som gjer det naudsynt med ei evt. fullstendig utgraving for å frigi arealet til byggeformål. Vedlegg syner den dialogen som har vore med fylket for å finne ei løysing på vegføringa fram til riksvegen. Dersom ein skulle gå endå lenger aust med tilkomstvegen må ein til med nye arkeologiske registreringar. Truleg vil ein gjere nye funn som medfører krav om utgraving før ein evt. får frigitt arealet til anna bruk. Å køyre vidare på løysinga ein hadde ved 1. gongs handsaming medfører utgraving som er stipulert til ein kostnad på mellom kr og

6 kr, og ein er likevel ikkje garantert å få arealet frigitt. Ein har derfor valt å legge vegen lenger vest slik at ein stettar dei krava som kjem fram i vedlegg 26. I samråd med fylket har ein vidare lagt inn rune R og spesialområde bevaring, i tillegg til bestemmelsar i føresegnene for området der funna er gjort. I vedlegg 19 kjem fylkesgeologen med ei vurdering av skredfaren som viser at den er mindre enn grenseverdien 10-3 (1/1000) pr. år ( pr. einingsbreidd på 30 m). Vedlegg 21 som er vasslinjeberekning for Stordalselva syner at forbygninga er høg nok på nordsida av elva til å takle 200- års flaumen. Nærare sjøen, rett aust for campingplassen, er det likevel tre profil som viser at vatnet går over forbygninga. Ut frå desse grundige vurderingane/dokumentasjonen vil ein tru at motsegnene fell bort. Det vil her vere naturleg å kommentere også vedlegg 28 som syner dei siste berekningane av mogleg bølgje etter ras frå Åkneset. Endeleg rapport frå NGI er venta 01. mars. På kartutsnittet er innteikna 1000-års bølga med blått og års bølga med raudt, noko som tilsvarar sikkerheitsklasse 2 og 3. I desse berekningane er estimert havnivåstigning på 0,7 meter i år 2100 også lagt inn. Denne reguleringsplanen kjem som ein ser ikkje i konflikt med bølga. Vedlegg 9: Nordre Sunnmøre landbrukskontor. Har ikkje merknader til planframlegget. Vedlegg 10 + vedlegg 17: Olaus Overøye. Når det gjeld spørsmål om innløysing av areal til veg og idrettsformål med vilkår knytta til dette ( til dømes fiskerett ) må dette finne si løysing i høve til konkrete forhandlingar med det kommunale forhandlingsutvalet. Brannstasjon er innteikna på Vinjesanden og som ein ser av vedlegg 28 er den utanfor fare for flodbølge. Vedlegg 11: Leif Kirkebøe. Merknaden er imøtekomen då parkering nord for veg 5 er teken ut saman med gang- og sykkelvegen som gjekk langs veg 4. Veg 5 er også trekt noko lenger mot sør. Vedlegg 12: Vinje felles utmarkslag. Mellom anna plassering av brannstasjon på Vinjesanden gjer det naudsynt med veg langs elva, og ein vil fortsatt hevde det lett kan oppstå konflikter i framtida med industriområde som næraste nabo. Vedlegg 13: Eldar Busengdal. I nordvest er område for skule utvida i samsvar med det som ligg inne i arealdelen, men i sør på flata har ein lagt til meir areal enn det som ligg i arealdelen. Dette er gjort for å sikre skulen nok areal til å utvikle seg dei næraste åra. Det er på denne sida av skulen uteområde vil vere også den nye skulen vil få inngang for elevar mot vest. I aust er det parkering og asfalterte område før ein kjem ned til idrettsområdet som vert liggande noko lenger frå skulen. Industriareal er lagt inn i samsvar med arealdelen. Det hadde sjølvsagt vore ynskjeleg at etablering på området hadde gått raskare, men trass alt er det ei gradvis utvikling. Komposteringsaktiviteten vil i løpet av eit par år verte avslutta og det arealet kan såleis få ei anna utnytting. Truleg vil det gå svært lenge før sjølve avfallsfyllinga kan nyttast på grunn av sig m.m. Eit avsett område for industriutvikling vil vere viktig for eit samfunn som oftast går det for seint å klargjere nytt areal når ein investor kjem. Ut frå dette har ein valt å la arealet ligge som det var i sist framlagt planforslag. Som nemnt før er det naudsynt med veg 4 langs elva for å kunne plassere brannstasjon på Vinjesanden. Vedlegg 14: Stordal ungdomsråd.

