Nissedal kommune. Møteprotokoll. Kommunestyret. Utval: Møtestad: Kommunehuset Dato: Tidspunkt: 18:00

Transkript

1 Nissedal kommune Møteprotokoll Kommunestyret Utval: Møtestad: Kommunehuset Dato: Tidspunkt: 18:00 Følgjande faste medlemmer møtte: Navn Funksjon Representerer Halvor Homme Ordførar AP Runa Vee Tveit Medlem AP Paul Willy Setane Medlem AP Andrea Fjalestad Medlem AP Hølje Haugsjå Medlem AP Tore Solli Medlem AP Kai Halvor Juva Medlem AP Geir Christian Enger Varaordførar KRF Bjarne Reime Medlem KRF Magne Haugsjå Medlem KRF Anne-Nora Oma Dahle Medlem SP Ian Parry-Jones Medlem SP Stein Skåli Medlem SP Inge Magnus Evja Medlem SP Knut Oddvar Nes Medlem SP Kristine Sandall Medlem H Jørgen Olav Nes Medlem FRP Følgjande medlemmer møtte ikkje: Navn Funksjon Representerer Følgjande varamedlemmer møtte: Navn Møtte for Representerer Følgjande frå administrasjonen møtte: Navn Stilling Sverre Sæter rådmann Frå saksnr.: 92/15 Til saksnr.: 98/15

2 Ved godkjenning av saksliste fremma ordførar framlegg om at sak 92/15 vart utsett. Ordføraren sitt framlegg vart samrøystes vedteken. Halvor Homme ordførar

3 Saksliste Utvalssaksnr PS 92/15 Innhald Saker til behandling Høyring av innbyggarane sine meiningar om kommunereform PS 93/15 Val til sakkunnig nemnd / sakkunnig klagenemnd - Eigedomsskatt PS 94/15 Val til forliksråd PS 95/15 PS 96/15 PS 97/15 PS 98/15 Referat- og drøftingssaker Val av representantar til eldrerådet Sak om stadnamn i Nissedal kommune Statens Vegvesen, region sør, grunnlagsdokument for utvikling av Riksveg 41

4 Nissedal kommune Arkiv: Saksmappe: Sakshandsamar: Dato: /92-9 Sverre Sæter Saksframlegg Utval Utvalssak Møtedato Kommunestyret 92/ Høyring av innbyggarane sine meiningar om kommunereform Fakta i saka: Fylkesmannen har sendt brev til kommunane i Telemark og minna om at kommunane må fatte eit vedtak om korleis dei vil høyre innbyggjarane i kommunereforma. Stortinget legg vekt på at innbyggjarane skal få god informasjon, bli involvert i samanslåingsprosessar og få høve til å kome med synspunkt og seie si meining. Fristen for kommunale vedtak om samanslåing er sett til 1.juli Høyringar må gjennomførast i god tid før dette. Kommunane kan gjere eit prinsippvedtak no, om kva for høyringsmetode dei vil nytte, sjølv om dei ikkje har alternativa klare. Sjølve høyringa kan ein gjennomføre seinare, når det ligg føre noko konkret som ein vil be om innbyggjarane si meining om. Høyring kan skje til dømes gjennom folkemøte, folkerøysting eller ved å gjennomføre ei innbyggjarundersøking. Kva for metode ein vil nytte må kommunen sjølv bestemme. Regjeringa tilbyr ei rammeavtale som kommunane kan nytte, eit opplegg for dei som vil gjennomføre innbyggjarundersøking. Regjeringa støttar alle slag innbyggjarundersøkingar med kr i høve til nokre føresetnader. Departementet vil utbetale tilskotet når første del av reformprosessen er ferdig, dvs. når faktainnsamlinga er summert og kommunen har fatta vedtak om alternativ og korleis innbyggjarane skal høyrast. Kommunal - og moderniseringsdepartementet har utarbeidd eit faktagrunnlag som syner korleis ein kan gjennomføre opinionsundersøkingar, og kva for metodar som er aktuelle å nytte. Dette ligg på kommunereform.no. Faktagrunnlaget tek for seg val av målgruppe, og samansetting av utvalet respondentar slik at det blir representativt for innbyggjarane. Datainnsamling kan skje gjennom telefonintervju eller spørjeskjema, og det er sett opp konkrete spørsmålsalternativ slik at kommunen på enkelt sett kan skreddarsy si eiga undersøking. For å syne korleis dette kan sjå ut, kan me syne til nokre eksempel på spørsmålsalternativ frå faktagrunnlaget: Tema 1: SYN PÅ KOMMUNESAMANSLÅING ALTERNATIV

