Utval Utvalssak Møtedato Kommunestyret 22/ Fakta i saka: I kommunestyresak 1/15 gjorde Nissedal kommune slikt vedtak:

Transkript

1 Nissedal kommune Arkiv: Saksmappe: Sakshandsamar: Dato: /92-4 Sverre Sæter Saksframlegg Utval Utvalssak Møtedato Kommunestyret 22/ Deltaking i forprosjekt kommunereform Fakta i saka: I kommunestyresak 1/15 gjorde Nissedal kommune slikt vedtak: Med utgangspunkt i forstudie i regi av Vest-Telemarkrådet vedtek Nissedal kommune å tinge eit forprosjekt som omfattar to alternativ: o Ein kommune i Vest-Telemark o Oppretthalde alle kommunane, med ei forplikting om meir interkommunalt samarbeid Dersom færre enn seks kommunar vel å delta i forprosjektet, skal saka attende til kommunestyret for ny handsaming. Dei andre fem kommunane i Vest-Telemark gjorde slike vedtak: Seljord. Med utgangspunkt i forstudie i regi av Vest-Telemarkrådet fattar kommunestyre vedtak om å tinge eit forprosjekt som omfattar ein kommune i Vest-Telemark. Dersom færre enn seks kommunar vel å delta i forprosjektet, skal saka attende til ny handsaming i kommunestyre. Kviteseid. Med utgangspunkt i forstudie i regi av Vest-Telemarkrådet ønskjer Kviteseid kommune å tinge eit forprosjekt som omfattar to alternativ: o Ein kommune i Vest-Telemark. o Oppretthalde alle kommunane, med ei forplikting om meir interkommunalt samarbeid. Dersom færre enn seks kommunar vel å delta i forprosjektet, skal saka attende til ny handsaming i kommunestyra. Vinje. 1. Vinje kommune går ikkje inn på eit forprosjekt om ein Vest-Telemark kommune. 2. Vinje kommune avventar resultatet av moglegheitsstudiet med Agder-kommunane, og avgjer om vidare prosess med nabokommunen Bykle, før ein tek stilling til vidare utgreiing av dette.

2 3. Vinje kommune inviterer formannskapet i kommunane Tokke og Tinn til drøftingar om det er interesse for samanslåing med Vinje kommune. 4. Kommunestyret opprettar eit mellombels utval som arbeidsgruppe for lokal oppfølginga av kommunereforma. Gruppa blir sett saman av éin representant m/vara utpeika av dei politiske partia representert i kommunestyret i tillegg til ordføraren, samt éin hovudtillitsvalt og hovudverneombod. Rådmannen er sekretær for arbeidsgruppa. Tokke. Med utgangspunkt i forstudie i regi av Vest-Telemarkrådet ynskjer Tokke kommune å delta i gjennomføring av eit forprosjekt som omfattar alternativ: o Ein kommune i Vest-Telemark o Oppretthalde alle kommunane, med ei forplikting om meir interkommunalt samarbeid Dersom færre enn seks kommunar vel å delta i forprosjektet, skal saka attende til ny handsaming i kommunestyret. Tokke kommune vil i tillegg invitere Vinje og Fyresdal til å delta i utgreiing av tre alternativ til: o Tokke Vinje o Tokke Vinje Fyresdal o Tokke-Fyresdal o Utgifter til utgreiingane dekkast av Vest-Telemarkrådet. Fyresdal: Kommunestyret i Fyresdal ynskjer primært at samarbeidet i Vest-Telemark skal halde fram og utviklast slik at oppgåver kommunane har kan løysast i den einskilde kommune eller om det er føremålstenleg i eit regionalt samarbeid og/eller i samarbeid med andre regionar/kommunar. Fyresdal kommune ynskjer å vere med i eit forprosjekt i regi av Vest-Telemarkrådet for å utrede ulike alternativ: a. Oppretthalde alle kommunane, med ei forplikting om meir interkommunalt samarbeid b. Ein stor kommune i Vest-Telemark av dei kommunane som er med i forprosjektet c. Samarbeid med Tokke og Fyresdal Om forprosjektet kjem i gang, skal det avhaldast folkeavstemming før kommunestyret tek stilling til forprosjektet og evnt. samanslåing. Tidsplanen må justerast slik at folkeavstemming kan avhaldast i mai Fyresdal opprettar arbeidsgruppe med rådmannen som sekretær. Arbeidsgruppa skal ha fylgjande medlemer: Ordførar, Varaordførar, ein representant frå Senterpartiet, ein representant frå Bygdelista, Hovudtillitsvalt og Hovedverneombudet i kommunen. Arbeidsgruppa rapporterar direkte til kommunestyret. Ein av kommunane sa altså tvert nei til å vere med i eit forprosjekt. Saka er difor attende til kommunestyret for ny handsaming. Vurdering: Føremålet med forprosjektet som skal utgreie ei eventuell samanslåing av kommunar, er å innhente informasjon. Utfordringa i forprosjektet vert å vekte dei negative mot dei positive sidene ved anten ei samanslåing av kommunar eller utvida, forpliktande samarbeid. Likeeins er det ei stor utfordring å kunne vurdere dei ulike sidene opp mot framtidige behov og rammevilkår då desse ikkje er kjent.