7 Alle ideane som ungdomsrådet her kjem med bør takast med vidare og vurderast ved detaljplanlegging og utvikling av idrettsområdet. Vedlegg 15: Stordal landbruksråd. Veg 4, område for offentlege bygningar og utviding av industriområdet er omtala i kommentar til vedlegg13. Merknad til parkering P7 er imøtekomen og teken vekk. Vedlegg 16: Statens vegvesen. Planskild kryssing er no innregulert innafor planområdet og ein går ut frå at også Statens vegvesen gjer sitt for at ei slik løysing kan gjennomførast i praksis. Stigningsforholda på veg 4 er gode med maksimal stigning på 8%. Å flytte veg 4 lenger vest med felles avkøyrsle til veg 6 ville ta endå meir dyrka mark. Betra løysing i området ved busstoppet er gjort ved å ta vekk dagens busstopp på begge sider av riksvegen for å la bussane køyre heilt av vegen og sette av ungane på området K1. Ei avstiging mot vest her gir direkte tilkomst vidare vestover og inn på skuleområdet mot ny hovudinngang som vert liggande mot vest. Foreldre som til no har parkert på busstoppa for å sleppe av og hente ungane må også køyre av vegen og setje av ungane i K1. Denne rundkøyringa er forma så vid at det ikkje burde verte problem med trafikkavviklinga her. Ein har vidare fylgt vegvesenet sitt råd om å gå bort frå plasseringa av gang- og sykkelvegar nemnd med GS2 og GS3 i planforslag utlagt til offentleg ettersyn. Ein er samd med vegvesenet i vurderinga av at gangtrafikken frå P4 og opp til Rosekyrkja/bygdetunet for det meste er liten. I staden har ein lagt inn ein ny GS1 sørvest for idrettsbana, denne har forbindelse til veg11, gs5, veg9, veg6 nord til undergang på gs2. Trafikken på det som er køyreveg vil her vere svært liten og ein kan med fordel også nytte den til gang- og sykkeltrafikk. Ein har fylgt rådet om å legge inn eit område med anna veggrunn der trafikksperra er plassert på veg6. Skjerings- og fyllingsutslag for brattaste delen av veg 4 er no vist på planen og lagt ved som eige vedlegg til saka. Busslomma ved bygdetunet er no lagt der den ligg i dag, men utvida for å stette dagens krav. Busslomma vert då liggande etter krysset med veg 8 som påpeika. Veg 8 er elles flytta 4 meter mot aust i høve til i dag. Som det vert påpeika er fartsgrensa ved Rosekyrkja/bygdetunet 70 km/t i dag og frisiktsone som samsvarar med dette er innlagt. Ein meiner likevel at det er på høg tid at fartsgrensa her vert sett ned til 50 km/t. Vedlegg 18: Fortidsminneforeninga. Prestestova er no innlemma i eit utvida allmennyttig formål noko som truleg er intensjon og i samsvar med vegleiar T1381 frå miljøverndepartementet. Generelt om planen. Mykje av planen er no endra etter innspela som er innkomne. Dette har gjort at ein har flytta nemning på ein del område for å få betre samanhang, t.d. er GS1 nytta på ein annan stad enn tidlegare. Vidare er alle busstoppa lagt inn med reguleringsformål 340 kollketivområde for å skilje dei betre frå køyreveg. Dei har og fått nemninga K i staden for B. Veg 7 er no teikna om slik at den går inn på ny bru over Storelva ved Kvammen. Veg 10 er utforma slik at lastebil kan snu og kome til idrettshallen på sørsida også når tilbygget er på plass. Ein har vidare teke omsyn til planlagt tribunebygg ved stadion og planlagt nybygg ved skulen. Med så store endringar som no er gjort må planen leggast ut til offentleg ettersyn på nytt før den kan vedtakast.