5 (Situasjon 1: To kommunar har utarbeidd framlegg til kommunesamanslåing og innbyggjarane skal høyrest om dei er for eller imot denne samanslåinga. Her er to alternativ til korleis ein kan spørje innbyggjarane:) Q1a: X-kommune er no inne i ein prosess for å vurdere om kommunen bør slå seg saman med Y-kommune. Er du for eller imot denne samanslåinga? (Svaralternativ : For, mot, veit ikkje) Eller: Q1b: Kor negativ eller positiv er du til ei samanslåing mellom X-kommune og Y- kommune? (Svaralternativ : Svært negativ, ganske negativ, ganske positiv, svært positiv, veit ikkje) Faktagrunnlaget syner og eit tredje alternativ Q1c, der ein lister opp ulike alternativ og innbyggjarane vel det alternativet dei meiner er best. Tema 2: KONSEKVENSAR AV KOMMUNESAMANSLÅINGA (Denne sekvensen skal nyttast til å forstå kvifor folk er for/mot ein samanslåing, og måle styrka i argumenta. Nokre eksempel på spørsmål:) Q2a. Kommunane kan ha fleire mål for ei kommunesamanslåing. Eg ber deg no vele kva du meiner er dei tre viktigaste måla for ein framtidig kommune. ( Svaralternativa som blir lest opp eller lista opp: større fagmiljøer, økt kvalitet på dei kommunale tenestene, meir kostnadseffektiv drift, osv., fleire alternativ) Q2b. Du får lista opp nokre kommunale oppgåver, og eg ber deg vurdere korleis du meiner kommunen vil løyse desse etter ein kommunesamanslåing, samanlikna med i dag. (Svaralternativa er på skala frå 1-5, frå mykje dårlegare til mykje betre) Q2f. Viss det blir kommunesamanslåing, kor viktig eller uviktig er avstanden til dei følgjande tenestene for deg? Vil du seie at avstanden er svært uviktig, ganske uviktig, (osv.) I dei to siste spørsmåla som blir synt her, blir det lista opp mange kommunale oppgåver (helsetenester, barnevern, pleie og omsorg i institusjon, pleie og omsorg i heimen, barnehagetilbod, skule og SFO-ordning, byggesakshandsaming, tilbod innafor kultur, idrett og fritid, næringsutvikling, mm.) Ein bør vere merksam på at det kan vere vanskeleg for innbyggjarar å svare på slike spørsmål om kommunale tenester med mindre konsekvensane er godt kjent eller godt gjort greie for. Det kan og vere ulik individuell vurdering av kva som opplevast som kort og lang avstand til ei teneste. Slike ting må ein ta omsyn til når ein utformar spørsmål og set saman spørjeskjema, og faktagrunnlaget peiker på dette. Ei høyring som dette kan gjennomførast i løpet av to-fire veker, i samarbeid med ein dataleverandør som planlegg undersøkinga saman med kommunen, utformer spørsmåla, samlar inn data og utarbeider rapport. Vurdering: Stortinget har sagt at det legg vekt på friviljugheitsprinsippet i kommunereforma. Det inneber at Stortinget vil ha respekt for kommunale vedtak dersom kommunen fattar vedtaket etter ein heilskapleg vurdering og etter å ha høyrt sine innbyggjarar. Det vil difor vere i kommunens interesse å greie ut dei ulike alternativa tilstrekkeleg, og høyre innbyggjarane si meining. Folkerøysting som metode vil gje eit klart svar ja eller nei til samanslåing med andre kommunar, men dersom politikarane i tillegg vil ha råd og innspel frå befolkninga, kan ei innbyggjarundersøkjing gje meir informasjon og tilbakemeldingar om kva som er viktig for innbyggjarane. Folkerøystinga kan slik sett bakast inn i innbyggjar-

6 undersøkjinga. Med kr i økonomisk støtte til gjennomføringa, kan kommunen inngå avtale med ein dataleverandør som kan gjennomføre undersøkjinga for kommunen. Rådmannen si tilråding: Nissedal kommune vel å nytte innbyggjarundersøkjing som metode når alternativa er klare og innbyggjarane si meining skal høyrast i kommunereforma. Saksprotokoll i Kommunestyret Saka vart utsett Vedtak Saka vart utsett