3 Rådmannen meiner at Nissedal kommune har eit utredningsansvar andsynes Stortinget, og for administrasjonen vil det vere krevjande å kunne leggje fram ei tilråding om kommunesamanslåing utan ei slik utgreiing forprosjektet er tenkt å gjere. Nissedal kommune har heile tida vore klar på at me ynskjer ei utgreiing for heile Vest- Telemark. Når Vinje kommune ikkje vil ha ei slik utgreiinga, meiner eg det nest beste alternativet er å gjere ei utgreiing for dei 5 andre kommunane i Vest-Telemark. I Tokke, Fyresdal og Vinje ynskjer å vurdere andre konstellasjonar enn det som var konklusjonen i forstudiet, og som Nissedal kommunestyre tok stilling til i februar. For i det heile å få gjennomført eit forprosjekt vil det vere praktisk og økonomisk å innlemme fleire alternativ parallelt med forprosjektet. Dersom dei kommunane dette gjeld vedtek at det likevel ikkje er aktuelt med ei slik utgreiing, påverkar det ikkje Nissedal kommune. Det er ingen garanti for at denne saka ikkje kjem enno ein gong attende til kommunestyret. Så lenge vedtaket er avhengig av samanslutning frå dei andre kommunane i Vest-Telemark, vil utfallet av saka ikkje vere klar før alle dei 6 kommunane har fatta sine vedtak. Dette er gjort i slutten av april. Rådmannen si tilråding: Med utgangspunkt i det utarbeidde forstudiet og kommunestyrevedtaka i alle seks kommunane i Vest-Telemark, går Nissedal kommune inn for å delta i eit forprosjekt. Forprosjektet vert kosta av Vest-Telemarkrådet og organiserast i tråd med innretninga i forstudiet. Fylgjande alternativ skal greiast ut: 1. Oppretthalde alle 6 kommunane med ei forplikting om meir interkommunalt samarbeid 2. Samanslåing til ein kommune der fylgjande kommunar inngår: Fyresdal, Kviteseid, Nissedal, Seljord og Tokke. I tillegg kan forprosjektet greie ut mogleg samanslåing av: o Tokke - Vinje o Tokke - Vinje - Fyresdal o Tokke - Fyresdal Saksprotokoll i Kommunestyret Endringsforslag frå AP/KrF/H: Nytt kulepunkt 2 til rådmannen si tilråding: Kommunestyret vedtek å delta i eit forprosjekt med kommunane i regionen som ynskjer eit slikt forprosjekt. Ordføraren får fullmakt til å tilpasse kommunestyret sitt vedtak, slik at eit eller fleire forprosjekt er mogeleg å realisere i regionen. Nytt kulepunkt 3 til rådmannen si tilråding: Ordføraren får i oppdrag å undersøkje om det er ynskje frå delar av regionen sør for Nissedal om eit felles forprosjekt. Formannskapet får fullmakt til å inngå i eit slikt eventuelt forprosjekt

4 Endringsforslag frå SP: Med utgangspunkt i det utarbeidde forstudiet og kommunestyrevedtaka i alle seks kommunane i Vest-Telemark, går Nissedal kommune inn for å delta i eit forprosjekt. Forprosjektet vert kosta av Vest-Telemarkrådet og organiserast i tråd med innretninga i forstudiet. Fylgjande alternativ skal greiast ut: Oppretthalde alle 6 kommunane med ei forplikting om meir interkommunalt samarbeid Votering: Endringsforslaget frå AP/KrF/H fekk 12 røyster. Endringsforslaget frå SP fekk fire røyster. Vedtak Med utgangspunkt i det utarbeidde forstudiet og kommunestyrevedtaka i alle seks kommunane i Vest-Telemark, går Nissedal kommune inn for å delta i eit forprosjekt. Forprosjektet vert kosta av Vest-Telemarkrådet og organiserast i tråd med innretninga i forstudiet. Fylgjande alternativ skal greiast ut: Oppretthalde alle 6 kommunane med ei forplikting om meir interkommunalt samarbeid Kommunestyret vedtek å delta i eit forprosjekt med kommunane i regionen som ynskjer eit slikt forprosjekt. Ordføraren får fullmakt til å tilpasse kommunestyret sitt vedtak, slik at eit eller fleire forprosjekt er mogeleg å realisere i regionen. Ordføraren får i oppdrag å undersøkje om det er ynskje frå delar av regionen sør for Nissedal om eit felles forprosjekt. Formannskapet får fullmakt til å inngå i eit slikt eventuelt forprosjekt

5 Nissedal kommune Arkiv: Saksmappe: Sakshandsamar: Dato: /92-6 Sverre Sæter Saksframlegg Utval Utvalssak Møtedato Kommunestyret 33/ Forhandlingsutval i samband med kommunereform Fakta i saka: I kommunestyresak 22/15 vart det gjort slikt vedtak: Vurdering: Med utgangspunkt i det utarbeidde forstudiet og kommunestyrevedtaka i alle seks kommunane i Vest-Telemark, går Nissedal kommune inn for å delta i eit forprosjekt. Forprosjektet vert kosta av Vest-Telemarkrådet og organiserast i tråd med innretninga i forstudiet. Fylgjande alternativ skal greiast ut: Oppretthalde alle 6 kommunane med ei forplikting om meir interkommunalt samarbeid Kommunestyret vedtek å delta i eit forprosjekt med kommunane i regionen som ynskjer eit slikt forprosjekt. Ordføraren får fullmakt til å tilpasse kommunestyret sitt vedtak, slik at eit eller fleire forprosjekt er mogeleg å realisere i regionen. Ordføraren får i oppdrag å undersøkje om det er ynskje frå delar av regionen sør for Nissedal om eit felles forprosjekt. Formannskapet får fullmakt til å inngå i eit slikt eventuelt forprosjekt Kommunereforma i Vest-Telemark er delt inn i tre fasar: Forstudie med utgreiing av faktagrunnlag (avslutta) Forprosjekt med konkrete forhandlingar om ein mogeleg ny kommune. Hovudprosjekt med etablering av ny kommune (i dei høve der forprosjektet gjev grunnlag for dette). Som oppfølging av vedtak om forprosjekt fatta i kommunestyresak 22/15, vil nå forprosjekt og dermed forhandlingar mellom dei aktuelle kommunane starte opp. Ein viktig del av forprosjektet er etablering av intensjonsavtale og innbyggjarinvolvering gjennom ein felles kommunikasjonsstrategi. Intensjonsavtalen bør fastsetje mål for samanslåinga og seie noko om fordeling og lokalisering av oppgåver og tenester, samt korleis ressursane kan nyttast best mogeleg. Intensjonsavtala skal på denne måten gje informasjon