8 FRAMLEGG TIL VEDTAK: Planutvalet finn med heimel i plan- og bygningslova (1985) sin 27-1 pkt. 2 å legge forslag til reguleringsplan for skule- og idrettsområde med føresegner datert , revidert ut til offentleg ettersyn. Behandling i planutvalet : Rådmannen sitt framlegg til vedtak samrøystes vedteke. PLAN-003/11 VEDTAK: Planutvalet finn med heimel i plan- og bygningslova (1985) sin 27-1 pkt. 2 å legge forslag til reguleringsplan for skule- og idrettsområde med føresegner datert , revidert ut til offentleg ettersyn. NYE OPPLYSNINGAR I SAKA Saksutgreiing: Etter 2. gongs handsaming i planutvalet den , vart planen lagt ut til offentleg ettersyn i perioden frå til Til saman 14 uttaler er innkomne. Vurdering: For å gi ei mest mogleg ryddig framstilling av saka vil ein under ta føre seg dei ulike uttalane/merknadane først dei som ikkje er lagt ved. Det vert referert til arkivsaknummer og vedleggsnummer brukt over. 11/1232 Uttale frå Råd for menneske med nedsett funksjonsevne, møte ( sak 012/11). Råd for menneske med nedsett funksjonsevne ber på nytt om at det i planen vert avsett særskilt merka område for handicapidrett. Ein viser her til kommentar under 2. gongs handsaming. I tillegg må seiast at mestedelen av arealet som er avsett til idrettsanlegg i planen er flatt og rimeleg enkelt å tilpasse til folk med nedsett funksjonsevne. 11/1847 Uttale frå Driftsstyret Stordalshallen, møte Peiker på at ein bør unngå tungtrafikk på vegen sør for stadion. Det er i utgangspunktet ikkje lagt spesielle restriksjonar på bruken av denne vegen. Slik planen er laga vil det vere få konfliktpunkt med mjuke trafikantar på nemnde strekning. På noverande tidspunkt vil ein ikkje legge spesielle føringar på bruken av vegen.

9 11/2169 Uttale frå Stordal IL, sendt med epost Er i tvil om det er avsett nok parkeringsareal burde nytta ein del av grusbana til parkering. Det er gitt spelemidlar til grusbana og den bør ligge som den er og nyttast som før. Ved store arrangement der den ikkje vert nytta til anna kan ein sjølvsagt nytte arealet til parkering. 11/2191 Uttale frå Eldar Busengdal, sendt med epost Opprettheld tidlegare innsendt merknad om fiskecamp. Viser her til merknad under 2. gongs handsaming. 11/2192 Uttale frå Nordre Sunnmøre Landbrukskontor, datert Har ingen merknad til planframlegget. 11/2195 Uttale frå ÅRIM, datert Ser ikkje spesielle utfordringar med tanke på renovasjon for denne planen. Minner likevel om at det er ynskjeleg å sleppe å køyre inn på skuleplassar, samt å rygge, for å tøme renovasjonsdunkar. 11/2206 Uttale frå Stordal ungdomsråd, datert Opprettheld tidlegare uttalar og har i tillegg komt med eit forslag til detaljert utforming av fleire aktivitetar organisert som ein møteplass ( sitjeplass med tak i midten). Som sagt ved 2. gongs handsaming er dette tankar ein bør ta med seg vidare inn i detaljutforminga av området etter at planen er ferdig. 11/2248 Uttale frå Stordal landbruksråd, sendt med epost Meiner fortsatt at fiskecamp som Eldar Busengdal ynskjer bør regulerast inn. Sakshandsamar viser til 2. gongs handsaming. 