SÆRUTSKRIFT AV MØTEBOK

Transkript

1 SENTRALADMINISTRASJONEN Postadresse: Klepp kommune Postboks Kleppe SÆRUTSKRIFT AV MØTEBOK Behandla i: Møtedato: Sak nr: Hovudutval for lokal utvikling /16 Saksbehandler: Peter Willmann Arkiv: L12 Arkivsak: 12/ PLANID REGULERINGSPLAN (DETALJ) - GANG- OG SYKKELVEG - FV 507 ORRE - HÅ GRENSE Saka gjeld Saka gjeld regulering av 4,5 km gang- og sykkelveg langs Nordsjøvegen frå Hå kommunegrense til krysset med Orrevegen rett sør for Orre gamle kyrkje. Gang- og sykkelvegen er allereie opparbeidd i Hå frå krysset med fv. 44 på Søyland til kommunegrensa. Siste parsell av gang- og sykkelvegen i Hå, frå avkøyringa til Nærlandparken til kommunegrensa med ei ny bru over Saltekanalen, blei ferdig i oktober Nordsjøvegen er ein del av nasjonal turistveg Jæren. E-post: postmottak@klepp.kommune.no Sentralbord: Organisasjonsnummer: Barna vår framtid

2 Historikk - Tidlegare behandlingar 1. Forslag til reguleringsplan datert utarbeidd av Statens vegvesen vart lagt fram til første gongs behandling i hovudutval for lokal utvikling den sak 59/15. Etter forslag frå Arne Madland frp blei saka einstemmig utsett. Under drøfting av saka før utsettingsvedtaket kom det fram politisk signal om at tiltakshavar Statens vegvesen burde informera om og drøfte planforslaget i eigne møter med aktuelle grunneigarar. Informasjonsmøte for grunneigarar på Orre skule 25. juni 2015 Statens vegvesen informerte om planforslaget på grunneigarmøte i mediateket på Orre skule torsdag 25. juni. Etter ei generell orientering om planen gjekk vegvesenet gjennom kvar aktuell eigedom med utsnitt av plankart, omtale av endringar i avkøyringstilhøve, arealforbruk og andre konsekvensar av planen for den enkelte grunneigaren. Nesten alle grunneigarane møtte opp og nytta høve til å stille spørsmål. Det kom og klare tilbakemeldingar på sanering av enkelte avkøyringar som, etter grunneigarane sitt syn, gjer det vanskeleg å drive landbruksnæringa. Statens vegvesen endra planforslag med bakgrunn i innspel frå informasjonsmøtet Tiltakshavar Statens vegvesen har, med bakgrunn i tilbakemeldingar på informasjonsmøtet, revidert planforslaget på fleire punkt. Det er dette reviderte planforslaget som dannar grunnlaget for ny 1. gongs behandling i hovudutval for lokal utvikling i møte 24. november Kommunalsjef for lokal utvikling la fram det justerte planforslaget til hovudutval for lokal utvikling i møte den sak 103/15 med følgjande innstilling: Hovudutval for lokal utvikling vedtek i samsvar med plan- og bygningslova å leggja forslag til PlanID 8170 detaljreguleringsplan for gang- og sykkelveg langs fv 507 Orre Hå grense med tilhøyrande planbestemmelsar og planomtale, alle datert , ut til offentleg ettersyn. Under drøfting av saka blei følgjande omforent forslag til vedtak «Saka blir utsett» samrøystes vedtatt. 3. Kommunen bad om eit drøftingsmøte med Statens vegvesen. På møtet deltok leiar og nestleiar i hovudutvalet. Det blei drøfta ulike sider av saka, m.a. jordvernspørsmål. For ytterlegare informasjon om møtet viser vi til vedlagt møteprotokoll utarbeidd av Statens vegvesen. 4. Kommunen tok opp spørsmålet om bevaring av nyare kulturminner langs den aktuelle reguleringsplanen i eige møte den med kulturavdelinga i Rogaland fylkeskommune. Referatet frå møtet ligg ved saka. 5. Kommunen laga eit forenkla planforslag for at Statens vegvesen kunne vurdere ei alternativ planløysing for gang- og sykkelvegen ved å legge gang- og sykkelvegen på austsida av fylkesvegen på strekninga rett sør for Vik fram til krysset med Orrevegen. Det blei og laga snitt som viser arealforbruk ved ulik breidde på både rabatten og gang- og sykkelvegen. Statens vegvesen har i seinare svarbrev omtalt kommunen sitt alternativ på austsida av Nordsjøvegen som Alternativ B1 (med 3 m rabatt) og Alternativ B2 (med 1,5 rabatt og kantstein) 6. Statens vegvesen svarte på dei ulike spørsmåla og innspela til alternative planløysingar som blei drøfta i møtet i eit 13 sider langt dokument «Plan 8170 Fv.507 Orre - Hå grense. Vurdering av alternative løysningar med gang- og sykkelveg på austsida av Nordsjøvegen nord for Vik tettstad o.a.». Dokumentet ligg ved saka. Kommunalsjefen vel å gjengi konklusjonen frå side 13. 2