7 Nissedal kommune Arkiv: Saksmappe: Sakshandsamar: Dato: / Jarle Bruun Olsen Saksframlegg Utval Utvalssak Møtedato Kommunestyret 93/ Val til sakkunnig nemnd / sakkunnig klagenemnd - Eigedomsskatt Fakta i saka: I kommunestyresak 88/15, den blei det gjort val til ulike verv/utval. Mellom anna sakkunnig nemnd og sakkunnig klagenemnd. Det blei gjort val slik: Sakkunnig nemnd: Leiar: Oskar Nordli Nestleiar: Kristine Sandal Medlem: Ian Parry-Jones Vara: Tore Solli Vara: Jørgen Olav Nes Vara: Anne-Nora Oma Dahle Sakkunnig klagenemnd: Leiar: Astrid Eidem Nordal Nestleiar: Lars Arild Bjørgulfson Medlem: Tore Skåli Medlem: Geir Christan Enger Medlem: Anne Karin Grimstveit Medlem: Marianne Bråten Odden Vara: Magne Solli Ny periode for desse nemndene blei sett til Eigedomskattelova 21, seier: "Medlem i formannskapet kan ikkje vere med i eigedomsskattenemnder." I brev frå departementet til LVK er det avklart at varamedlemer til formannskapet kan vere medlem i eigedomsskattenemnder. Kristine Sandal, Ian Parry-Jones og Geir Christian Enger var ikkje valbare til å sitje i eigedomskattenemndene. Det må derfor gjerast eit omval i høve til eigedomsskattenemndene.

8 Ordførar si tilråding: Eigedomsskattenemnder vert samansett slik: Sakkunnig nemnd: Leiar: Oskar Nordli Nestleiar: Carl Erik Winther Larsen Medlem: Knut Oddvar Nes 1. vara: Tore Solli 2. vara: Jørgen Olav Nes 3. vara: Anne-Nora Oma Dahle Sakkunnig klagenemnd: Leiar: Astrid Eidem Nordal Nestleiar: Lars Arild Bjørgulfson Medlem: Tore Skåli Medlem: Paul Willy Setane Medlem: Anne Karin Grimstveit Medlem: Marianne Bråten Odden 1. vara: Magne Solli Ny periode for eigedomsskattenemndene er frå Saksprotokoll i Kommunestyret Votering: samrøystes for ordføraren si tilråding Vedtak Eigedomsskattenemnder vert samansett slik: Sakkunnig nemnd: Leiar: Oskar Nordli Nestleiar: Carl Erik Winther Larsen Medlem: Knut Oddvar Nes 1. vara: Tore Solli 2. vara: Jørgen Olav Nes 3. vara: Anne-Nora Oma Dahle Sakkunnig klagenemnd: Leiar: Astrid Eidem Nordal Nestleiar: Lars Arild Bjørgulfson Medlem: Tore Skåli Medlem: Paul Willy Setane Medlem: Anne Karin Grimstveit Medlem: Marianne Bråten Odden 1. vara: Magne Solli Ny periode for eigedomsskattenemndene er frå

9 Nissedal kommune Arkiv: Saksmappe: Sakshandsamar: Dato: / Jarle Bruun Olsen Saksframlegg Utval Utvalssak Møtedato Kommunestyret 94/ Val til forliksråd Fakta i saka: I kommunestyresak 88/15 blei det gjort val til forliksråd slik: 3 representantar med vara. Sigvald Oppebøen Hansen Bjarne Reime Lene Winther Larsen Vara: Victor Bjørnli Hansen Vara: Signe Britt Slåtta Vara: Marianne Bråten Odden Etter at valet er gjort har Signe Britt Slåtta ytra ønskje om å ikkje bli valt inn i forliksrådet. Ordførar si tilråding: Forliksråd vert slik: 3 representantar med vara. Sigvald Oppebøen Hansen Bjarne Reime Lene Winther Larsen Vara: Victor Bjørnli Hansen Vara: Astrid Eidem Nordal Vara: Marianne Bråten Odden Saksprotokoll i Kommunestyret Votering: samrøystes for ordføraren si tilråding. Vedtak Forliksråd vert slik: 3 representantar med vara. Sigvald Oppebøen Hansen Vara: Victor Bjørnli Hansen

10 Bjarne Reime Lene Winther Larsen Vara: Astrid Eidem Nordal Vara: Marianne Bråten Odden

11 Nissedal kommune Arkiv: Saksmappe: Sakshandsamar: Dato: /70-46 Anne Aarak Saksframlegg Utval Utvalssak Møtedato Kommunestyret 95/ Referat- og drøftingssaker a) Møtebok b) Gjennomgang av kommunereforma pr rådmann, ordførar c) Folkemøte i Kyrkjebygda ang. fiberutbygging d) Aktuelt frå rådmann Rådmannen si tilråding: Referat- og drøftingssaker vert teken til etterretning. Saksprotokoll i Kommunestyret Votering: samrøystes for rådmannen si tilråding Vedtak Referat- og drøftingssaker vert teken til etterretning.