6 som dannar grunnlaget for dialog og innbyggjarhøyring, og dermed også grunnlag for å kunne ta stilling til etablering av ny kommune. I den samanheng må det setjas ned forhandlingsutval med fullmakt frå kommunestyre til å forhandle på vegne av kommunen. Forhandlingutvalet bør få delegert fullmakt frå kommunestyret til å fatte naudsynte vedtak som sikrar framdrift i forprosjekta, samt forhandle fram utkast til intensjonsavtale mellom dei aktuelle kommunane. Intensjonsavtala skal endeleg vedtakast i kommunestyret. I forprosjektet i Vest-Telemark (Kviteseid, Seljord og Nissedal) er det Telemarkforsking som skal stå for gjennomføringa av forprosjektet. Med utgangspunkt i at det er 3 kommunar som skal utarbeide intensjonsavtale, bør det ikkje vere for mange deltakarar. Seljord kommune er også med i Midt-Telemark utgreiinga. I Midt-Telemark vil forhandlingutvalet bli sett saman av to politisk valde representantar med vara frå kvar kommune. Seljord og Kviteseid kommunar legg opp til same forhandlingsutval i vår utgreiing. Eg meiner det er riktig at ordførar og opposisjonsleiar er faste medlemmar i forhandlingsutvalet. Dette fører til at det er likevekt mellom partane i den enkelte kommune. Når det gjeld fast vara til forhandlingsutvalet bør kommunestyret sjølv avgjere dette. Rådmannen si tilråding: Nissedal kommune skal delta i eit forprosjekt med Seljord og Kviteseid kommunar for å gje eit faktagrunnlag til avgjerder i kommunereformprosessen. Kommunestyret vel ordførar og opposisjonsleiar til faste medlemmer av eit forhandlingsutvalet. Varaordførar er vara for ordførar i forhandlingsutvalet. Kommunestyret kjem sjølv med forslag til vara for opposisjonsleiar. Rådmannen deltek som observatør, og er rådgjevar for dei politisk oppnemnde. Forhandlingsutvalet får fullmakt til å fatte vedtak som gjeld forprosjektet og som sikrar framdrift av dette, samt forhandle fram utkast til intensjonsavtale mellom dei aktuelle kommunane. Forhandlingsutvalet skal halde formannskap og kommunestyret fortløpande orientert om dei vedtak som blir fatta. Hovudtillitsvalde og hovudverneombod skal involverast gjennom deltaking i referansegrupper. Saksprotokoll i Kommunestyret Endringsframlegg frå Halvor Homme: Første avsnitt i rådmannen si tilråding vert stroke og erstatta med: I samband med kommunereform set kommunestyret ned eit forhandlingsutval. Tredje avsnitt i rådmannen si tilråding vert endra til: Varaordførar er vara i forhandlingsutvalet.

7 Votering: samrøystes for endringsframlegget. Vedtak I samband med kommunereform set kommunestyret ned eit forhandlingsutval. Kommunestyret vel ordførar og opposisjonsleiar til faste medlemmer av eit forhandlingsutvalet. Varaordførar er vara i forhandlingsutvalet. Rådmannen deltek som observatør, og er rådgjevar for dei politisk oppnemnde. Forhandlingsutvalet får fullmakt til å fatte vedtak som gjeld forprosjektet og som sikrar framdrift av dette, samt forhandle fram utkast til intensjonsavtale mellom dei aktuelle kommunane. Forhandlingsutvalet skal halde formannskap og kommunestyret fortløpande orientert om dei vedtak som blir fatta. Hovudtillitsvalde og hovudverneombod skal involverast gjennom deltaking i referansegrupper.