11/2267 Uttale frå Fylkesmannen, datert Har ikkje merknader til planen. Vedlegg 1 og 2. ( 11/2177) Merknad frå Stordal IL, hoppgruppa, datert Har komt med forslag om å legge inn to hoppbakkar med totalt arealbehov på 15 m x 95 m inntil veg 4 på eigedomen til Leif Kirkebøe sør for fylkesvegen slik kartet syner. Dei meiner å ha vurdert grundig også andre alternative plasseringar innanfor planområde,t men at dette er beste plasseringa. Eit slikt tiltak vil gjere området meir attraktivt og auke aktiviteten spesielt mellom barn og unge både sommar og vinter, men det er uheldig at det ikkje har komt inn tidlegare i prosessen. Med bakgrunn i dei avtalar som er gjort tidlegare med grunneigar Leif Kirkebøe finn sakshandsamar ikkje å kunne legge inn dette som vil vere eit ytterlegare stort inngrep på denne eigedomen. Eit alternativ som betingar utgraving og frigjeving av området aust for vegen kunne ha opna for å flytte både veg og hoppakke lenger aust. Vedlegg 3. ( ) Merknad frå fylkeskommunen, datert Skriv at det bør takast inn bestemmelsar om universell utforming og konkrete bestemmelsar om antal plassar for rørslehemma. Har også stilt nokre spørsmål om ferdsle for mjuke trafikantar. TEK10 har sterke bestemmelsar for universell utforming som burde vere tilstrekkeleg for å sikre desse omsyn. Ein kan heller ikkje sjå grunn til å endre formålsbestemmelsar på vegar der det er tenkt kombinert bruk med mjuke trafikantar vert det lite biltrafikk. Vedlegg 4. ( ) Merknad frå NVE, datert Har ein del meir generelle kommentarar til planen men medfører ikkje behov for endringar verken i plan eller føresegner. Vedlegg 5 og 6. ( 12996,12997 ) Merknad frå Leif Kirkebøe, datert

10 I forhold til første utkast er ny tilkomstveg komt inn på denne eigedomen i tillegg til nytt tribunebygg og veg vest for fotballbana. Også innteikna fotgjengarundergang vil medføre at det vil reise meir areal på nordsida av fylkesvegen. Ny busstopp ( rundkøyring ) vil ta mykje areal og vere uheldig for arronderinga. Påpeikar at mange av tiltaka ikkje kan leggast andre stader- og er open for å akseptere desse trass inngått avtale. Når det gjeld ny tilkomstveg frå fylkesvegen og busstoppen meiner han at det bør kunne finnast andre stader å legge dette. Ny veg frå fylkesvegen kunne nok verte lagt lenger aust dersom arealet der vart frigitt. Med dei tankane som er om bruk av O1 i dag kan ein vanskeleg sjå ei anna god plassering av busstoppen enn vest for område O1. Etter ei samla vurdering finn ein likevel ikkje å gjere endringar i planen i høve til det som har vore lagt ut til offentleg ettersyn. Vedlegg 7. ( ) Merknad frå Statens vegvesen, datert Er redd for auka gangtrafikk langs og kryssande fylkesvegen på grunn av at parkering P7 som låg aust for krysset til Midtbust no er teke bort. Gangtrafikken vil vere knytt til spesielle arrangement ved Rosekyrkja/ bygdetunet. P7 vil uansett ikkje kunne ta alle parkerande ved slike arrangement og vegvesenet har tidlegare akseptert at parkering ved idrettshall/skule kan nyttast i slike høve. FRAMLEGG TIL VEDTAK: Stordal kommune finn med heimel i plan- og bygningslova (1985) sin 27-2 pkt. 1 å godkjenne reguleringsplan for skule- og idrettsområde med føresegner datert , revidert

11 STORDAL KOMMUNE SAKSPAPIR PLANSAK Endeleg vedtaksorgan: Kommunestyret Saksansvarleg.: Einar Lied Telefon: Arkiv: PLAN-, FA- L12 Objekt: Arkivsaksnummer 11/673 SAKSGANG Saksnr Styre, utval, komite m.m. Møtedato Saksbehandlar 033/11 Kommunestyret EL 009/11 Planutvalet EL Oppstart av reguleringsplan BV23 - Grigåsråbbane, Andersrøbbane og Olarøbbane. Vedlegg i saka: Nr. Tittel 1 Kartutsnitt områderegulering BV23, datert Andre saksdokument (ikkje vedlagt): -plan og bygningslova -arealdelen i kommuneplanen Saksopplysningar I F.sak 059/11 den bad formannskapet om at det vart laga ei sak med tanke på å starte opp arbeidet med reguleringsplan for å gje plass for barnehage i tråd med plasseringa dei valde. Vurdering: I kartutsnitt som fyl saka, datert , viser arealplanstatus i området. Det vil vere naturleg å ta med heile BV23 når ein no lagar reguleringsplan, men med