3 Sitat: «Konklusjon Rogaland fylkeskommune har ønska at alle steingardar i området skulle vernast, men har akseptert fjerning av dei dårlege steingardane som ligg nord for Vik tettstad på vilkår av at alle steingardane sør for Vik vert verna. Det er ikkje noko som tyder på at Rogaland fylkeskommune vil endra dette synet. Utbyggingsavdelinga og Turistvegseksjonen i Vegdirektoratet vil ikkje akseptera fjerning av steingardane sør for Vik tettstad. Statens vegvesen - Vegavdeling Rogaland støttar dette synet og kan difor ikkje gå inn for endring av planforslaget sør for Vik tettstad. Statens vegvesen meiner og at det vil væra best om gang- og sykkelvegen langs fv.507 ikkje skifter side på strekningen mellom Hå grense og Orreelva. I saka er alle fordeler og ulemper med alternativa både når det gjeld jordvern, trafikktryggleik, driftstilhøve for gardbrukarar, Nordsjøvegen sin status som nasjonal turistveg, drifts- og vedlikehaldstilhøve for vegeigar, landskaps- og terrengtilhøve, inngrep i gardstun o.a. har Statens vegvesen kome til at ein bør velja alternativ A ved handsaming av saka i Klepp kommune Statens vegvesen kan ikkje tilrå løysing med smal trafikkdelar på nokon strekning innafor planområdet då det er svært lite jordbruksareal å vinna ved å ha slik løysing på den 750 m lange strekningen med fartsgrense 60 km/t nord for profil Statens vegvesen legg meir vekt på å få ei mest mulig trafikksikker løysing med 3,0 m brei grøft framfor å spara om lag 1,1 daa jordbruksjord på strekninga. Ein smal trafikkdelar med kantstein vil verta et framandelement på denne turistvegstrekninga. Forbruk av dyrka jord i Alternativ B1 er 8,4 daa større enn i alternativ A. Dette auka forbruket av jordbruksjord i alternativ B1 er rekna ut til å væra 68 % større enn i Alternativ A. Statens vegvesen legg vekt på dette og kan ikkje tilrå alternativ B1. Statens vegvesen kan heller ikkje tilrå alternativ B2 av omsyn til trafikktryggleiken for mjuke trafikantar. Statens vegvesen kan ikkje gå inn for løysing med fjerning av steingardar sør for profil 2400 av omsyn til vegens status som nasjonal turistveg og Rogaland fylkeskommune si fråsegn i saka. Statens vegvesen vegavdeling Rogaland kan ikkje gå inn for nokon fråvik frå gjeldande vegnormalar i denne saka.» Konklusjonen viser på ein oversiktleg måte Statens vegvesen sitt syn, og tilrår at planforslaget datert , bør bli løysinga som Klepp kommune skal gå inn for. Krav sett i overordna planar Regionplan for Jæren, vedteken og langsiktig grense jordbruk. Planområdet ligg i kjerneområde for landbruk. Kommuneplan for Klepp Gang- og sykkelvegprosjektet er ikkje vist i kommuneplanen fordi dette er eit fylkeskommunalt prosjekt. Gjeldande regulering Det er ingen reguleringsplanar i Klepp kommune i eller inntil planområdet. Reguleringsplanen for gang- og sykkelvegen mellom Nærland og grensa mellom Klepp og Hå blei vedteken i Avklaring i høve til forskrift om konsekvensutgreiing Klepp kommune har som ansvarleg planmyndigheit vurdert at planarbeidet ikkje kjem inn under FOR nr 855: Forskrift om konsekvensutredninger, 5. Utbyggingsavtale Planarbeidet er initiert av Statens vegvesen/rogaland fylkeskommune. Det er ikkje behov for å forhandla fram utbyggingsavtale. 3