8 Nissedal kommune Arkiv: Saksmappe: Sakshandsamar: Dato: /92-11 Sverre Sæter Saksframlegg Utval Utvalssak Møtedato Kommunestyret 2/ Høyring av innbyggarane sine meiningar om kommunereforma Fakta i saka: Fylkesmannen har sendt brev til kommunane i Telemark og minna om at kommunane må fatte eit vedtak om korleis dei vil høyre innbyggjarane i kommunereforma. Stortinget legg vekt på at innbyggjarane skal få god informasjon, bli involvert i samanslåingsprosessar og få høve til å kome med synspunkt og seie si meining. Fristen for kommunale vedtak om samanslåing er sett til 1.juli Høyringar må gjennomførast i god tid før dette. Kommunane kan gjere eit prinsippvedtak no, om kva for høyringsmetode dei vil nytte, sjølv om dei ikkje har alternativa klare. Sjølve høyringa kan ein gjennomføre seinare, når det ligg føre noko konkret som ein vil be om innbyggjarane si meining om. Høyring kan skje til dømes gjennom folkemøte, folkerøysting eller ved å gjennomføre ei innbyggjarundersøking. Kva for metode ein vil nytte må kommunen sjølv bestemme. Regjeringa tilbyr ei rammeavtale som kommunane kan nytte, eit opplegg for dei som vil gjennomføre innbyggjarundersøking. Regjeringa støttar alle slag innbyggjarundersøkingar med kr i høve til nokre føresetnader. Departementet vil utbetale tilskotet når første del av reformprosessen er ferdig, dvs. når faktainnsamlinga er summert og kommunen har fatta vedtak om alternativ og korleis innbyggjarane skal høyrast. Kommunal - og moderniseringsdepartementet har utarbeidd eit faktagrunnlag som syner korleis ein kan gjennomføre opinionsundersøkingar, og kva for metodar som er aktuelle å nytte. Dette ligg på kommunereform.no. Faktagrunnlaget tek for seg val av målgruppe, og samansetting av utvalet respondentar slik at det blir representativt for innbyggjarane. Datainnsamling kan skje gjennom telefonintervju eller spørjeskjema, og det er sett opp konkrete spørsmålsalternativ slik at kommunen på enkelt sett kan skreddarsy si eiga undersøking. For å syne korleis dette kan sjå ut, kan me syne til nokre eksempel på spørsmålsalternativ frå faktagrunnlaget: Tema 1: SYN PÅ KOMMUNESAMANSLÅING ALTERNATIV (Situasjon 1: To kommunar har utarbeidd framlegg til kommunesamanslåing og innbyggjarane skal høyrest om dei er for eller imot denne samanslåinga. Her er to alternativ til korleis ein kan spørje innbyggjarane:)

9 Q1a: X-kommune er no inne i ein prosess for å vurdere om kommunen bør slå seg saman med Y-kommune. Er du for eller imot denne samanslåinga? (Svaralternativ : For, mot, veit ikkje) Eller: Q1b: Kor negativ eller positiv er du til ei samanslåing mellom X-kommune og Y- kommune? (Svaralternativ : Svært negativ, ganske negativ, ganske positiv, svært positiv, veit ikkje) Faktagrunnlaget syner og eit tredje alternativ Q1c, der ein lister opp ulike alternativ og innbyggjarane vel det alternativet dei meiner er best. Tema 2: KONSEKVENSAR AV KOMMUNESAMANSLÅINGA (Denne sekvensen skal nyttast til å forstå kvifor folk er for/mot ein samanslåing, og måle styrka i argumenta. Nokre eksempel på spørsmål:) Q2a. Kommunane kan ha fleire mål for ei kommunesamanslåing. Eg ber deg no vele kva du meiner er dei tre viktigaste måla for ein framtidig kommune. ( Svaralternativa som blir lest opp eller lista opp: større fagmiljøer, økt kvalitet på dei kommunale tenestene, meir kostnadseffektiv drift, osv., fleire alternativ) Q2b. Du får lista opp nokre kommunale oppgåver, og eg ber deg vurdere korleis du meiner kommunen vil løyse desse etter ein kommunesamanslåing, samanlikna med i dag. (Svaralternativa er på skala frå 1-5, frå mykje dårlegare til mykje betre) Q2f. Viss det blir kommunesamanslåing, kor viktig eller uviktig er avstanden til dei følgjande tenestene for deg? Vil du seie at avstanden er svært uviktig, ganske uviktig, (osv.) I dei to siste spørsmåla som blir synt her, blir det lista opp mange kommunale oppgåver (helsetenester, barnevern, pleie og omsorg i institusjon, pleie og omsorg i heimen, barnehagetilbod, skule og SFO-ordning, byggesakshandsaming, tilbod innafor kultur, idrett og fritid, næringsutvikling, mm.) Ein bør vere merksam på at det kan vere vanskeleg for innbyggjarar å svare på slike spørsmål om kommunale tenester med mindre konsekvensane er godt kjent eller godt gjort greie for. Det kan og vere ulik individuell vurdering av kva som opplevast som kort og lang avstand til ei teneste. Slike ting må ein ta omsyn til når ein utformar spørsmål og set saman spørjeskjema, og faktagrunnlaget peiker på dette. Ei høyring som dette kan gjennomførast i løpet av to-fire veker, i samarbeid med ein dataleverandør som planlegg undersøkinga saman med kommunen, utformer spørsmåla, samlar inn data og utarbeider rapport. Vurdering: Stortinget har sagt at det legg vekt på friviljugheitsprinsippet i kommunereforma. Det inneber at Stortinget vil ha respekt for kommunale vedtak dersom kommunen fattar vedtaket etter ein heilskapleg vurdering og etter å ha høyrt sine innbyggjarar. Det vil difor vere i kommunens interesse å greie ut dei ulike alternativa tilstrekkeleg, og høyre innbyggjarane si meining. Folkerøysting som metode vil gje eit klart svar ja eller nei til samanslåing med andre kommunar, men dersom politikarane i tillegg vil ha råd og innspel frå befolkninga, kan ei innbyggjarundersøkjing gje meir informasjon og tilbakemeldingar om kva som er viktig for innbyggjarane. Folkerøystinga kan slik sett bakast inn i innbyggjarundersøkjinga. Med kr i økonomisk støtte til gjennomføringa, kan kommunen inngå avtale med ein dataleverandør som kan gjennomføre undersøkjinga for kommunen.

