EID KOMMUNE REGULERINGSPLAN. Tilkomstveg for bustadfeltet Hogaåsen/Langelandsåsen. (Reguleringsendring) Mai 2014 Prosjekt nr: , fase 323

Transkript

1 EID KOMMUNE REGULERINGSPLAN Tilkomstveg for bustadfeltet Hogaåsen/Langelandsåsen (Reguleringsendring) Mai 2014 Prosjekt nr: , fase 323

2 PROSJEKT NR. PROSJEKTNAMN Nordfjordeid Vassverk FASE FASENAMN 323 Omregulering veg til bustadfelt TITTEL DENNE RAPPORTEN DATO: SIDETAL: Reguleringsplan tilkomstveg Langelandsåsen/Hogaåsen (reguleringsendring) OPPDRAGSLEIAR HJÅ ASPLAN VIAK: OPPDRAGSGJEVAR: Karl Erik Johnsen Eid komune PROSJEKTMEDARBEIDARAR HJÅ ASPLAN VIAK: Hanne Lønmo Håvard Nordaunet Nils Husabø EKSTRAKT : Tilkomstvegen frå E39 til bustadfeltet Hogaåsen/Langelandsåsen (plan vedteken i 2009) er delvis omlagd og elles tilpassa ny vegplan. Målet med endringa er å få til betre terrengtilpassing, enklare utbygging (massebalanse) og å få betre kurvatur på tilkomstvegen. Planen for bustadfeltet vert, så langt det gjeld tilkomstvegen, erstatta av denne planen. EMNEORD OG STIKKORD: Veglinje, terrengtilpassing, kulturlandskap Opprdagsleiar Kontroll Dato sign. Sign KEJ NH Asplan Viak AS Sognefjordvegen 40, 6863 Leikanger Telefon: Telefaks: E-post: leikanger@asplanviak.no Internett: Føretaksnr:

3 INNHALD: 1.0 Innleiing, s Bakgrunn, plansituasjon, s Planoppstart, innspel, s Omtale av planløysinga, s Konsekvensar av den endra løysinga, s ROS-vurdering, s.9 Føresegner, s.10 Vedlegg: Plankart - teikn.nr ,

4 1.0 INNLEIING I samband med trong for omlegging av regulert tilkomstveg mellom E39 og planlagt bustadfelt Hogaåsen Langelandsåsen, har Asplan Viak Leikanger, på vegner av Eid kommune, utarbeidd framlegg til reguleringsendring. Skissa nedom til høgre syner med stipla line avgrensinga av det varsla planområdet, jf. sak 052/13, i kommunestyret. På skissa til venstre er denne avgrensinga lagd inn på utsnitt av gjeldande plan (vedteken 2009). Skissa syner såleis heile den opphavleg planlagde vegen frå E39 (nede til høgre på skissa) og opp til det planlagde bustadfeltet. Strekkja frå varsla planområde og ned til E39 vart seinare teken inn i planarbeidet. Her er det ikkje snakk om vesentleg endringar i vegføringa - berre mindre tilpassingar til vegplanen - som no er utarbeidd meir i detalj. 2.0 BAKGRUNN, PLANSITUASJON Bakgrunnen for planarbeidet er at det, under prosjektering av tilførslevegen, kom fram at den planlagde veglinja vil gi uhøveleg store fyllingar i det aktuelle området ei justering av linja var difor ynskjeleg, slik at vegen vert liggande betre i terrenget. Vegbygginga vil dessutan ta kortare tid, og vere meir kostnadseffektiv dersom vegen ligg slik til at den krev mindre masse til fyllingar. Flytting av veglinja vil også føre med seg at ein får retta ut svingane på strekninga, noko som vil gi ein tryggare veg på vinterstid. Gjeldande plan 2009-planen omfattar heile det planlagde bustadområdet Hogaåsen Langelandsåsen med tilkomstveg frå E39. Planen vart vedteken av kommunestyret i 2009, sak 65/09.(«2009-planen») og er seinare endra nokre gonger, sist i APL-sak 123/11. 4