12 Nissedal kommune Arkiv: Saksmappe: Sakshandsamar: Dato: / Jarle Bruun Olsen Saksframlegg Utval Utvalssak Møtedato Kommunestyret 96/ Val av representantar til eldrerådet Fakta i saka: I k-sak 88/15 blei det gjort val av 2 representantar til eldrerådet slik: Kåre Rønningen Astrid Eidem Nordal Vara: Arne Grimstveit Vara: Berit Grønås (Eldrerådet har 5 medlemer. Pensjonist-laget vel 3 medlemer). Etter valet blei gjort i kommunestyret den 29. oktober har Astrid Eidem Nordal gitt tilbakemelding om at ho ikkje ønskjer å vere medlem av eldrerådet denne perioden. Dette på bakgrunn av at ho meiner rådet sitt ønskje om eit medlem av rådet bør vere kommunestyremedlem bør oppfyllas og at ho allereie før dette valet blei gjort hadde tatt på seg andre verv. Kandidat til nytt medlem av eldrerådet blir lagt fram i møtet. Ordførar si tilråding: To representantar til eldrerådet med vararepresentant vert: Kåre Rønningen Vara: Arne Grimstveit.. Vara: Berit Grønås Saksprotokoll i Kommunestyret Ordføraren satte fram framlegg om Bjarne reime som andre representant i Eldrerødet. Votering: Samrøystes for ordføraren si tilråding med framsett framlegg

13 Vedtak To representantar til eldrerådet med vararepresentant vert: Kåre Rønningen Vara: Arne Grimstveit Bjarne Reime Vara: Berit Grønås

14 Nissedal kommune Arkiv: Saksmappe: Sakshandsamar: Dato: 2015/ Anne Margrete Espelid Saksframlegg Utval Utvalssak Møtedato Kommunestyret 97/ Sak om stadnamn i Nissedal kommune Fakta i saka: I samband med at Friluftsrådet sør no lagar eit turkart over heile kommunen har det blitt kommentert korleis mange stadnamn vert stava i kartet. Friluftsrådet sør har brukt statens kartverk og deira namn som stadnamn. Desse kan ein ikkje rette på utan at kommunestyret vedtek ei namne-endring. I eit møte med frivillige der målet med møtet var å rette opp feil og manglar ved karta, vart det påpekt at fleire stadnamn slutta på i i staden for a. Til dømes stadnamn med heia, sluttar på heii. I dialekten slik den er i dag, er det ikkje i ending. I utgangspunktet var det desse namna som ein såg hadde feil stavemåte: - Tvågedokkheii => Tvågedokkheia - Rolegheii => Rolegheia - Uvdalsheii => Uvdalsheia - Svåheii => Svåheia - Espeliheii => Espeliheia - Lyslii => Lyslia - Støylslii => Støylslia - Bulii => Bulia - Gudbjørlii => Gudbjørlia Nissedal mållag ved Tor Valle vart spurd til råds, om dei ville sjå på karta om det var fleire namn som evt var feil. Etter nøye studering av kartet har Nissedal mållag funne ei rekke stavefeil. I vedlegget ligg framlegget til endringar frå Nissedal mållag ved Tor Valle. Vurdering: Rådmannen ynskjer å endre stadnamna i kommunen jamfør tilråding frå Tor Valle i Nissedal mållag.

15 Rådmannen si tilråding: Rådmannen ynskjer å endre stadnamna i kommunen jamfør tilråding frå Tor Valle i Nissedal mållag. Namna vert endra slik forslaget ligg føre. Saksprotokoll i Kommunestyret Framlegg frå Geir Chr. Enger om redaksjonell på stadnamnet Sølvbergvatn til Sylvbergvatn Votering: samrøyses for rådmannen si tilråding med redaksjonell endring. Vedtak Rådmannen ynskjer å endre stadnamna i kommunen jamfør tilråding frå Tor Valle i Nissedal mållag. Namna vert endra slik forslaget ligg føre med vedteken redaksjonell endring av Sølvbergvatn til Sylvbergvatn..