10 Rådmannen si tilråding: Nissedal kommune vel å nytte innbyggjarundersøkjing og folkerøysting som metode når alternativa er klare og innbyggjarane si meining skal høyrast i kommunereforma. Saksprotokoll i Kommunestyret Redaksjonelt endringsframlegg frå AP/KrF: Ordet folkeavrøysting vert endra til rådgjevande folkeavrøysting. Votering: Samrøystes vedteke. Vedtak Nissedal kommune vel å nytte innbyggjarundersøkjing og rådgjevande folkerøysting som metode når alternativa er klare og innbyggjarane si meining skal høyrast i kommunereforma.

11 Nissedal kommune Arkiv: Saksmappe: Sakshandsamar: Dato: /92-12 Sverre Sæter Saksframlegg Utval Utvalssak Møtedato Kommunestyret 1/ Intensjonsavtale mellom kommunane Kviteseid, Nissedal og Seljord Vedlegg: 1 Intensjonsavtale Kviteseid, Nissedal og Seljord Fakta i saka: Kommunestyret vedtok i sak 22/15: Med utgangspunkt i det utarbeidde forstudiet og kommunestyrevedtaka i alle seks kommunane i Vest-Telemark, går Nissedal kommune inn for å delta i eit forprosjekt. Forprosjektet vert kosta av Vest-Telemarkrådet og organiserast i tråd med innretninga i forstudiet. Fylgjande alternativ skal greiast ut: Oppretthalde alle 6 kommunane med ei forplikting om meir interkommunalt samarbeid Kommunestyret vedtek å delta i eit forprosjekt med kommunane i regionen som ynskjer eit slikt forprosjekt. Ordføraren får fullmakt til å tilpasse kommunestyret sitt vedtak, slik at eit eller fleire forprosjekt er mogeleg å realisere i regionen. Ordføraren får i oppdrag å undersøkje om det er ynskje frå delar av regionen sør for Nissedal om eit felles forprosjekt. Formannskapet får fullmakt til å inngå i eit slikt eventuelt forprosjekt I kommunestyresak 33/15 vart det gjort slikt vedtak: I samband med kommunereform set kommunestyret ned eit forhandlingsutval. Kommunestyret vel ordførar og opposisjonsleiar til faste medlemmer av eit forhandlingsutvalet. Varaordførar er vara i forhandlingsutvalet. Rådmannen deltek som observatør, og er rådgjevar for dei politisk oppnemnde. Forhandlingsutvalet får fullmakt til å fatte vedtak som gjeld forprosjektet og som sikrar framdrift av dette, samt forhandle fram utkast til intensjonsavtale mellom dei aktuelle kommunane. Forhandlingsutvalet skal halde formannskap og kommunestyret fortløpande orientert om dei vedtak som blir fatta.

12 Hovudtillitsvalde og hovudverneombod skal involverast gjennom deltaking i referansegrupper. Forhandlingsutvala har hatt fire møter. Dei to første møta før valet og dei to neste etter valet. På denne måten vart malen for kva som skulle inn i avtalen laga av det «gamle» forhandlingsutvalet, medan det noverande forhandlingsutvalet har jobba meir med detaljar i formuleringane. Forhandlingsutvala i Nissedal, Kviteseid og Seljord har blitt samde om ei intensjonsavtale som grunnlag for bygging av ny kommune. Intensjonsavtala skal danne grunnlag for innbyggjarhøyring og ev. kommunesamanslåing, og følgjer vedlagt denne saka. Kommunane Nissedal, Kviteseid og Seljord vil ha intensjonsavtala opp som sak i sine respektive kommunestyre den 28. januar. Telemarkforsking har lagt rapporten om kommunestruktur i Vest-Telemark, med utgreiing av aktuelle alternativ, fram for styringsgruppa for arbeidet med kommunereform i Vest-Telemark. Rapport etter forprosjektet Kommunestruktur i Vest-Telemark er lagt ut på kommunen si heimeside. Vurdering Lokalisering av politisk- og administrativ leiing er eit av områda som har vore vanskeleg. Det var førande for tingingane at det skulle vere ei desentralisert organisering for å underbygge ei utvikling i heile den nye kommunen. Det nye namnet på kommunen har ikkje forhandlingsutvalet tatt stilling til. I avtalen er det forslag om å skipe ein namnekonkurranse. Namnet på den nye kommunen treng ikkje vere klart før Forholdet til tilsette er eit viktig tema. Reforma har som mål å styrkje tenestetilbodet og samstundes effektiviser den kommunale drifta. Dette betyr at talet på administrative stillingar må ned. Intensjonsavtala har eit eige punkt som seier at ingen skal seiast opp som ein konsekvens av at dei tre kommunane vert slått saman. Det betyr at redusert bemanning må skje som følgje av naturleg avgang. Fellesnemd. Dersom kommunane i juni vel å slå seg saman, må det opprettast ei fellesnemd som består av sentrale politikarar frå kvar kommune. Fellesnemd skal førebu og gjennomføre arbeidet fram til ny kommune er ein realitet. Rapporten frå Telemarksforsking har med utgreiingar i forhold til sentrale utviklingstrekk. Dette gjeld både utvikling av folketal, næringsutvikling, økonomi mm. Rapporten frå Telemarksforsking er god på å seie noko om korleis kommunane kan sjå ut i framtida. Meir forpliktande interkommunalt samarbeid: Rapporten frå Telemarksforsking inneheld også vurderingar om meir forpliktande interkommunalt samarbeid. I dette arbeidet har administrative arbeidsgrupper sett på områder som kan vere eigna for meir interkommunalt samarbeid. Resultatet av dette arbeidet er kort oppsummert at det er mogleg å samarbeide på dei fleste område, bortsett frå basisoppgåvene innanfor skule, barnehage og pleie og omsorg. Ein av dei store utfordringane i forhold til meir interkommunalt samarbeid er å få til ei god demokratisk styring.