4 Varsel om oppstart av planarbeid Statens vegvesen varsla oppstart av planarbeid i Jærbladet og i brev til grunneigarar, naboar og høyringsinstansar datert Fristen for merknader vart sett til Det har kome inn 12 merknader til varsel om oppstart. Merknadene er referert og kommentert i planomtalen utarbeidd av Statens vegvesen, sjå vedlegg. Medverknad Statens vegvesen og Klepp kommune inviterte til ope informasjonsmøte om reguleringsplanen i mediateket på Orre skule der det vart informert om førebels planutkast og planane for kulturminneregistreringar langs trasèen. Det møtte om lag 30 personar. På oppfordring frå hovudutval for lokal utvikling informerte Statens vegvesen om planforslaget datert på grunneigarmøte i mediateket på Orre skule torsdag 25. juni Etter ei generell orientering om planen gjekk vegvesenet gjennom kvar aktuell eigedom med utsnitt av plankart, omtale av endringar i avkøyringstilhøve, arealforbruk og andre konsekvensar av planen for den enkelte grunneigaren. Dei fleste av grunneigarane møtte opp og nytta høve til å stille spørsmål. Det kom og klare tilbakemeldingar til planforslaget. Tiltakshavar har valt å innarbeide ein god del innspel frå dei frammøtte i føreliggjande planforslag. Endringar gjort etter 1. gongs behandling På plankartet er det gjort desse endringane: - Det er regulert felles avkøyring ved profil Sjå føresegner 4 k. - Det er regulert avkøyring ved profil Sjå føresegner 4 l. - Det er teikna inn frisikt-soner i avkøyring ved profil Det er teikna inn avkøyring ved profil 3360 i staden for den som tidlegare var teikna inn ved profil Omtale av planforslaget Plan- og bygningslova slår fast at eit forslag til reguleringsplan består av tre element: Plankart, planbestemmelsar og planomtale. Statens vegvesen har utarbeidd ein ryddig og detaljert planomtale. Det kan vere ein fordel å lese gjennom vedlagt planomtale, før ein les vidare i saksutgreiinga. Vurdering av planforslaget Vegtrafikk Nordsjøvegen (fv.507) mellom Orrevegen og Hå kommunegrense har ei trafikkmengd på ÅDT. Fem andre fylkesvegar er knytt til fv.507 på strekninga. Det er: Orrevegen (fv.247), Ergavegen (fv.255), Vikvegen (fv.216), Åsevegen (fv.261) og Saltevegen (fv.258). Avstanden mellom desse kryssa er 700m, 1000m, 1600m og 900m. I tillegg til desse fylkesvegkryssa er det ein heil del avkøyringar til gardar og bustadhus på begge sider av vegen. I forslag til reguleringsplan har vegvesenet samla enkelte avkøyringar til same bruk i ein felles avkøyring. Under revisjon av planen til ny 1. gongs behandling har fleire avkøyringar blitt oppretthalde i høve til første planforslag for å lette køyring med store lastebilar. Det vil alltid vere delte meiningar om vegvesenet sin restriktive praksis når det gjeld å køyre ut i ein fylkesveg kor det kan vere høgt fartsnivå. Administrasjonen har ikkje merknader til forslag til avkøyringane slik dei er vist i reguleringsplanen, sjølv om det venteleg framleis vil bli diskusjon om enkelte avkøyringar. Nordsjøvegen (fv.507) er ein forkjørsveg med fartsgrense 80 km/t på den om lag 1700 m lange strekninga sør for Orrevegen. Lenger sør er det ei 2200 m lang strekning med fartsgrense 60 km/t, medan den om lag 800 m lange delstrekninga lengst sør har fartsgrense 70 km/t. Fartsgrensa i området ved krysset med Orrevegen og Orre gamle kyrkje/brua over Orreelva har vore tema i fleire samanhengar, sist i hovudutvalet i august