5 Området som vert rørt av endringa er, utanom det som alt ligg inne i 2009-planen, for det meste avsett til LNF-A-område i arealdelen av kommuneplanen, dvs. landbruks-, natur- og friluftsområde med høve til spreidde næringsbygningar. 3.0 PLANOPPSTART, INNSPEL I samsvar med plan- og bygningslova 12-3 og 12-8 vart planarbeidet varsla i august 2013; gjennom annonsering og dessutan i eige brev til følgjande: Statens vegvesen, Askedalen 4, 6863 Leikanger Fylkesmannen i Sogn og Fjordane, Njøsavegen 2, 6863 Leikanger Sogn og Fjordane Fylkeskommune, Askedalen 2, 6863 Leikanger Sogn og Fjordane Fylkeskommune, kulturavd. Boks 173, 6801 Førde Grunneigarar etter eiga liste frå kommunen gards-/bruksnummera går fram av kartet over. Det kom innspel/merknad frå: Statens vegvesen dags Remme/Navelsaker (gbnr. 46/18 og 46/33) v/adv. Stautland m.fl. Fylkesmannen Statens vegvesen har ikkje merknader til dei aktuelle endringane. Remme/Navelsaker peikar på at planendringa vil gje eit omfattande inngrep i eigedomen og ber om ei meir utdjupande grunngjeving. Dei ber og om at det vert synfaring. Fylkesmannen peikar på at planen må gjere greie for verknadene av tiltaket, spesielt vert nemnt landskap/estetikk og naturmiljø (t.d. naturmangfaldlova) og landbruk. Dei peikar og på at samfunnstryggleiken må ivaretakast gjennom ei oppdatering av ROS-vurderingane. Det er gjennomført synfaring saman med eigarane av gbnr.46/18,33 og som følgje av dette er den planlagde vegen no trekt noko lenger bort frå bustadhuset. Desse grunneigarane har og sett fram krav om støygjerde. 4.0 OMTALE AV PLANLØYSINGA Generelt Skildringa er knytt til: Plankart teikn og tilhøyrande føresegner. Plankart og føresegner vil, etter vedtak om planen, vere juridisk bindande for arealbruken (i samsvar med plan- og bygningslova) og gje grunnlag for gjennomføring. Gjeldande reguleringsplan (2009-planen) i dette området vert oppheva. 5

6 Vegomlegging Det er utarbeidd teknisk vegplan, som ligg til grunn for reguleringsplanen. Framlegg til ny vegplanen lagt oppå reguleringsplanen frå 2009 endeleg vegplan er justert litt. Utsnittet over syner hovudtrekk i endra vegtrase (så langt gjeld øvre del), skissert oppå planen. Vegen kjem opp til om lag 50 meter lenger nord enn i 2009-planen. Det vert dessutan endring i avkøyrslene for tilpassing til den nye traseen. Vegen herifrå og vidare ned til E39 er ikkje omlagd, men regulert areal er justert/utvida noko med tanke på terrengtilpassing - og for å få fram dei reelle terrenginngrepa som trengst. Planavgrensing og arealbruksføremål elles Alt areal som den gamle planen omfattar og i tillegg mellomarealet mellom gamal og ny trase er teke med, slik at den nye planen erstattar den gamle heilt. For å sikre at det er heimel for å gjennomføre vegprosjektet på ein best mogleg måte, er det dessutan lagt inn mellombels anleggsområde langs vegen. Arealet som ikkje vert vegareal, fortau eller annan veggrunn, er lagt ut til andre føremål (delvis kombinasjon med "mellombels anleggsområde") med utgangspunkt i arealbruken som ligg i gjeldande tilgrensande arealplanar/planarbeid, ev. i faktisk arealbruk. 6

7 5.0 KONSEKVENSAR AV DEN ENDRA LØYSINGA Denne nye planløysinga er vurdert til ikkje å endre konsekvensane på nokon negativ måte, i høve til det som alt ligg inne i 2009-planen. Tema der den nye planen kan ha noko å seie når det gjeld konsekvensar, er omtala nærare nedanfor: Trafikksystem Det er, som i 2009-planen, lagt inn gangbane langs heile tilkomstvegen, men det er ei justering ved at eit ei kort strekning (i sør) som var gangveg (dvs. med rabatt mot køyrevegen) no vert endra til fortau slik at det vert lik løysing heile vegen. Dei 4 avkøyrslene (privat/felles veg) i planen er tilpassa den omlagde vegen. Rekkjefølgjereglar i føresegnene sikrar at tilknytinga i riksvegen (E39) får tilfredstillande standard når bustadfeltet vert teke i bruk. Flytting av veglinja vil også føre med seg at ein får retta ut svingane på strekninga, noko som vil gi ein tryggare veg på vinterstid. Terrengtilpassing Den planlagde veglinja (2009-planen) ville, som nemnt, gje uhøveleg store fyllingar. Denne omarbeidde planen gjev ei betre terrengtilpassing i tråd med målet for dette reguleringsarbeidet. Samstundes er den nye løysinga betre vegteknisk/økonomisk pga. betre massebalanse. Landbruk Som nemnt vert øvre del av vegen flytt mot nord. Han vert då liggjande i overgangen mellom innmark og skog og deler ikkje innmarka på den måten han gjorde i 2009-planen. Planen omfattar fleire avkøyrsler - m.a. avkøyrsle mot aust for gbnr. 46/18 og 49/3, og vegomlegginga krev endring også her. Kommuneadministrasjonen hadde merknad til eit førebels framlegg, som dei meinte ville gje for stort tap av landbruksjord på gbnr. 49/2 (e-post ). Tapet ville bli m2. Løysinga er no endra ved flytting av avkøyrsla og tilpassing med noko brattare vegar vidare mot eigedomane. Tap av landbruksareal er halvert, og løysinga har framleis bra vegteknisk standard ved at desse private vegane framleis kan byggjast flatare enn 10% - 1:10. 7