13 Det er ikkje enkelt å få til ei fullgod demokratisk styring av interkommunale samarbeid. Me er langt frå i mål med gode eigarskapsmeldingar for dei samarbeida som eksisterer i dag. Rådmannen si tilråding: Nissedal kommune går vidare med arbeidet i kommunereforma. Intensjonsavtala mellom Kviteseid, Nissedal og Seljord dannar eit godt grunnlag for å danne ein ny kommune. Saksprotokoll i Kommunestyret Endringsframlegg SP: Nissedal kommune går ikkje vidare med arbeidet i kommunereforma. Intensjonsavtalen mellom Kviteseid, Nissedal og Seljord dannar ikkje eit godt nok grunnlag for å endre dagens kommunestruktur. Nissedal kommune ynskjer å styrke samarbeidet med våre nabokommunar der det er tenleg for våre innbyggarar. Tilleggsframlegg frå AP/KrF: Kommunestyret gjev forhandlingsutvalet mynde til å inkludere andre kommunar i ei intensjonsavtale. Voteringar: 1. Rådmannen si tilråding opp mot SP sitt endringsframlegg: Rådmannen si tilråding fekk 13 røyster. Endringsframlegget frå SP fekk 4 røyster 2. Rådmannen si tilråding med tilleggsframlegget frå AP/KrF fekk 11 røyster. Seks røysta mot. Vedtak Nissedal kommune går vidare med arbeidet i kommunereforma. Intensjonsavtala mellom Kviteseid, Nissedal og Seljord dannar eit godt grunnlag for å danne ein ny kommune. Kommunestyret gjev forhandlingsutvalet mynde til å inkludere andre kommunar i ei intensjonsavtale.

14 Nissedal kommune Arkiv: Saksmappe: Sakshandsamar: Dato: /92-1 Sverre Sæter Saksframlegg Utval Utvalssak Møtedato Kommunestyret 1/ Kommunereform - invitasjon til deltaking i forprosjekt Vedlegg: 1 Forstudie kommunereform i Vest-Telemark Saksutgreiing: I kommuneproposisjonen 2015 la regjeringa fram sitt syn på korleis ein kommunereform bør gjennomførast i Noreg. Stortinget har seinare handsama dette spørsmålet, og i innstillinga frå Kommunal- og forvaltningskomiteen på Stortinget vart det sikra ei god tverrpolitisk oppslutning om dei viktigaste hovudprinsippa i reforma. Stortinget slutta seg til fylgjande overordna mål for reforma: Gode og likeverdige tenestar til innbyggjarane Heilskapleg og samordna samfunnsutvikling Bærekraftige og økonomisk robuste kommunar Styrka lokaldemokrati For å få gode råd om reforma og korleis den bør gjennomførast har regjeringa satt ned eit ekspertutval som på fritt fagleg grunnlag skal foreslå kriterier som har betydning for oppgåveløysinga i kommunane. Ekspertutvalet leverte ein delrapport i mars 2014 som danna grunnlag for Regjeringas meldingsdel i kommuneproposisjonen 2015 med påfølgjande handsaming i Stortinget. Sluttrapporten, som vart levert 1. desember 2014, vil danne grunnlag for ein varsla sak frå Regjeringa til Stortinget om oppgåvefordeling. Ekspertutvalet har tre viktige anbefalinger for ein god kommunestruktur: 1. Kommunane bør ha minst innbyggjarar for å sikre ein god oppgåveløysing. 2. Kommunestrukturen bør i større grad nærme seg funksjonelle samfunnsutviklingsområder 3. Staten bør redusere detaljstyringa og ordningar for politisk deltaking bør vidareutviklast for å sikre gode og slagkraftige demokratiske arenaer. Det ver viktig å merke seg at regjeringa har lagt mindre vekt på talet på innbyggjarar en det ekspertutvalet har gjort, og meiner at det bør takast omsyn til areal og avstandar.