noko utviding inn på landbruksområde i søraust for å vere sikker på at ein får til ei tomt til barnehage som tilfredstiller universell utforming. Såleis har ein stipla det området som må takast med no. Vi er no i ferd med å vedta regleringsplan for skule- og idrettsområde der det sør for fylkesvegen vert innregulert undergang. Statens vegvesen seier dette også må gjerast på nordsida. I arealdelen er det lagt inn gang- og sykkelveg aust for dagens tilkomst til Vinjehjellane. Midtbustvegen har ei svært uheldig utforming der den kjem inn på vegen til Vinjehjellane, og det er søkt om kommunal overtaking av denne vegen. Det kan og vere aktuelt å legge om nemnde veg og nytte den som tilkomst til barnehagen. Desse momenta talar for at område som no vert vedtatt regulert vert strekt heilt ned til fylkesvegen som den heiltrekte linja

12 viser. Mot Vinjehjellane ligg det og att eit område som ikkje er regulert der skogen fort tek overhand. Det vert i mange samanhangar prøvd å legge nye reguleringsavgrensingar inn til dei gamle slik at ein slepp striper som ikkje er regulert innimellom. Det er såleis fleire fordelar med å trekke reguleringsgrensa inntil reguleringsplanen for Vinjehjellane slik heiltrekt linje viser. Etter 12-1 i pbl skal kommunestyret sørge for at det vert utarbeidd reguleringsplan der det fyl av arealplanen eller er behov for å sikre forsvarleg planavklaring og gjennomføring av byggeog anleggstiltak. Reguleringsplan kan utarbeidast etter 12-2 som områderegulering eller 12-3 som detaljergulering. Begge deler kunne vore nytta her men truleg er det områderegulering som er mest tenleg. For regulering med vesentlege endringar i høve til vedtatt kommuneplan gjeld reglane i 4-2 om planbeskrivelse, evt. også konsekvensutredningar ved vesentleg virkning for miljø og samfunn. Sjølv om planområdet vert utvida til å omfatte heiltrekt linje vil formålsbruken i svært stor grad verte i tråd med arealplanen dvs. område for bebyggelse og anlegg, samferdselsanlegg og landbruk vert som det viser i planen. Årsaka til at mykje av landbruksområdet vert med er å legge om vegen ikkje nytte landbruksområde til anna enn landbruk. Utifrå dette kan ein ikkje sjå at 4-2 andre ledd gjeld. Kven skal så gjere arbeidet? Kompetansen til å gjere det finst innan samarbeidet mellom Norddal og Stordal ( TSSN ), men kapasiteten til å ta alle oppgåver fort nok er vel ikkje like god. Skal ein leige vil vel kostnaden fort kome opp mot kr, men då kunne prosessen truleg gått raskare. Skal vi gjere det sjølve er det vanskeleg å sjå føre seg at vi kan legge fram nokon plan til handsaming utan å måtte ta vinteren til hjelp. FRAMLEGG TIL VEDTAK: Stordal kommune vedtek å starte områderegulering i medhald av 12-2 for område vist med heiltrekt strek på vedlagde kartutsnitt datert

13 STORDAL KOMMUNE SAKSPAPIR Endeleg vedtaksorgan: Kommunestyret Saksansvarleg.: Stig Arne Busengdal Arkiv: FE-142 Objekt: Arkivsaksnummer 09/569 SAKSGANG Saksnr Styre, utval, komite m.m. Møtedato Saksbehandlar 010/11 Planutvalet LK 034/11 Kommunestyret SAB Jøsvoll- og Jøsvollsæter fritidsområde - Godkjenning av spesifikk utbyggingsavtale Vedlegg i saka: Nr. Tittel 1 Oversending av justert utbyggingsavtale - Jøsvoll og Jøsvollsæter fritidsområde 2 Vedlegg: Utbyggingsavtale Andre saksdokument (ikkje vedlagt): 1. Plan.sak nr 18/ K.sak nr 19/10. Saksopplysningar: Planutvalet vedtok i plan.sak nr 18/10, den , forslag til mal for spesifikk utbyggingsavtale innan Nørdalen arealplanområde. Reguleringsplanen m/føresegner for Jøsvoll- og Jøsvollsæter fritidsområde, gnr 137, bnr 1, 2 og 3 og gnr 138, bnr 