8 Kulturminne Registrerte kulturminne i området. Myroldhaug til venstre og Osnes til høgre på biletet. Raud trekant viser SEFRAK registrerte kulturminne eldre enn 1850 og meldepliktige jf. kml 25. Gul trekant viser kulturminne frå tida etter 1850, medan grå trekant viser ruinar eller fjerna kulturminne. Kjelde: Det er registrert kulturhistorisk bygningsmiljø i tuna på Myroldhaug og Osnes. Dette er bygningar knytt til gardsbusetnaden på staden attende til 1800-tallet. Veglina vert ikkje i konflikt med og heller ikkje nærare desse enn ho er i 2009-planen. I det aktuelle området er det ikkje kjende automatisk freda kulturminne. Det er heller ikkje opplysningar om gjenstandsfunn frå desse gardane i gjenstandsbasen MUSIT. I planen er allereie samanhengen i den attverande delen av utgarden (steinmur) skipla ved at vegen tek ca. 75 meter av garden. Endringa no vil fjerna ytterlegare opp mot 60 meter. I tillegg må ei utløe rivast (markert med blå sirkel på biletet over). Denne ligg ikkje i SEFRAK-registeret. Den delen av utgarden som no vert borte, ligg rett bak utløa ca. 20 m vestover og 40 m austover frå løa. Tilhøva kring bygningen og utgarden har vi teke uformelt opp med fylkeskulturkontoret, utan at det så langt har kome fram at inngrepa er av stor negativ tyding for kulturminne/kulturlandskap. Vegen vil sjølvsagt vera eit merkbart inngrep i kulturlandskapet, men den endra traseen gjer at han vil koma meir i utkanten av det dyrka området og få større avstand til gardstuet i midten (sjå biletet over). Vegen i 2009-planen ville gjeve større terrenginngrep i kulturlandskapet. Samla konkluderer vi med at den nye løysinga er like god som, eller betre enn, 2009-planen når det gjeld kulturlandskapsverdiane. Ein kjenner, som nemnt, ikkje til automatisk freda kulturminne i sjølve planområdet. Eventuelle funn ved gjennomføring av planen, må straks varslast fylkeskommunen og alt 8

9 arbeid stansast til vedkomande styresmakt har vurdert funna, jf. 8 2.ledd i Kulturminnelova (meldeplikta). Konsekvensar bustadeigedomar langs planlagd veg, støytilhøve mm. Huset på bustadeigedomen gbnr.46/18 kjem no på det næraste ca. 22,5 meter frå regulert vegkant mot ca. 21 meter i gjeldande plan (2009-planen) Naboeigedomen gnr. 46 bnr. 2 og 33 vil verte ubrukande slik som vegen no er foreslått lagt, og kan reknast som tapt. I 2009planen tok vegen omsyn til denne eigedomen ved at veglina ligg langs sørgrensa av han på same måte som den gamle gardsvegen. Elles er det ikkje vesentlege endringar i når det gjeld konsekvensar for bustader. 6.0 ROS-VURDERING ROS (Risiko og sårbarheit) skal vurderast i alle reguleringsplanar. Den planen som no vert erstatta, vart vedteken i Vi vurderer det slik at endringane ikkje vil gje vesentleg forverring når det gjeld ROS. Omlegginga har ein positiv effekt ved at utretting av veglinja vil gi ein tryggare veg særleg på vinterstid. 9