15 Når det gjeld delegering av oppgåver frå statleg- og fylkeskommunalt forvaltingsnivå til kommunane kjem ekspertutvalet med nokre føringar og døme, men visar til departementet for ein meir konkret oppgåvefordeling. Noko som kan ventast i ein sak frå departementet til Stortinget våren Da kommunereforma vart handsama av Stortinget i juni 2014, ba eit fleirtal på Stortinget om at det blei gjennomført ein gjennomgang av oppgåvene til fylkeskommunen parallelt med arbeidet med å avklare kva oppgåver som skal ligge til kommunane. For å gje Regjering og Storting eit godt fagleg grunnlag for avgjersle, fekk Møreforsking hausten 2014 i oppdrag å samanstille og vurdere moglege modellar for det regionale folkevalde nivå ut i frå tidlegare utgreiingar av regionsspørsmålet. I meldinga som regjeringa legg fram for Stortinget våren 2015 vi det bli orientert om oppfylginga av Stortingets vedtak om det regionale folkevalde nivået. Kommunalminister Jan Tore Sanner har sendt eit brev til kommunane der han oppmodar kommunane til å starte eit arbeid med å utgreie kommunereforma på kommunalt forvaltningsnivå. Brevet frå kommunalministaren vart fylgt opp av Fylkesmannen i Telemark som orientera formannskapet i Nissedal kommune om reforma. Nissedal kommune har starta sitt utgreiingsarbeid i samarbeid med dei fem andre kommunane i Vest-Telemark. Forstudiet er no ferdig og skal handsamast av kommunestyrene i alle seks kommunane i løpet av februar. Etter at kommunestyret har fatta vedtak om eventuell vidareføring til eit forprosjekt, vil forprosjekt starte opp. I løpet av forprosjektet bør kommunane lage ei intensjonsavtale eller ein intensjonsplan som legg føringar for organisering av den nye kommunen. I denne fasen bør det også gjennomførast innbyggjar involvering. Korleis innbyggjarane skal involverast og høyrast er eit spørsmål som kommunestyret sjølv må ta stilling til. Departementet vil kome med eit «skreddarsydd» opplegg primo 2015 som kan nyttas av kommunane i samband med innbyggjarhøyring. Innbyggjarinvolvering er eit tema som må handsamast gjennom til dømes folkemøte og tilgjengeliggjering av informasjon. Om prosessen i Vest-Telemark Eit formelt samarbeid om ei forstudie vart satt i gang etter vedtak i Vest-Telemarkrådet 2. september Forstudierapporten ligg no føre og kommunestyret må ta stilling til ei eventuell vidareføring til eit forprosjekt. Vest-Telemarkrådet hadde forstudien til handsaming i møtet sitt den 25. november, og gjorde slikt samrøystes vedtak: Vest-Telemarkrådet har drøfta dokumentet "Kommunereforma - Forstudie for kommunane i Vest- Telemark". Dokumentet blir lagt fram for Vest-Telemarktinget 2. desember, og sendt over til kommunane i Vest-Telemark for vedtak om eventuell deltaking i eit forprosjekt slik det går fram av kapittel 11 i forstudiet. Med utganspunkt i forstudiet i regi av Vest-Telemarkrådet bør kommunane tinge eit forprosjekt som omfattar to alternativ: Ein kommune i Vest-Telemark Oppretthalde alle kommunane, med ei forplikting om meir interkommunalt samarbeid

16 Atterhald: Dersom færre enn seks kommunar vel å delta i forprosjektet, skal saka attende til ny handsaming i kommunestyra. Forprosjektet skal sjå på sterke og veike sider ved dagens kommunestruktur og vurdere dei to alternativa i høve til den framtidige utviklinga i regionen med tanke på å utvikle eit godt tenestetilbod, syte for god rekruttering av fagfolk, gjera regionen meir attraktiv og bli ein meir slagkraftig region i Telemark og landet som heilskap. Forprosjektet skal synleggjera fordelar og ulemper for den einskilde kommune og danne grunnlag for mogleg deltaking i eit hovudprosjekt. Alternative utgreiingar: Dette forprosjektet er ikkje til hinder for at den einskilde kommune kan vere med i andre forprosjekt saman med andre kommunar. Andre alternativ innanfor regionen kan inngå i forprosjektet med finansiering gjennom Vest- Telemarkrådet. Dersom kommunane ynskjer andre alternativ utafor Vest-Telemarkregionen, er det sjølvsagt i orden, men finansierast ikkje av fellesmidlar gjennom Vest-Telemarkrådet. Organisering: Forprosjektet skal ha ei styringsgruppe beståande av ordførarane og rådmennene i dei seks kommunane, saman med ein hovudtillitsvald og eitt hovudverneombod. Styringsgruppa skal fylgje arbeidet i arbeidsgruppene, avklare prinsipielle spørsmål og ha ansvar for å utarbeide og sette i verk ein plan for å informere og få innspel frå innbyggjarane og dei tilsette. Møte i styringsgruppa kan kombinerast med møte i Vest-Telemarkrådet. Styringsgruppa vel ein rådmann til å være prosjektansvarleg (PA). Kommunale arbeidsgrupper: Ein skal opprette ei arbeidsgruppe i kvar kommune, der arbeidet vert organisert av rådmannen som også er sekretær for gruppa. Dette for å sikre politisk og kommunal medverknad og informasjon gjennom heile prosjektet. Tilrådd samansetting av arbeidsgruppene er; ein representant frå kvart parti i kommunestyret pluss hovedtillitsvalgt og hovudverneombodet i kommunen. Interkommunale arbeidsgrupper: Prosjektet skal ha faglege arbeidsgrupper som skal ha fokus på fylgjande område: Økonomi Tenester Myndigheitsutøving og overordna styring Samfunnsutvikling Demokrati Gruppene samhandler med dei kommunale gruppene, og rapporterer til styringsgruppa. Gruppene settast saman av fagpersonar frå kommunane, og bør være dei som best kan gjere greie for felta som skal utgreiast. Det er naturleg at samansettinga fastsettast av rådmennene. Oppgåver i arbeidsgruppene: Tenester Kva er sterke og svake sider ved kommunen som tjenesteyter i dag? Kva for oppgåver og utfordringar krev felles løysningar på tvers av kommunegrensene? Kva er utfordringane i høve til forventa demografisk utvikling? Kva for utfordringer har kommunene når det gjelder kompetanse, spesialisering og rekruttering?