1 og 2, vart vedteken i kommunestyret i k.sak nr 19/10 den Tufta i nemnde vedteken mal har det i etterkant av dette, og seinast i forhandlingsmøte den , vore gjennomført forhandlingar/drøftingar med berørte grunneigarar/utbyggjarar i Jøsvoll- og Jøsvollsæter fritidsområde for utarbeiding av spesifikk utbyggingsavtale for dette området. Frå grunneigarane/utbyggjarane møtte Per Ivar Moe, Harald Jøsvoll, Per Kåre Sæter og Martin Sæther. Frå den femte berørte grunneigaren, Ola Jøsvoll, låg det i møte føre fullmakt til Harald Jøsvoll til å ivareta hans interesser i møtet.

14 Frå kommunen møtte leiar i forhandlingsutvalet Charles Tøsse og nestleiar varaordførar Jonas Falch samt konsulent Leif Kirkebøe. Etter nemnde forhandlingar/drøftingar med dei berørte grunneigarane/utbyggjarane, vart det til sistnemnde utsendt eit forslag til spesifikk utbyggingsavtale ved følgjeskriv av der det det vart bedt om at ev merknader til avtaleutkastet var kommunen i hende innan Det vart i følgjeskrivet elles gjort greie for den vidare framdrift i-/handsaming av saka, sjå vedlegg. Det kom ikkje inn merknader frå grunneigarane/utbyggjarane til avtaleutkastet, og i samsvar med plan- og bygningslova 17 4 vart den då framforhandla avtalen lagt ut til offentleg ettersyn i 30 dagar, med kunngjering i Bygdebladet, Sunnmørsposten og på kommunen si heimeside. På heimesida vart dessutan sjølve avtaleutkastet utlagt til gjennomsyn. Elles vart avtaleutkastet fysisk lagt ut til gjennomsyn på servicekontoret. Merknadsfristen i høve den offentlege utlegginga går ut Det har så langt ikkje innkome merknader. I høve til planutvalet sin vedteken mal for spesifikk utbyggingsavtale, vart det etter nemnde forhandlingar med grunneigarane/utbyggjarane i Jøsvoll- og Jøsvollsæter fritidsområde, gjort desse endringane/justeringane: I pkt 3 siste avsnitt: Indeksreguleringsperioden vart endra frå 3 år til 10 år. 10 år er i dag den mest vanlege perioden for indeksregulering av slike avtalar. I pkt 4, nytt avsnitt 2: Her kom inn eit avsnitt som slår fast at endring av eigarform ikkje skal utløyse plikt til innbetaling av eingongsbeløp. I dette ligg at om t.d. grunneigar i samband med ei utbygging ønskjer å omgjere utbyggingsprosjektet til t.d. eit AS, vil dette ikkje utløyse innbetaling av eingongsbeløp. Det er først ved sal eller feste til konkret tomtekjøpar med tanke på hyttebygging at denne innbetalingsplikta vert utløyst. Endringane er i avtalen merka kursiv. Vurdering: Under føresetnad av det innan utleggingsfristen ikkje skulle innkome avgjerande merknader til det framforhandla avtaleutkastet, vil rådmannen rå til at kommunestyret godkjenner avtalen i møtet den Grunneigarane har tilkjennegitt ønskje om at utbyggingsavtalen formelt kunne vere på plass til ferien. Også for kommunen vil det vere ønskjeleg at denne avtalen er på plass så snart som mogleg, ikkje minst med tanke på dei forhandlingar som skal finne stad seinare i høve ev andre føreståande utbyggingsprosjekt i arealplanområdet. Ettersom merksnadsfristen ved utsending av saka enno ikkje er ute, finn rådmannen ikkje å kome med innstilling i saka, men vil likevel skissere følgjande forslag til vedtak til bruk dersom det ikkje skulle kome inn avgjerande merknader innan utløp av høyringsfrist (20. juni) : 1. Stordal kommunestyre godkjenner vedlagde framlegg til spesifikk utbyggingsavtale for Jøsvoll- og Jøsvollsæter fritidsområde, gnr 137, bnr 1, 2 og 3 og gnr 138, bnr 1 og Ordførar underteiknar avtalen på vegner av kommunen. 3. Rådmann i samråd med ordførar får fullmakt til ev å gjere mindre endringar i avtalen.