5 Nordsjøvegen er skuleveg og ein del av Nordsjøsykkelruta ( Vegen er også del av hovudrutenettet for sykkel i Klepp kommune og del av nasjonal sykkelrute (grønt skilt nr. 1). Dagens vegbredde varierer mellom 4,7 og 5,7 m på strekninga der det skal byggjast gang- og sykkelveg. Vegen har to køyrefelt, men på grunn av vegbredda er vegen ikkje merka med gul midtstripe. I dette gang- og sykkelvegprosjektet skal det ikkje gjerast noko med standarden på køyrevegen. Det er ikkje gatelys på strekninga i dag. På strekninga mellom Nærland og grensa med Klepp er det sett opp gatelys. Jordvern Klepp er ein av Norges største landbrukskommunar. All dyrka og dyrkbar jord ligg i den beste klimasonen. Regjeringa har nyleg sett endå klarare mål for å få redusert avgangen av dyrka jord. Jorda langs Nordsjøvegen er godt eigna til matproduksjon. Jordverntanken står sterkt på Jæren utover at det er eit nasjonalt ansvar. Det har kome politiske signal frå lokalpolitikarane som å gjere dei grep ein kan for å redusere avgangen av jord. Kommunen kan og utfordre vegnormalen som krev 3,5 m som minimumsbreidde for gang- og sykkelvegar (3,0 m asfalt + 2 x 0,25 m vegskulder). Det er ikkje lenge sidan at standarden var 3,0 m (2,5 m asfalt + 2 x 0,25 m vegskulder), og store deler av gang- og sykkelvegnettet på Jæren fungerer godt med denne standarden. I Vegdirektøren sitt prosjektdirektiv dagsett 26.april 2004 om satsingsområdet Nasjonale turistveger , det gitt høve til å fråvike vegnormalen. Det er uheldig med den visuelle ubalansen mellom ein brei (og «fin») gang- og sykkelveg og ein smal og nedslept fylkesveg. Kommunen meiner at det kan søkjast om fråvik frå vegnormalen for å redusere breidda på gang- og sykkelvegen. Ein halv meter med mindre breidde på om lag 4 km gang- og sykkelveg vil kunne utgjere inntil 2 dekar mindre tap av matjord. Mellom pel 1780 og pel 2280 på Vik vel kommunen å følgje planforslaget frå Statens vegvesen med full breidde på 3,5 m. Her kan ein vente størst bruk av gang- og sykkelvegen og traseen ligg langs tuna der areala ikkje er i bruk til matproduksjon. Kulturminnevern Statens vegvesen sitt turistvegvegprosjekt er basert på å vise naturen og det kystnære kulturlandskapet på Jæren. Steingardane er karakteristiske for Jæren kor det er mangel på tre som alternativ inngjerding av eigedomane. Som bilturist langs Nordsjøvegen har steingardar vinkelrett på vegen ned mot sjøen klart størst opplevingsverdi. Steingardane understreker at Jæren ikkje er flat, dei får fram den svakt bøljande landskapet som er så typisk for Jæren. Steingardane langs vegen er av ymse kvalitet. Dei er tydeleg svekka av vegvedlikehaldet og turistvegstatus endrar ikkje vedlikehaldsansvar eller vedlikehalds-rutinane for vegkantane for ein aktiv fylkesveg. Det er og avgrensa autentisitet i å lø steingarder opp på nytt som følgje av anleggsarbeid. Planforslaget til Statens vegvesen viser at dei langsgåande steingardane nord for Vik skal fjernast. Dei langsgåande steingardane sør for Vik er av ymse kvalitet og tilstand. Kommunalsjefen meiner difor at dei alle dei langsgåande steingardane i eit heilskapsperspektiv må vike for krav til jordvern og krav til trafikktryggleik (sikt og påkøyringsfare). Det kan diskuterast om oppsetting av lysmaster som på strekninga Nærland grensa til Hå er i tråd med turistvegsatsinga. Nordsjøvegen er, i motsetnad til historiske fjellovergangar 5

6 (Aurlandsfjellet) ein hovudveg gjennom eit høgproduktivt jordbrukslandskap som er basert på spreidd busetnad. Det må difor vere ei avveging mellom kulturminne- og landskapsvern og tiltak som klart aukar tryggleiken for mjuke trafikantar. Statens vegvesen sin standard for nye gang- og sykkelvegar seier at gatelys skal følgje med. Planforslaget skal ha vore drøfta med turistvegadministrasjonen. Kommunen har forstått at lysmastene skal plasserast på austsida av køyrevegen. Då har ikkje administrasjonen merknader til lyssetting. Mjuke trafikantar/konsekvensar for barn og unge Tiltaket er udelt positivt. Barn- og unge får høve til å delta i ulike aktivitetar når dei trygt kan ta seg fram på sykkel utanom rutetida for skulebussen, og treng ikkje vere avhengig av å bli køyrt av føresette. Reguleringsplanen løyser ikkje faremoment som oppstår når mjuke trafikantar skal krysse fylkesvegen for å kome til vegane