17 Myndighetsutøving og overordna styring Skaper mangel på kapasitet og kompetanse utfordringer for myndighetsutøvinga? Har kommunen gode rutiner og systemer for myndighetsutøvelse? Hvilke utfordringer er avdekket gjennom statlige tilsyn? Korleis skal ein legge opp den overordna administrative styringa i ein ny kommune og korleis kan ein best sameine ulike organisasjonskulturar? I kva for grad er det problem med habilitet, og kva for utfordringer skaper dette? Samfunnsutvikling Korleis kan ein legge opp til ein fleirkjernestruktur i ein ny kommune? Kva for utfordringer står kommunane føre i dag med tanke på å fremje ei langsiktig og heilskapleg utvikling, både kvar for seg og for regionen som heilskap? Kva er situasjonen i kommunane når det gjelder folketalsutvikling, næringsutvikling og sysselsetting? I kor stor grad er kommunane i stand til å gjennomføre vedtak i plan og utbyggingssaker? Demokrati Korleis kan ein vitalisere det lokalpolitiske arbeidet i ein ny stor kommune eller i dei eksisterande kommunane? Korleis kan ein sikre distriktsmessig balanse i det nye kommunestyret? Korleis skal me engasjere innbyggjarane i kommunereformprosessen? Kva for politisk struktur kan ein sjå for seg i ein ny kommune og korleis skal det organiserast? Økonomi Korleis vil prognoser for framtidig demografiutvikling påverke kommuneøkonomien? Har kommunane ulik praksis når det gjeld eigedomsskatt og kommunal prissetting? Korleis skal ein handtere kraftinntektene og ulikskapen i lånegjelda? Vil ein framtidig kommune vere meir robust når det gjeld framtidige investeringar, til dømes i infrastruktur? Framdrift Kommunereformprosessen skal gjennomførast etter denne tidsplanen: Tidspunkt April 2015 Hending Oppstart av forprosjektet Våren 2015 Regjeringa tek sikte på å legge fram ei melding til Stortinget våren 2015 med forslag til nye oppgåver til robuste kommunar. September 2015 Kommuneval Mai 2016 Mai/juni 2016 Juni 2016 Våren 2017 Juni 2017 September 2017 Forprosjekt ferdig - hansaming i Vest-Telemarkrådet Handsaming av forprosjektet i kommunestyret. Vedtak om framtidig kommunestruktur Fylkesmannen oppsummert situasjonen i Telemark og kjem med tilråding til departementet Regjeringa kjem med proposisjon om ny kommunestruktur Stortinget gjer vedtak om ny kommunestruktur Stortingsval

18 Hausten 2017 Sommaren 2019 September 2019 Oppstart av hovudprosjekt Hovudprosjekt ferdig Kommuneval for evt. ny kommune 1. januar 2020 Eventuelt ny kommunestruktur vert iverksett Ressursbruk: Gjennomføring av forprosjektet innanfor fastsette rammer (også mogleg andre alternativ innanfor regionen) vert finansiert gjennom Vest-Telemarkrådet. Kommunane finansierer eigeninnsatsen i arbeidsgruppene, noko som er estimert til ca. 1/2 årsverk for kvar kommune. Oppsummering - organisering: PE: Kommunane i Vest-Telemark PA: (veljast av styringsgruppa) PL: Kjell Gunnar Heggenes, adm. VTR Styringsgruppe: Ordførarane, rådmennene, ein hovudtillitsvald og eitt hovudverneombod (14 totalt) Prosjektstart: april 2015 Prosjektslutt: mai 2016 Vurdering: Stortinget ventar av kommunane at det vert gjort eit utgreiingsarbeid slik det er tenkt i eit forprosjekt. Dette er tydelege signal frå Fylkesmannen om fleirtalet i Stortinget si meining. Rådmannen meiner at det vil vere søkt dersom Nissedal kommune held seg frå å vere med i eit forprosjekt, og på det viset trassar Stortinget. Det er snakk om å utgreie føremonar og ulemper ved to alternativ. Det ligg ikkje bindingar i noko som helst i denne utgreiingsfasen. Det er først nå forprosjektet vert lagt fram og me skal taka stilling til om me skal gå vidare i eit hovudprosjekt at vegval blir gjort. Dersom meininga blant politikarane på noverande tidspunkt er avventande, lunken eller avvisande til kommunesamanslåing, så er det jo nettopp deltaking i eit utgreiande forprosjekt som kan gje oss meir kjøt på beinet, uavhengig av ståstad. Rådmannen si tilråding: Med utgangspunkt i forstudie i regi av Vest-Telemarkrådet vedtek Nissedal kommune å tinge eit forprosjekt som omfattar to alternativ: Ein kommune i Vest-Telemark Oppretthalde alle kommunane, med ei forplikting om meir interkommunalt samarbeid Dersom færre enn seks kommunar vel å delta i forprosjektet, skal saka attende til kommunestyret for ny handsaming. Saksprotokoll i Kommunestyret Fylkesmannen v/per Dehli og VTR v/kjell Gunnar Heggenes og Hans Christian Lehmann hadde orienteringer i forkant av handsaming av saka.

19 SP v/anne-nora Oma Dahle kom med endringsforslag slik: "Nissedal kommune vil ikkje gå inn på eit forprosjekt om ein Vest-Telemark kommune. Nissedal kommune vil vere med i eit forstudie i regi av Vest-Telemarkrådet som utreder å oppretthalde alle kommunane, med ei forplikting om meir interkommunalt samarbeid. Dersom færre enn seks kommunar vel å delta i forprosjektet, skal saka attende til kommunestyret for ny handsaming." Halvor Homme bad om gruppemøte. Votering: 10 røysta for rådmannen si tilråding (AP, Krf. H), 7 røysta for SP sitt endringsforslag (SP, Frp.) Vedtak Med utgangspunkt i forstudie i regi av Vest-Telemarkrådet vedtek Nissedal kommune å tinge eit forprosjekt som omfattar to alternativ: Ein kommune i Vest-Telemark Oppretthalde alle kommunane, med ei forplikting om meir interkommunalt samarbeid Dersom færre enn seks kommunar vel å delta i forprosjektet, skal saka attende til kommunestyret for ny handsaming.