15 FRAMLEGG TIL VEDTAK: *

16 STORDAL KOMMUNE SAKSPAPIR PLANSAK Endeleg vedtaksorgan: Planutvalet Saksansvarleg.: Stig Arne Busengdal Telefon: Arkiv: GNR/BNR- 144/5/5, FA-L42 Objekt: Arkivsaksnummer 10/604 SAKSGANG Saksnr Styre, utval, komite m.m. Møtedato Saksbehandlar 011/11 Planutvalet SAB Gnr.144 Bnr.5 Fnr.5 - Dag Flem Jacobsen - Dispensasjon frå bebygd areal (BYA) i reguleringsføresegnene. Vedlegg i saka Nr. Tittel 1 Gnr.144 Bnr.5 Fnr.5. Dag Flem Jacobsen. Søknad om tilbygg til eksisterande hytte. 2 Gnr.144 Bnr.5 Fnr.5 - Dag Flem Jacobsen - Søknad om tilbygg til eksisterande hytte 3 Tegninger 4 Gnr.144 Bnr.5 - Søknad om dispensasjon på tilbygg til eksisterande hytte 5 Gnr.144 Bnr.5 Fnr.5 - Dag Flem Jacobsen - Søknad om tilbygg til eksisterande hytte. Dispensasjon. 6 Utfyllande og korrigerande informasjon til dispensasjon søknad sendet Vedlegg til jnr. post 11/937 Bruksareal 8 Melding om tiltak.pdf 9 Reguleringsføresegner for veg Overøye - Langsætrane.pdf Andre saksdokument (ikkje vedlagt): -plan og bygningslova -arealdelen i kommuneplanen Saksopplysningar/vurderingar: I samband med utarbeiding av reguleringsplan for Veg Langsætrane Overøye vart og reguleringsføresegnene for hyttefelt H6 endra i tråd med intensjonane i arealdelplan for Nørdalen. I dette ligg m.a. at det i feltet no kan byggast større hytter. I reguleringsføresegnene pkt. 1.2 Størrelse, utnytting., heiter det m.a: Totalt bebygd areal (BYA) skal ikkje overstige 150 m2, eller maksimalt 20% av tomtestørrelsen. Største bygg kan maksimalt vere 120 m2 BYA. Det kan plasserast inntil 4 bygningar pr. tomt. Bygningane skal plasserast i tunform, og

17 maksimalavstanden mellom bygningar er 8 m. Det er kun lovleg med ei bueining pr. tomt. Tilleggsbygg kan vere uthus, anneks, garasje. Under pkt i reguleringsføresegnene er opna for at oppstugu og hems er tillatt, men at bruksarealet på hems maksimalt kan utgjer inntil 50% av bruksarealet i 1. etasje. Det kan og opplysast om at det i arealdelplanen for Nørdalen er opna for at det i nye utbyggingsområde for hytter kan totalt bebygd areal (BYA) vere inntil 200 m2, eller maksimalt 20% av av tomtestørrelsen. Største bygg kan maksimalt vere 150 m2 BYA. Gjennom skriv av søkjer eigar av gnr.144 bnr.5 festenr.5 Dag Flem Jacobsen om dispensasjon for tilbygg til eksisterande hytte. Søknaden er m.a. begrunna med følgjande:. Argumentasjonen for søknad om dispensasjon er med bakgrunn i hyttens totale størrelse. Det var i byggeåret 1982 ikkje tillatt å bygge kjeller og hems, noe som vi dermed måtte droppe. I dag er kjeller og hems helt vanlig. Vi har ikkje mulighet til å bygge kjeller og det vil ikkje bli pent å løfte tak for å bygge hems. Ser en på hyttene i området rundt har mange av disse et betydlig større bruksareal pga av kjeller og hems enn det denne hytte vil få. Etter vedlagte arealoppgåve vil omsøkt tilbygg til hytta medføre eit samla bebygd areal (BYA) på 147,4 m2, dvs ei overskriding med 