10 Leikanger REGULERINGSPLAN TILKOMSTVEG FOR BUSTADFELTET HOGAÅSEN - LANGELANDÅSEN (Reguleringsendring) FØRESEGNER Planen inneber oppheving (endring) av del av: REGULERINGSPLAN FOR HOGAÅSEN OG LANGELANDSÅSEN, vedteken i K-sak 065/09, m/endring i K-sak 117/09, og i APL-sak 123/11 av GENERELT Desse føresegnene gjeld for området innanfor reguleringsgrensa på plankartet (teikn , ). Utbygging av området skal skje i samsvar med plankartet og føresegnene. Føresegnene kjem i tillegg til reglane i plan- og bygningslova med forskrifter, samt vedtekter til plan- og bygningslova vedtekne av kommunestyret i Eid. Etter at desse føresegnene er vedtekne, er det i planområdet ikkje tillate å inngå privatrettslege avtalar i strid med reguleringsføresegnene. Området er regulert til følgjande formål: Bygningar og anlegg Bustader Allmennyttig førmål Næring/tenesteyting Industri/lager Kombinert: park/leik/idrett/sport/turveg Grønstruktur Turveg Landbruks-, natur- og friluftsområde Friluftsføremål Landbruk med spreidde næringsbygningar Samferdsleanlegg og teknisk infrastruktur Veg Køyreveg Fortau Annan veggrunn tekniske anlegg (grøft, skjering, fylling m.m.) Omsynssoner Sikringssone frisikt 10

11 RpBestemmelseOmråde (pbl 12-7) Mellombels anleggsområde 2. FELLES FØRESEGNER 2.1 Teknisk/økonomisk plan Det må utarbeidast teknisk/økonomisk plan over området før utbygging kan ta til. Reglane om dette i plan Hogaåsen Langelandsåsen, opphavleg vedteken i 2009 (K-sak 065/09), gjeld elles så langt det høver. 2.2 Rekkefølgje for utbygging av området Kryssområdet med E39 må vere opparbeidd i tråd med planen før bustadfeltet knytt til tilkomstvegen kan byggjast ut. Reglane om rekkjefølgje i plan Hogaåsen Langelandsåsen, opphavleg vedteken i 2009 (K-sak 065/09), gjeld elles så langt det høver. 2.3 Støy Områda langs vegen skal ev. sikrast mot vegtrafikkstøy i samsvar med gjeldande forskrift. Byggjegrenser 3. BYGNINGAR OG ANLEGG (pbl 12-5, 1), GRØNSTRUKTUR (pbl. 12-5,3) Bygningar og anlegg og turveg (i samsvar med tilgrensande planar/arealbruk). Desse områda er delvis kombinerte med mellombels anleggsområde (jf. 6.2) 4. LANDBRUKS-, NATUR OG FRILUFTSOMRÅDE (pbl 12-5, 5) Landbruksområde - delvis kombinert med mellombels anleggsområde (jf. 6.2) Friluftsformål, i samsvar med plan for Hogaåsen Langelandsåsen. Området er kombinert med mellombels anleggsområde (jf. 6.2) 5. SAMFERDSLEANLEGG OG TEKNISK INFRASTRUKTUR (pbl 12-5, 2) 5.1 Generelt Terrenginngrep i samband med trafikkområde skal skje varsamt. Vegskjeringar og fyllingar mm. skal opparbeidast og ferdigstillast i samband med veganlegget. 5.2 Køyreveg, offentleg Det skal utarbeidast detaljplan for opparbeiding. Detaljtilpassing av arealbruken kan skje innanfor dei samla regulerte trafikkføremåla. For området mellom frisiktline og køyreveg/ev.fortau (frisiktsona) gjeld reglane i pkt Fortau, offentleg Areala er avsett til offentleg fortau. 11

12 5.4 Annan veggrunn tekniske anlegg Dette formålet omfattar areal som naturleg høyrer til vegane, som grøft, skjering, fylling og anna. 5.5 Private/felles vegar V1 er avsett til privat veg for gbnr. 49/2. V2 er avsett til privat/felles veg for gbnr. 46/18 og 49/3. For området mellom frisiktline og køyreveg/ev.fortau (frisiktsona) gjeld reglane i pkt OMSYNSSONER MM. 6.1 Sikringssone frisikt (markert berre med siktliner) I området mellom frisiktline og køyreveg/ev. fortau (frisiktsona) skal det vere fri sikt i ei høgd på 0,5 meter over nivået til dei tilstøytande vegane. Kommunen kan krevje sikthindrande vegetasjon og gjenstandar fjerna. Høgstamma tre, trafikkskilt og lysmaster med diameter inntil 30cm kan plasserast i frisiktsona. 6.2 Mellombelse anleggsområde RpBestemmelseOmråde Mellombelse anleggsområde er regulerte til andre føremål, men i gjennomføringsperioden for veganlegget kan det i områda gjerast masseflytting og andre anleggstiltak i samband med vegbygging, under dette planering. Innanfor områda kan det lagrast vegetasjons-massar i samband med vegbygginga. Inngrepa skal gjennomførast med varsemd, og alle desse områda skal når veganlegget er fullført, setjast i stand til det permanente føremålet som er gjeve i planen. 12