austover mot Pollestad. Aktiv og trygg Bruk av sykkel gir mosjon og dette er god folkehelse. Klima- og miljøpåverknad/ Bruk og berekraft Tiltak for å auke trygg sykkeltrafikk som alternativ til å bruke bil eller buss er det mest konkrete ein kan gjere for å redusere bruk av fossilt drivstoff i ytre delar av kommunen. Så lenge det bur folk på gardane vil det vere behov for ein trygg skuleveg og at barn kan ta seg fram til aktivitetar på eiga hand. Romsleg og robust Vegtiltak innafor kjerneområde landbruk vil alltid vere i konflikt med jordverntanken. Samtidig er det slik at gardane som gjer at jorda på Jæren blir driven så intensivt ligg spreidd. Samfunnet må då ta sin del av ansvaret for gode livsvilkår for dei som driv jorda og sørgje for at dei og deira barn har likeverdige høve til trygg skuleveg som alle andre tek for gitt. Eit aktivt jordbruk er avhengig av tungtransport både inn og ut av garden. Det er difor ikkje realistisk å redusere tungtransporten på Nordsjøvegen. Etablering av ein gang- og sykkelveg er dermed einaste måte å sikre mjuke trafikantar. Vurdering etter Lov om naturmangfald 8-12: Kommunen har gjennomført nødvendige vurderingar etter lov om naturmangfald Gangog sykkelvegen vil bli liggjande på fulldyrka mark eller hageareal. Det er ikkje registrert prioriterte naturtypar innanfor planområdet. Kommunen vurderer det slik at tiltaket ikkje medfører ein risiko for vesentleg skade for naturmangfaldet. Tiltaket vil etter kommunen si vurdering ikkje auke den samla belastninga på økosystemet. Det er dermed ikkje aktuelt med avbøtande tiltak. Risiko- og sårbarhetsvurdering Det er gjort ei grundig risiko- og sårbarhetsvurdering for prosjektet, denne er referert i planomtalen side vedlagt saka. Kommunen har avstått frå ei tverrfagleg PlanROS vurdering av planforslaget. Etter vår vurdering kjem ikkje dette gang- og sykkelvegprosjekt i konflikt med kommunen sin visjon Barna, vår framtid eller viktige verdiar som Aktiv og Trygg, Bruk og berekraft eller Romsleg og robust. Samfunnsøkonomi - ressursbruk Det vil alltid kome fram ønskje om planfri kryssing med undergangar. Det same gjeld ønskje om omlegging av fylkesvegen for å unngå inngrep i eigen eigedom. Det er og naturleg at ein vil behalde innarbeidde avkøyringar der dei ligg i dag. Kommunen har fylgt planprosessen nøye og er nøgd med at Statens vegvesen held seg til det primære målet med planarbeidet, å tryggje gåande og syklande langs Nordsjøvegen. Difor er det ikkje foreslått å bruke ressursar på undergangar, omlegging av køyrebanen eller andre fordyrande tiltak. Vegen har ein del lastebiltrafikk, og breie landbruksmaskinar kan skape farlege situasjonar for syklande. Men elles har vegen såpass låge trafikktal at det etter kommunen sitt syn ikkje er rett å bruke ressursar på å utvide eller flytte på hovudvegen. 6

7 Konsekvensar for Klepp kommune Prosjektet er initiert av Statens vegvesen/rogaland fylkeskommune. Bygging av denne gang- og sykkelvegen vil betre trafikktryggleiken for dei som ferdast langs strekninga. Konklusjon Styrking av jordvern er prioritert nasjonal politikk. Då må jordvern kunne gå framføre andre interesser. Med bakgrunn i klare politiske signal går kommunalsjefen inn for å fremje eit alternativt forslag til plan for å fjerna dei langsgåande steingardane sør for Vik for å redusere rabattbreidda til 3,0 m, lik standarden på resten av gang- og sykkelvegen. Dette vil medføre ei endring av planforslaget som Statens vegvesen har utarbeidd tidlegare strekninga mellom pel og pel Kommunalsjefen vel og å opne for å utfordre vegnormalen som krev 3,5 m som minimumsbreidde for gang- og sykkelvegar av omsyn til både jordvern og med tanke på den visuelle opplevinga (balansen mellom breidda på køyrevegen og på gang- og sykkelvegen).. Sjå og grunngjevinga