27,4 m2 over maksimalt BYA i reguleringsføresegnene. Mynde til å gi dispensasjon er lagt til kommunen. Det kan giast dispensasjon frå lova, frå forskrifta og frå alle type planar, men ikkje frå sakshandsamingsreglane. Etter pbl , 2 ledd er det sett krav for dispensasjon at ikkje: hensynene bak bestemmelsen det dispenseres frå, eller hensynene i lovens formålsbestemmelse, blir vesentleg tilsidesatt. I tillegg må fordelene ved å gi dispensasjon være klart større enn ulempene etter en samlet vurdering Ordlyden inneber at det er oppstilt ein markert terskel, der ein må ansjå moglegheita for dispensasjon som forholdsvis snever. Om vilkåra for dispensasjon er oppfylt må bero på eit konkret skjønn. Etter pbl 19-2, 3. ledd skal det: Ved dispensasjon frå loven og forskrifter til loven skal det legges særlig vekt på dispensasjonens konsekvenser for helse, miljø, sikkerhet og tilgjengelighet. Dei ulike arealplanar er blitt til gjennom omfattande prosessar etter reglar om offentligheit, samråd og medverknad og vedtatt av kommunen sitt øvste folkevalte organ, kommunestyret. Det skal derfor ikkje vere kurant å fråvike gjeldande planar. Ein vanleg situasjon er at tiltaket det blir søkt om dispensasjon for isolert sett ikkje betyr så mykje, men dersom dispensasjonen skapar presedens, vil omsynet som ligg bak planen kunne bli vesentleg tilsidesett. Ein dispensasjon må altså ikkje undergrave planen som grunnlag for avgjerd. Det kan altså ikkje reknast som ein fordel i lova sin forstand at ein familie får større plass å bo på. Slike fordelar er så generelle at ein heller bør vurdere ei planendring slik at graden av utnytting i området generelt kan aukast. I forkant av rulleringa av arealdelplan for Nørdalen var det gitt ein rekke dispensasjonar på arealstorleik på hytter. Gjennom rullering av arealdelplanen vart størrelsen på hytter auka og tilpassa areal som var vanleg i andre hyttekommunar det var naturleg å samanlikne seg med. Etter at rulleringa av arealplan for Nørdalen var sluttført, har det ikkje vore gitt dispensasjonar på arealstorleiken av hytter (BYA/BRA) i planområdet. Spørsmålet blir her om fordelen ved å gi dispensasjon vil vere klart større enn ulempa etter ei samla vurdering.

18 Etter ei samla vurdering meinar ein at fordelen ved å gi dispensasjon vil vere klart mindre enn ulempa, her særleg vektlagt at tiltaket med tilbygg til hytte er så generelt at det vil skape presedens og undergrave planen som grunnlag for avgjerd. FRAMLEGG TIL VEDTAK: I. Med heimel i plan- og bygningslova 19-2 finn Stordal kommune ikkje å kunne gi dispensasjon frå reguleringsføresegnene pkt. 1.2 Størrelse, utnytting for omsøkt tilbygg til hytte på gnr. 144 bnr.5 festenr.5. Avslaget er grunngitt med at fordelen ved å gi dispensasjon vil vere klart mindre enn ulempa, her særleg vektlagt at tiltaket med tilbygg til hytte er så generelt at det vil skape presedens og undergrave planen som grunnlag for avgjerd. II.

19 Side 1 av 19