16 Nissedal kommune Arkiv: Saksmappe: Sakshandsamar: Dato: Q /649-8 Sverre Sæter Saksframlegg Utval Utvalssak Møtedato Kommunestyret 98/ Statens Vegvesen, region sør, grunnlagsdokument for utvikling av Riksveg 41 Fakta i saka: Det har i mange år vore drøfta både internt i dei einskilde kommunane og i samlingar for alle kommunane langs RV 41 korleis ein kunne få til ei hardt tiltrengd utbetring av vegstandarden. I juni 2014 tok ordførarane i Seljord, Kviteseid, Nissedal, Åmli, Froland og Birkenes eit initiativ til eit felles møte i Treungen om saka, der også Statens vegvesen, Region sør, blei invitert. Dette blei starten på ein prosess der ordførarane i desse kommunane avgjorde at dette skulle bli eit felles politisk initiativ, i samarbeid og forståing med Statens vegvesen, Region sør, for å få på plass ein realistisk plan for korleis heile strekninga frå Kjevik lufthamn til Brunkeberg/E-134 kan utbetrast, korleis dette skal kunne gå til og også korleis det kan finansierast. Statens vegvesen, region sør, sa seg villig til å føre plandokumentet i pennen, noko som har resultert i det føreliggjande grunnlagsdokumentet. Ordførar Halvor Homme i Nissedal blei beden om å leie gruppa. Ordførarane og Statens vegvesen, Region sør, har halde fem møte i løpet av arbeidsprosessen. Ein har like eins hatt ei felles synfaring langs hele strekninga som grunnlag for å utarbeide grunnlagsdokumentet. I tillegg har det vore halde eit eige møte mellom ordførarane og den politiske og administrative leiinga i Telemark og Aust-Agder fylkeskommunar. Der blei det felles forståing for at det også skulle fremjast innspel til dei respektive fylkestinga i forkant som grunnlag for innspela frå fylkeskommunane sjølve til revisjonen av Nasjonal transportplan (etter dette kalla NTP). Grunnlagsdokumentet går inn i Statens vegvesen sitt innspel til neste revisjon av NTP, i tillegg til at det også er eit grunnlag for dei to fylkeskommunane sine uttalar til NTP. Det inneheld ei framstilling av tiltak i prioritert rekkefølgje, og skil mellom kortsiktige og langsiktige tiltak. Finansieringa av tiltaka vert avgjort av Stortinget si handsaming av NTP og dei årlege statsbudsjetta. Som det går fram av dokumentet, er RV 41 ein viktig transportkorridor mellom Vest- Telemark og Sørlandet, men og som knutepunkt mot såvel austlandet som vestlandet

17 pga. tilknytninga til E-134 ved Brunkeberg. Vegkvaliteten veg tungt for så vel godstransporten som for trafikken til turist- og opplevingsmåla langs heile strekninga. Dei einskilde kommunestyra er med dette inviterte til å uttale seg til det føreliggjande grunnlagsdokumentet med tanke på ein planstyrt betra standard for Rv 41 frå Kjevik til Brunkeberg/E-134. Vurdering: Det framstår som eit viktig og framtidsretta initiativ å få ein samla plan for ei systematisk og planlagd utbetring av viktige delar av RV 41, også kalla Telemarksvegen, for at strekninga skal nå ein høveleg standard og tene dei funksjonane vegen skal og i vår tid. Det er viktig å peike på at dette er gjort gjennom eit felles initiativ frå ordførarane i kommunane langs RV 41 som har involvert både Statens vegvesen og Telemark og Aust-Agder fylkeskommunar. Ordførarane står samla bak dokumentet ut frå tanken om at det som er bra for RV 41, er bra for den einskilde kommunen, uavhengig av i kven av kommunane dei einskilde tilrådde tiltaka finn stad. Ordførarane ser det no som særs viktig at og alle kommunestyra står samla bak forslaga i dokumentet. Dette vil gi tyngd direkte mot Statens vegvesen, samstundes som det kan ha innverknad på fylkeskommunane sine uttalar til NTP og Statens vegvesen sine prioriteringar. Rådmannen rår kommunestyret til å slutte seg til grunnlagsdokumentet slik det ligg føre. Rådmannen si tilråding: Kommunestyre sluttar seg til dei tilrådingane Statens vegvesen, region sør gjer til tiltak og prioriteringar i Grunnlagsdokument for utvikling av RV 41. Saksprotokoll i Kommunestyret Votering: samrøystes for rådmannen si tilråding Vedtak Kommunestyre sluttar seg til dei tilrådingane Statens vegvesen, region sør gjer til tiltak og prioriteringar i Grunnlagsdokument for utvikling av RV 41.