under «Jordvern» lenger framme i saka. Kommunen sitt alternativ til planforslaget frå Statens vegvesen er å byggje gang- og sykkelveg med redusert breidde på 3,0 m. Kommunalsjefen rår difor Statens vegvesen til å godkjenne fråvik i saka slik at breidde på gang- og sykkelvegen kan minskast frå 3,5 til 3,0 m mellom pel og pel (nord og sør for Vik «tettstad») når vegvesen gjer uttale i saka ved offentleg høyring. Kommunalsjefen gjer merksam på at forslaga til endringane (fjerninga av steingardar på heile strekninga og redusert breidde for gang- og sykkelvegen frå 3,5 til 3,0 m) er bare sett fram i ord og ikkje vil bli teikna inn på plankartet før etter høyringa. Vedlegg: 1 5. Plankart i 5 delkart, datert Planbestemmelsar, datert Planomtale, datert Notat om planendringar frå Statens vegvesen, datert : Referat frå møte med Statens vegvesen : Referat frå møte med Rogaland fylkeskommune, kulturavdelinga : Dokument frå Statens vegvesen, datert : «Plan 8170 Fv.507 Orre - Hå grense. Vurdering av alternative løysningar med gang- og sykkelveg på austsida av Nordsjøvegen nord for Vik tettstad o.a.» 12: Prosjektregulativ dagsett 26.april 2004 om satsingsområdet Nasjonale turistveger Innstilling: Kommunalsjefen sitt forslag til vedtak: 1. Hovudutval for lokal utvikling vedtek i samsvar med plan- og bygningslova å leggja Statens vegvesen sitt forslag til PlanID 8170 detaljreguleringsplan for gang- og sykkelveg langs fv 507 Orre Hå grense med tilhøyrande planomtale og planbestemmelsar, alle datert , ut til offentleg ettersyn. Statens vegvesen rås til å godkjenne fråvik i saka slik at breidde på gang- og sykkelvegen kan minskast frå 3,5 til 3,0 m mellom pel og pel (nord og sør for Vik «tettstad») når vegvesen gjer uttale i saka ved offentleg høyring. 2. Hovudutval for lokal utvikling vedtek i samsvar med plan- og bygningslova å leggja kommunalsjefen sitt alternative forslag til PlanID 8170 detaljreguleringsplan for gang- og sykkelveg langs fv 507 Orre Hå grense med tilhøyrande planomtale og planbestemmelsar, alle datert , ut til offentleg ettersyn. Endringa i kommunalsjefen sitt forslag består i å fjerna alle steingardar langs fv.507 for at gang- og sykkelvegen skal kunne byggjast i 3,0 m breidde og i same avstand frå fv.507 som Statens vegvesen har foreslått på strekninga nord for 7

8 Vik tettstad der steingardane også skal fjernast. Endringa er sett fram verbalt og skal først innarbeidast i plankartet etter høyringa. Hovudutval for lokal utvikling den sak 38/16 Einstemmig VEDTAK: 1. Hovudutval for lokal utvikling vedtek i samsvar med plan- og bygningslova å leggja Statens vegvesen sitt forslag til PlanID 8170 detaljreguleringsplan for gang- og sykkelveg langs fv 507 Orre Hå grense med tilhøyrande planomtale og planbestemmelsar, alle datert , ut til offentleg ettersyn. Statens vegvesen rås til å godkjenne fråvik i saka slik at breidde på gang- og sykkelvegen kan minskast frå 3,5 til 3,0 m mellom pel og pel (nord og sør for Vik «tettstad») når vegvesen gjer uttale i saka ved offentleg høyring. 2. Hovudutval for lokal utvikling vedtek i samsvar med plan- og bygningslova å leggja kommunalsjefen sitt alternative forslag til PlanID 8170 detaljreguleringsplan for gang- og sykkelveg langs fv 507 Orre Hå grense med tilhøyrande planomtale og planbestemmelsar, alle datert , ut til offentleg ettersyn. Endringa i kommunalsjefen sitt forslag består i å fjerna alle steingardar langs fv.507 for at gang- og sykkelvegen skal kunne byggjast i 3,0 m breidde og i same avstand frå fv.507 som Statens vegvesen har foreslått på strekninga nord for Vik tettstad der steingardane også skal fjernast. Endringa er sett fram verbalt og skal først innarbeidast i plankartet etter høyringa. Rett utskrift, Karin Sandve Vereide møtesekr. Kopi til: Etat for lokal utvikling 8